ಆದಿತಾಳ
ಮಧ್ವಮತದ ಭಾಗ್ಯ ಎಂಥದೊ ಎಂಥದೊ
ದುಗ್ಧಾಬ್ಧಿಯಂತೆ ಪ್ರಕಾಶವಾಗಿ
ದಿಗ್ದೇಶದೊಳು ತುಂಬಿ ಸೂಸುತಲಿದೆ ಇದೇ
ಬದ್ಧಗೈಸುವ ಶಕ್ತಿ ಮೊದಲೇ ಇಲ್ಲ
ಪೊದ್ದಿಕೊಂಡು ಬಂದು ಹೊದರಿನೊಳಗೆ ಅಡ
ಗಿದ್ದಾಗಿ ತರುವಾಯಾ ಇದೆ ನಾಮದ
ಇದ್ದ ಶಕುನಿ ವ್ಯರ್ಥ ದೂಷಿಸಲೇನಹುದೊ
ಹೃದರೋಗವಲ್ಲದೆ ಅದರಂತೆವೋ
ಮಧ್ವರಾಯರ ಮತದ ಭಾಗ್ಯವೇ ಸೌಭಾಗ್ಯ
ನಿದ್ರೆಯೊಳಗಾದರು ಎಚ್ಚೆತ್ತು ನೋಡಿದರು
ಉದ್ರೇಕ ಆನಂದ ಮುಂದೆ ವರ್ಣಿಸಲರಿಯೇ
ಶುದ್ಧಾತುಮರ ಕೇಳಿ ಬಲ್ಲರು ಈ ಪರಿ ಸಾ
ನಿಧ್ಯವಾಗಿದ್ದ ಜನರ ಪುಣ್ಯವೆಂತೊ
ಮಧ್ವವಲ್ಲಭ ನಮ್ಮ ವಿಜಯವಿಠಲನಲ್ಲಿ
ಇದ್ದ ಸೊಬಗುನೋಡಿ ಆನಂದತೀರ್ಥರಿಂದ || ೧ ||
ಮಟ್ಟತಾಳ
ತತ್ವವಿಚಾರವನು ತಿಳಿದ ಮನುಜ ಮನುಜಾ
ಉತ್ತುಮ ಉತ್ತುಮನು ಆವಾವ ಜನುಮಕ್ಕೆ
ವೃತ್ತಿರೂಪದಲ್ಲಾದರು ಜೀವನ್ಮುಕ್ತನು
ನಿತ್ಯನಿತ್ಯವನು ಧ್ಯಾನಮಾಡುವನು
ತತ್ತಳಿಸುವ ಮಧ್ವಮತವ ಪೊಂದಿದನು
ಮೃತ್ಯುವಿಗಂಜಿ ಕಾಲಗೆ ಭಯಪಡನು
ಮರ್ತ್ಯಲೋಕದಲ್ಲಿ ಅವನೇ ಸಿದ್ಧಪುರುಷ
ಎತ್ತಲಾದರು ಅವನು ಇದ್ದದಿಕ್ಕಿಗೆ ಹಸ್ತಾ
ವೆತ್ತಿ ಮುಗಿದು ಮಹಾಧನ್ಯನಾಗಲಿಬೇಕು
ಇತ್ತಕೇಳು ಮನವೆ ಶ್ರುತಿ ಪುಶಿಯೆಂಬವನ
ಉತ್ತರ ನಿಜವೇನೊ ಗರ್ತಿ ಮಗನೊ ಎಂದರೆ ವಾದಿಸುವನ ಕೂಡ
ಹೊತ್ತುಹೊತ್ತಿಗೆ ಬಡಿದಾಡಿದರೇನುಂಟೋ
ಕೀರ್ತಿಪುರುಷ ನಮ್ಮ ವಿಜಯವಿಠಲರೇಯನ್ನ
ಚಿತ್ತದಲ್ಲಿ ಇಟ್ಟ ಮಧ್ವರಾಯರೆ ಗುರುಗಳೆನ್ನಿ || ೩ ||
ತ್ರಿವಿಡಿತಾಳ
ಎಂಥಾ ಕರುಣಾಳೋ ಸರ್ವಜ್ಞರಾಯರು
ಚಿಂತಾಮಣಿಯ ಕಾಣೊ ಚಿರಕಾಲ ನಮಗೆಲ್ಲ
ಶಾಂತರಾಗಿ ಲೋಕಮಲಿನ ದರ್ಪಣದಂತೆ
ಭ್ರಾಂತಿಯಲ್ಲಿ ನಿತ್ಯ ಮುಳುಗಿರಲು
ಮಂತ್ರೋಪದೇಶಿಸಿ ಅಮೃತಗರೆವ ಮಹಾ
ಗ್ರಂಥಗಳ ಮಾಡಿ ಮಂದಜನಕೆ
ಚಿಂತೆ ಪೋಗಾಡಿಸಿ ಅನಾದಿಯಿಂದ ಬಂದಾ
ಗ್ರಂಥಿಯನು ಬಿಡಿಸಿ ತತ್ವಾನುಸಾರ
ಎಂತೆಂತು ಮನಸೀಗೆ ಸೌಕರಿಯವಾಗುವಾ
ಪಂಥ ತೋರಿದರಯ್ಯಾ ಬೇದಾರ್ಥದಿ
ಪಿಂತೆ ಮುಂತೀಗ ನೂರಾರು ಕೋಟಿ ಕುಲಕೆ
ಅಂತಕನ ಬಾಧೆಯಿಲ್ಲದಂತೆ ವೆ
ಸಂತೋಷವಿತ್ತು ಎಂದಿಗೇ ಪ್ರತಿಕೂಲಾದ
ಕಾಂತಾರಕಡಿವ ಕುಠಾರ ಕಾಣೊ
ಇಂತು ಸಜ್ಜನರನ್ನು ಪಾಲಿಸಿ ಇತಿ ತೀವ್ರ
ಸಂತರಿಗೆ ನವವಿಧ ಭಕ್ತಿ ಪುಟ್ಟು
ವಂತೆ ಕೇವಲ ಸಾಧನಕೆ ದ್ವಾರಕಿಯಲ್ಲಿ
ನಿಂತಿದ್ದ ನಿಗಮಗೋಚರ ರುಕ್ಮಿಣಿ
ಕಾಂತನ ವಿಗ್ರಹ ನಿಲ್ಲಿಸಿದ ಲಕ್ಷಣದಿಂದ
ತಂತ್ರ ಸಾರೋಕ್ತದಿ ಪೂಜೆ ಮಾಡಿದರು
ಎಂಥ ಗುರುಗಳೋ ಮಧ್ವಮುನಿರಾಯರು
ಅಂತಗಾಣೆನು ನಾನು ರಜತ ಪೀಠದ ಮಹಿಮೆ
ಎಂತೆಂತು ಪೊಗಳಿದರೆ ಪೊಸ ಬಗೆಯೂ
ಕಂತು ಪಿತನು ಇಲ್ಲಿ ನೆಲೆಯಾದ ನಾನಾ
ವೃತ್ತಾಂತ ಸ್ಕಂದನಿಗೆ ಶಿವನು ಪೇಳಿಪ್ಪನೋ
ದಂತ ಕಥೆಯಲ್ಲ ಧರಣಿಯೊಳಗೆ ಆ
ದ್ಯಂತ ಕಾಲದಲ್ಲಿದೆ ಸಿದ್ಧವೆನ್ನಿ
ಅಂತರಂಗದ ಸ್ವಾಮಿ ವಿಜಯವಿಠಲ ಸ್ವ
ತಂತ್ರ ಪುರುಷ ಮಧ್ವಮುನಿ ಹೃದಯಮಂದಿರ || ೩ ||
ಅಟ್ಟತಾಳ
ಏನು ಸುಕೃತವೋ ಮತ್ತಾವ ಸಾಧನವೋ
ಆನಂದತೀರ್ಥರ ಕರವಾರಿಜದಿಂದ
ಭಾನುವಿನಂತೆ ಪ್ರಕಾಶಮಯನಾಗಿ
ಈ ನಿಧಿಯಲ್ಲಿ ನಿಲ್ಲಿಸಿದ ಬಾಲರೂಪ
ಮಾನುಷ ವೇಷ ಭಕುತರ ಲಾಂಛನ
ಮಾನಸದಲ್ಲಿ ನೋಡಿ ಧನ್ಯನಾದೆನೊ
ಎನ್ನಾಏನು ಸುಕೃತವೋ ನಾನು
ನನ್ನ ಗೋತ್ರರ ದೇಹ ಈ ಜನ್ಮ
ನಾನಾ ಪ್ರಕಾರದಿ ಮಾಡಿದ ಕರ್ಮವು
ಅನಂತ ಯೋನಿಯಲ್ಲಿ ಬಂದು ಮಾಡಿದ ಬಗೆ
ಕಾನನ ಗಿರಿಗ್ರಾಮ ಕ್ಷೇತ್ರ ಸರೋವರ
ಧನಭವನ ಮೃಗ ಪಕ್ಷಿವಾರಿಚರ
ಮಾನವ ಚತುಜಾತಿ ನಾಮದಲ್ಲಿಪ್ಪವು
ಏನೆಂಬೆ ಎಲ್ಲೆಲ್ಲಿ ಇದ್ದ ವಸ್ತುಗಳೆಲ್ಲಾ
ಭಾನುಪ್ರಕಾಶದ ಪರಿಯಂತ ಚನ್ನಾಗಿ
ಆನೇನಾದದು ನೋಡಿ ಹೇಳಿ ಕೇಳಿ ಆ
ಘ್ರಾಣಿಸಿ ಮೆದ್ದದ್ದು ಇದರ ವಿಸ್ತಾರವೆಲ್ಲಾ
ಪುನೀತವಾಗಲಿ ನಿರಂತರ ಬಿಡದರೆ
ಆನಂದತೀರ್ಥರ ಕರುಣಕೆ ಎಣಿಯೆ
ಜ್ಞಾನ ಪರಿಪೂರ್ಣ ವಿಜಯವಿಠಲರೇಯ
ಧ್ಯಾನ ಮಾಡುವ ಜನಕೆ ಅತಿ ಸುಲಭ ಸಾಧ್ಯ || ೪ ||
ಆದಿತಾಳ
ಶ್ರೀಮದುಡುಪಿನ ಯಾತ್ರಿಯೆ ಯಾತ್ರಿ
ಶ್ರೀಮದಾನಂದ ತೀರ್ಥ ಗುರುಗಳೆ ಗುರುಗಳು
ಸಿದ್ಧಾಂತ ಪ್ರಮೇಯವನು ಪ್ರತಿದಿನದಲಿ
ನಿರ್ಧಾರವಾಗಿ ಗುಣಿಸಿ ಪೇಳುವಿದಕೆ ನಿತ್ಯ
ರುದ್ರಾದಿಗಳಿಗಿದು ಅದ್ಭೂತವೊ
ಭದ್ರಗತಿ ಬೇಕಾದ ಮನುಜ ಇಲ್ಲಿಗೆ ಬಂದು
ಶುದ್ಧಾತ್ಮನಾಗಿ ಒಮ್ಮೆ ಸ್ಮರಿಸಲಾಗೀ
ನಿರ್ದೋಷನಾಗುವನೇ ನೆಂಬೆನಯ್ಯಾ ಕರು
ಣಾಬ್ಧಯೇ ಕಾಣೊ ನಮ್ಮ ಗುರುರಾಯರು
ಅಬ್ಧಿಮೇಖಳದೊಳು ಅಜ್ಞಾನ ವ್ಯಾಪಿಸಿ
ಬದ್ಧಭವದೊಳು ನೆಲೆಗಾಣದೇ
ಬಿದ್ದು ಹೊರಳುತಿರೆ ಜೀವೇಶ ಒಂದೆಂದು
ಶ್ರದ್ಧೆಯಿಲ್ಲದೆ ಸುಜನ ಬಳಲುತಿರಲು
ಉದ್ಧರಿಸುವೆನೆಂದು ಅತಿ ತೀವ್ರದಲಿ ಅ
ವಿದ್ಯಾ ಕಾಮಕರ್ಮ ತತಿಗಳನು
ಒದ್ದು ಕಡಿಗೆ ನೂಕಿ ಭೇದಾರ್ಥಮಾರ್ಗ ತೋರಿ
ಸದ್ವೈಷ್ಣವರಾಗಿ ಮಾಡಿ ನಗುತ್ತಾ ತಪ್ತಾ
ಮುದ್ರೆಯನಿತ್ತು ಮೋದದಿಂದಲಿ ಪರಮ ಮುಖ್ಯ
ವಿದ್ಯರಚಿಸಿ ವಿಶೇಷ ಮಾರ್ಗದ
ಪದ್ಧತಿಯನ್ನು ತೋರಿ ಪರಿ ಪರಿ ಮತವೆಂಬೊ
ದಿಗ್ದಂತಿಗಳಿಗೆ ಅಂಕುಶವೆನಿಪ
ಮಧ್ವರಾಯರ ಮತದ ಭಾಗ್ಯವೆ ಸೌಭಾಗ್ಯ
ಇದ್ದಲ್ಲಿ ಸುಧಾವರ್ಷಗರೆವುತಿದೆಕೋ
ಖದ್ಯೋತ ಉದಿಸಲು ಸರ್ವಜಾತಿಗೆ ನೋಡು
ಉದ್ದಿನಷ್ಟು ಖೇದ ಪುಟ್ಟದು ಕಾಣೋ
ಬುದ್ಧಿವಂತರಾಗಿ ತಮ್ಮ ತಮ್ಮ ಸಾಧನ
ಇದ್ದಲ್ಲೆ ಮಾಡಿ ಸುಖಿಸುವರು
ಈ ಧರೆಯೊಳು ಕೇಳು ನಿನ್ನಿಂದ ಉಪಕಾರ
ಪದ್ಮ ಬಾಂಧವನಿಗೆ ಅಣುಮಾತ್ರವು ಇಲ್ಲ
ತದ್ವೇಷವನ್ನೆ ಮಾಡಿ ಅಪಕಾರದಿಂದ ರವಿಗೆ
ಭೂಮಿಯೊಳಗೆ ಇದಕ್ಕೆ ಸಮಾ ಆಧಿಕ್ಯಕಾಣೆ
ರೋಮಾರೋಮಾದಲ್ಲಿ ಪುಣ್ಯ ತುಂಬಿ ತುಳುಕುವದು
ಶ್ರೀಮದ್ವೈಷ್ಣವ ಜನುಮವೆ ಜನ್ಮವೆನ್ನಿ
ಶ್ರೀಮದ್ಭಾಗವತ ಶ್ರವಣವೆ ಶ್ರವಣವೆನ್ನಿ
ಶ್ರೀಮದ್ವಿಷ್ಣು ಭಕ್ತಿ ಇದೆ ಮಹ ಭಕ್ತಿಯೆನ್ನಿ
ಯಾಮಯಾಮಕೆ ಸ್ಮರಿಸೆ ಸಕಲ ಸಂಪದವಕ್ಕು
ಈ ಮನೋ ಉತ್ಸಾಹ ಇಲ್ಲೆ ಪುಟ್ಟಿಂದೆ
ವ್ಯೋಮ ಗಂಗಾದಿ ಕ್ಷೇತ್ರ ನೋಡಲು ಆದದಿದಕೋ
ತಾಮರಸ ಪೀಠನ್ನ ಲೋಕಕ್ಕೆ ಸಮವಿಬುಧ
ಸ್ತೋಮ ಕೊಂಡಾಡದೆ ಸರ್ವಾಗಮದಿಂದ
ತಮಬುದ್ಧಿನಾಶವಹುದು ಚರಮಯಾತ್ರಿ ಇದೆ
ಶಮದಮ ಗುಣದಲ್ಲಿ ಮುಕ್ತರೊಳಗಿಪ್ಪ
ರಮಾ ಮನೋಹರ ನಮ್ಮ ವಿಜಯವಿಠಲರೇಯಾ
ನೇಮ ನಿತ್ಯದಲ್ಲಿ ಮನಸು ಕೊಡುವನು ನಿತ್ಯದಲ್ಲಿ || ೫ ||
ಜತೆ
ಮಧ್ವರಾಯರ ಕರುಣ ಪಡೆದು ಪಾವನರಾಗಿ
ಸಿದ್ಧನಾಗುವದು ವಿಜಯವಿಠಲನ ಪೊಂದಿ || ೬ ||
Adi tala –
Madhvamatada bagya enthadho enthadho
Dugdhabdhiyante prakasavagi
Digdesadolu tumbi susutalide ide
Baddhagaisuva Sakti modale illa
Poddikondu bandu hodarinolage ada
Giddagi taruvaya ide namada
Idda Sakuni vyartha dushisalenahudo
Hrudarogavallade adarantevo
Madhvarayara matada bagyave saubagya
Nidreyolagadaru eccettu nodidaru
Udreka Ananda munde varnisalariye
Suddhatumara keli ballaru I pari sa
Nidhyavagidda janara punyavento
Madhvavallaba namma vijayavithalanalli
Idda sobagunodi anandatirtharindha || 1 ||
Matta tala –
Tatvavicharavanu tilida manuja manuja
Uttuma uttumanu avava janumakke
Vruttirupadalladaru jivanmuktanu
Nityanityavanu dhyanamaduvanu
Tattalisuva madhvamatava pondidanu
Mrutyuviganji kalage bayapadanu
Martyalokadalli avane siddhapurusha
Ettaladaru avanu iddadikkige hasta
Vetti mugidu mahadhanyanagalibeku
Ittakelu manave Sruti pusiyembavana
Uttara nijaveno garti magano endare vadisuvana kuda
Hottuhottige badidadidarenumto
Kirtipurusha namma vijayavithalareyanna
Chittadalli itta madhvarayare gurugalenni || 3 ||
Trividi tala –
Entha karunalo sarvaj~jarayaru
Chintamaniya kano cirakala namagella
Santaragi lokamalina darpanadante
Brantiyalli nitya mulugiralu
Mantropadesisi amrutagareva maha
Granthagala madi mandajanake
Chinte pogadisi anadiyinda banda
Granthiyanu bidisi tatvanusara
Ententu manasige saukariyavaguva
Pantha toridarayya bedarthadi
Pinte muntiga nuraru koti kulake
Antakana badheyilladante ve
Santoshavittu endige pratikulada
Kantarakadiva kuthara kano
Intu sajjanarannu palisi iti tivra
Santarige navavidha Bakti puttu
Vante kevala sadhanake dvarakiyalli
Nintidda nigamagocara rukmini
Kantana vigraha nillisida lakshanadimda
Tantra saroktadi puje madidaru
Entha gurugalo madhvamunirayaru
Antaganenu nanu rajata pithada mahime
Ententu pogalidare posa bageyu
Kantu pitanu illi neleyada nana
Vruttanta skandanige Sivanu pelippano
Danta katheyalla dharaniyolage A
Dyanta kaladallide siddhavenni
Antarangada svami vijayavithala sva
Tantra purusha madhvamuni hrudayamandira || 3 ||
Atta tala –
Enu sukrutavo mattava sadhanavo
Anandatirthara karavarijadinda
Banuvinante prakasamayanagi
I nidhiyalli nillisida balarupa
Manusha vesha Bakutara lanchana
Manasadalli nodi dhanyanadeno
Enna yenu sukrutavo nanu
Nanna gotrara deha I janma
Nana prakaradi madida karmavu
Ananta yoniyalli bamdu madida bage
Kanana girigrama kshetra sarovara
Dhanabavana mruga pakshivaricara
Manava catujati namadallippavu
Enembe ellelli idda vastugalella
Banuprakasada pariyanta channagi
Anenadadu nodi heli keli A
Granisi meddaddu idara vistaravella
Punitavagali nirantara bidadare
Anandatirthara karunake eniye
J~jana paripurna vijayavithalareya
Dhyana maduva janake ati sulaba sadhya || 4 ||
Adi tala –
Srimadudupina yatriye yatri
Srimadananda tirtha gurugale gurugalu
Siddhanta prameyavanu pratidinadali
Nirdharavagi gunisi peluvidake nitya
Rudradigaligidu adbutavo
Badragati bekada manuja illige bandu
Suddhatmanagi omme smarisalagi
Nirdoshanaguvane nembenayya karu
Nabdhaye kano namma gururayaru
Abdhimekaladolu aj~jana vyapisi
Baddhabavadolu neleganade
Biddu horalutire jivesa ondendu
Sraddheyillade sujana balalutiralu
Uddharisuvenendu ati tivradali a
Vidya kamakarma tatigalanu
Oddu kadige nuki bedarthamarga tori
Sadvaishnavaragi madi nagutta tapta
Mudreyanittu modadindali parama mukya
Vidyarachisi visesha margada
Paddhatiyannu tori pari pari matavembo
Digdantigalige ankusavenipa
Madhvarayara matada bagyave saubagya
Iddalli sudhavarshagarevutideko
Kadyota udisalu sarvajatige nodu
Uddinashtu keda puttadu kano
Buddhivantaragi tamma tamma sadhana
Iddalle madi sukisuvaru
I dhareyolu kelu ninninda upakara
Padma bandhavanige anumatravu illa
Tadveshavanne madi apakaradimda ravige
Bumiyolage idakke sama adhikyakane
Romaromadalli punya tumbi tulukuvadu
Srimadvaishnava janumave janmavenni
Srimadbagavata sravanave sravanavenni
Srimadvishnu Bakti ide maha Baktiyenni
Yamayamake smarise sakala sampadavakku
I mano utsaha ille puttinde
Vyoma gangadi kshetra nodalu adadidako
Tamarasa pithanna lokakke samavibudha
Stoma kondadade sarvagamadinda
Tamabuddhinasavahudu charamayatri ide
Samadama gunadalli muktarolagippa
Rama manohara namma vijayavithalareya
Nema nityadalli manasu koduvanu nityadalli || 5 ||
Jate –
Madhvarayara karuna padedu pavanaragi
Siddhanaguvadu vijayavithalana pondi || 6 ||
Madhwa 