MADHWA · Mahalakshmi · vishnu theertharu

Ramaa sthothram(Madanur Sri Vishnu thirtharu)

ಯಯೈವೇದಂ ಸಚ್ಚಿನ್ನಿರುಪಮನಿಜಾನಂದನಿರತಂ
ಪರಬ್ರಹ್ಮಾಪಾದೌ ಗುಣಸಮತನೂರಾಪ್ಯ ಸೃಜತಿ|
ಅವತ್ಯತ್ತಿ ಪ್ರೇಷ್ಟಾನ್ ಪದಮಪಿನಯತ್ಯಸ್ತವಿಪದಃ
ಪರಬ್ರಹ್ಮಾಣೀ ಸಾ ನನು ವಿಜಯತೇ ಮದ್ಧೃದಿ ಸದಾ||೧||

ಭವಾನೀ ವಾಣೀ ವಾ ಜಲಧಿತನಯಾ ವಾ ಸ್ವಹೃದಯೇ-
ಷ್ವಚಿಂತ್ಯಾಂ ಯನ್ಮೂರ್ತಿಂ ಸತತಮನುಚಿಂತ್ಯಾಪುರಧಿಕಮ್|
ಸುರಸ್ತ್ರೀಷು ಶ್ಲಾಘ್ಯಂ ದಿವಿ ಭುವಿ ಚ ಸೌಂದರ್ಯಸುಫಲಂ
ಪರಬ್ರಹ್ಮಾಣೀ ಸಾ ನನು ವಿಜಯತೇ ಮದ್ಧೃದಿ ಸದಾ||೨||

ಅನಿರ್ವಾಚ್ಯಾ ವಾಚ್ಯಾಽಪ್ಯಖಿಲನಿಗಮಸ್ಥೈಃ ಶ್ರು(ಸ್ಮೃ)ತಿಗತೈ-
ರ್ವಚೋಭಿಸ್ತಾತ್ಪರ್ಯಾತ್ಸಹ ಸದಿತಿಹಾಸಂ ಪುನರಪಿ|
ಅನುಲ್ಲಂಘ್ಯಾ ಲಂಘ್ಯಾಪ್ಯಥ ನಿಜಮುದಾ ಯಾ ಸುಮನಸಾಂ|
ಪರಬ್ರಹ್ಮಾಣೀ ಸಾ ನನು ವಿಜಯತೇ ಮದ್ಧೃದಿ ಸದಾ||೩||

ಯಯಾಽಮುಕ್ತೋ ಮುಕ್ತೋ ಭವತಿ ವಿಪರೀತಂ ಚ ಭವತಿ
ಯಯಾಽಪ್ರೇಯೋ ಪ್ರೇಯೋ ಭವತಿ ವಿಪರೀತಂ ಚ ಭವತಿ|
ಯಯಾಽಹೇಯಂ ಹೇಯಂ ಭವತಿ ವಿಪರೀತಂ ಚ ಭವತಿ
ಪರಬ್ರಹ್ಮಾಣೀ ಸಾ ನನು ವಿಜಯತೇ ಮದ್ಧೃದಿ ಸದಾ||೪||

ಯಯಾ ಮಾತಾ ಮಾತಾ ಭವತಿ ವಿಪರೀತಂ ಚ ಭವತಿ
ಯಯಾಽತಾತಸ್ತಾತೋ ಭವತಿ ವಿಪರೀತಂ ಚ ಭವತಿ|
ಯಯಾಽಭ್ರಾತಾ ಭ್ರಾತಾ ಭವತಿ ವಿಪರೀತಂ ಚ ಭವತಿ
ಪರಬ್ರಹ್ಮಾಣೀ ಸಾ ನನು ವಿಜಯತೇ ಮದ್ಧೃದಿ ಸದಾ||೫||

ಯಯಾಽಜಾಯಾ ಜಾಯಾ ಭವತಿ ವಿಪರೀತಂ ಚ ಭವತಿ
ಯಯಾಽಪುತ್ರಃ ಪುತ್ರೋ ಭವತಿ ವಿಪರೀತಂ ಚ ಭವತಿ
ಯಯಾಽನಪ್ತಾ ನಪ್ತಾ ಭವತಿ ವಿಪರೀತಂ ಚ ಭವತಿ
ಪರಬ್ರಹ್ಮಾಣೀ ಸಾ ನನು ವಿಜಯತೇ ಮದ್ಧೃದಿ ಸದಾ||೬||

ಯಯಾಽರಾಜಾ ರಾಜಾ ಭವತಿ ವಿಪರೀತಂ ಚ ಭವತಿ
ಯಯಾಽಭೃತ್ಯೋ ಭೃತ್ಯೋ ಭವತಿ ವಿಪರೀತಂ ಚ ಭವತಿ
ಯಯಾಽಕಾರ್ಯಂ ಕಾರ್ಯಂ ಭವತಿ ವಿಪರೀತಂ ಚ ಭವತಿ
ಪರಬ್ರಹ್ಮಾಣೀ ಸಾ ನನು ವಿಜಯತೇ ಮದ್ಧೃದಿ ಸದಾ||೭||

ಯಯಾಽಶ್ಲಾಘ್ಯಃ ಶ್ಲಾಘ್ಯೋ ಭವತಿ ವಿಪರೀತಂ ಚ ಭವತಿ
ಯಯಾಽವಂದ್ಯೋ ವಂದ್ಯೋ ಭವತಿ ವಿಪರೀತಂ ಚ ಭವತಿ|
ಯಯಾಽವಕ್ತಾ ವಕ್ತಾ ಭವತಿ ವಿಪರೀತಂ ಚ ಭವತಿ|
ಪರಬ್ರಹ್ಮಾಣೀ ಸಾ ನನು ವಿಜಯತೇ ಮದ್ಧೃದಿ ಸದಾ||೮||

ಯಯಾಽವಿಪ್ರೋ ವಿಪ್ರೋ ಭವತಿ ವಿಪರೀತಂ ಚ ಭವತಿ
ಯಯಾಽಜಾಪ್ಯಂ ಜಾಪ್ಯಂ ಭವತಿ ವಿಪರೀತಂ ಚ ಭವತಿ
ಯಯಾಽಸಾಧ್ಯಂ ಸಾಧ್ಯಂ ಭವತಿ ವಿಪರೀತಂ ಚ ಭವತಿ
ಪರಬ್ರಹ್ಮಾಣೀ ಸಾ ನನು ವಿಜಯತೇ ಮದ್ಧೃದಿ ಸದಾ||೯||

ಯಯಾಽಪಥ್ಯಂ ಪಥ್ಯಂ ಭವತಿ ವಿಪರೀತಂ ಚ ಭವತಿ
ಯಯಾಽಜ್ಞಾತಂ ಜ್ಞಾತಂ ಭವತಿ ವಿಪರೀತಂ ಚ ಭವತಿ
ಯಯಾಽರಕ್ಷ್ಯಂ ರಕ್ಷ್ಯಂ ಭವತಿ ವಿಪರೀತಂ ಚ ಭವತಿ
ಪರಬ್ರಹ್ಮಾಣೀ ಸಾ ನನು ವಿಜಯತೇ ಮದ್ಧೃದಿ ಸದಾ||೧೦||

ಯಯಾಽಬಂಧುರ್ಬಂಧುರ್ಭವತಿ ವಿಪರೀತಂ ಚ ಭವತಿ
ಯಯಾಽಹಂತಾ ಹಂತಾ ಭವತಿ ವಿಪರೀತಂ ಚ ಭವತಿ
ಯಯಾಽಧರ್ಮೋ ಧರ್ಮೋ ಭವತಿ ವಿಪರೀತಂ ಚ ಭವತಿ
ಪರಬ್ರಹ್ಮಾಣೀ ಸಾ ನನು ವಿಜಯತೇ ಮದ್ಧೃದಿ ಸದಾ||೧೧||

ಜನೋ ಯಾಂ ಪ್ರತ್ಯೂಹೇ ಜನನಸಮಯೇಽಥಾಪಿ ವಿಪದಿ
ಸ್ಮರತ್ಯದ್ಧಾ ನಾಶೇ ನನು ಖಲು ತತೋಽನ್ಯತ್ರ ಸಮಯೇ|
ಸ್ಮೃತಾ ಯಾ ಸಂತಾಪಂ ಹರತಿ ಚ ಮುದೈವಾಶು ಪರಯಾ
ಪರಬ್ರಹ್ಮಾಣೀ ಸಾ ನನು ವಿಜಯತೇ ಮದ್ಧೃದಿ ಸದಾ||೧೨||

ಬಹೂಕ್ತ್ಯಾ ಕಿಂ ಸ್ಯಾದ್ಯಾಽಘಟಿತಘಟನಾಯಾಂ ಪಟುತರಾ
ಮಹಾಮಾಯಾ ಮೋಹಿನ್ಯಖಿಲಜನತಾಸ್ತ್ರಿಜಗತಿ
ನಿಮೇಷೋನ್ಮೇಷಾದ್ಯಂ ಭವತಿ ಚ ಯಯಾ ಬ್ರಹ್ಮಕಲಯಾ
ಪರಬ್ರಹ್ಮಾಣೀ ಸಾ ನನು ವಿಜಯತೇ ಮದ್ಧೃದಿ ಸದಾ||೧೩||

ಅಟತು ವಿವಿಧದೇಶಂ ಸರ್ವದಾ ಸಪ್ರಯಾಸಂ
ಪಠತು ನಿಖಿಲವೇದಾನ್ ಸಾಂಗಕಾನ್ನಿತ್ಯಮೇವ|
ಲುಠತು ಸಕಲದೇವಾನಾಂ ಪುರಃಪಾಂಸುಮಧ್ಯೇ
ಪಟಲವಿಘಟನಂ ಸ್ಯಾತ್ತಾಂ ವಿನಾ ನೈವ ಜಂತೋಃ||೧೪||

ಇತಿ ದೇವೀಸ್ತವಂ ಪುಣ್ಯಂ ಸರ್ವಪಾಪಪ್ರಣಾಶನಮ್|
ಯಃ ಪಠೇತ್ ಶ್ರುಣುಯಾದ್ವಾಪಿ ಸ ಮುಕ್ತೋ ನಾತ್ರ ಸಂಶಯಃ||೧೫||

yayaivEdaM saccinnirupamanijAnandanirataM
parabrahmApAdau guNasamatanUrApya sRujati|
avatyatti prEShTAn padamapinayatyastavipadaH
parabrahmANI sA nanu vijayatE maddhRudi sadA||1||

BavAnI vANI vA jaladhitanayA vA svahRudayE-
ShvaciMtyAM yanmUrtiM satatamanuciMtyApuradhikam|
surastrIShu SlAGyaM divi Buvi ca sauMdaryasuPalaM
parabrahmANI sA nanu vijayatE maddhRudi sadA||2||

anirvAcyA vAcyA&pyaKilanigamasthaiH Sru(smRu)tigatai-
rvacOBistAtparyAtsaha saditihAsaM punarapi|
anullanGyA lanGyApyatha nijamudA yA sumanasAM|
parabrahmANI sA nanu vijayatE maddhRudi sadA||3||

yayA&muktO muktO Bavati viparItaM ca Bavati
yayA&prEyO prEyO Bavati viparItaM ca Bavati|
yayA&hEyaM hEyaM Bavati viparItaM ca Bavati
parabrahmANI sA nanu vijayatE maddhRudi sadA||4||

yayA mAtA mAtA Bavati viparItaM ca Bavati
yayA&tAtastAtO Bavati viparItaM ca Bavati|
yayA&BrAtA BrAtA Bavati viparItaM ca Bavati
parabrahmANI sA nanu vijayatE maddhRudi sadA||5||

yayA&jAyA jAyA Bavati viparItaM ca Bavati
yayA&putraH putrO Bavati viparItaM ca Bavati
yayA&naptA naptA Bavati viparItaM ca Bavati
parabrahmANI sA nanu vijayatE maddhRudi sadA||6||

yayA&rAjA rAjA Bavati viparItaM ca Bavati
yayA&BRutyO BRutyO Bavati viparItaM ca Bavati
yayA&kAryaM kAryaM Bavati viparItaM ca Bavati
parabrahmANI sA nanu vijayatE maddhRudi sadA||7||

yayA&SlAGyaH SlAGyO Bavati viparItaM ca Bavati
yayA&vaMdyO vaMdyO Bavati viparItaM ca Bavati|
yayA&vaktA vaktA Bavati viparItaM ca Bavati|
parabrahmANI sA nanu vijayatE maddhRudi sadA||8||

yayA&viprO viprO Bavati viparItaM ca Bavati
yayA&jApyaM jApyaM Bavati viparItaM ca Bavati
yayA&sAdhyaM sAdhyaM Bavati viparItaM ca Bavati
parabrahmANI sA nanu vijayatE maddhRudi sadA||9||

yayA&pathyaM pathyaM Bavati viparItaM ca Bavati
yayA&j~jAtaM j~jAtaM Bavati viparItaM ca Bavati
yayA&rakShyaM rakShyaM Bavati viparItaM ca Bavati
parabrahmANI sA nanu vijayatE maddhRudi sadA||10||

yayA&baMdhurbaMdhurBavati viparItaM ca Bavati
yayA&haMtA haMtA Bavati viparItaM ca Bavati
yayA&dharmO dharmO Bavati viparItaM ca Bavati
parabrahmANI sA nanu vijayatE maddhRudi sadA||11||

janO yAM pratyUhE jananasamayE&thApi vipadi
smaratyaddhA nASE nanu Kalu tatO&nyatra samayE|
smRutA yA saMtApaM harati ca mudaivASu parayA
parabrahmANI sA nanu vijayatE maddhRudi sadA||12||

bahUktyA kiM syAdyA&GaTitaGaTanAyAM paTutarA
mahAmAyA mOhinyaKilajanatAstrijagati
nimEShOnmEShAdyaM Bavati ca yayA brahmakalayA
parabrahmANI sA nanu vijayatE maddhRudi sadA||13||

aTatu vividhadESaM sarvadA saprayAsaM
paThatu niKilavEdAn sAMgakAnnityamEva|
luThatu sakaladEvAnAM puraHpAMsumadhyE
paTalaviGaTanaM syAttAM vinA naiva jaMtOH||14||

iti dEvIstavaM puNyaM sarvapApapraNASanam|
yaH paThEt SruNuyAdvApi sa muktO nAtra saMSayaH||15||

 

 

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s