ನಡೆದು ಬಾರಯ್ಯ ಭವ ಕಡಲಿಗೆ ಕುಂಭಸಂಭವ||
ಸಡಗರದಿಂದ ಮೆಲ್ಲಡಿಯನಿಡುತ ಬೇಗ
ಎಡಬಲದಲಿ ನಿನ್ನ ಮಡದಿಯರೊಡಗೂಡಿ
ತಡಮಾಡದೆ ಬಾ ಮ್ರಡಸಖ ವೆಂಕಟ …ನಡೆದು ||

ವಿಜಯದಶಮಿ ಆಶ್ವಿಜಶುಧ್ಧ ಮಾಸದಲ್ಲಿ
ನಿಜರಥಾರೂಢನಾಗಿ, ಸುಜನರಿಂದ ಒಪ್ಪುತ
ಗಜಸಿಂಹ ,ಮಯೂರ, ಧ್ವಿಜಸಿಂಗ ಸಾರಂಗ
ಮಜಬಾಪುರೆ ಎನಲು ತ್ರಿಜಗವು ತಲೆದೂಗೇ
ಅಜನು ಸ್ತುತಿಯ ಮಾಡೆ ರುಜಗಣಾಧಿಪ ಪಡೆ
ಗಜಮುಖನಯ್ಯ ನಿಜಾನಂದದಲಾಡೆ
ಭುಜಗಶ್ರೇಷ್ಠ ಧ್ವಿಜರಾಜರು ಜಯವೆನ್ನೆ
ಕುಜನರೆದೆಯ ಮುಟ್ಟಿ ರಜತಮ ಕಲೆಯುತ ನಡೆದು….ನಡೆದು||

ದಕ್ಷಿಣ ಧಿಕ್ಕಿನಲ್ಲಿ ,ರಾಕ್ಷಸರೆದುರಾಗಿ ,
ಒಂದಕ್ಷೋಹಿಣಿ ಬಲ ,ನಿನ್ನ ಅಪೇಕ್ಷೆ ಮಾಡುತಲಿರೆ
ಪಕ್ಷಿವಾಹನನೆಣಿಸಿ ಅ ಕ್ಷಣೊದೊಲು ಖಳರ
ಶಿಕ್ಷಿಸಿ, ಸುಜನರ ರಕ್ಷಿಸಿ ಮೆರೆದಯ್ಯಾ
ತಕ್ಷಕ ನರನನು ಭಕ್ಷಿಸಬರುತಿರೆ ಈಕ್ಷಿಸಿ ತಕ್ಷಣ
ರಥನೆಲಕ್ಕೊತ್ತಿದೆ, ಲಕ್ಷೀಶನೆ ಅಕ್ಷಯ ಫಲದಾಯಕ
ಕುಕ್ಷಿಯೊಳಗೆ ಜಗರಕ್ಷಿಪ ವಿಶ್ವನೇ…..||ನಡೆದು ಬಾರಯ್ಯ||

ಮನಕೆ ಬಾರಯ್ಯ , ಸುಧಾಮನ ಸಖಹರಿಯೆ
ಸೋಮನ ಧರಿಸಿದವನೆ ,ಮನ ಕುಮುದಕೆ
ಚಂದ್ರಮನೆ ಕೇಳು ಎನ್ನ ದುಮ್ಮನವನೆ ಪರಿಹರಿಸಿ
ಒಮ್ಮನ ಕೊಡು ಅಹಿಗಿರಿ ತಿಮ್ಮನೆ ಕೇಳೊ ಬಿನ್ನಪಾ
ಕೊಂಬು ಕಹಳೆಗಳು ಬೊಂಬೋರಿಡುತಿರೆ
ತುಂಬುರು ನಾರದ ಇಂಪಾಗಿ ಪಾಡಲು
ಅಂಭರದಲಿ ವಾದನ ತುಂಬಿ ಧಿಮಿಕ್ಕೆನ್ನೆ
ಸಂಭ್ರಮದಲಿ ಬಾರೊ ಶಂಭು ವಂದಿತನೆ ನಡೆದೂ….||

ಪರಿಪರಿ ಬಗೆಯಿಂದ ಕರವ ಮುಗಿದು ಸ್ತುತಿಸಿ
ಕರೆದರೆ ಬಾರದೆ ಗರ್ವವು ಯಾಕೊ
ಕರಿಯ ಮೊರೆಯ ಕೇಳಿ, ಸಿರಿಗೆ ಹೇಳದೆ ಬಂದೆ
ಕರಿರಾಜ ಅವನಿನ್ನ ಹಿರಿಯಪ್ಪನ ಮಗನೇನೊ
ಶರಣಾಗತರಕ್ಷಕ ಮಣಿ ಎಂಬುವ
ಬಿರುದು ಬೇಕಾದರೆ ,ಸರಸರ ಬಾರಯ್ಯ,
ಗರುಡ ಗಮನ ಗೋಪಾಲ ವಿಠ್ಠಲರಾಯ
ಕರುವಿನಮೊರೆಗಾವು ನೆರೆದಂತೆ ಪೊರೆಯೊ ||

Nadedu barayya bhava kadalige kumbhasambhava
sadagaradimda ni melladiyaniduta baro||p||
Edabaladali ninna madadiyarimdopputa
tadamadade ba mrudasakha venmkata ||a||

vijayadashami ashvija shuddhamasadalli
nija ratharudhanagi sujanarindarodagudi
gajasimha mayura dvija singa saranga
maja bhapure enalu trijagavu taleduge
ajanu stutiya made rujaganadipa pade
gajamukhanayyanu nijanandadalade
bhujagashreshtanu dvijaraja jayavenne
kujanaredeya metti rajatama kaleyuta ||1||

dakshina dikkinalli rakshasa samuha onda
dakshohini bala ninnupekshe madutali
pakshivahananemi ninakshanadi khalara
shikshisi sujanara rakshisi meredayya
takshaka naranannu bhakshisa barutire ikshisi
takshana nelakottide lakshmishane akshaya phaladayaka
kukshiyolage jagarakshipa vishwa ||2||

paripariyindali karava mugidu stutise
karedare barada garuvatanavu yako
kariraja more ide siri gehlade bande
kariraja ava ninna kiriyappana maganeno
sharanagata rakshamani ennuva
birudu bekadare sarasarrane barayya
garudagamana gopalavithalareya…..
Karuvina moregavu neredante poreyu ||3||

ಈತನೀಗ ನಮ್ಮ ದೇವನು || ಪ ||

ಪ್ರೀತಿಯಿಂದಲಿ ಸ್ಮರಿಸುವವರ ಪಾತಕಗಳನೆಲ್ಲ ಪರಿಹರಿಪ | |ಅ.ಪ. | |

ಅಕ್ರೂರನ ಪ್ರೀತನೀತ | ಚಕ್ರ ಶಂಖ ಧರಿಸಿದಾತ |
ನಕ್ರ ಬಾಧೆಯ ತರಿದು ತನ್ನ ಭಕ್ತನನ್ನ ಕಾಯಿದಾತ ||

ಅಜಮಿಳನ ಸಲಹಿದಾತ | ಪ್ರಜದ ಗೋವು ಕಾಯಿದಾತ |
ಭಜಿಸುವವರ ಬಿಡನು ಪ್ರೀತನೀತ | ತ್ರಿಜಗದೊಳಗೆ ಮೆರೆವದಾತ ||

ಸಕಲಗುಣಪೂರ್ಣ ನೀತ | ಸಕಲ ದೋಶ ದೂರನೀತ |
ಸಕಲಾನಂದ ಭರಿತನಿತ | ಭಕುತಿಮಂತ್ರಕೊಲಿವದಾತ ||

ಅನಾದಿಕಾಲದಿ ಬಾಂಧವನೀತ | ಅನಾದಿ ಕಾಲದವನೀತ |
ಆ ನಾರಿ ಮೊರೆಯ ಕೇಳಿ | ಆನಿಮಿಷದೊಳು ಒದಗಿದಾತ | |

ಕಮಲಮುಖಿಯ ರಮಣನೀತ | ಕಮಲಾಸನ ಜನಕನೀತ |
ಕಮಲಾಕ್ಷ ಗೋಪಾಲ ವಿಠ್ಠಲ ಹೃತ್ ಕಮಲದೊಳು ನಿಲುವದಾತ | |

eetaneega namma devanu || pa ||

preetiyindali smarisuvavara patakagalanella pariharipa || a.pa. ||

akrurana preetaneeta | chakra lanka dharisidata |
nakra badheya taridu tanna bhaktananna kayidata || 1 ||

ajamilana salahidata | prajada govu kayidata |
bhajisuvavara bidanu preetaneeta | trijagadolage merevadata ||2 ||

sakalagunapurna neeta | sakala dola duraneeta |
sakalananda bharitanita | bhakutimantrakolivadata || 3 ||

anadikaladi bandhavaneeta | anadi kaladavaneeta |
a nari moreya keli | animishadolu odagidata ||4||

kamalamukiya ramananeeta | kamalasana janaengeeta |
kamalaksha gopala vittala hrut kamaladolu niluvadata || 5 ||

ಎಂತು ತುತಿಸಲಿ ಎನ್ನದೇವನ ಸಂತತ ನಮ್ಮ ಸಲಹೋನ
ಅಂತರಂಗದಿ ಹರಿಯ ತೋರಿಸಿ ಸಂತೋಷದಿಂದ ನಲಿವ ಪವನನ        ।।ಪ।।

ತಾನು ಮಾಡಿದ ಕರ್ಮಶೇಷವು ತಾನು ತಿಳುಹಿದ ಜ್ಞಾನಶೇಷವು
ತಾನು ಮಾಡಿದ ಭಕುತಿಶೇಷವು ನಾನಾ ಸಾಧನಶೇಷವು
ತಾನು ಕರುಣಿಸಿ ಜೀವಯೋಗ್ಯತೆಯೇನು ಅರಿತು ಕರ್ಮಮಾಡಿಸಿ
ತಾನು ಸಹಿತ ಧ್ಯಾನದಲಿ ಹರಿ ಕಾಣಿಸಿ ತೋರ್ಪ ಕರುಣೆಯ                    ।।೧।।

ಇವನ ಪ್ರೇರಣೆ ಹರಿಯ ಪ್ರೇರಣೆ ಇವನ ಸೇವೆಯು ಹರಿಯ ಸೇವೆಯು
ಇವನ ಕರುಣವೆ ಹರಿಯ ಕರುಣವು ಇವನ ಬಲವೇ ಪ್ರಬಲವು
ಇವನು ನಂಬಲು ಹರಿಯು ನಂಬುವ ಇವನು ಒಲಿಯಲು ಹರಿಯು ಒಲಿಯುವ
ಪವನಾಖ್ಯನಾಗಿ ನಮ್ಮನು ಪವನಗತಿ ಪೊಂದಿಸುವನ                             ।।೨।।

ಜ್ಞಾನಭಕುತಿ ವೈರಾಗ್ಯಖಣಿಯು ದಾನವಾಂತಕ ಧರ್ಮಶೀಲ
ಪೂರ್ಣಬೋಧೆಯ ಪುಣ್ಯನಾಮಕ ಪ್ರಾಣಾಪಾಣವುದಾನರಿಗೆ
ಪ್ರಾಣ ಮುಖ್ಯಪ್ರಾಣ ಇವ ನಮ್ಮ ಪ್ರಾಣನಿಲ್ಲದು ಇವನು ಇಲ್ಲದಿರೆ
ಪ್ರಾಣಪತಿ ಗೋಪಲವಿಠಲನ ಕಾಣಿಸಿ ತೋರ್ಪ ಕರುಣೆಯ                   ।।೩।।

Entu tutisali ennadevana santata namma salahona
Antarangadi hariya torisi santoshadinda naliva pavanana ||pa||

Tanu madida karmaseshavu tanu tiluhida j~janaseshavu
Tanu madida bakutiseshavu nana sadhanaseshavu
Tanu karunisi jivayogyateyenu aritu karmamadisi
Tanu sahita dhyanadali hari kanisi torpa karuneya ||1||

Ivana prerane hariya prerane ivana seveyu hariya seveyu
Ivana karunave hariya karunavu ivana balave prabalavu
Ivanu nambalu hariyu nambuva ivanu oliyalu hariyu oliyuva
Pavanakyanagi nammanu pavanagati pondisuvana ||2||

J~janabakuti vairagyakaniyu danavantaka dharmasila
Purnabodheya punyanamaka pranapanavudanarige
Prana mukyaprana iva namma prananilladu ivanu illadire
Pranapati gopalavithalana kanisi torpa karuneya ||3||

ಇರಬೇಕು ಸಜ್ಜನರಿಗೆ ದುರ್ಜನ
ಪರಿಪರಿ ಪಾಲಿಪುದು ಒಂದು ಸಮಯದಿನ್ನವರ           ।।ಪ।।

ಮೇಲಾದ ತೆಂಗು ಏಲಕ್ಕಿ ಬಾಳೆಯಾಗಿಡವ
ಜಾಲಿಯಾದಿ ಗಿಡದ ಮುಳ್ಳುಗಳಿಂದಲೆ
ಪಾಲನೆಯ ಮಾಡುವರು ಪ್ರಾಕಾರವನ್ನೆ ಮಾಡಿ
ಕಾಲಕಾಲಕೆ ತಂದು ಕಲಿಪರು ಬಿಡದೆ                       ।।೧।।

ತುಳಸಿಯ ಗಿಡವನ್ನು ಬೆಳೆಸಬೇಕಾದರೆ
ಹೊಲಸು ಉಳ್ಳಿಯ ತಂದು ನಿಲಿಸುವರು
ಕೆಲಕಾಲ ಬೆಳೆದು ಪಂಟಿಯಗಟ್ಟೋದಲ್ಲದೆ
ಹೊಲಸು ಉಳ್ಳಿಯಿಂದೇನು ಅಳುಕು ಆಗುವುದೆ          ।।೨।।

ನಯನಕ್ಕೆ ರೆಪ್ಪೆಯಿದ್ದ್ಹಾಗಪಾಯವ ನೀಗಿ ಕರನಿಟ್ಟು
ದಯಾನಿಧಿಯ ಪರಿಪಾಲಿಸುವನು ಬಿಡದೆ
ಭಯ ನಿವಾರಣ ರಂಗ ಗೋಪಾಲವಿಠ್ಠಲನಾಶ್ರಯಿಸಿ
ಯಿದ್ದಂಗೆ ದುರುಳರ ಭಯವೆ ಮರುಳೆ                      ।।೩।।

Irabeku sajjanarige durjana
Paripari palipudu ondu samayadinnavara ||pa||

Melada temgu Elakki baleyagidava
Jaliyadi gidada mullugalindale
Palaneya maduvaru prakaravanne madi
Kalakalake tandu kaliparu bidade ||1||

Tulasiya gidavannu belesabekadare
Holasu ulliya tandu nilisuvaru
Kelakala beledu pantiyagattodallade
Holasu ulliyindenu aluku Aguvude ||2||

Nayanakke reppeyidd~hagapayava nigi karanittu
Dayanidhiya paripalisuvanu bidade
Baya nivarana ranga gopalaviththalanasrayisi
Yiddange durulara Bayave marule ||3||

ಏಕೆ ಮಲಗಿಹೆ ಹರಿಯೆ ಏಸು ಆಯಾಸ
ಜೋಕೆಮಾಡುವ  ಬಿರುದು ಸಾಕಾಯಿತೇನೊ                ।।ಪ।।

ತಮನೊಡನೆ ಹೋರಾಡಿ ತಪಿಸಿ ಮೈ ಬೆವರಿತೊ
ಅಮೃತಮಥನದಿ ಗಿರಿಯು ಅತಿಭಾರವಾಯ್ತೊ
ರಮಣಿಯನು ತರುವಾಗ ರಣರಂಗ ಬಹಳಾಯ್ತೊ
ಅಮರರಿಪುವನು ಸೀಳೆ ಕರ ಸೋತಿತೊ                      ।।೧।।

ಆಕಾಶ ಭೇದಿಸಲು ಆ ಕಾಲು ಉಳುಕಿತೊ
ಕಾಕುನೃಪರನು ಸೀಳಿ ಕರ ಸೋತಿತೊ
ಭೂದೇವಿಯನರಸಿ ಬಳಲಿಕೆಯು ಬಹಳಾಯ್ತೊ
ಲೋಕಭಾರವ ಇಳುಹಿ ಸಾಕುಸಾಕಾಯ್ತೊ                     ।।೨।।

ಚಪಲೆಯರ ಮೋಹಿಸಲು ಉಪಟಳವು ಬಹಳಾಯ್ತೊ
ಅಪವಿತ್ರನಡಗಿಸಲು ಅಧಿಕ ಶ್ರಮವಾಯ್ತೊ
ಕೃಪೆಮಾಡಿ ನೋಡಯ್ಯ ಕಣ್ಣು ತೆರೆದು ಎನ್ನಕಡೆ
ಕಪಟನಾಟಕ ಶ್ರೀ ಗೋಪಾಲವಿಠಲ                             ।।೩।।

Eke malagihe hariye Esu ayasa
Jokemaduva birudu sakayiteno ||pa||

Tamanodane horadi tapisi mai bevarito
Amrutamathanadi giriyu atibaravayto
Ramaniyanu taruvaga ranaranga bahalayto
Amararipuvanu sile kara sotito ||1||

Akasa bedisalu A kalu ulukito
Kakunruparanu sili kara sotito
Budeviyanarasi balalikeyu bahalayto
Lokabarava iluhi sakusakayto ||2||

Chapaleyara mohisalu upatalavu bahalayto
Apavitranadagisalu adhika sramavayto
Krupemadi nodayya kannu teredu ennakade
Kapatanataka sri gopalavithala ||3||

ನಿನ್ನೆ ಇರುಳಿನಲಿ ಚೆನ್ನಿಗ ಪುರುಷನು
ಎನ್ನ ಮಂದಿರಕೆ ಬಂದಿರುವ ಇವನ್ಯಾರೆ ಅವ್ವ             ।।ಪ॥

ಕಣ್ಣು ಬಿಡುತಲೆ ಬೆನ್ನೊಳಗಡಗಿಸಿ
ತನ್ನ ಮೋರೆತ್ತಿ ನೋಡನೆ ಬಾಯಾರಿಹನೆ
ಮಣ್ಣು ನಲುವುತಾನೆ ತನ್ನೊಳು ಕಾದಿ ಉಣದೆ
ಹೆಣ್ಣುಗಳನೆ ಮೋಹಿಸುವ ಹಯನೇರಿ ಮೆರೆವ             ।।೧।।

ಜಲವ ಬಿಟ್ಟರೆ ಸತತ ನೆಲನೆ ಕೆದರುತಲಿಪ್ಪ
ಪಲ್ಗಿರಿದು ದಾನವ ಬೇಡುವ ಪೆತ್ತವಳನೆ ಜರಿವ
ಶಿಲೆಯ ಮಾತಾಡಿಸುವ ಕೊಳಲೂದಿ ಕೃತ್ಯವೇದ
ಹಳಿವ ಹಗೆಗಳನೆ ಸದೆಬಡಿವ ಹಯನೇರಿ ಮೆರೆವ        ।।೨।।

ಚರಣ ರೋಮಗಳಿಲ್ಲ ಮಗನ ಮುಗಿಲೆ ಬಂದ
ಎರಡು ರೂಪದಿ ಬಾಲಕ ಬಾಹುಜಕುಲಗೊಯ್ಕ
ಅರಸಾಗಿ ಗೋಪಾಲವಿಠಲ ಮೋಹಖಳರ ತರಿವ
ತನ್ನಾಳಾಗನೆ ಪಾರವ ಹಯನೇರಿ ಮೆರೆವ                 ।।೩।।

Ninne irulinali chenniga purushanu
Enna mamdirake bandiruva ivanyare avva ||pa||

Kannu bidutale bennolagadagisi
Tanna moretti nodane bayarihane
Mannu naluvutane tannolu kadi unade
Hennugalane mohisuva hayaneri mereva ||1||

Jalava bittare satata nelane kedarutalippa
Palgiridu danava beduva pettavalane jariva
Sileya matadisuva kolaludi krutyaveda
Haliva hagegalane sadebadiva hayaneri mereva ||2||

Carana romagalilla magana mugile bamda
Eradu rupadi balaka bahujakulagoyka
Arasagi gopalavithala mohakalara tariva
Tannalagane parava hayaneri mereva ||3||

 

ಎಣೆಯಾರೊ ನಿಮಗೆ ಕುಂಭಿಣಿಯ ಮಧ್ಯದ
ಲಿನ್ನು ಮನಸಿಜ ಆರಂಭಿಸಿ ಮನು
ಮುನಿಕುಲ ಚಿಂತಾಮಣಿಯೆ ವಾದೇಂದ್ರ ಮರುತಮತ
ವನಧಿಚಂದ್ರ ಕುಮತಗಜಗಣಕೆ ಮೃಗೇಂದ್ರ                             ।।ಪ॥

ಸ್ನಾನುನುಷ್ಠಾನ ಕಾಲದಲ್ಲಿ ಶ್ರೀಶರಂಗ
ಪಾಣಿಯ ನ್ಯಾಸ ಧ್ಯಾನ ಮಾಡುವ ಧೀರ
ದಾನಾದಿ ಕರ್ಮ ಶಮೆ ದಮೆ ನಾನಾ
ಗುಣಾರ್ಣ ಭಜಿಸುವಂಥ ಧೀರ ಪ್ರಸನ್ನ                                    ।।೧।।

ಹರಿಯೇ ಸರ್ವೋತ್ತಮ ಮೃತ ದೇವನೆ
ಗುರು ಎರಡುಮೂರು ಭೇದ ಸ್ಥಿರವೆಂದು ಸ್ಥಾಪಿಸಿ
ಧರೆಯೊಳು ಮೆರೆದೆ ವಾದೆಗಳುಕ್ತಿಧುರದಿಂದ
ತರಿದೆ ನಂಬಿದವರ ಕರುಣದಿ ಪೊರೆದೆ                                    ।।೨।।

ವೇದಾರ್ಥಗಳನೆಲ್ಲ ವ್ಯಾಖ್ಯಾನ ಮುಖದಿಂದ
ಸಾಧಿಸಿ ಧರೆಗೆಲ್ಲ ಬೋಧಿಸಿ ಅವರಘ
ಭೇದವ ತರಿದೆ ಮನೋಭೀಷ್ಟ ಮೋ
ದದಿಗರೆದೆ ರಾಮನಾಮ ಸ್ವಾದ ಸವಿದೆ                                  ।।೩।।

ದರಹಾಸಸರಿತೆತೀರ ಮಂತ್ರಾಲಯದಲ್ಲಿ
ಗುರುರಾಯ ಆಜ್ಞೆಯಿಂದವರ ಸನ್ನಿಧಿಯಲ್ಲಿ
ಸ್ಥಿರವಾಗಿ ನಿಂದೆ ಸುಮಹಿಮೆಯಲಿ
ಮೆರೆವೆ ನೀ ಮುಂದೆ ದಯದಲೆನ್ನ ಪೊರೆಯಯ್ಯ ತಂದೆ              ।।೪।।

ಮರುತಾಂತರ್ಗತ ಗೋಪಾಲವಿಠಲನ್ನ
ಹರುಷದಿ ಪೂಜಿಪ ಗುರು ಉಪೇಂದ್ರ
ತೀರ್ಥರ ಕರಕಂಜಜಾತ ಭಕ್ತರಕಾಮ ವರ
ಪಾರಿಜಾತ ಕಾಮಧೇನು ಕರುಣಿಸೊ ದಾತ                             ।।೫।।

Eneyaro nimage kumbiniya madhyada
Linnu manasija arambisi manu
Munikula chintamaniye vadendra marutamata
Vanadhichandra kumatagajaganake mrugendra ||pa||

Snanunushthana kaladalli srisaramga
Paniya nyasa dhyana maduva dhira
Danadi karma Same dame nana
Gunarna Bajisuvantha dhira prasanna ||1||

Hariye sarvottama mruta devane
Guru eradumuru beda sthiravendu sthapisi
Dhareyolu merede vadegaluktidhuradinda
Taride nambidavara karunadi porede ||2||

Vedarthagalanella vyakyana mukadinda
Sadhisi dharegella bodhisi avaraga
Bedava taride manobishta mo
Dadigarede ramanama svada savide ||3||

Darahasasaritetira mantralayadalli
Gururaya Aj~jeyimdavara sannidhiyalli
Sthiravagi ninde sumahimeyali
Mereve ni munde dayadalenna poreyayya tande ||4||

Marutantargata gopalavithalanna
Harushadi pujipa guru upendra
Tirthara karakanjajata baktarakama vara
Parijata kamadhenu karuniso data ||5||

ದುರಿತ ವಾರಿವಾಹ ಜಂಝಾನಿಳ ಶರಣು
ಶರಣು ನಮ್ಮ ಗುರುವೆ ವಿಜಯರಾಯರು                  ||ಪ||

ಆಗಾಮಿ ಸಂಚಿತ ಅಖಿಳಕರ್ಮದೂರ
ರಾಜದ್ವೇಷಾದಿ ದುರ್ಗುಣವರ್ಜಿತ
ಭೋಗಪ್ರಾಶಬ್ಧ ಭುಂಜಿಸುವ ಭೂದೇವ
ಭಾಗವತರನ್ನ ಬಿಡದೆ ಭಜಿಸುವರ                           ||೧||

ಈಷಣತ್ರಯ ದೂರ ಇಳೆಯೊಳಗೆ ಪುಣ್ಯ
ದೇಶ ಸಂಚಾರ ಪಾವನ ಶರೀರ
ದಾಸರ ನಿಜಪ್ರಿಯ ದಮೆಶಮೆಯಾದಿ ಪಾವನ
ತೋಷಭರಿತ ನಿತ್ಯ ಕೊಂಡಾಡುವ ಜನರ                 ||೨||

ಅಧ್ಯಾತ್ಮ ಅಮಿತ ಗೋಪ್ಯತತ್ವವಿಚಾರ
ಸ್ವಾಧ್ಯಾಯ ನಿಪುಣ ಸಕಲ ಜನ್ಮದಿ
ಅದ್ವೈತಮತಕೋಲಾಹಲ ಅಮಲಶೀಲ
ಸಿದ್ಧಾಂತ ಜ್ಞಾನನಿಧಿಯೆ ನಿಜಾಶ್ರಿತರ                       ।।೩।।

ಕಾಮಾದಿ ಷಡುರಿಪುಗಳನ ಗೆಲಿದು ಹೃದಯ
ವ್ಯೋಮದೊಳಗೆ ನಿತ್ಯದಿ ಪೂಜಿಸುವ ಮಹಿಮ
ನೇಮದಿಂದಲಿ ನಿಮ್ಮ ಸ್ಮರಿಸುವ ಜನರ                    ।।೪।।

ಭುವನ ಮಂಡಾಲಾಧಿಪ ಕವಿಗಳ ಶಿರೋರತುನ
ಭವದೂರ ಭಾಗ್ಯನಿಧಿಯೆ ಭಕ್ತರ
ಪವನಾಂತರ್ಗತ ನಮ್ಮ ಗೋಪಾಲವಿಠಲನ್ನ
ಸುವನಜಚರಣಸೇವೆಯಲಿಟ್ಟ ಗುರುರನ್ನ                   ।।೫।।

Durita varivaha janjanila saranu
Saranu namma guruve vijayarayaru ||pa||

Agami sanchita akilakarmadura
Rajadveshadi durgunavarjita
Bogaprasabdha Bunjisuva budeva
Bagavataranna bidade Bajisuvara ||1||

Ishanatraya dura ileyolage punya
Desa sanchara pavana sarira
Dasara nijapriya damesameyadi pavana
Toshabarita nitya kondaduva janara ||2||

Adhyatma amita gopyatatvavichara
Svadhyaya nipuna sakala janmadi
Advaitamatakolahala amalasila
Siddhamta j~jananidhiye nijasritara ||3||

Kamadi shaduripugalana gelidu hrudaya
Vyomadolage nityadi pujisuva mahima
Nemadimdali nimma smarisuva janara ||4||

Buvana mamdaladhipa kavigala siroratuna
Bavadura bagyanidhiye Baktara
Pavanantargata namma gopalavithalanna
Suvanaja charanaseveyalitta gururanna ||5||

ಆಪ್ತ ಮಾತಿದು ನಿಜ ಪ್ರಾಪ್ತ ಜನಕೆ
ಕುಪಿತರಾದರೆ ಕೇಳೆ ಅಪ್ರಾಪ್ತರು                          ।।ಪ॥

ಹರಿಯ ಪೂಜಿಸಿ ನೆಚ್ಚಿ ಪರಿವಾರ ಬಿಟ್ಟರೆ
ನಿರಯವೇ ಪ್ರಾಪ್ತಿ ಸಂದೇಹವಿಲ್ಲ
ಹಿರಿದು ಹರಿಗೋಲ ನಂಬಿ ಕಿರಿದ್ಹುಟ್ಟುಗಳ ಬಿಡಲು
ಭರದಿ ಹೊಳೆದಾಟಿ ತಾ ದಾರಿಯ ಸೇರುವನೆ          ।।೧।।

ಕೃಷ್ಣನಲ್ಲಿ ದ್ವೇಷ ನಾರಾಯಣನಲ್ಲಿ ಭಕುತಿ
ಎಷ್ಟು ಮಾಡಿದರು ಗತಿಪೊಂದುವನೆ
ಸಿಟ್ಟಿನಲ್ಲಿ ಸರ್ಪನ ತುಟಿ ತುದಿಯ ಚಿವುಟಿದರೆ
ಎಷ್ಟು ಸುಖ ಐದುವನು ನಷ್ಟವಿಲ್ಲದೆ                       ।।೨।।

ಹರಿಯಲ್ಲಿ ದ್ವೇಷ ಹರನಲ್ಲಿ ಭಕುತಿ ಮಾಡಿದರೆ
ಪರಮಪದ ದೊರಕುವುದೆ ಮರುಳನಲ್ಲದೆ
ಶರಧಿ ಆಶ್ರಯಿಸಿದ್ದ ಮಚ್ಚನ ಬಲಮಾಡಿ
ಶರಧಿಯನು ದೂಷಿಸಲು ಹರುಷಬಡುವುದೆ             ।।೩।।

ಹರನ ದ್ವೇಷವ ಮಾಡಿ ಪೂಜೆಯ ಮಾಡೆ
ಪರಮಗತಿಯಾಗುವುದೆ ಪತಿತನಿಗೆ
ಹರವಿಯಿಲ್ಲದ ಪಾಕ ಕರವಿಟ್ಟು ಕಲಸಿದರೆ
ವರ ಭೋಜನವು ಅವಗೆ ಒದಗಿ ಆಗುವುದೆ              ।।೪।।

ದೇವನಿಗೆ ಕರ್ತೃತ್ವ ಉಂಟು ಎಂದವ ಗೆದ್ದ
ದೇವನಲ್ಲದೆ ಜೀವನೆನಲು ಬಿದ್ದ
ಪಾವನ್ನಮೂರುತಿ ಗೋಪಾಲವಿಠಲನಂಘ್ರಿ
ಸೇವಕಗೇನು ಗತಿ ಅದವರಿಗೆ ಆಗಲಿ                     ।।೫।।

---

Apta matidu nija prapta janake
Kupitaradare kele apraptaru ||pa||

Hariya pujisi necci parivara bittare
Nirayave prapti sandehavilla
Hiridu harigola nambi kirid~huttugala bidalu
Baradi holedati ta dariya seruvane ||1||

Krushnanalli dvesha narayananalli Bakuti
Eshtu madidaru gatiponduvane
Sittinalli sarpana tuti tudiya civutidare
Eshtu suka aiduvanu nashtavillade ||2||

Hariyalli dvesha haranalli Bakuti madidare
Paramapada dorakuvude marulanallade
Saradhi asrayisidda maccana balamadi
Saradhiyanu dushisalu harushabaduvude ||3||

Harana dveshava madi pujeya made
Paramagatiyaguvude patitanige
Haraviyillada paka karavittu kalasidare
Vara bojanavu avage odagi Aguvude ||4||

Devanige kartrutva untu emdava gedda
Devanallade jivanenalu bidda
Pavannamuruti gopalavithalanangri
Sevakagenu gati adavarige Agali ||5||