Category: Vijaya dasaru

dasara padagalu · MADHWA · siva · Vijaya dasaru

Pampapuradipa sri Virupaksha

Srividya Guruprasad2 Comments

ಪಂಪಾಪುರಾಧಿಪ ಶ್ರೀ ವಿರೂಪಾಕ್ಷ ನೀ ಪಾಲಿಪುದೆಮ್ಮನು ||pa||

ಶ್ವೇತ ಭಾಪುರೆ ಸುರಕುಲ ದೀಪ ಸದಾಶಿವ
ಪಾದ ಸಮೀಪದ ಸೇವಕ ||a.pa||

ಹರಿಪಾದೋದಕ ಶಿರದಲಿ ಧರಿಸಿದ
ಹರಿಕಥಾಮೃತ ಮಳೆಗರೆವೆ ನೀ
ಕರುಣಿ ಸಂಕರುಷಣನ ಚರಣಾಬ್ಜ ಧೂಳಿ ಶ-
ರೀರ ಲೇಪನದಿಂದ ವರ ತೇಜಯುತನೆ
ಮುರಹರಗೆರಗದ ನರನಿಗೆ ನರಕವು
ಸ್ಥಿರವೆಂದು ಸುರವರ ಭೇರಿ ಭೋರಿಡುತಿರೆ
ನಿರುತ ಅವನ ಪದ ಮೆರೆಯದೆ ಮನಗೊಂಡೆ
ಶರಣು ಅಮರನುತ ಗುರು ಶಿರೋಮಣಿಯೆ||1||

ದೇಶಕ್ಕೆ ದಕ್ಷಿಣ ಕಾಳಿಯೆನಿಸುವ ವಿ-
ಶೇಷ ಸ್ಥಳದೊಳು ವಾಸವಾಗಿ ಅ-
ದೋಷನಾಶನ ಸಂತೋಷದಿ ಗಿರಿಜೆಗೆ
ಶ್ರೀಶನ ಮಂತ್ರೋಪದೇಶವ ಮಾಡಿದೆ
ದಾಶರಥಿಯ ನಿಜದಾಸರೆನಿಸುವರ
ಪೋಷಿಪೆ ಶಿವ ಪರಮೇಶ ಕೃಪಾಳೊ ||2||

ಕಂದುಗೊರಳ ಜೀಯ ಸಿಂಧೂರ ಮೊಗನಯ್ಯ
ಕಂದರ್ಪಹರ ಭಕ್ತಬಾಂಧವ ಕಾಯೊ
ಇಂದಿರೆರಮಣ ಗೋವಿಂದನ ಪಾದಾರ-
ವಿಂದ ಭೃಂಗನೆ ಭವದಿಂದ ಕಡೆಗೆ ಮಾಡೊ
ನಂದಿವಾಹನ ಎನ್ನ ಹಿಂದಣ ಕಲುಷಿತ
ವೃಂದಗಳೋಡಿಸುವ ಇಂದುಧರ ಅರ-
ಸಿರಿ ವಿಜಯವಿಠ್ಠಲನಕುಂದದೆ ಭಜಿಪ ಆನಂದವ ಕರುಣಿಸು ||3||

paMpApurAdhipa SrI virUpAkSha nI pAlipudemmanu ||pa||

SvEta BApure surakula dIpa sadASiva
pAda samIpada sEvaka ||a.pa||

haripAdOdaka Siradali dharisida
harikathAmRuta maLegareve nI
karuNi sankaruShaNana caraNAbja dhULi Sa-
rIra lEpanadinda vara tEjayutane
muraharageragada naranige narakavu
sthiravendu suravara BEri BOriDutire
niruta avana pada mereyade managonDe
SaraNu amaranuta guru SirOmaNiye||1||

dESakke dakShiNa kALiyenisuva vi-
SESha sthaLadoLu vAsavAgi a-
dOShanASana santOShadi girijege
SrISana mantrOpadESava mADide
dASarathiya nijadAsarenisuvara
pOShipe Siva paramESa kRupALo ||2||

kandugoraLa jIya sindhUra moganayya
kandarpahara BaktabAndhava kAyo
indireramaNa gOvindana pAdAra-
vinda BRungane Bavadinda kaDege mADo
nandivAhana enna hindaNa kaluShita
vRundagaLODisuva indudhara ara-
siri vijayaviThThalanakundade
Bajipa Anandava karuNisu ||3||

dasara padagalu · MADHWA · parampara · Vijaya dasaru

santarana smarisi janaru

Srividya Guruprasad2 Comments

ಸಂತರನ ಸ್ಮರಿಸಿ ಜನರು
ಸಂತರನ ಸ್ಮರಿಸಿ ಜನ ನಿಂತಲ್ಲಿ ಕುಳಿತಲ್ಲಿ
ಇಂತೆಂತು ಸದ್ಧರ್ಮ ಚರಿಸುವ ಕಾಲಕ್ಕೆ
ಅಂತರಂಗದಲಿದ್ದು ಚಿಂತೆಯನು ಬಿಟ್ಟು ಸಿರಿ
ಕುಂತುಪಿತನೊಲಿಮೆಯಿಂದ ||pa||

ವ್ಯಾಸ ಶಿಷ್ಯರಾದ ಗುರುಮಧ್ವ ಮುನಿರಾಯ
ಲೇಸು ಪಂಕಜನಾಭ ನರಹರಿ ಮಾಧವ ಮು
ನೇಶ ಅಕ್ಷೋಭ್ಯ ಜಯರಾಯ ವಿದ್ಯಾಧಿರಾಜ
ಪೋಷಿತ ಕವೇಂದ್ರತೀರ್ಥರಾ
ನ್ಯಾಶಿ ವಾಗೀಶ ಯತಿ ರಾಮಚಂದ್ರ ನಂದ
ಭಾಸುರ ವಿದ್ಯಾನಿಧಿ ರಘುನಾಥ ರಘುವರ್ಯ
ಭೂಷಣ ಮತಕೆ ರಘೋತ್ತಮ ನಿಧಿವೇದ
ವ್ಯಾಸ ವಿದ್ಯಾಧೀಶರೂ ||1||

ವೇದಮುನಿ ಸತ್ಯವ್ರತ ಸತ್ಯನಿಧಿ ರಾಯ
ಬೋಧ ಮೂರುತಿ ಸತ್ಯನಾಥ ಸತ್ಯಾಭಿನವ
ಕ್ರೋಧ ಜಯ ಸತ್ಯಪೂರ್ಣ ಸತ್ಯ ವಿಜಯ ವಿ
ನೋದ ಸತ್ಯಪ್ರಿಯರೂ
ಭೇದಾರ್ಥ ಬಲ್ಲ ವಿಭುಧೇಂದ್ರ ರಘುತನಯ ಸ
ಮ್ಮೋದ ಜಿತಾಮಿತ್ರ ತೀರ್ಥ ಮುನಿಪ ಸುರೇಂದ್ರ
ವಾದಿ ಎದೆ ಶೂಲ ವಿಜಯೀಂದ್ರ ಸುಧಿಯೀಂದ್ರ ಹ
ಲ್ಲಾದ ರಾಘವೇಂದ್ರರು ||2||

ಯೋಗೆಂದ್ರ ಭೂಸುರೇಂದ್ರ ಸುಮತೀಂದ್ರ ಉಪೇಂದ್ರ
ಯೋಗಿ ಶ್ರೀಪಾದರಾಯರ ಪೀ
ಳಿಗೆಯ ಅತಿ ಸಾಧನವು ವ್ಯಾಸರಾಯರ ಪಾರಂಪರಿಯವ ಲೇ
ಸಾಗಿ ಎಣಿಸಿ ಕೊಂಡಾಡಿ
ಆಗಮನುಕೂಲ ಮಧ್ವ ಶಾಸ್ತ್ರವನುಸರಿಸಿ
ವೇಗದಿಂದಲಿ ಮಹಸಂತರಿಗೆ ಶಿರ
ವಾಗಿ ಭವದಿಂದ ಕಡೆ ಬಿದ್ದು ಮುಕ್ತಿಗೆ ಪೋದ
ಭಾಗವತ ಜನರ ನಿತ್ಯ ||3||

ಕ್ಷೇತ್ರ ಸರೋವರ ನದಿ ಮಿಗಿಲಾದ ದೇಶದಲಿ
ಪಾತ್ರರಾಗಿದ್ದು ವರ್ಣೋಚಿತ ಧರ್ಮವನು
ಗಾತ್ರ್ರದಂಡಿಸಿ ಮಾಡಿ ಹರಿಯ ಮೆಚ್ಚಿಸುವ ಪಾ
ರತ್ರಯವನೇ ಬಯಸುವ
ಪುತ್ರ ಪೌತ್ರರ ಕೂಡಿ ಜ್ಞಾನ ದಲಿ ಇಪ್ಪ ಚ
ರಿತ್ರಾರಾ ಮಹಿಮೆ ಕೊಂಡಾಡಿದವರ ವಿ
ಚಿತ್ರವನು ಪೊಗಳುವ ದಾಸದಾಸಿಯರ ಪದ
ಸ್ತೋತ್ರ ಮಾಡಿರೋ ಆವಾಗ ||4||

ಉದಯಕಾಲದಲೆದ್ದು ಸಂತನ ಮಾಲಿಕೆಯನ್ನು
ಮೃದು ಪಂಚರತ್ನದಲಿ ನಿರ್ಮಿತವಾಗಿದೆ
ಸದಮಲರು ಪೇಳಿ ಸಂತೋಷದಲಿ ಕೇಳಿ ಕೊರಲೊಳಗೆ
ಪದರೂಪದಲ್ಲಿ ಧರಿಸಿ
ಮದ ಮತ್ಸರವು ಪೋಗಿ ವೈರಾಗ್ಯದಲಿ ಸಾರ
ಹೃದಯರ ಬಳಿ ಸೇರಿ ಜ್ಞಾನ ಸಂಪಾದಿಸಿ
ಪದೋಪದಿಗೆ ವಿಜಯವಿಠ್ಠಲನ ನಾಮಾಮೃತವ
ವದನದಿಂದಲಿ ಸವಿದುಂಬ ||5||

santarana smarisi janaru
santarana smarisi jana nintalli kuLitalli
intentu saddharma carisuva kAlakke
antarangadaliddu chinteyanu biTTu siri
kuntupitanolimeyinda ||pa||

vyAsa SiShyarAda gurumadhva munirAya
lEsu pankajanABa narahari mAdhava mu
nESa akShOBya jayarAya vidyAdhirAja
pOShita kavEendratIrtharA
nyASi vAgISa yati rAmachandra nanda
BAsura vidyAnidhi raGhunAtha raGhuvarya
BUShaNa matake raGhOttama nidhivEda
vyAsa vidyAdhISarU ||1||

vEdamuni satyavrata satyanidhi rAya
bOdha mUruti satyanAtha satyABinava
krOdha jaya satyapUrNa satya vijaya vi
nOda satyapriyarU
BEdArtha balla viBudhEndra raGutanaya sa
mmOda jitAmitra tIrtha munipa surEMdra
vAdi ede SUla vijayIndra sudhiyIndra ha
llAda rAGhavEndraru ||2||

yOgeendra BUsurEndra sumatIndra upEndra
yOgi SrIpAdarAyara pI
Ligeya ati sAdhanavu vyAsarAyara pAraMpariyava lE
sAgi eNisi konDADi
AgamanukUla madhva SAstravanusarisi
vEgadindali mahasantarige Sira
vAgi Bavadinda kaDe biddu muktige pOda
BAgavata janara nitya ||3||

kShEtra sarOvara nadi migilAda dESadali
pAtrarAgiddu varNOcita dharmavanu
gAtrradanDisi mADi hariya meccisuva pA
ratrayavanE bayasuva
putra pautrara kUDi j~jAna dali ippa ca
ritrArA mahime konDADidavara vi
citravanu pogaLuva dAsadAsiyara pada
stOtra mADirO AvAga ||4||

udayakAladaleddu santana mAlikeyannu
mRudu pancaratnadali nirmitavAgide
sadamalaru pELi santOShadali kELi koraloLage
padarUpadalli dharisi
mada matsaravu pOgi vairAgyadali sAra
hRudayara baLi sEri j~jAna saMpAdisi
padOpadige vijayaviThThalana nAmAmRutava
vadanadindali saviduMba ||5||

hanuma · MADHWA · Vijaya dasaru

Yanthrodharaka hanumanta suladhi by Vijaya dasaru

Srividya Guruprasad2 Comments

ಧ್ರುವತಾಳ
ಯಂತ್ರೋದ್ಧಾರಕ ಹನುಮಾ ಸುರಸಾರ್ವಭೌಮಾ |
ಯಂತ್ರ ಧಾರಕ ಎನಗೆ ಮನಸಿನೊಳಗೆ |
ಯಂತ್ರ ವಾಹನನ ಪೂರ್ಣದಯದಿಂದ ಸಕ |
ಲಾಂತರಿಯಾಮಿಯಾಗಿ ಚರಾಚರದಿಲ್ಲೀ |
ತಂತ್ರವನು ನಡಿಸುವ ಮಂತ್ರಿ ಈತನು ಕಾಣೊ ಸ್ವಾ |
ತಂತ್ರ ಪುರುಷ ವಿಜಯವಿಠಲನ್ನ ನಿಜ ಭಕ್ತ |
ಅಂತ್ರವಿಲ್ಲದ ತನ್ನ ಸ್ತುತಿಪರನ್ನ ಪೊರೆವ ||1||

ಮಟ್ಟತಾಳ
ವ್ಯಾಸರಾಯರು ತಮ್ಮ ಮೀಸಲ ಮನದಲ್ಲಿ ನಿಜ |
ದ್ಯಾಸನ ಧ್ಯಾನದಲಿ ಶ್ರೀಶನ ಪೂಜಿಸಲು |
ಆ ಸಮಯದೊಳು ಸುಳಿದು ನಿಂದು |
ಈ ಶಿಲೆಯೊಳಗೆ ಪ್ರಕಾಶ ಮಾನವಾಗೆ |
ತ್ರಿಸಾಮಾ ವಿಜಯವಿಠಲವ ಸೇವೆ ಹಾ |
ರೈಸಿ ಇಲ್ಲೆ ಮೆರದೆ ದಾಸರನ ಪೊರದೆ ||2||

ತ್ರಿವಿಡಿತಾಳ
ಮೂರುಕೋಟಿ ಬೀಜಾಕಾರಾ ಮಂತ್ರವ ಜಪಿಸಿ |
ಧಾರಿಯನು ಎದು ನಿನ್ನಯ ಸುಂದರ |
ಮೂರುತಿಯನು ನಿರ್ಮಾಣವನು ಮಾಡಿದರು |
ಆರುಕ್ಷೋಣಿ ವಲಯಾ ಕಾರಾ ವಾನರ ಬದ್ಧ |
ಚಾರು ಶೋಭಿತ ತುಂಗಾತೀರದಲ್ಲಿ ವಾಸ |
ವೀರಾ ವಿಜಯವಿಠಲನ್ನ |
ಕಾರುಣ್ಯದಲೀ ಗನುಗುಣ್ಯವಾಗಿ ನಿಂದೆ ||3||

ಅಟ್ಟತಾಳ
ಒಂದು ಕೋಟಿ ಬೀಜ ಮಂತ್ರ |
ದಿಂದ ಸುತ್ತ ಯಂತ್ರವ ಬರಿಸಿ |
ಅಂದು ಪ್ರಾಣ ಪ್ರತಿಷ್ಠೆಯ ಮಾಡಿ |
ನಿಂದಿರಿಸಿದರು ನಿನ್ನ ಮಂದಹಾಸದಿ ವ್ಯಾಸ ಮುನಿಗಳು |
ಒಂದು ಕರದಲಿ ಜಪಮಾಲೆ |
ಒಂದು ಕರಾ ನಾಭಿ ಕೆಳಗೆ |
ಚಂದದಿಂದ ಪದು ಮಾಸನ |
ದಿಂದ ಕುಳಿತು ನಿತ್ಯ ನಿತ್ಯಾ |
ನಂದ ವಿಜಯವಿಠಲನ್ನ |
ವಂದಿಸಿ ವರಗಳ ಕೊಡುತ |
ಬಂದ ನರರ ಪಾಲಿಸುತ್ತ ||4||

ಆದಿತಾಳ
ಭೂತ ಪ್ರೇತ ಪಿಶಾಚ ಪೀಡೆ |
ವಾತ ಶೀತ ಜ್ವರ ಮಿಕ್ಕಾದ |
ಯಾತನೆ ನಾನಾ ಕಠಿಣ ಭೀತಿ ಮತ್ತೆ |
ಯಾತರ್ಯಾತರರ್ಧಪೇಕ್ಷಿತ ತೆರದಲೆ |
ಆತುರದಿಂದಲೆ ಕೊಟ್ಟು ಪಾತಕವ ಹರಿಸಿ |
ಭೂತಭೃತೆ ವಿಜಯವಿಠಲನ |
ದೂತರೊಳು ಶ್ರೇಷ್ಠನೀತಾ ||5||

ಜತೆ
ವ್ಯಾಸಮುನಿ ಪೂಜಿಪ ಯಂತ್ರೋದ್ಧಾರಕ ಹನುಮಾ |
ಈಶಾನಾ ವಿಜಯವಿಠಲನ ದಾಸರ ಪ್ರೇಮಾ ||6||

Dhruva tala
Yantroddharaka hanuma surasarvabauma |
Yantra dharaka enage manasinolage |
Yantra vahanana purnadayadimda saka |
Lantariyamiyagi caracaradilli |
Tantravanu nadisuva mantri Itanu kano sva |
Tantra purusha vijayavithalanna nija Bakta |
Antravillada tanna stutiparanna poreva ||1||

Matta tala
Vyasarayaru tamma misala manadalli nija |
Dyasana dhyanadali srisana pujisalu |
A samayadolu sulidu nimdu |
I sileyolage prakasa manavage |
Trisama vijayavithalava seve ha |
Raisi ille merade dasarana porade ||2||

Trividi tala
Murukoti bijakara mantrava japisi |
Dhariyanu edu ninnaya sundara |
Murutiyanu nirmanavanu madidaru |
Arukshoni valaya kara vanara baddha |
Caru sobita tungatiradalli vasa |
Vira vijayavithalanna |
Karunyadali ganugunyavagi ninde ||3||

Attatala
Ondu koti bija mantra |
Dinda sutta yantrava barisi |
Andu prana pratishtheya madi |
Nindirisidaru ninna mandahasadi vyasa munigalu |
Ondu karadali japamale |
Ondu kara nabi kelage |
Chandadinda padu masana |
Dinda kulitu nitya nitya |
Nanda vijayavithalanna |
Vandisi varagala koduta |
Banda narara palisutta ||4||

Aditala
Buta preta pisaca pide |
Vata sita jvara mikkada |
Yatane nana kathina biti matte |
Yataryatarardhapekshita teradale |
Aturadindale kottu patakava harisi |
Butabrute vijayavithalana |
Dutarolu sreshthanita ||5||

Jate
Vyasamuni pujipa yantroddharaka hanuma |
Isana vijayavithalana dasara prema ||6||

MADHWA · sulaadhi · Vadirajaru · Vijaya dasaru

Vadiraja Suladhi by Vijaya dasa

Srividya Guruprasad3 Comments

ಧ್ರುವತಾಳ
ಮಾಧವನಂಘ್ರಿ ನಿತ್ಯ ಮೋದದಲ್ಲಿ ಭಜಿಪ
ಸಾಧು ಸನ್ಮುನಿವರ್ಯ ಸಮ್ಮೋದ ತೀರ್ಥಕರಪಾದ
ಸಾದರದಿಂದ ಭಜಿಸಿ ಮೇದಿನಿಗೆ ಭಾರ
ವಾದ ಮಾಯಾವಾದಿಗಳ ಗೆದ್ದೆ
ವಾದಿರಾಜರ ಮಹಿಮೆ ವರ್ಣಿಸಲರ್ಹನಲ್ಲಾ
ಮಾಧವ ವೇದವೇದ್ಯ ವಿಜಯವಿಠ್ಠಲ ತಾನು
ಆದರದಿಂದವರ ಭುಜದಿ ಹಯವಕ್ತ್ರನಾಗಿ
ಪಾದವನ್ನು ಇಟ್ಟು ಸ್ವಾದುವಾದ
ಕಡಲಿ ಹೂರಣವನು ಉಂಡ
ಶ್ರೀಧರನ ಮಹಿಮೆ ಸಾಧುಜನರು ಕೇಳಿ ||1||

ಮಟ್ಟತಾಳ
ಕಡಲಲ್ಲಿ ಪವಡಿಸಿದ ಒಡಿಯ ತಾ ಪೊಡವಿಯಲಿ
ಮೃಡನುತ ಗೋವಿಂದ ಜಡದ ಹರಿವಾಣದಲ್ಲಿ
ಕಡಲಿ ಸಕ್ಕರೆ ಬೆರಿಸಿ ಲಡ್ಡುಗೆಯ ಮಾಡಿದ
ಸಡಗರದ ಭಕ್ಷ ಪಾಯಸ ಘೃತ ನೀಡೆ
ಒಡೆಯನು ಬ್ರಹ್ಮಾದಿ ಪರಿವಾರ ಸಹಿತುಂಡು
ಕಡಗೋಲು ನೇಣು ಪಿಡಿದುಡುಪಿಲಿ ನಿಂದ
ಉಡುರಾಜಮುಖ ನಮ್ಮ ವಿಜಯ ವಿಠ್ಠಲನು
ಬೆಡಗು ಕಾರ್ಯವನ್ನು ನಡೆಸಿದ ಬಗೆ ಕೇಳಿ ||2||

ತ್ರಿವಿಡಿತಾಳ
ತಾಮಸಗುಣವುಳ್ಳ ಪಾಮರ ಜನರಿಗೆ
ಈ ಮಹಿಮೆ ದೊರಕುವುದೇ ಸ್ವಾಮಿ ಸಿಲಕುವನೆ
ಕಾಮಿಸಿ ಕೋಟಿ ವರುಷ ನಾಮನುಡಿಯೆ ಪರಂ
ಧಾಮ ದೊರಿಯದು ಭೂಮಿಯೊಳಗಿದ್ದ
ಭ್ರಾಮಕ ಜನರಿಗೆ ವಾಮದೇವನೆ
ಹಿರಿಯನೆಂದು ಬುದ್ಧಿಯಕೊಡುವ
ಕಾಮಾರಿ ವಂದ್ಯ ನಮ್ಮ ವಿಜಯ ವಿಠ್ಠಲನು
ಸಾಮಾನ್ಯ ಜನರಿಗೆ ದೊರಕುವನೆ ಕೇಳಿ ||3||

ಅಟ್ಟತಾಳ
ಅಜ ಸತ್ಯಲೋಕಾಧಿಪತ್ಯವನ್ನು ಮಾಡಿ ದಿ
ಗ್ವಿಜಯ ಮಾಡಲು ಪುರಕೆ
ನಿಜಸುಜ್ಞಾನ ಪೂರ್ಣಪ್ರಜ್ಞರೆಂಬೋ ಮುನಿಯು
ಅಜಪದಕೆ ಬಂದು ಅಖಿಳರನಾಳಿದಾ
ನಿಜವಾಯು ಹನುಮ ಭೀಮ ಮಧ್ವನೆನಿಸಿದ
ವಿಜಯಸಾರಥಿ ಪಾದರಜದ ಮಹಾತ್ಮೆಯಿಂದ
ಗಜವೈರಿ ಭಂಜನ ವಿಜಯವಿಠಲನ್ನ
ಭಜನಿಯ ಗೈಯುತ ಬಹುಕಾಲದಿ
ಋಜುಗಣ ಪಂಕ್ತಿಯೊಳಗೆ ಕುಳಿತಾ
ನಿಜ ನಿರ್ಮಲ ಸುಜ್ಞಾನ ಧ್ಯಾನದಿಂದ
ಜ್ಞಾನ ಪಕ್ವಾದ ಮಾನವುಳ್ಳ
ಸುಜನ ಶಿರೋಮಣಿ ವಾದಿರಾಜನು ತಾ
ನಿಜವಾಗಿ ಬೊಮ್ಮಾಂಡ ಪುರಾಣ ಸಾಧಕದಿಂದ
ಅಜಪದ ಸಲ್ವದು ಲೇಶ ಸಂಶಯಬೇಡಿ
ನಿಜ ನಿಜ ನಿಜವೆಂದು ನಿತ್ಯದಿ ಕೊಂಡಾಡಿ||4||

ಆದಿತಾಳ
ಮನಶುದ್ಧರಾಗಿ ಮಾಧವನಂಘ್ರಿಯನು
ದಿನ ದಿನದಲ್ಲಿ ನಂಬಿ ಕೊಂಡಿಪ್ಪರೆ
ಅನವರತಾನಂದ ಗುರು ಮಧ್ವರಾಯರ ದಿವ್ಯ
ವನಜ ಪಾದಂಗಳ ಸ್ಮರಿಸಲು
ಹನುಮೇಶ ನಮ್ಮ ಸಿರಿ ವಿಜಯವಿಠ್ಠಲ ತಾನು
ಮುನಿವಾದಿರಾಜರು ಸಾಮಾನ್ಯರೆಂತೆಂದು
ಎಣಿಸಿದವರನ್ನು ಘನವಾಗಿ ಶಿಕ್ಷಿಪ
ಇನತನೂಧ್ಬವ ಕೋಪದಿಂದೀ ಕಾರಣ ಮಹಿಮೆ
ಯನು ಕೊಂಡಾಡಿ ಅನುದಿನ ಸುಜನರು ||5||

ಜತೆ
ಮೋದ ತೀರ್ಥ ಮತ ಸೇನಾಧಿಪತಿಯಾದ
ವಾದಿರಾಜ ಮುನಿಯು ವಿಜಯವಿಠ್ಠಲದಾಸಾ||6||

Dhruvatala
Madhavanangri nitya modadalli Bajipa
Sadhu sanmunivarya sammoda tirthakarapada
Sadaradinda Bajisi medinige bara
Vada mayavadigala gedde
Vadirajara mahime varnisalarhanalla
Madhava vedavedya vijayaviththala tanu
Adaradindavara Bujadi hayavaktranagi
Padavannu ittu svaduvada
Kadali huranavanu unda
Sridharana mahime sadhujanaru keli ||1||

Mattatala
Kadalalli pavadisida odiya ta podaviyali
Mrudanuta govinda jadada harivanadalli
Kadali sakkare berisi laddugeya madida
Sadagarada baksha payasa gruta nide
Odeyanu brahmadi parivara sahitundu
Kadagolu nenu pididudupili ninda
Udurajamuka namma vijaya viththalanu
Bedagu karyavannu nadesida bage keli ||2||

Trividitala
Tamasagunavulla pamara janarige
I mahime dorakuvude svami silakuvane
Kamisi koti varusha namanudiye param
Dhama doriyadu bumiyolagidda
Bramaka janarige vamadevane
Hiriyanemdu buddhiyakoduva
Kamari vandya namma vijaya viththalanu
Samanya janarige dorakuvane keli ||3||

Attatala
Aja satyalokadhipatyavannu madi di
Gvijaya madalu purake
Nijasuj~jana purnapraj~jarembo muniyu
Ajapadake bandu akilaranalida
Nijavayu hanuma bima madhvanenisida
Vijayasarathi padarajada mahatmeyimda
Gajavairi Banjana vijayavithalanna
Bajaniya gaiyuta bahukaladi
Rujugana panktiyolage kulita
Nija nirmala suj~jana dhyanadinda
J~jana pakvada manavulla
Sujana siromani vadirajanu ta
Nijavagi bommanda purana sadhakadinda
Ajapada salvadu lesa samsayabedi
Nija nija nijavendu nityadi kondadi||4||

Aditala
Manasuddharagi madhavanangriyanu
Dina dinadalli nambi kondippare
Anavaratananda guru madhvarayara divya
Vanaja padamgala smarisalu
Hanumesa namma siri vijayaviththala tanu
Munivadirajaru samanyarentendu
Enisidavarannu ganavagi sikshipa
Inatanudhbava kopadindi karana mahime
Yanu kondadi anudina sujanaru ||5||

Jate
Moda tirtha mata senadhipatiyada
Vadiraja muniyu vijayaviththaladasa||6||

dasara padagalu · saraswathy · Vijaya dasaru

Saradambike nitya sarada

Srividya Guruprasad2 Comments

ಶಾರದಾಂಬಿಕೆ ನಿತ್ಯ ಶಾರದಾ ಕೊಡು ಎನಗೆ |
ಸಾರುವೆ ನಾ ನಿನ್ನ ||pa||

ಪುಂಡರೀಕ ನಯನೆ ಪುಂಡರೀಕನ ರಾಣಿ
ಪುಂಡರೀಕಗಮನೆ | ಪುಂಡರೀಕ ಚರ್ಮಾಂಬರ |
ಪುಂಡರೀಕನಾಥನುತೆ ಪುಂಡರೀಕವೆ ನಮಗೆ ||1||

ಶುಚಿ ಶರೀರಳೆ ಎನ್ನ ಶುಚಿಯ ಮಾಡುವ ಈ |
ಶುಚಿಯೊಳಗೆ ನಿನ್ನ ಕೀರ್ತಿ ಶುಚಿಯಾಗಿ ಮನದಲ್ಲಿ |
ಶುಚಿ ಜನ ಪೇಳುತಿದೆ | ಶುಚಿ ಮಾರ್ಗವನೆ ತೋರಿಸೆ ||2||

ಕೌಂಶಿಕ ವಾಣಿಯೆ ಕೌಂಶಿಕ ಬಿಂಬಸದನೆ |
ಕೌಂಶಿಕವೇಣಿ ಕರುಣಿ | ಕೌಂಶಿಕ ವಿಜಯ
ವಿಠ್ಠಲನಲ್ಲಿಕೌಂಶಿಕದವನ ಮಾಡು||3||

Saradambike nitya sarada kodu enage |
Saruve na ninna ||pa||

Pundarika nayane pundarikana rani
Pundarikagamane | pundarika carmambara |
Pundarikanathanute pundarikave namage ||1||

Suci sarirale enna Suciya maduva I |
Suciyolage ninna kirti suciyagi manadalli |
Suci jana pelutide | Suci margavane torise ||2||

Kaunsika vaniye kaunsika bimbasadane |
Kaunsikaveni karuni | kaunsika vijaya
Viththalanallikaunsikadavana madu||3||

dasara padagalu · MADHWA · saraswathy · Vijaya dasaru

Saradeye karunavaridhiye

Srividya Guruprasad2 Comments

ಶಾರದೆಯೇ ಕರುಣಾವಾರಿಧಿಯೇ ||pa||

ಸಾರಾಂಶ ವಚನಕೊಟ್ಟು ಸಲಹು ಎನ್ನನು ತಾಯೆ ||a.pa||

ಚಂದ್ರ ಕಿರಣ ಪೋಲ್ವಳೆ ಜಗದಂಬೆ ನಾನು ನಿನ್ನ
ಕಂದ ಎನ್ನಮತಿಗೆ ಸಾಕಾರವಾಗಿರು ಎಂಬೆ ||1||

ಸರಸೀರುಹದಳ ನೇತ್ರೆ ಸಾಮಜಕ್ಕೆ ಸಮಯಾತ್ರೆ
ಪರಮಪಾವನ ಚರಿತ್ರೆ ನೀ ಗತಿ ಜಗಕೆ ಮಿತ್ರೆ ||2||

ಅಜನ ಪಟ್ಟದ ರಾಣಿ ಅಬುಜ ಪಲ್ಲವ ಪಾಣಿ
ವಿಜಯವಿಠ್ಠಲನ ಸೊಸೆ ಮುದ್ದುವಾಣಿಯೆ ||3||

Saradeye karunavaridhiye ||pa||

Saramsa vacanakottu salahu ennanu taye ||a.pa||

Candra kirana polvale jagadambe nanu ninna
Kanda ennamatige sakaravagiru embe ||1||

Sarasiruhadala netre samajakke samayatre
Paramapavana caritre ni gati jagake mitre ||2||

Ajana pattada rani abuja pallava pani
Vijayaviththalana sose mudduvaniye ||3||

dasara padagalu · MADHWA · Vijaya dasaru

Sadhanake bageganenennabahude

Srividya Guruprasad3 Comments

ಸಾಧನಕೆ ಬಗೆಗಾಣೆನೆನ್ನಬಹುದೆ
ಸಾದರದಿ ಗುರುಕರುಣ ತಾ ಪಡೆದ ಬಳಿಕ || ಪ ||

ಕಂಡಕಂಡದ್ದೆಲ್ಲ ಕಮಲನಾಭನ ಮೂರ್ತಿ
ಉಂಡು ಉಟ್ಟದ್ದೆಲ್ಲ ವಿಷ್ಣುಪೂಜೆ
ತಂಡತಂಡದ ವಾರ್ತೆ ವಾರಿಜಾಕ್ಷನ ಕೀರ್ತಿ
ಹಿಂಡು ಮಾತುಗಳೆಲ್ಲ ಹರಿಯ ನಾಮ || ೧ ||

ವಾಗತ್ಯಪಡುವುದೆ ವಿಧಿನಿಷೇಧಾಚರಣೆ
ರೋಗಾನುಭವವೆಲ್ಲ ಉಗ್ರತಪವು
ಆಗದವರಾಡಿಕೊಂಬುದೆ ಆಶೀರ್ವಾದ
ಬೀಗರುಪಚಾರವೇ ಭೂತದಯವು || ೨ ||

ಮೈಮರೆತು ಮಲಗುವುದೆ ಧರಣಿಗೆ ನಮಸ್ಕಾರ
ಕೈಮೀರಿ ಹೋದದ್ದೆ ಕೃಷ್ಣಾರ್ಪಣ
ಮೈಮನೋವೃತ್ತಿಗಳೆ ವಿಷಯದಲಿ ವೈರಾಗ್ಯ
ಹೊಯ್ಮಾಲಿತನವೆಲ್ಲ ಹರಿಯ ವಿಹಾರ || ೩ ||

ಹಿಡಿದ ಹಟ ಪೂರೈಸಲದು ಹರಿಯ ಸಂಕಲ್ಪ
ನಡೆದಾಡುವೋದೆಲ್ಲ ತೀರ್ಥಯಾತ್ರೆ
ಬಡತನ ಬರಲದೇ ಭಗವದ್ಭಜನೆಯೋಗ
ಸಡಗರದಲಿಪ್ಪುದೆ ಶ್ರೀಶನಾಜ್ಞೆ || ೪ ||

ಬುದ್ಧಿಸಾಲದೆ ಸುಮ್ಮನಿರುವುದೇ ಸಮ್ಮತವು
ಯದೃಚ್ಛಾಲಾಭವೇ ಸುಖವು ಎನಲು
ಮಧ್ವಾಂತರ್ಗತ ಶ್ರೀವಿಜಯವಿಠ್ಠಲರೇಯ
ಹೃದ್ಗತಾರ್ಥವ ತಿಳಿದು ಒಪ್ಪಿಸಿಕೊಳನೆ || ೫ ||
Sadhanake bageganenennabahude
Sadaradi gurukaruna ta padeda balika || pa ||

Kandakandaddella kamalanabana murti
Undu uttaddella vishnupuje
Tandatandada varte varijakshana kirti
Hindu matugalella hariya nama || 1 ||

Vagatyapaduvude vidhinishedhacarane
Roganubavavella ugratapavu
Agadavaradikombude asirvada
Bigarupacarave butadayavu || 2 ||

Maimaretu malaguvude dharanige namaskara
Kaimiri hodadde krushnarpana
Maimanovruttigale vishayadali vairagya
Hoymalitanavella hariya vihara || 3 ||

Hidida hata puraisaladu hariya sankalpa
Nadedaduvodella tirthayatre
Badatana baralade bagavadbajaneyoga
Sadagaradalippude srisanaj~je || 4 ||

Buddhisalade summaniruvude sammatavu
Yadruccalabave sukavu enalu
Madhvantargata srivijayaviththalareya
Hrudgatarthava tilidu oppisikolane || 5 ||

dasara padagalu · MADHWA · Vijaya dasaru

Siteya bumijateya

Srividya Guruprasad1 Comment

ಸೀತೆಯ ಭೂಮಿಜಾತೆಯ ಜಗ-|
ನ್ಮಾತೆಯ ಸ್ಮರಿಸಿ ವಿಖ್ಯಾತೆಯ ||pa||

ಕ್ಷೀರ ವಾರಿಧಿಯ ಕುಮಾರಿಯ ತನ್ನ |
ಸೇರಿದವರ ಭಯಹಾರಿಯ ||
ತೋರುವಳು ಮುಕ್ತಿಹಾರಿಯ ಸರ್ವ |
ಸಾರ ಸುಂದರ ಶ್ರೀನಾರಿಯ ||1||

ಈಶಕೋಟಿಯೊಳ್ ಗಣನೆಯ ಸ್ವಪ್ರ-|
ಕಾಶವಾದ ಗುಣಶ್ರೇಣಿಯ ||
ಈಶಾದ್ಯರ ಪೆತ್ತ ಕರುಣಿಯ ನಿ-|
ರ್ದೋಷ ವಾರಿಧಿಕಲ್ಯಾಣಿಯ||2||

ವಿಜಯವಿಠ್ಠಲನ್ನ ರಾಣಿಯ ಪಂ-|
ಕಜಮಾಲೆ ಪಿಡಿದ ಪಾಣಿಯ ||
ವಿಜಯಲಕ್ಷ್ಮಿ ಗಜಗಮನೆಯ ನಿತ್ಯ |
ಸುಜನವಂದಿತೆ ಅಹಿವೇಣಿಯ ||3||
Siteya bumijateya jaga-|
Nmateya smarisi vikyateya ||pa||

Kshira varidhiya kumariya tanna |
Seridavara bayahariya ||
Toruvalu muktihariya sarva |
Sara sumdara srinariya ||1||

Isakotiyol gananeya svapra-|
Kasavada gunasreniya ||
Isadyara petta karuniya ni-|
Rdosha varidhikalyaniya||2||

Vijayaviththalanna raniya pan-|
Kajamale pidida paniya ||
Vijayalakshmi gajagamaneya nitya |
Sujanavandite ahiveniya ||3||

dasara padagalu · MADHWA · Vijaya dasaru

Vithala ninna nambide enna kayo

Srividya Guruprasad1 Comment

ವಿಠಲಾ ನಿನ್ನ ನಂಬಿದೆ ಎನ್ನ ಕಾಯೊ
ಪುಟ್ಟುವದು ಬಿಡಿಸೊ ನಿನ್ನವರೊಳಗಿರಿಸೊ ।।ಪ।।

ಬಹುಕಾಲ ಮಲಮೂತ್ರ ಡೊಳ್ಳಿನೊಳು ಬಿದ್ದು
ಹಲುಬಿದೆ ಒಂದಿಷ್ಟು ನೆಲೆಗಾಣದೆ ನಾನು
ಹಲವು ಮಾತೇನು ಎನಗೆ ಬಿಡದು
ಸಲಹಬೇಕಯ್ಯಾ ಸಮುದ್ರಶಯ್ಯಾ ।।೧।।

ಕರಪಿಡಿದು ಎತ್ತುವ ಬಿರುದು ಪರಾಕ್ರಮ
ಮರಳಿ ಮಿಗಿಲೊಂದು ದೇವರಿಗೆ ಉಂಟೆ
ಮರೆವು ಮಾಡದೆ ಮಹಾದುರಿತವ ಪರಿ
ಹರಿಸು ಸ್ಮರಣೆಯನ್ನು ಇತ್ತು ಕೀರ್ತನೆ ಪೇಳಿಸೋ ।।೨।।

ಬಿನ್ನಹ ಲಾಲಿಸು ಚೆನ್ನ ಲಕುಮಿಪತಿ
ಚೆನ್ನಾಗಿಡು ನಿತ್ಯ ಪ್ರಾಣನಾಥಾ ಅಭಯಹಸ್ತಾ
ಅನ್ನದಾತಾ ಸಿರಿ ವಿಜಯವಿಠ್ಠಲರೇಯಾ
ಸನ್ನಿಧಿಯಲ್ಲಿ ಎನ್ನ ಸಂತೋಷಪಡಿಸೊ ।।೩।।
Vithala ninna nambide enna kayo
Puttuvadu bidiso ninnavarolagiriso ||pa||

Bahukala malamutra dollinolu biddu
Halubide ondishtu neleganade nanu
Halavu matenu enage bidadu
Salahabekayya samudrasayya ||1||

Karapididu ettuva birudu parakrama
Marali migilondu devarige unte
Marevu madade mahaduritava pari
Harisu smaraneyannu ittu kirtane peliso ||2||

Binnaha lalisu cenna lakumipati
Cennagidu nitya prananatha abayahasta
Annadata siri vijayaviththalareya
Sannidhiyalli enna santoshapadiso ||3||

dasara padagalu · MADHWA · siva · Vijaya dasaru

Sivana nodiro indu stavana madiro

Srividya Guruprasad2 Comments

ಶಿವನ ನೋಡಿರೊ ಇಂದು ಸ್ತವನ ಮಾಡಿರೊ |
ತವಕದಿಂದ ತಿಳಿದು ಅವಗುಣಂಗಳ ತೊರೆದು ನಿತ್ಯ ||pa||

ಅಂತಕಾಪುರ ವೈರಿ | ದಿನಾಂತ ವೃಷಭನೇರಿ |
ಶಾಂತಿ ಸಹಿತ ಜನರಂಗಣದಿ | ನಿಂತು ಮಾತು |
ಲಾಲಿಪ ಮಹಿಮ ||1||

ಸುರಜನತೆ ಪ್ರೀತ ಸರ್ವದ | ಅಸುರ ವೈರಿಯು ನೇಮದಿಂದ |
ವಸುಧೆಯಾಳಗೆ ಬಲಿದಾನೇಕಾ |
ದಶರುದ್ರರೊಳು ಬಲು ಗುಣವಂತ ||2||

ದಕ್ಷ ಪ್ರಜೇಶ್ವರನಧ್ವರ | ರಕ್ಷಣೆ ಮಾಡಿದ ದಕ್ಷಮೂರ್ತಿ |
ಮೋಕ್ಷಕೆ ಮನಸು ಕೊಡುವ |
ನಿಟಲೇಕ್ಷವಂತ ಶಾಂತ ||3||

ಕರಿಚರ್ಮಾಂಬರಧಾರಿ ವಾರಿ | ಧರ ತ್ರಿಶೂಲ
ಡಮರುಗ ಪಾಣಿ |ಶರಗದ್ದುಗೆ ಸುಮೇರುವೇದಾ |
ತುರಗವಾಗಿರಲಂದು ಅಂದದಿ||4||

ನಮಿಸಿ ಬರಲಿ ಬೇಡಿ ಭವದಿ | ಮಮತೆ
ಓಡಿಸಿ ಭಕುತಿಯಿಂದಲಿ |ರಮೆಯರಸ ವಿಜಯವಿಠ್ಠಲನ್ನ |
ಶಮೆ ದಮೆಯಿಂದ ಪೂಜಿಪ ಧೀರ ||5||
Sivana nodiro indu stavana madiro |
Tavakadinda tilidu avagunamgala toredu nitya ||pa||

Antakapura vairi | dinanta vrushabaneri |
Santi sahita janaranganadi | nintu matu |
Lalipa mahima ||1||

Surajanate prita sarvada | asura vairiyu nemadinda |
Vasudheyalage balidaneka |
Dasarudrarolu balu gunavanta ||2||

Daksha prajesvaranadhvara | rakshane madida dakshamurti |
Mokshake manasu koduva |
Nitalekshavamta santa ||3||

Karicarmambaradhari vari | dhara trisula
Damaruga pani |Saragadduge sumeruveda |
Turagavagiralandu amdadi||4||

Namisi barali bedi Bavadi | mamate
Odisi Bakutiyindali |rameyarasa vijayaviththalanna |
Same dameyinda pujipa dhira ||5||