ಆದದ್ದಾಯ್ತಿನ್ನಾದರು ಒಳ್ಳೆ
ಹಾದಿ ಹಿಡಿಯೊ ಪ್ರಾಣಿ
ಈ ದುರ್ನಡತಿಂದೋದರಿಹಪರದಿ
ಮೋದೆಂದಿಗು ಕಾಣೆ | ಪ |
ನೆಲಾಸತಿ ಧನದೊಳನಾವರತ
ಹುಳಾಗಿ ಇರುವೆಲ್ಲೊ
ಹಲಾಪಿಡಿದು ವಿಧಿ ಕುಲಾಚರಣೇ ಬಿಡೆ-
ಪಲಾ ತರುವರಲ್ಲೊ
ಸ್ಥಳಾಸ್ಥಳರಿಯದೆ ಕಲಾಪಮಾಡ್ಯಘ-
ಕೊಳಾಗುವುದು ಸಲ್ಲೊ
ಎಲೆ ಕೇಳುವಂತಿಲಾಮಾತ್ರ ನೀ
ಗೆಲಾಹ ಬಗೆ ಇಲ್ಲೊ | ೧ |
ಶಿಲಾದಿವಿಗ್ರಹ ಥಳಾಸೆ ಹರಿಯಂ
ಬೆಲಾ ಕೇವಲ ಸುಳ್ಳೊ
ಚಲಾ ಪ್ರತಿಮಿ ಪದಗಳಾರ್ಚಿಸದಲೆ
ಮಲಾ ತಿನುತಿಹೆಲ್ಲೊ
ಕಳಾವಿಡಿದರೆ ಅನಿಳಾನ ಹರಿಮನೆ
ಮೊಳಾಗಿಹದಲ್ಲೊ
ನಳಾ ಭರತ ಮುಖ ಇಳಾಣ್ಮರಂದದಿ
ಭಲಾಯೆನಿಸಲಿಲ್ಲೊ | ೨ |
ಬಿಲಾಸೇರಿ ತಲಕೆಳಕಾಗಿ ತಪಿಸಲು
ಫಲಾಲೇಸಿನಿತಿಲ್ಲೊ
ಖಳಾರಿ ದಿನ ಬಿಂದ್ಜಲಾಕೊಳ್ಳೆನೆಂದು
ಛಲಾ ಮಾಡಲಿಲ್ಲೊ
ಬಲಾದರದಂಲಿಂ ತುಲಾದಿ ಸ್ನಾನ ಮೊ
ದಲಾದ ವ್ರತವಲ್ಲೊ
ಬಲಾರಿನುತ ಪ್ರಾಣೇಶವಿಠ್ಠಲನ
ಬಲಾ ಗಳಿಸಿಕೊಳ್ಳೊ | ೩ |
AdaddAytinnAdaru oLLe
hAdi hiDiyo prANi
I durnaDatindOdarihaparadi
mOdeMdigu kANe | pa |
nelAsati dhanadoLanAvarata
huLAgi iruvello
halApiDidu vidhi kulAcaraNE biDe-
palA taruvarallo
sthaLAsthaLariyade kalApamADyaGa-
koLAguvudu sallo
ele kELuvnilAmAtra nI
gelAha bage illo | 1 |
SilAdivigraha thaLAse hariyaM
belA kEvala suLLo
calA pratimi padagaLArcisadale
malA tinutihello
kaLAviDidare aniLAna harimane
moLAgihadallo
naLA Barata muKa iLANmaraMdadi
BalAyenisalillo | 2 |
bilAsEri talakeLakAgi tapisalu
PalAlEsinitillo
KaLAri dina bindjalAkoLLenendu
CalA mADalillo
balAdaradaMliM tulAdi snAna mo
dalAda vratavallo
balArinuta prANESaviThThalana
balA gaLisikoLLo | 3 |
Madhwa 