ಬಲು ರಮ್ಯವಾಗಿದೆ ಹರಿಯ ಮಂಚ||ಪ||
ಯಲರುಣಿ ಕುಲರಾಜ ರಾಜೇಶ್ವರನ ಮಂಚ ||ಅ.ಪ||

ಪವನತನಯ ಮಂಚ ಪಾವನತರ ಮಂಚ
ಭುವನತ್ರಯವ ಪೊತ್ತ ಭಾರಿ ಮಂಚ
ಕಿವಿಗಳಿಲ್ಲದ ಮಂಚ ಶ್ರೀನಿಕೇತನ ಮಂಚ
ಶಿವರೂಪದಲಿ ಹಿಂದೆ ಹರಿಯನೊಲಿಸಿದ ಮಂಚ ||೧||

ನೀಲಾಂಬರವನುಟ್ಟು ನಳನಳಿಸುವ ಮಂಚ
ನಾಲಿಗೆ ಎರಡುಳ್ಳ ನೈಜಮಂಚ
ನಾಲ್ವತ್ತು ಕಲ್ಪದಿ ತಪವ ಮಾಡಿದ ಮಂಚ
ತಾಲ ಮುಸಲ ಹಲವ ಹಿಡಿದಿರುವ ಮಂಚ ||೨||

ರಾಮನನುಜನಾಗಿ ರಣವ ಜಯಿಸಿದ ಮಂಚ
ತಾಮಸರುದ್ರನನು ಪಡೆದ ಮಂಚ
ಭೀಮಾವರಜನೊಳು ಆವೇಶಿಸಿದ ಮಂಚ
ಜೀಮೂತ ಮಂಡಲವ ತಡೆಗಟ್ಟಿದ ಮಂಚ ||೩||

ಜೀವನಾಮಕನೆನಿಸಿ ವ್ಯಾಪ್ತನಾದ ಹರಿಯ
ಸೇವಿಸಿ ಸುಖಿಸುವ ದಿವ್ಯ ಮಂಚ
ಸಾವಿರ ಮುಖದಿಂದ ತುತಿಸಿ ಹಿಗ್ಗುವ ಮಂಚ
ದೇವಕೀಜಠರದಲಿ ಜನಿಸಿದ ಮಂಚ ||೪||

ವಾರುಣೀದೇವಿಗೆ ವರನೆನಿಸಿದ ಮಂಚ
ಸಾರುವ ಭಕುತರ ಪೊರೆವ ಮಂಚ
ಕಾರುಣ್ಯನಿಧಿ ಜಗನ್ನಾಥವಿಠ್ಠಲನ ವಿ-
ಹಾರಕ್ಕೆ ಯೋಗ್ಯವಾದ ಶೇಷ ಮಂಚ ||೫||

Balu ramyavagide srihariya manca |
Yalaruni kularaja rajesvarana manca |

Pavana tanayanenipa pavanatara manca |
Buvanatrayava potta bari manca |
Kivigalillada manca sriniketana manca |
Sivarupadalli srihariya olisida manca || 1 ||

Niranbaravannuttu nalanalisuva manca |
Nalige eradulla naija manca |
Nalvattu kalpadi tapava madida manca |
Tala musala halava pididiha manca || 2 ||

Ramananujanagi ranava jayisida manca |
Tamasa rudrana padeda manca |
Bimananujanolu avesisida manca |
Jimuta mallaranu kuttida manca | |3 ||

Jiva namaengada vyaptanada hariya |
Sevisi sukisuva manca |
Savira mukadinda tutisi higguva manca |
Devakiya jatharadi janisida manca || 4 ||

Varunidevige varanenisida manca |
Saruva bktara poreva manca |
Karunyanidhi jagannatha vithalana |
Viharakke yogyavada sesha manca || 5 ||

ಅತಿ ಶೋಭಿಸುತಿದೆ ಶ್ರೀಪತಿಯ ವಾಹನ ||ಪ||
ಚತುರ್ದಶಲೋಕದಲಿ ಅಪ್ರತಿವಾಹನ ||ಅ.ಪ||

ವಿನತೆ ಕಶ್ಯಪಮುನಿಗೆ ತನಯನೆನಿಸಿದ ವಾಹನ
ಅನುಜರನು ಕದ್ದೊಯ್ದ ಆಢ್ಯವಾಹನ
ವನದಿ ಮಧ್ಯದಿ ನಾವಿಕರ ಭಕ್ಷಿಸಿದ ವಾಹನ
ಜನಕನಾಜ್ಞದಿ ಕೂರ್ಮಗಜರ ನುಂಗಿದ ವಾಹನ ||೧||

ಕುಲಿಶ ಪಾಣಿಯ ಕೂಡೆ ಕಲಹ ಮಾಡಿದ ವಾಹನ
ಒಳಹೊಕ್ಕು ಪೀಯೂಷ ತಂದ ವಾಹನ
ಮಲತಾಯಿ ಮಕ್ಕಳನು ಮರುಳುಗೊಳಿಸಿದ ವಾಹನ
ಬಲಿರಾಯ ಒಯ್ದ ಮಕುಟವ ತಂದ ವಾಹನ ||೨||

ಕಾಲನಾಮಕನಾಗೆ ಕಮಲಭವನಲಿ ಜನಿಸಿ
ಕಾಲಾತ್ಮ ಹರಿಯ ಸೇವಿಪವಾಹನ
ಕಾಳಗದಿ ಕಪಿವರರ ಕಟ್ಟು ಬಿಡಿಸಿದ ವಾಹನ
ಸೌಪರ್ಣಿಪತಿಯೆಂಬ ಹೊಂಬಣ್ಣವಾಹನ ||೪||

ಪನ್ನಗಾಶನ ವಾಹನ ಪತಿತಪಾವನ ವಾಹನ
ಸನ್ನುತಿಪ ಭಕ್ತರನು ಸಲಹುವ ವಾಹನ
ಪನ್ನಗಾದ್ರಿನಿವಾಸ ಜಗನ್ನಾಥವಿಠಲಗೆ
ಉನ್ನತ ಪ್ರಿಯವಾದ ಗರುಡವಾಹನ ||೫||

atisobisutide sripatiya vahana |
chaturadasalikakkapratima vahana |

kalanamaengagi kamalabanadali janisi |
kalatma hariya sevipa vahana |
kalagadi kapivarara kattu bidisida vahana |
valakilyara varava padediha vahana || 1 ||

vinuta kasyapa rushiya tanaya nenisida vahana |
anujara kaddoyda adhya vahana |
vanada madhyadi avukari bakshisida vahana |
janaengajnadi kurmagaja nungida vahana || 2 ||

kuparadedege mandar oyda vahana |
nijarupadi hariya sevegaiyda vahana |
sapatniyarige amrutava prapta madida vahana |
sauparni patiyenba ponbanna vahana || 3 ||

kulisapaniyarodane kalaha madida vahana |
olapokku piyusha tanda vahana |
malatayi makkalanu marulu golisida vahana |
balirajanoyda mukutava tanda vahana || 4 ||

pannagasananada patita pavana vahana |
sannutipa sajjanara poreva vahana |
pannagacala vasa jagannatha vithalage |
unnata priyavada garuda vahana || 5 ||

ಧನ್ಯನಾದೆ ವಿಠಲನ ಕಂಡು                          ।।ಪ।।

ಧನ್ಯನಾದೆ ಕಾಮನಪಿತ ಲಾ
ವಣ್ಯ ಮೂರಿತಿಯ ಕಣ್ಣಲ್ಲಿ ಕಂಡು                   ।।ಅ.ಪ।।

ದೇವವರೇಣ್ಯ ಸದಾವಿನೋದಿ ವೃಂ
ದಾವನಸಂಕಾರ ಗೋಪನ ಕಂಡು                 ।।೧।।

ಮಂಗಳಾಂಗ ಕಾಳಿಂಗಮರ್ದನ ಮಾ
ತಂಗವರದ ವರ ರಂಗನ ಕಂಡು                   ।।೨।।

ಹಾಟಕಾಂಬರ ಕಿರೀಟಸಾರಥಿ
ತಾಟಾಕಾರಿ ವೈರಾಟನ ಕಂಡು                     ।।೩।।

ಚಿಂತಿತಫಲದ ಕೃತಾಂತನಾತ್ಮಜಾ
ದ್ಯಂತರಹಿತ ನಿಶ್ಚಿಂತನ ಕಂಡು                      ।।೪।।

ಮಾತುಳಾಂತಕ ವಿಧಾತಪಿತ ಜಗ
ನ್ನಾಥವಿಠಲ ವಿಖ್ಯಾತನ ಕಂಡು                        ।।೫।।

Dhanyanade vithalana kandu ||pa||

Dhanyanade kamanapita la
Vanya muritiya kannalli kandu ||a.pa||

Devavarenya sadavinodi vrun
Davanasankara gopana kandu ||1||

Mangalanga kalingamardana ma
Tangavarada vara rangana kandu ||2||

Hatakambara kiritasarathi
Tatakari vairatana kandu ||3||

Chintitapalada krutantanatmaja
Dyamtarahita niscimtana kandu ||4||

Matulantaka vidhatapita jaga
Nnathavithala vikyatana kandu ||5||

ಇದು ನಿನಗೆ ಧರ್ಮವೇ ಇಂದಿರೇಶ
ಬದೆಗ ನೀನಾಗಿದ್ದು ಭೀತಿಪಡಿಸುವುದು                           ।।ಪ।।

ನಿನ್ನ ಗುಣಗಳ ತುತಿಸಿ ನಿನ್ನನೆ ಹಾರೈಸಿ
ನಿನ್ನವರ ಪ್ರೀತಿಯನು ಸಂಪಾದಿಸಿ
ಅನ್ಯರನು ಲೆಕ್ಕಿಸದೆ ಚೆನ್ನಾಗಿ ಬಾಳುವ
ಮಾನವನ ಈ ಪರಿಯ ಬನ್ನಬಡಿಸುವುದು                       ।।೧।।

ದುರುಳನಲ್ಲವೊ ನಿನ್ನ ಚರಸೇವಕರವನೊ
ಪರಿಪಾಲಿಸುವುದು ನಿನಗೆ ಪರಮಧರ್ಮ
ಗುರುಗಳಂತರ್ಯಾಮಿ ಕರಮುಗಿದು ಬಿನ್ನೈಪೆ
ಶರಣರ ಪಾಲಕನೆಂಬ ಬಿರುದು ಸುಳ್ಳಾಗುತಿದೆ                 ।।೨।।

ಶೋಕನಾಷಣ ವಿಗತಶೋಕನೆಂಬೊ ನಾಮ
ನಾ ಕೇಳಿ ಮರೆಹೊಕ್ಕೆ ಲೋಕಬಂಧು
ನೀಕರಿಸೆಮ್ಮ ನೀ ಸಾಕಬೇಕನುದಿನವು
ವಾಕು ಮನ್ನಿಪುದು ಲೋಕೈಕರಕ್ಷಾಮಣಿ                          ।।೩।।

ಗುಣವೇ ನಿನ್ನದು ಬರಿದೆ ದಣಿಸುವುದು ಶರಣರನು
ಪ್ರಣತಾರ್ತಿಹರ ವಿಭೀಷಣಪಾಲಕ
ಕ್ಷಣಕನಂತಪರಾಧವೆಣಿಸುವಡೆ ಕಡೆಯುಂಟೆ
ಮಣಿದು ಬಿನ್ನಹ ಮಾಳ್ಪೆ ದನುಜದಲ್ಲಣನೆ                        ।।೪।।

ನಮೋ ನಮೋ ಬ್ರಹ್ಮಣ್ಯದೇವರದೇವ
ನಮೋ ನಮೋ ಧನ್ವಂತ್ರಿ ದುರಿತಹಂತ್ರೀ
ನಮೋ ನಮೋ ಕಾರುಣ್ಯಶೀಲ ಸಜ್ಜನಪಾಲ
ನಮೋ ನಮೋ ಜಗನ್ನಾಥ ವಿಠಲ ವಿಖ್ಯಾತ                     ।।೫।।

Idu ninage dharmave indiresa
Badega ninagiddu bitipadisuvudu ||pa||

Ninna gunagala tutisi ninnane haraisi
Ninnavara pritiyanu sampadisi
Anyaranu lekkisade chennagi baluva
Manavana I pariya bannabadisuvudu ||1||

Durulanallavo ninna carasevakaravano
Paripalisuvudu ninage paramadharma
Gurugalantaryami karamugidu binnaipe
Saranara palakanemba birudu sullagutide ||2||

Sokanashana vigatasokanembo nama
Na keli marehokke lokabandhu
Nikarisemma ni sakabekanudinavu
Vaku mannipudu lokaikarakshamani ||3||

Gunave ninnadu baride danisuvudu saranaranu
Pranatartihara vibishanapalaka
Kshanakanantaparadhavenisuvade kadeyumte
Manidu binnaha malpe danujadallanane ||4||

Namo namo brahmanyadevaradeva
Namo namo dhanvantri duritahantri
Namo namo karunyasila sajjanapala
Namo namo jagannatha vithala vikyata ||5||

ಆವಕಾರಣ ಮೊಗವ ತಿರುಹಿದ್ಯೋ ಪೇಳು
ಭೂವರಾಹ ಸ್ವಾಮಿಪುಷ್ಕರಣೀತೀರಗನೆ                      ।।ಪ।।

ರಥಸಮೂಹಗಳೇರಿ ಪ್ರಕಾಶಿಪ ಬಗೆಯೊ
ಸತಿಯ ಲಾವಣ್ಯಾತಿಶಯವ ನೋಡುವ ಬಗೆಯೊ
ಮಿತಿಯಿಲ್ಲದಸುರರ ಉಪೇಕ್ಷೆ ಮಾಡುವ ಬಗೆಯೊ
ಪತಿತಪಾವನ ಪೂರ್ಣಕಾಮ ನಿನಗೆ
ನುತಿಸಿ ಬಿನ್ನೈಸುವೆನು ಪೇಳೊ                                 ।।೧।।

ಭಜಕರೆನ್ನನು ಬಿಡರೆಂಬ ಮನಸಿನ ಬಗೆಯೊ
ಅಜಭವಾದಿಗಳ ಸಂಸ್ತುತಿಗಳಾಲಿಪ ಬಗೆಯೊ
ರಜನೀಚರರ ಸದೆದು ನಾಟ್ಯವಾಡುವ ಬಗೆಯೊ
ಭುಜಗಭೂಷಣಪೂಜ್ಯಚರಣ
ತ್ರಿಜಗದ್ವಿಲಕ್ಷಣ ಸುರೂಪನಿರ್ಲೇಪ                             ।।೨।।

ಅನುಗರೊಶ ನೀನಾದಡೆಮ್ಮನು ಮರೆವರೆಂದು
ವನಿತೆಗಾರರಿಯದಂತುಪದೇಶಿಸುವ ಬಗೆಯೊ
ಘನಲಕ್ಷಣಮುಖಾಬ್ಜವನು ಚುಂಬಿಸುವ ಬಗೆಯೊ
ವನಜಸಂಭವನಾಸ್ಯಜನೆ ಜಗ
ಜ್ಜನಕ ಜಗನ್ನಾಥವಿಠಲ                                           ।।೩।।

Avakarana mogava tiruhidyo pelu
Buvaraha svamipushkaranitiragane ||pa||

Rathasamuhagaleri prakasipa bageyo
Satiya lavanyatisayava noduva bageyo
Mitiyilladasurara upekshe maduva bageyo
Patitapavana purnakama ninage
Nutisi binnaisuvenu pelo ||1||

Bajakarennanu bidaremba manasina bageyo
Ajabavadigala samstutigalalipa bageyo
Rajanicarara sadedu natyavaduva bageyo
Bujagabushanapujyacarana
Trijagadvilakshana surupanirlepa ||2||

Anugarosa ninadademmanu marevarendu
Vanitegarariyadantupadesisuva bageyo
Ganalakshanamukabjavanu cumbisuva bageyo
Vanajasambavanasyajane jaga
Jjanaka jagannathavithala ||3||

ವಿಠಲಯ್ಯ ವಿಠಲಯ್ಯ ||pa||

ತಟಿತ್ಕೋಟಿನಿಭಕಾಯ ಜಗನ್ನಾಥ ವಿಠಲಯ್ಯಾ ||a.pa||

ಭಜಿಸುವೆ ನಿನ್ನನು ಅಜಭವ ಸುರನುತ
ಭಜಕಾಮರತರು ಕುಜನ ಕುಠಾರಾ ||1||

ನೀ ಕರುಣಿಸದೆ ನಿರಾಕರಿಸಲು ಎನ್ನ
ಸಾಕುವರಾರು ದಯಾಕರ ಮೂರುತಿ ||2||

ಶರಣಾಗತರನು ಪೊರೆವನೆಂಬ ತವ
ಬಿರಿದು ಕಾಯೋ ಕರಿವರದ ಜಗನ್ನಾಥ ||3||

Vithalayya vithalayya ||pa||

Tatitkoti nibakaya jagannatha ||a.pa||

Bajisuve ninnanu ajabava sura nuta
Baja kamara tarakujana kuthara ||1||

Nikarunisade nirakarisalu enna
Sakuvararo dayapara muruti ||2||

Saranagataranu porevenemba tava
Birudu kayo karivadana jagannatha ||3||