MADHWA · Vadirajaru

Narahariashtakam

ಓಮ್ || ಯದ್ಧಿತಂ ತವ ಭಕ್ತಾನಾಮಸ್ಮಾಕಂ ನೃಹರೇ ಹರೇ |
ತದಾಶು ಕಾರ್ಯಂ ಕಾರ್ಯಜ್ಞ ಪ್ರಳಯಾರ್ಕಾಯುತಪ್ರಭ || ೧ ||

ರಟತ್ಸಟೋಗ್ರಭ್ರುಕುಟೀಕಠೋರಕುಟಿಲೇಕ್ಷಣ |
ನೃಪಂಚಾಸ್ಯ ಜ್ವಲಜ್ಜ್ವಾಲೋಜ್ಜ್ವಲಾಸ್ಯಾರೀನ್ ಹರೇ ಹರ || ೨ ||

ಉನ್ನದ್ಧಕರ್ಣವಿನ್ಯಾಸ ವಿವೃತಾನನ ಭೀಷಣ |
ಗತದೂಷಣ ಮೇ ಶತ್ರೂನ್ ಹರೇ ನರಹರೇ ಹರ || ೩ ||

ಹರೇ ಶಿಖಿಶಿಖೋದ್ಭಾಸ್ವದುರುಕ್ರೂರನಖೋತ್ಕರ |
ಅರೀನ್ ಸಂಹರ ದಂಷ್ಟ್ರೋಗ್ರಸ್ಫುರಜ್ಜಿಹ್ವ ನೃಸಿಂಹ ಮೇ || ೪ ||

ಜಠರಸ್ಥಜಗಜ್ಜಾಲ ಕರಕೋಟ್ಯುದ್ಯತಾಯುಧ |
ಕಟಿಕಲ್ಪತಟಿತ್ಕಲ್ಪವಸನಾರೀನ್ ಹರೇ ಹರ || ೫ ||

ರಕ್ಷೋಧ್ಯಕ್ಷಬೃಹದ್ವಕ್ಷೋರೂಕ್ಷಕುಕ್ಷಿವಿದಾರಣ |
ನರಹರ್ಯಕ್ಷ ಮೇ ಶತ್ರುಪಕ್ಷಕಕ್ಷಂ ಹರೇ ದಹ || ೬ ||

ವಿಧಿಮಾರುತಶರ್ವೇಂದ್ರಪೂರ್ವಗೀರ್ವಾಣಪುಂಗವೈಃ |
ಸದಾ ನತಾಂಘ್ರಿದ್ವಂದ್ವಾರೀನ್ ನರಸಿಂಹ ಹರೇ ಹರ || ೭ ||

ಭಯಂಕರೋರ್ವಲಂಕಾರ ವರಹುಂಕಾರಗರ್ಜಿತ |
ಹರೇ ನರಹರೇ ಶತ್ರೂನ್ಮಮ ಸಂಹರ ಸಂಹರ || ೮ ||

ವಾದಿರಾಜಯತಿಪ್ರೋಕ್ತಂ ನರಹರ್ಯಷ್ಟಕಂ ನವಮ್ |
ಪಠನ್ನೃಸಿಂಹಕೃಪಯಾ ರಿಪೂನ್ ಸಂಹರತಿ ಕ್ಷಣಾತ್ || ೯ ||
|| ಇತಿ ಶ್ರೀಮದ್ವಾದಿರಾಜಪೂಜ್ಯಚರಣವಿರಚಿತಂ ನರಹರ್ಯಷ್ಟಕಂ ಸಂಪೂರ್ಣಮ್ ||

Om || yaddhitaM tava BaktAnAmasmAkaM nRuharE harE |
tadASu kAryaM kAryaj~ja praLayArkAyutapraBa || 1 ||

raTatsaTOgraBrukuTIkaThOrakuTilEkShaNa |
nRupancAsya jvalajjvAlOjjvalAsyArIn harE hara || 2 ||

unnaddhakarNavinyAsa vivRutAnana BIShaNa |
gatadUShaNa mE SatrUn harE naraharE hara || 3 ||

harE SiKiSiKOdBAsvadurukrUranaKOtkara |
arIn saMhara daMShTrOgrasPurajjihva nRusiMha mE || 4 ||

jaTharasthajagajjAla karakOTyudyatAyudha |
kaTikalpataTitkalpavasanArIn harE hara || 5 ||

rakShOdhyakShabRuhadvakShOrUkShakukShividAraNa |
naraharyakSha mE SatrupakShakakShaM harE daha || 6 ||

vidhimArutaSarvEMdrapUrvagIrvANapuMgavaiH |
sadA natAnGridvandvArIn narasiMha harE hara || 7 ||

BayankarOrvalankAra varahunkAragarjita |
harE naraharE SatrUnmama saMhara saMhara || 8 ||

vAdirAjayatiprOktaM naraharyaShTakaM navam |
paThannRusiMhakRupayA ripUn saMharati kShaNAt || 9 ||
|| iti SrImadvAdirAjapUjyacaraNaviracitaM naraharyaShTakaM saMpUrNam ||

3 thoughts on “Narahariashtakam

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s