Avatara traya stothra

ಪಾಲಯಸ್ವ ನಿಪಾಲಯಸ್ವ ನಿಪಾಲಯಸ್ವ ರಮಾಪತೇ |
ವಾದಿರಾಜಮುನೀಂದ್ರವಂದಿತ ವಾಜಿವಕ್ತ್ರ ನಮೋಽಸ್ತು ತೇ || ಪ |||

ಮಧ್ವಹೃತ್ಕಮಲಸ್ಥಿತಂ ವರದಾಯಕಂ ಕರುಣಾಕರಂ
ಲಕ್ಷ್ಮಣಾಗ್ರಜಮಕ್ಷಯಂ ದುರಿತಕ್ಷಯಂ ಕಮಲೇಕ್ಷಣಮ್ |
ರಾವಣಾಂತಕಮವ್ಯಯಂ ವರಜಾನಕೀರಮಣಂ ವಿಭುಂ
ಅಂಜನಾಸುತಪಾಣಿಕಂಜನಿಷೇವಿತಂ ಪ್ರಣಮಾಮ್ಯಹಮ್ || ೧ ||

ದೇವಕೀತನಯಂ ನಿಜಾರ್ಜುನಸಾರಥಿಂ ಗರುಡಧ್ವಜಂ
ಪೂತನಾಶಕಟಾಸುರಾದಿಖಲಾಂತಕಂ ಪುರುಷೋತ್ತಮಮ್ |
ದುಷ್ಟಕಂಸನಿಮರ್ದನಂ ವರರುಗ್ಮಿಣೀಪತಿಮಚ್ಯುತಂ
ಭೀಮಸೇನಕರಾಂಬುಜೇನ ಸುಸೇವಿತಂ ಪ್ರಣಮಾಮ್ಯಹಮ್ || ೨ ||

ಜ್ಞಾನಮುಕ್ತಿಸುಭಕ್ತಿದಂ ವರಬಾದರಾಯಣಮವ್ಯಯಂ
ಕೋಟಿಭಾಸ್ಕರಭಾಸಮಾನಕಿರೀಟಕುಂಡಲಮಂಡಿತಮ್ |
ವಾಕ್ಸುದರ್ಶನತಃ ಕಲೇಃ ಶಿರಘಾತಕಂ ರಮಯಾ ಯುತಂ
ಮಧ್ವಸತ್ಕರಕಂಜಪೂಜಿತಮಕ್ಷಯಂ ಪ್ರಣಮಾಮ್ಯಹಮ್ || ೩ ||

|| ಇತಿ ಶ್ರೀವಾದಿರಾಜಪೂಜ್ಯಚರಣವಿರಚಿತಂ ಅವತಾರತ್ರಯಸ್ತೋತ್ರಮ್ ||

pAlayasva nipAlayasva nipAlayasva ramApatE |
vAdirAjamunIndravandita vAjivaktra namO&stu tE || pa |||

madhvahRutkamalasthitaM varadAyakaM karuNAkaraM
lakShmaNAgrajamakShayaM duritakShayaM kamalEkShaNam |
rAvaNAntakamavyayaM varajAnakIramaNaM viBuM
anjanAsutapANikaMjaniShEvitaM praNamAmyaham || 1 ||

dEvakItanayaM nijArjunasArathiM garuDadhvajaM
pUtanASakaTAsurAdiKalAntakaM puruShOttamam |
duShTakaMsanimardanaM vararugmiNIpatimacyutaM
BImasEnakarAMbujEna susEvitaM praNamAmyaham || 2 ||

j~jAnamuktisuBaktidaM varabAdarAyaNamavyayaM
kOTiBAskaraBAsamAnakirITakunDalamanDitam |
vAksudarSanataH kalEH SiraGAtakaM ramayA yutaM
madhvasatkarakanjapUjitamakShayaM praNamAmyaham || 3 ||

|| iti SrIvAdirAjapUjyacaraNaviracitaM avatAratrayastOtram ||