Category: dasara padagalu

dasara padagalu · MADHWA · Vidhyaprasanna thirtharu

Hu Beke huvu parimaladha

Srividya GuruprasadLeave a comment

ಹೂ ಬೇಕೆ ಹೂವು ಪರಿಮಳದ ಹೂವು | ಪ |

ಪರಮಪುರುಷ ನಮ್ಮ ಕೃಷ್ಣನ ತೋಟದ | ಅಪ |

ಮಲ್ಲಿಗೆ ಸಂಪಿಗೆ ಜಾಜಿ ಸೇವಂತಿಗೆ
ಮೊಲ್ಲೆ ಗುಲಾಬಿ ತಾವರೆ ಪಾರಿಜಾತ
ಎಲ್ಲವಿಧದ ಮನಃಕ್ಲೇಶ ಕಳೆಯುವ
ಪುಲ್ಲಲೋಚನ ನಮ್ಮ ಕೃಷ್ಣನು ಧರಿಸಿದ | ೧ |

ದಾರದಿ ಕಟ್ಟಿಲ್ಲ ಮಾರುಹಾಕುವುದಿಲ್ಲ
ಕೇರಿ ಕೇರಿಗಳಲಿ ಮಾರುವುದಿಲ್ಲ
ಭೂರಿ ಭಕುತಿಯೆಂಬೊ ಭಾರಿಯ ಬೆಲೆಗಿದ
ಮಾರೆಂದು ಪೇಳಿದ ಶೌರಿಯ ಸೊಬಗಿನ | ೨ |

ರಂಗುರಂಗುಗಳಿಂದ ಕಂಗೊಳಿಸುವ ಸ್ವಚ್ಛ
ಬಂಗಾರದ ಛವಿ ಹಂಗಿಸುವ
ಶೃಂಗಾರಸಿಂಧು ಪ್ರಸನ್ನ ಶ್ರೀಮಾಧವನ
ಅಂಘ್ರಿಯ ಸಂಗದಿ ಮಂಗಳಕರವಾದ | ೩ |

hU bEke hUvu parimaLada hUvu | pa |

paramapuruSha namma kRuShNana tOTada | apa |

mallige saMpige jAji sEvantige
molle gulAbi tAvare pArijAta
ellavidhada manaHklESa kaLeyuva
pullalOcana namma kRuShNanu dharisida | 1 |

dAradi kaTTilla mAruhAkuvudilla
kEri kErigaLali mAruvudilla
BUri BakutiyeMbo BAriya belegida
mArendu pELida Sauriya sobagina | 2 |

rangurangugaLinda kangoLisuva svacCa
bangArada Cavi hangisuva
SRungArasindhu prasanna SrImAdhavana
anGriya sangadi mangaLakaravAda | 3 |

dasara padagalu · MADHWA · pranesha dasaru

beduvaro sukavo

Srividya GuruprasadLeave a comment

This is one of my Favorite song composed by Sri Pranesha dasaru and audio version sung by Ananta Kulkarni.

You can find audio link: Click here

ಬೇಡುವರೋ ಸುಖವ ರಂಗಯ್ಯ ನಿನ್ನ
ಬೇಡುವರೋ ಸುಖವ|| ಪ ||

ಬೇಡುವರೋ ಸುಖ ಬೇಡರು ಕಷ್ಟವ
ಮಾಡಲರಿಯರಿದರುಪಾಯವ ||ಅ ಪ ||

ಕಿಟ್ಟಾ ತುಳಿದು ಒಮ್ಮನ್ಹಿಟ್ಟಾ ಬೀಸುವರು
ಕುಟ್ಟರು ರಂಗವಲ್ಲಿಯ ಕುಟ್ಟರು ರಂಗವಲ್ಲಿಯ
ಸಾಲುಸಾಲೆಮ್ಮೆಯ ಸೋಲದೆ ತೊಳೆವರು
ಸಾಲಿಗ್ರಾಮಕೆ ನೀರೆರೆಯರೊ ಜನ || 1||

ಬೀಗರೂಟಕೆ ಅನೇಕ ಭೋಗವು
ಜೋಳವು ಓಗರ ಬ್ರಾಹ್ಮರೆಲೆಯೊಳು
ಖಮ್ಮನೆ ತುಪ್ಪ ತಮ್ಮನೆಯವರಿಗೆ
ಖಮ್ಮಟು ದೇವ ಬ್ರಾಹ್ಮಣರಿಗೆ ||2 ||

ಇದ್ದ ಪದಾರ್ಥವನ್ನು ಶುದ್ಧ ಭಕುತಿಯಿಂದ
ಮಧ್ವೇಶಗರ್ಪಿಸಿ ಭುಂಜಿಸರೋ
ಕೆಟ್ಟದ್ದು ತಾವು ಮಾಡಿ ಬಿಟ್ಟೆಮ್ಮನು ಪ್ರಾಣೇಶ
ವಿಟ್ಠಲನೆಂದು ಮಿಡುಕುವರೋ ಜನ|| 3||

Bēḍuvarō sukhava raṅgayya ninna
bēḍuvarō sukhava|| pa ||

bēḍuvarō sukha bēḍaru kaṣṭava
māḍalariyaridarupāyava ||a pa ||

kiṭṭā tuḷidu om’manhiṭṭā bīsuvaru
kuṭṭaru raṅgavalliya kuṭṭaru raṅgavalliya
sālusālem’meya sōlade toḷevaru
sāligrāmake nīrereyaro jana || 1||

bīgarūṭake anēka bhōgavu
jōḷavu ōgara brāhmareleyoḷu
kham’mane tuppa tam’maneyavarige
kham’maṭu dēva brāhmaṇarige ||2 ||

idda padārthavannu śud’dha bhakutiyinda
madhvēśagarpisi bhun̄jisarō
keṭṭaddu tāvu māḍi biṭṭem’manu prāṇēśa
viṭṭhalanendu miḍukuvarō jana|| 3||

dasara padagalu · MADHWA · srida vittala

Dasara padagalu composed by Srida vittala dasaru

Srividya Guruprasad2 Comments
  1. Gopi kele ninna maga
  2. Shivane naa ninna sevakanayyaa
  3. Maataade gouri maataade
  4. Hari kathamruta saara Phala sruthi sandhi
  5. idiryaro guruve sariyaro(Vyasarayaru)
  6. Nodide Gurugala nodide(Raghuttama theertharu)
  7. raya baro ragavendra
  8. Raghavendra guru rayara sevisiro
  9. Dasara pada on Sri Sathyadharma thirtharu
  10. Dasara padagalu on Sri Jagannatha dasaru
  11. Sanga sukava bayasi badukiro
dasara padagalu · MADHWA · srida vittala

Sanga sukava bayasi badukiro

Srividya GuruprasadLeave a comment

ಸಂಗಸುಖವ ಬಯಸಿ ಬದುಕಿರೋ
ರಂಗವಲಿದ ಭಾಗವತರ || ಪ||

ಸಂಗಸುಖವ ಬಯಸಿ ಬದುಕಿ
ಭಂಗಪಡಿಪ ಭವವ ನೂಕಿ
ಹಿಂಗದೇ ನರಸಿಂಗನನ್ನು
ಕಂಗಳಿಂದ ಕಾಣುತಿಹರ ||ಅ.ಪ.||

ಪುಟ್ಟಿದಾರಭ್ಯ ಪರಮ ವೈಷ್ಣವಾಧ್ಯಕ್ಷರೆನಿಸಿ
ಶಿಷ್ಟ ಸದಾಚಾರದಲ್ಲಿ ನಿಷ್ಠರಾಗಿ ನಿತ್ಯ ಮುದ್ದು
ಕೃಷ್ಣ ಕೀರ್ತನೆಯನು ಪಾಡುತ ಕಾವ್ಯಕರ್ಮ
ಬಿಟ್ಟು ಭಕ್ತಿಯನೆ ಮಾಡುತ ಮಧ್ವಮತವ
ಪುಷ್ಟಿಗೈಸಿ ಖಳರ ಕಾಡುತ ಬಂದ ಲಾಭ
ನಷ್ಟ ತುಷ್ಟಿಗಳಿಗೆ ಒಡಂಬಟ್ಟ ಬಗೆಯ ಪೇಳಲೆಷ್ಟು ||1||

ಭೂತದಯಾಶೀಲರಾದ ನೀತ ಗುರು ಜಗ-
ನ್ನಾಥ ವಿಠಲಾಂಕಿತವನು ಪಡೆದು ಸಂಗೀತ
ವೃತ್ತ ಪದ ಸುಳಾದಿಯ ಪೇಳಿ ಪ್ರೇ-
ಮಾತಿಶಯದಿ ಒಲಿಸಿಕೊಂಡು ಮಧುವಿರೋಧಿಯ ಒಲಿಸಿಕೊಂಡ
ಜಾತರಾಗಿ ಜವನಬಾಧೆಯ ಬಯಲು ಮಾಡಿ
ಖ್ಯಾತರಾಗಿಹರು ಪುಸಿಯ ಮಾತಿದಲ್ಲ ಮರೆಯಸಲ್ಲ ||2||

ಮೇದಿನಿಯೊಳಗುಳ್ಳ ಗಂಗಾದಿತೀರ್ಥ ಸತಿಗಳಿವರ
ಕಾದುಕೊಂಡಿಹರು ಬಿಡದೆ ಸ್ವಾದಿರಾಜೇಂದ್ರರ ಪ್ರ-
ಸಾದದಿಂದ ಹರಿಕಾಥಾಮೃತ ಸಾರತತ್ವ
ಸಾಧುಜನರಿಗಾಗಿ ಪ್ರಾಕೃತ ಪದ್ಧತಿಯಲಿ
ಸಾದರದಲಿ ಪೇಳಿ ದುಷ್ಕøತ ದೂರಮಾಡಿ
ಮೋದಿಸುವರಿಗೆಣೆಗಾಣೆ ಶ್ರೀದವಿಠಲನಾಣೆ ||3||

Saṅgasukhava bayasi badukirō
raṅgavalida bhāgavatara || pa||

saṅgasukhava bayasi baduki
bhaṅgapaḍipa bhavava nūki
hiṅgadē narasiṅganannu
kaṅgaḷinda kāṇutihara ||a.Pa.||

Puṭṭidārabhya parama vaiṣṇavādhyakṣarenisi
śiṣṭa sadācāradalli niṣṭharāgi nitya muddu
kr̥ṣṇa kīrtaneyanu pāḍuta kāvyakarma
biṭṭu bhaktiyane māḍuta madhvamatava
puṣṭigaisi khaḷara kāḍuta banda lābha
naṣṭa tuṣṭigaḷige oḍambaṭṭa bageya pēḷaleṣṭu ||1||

bhūtadayāśīlarāda nīta guru jaga-
nnātha viṭhalāṅkitavanu paḍedu saṅgīta
vr̥tta pada suḷādiya pēḷi prē-
mātiśayadi olisikoṇḍu madhuvirōdhiya olisikoṇḍa
jātarāgi javanabādheya bayalu māḍi
khyātarāgiharu pusiya mātidalla mareyasalla ||2||

mēdiniyoḷaguḷḷa gaṅgāditīrtha satigaḷivara
kādukoṇḍ’̔iharu biḍade svādirājēndrara pra-
sādadinda harikāthāmr̥ta sāratatva
sādhujanarigāgi prākr̥ta pad’dhatiyali
sādaradali pēḷi duṣkaøta dūramāḍi
mōdisuvarigeṇegāṇe śrīdaviṭhalanāṇe ||3||

dasara padagalu · MADHWA · narahari thirtharu

Dasara padagalu composed by Sri Narahari thirtharu

Srividya Guruprasad1 Comment

ಎಂತು ಮರುಳಾದೆ ನಾನೆಂತು ಮರುಳಾದೆ ||ಪ||

ಎಂತು ಮರುಳಾದೆ ಭವದೊಳು ಬಳಲಿದೆ
ಸಂತತ ಪೊರೆ ರಘುಕುಲತಿಲಕ ||ಅ.ಪ||

ಮಾತಿನಲ್ಲಿ ಹರಿದಾಸನ
ನೀತಿಯಲ್ಲಿ ಪ್ರಭುದಾಸತನ
ಪ್ರೀತಿ ಧನಾದಿ ವಿಷಯದಲ್ಲಿ ನಿ
ರ್ಭೀತಿ ದೈವ ಗುರು ದ್ರೋಹದಲಿ ||೧||

ಏಕಾಂತದಲ್ಲಿ ಧನದ ಗೋಷ್ಠಿ
ಲೋಕಾಂತದಿ ವೈರಾಗ್ಯದ ಗೋಷ್ಠಿ
ಶ್ರೀಕಾಂತನ ಸೇವೆಗೆ ಅನುಮಾನ
ಭೂಕಾಂತನ ಸೇವೆಗೆ ಸುಮ್ಮಾನ ||೨||

ಧರ್ಮಕ್ಕೆ ಒಂದು ಕಾಸು ಆ
ಧರ್ಮಕ್ಕೆ ಸಾವಿರಾರು ಹೊನ್ನು
ಧರ್ಮ ಮಾಡಲು ಬೇಸರಿಕೆ ಆ
ಧರ್ಮಮಾಡಲು ಚಚ್ಚರಿಕೆ ||೩||

ಡೊಂಬನಂತೆ ಬಯಲಿಗೆ ಹರಹಿ
ಡಂಭತನಕೆ ಕರ್ಮವ ಮಾಡಿ
ಅಂಬುಜನಾಭಗೆ ದೂರಾಗಿ
ಕುಂಭೀಪಾತಕಕೆ ಗುರಿಯಾದೆ ||೪||

ಸತಿಯರ ಬೈದರೆ ನಾ ಬೈಯ್ವೆ
ಶ್ರೀಪತಿಯ ಬೈದರೆ
ಕೇಳುತ ನಗುವೆ
ಮತಿಗೆಟ್ಟು ವಿಷಯಲಂಪಟನಾಗಿ ||೫||

ಯಾರಿಗಾಗಿ ಧಾವತಿ ಪಡುವೆ ಇ
ನ್ನಾರಿಗೆ ಒಡವೆಯ ಬಚ್ಚಿಡುವೆ
ನಾರಿ ಪುತ್ರ ಮಿತ್ರಾದಿಗಳು
ಯಾರೂ ಬಾರರೊ ಸಂಗಡದಿ ||೬||

ಭಜಿಸು ಬ್ರಹ್ಮಾದಿ ವಂದಿತ ಹರಿಯ
ತ್ಯಜಿಸು ಕಾಮಾದಿ ದುರ್ವಿಷಯ
ಸುಜನವಂದಿತನಾದ ನರಹರಿಯ
ಭಜಿಸು ಶ್ರೀಶ ಶ್ರೀ ರಘುಪತಿಯ ||೭||

entu maruLAde nAneMntu maruLAde ||pa||

entu maruLAde BavadoLu baLalide
santata pore raGukulatilaka ||a.pa||

mAtinalli haridAsana
nItiyalli praBudAsatana
prIti dhanAdi viShayadalli ni
rBIti daiva guru drOhadali ||1||

EkAntadalli dhanada gOShThi
lOkAntadi vairAgyada gOShThi
SrIkAntana sEvege anumAna
BUkAntana sEvege summAna ||2||

dharmakke oMdu kAsu A
dharmakke sAvirAru honnu
dharma mADalu bEsarike A
dharmamADalu caccarike ||3||

DoMbanante bayalige harahi
DaMBatanake karmava mADi
aMbujanABage dUrAgi
kuMBIpAtakake guriyAde ||4||

satiyara baidare nA baiyve
SrIpatiya baidare
kELuta naguve
matigeTTu viShayalaMpaTanAgi ||5||

yArigAgi dhAvati paDuve i
nnArige oDaveya bacciDuve
nAri putra mitrAdigaLu
yArU bAraro sangaDadi ||6||

Bajisu brahmAdi vaMdita hariya
tyajisu kAmAdi durviShaya
sujanavanditanAda narahariya
Bajisu SrISa SrI raGupatiya ||7||

ಹರಿಯೇ ಇದು ಸರಿಯೇ
ಚರಣಸೇವಕನಲ್ಲಿ ಕರುಣೆ ಬಾರದ್ಯಾಕೆ ||ಪ||

ಪತಿತನೆಂದು ಶ್ರೀಪತಿ ರಕ್ಷಿಸದಿರೆ
ವಿತತವಾಹುದೆ ನಿನ್ನ ಪತಿತಪಾವನ ಕೀರ್ತಿ? ||೧||

ಶಕ್ತ ನೀನಾಗಿದ್ದು ಭಕ್ತನುಪೇಕ್ಷಿಸೆ
ಭಕ್ತವತ್ಸಲ ನಾಮ ವ್ಯರ್ಥವಾಗದೆ? ||೨||

ದಿಗಿಲಿಲ್ಲದೆ ಒದ್ದ ಭೃಗುವ ಪಾಲಿಸಿದೆ
ನಗಧರ ಎನ್ನ ಬಿಡುವ ಬಗೆ ಏನಿದು? ||೩||

ಹೇಯ ಅಜಾಮಿಳನ ಕಾಯಲಿಲ್ಲೆ ಸ್ವ
ಕೀಯನೆ ನಾ ಪರಕೀಯನೆ ನಿನಗೆ? ||೪||

ಉಂಟು ಹಿರಣ್ಯಕನ ಕಂಟಕ ಬಿಡಿಸಿದ್ದು
ನಂಟನೆ ನಿನಗೆ ಬಂಟ ನಾನಲ್ಲವೆ? ||೫||

ಕೆಟ್ಟ ಅಹಲ್ಯೆಯ ದಿಟ್ಟ ಪಾಲಿಸಿದೆ
ಕೊಟ್ಟಳು ಅವಳೇನ ಬಿಟ್ಟದ್ದು ನಾನೇನ? ||೬||

ದೊರೆ ನಿನ್ನ ಮನಸಿಗೆ ಸರಿಬಂದಂತೆ ಮಾಡು
ಮೊರೆಹೊಕ್ಕೆನು ನಾ ನರಹರಿಪೂರ್ಣನೆ ||೭||

hariyE idu sariyE
caraNasEvakanalli karuNe bAradyAke ||pa||

patitaneMdu SrIpati rakShisadire
vitatavAhude ninna patitapAvana kIrti? ||1||

Sakta nInAgiddu BaktanupEkShise
Baktavatsala nAma vyarthavAgade? ||2||

digilillade odda BRuguva pAliside
nagadhara enna biDuva bage Enidu? ||3||

hEya ajAmiLana kAyalille sva
kIyane nA parakIyane ninage? ||4||

unTu hiraNyakana kanTaka biDisiddu
nanTane ninage banTa nAnallave? ||5||

keTTa ahalyeya diTTa pAliside
koTTaLu avaLEna biTTaddu nAnEna? ||6||

dore ninna manasige saribandante mADu
morehokkenu nA naraharipUrNane ||7||

dasara padagalu · krishna · MADHWA · Vidhyaprasanna thirtharu

Muraliya naadhava keli

Srividya GuruprasadLeave a comment

ಮುರಳಿಯ ನಾದವ ಕೇಳಿ ಬನ್ನಿರಿ ||ಪ||

ಮುರಳಿಯ ನಾದವ ಕೇಳಿ ||ಅ.ಪ||

ಮದುರಾನಾಥನು ಮುರಳಿಯನೂದಲು
ಸುರಿವುದಾನಂದಜಲ ನಯನದಲಿ ||1||

ಕಂಗೊಳಿಸುವ ಬೆಳದಿಂಗಳ ಸೊಬಗಿನಲಿ
ತಂಗಾಳಿಯ ಸುಖದಿ ಶ್ರೀರಂಗನ|| 2||

ಶ್ಯಾಮಲಾಂಗನು ತನ್ನ ಕೋಮಲ ಕರದಲಿ
ಆ ಮುರಳಿಯ ಪಿಡಿಯೆ ಹೃದಯದಲಿ
ಪ್ರೇಮವು ತುಂಬುವುದು ||3||

ಪಂಚಬಾಣನ ಪಿತ ಮುರಳಿಯ ಮಧುರಸ
ಹಂಚಲೆಮಗೆ ರೋಮಾಂಚವಾಗುವುದು ||4||

ರಜನೀಕಾಂತನ ಕುಲದಲಿ ಜನಿಸಿ
ವ್ರಜಜನಗಳಿಗಧಿಕ ಪ್ರಸನ್ನನ ||5||

muraLiya nAdava kELi banniri ||pa||

muraLiya nAdava kELi ||a.pa||

madurAnAthanu muraLiyanUdalu
surivudAnandajala nayanadali ||1||

kangoLisuva beLadingaLa sobaginali
tangALiya suKadi SrIrangana|| 2||

SyAmalAnganu tanna kOmala karadali
A muraLiya piDiye hRudayadali
prEmavu tuMbuvudu ||3||

pancabANana pita muraLiya madhurasa
hancalemage rOmAncavAguvudu ||4||

rajanIkAntana kuladali janisi
vrajajanagaLigadhika prasannana ||5||

dasara padagalu · krishna · MADHWA · Vidhyaprasanna thirtharu

Entha punya Entha bhagya

Srividya GuruprasadLeave a comment

ಎಂಥಾ ಪುಣ್ಯ ಎಂಥಾ ಭಾಗ್ಯ ||ಪ||

ಕಂತು ಜನಕ ಶ್ರೀಕಾಂತನ ದರುಶನ ||ಅ.ಪ||

ಜಗಜಗಿಸುವ ದಿವ್ಯಾಭರಣಂಗಳ
ಸೊಗಸಿಲಿ ಧರಿಸುತ ನಗುವನ ದರುಶನ ||1||

ಹೇರು ಫಲಗಳನು ಸೂರೆಯ ಮಾಡುವ
ಚಾರುವದನ ನಮ್ಮ ಶೌರಿಯ ದರುಶನ|| 2||

ದೇಶ ತಿರುಗಿ ಆಯಾಸವೇತಕೆ
ಶ್ರೀಶ ಪ್ರಸನ್ನ ಶ್ರೀ ಕೃಷ್ಣನ ದರುಶನ ||3||

enthA puNya enthA BAgya ||pa||

kantu janaka SrIkAntana daruSana ||a.pa||

jagajagisuva divyABaraNangaLa
sogasili dharisuta naguvana daruSana ||1||

hEru PalagaLanu sUreya mADuva
cAruvadana namma Sauriya daruSana|| 2||

dESa tirugi AyAsavEtake
SrISa prasanna SrI kRuShNana daruSana ||3||