Sri Narsimha Avatara stothram

ಓಂ || ಪ್ರಹ್ಲಾದಾಹ್ಲಾದಹೇತುಂ ಸಕಲಗುಣಗಣಂ ಸಚ್ಚಿದಾನಂದಮಾತ್ರಂ
ಸೈಂಹಾಸಹ್ಯೋಗ್ರಮೂರ್ತಿಂ ಸದಭಯಮರಿಶಂಖೌ ರಮಾಂ ಬಿಭ್ರತಂ ಚ |
ಅಂಹಸ್ಸಂಹಾರದಕ್ಷಂ ವಿಧಿಭವವಿಹಗೇಂದ್ರೇಂದ್ರಚಂದ್ರಾದಿವಂದ್ಯಂ
ರಕ್ಷೋವಕ್ಷೋವಿದಾರೋಲ್ಲಸದಮಲದೃಶಂ ನೌಮಿ ಲಕ್ಷ್ಮೀನೃಸಿಂಹಮ್ || ೧ ||

ವಾಮಾಂಕಸ್ಥಧರಾಕರಾಂಜಲಿಪುಟಪ್ರೇಮಾತಿಹೃಷ್ಟಾಂತರಂ
ಸೀಮಾತೀತಗುಣಂ ಫಣೀಂದ್ರಫಣಗಶ್ರೀಮಾನ್ಯಪಾದಾಂಬುಜಮ್ |
ಕಾಮಾದ್ಯಾಕರಚಕ್ರಶಂಖಸುವರೋದ್ದಾಮಾಭಯೋದ್ಯತ್ಕರಂ
ಸಾಮಾದೀಡ್ಯವರಾಹರೂಪಮಮಲಂ ಹೇ ಮಾಸನೇ ತಂ ಸ್ಮರ || ೨ ||

ಕೋಲಾಯ ಲಸದಾಕಲ್ಪಜಾಲಾಯ ವನಮಾಲಿನೇ |
ನೀಲಾಯ ನಿಜಭಕ್ತೌಘಪಾಲಾಯ ಹರಯೇ ನಮಃ || ೩ ||

ಧಾತ್ರೀಂ ಶುಭಗುಣಪಾತ್ರೀಮಾದಾಯಾಶೇಷವಿಬುಧಮೋದಾಯ |
ಶೇಷೇ ತಮಿಮಮದೋಷೇ ಧಾತುಂ ಹಾತುಂ ಚ ಶಂಕಿನಂ ಶಂಕೇ || ೪ ||

ನಮೋಸ್ತು ಹರಯೇ ಯುಕ್ತಿಗಿರಯೇ ನಿರ್ಜಿತಾರಯೇ |
ಸಮಸ್ತಗುರವೇ ಕಲ್ಪತರವೇ ಪರವೇದಿನಾಮ್ || ೫ ||

|| ಇತಿ ಶ್ರೀಮದ್ವಾದಿರಾಜಪೂಜ್ಯಚರಣವಿರಚಿತಂ ಶೀನೃಸಿಂಹವರಾಹಸ್ತೋತ್ರಂ ಸಂಪೂರ್ಣಮ್ ||

OM || prahlAdAhlAdahEtuM sakalaguNagaNaM saccidAnaMdamAtraM
saiMhAsahyOgramUrtiM sadaBayamariSaMKau ramAM biBrataM ca |
aMhassaMhAradakShaM vidhiBavavihagEndrEndracaMdrAdivandyaM
rakShOvakShOvidArOllasadamaladRuSaM naumi lakShmInRusiMham || 1 ||

vAmAnkasthadharAkarAnjalipuTaprEmAtihRuShTAntaraM
sImAtItaguNaM PaNIndraPaNagaSrImAnyapAdAMbujam |
kAmAdyAkaracakraSanKasuvarOddAmABayOdyatkaraM
sAmAdIDyavarAharUpamamalaM hE mAsanE taM smara || 2 ||

kOlAya lasadAkalpajAlAya vanamAlinE |
nIlAya nijaBaktauGapAlAya harayE namaH || 3 ||

dhAtrIM SuBaguNapAtrImAdAyASEShavibudhamOdAya |
SEShE tamimamadOShE dhAtuM hAtuM ca SankinaM SankE || 4 ||

namOstu harayE yuktigirayE nirjitArayE |
samastaguravE kalpataravE paravEdinAm || 5 ||

|| iti SrImadvAdirAjapUjyacharaNaviracitaM SInRusiMhavarAhastOtraM saMpUrNam ||