ನೋಡುವುದೇ ಕಣ್ಣು ಕೇಳುವುದೇ ಕಿವಿ
ಪಾಡುವುದೇ ವದನ||pa||

ಗಾಡಿಕಾರ ಶ್ರೀ ವೇಣುಗೋಪಾಲನ
ಕೂಡಿ ಕೊಂಡಾಡುವ ಸುಖದ ಸೊಬಗನು||apa||

ಪೊಂಗಳಲೂದುತ ಮೃಗಪಕ್ಷಿಗಳನೆಲ್ಲ
ಸಂಗಳಿಸುತಲಿಪ್ಪನ
ಅಂಗಜ ಜನಕ ಗೋಪಾಂಗನೇರೊಡನೆ ಬೆಳ-
ದಿಂಗಳೊಳಗೆ ಸುಳಿದಾಡೊ ರಂಗಯ್ಯನ||1||

ನವಿಲಂತೆ ಕುಣಿವ ಹಂಸೆಯಂತೆ ನಲಿವ
ಮರಿ ಕೋಗಿಲೆಯಂತೆ ಕೂಗುವ
ಎರಳೆಯ ಮರಿಯಂತೆ ಜಿಗಿಜಿಗಿದಾಡುವ
ತುಂಬಿ ಝೇಂಕರಿಸುವಂದದಿ ಝೇಂಕರಿಪನ||2||

ಮುರುಡು ಕುಬ್ಜೆಯ ಡೊಂಕು ತಿದ್ದಿ ರೂಪವ ಮಾಡಿ
ಸೆರೆಯ ಬಿಡಿಸಿಕೊಂಬನ
ಗರುಡಗಮನ ಸಿರಿ ಪುರಂದರವಿಠಲನ
ಶರಣಾಗತ ಸುರಧೇನು ರಂಗಯ್ಯನ||3||
Noduvude kannu keluvude kivi
Paduvude vadana||pa||

Gadikara sri venugopalana
Kudi kondaduva sukada sobaganu||apa||

Pongalaluduta mrugapakshigalanella
Sangalisutalippana
Angaja janaka gopanganerodane bela-
Dingalolage sulidado ramgayyana||1||

Navilante kuniva hamseyante naliva
Mari kogileyante kuguva
Eraleya mariyante jigijigidaduva
Tumbi jenkarisuvamdadi jenkaripana||2||

Murudu kubjeya Donku tiddi rupava madi
Sereya bidisikombana
Garudagamana siri purandaravithalana
Saranagata suradhenu rangayyana||3||

ನಾರಾಯಣ ತೇ ನಮೋ ನಮೋ ಭವ
ನಾರದ ಸನ್ನುತ ನಮೋ ನಮೋ||pa||

ಮುರಹರ ನಗಧರ ಮುಕುಂದ ಮಾಧವ
ಗರುಡಗಮನ ಪಂಕಜನಾಭ
ಪರಮಪುರುಷ ಭವ ಭಂಜನ ಕೇಶವ
ನರಹರಿ ಶರೀರ ನಮೋ ನಮೋ||1||

ಜಲಧಿ ಶಯನ ರವಿ ಚಂದ್ರ ವಿಲೋಚನ
ಜಲರುಹ ಭವನುತ ಚರಣ ಯುಗ
ಬಲಿಭಂಜನ ಗೋವರ್ಧನವಲ್ಲಭ
ನಳಿನೋದರ ತೇ ನಮೋ ನಮೋ||2||

ಆದಿದೇವ ಸಕಲಾಗಮ ಪೂಜಿತ
ಯಾದವಕುಲ ಮೋಹನರೂಪ
ವೇದೋದ್ಧಾರ ಶ್ರೀ ವೇಂಕಟನಾಯಕ ಪು-
ರಂದರವಿಠಲ ತೇ ನಮೋ ನಮೋ||3||

Narayana te namo namo Bava
Narada sannuta namo namo||pa||

Murahara nagadhara mukunda madhava
Garudagamana pankajanaba
Paramapurusha Bava Banjana kesava
Narahari sarira namo namo||1||

Jaladhi Sayana ravi candra vilocana
Jalaruha Bavanuta carana yuga
Balibanjana govardhanavallaba
Nalinodara te namo namo||2||

Adideva sakalagama pujita
Yadavakula mohanarupa
Vedoddhara sri venkatanayaka pu-
Randaravithala te namo namo||3||

ಮುತ್ತು ಕೊಳ್ಳಿರೊ||pa||

ಮುತ್ತು ಬಂದಿದೆ ಕೊಳ್ಳಿ
ಸಚ್ಚಿದಾನಂದ ದಿವ್ಯ||a.pa||

ಜ್ಞಾನವೆಂಬೋ ದಾರದಲಿ
ಪೋಣಿಸಿದ ದಿವ್ಯ ಮುತ್ತು
ಜ್ಞಾನದಿಂದ ಕೊಂಬುದಿದನು
ದೀನರಾದ ಭಕ್ತ ಜನರು||1||

ಕಟ್ಟಲಾಗದು ಮೂಗಿನಲಿ
ಇಟ್ಟು ಮೆರೆಯಲಾಗದಿದು
ಭ್ರಷ್ಟ ಜನಕೆ ಕಾಣಿಸದಂಥ
ಕೃಷ್ಣನೆಂಬೊ ಅಣಿಮುತ್ತು||2||

ಹಿಡಿಯಲಿಕ್ಕೆ ನಿಲುಕದದು
ಕಡೆ ಕಾಣದೆಂದು ಬೆಲೆಯು
ಪೊಡವಿಗೆಲ್ಲ ಪುರಂದರವಿಠಲ
ಒಡೆಯನೆಂಬೊ ದಿವ್ಯ ಮುತ್ತು||3||

Muttu kolliro janaru
Muttu kolliro||pa||

Muttu bandide kolli
Saccidananda divya||a.pa||

J~janavembo daradali
Ponisida divya muttu
J~janadinda kombudidanu
Dinarada Bakta janaru||1||

Kattalagadu muginali
Ittu mereyalagadidu
Brashta janake kanisadantha
Krushnanembo animuttu||2||

Hidiyalikke nilukadadu
Kade kanadendu beleyu
Podavigella purandaravithala
Odeyanembo divya muttu||3||

ರಂಗ ಬಾರೋ ರಂಗ ಬಾರೋ ರಂಗಯ್ಯ ಬಾರೋ
ಪೊನ್ನುಂಗುರ ನಿನಗೀವೆ ಪನ್ನಗಶಯನನೆ ಬಾರೋ||pa||

ವೆಂಕಟರಮಣನೆ ಬಾರೋ ಪಂಕಜ ಚರಣವ ತೋರೋ
ಮುಕುಂದ ಮುಂದೆ ನಿಂದಾಡೋ ಕಿಂಕಿಣಿಕಿಣಿ ರವದಿಂದ||1||

ಕರ್ಣದೊಳಿಟ್ಟ ಮಾಗಾಯಿ ಹೊನ್ನ ಕದಪಿಲಿ ಧುಮುಕಾಡುತ್ತ
ಪನ್ನಗಶಯನನೆ ನಿನ್ನ ಚಿನ್ನದ ಸರ ಹೊಳೆವುತ್ತ ಬಾರೋ||2||

ಬಡನಡುವಿನ ಘಂಟೆ ಬಳುಕಿ ಢಣಢಣಿಸುತ್ತ
ಕಡಗ ಕಾಲಂದುಗೆ ಗೆಜ್ಜೆ ಅಡಿಗಡಿಗೆ ನುಡಿಸುತ್ತ ಬಾರೋ||3||

ಮುಂಗುರುಳಿನ ಸೊಬಗಿನಿಂದ ರಂಗ ನಿನ್ನ ಫಣೆಯೊಳಿಟ್ಟ
ರಂಗು ಮಾಣಿಕ್ಯದರಳೆಲೆ ತೂಗಿ ತೂಗಿ ಓಲಾಡುತ್ತ ಬಾರೋ||4||

ಕೊರಳಿಗಹಾಕಿದ ಹುಲಿಯುಗುರು ತೋರಮುತ್ತಿನ ಹಾ
ರಂಗಳ್ಹೂಳೆಯುತ್ತ ಪರಿಪರಿ ವಿಧಗಳಿಂದ ಪುರಂದರವಿಠಲ ಬಾರೋ||5||
Ranga baro rangabaro rangayya baro
Ponnungura ninagive pannagasayanane baro||pa||

Venkataramanane baro pankaja caranava toro
Mukunda munde nindado kimkinikini ravadinda||1||

Karnadolitta magayi honna kadapili dhumukadutta
Pannagasayanane ninna cinnada sara holevutta baro||2||

Badanaduvina gante baluki dhanadhanisutta
Kadaga kalanduge gejje adigadige nudisutta baro||3||

Mungurulina sobagininda ranganinna paneyolitta
Rangu manikyadaralele tugi tugi oladutta baro||4||

Koraligahakida huliyuguru toramuttina ha
Rangalhuleyutta paripari vidhagalinda purandaravithala baro||5||