ಅನ್ನದಾನ ಮಹಿಮಾ ಸುಳಾದಿ

ಧ್ರುವತಾಳ

ಉತ್ತಮರಿಗೆ ಒಂದು ತುತ್ತನ್ನ ದಾನದಿಂದ |
ಇತ್ತವನ ಹತ್ತು ಹೆತ್ತು ಬಂದು |
ಸಪುತ ಗೋತ್ರಾಕಿಲ ಹತ್ತಿ ಹೊಂದಿದವರು |
ಸುತ್ತಣ ಪರಿವಾರ ಎತ್ತಲೆತ್ತ ಉಳ್ಳವರು |
ಅತ್ಯಂತವಾದ ಪಾಪಮೊತ್ತದಾಸಕ್ತರಾಗಿ |
ಮರ್ತ್ಯಲೋಕದಲಿ ಆಪತ್ತು ಬಡುತಲಿರೆದೆ |
ಹೆತ್ತ ಜನನಿಯಂತೆ ಎತ್ತಿಕೊಂಡೊಯ್ದು, ಪುನರಾ |
ವರ್ತಿ ಇಲ್ಲದ, ಲೋಕದತ್ತ ಸೇರಿಸುವುದು |
ಎತ್ತಲೂ ಸರಿಗಾಣದೆ ಕ್ಷುದಾತುರರಾಗಿ ಬಂದ |
ಸೋತ್ತಮರಿಗಿತ್ತ ಫಲ ಚಿತ್ತದಲ್ಲಿ ಎಣಿಸೆ |
ನಿತ್ಯ ಕರುಣವ ಪಡೆದು ಸತ್ಪಥ ನಡೆಯುವರು || ೧ ||

ಮಟ್ಟತಾಳ

ಹರಿಸರ್ವೋತ್ತಮನೆಂಬೋ ಜ್ಞಾನ |
ಮರುತದೇವನ ಮತವೆಂಬೋ ಮತದಿ |
ಹರಿಗುರು ಭಕುತಿ ಎಂಬೋ ಭಕುತಿ ನಿರಂತರದಲ್ಲಿ |
ವಿರಕುತರಾಗಿ ಚರಿಸುವ ಜ್ಞಾನಿಗಳ ಸಂಗದಲ್ಲಿ |
ಹರಿ ಕಥಾ ಶ್ರವಣ ನಿರುಮಲ ಮನದಿ, ಎರೆಗುತಲಿಪ್ಪಾ |
ಚರಣೆಯ ಮಾನವನು ಧರೆಯೊಳಗವನೆ ಪರಮೋತ್ತಮನೋ |
ಅರಿದೀಪರಿಯಲ್ಲಿ ವಿಜಯವಿಟ್ಠಲ ಹರಿಯೆ |
ಶರಣಾಗಲಿಬೇಕು ತಾರತಮ್ಯವ ತಿಳಿದು || ೨ ||

ತ್ರಿವಿಡಿತಾಳ

ಬಂದ ಅತಿಥಿಯನು ತನ್ನಯ ಬಾಗಿಲ |
ಮುಂದೆ ಕಾಣುತ್ತಲಿವೆ ಎಂದು ಎದಿರುಗೊಂಡು |
ವಂದಿಸಿ ಕರ ಮುಗಿದು ದ್ವಂದ್ವ ಪಾದಕ್ಕೆರಗಿ |
ತಂದೆ, ಆವಲ್ಲಿಂದ ದಯಮಾಡಿ ಬಂದಿರಿ ಎಂದು |
ಒಂದೊಂದು ಮಾತನು ಆನಂದದಿಂದಲಿ ಪೇಳಿ |
ರೆಂದು ಪೀಠವನಿತ್ತು ಚಂದದಿಂದಲಿ ನಲಿದು |
ಮಂದಿರದೊಳಗೆ ವಸುಂಧರ ವಿಬುಧನ್ನ |
ಮಂದಹಾಸದಲಿ ನಯದಿಂದ ಕುಳ್ಳಿರಿಸಿ, ಜಲ |
ದಿಂದ ಚರಣ ತೊಳಿದಾನಂದ ಭರಿತನಾಗಿ |
ಸಂದೇಹ ಬಿಟ್ಟು ಸೊಬಗಿನಿಂದ ಶಿರದ ಮೇಲೆ |
ಬಿಂದು ಮಾತುರ ಜಲ, ಬಂಧು ಬಳಗ ಕೂಡಿ |
ಕುಂದರೆ ಧರಿಸಿ ತಾ ಮಂದಿರದಲ್ಲಿ ಚೆಲ್ಲಿ |
ಒಂದೊಂದು ಪರಿಯಲ್ಲಿ ಪೊಂದಿ ಸುಖದಲ್ಲಿರು |
ಮಂದರಧರ ನಮ್ಮ ವಿಜವಿಟ್ಠಲ ಹರಿಯೆ |
ಎಂದೆಂದಿಗೂ ಬಿಡದೆ ವಂದಿಸು ಮನದಲ್ಲಿ || ೩ ||

ಅಟ್ಟತಾಳ

ಜೀವೇಶರೊಂದೊಂದು ಪೇಳುವ ಪಾಪಿಗೆ |
ಶ್ರೀವೈಷ್ಣವೋತ್ತಮನು, ಕರೆದು ತುತ್ತನ್ನವ |
ಪಾವನನಾಗುವೆನೆಂದು ಇತ್ತರೆ, ಅದು |
ಪಾವಕನೊಳು ಹಾಕಿದಂತೆ ಬಯಲಾಗಿ |
ಯಾವತ್ತೂ ಪುಣ್ಯವು ನಾಶವಾಗುವುದು |
ಆವಾವ ಕಾಲಕ್ಕೆ ಯಳ್ಳನಿತು ಕಾಣೆ |
ದೇವೇಶ ವಿಜಯವಿಟ್ಠಲ ಜಗದೊಡೆಯನಾ
ಈವನೇತ್ರನ ಪದ ತಾವರೆ ಭಜಿಪಂಗೆ |
ಕೋವಿದನಾಗಿ ಇತ್ತವಗೆ ಸರಿಗಾಣೇ || ೪ ||

ಆದಿತಾಳ

ಅನ್ನ ಇತ್ತರೆ ಅದು ಭವನವಾಗಿ ತೋರುವುದು |
ಅನ್ನವೀಯದಿರೆ ಅದು ಕಾನನಕೆ ಸರಿ ಎನ್ನಿ |
ಅನ್ನದಿಂದಲಿ, ಬಂದ ಘನದುರಿತಹರ ಕಾಣೋ |
ಅನ್ನದಿಂದಲಿ, ಸರ್ವಪುಣ್ಯ ಫಲಿಸುವುದು |
ಅನ್ನ ಇತ್ತವನೆ ಕೀರ್ತಿ ಉನ್ನತವಾಗಿ, ತ್ರಿಭು |
ವನದೊಳಗೆ ತುಂಬಿ ಚೆನ್ನಾಗಿ ಪೊಳೆವನಯ್ಯ |
ಅನ್ನದಾನಕ್ಕಿಂತ ಇನ್ನು ಮಿಗಿಲು ದಾನಗಳಿಲ್ಲ |
ಹೊನ್ನು ಹಣ ಕೊಡಲು ಅಗಣ್ಯ ಅನ್ನದಾನಕ್ಕೆ |
ಅನಂತಕಾಲ ಮುಖವನ್ನೆ ಮಾಡಲು ವಿಪ್ರ |
ಗುಣಿಸುದುದಕ್ಕೆ ಸರಿಯೆನ್ನ ಬಹುದೇ ತಿಳಿದು |
ಅನಂತ ಮೂರುತಿ ವಿಜಯವಿಟ್ಠಲರೇಯ |
ಅನ್ನವನೀವನೆಂದು ಮನ್ನಿಸಿ ಸಲಹುವ || ೫ ||

ಜತೆ

ಅತಿಥಿ ಅಭ್ಯಾಗತನ ಸಂತೋಷ ಪಡಿಸಲು |
ಸತತ ಪೊಳೆವ ವಿಜಯವಿಟ್ಠಲ ಮನಸಿನೊಳು || ೬ ||

dhruva tala
Uttamarige ondu tuttanna danadinda |
Ittavana hattu hettu bandu |
Saputa gotrakila hatti hondidavaru |
Suttana parivara ettaletta ullavaru |
Atyantavada papamottadasaktaragi |
Martyalokadali Apattu badutalirede |
Hetta jananiyante ettikomdoydu, punara |
Varti illada, lokadatta serisuvudu |
Ettalu sariganade kshudaturaragi banda |
Sottamarigitta Pala chittadalli enise |
Nitya karunava padedu satpatha nadeyuvaru || 1 ||

matta tala
Harisarvottamanembo j~jana |
Marutadevana matavembo matadi |
Hariguru Bakuti embo Bakuti nirantaradalli |
Virakutaragi carisuva j~janigala sangadalli |
Hari katha sravana nirumala manadi, eregutalippa |
Charaneya manavanu dhareyolagavane paramottamano |
Aridipariyalli vijayavitthala hariye |
Saranagalibeku taratamyava tilidu || 2 ||

-trividi tala
Banda atithiyanu tannaya bagila |
Munde kanuttalive endu edirugondu |
Vandisi kara mugidu dvandva padakkeragi |
Tande, Avallinda dayamadi bandiri endu |
Ondondu matanu Anandadindali peli |
Rendu pithavanittu chandadindali nalidu |
Mandiradolage vasundhara vibudhanna |
Mandahasadali nayadinda kullirisi, jala |
Dinda charana tolidananda baritanagi |
Sandeha bittu sobagininda Sirada mele |
Bindu matura jala, bandhu balaga kudi |
Kundare dharisi ta mandiradalli celli |
Ondondu pariyalli pondi sukadalliru |
Mandaradhara namma vijavitthala hariye |
Endendigu bidade vandisu manadalli || 3 ||

atta tala
Jivesarondondu peluva papige |
Srivaishnavottamanu, karedu tuttannava |
Pavananaguvenendu ittare, adu |
Pavakanolu hakidante bayalagi |
Yavattu punyavu nasavaguvudu |
Avava kalakke yallanitu kane |
Devesa vijayavitthala jagadodeyana
Ivanetrana pada tavare Bajipange |
Kovidanagi ittavage sarigane || 4 ||

Adi tala
Anna ittare adu bavanavagi toruvudu |
Annaviyadire adu kananake sari enni |
Annadindali, banda Ganaduritahara kano |
Annadindali, sarvapunya Palisuvudu |
Anna ittavane kirti unnatavagi, tribu |
Vanadolage tumbi cennagi polevanayya |
Annadanakkinta innu migilu danagalilla |
Honnu hana kodalu aganya annadanakke |
Anantakala mukavanne madalu vipra |
Gunisududakke sariyenna bahude tilidu |
Ananta muruti vijayavitthalareya |
Annavanivanendu mannisi salahuva || 5 ||

jate
Atithi abyagatana sanosha padisalu |
Satata poleva vijayavitthala manasinolu || 6 ||

ಹರಿದಾಸ ಲಕ್ಷಣ ಸುಳಾದಿ

ಧ್ರುವತಾಳ

ಹರಿದಾಸರ ಲಕ್ಷಣ ಇರಬೇಕು ಈ ಪರಿ
ಗರುವ ಕೋಪ ಮದ ಮತ್ಸರಾದಿ ಬಿಡಬೇಕು
ಮರುತ ಮತಕೆ ಎಲ್ಲಿ ಸರಿಗಾಣೆನೆನುತಲಿ
ಧರಿಯೋಳು ಕೂಗಿ ಡಂಗುರವ ಹೊಯಲಿಬೇಕು
ಎರಡಾರು ಪುಂಢ್ರವ ವಿರಚಿಸಿ ಪಂಚಮುದ್ರಾ
ಧರರಾಗಿ ತಪ್ತಾಂಕಿತ ಧರಿಸಬೇಕು ಭುಜದಲ್ಲಿ
ಶಿರಿಬೊಮ್ಮ ಹರಾದ್ಯರಿಗೆ ತಾರತಮ್ಯಭಾವದಿಂದ
ಎರಗಿ ಎನ್ನೊಳಗಿದ್ದು ಪೊರೆಯೆಂದಾಡಲಿಬೇಕು
ಕರಣ ನಯನ ಶ್ರವಣನಾಸಾವದನ
ಪರಿಪರಿ ಅಂಗಗಳು ಹರಿವಿತ್ತವೆನ್ನಬೇಕು
ಗುರುಹಿರಿಯರಿಗೆ ಆದರಪೂರ್ವಕದಿಂದ
ಕರಮುಗಿದು ನಮಸ್ಕರಿಸಿ ನುತಿಸಬೇಕು
ನೆರೆಹೊರೆಯವರಿಗೆ ನಿರುತ ಇದ್ದರು ಬೇ
ಸರಗೊಳಿಸದೆ ಸಂಚರಿಸುತ್ತಲಿರಬೇಕು
ಹಣ ಹರಿಯಾಧೀನ, ನೆರೆದ ಸತಿಸುತರು
ನಿರುತ ಹರಿಗೆ ದಾಸರು ಎಂದು ಗುಣಿಸಬೇಕು
ಪರಮ ಭಕುತಿ ಜ್ಞಾನವಿರಕುತಿ ಮಾರ್ಗವು
ದೊರಕುವುದಕ್ಕೆ ಸಜ್ಜನರ ಸಂಗವಾಗಬೇಕು
ಹರಿದಾಸ್ರ ಹರಿಚರಿತೆ ಹರಿಶ್ರವಣ ಹರಿಪೂಜೆ
ಹರಿಸ್ಮರಣೆ ಅಂತರ ಶುಚಿ ಇರಲಿಬೇಕು
ಹರಿ ಪರದೇವತಿ ವಿಜಯವಿಠಲ ಗತೀ
ಸುರರಾಧ್ಯರಿಗೆಂದು ಉರವಣಿಸಿ ನುಡಿಬೇಕು || ೧ ||

ಮಟ್ಟತಾಳ

ಪರಧನ ಪರಸತಿ ಪರನಿಂದ್ಯದವರ
ಸರಸದಲ್ಲಿರದೆ ಚರಿಸಬೇಕು ದೂರ
ನರರು ಬೈದರೆ ಆದರವೆಂದು ತಿಳಿದು
ಹರುಷ ಬಡಲಿಬೇಕು ಸುರತರು ದೊರೆತಂತೆ
ಕರೆದು ಮನ್ನಿಸಿದರು ಇರಳು ಹಗಲು ಪಾಲುಗರೆವ
ಸುರಧೇನು ಬರಡಾಗಿನಿಂದ ಪರಿಯೆಂದೆನಬೇಕು
ನೆರೆದು ಸಂದಣಿಯೊಳು ಚರಿಸಬಾರದು ಪೋಗಿ
ಬರಿದೆ ಕುಳಿತು ಹಾಳಹರಟೆಯ ಪೇಳದಲೆ
ಮರಿಯದೆ ಸೊಲ್ಲು ಇರಬೇಕು ತನ್ನೊಳಗೆ
ಪರಮ ತತ್ತ್ವವ ತಿಳಿದು ದುರಳರಿ
ಗರುಹದಲೆ ಸುರಿಯಬೇಕು ಸುಖವ
ಮರಳೆ ಮರಳೆ ನೆನೆದು ಪರಮಗುಪ್ತನಾದ ವಿಜಯ ವಿಠ್ಠ
ಲರೇಯನ ನೆರೆ ನಂಬಲಿಬೇಕು ಕುರುಹ ಕಾಣುವಂತೆ || ೨ ||

ತ್ರಿವಿದತಾಳ

ಲೇಸಾದರು ಹರಿಯ ಕಾರುಣ್ಯವೆನಬೇಕು
ಲೇಸಾಗದೆ ಬಲು ಮೋಸವಾದಲ್ಲಿ
ಕ್ಲೇಶ ಬಂದಡರಲು ಏಸು ಜನ್ಮದ ಪಾಪ
ರಾಸಿಯ ಫಲಿಸಿತೋ ಎನ್ನ ಕರ್ಮ
ಈ ಶರೀರಕೆ ಬಂದು ಪ್ರಾಪ್ತವಾದುದು ಅನುಭ
ವಿಸದಲೇ ಬಿಡದು ಸಿದ್ಧವೆಂದು
ಲೇಶವಾದರೂ ದುಃಖ ಹಚ್ಚಿಕೊಳ್ಳದೆ ಮಹಾ
ತೋಷದಲ್ಲಿರಬೇಕು ನೋಯದಲೆ
ಶ್ರೀಶನೆ ಗತಿ ಎಂದು ಬೇಸರದಲೆ ಬಂದ
ಕ್ಲೇಶಗಳುಣಬೇಕು ಬಂದಾಗಲು
ದೇಶ ಕಾಲ ಗುಣ ಪರಿಪೂರ್ಣ ಹರಿ ಇರೆ
ಘಾಸಿ ಎಲ್ಲಿದೊ ಎಂದು ನಲಿಯಬೇಕು
ಶ್ರೀ ಸತಿ ಕಾಲ ವೇದ ಜೀವ ಪ್ರಳಯದಲ್ಲಿ
ನಾಶವಾಗವು ಭೇದ ಅನಲಿಬೇಕು
ವ್ಯಾಸ ವಚನ ಮಧ್ವರಾಯರು ಮಾಡಿದ
ಭಾಷ್ಯ ಸಮ್ಮತದಿಂದ ನೋಡಬೇಕು
ವಾಸುದೇವ ನಮ್ಮ ವಿಜಯವಿಠ್ಠಲನ್ನ
ದಾಸಾನುದಾಸರ ದಾಸನಾಗಲಿಬೇಕು || ೩ ||

ಅಟ್ಟತಾಳ

ಬಡತನ ಬಂದರು ಹಿಗ್ಗುತಲಿರಬೇಕು
ಜಡನಾಗಿ ಬಾಹ್ಯದಲ್ಲಿ ತೋರಲಿಬೇಕು
ಅಡಿಗಡಿಗೆ ಲಜ್ಜೆಗೇಡಬೇಕು ಸರ್ವದ
ಒಡಲಿಗೆ ಚಿಂತೆಮಾಡದೆ ದೃಢ ಇರಬೇಕು
ಒಡವೆ ವಸ್ತ್ರ ತಂದೆ ತಾಯಿ ತ್ರಿಲೋಕದ
ಒಡಿಯ ಶ್ರೀಕೃಷ್ಣನೆಂದು ಬಿಡದೆ ನಂಬಲಿಬೇಕು
ಯಡಿಗೆ ಪರಿಮಿತ ಧಾನ್ಯ ತರಲಿಬೇಕು
ಕೊಡಬೇಕು ಕೊಡಬೇಕು ಒಬ್ಬರಿಗದರೊಳು
ಕಡುಗಲಿ ವಿಜಯವಿಠಲ ರಂಗನಪಾದ
ಪಿಡಿದು ಭಜಿಸಬೇಕು ನಲಿನಲಿದಾಡುತ್ತ || ೪ ||

ಆದಿತಾಳ

ಉಟ್ಟದಕ್ಕಿಂತ ಮೇಲು ತೊಟ್ಟದಕ್ಕಿಂತ ಮೇಲು
ಇಟ್ಟದಕ್ಕಿಂತ ಮೇಲು ವಿಠಲನ್ನ ಸ್ಮರಣೆ ಮನ
ಮುಟ್ಟಿ ನಮಿಸಲಿಬೇಕು ಬಲುಹಿತದಲ್ಲಿ
ಅಟ್ಟಹಾಸದಲ್ಲಿ ಚೀರಿ ಬಿಟ್ಟಿಕ್ಕಿ ಕೂಗಿ ತೂಗುತ
ಇಷ್ಟಸುಖಕ್ಕಿಂತ ಮೇಲು
ದಟ್ಟಡಿಯಿಂದ ತಿಳಿದು ನಿಷ್ಠೆಯಿಂದಲಿ ಇರಲು
ಇಷ್ಟಪ್ರಾಪುತ ಅವರಿಗರಿಷ್ಟವು ಪರಿಹಾರ
ಹುಟ್ಟುಸಾವಿಲ್ಲದ ವಿಜಯವಿಠಲ ತಾನು
ಕೊಟ್ಟು ಸಾಕುವ ದಯವಿಟ್ಟು ದಾಸನ ಮಾಡಿ || ೫ ||

ಜತೆ

ಈ ಪರಿ ಇದ್ದವಂಗೆ ಅನಂತ ಜನುಮಕ್ಕೆ
ತಾಪತ್ರಯಗಳಿಲ್ಲ ವಿಜಯವಿಠಲ ಬಲ್ಲ || ೬ ||

Dhruva tala
Haridasara lakshana irabeku I pari
Garuva kopa mada matsaradi bidabeku
Maruta matake elli sariganenenutali
Dhariyolu kugi Dangurava hoyalibeku
Eradaru pumdhrava viracisi panchamudra
Dhararagi taptankita dharisabeku Bujadalli
Siribomma haradyarige taratamyabavadinda
Eragi ennolagiddu poreyendadalibeku
Karana nayana sravananasavadana
Paripari angagalu harivittavennabeku
Guruhiriyarige adarapurvakadinda
Karamugidu namaskarisi nutisabeku
Nerehoreyavarige niruta iddaru be
Saragolisade samcarisuttalirabeku
Hana hariyadhina, nereda satisutaru
Niruta harige dasaru emdu gunisabeku
Parama Bakuti j~janavirakuti margavu
Dorakuvudakke sajjanara samgavagabeku
Haridasra haricharite harisravana haripuje
Harismarane amtara Suci iralibeku
Hari paradevati vijayavithala gati
Suraradhyarigendu uravanisi nudibeku || 1 ||

Matta tala
Paradhana parasati paranindyadavara
Sarasadallirade charisabeku dura
Nararu baidare Adaravendu tilidu
Harusha badalibeku surataru doretante
Karedu mannisidaru iralu hagalu palugareva
Suradhenu baradagininda pariyendenabeku
Neredu sandaniyolu carisabaradu pogi
Baride kulitu halaharateya peladale
Mariyade sollu irabeku tannolage
Parama tattvava tilidu duralari
Garuhadale suriyabeku sukava
Marale marale nenedu paramaguptanada vijaya viththa
Lareyana nere nambalibeku kuruha kanuvante || 2 ||

Trivida tala
Lesadaru hariya karunyavenabeku
Lesagade balu mosavadalli
Klesa bandadaralu Esu janmada papa
Rasiya palisito enna karma
I sarirake bandu praptavadudu anuba
Visadale bidadu siddhavendu
Lesavadaru duhka haccikollade maha
Toshadallirabeku noyadale
Srisane gati endu besaradale banda
Klesagalunabeku bandagalu
Desa kala guna paripurna hari ire
Gasi ellido emdu naliyabeku
Sri sati kala veda jiva pralayadalli
Nasavagavu beda analibeku
Vyasa vachana madhvarayaru madida
Bashya sammatadinda nodabeku
Vasudeva namma vijayaviththalanna
Dasanudasara dasanagalibeku || 3 ||

Atta tala
Badatana bandaru higgutalirabeku
Jadanagi bahyadalli toralibeku
Adigadige lajjegedabeku sarvada
Odalige chintemadade drudha irabeku
Odave vastra tande tayi trilokada
Odiya srikrushnanendu bidade nambalibeku
Yadige parimita dhanya taralibeku
Kodabeku kodabeku obbarigadarolu
Kadugali vijayavithala ranganapada
Pididu bajisabeku nalinalidadutta || 4 ||

Adi tala
Uttadakkinta melu tottadakkinta melu
Ittadakkinta melu vithalanna smarane mana
Mutti namisalibeku baluhitadalli
Attahasadalli ciri bittikki kugi tuguta
Ishtasukakkinta melu
Dattadiyinda tilidu nishtheyindali iralu
Ishtapraputa avarigarishtavu parihara
Huttusavillada vijayavithala tanu
Kottu sakuva dayavittu dasana madi || 5 ||

-jate
I pari iddavange ananta janumakke
Tapatrayagalilla vijayavithala balla || 6 ||

ಮಡಿ ಸುಳಾದಿ

ಧ್ರುವತಾಳ
ಮಡಿ ಮಾಡುವದೊ ಮಾನವ ನಡತಿ ನುಡತಿ ತಿಳಿದೂ
ಬಿಡದೆ ಪ್ರತಿದಿನ ಮಿರ್ಮಲದಿ ಮಡಿ, ನೀರೊಳಗೆ ಒಗೆದು
ಮಡಿಸಿ ಬಗೆಬಗೆಯಿಂದ ಮಡಕಿ ಹಾಕಿಟ್ಟರೆ ಮಡಿಯಲ್ಲ |
ಧೃಢದಲಿ ತಿಳಿದುನೋಡಿ ಮಡಿ ನೀರೊಳಗೆ ಇಲ್ಲ |
ಮಡಿ ದೇಶದೊಳಗಿಲ್ಲ ಮಡಿ ವಸನದೊಳಗಿಲ್ಲ |
ಮಡಿ ನಭದಲ್ಲಿ ಇಲ್ಲ ಮಡಿ ಮಾಡೊ ಉಪಾಯವ |
ವೊಡನೆ ತನ್ನಲಿ ಉಂಟು ಪೊಡವಿ ತಿರುಗಲು ಸಲ್ಲ |
ಅಡಿಗಡಿಗೆ ದಣಿವುದಲ್ಲ ಅಡಿಗಳಿಟ್ಟು ನೋಡಿ |
ನಡೆದರೆ ಮಡಿಯಲ್ಲ ಮಡಿಯಾಪ್ಪನೆಂದು ಉಡಿಗೆ ಮುದುರಿಕೊಂಡು
ಅಡಿ‌ಅಡಿಗ್‌ಹಾರಿದರೆ ಮಡಿಯಾಗುವುದೇನೋ |
ಕಡು ಮುದ್ದು ಮೋಹನ ವಿಜಯ ವಿಟ್ಠಲನ್ನ |
ಅಡಿಗೆರಗದವನ ಮಡಿಯಾತಕ್ಕೆ ಒಪ್ಪದೊ || ೧ ||

ಮಟ್ಟತಾಳ

ಕಾಮಕ್ರೋಧದಲಿ ತಿರುಗಲು ಮಡಿ ಅಲ್ಲ |
ಕಾಮನ ಬಳಗಕ್ಕೆ ಸೋಲಲು ಮಡಿಯಲ್ಲ |
ತಾಮಸ ವೃತ್ತಿಯಲಿ ಇದ್ದರೆ ಮಡಿಯಲ್ಲ |
ಹೇಮದ ಬಯಕೆಯಲಿ ಚರಿಸಲು ಮಡಿಯಲ್ಲ |
ಯಾಮ ಯಾಮಕ್ಕೆ ಹರಿಯ ಮರೆತರೆ ಮಡಿಯಲ್ಲ |
ನಾಮವ ಧರಿಸಿದ್ದರೆ ಅದು ಮಡಿ ಅಲ್ಲ |
ನೇಮ ನಿತ್ಯಗಳ ತೊರೆತರೆ ಅದು ಮಡಿ ಅಲ್ಲ |
ಭೂಮಿ ಪಾಲಕ ನಮ್ಮ ವಿಜಯವಿಟ್ಠಲರೇಯನ |
ನಾಮವನು ಮರೆದವನು ಎಂದಿಗೂ ಮಡಿಯಲ್ಲ || ೨ ||

ತ್ರಿವಿದಿತಾಳ

ಹಸುವ ಕಾಲಲಿ ಒದೆದರೆ ಮಡಿಯಲ್ಲ |
ಹಸು ಮಕ್ಕಳ ನೂಕಿ ಬಿಟ್ಟರೆ ಮಡಿಯಲ್ಲ |
ವಶಳಾದ ನಾರಿಯ ತೊರೆದರೆ ಮಡಿಯಲ್ಲ |
ವಸುಧಿ ಸುರರ ಕಂಡು ಬೈದರೆ ಮಡಿಯಲ್ಲ |
ವಿಷವಿಕ್ಕಿ ಜನರ ಕೊಂದರೆ ಮಡಿಯಲ್ಲ |
ನಿಶೆಯಲಿ ಉಂಡವನು ಎಂದಿಗೂ ಮಡಿಯಲ್ಲ |
ಅಸೂಯೆ ಬಟ್ಟುಕೊಂಡರೆ ಅದು ಮಡಿಯಲ್ಲ |
ಅಶನಘಾತಕವಾಗಿ ಇದ್ದವನು ಮಡಿಯಲ್ಲ |
ದಶಮಿ ದ್ವಾದಶಿ ಕನ್ಯಾದಾನವು ಮಡಿಯಲ್ಲ |
ಕುಶಲ ಮೂರುತಿ ನಮ್ಮ ವಿಜಯವಿಟ್ಠಲರೇಯನ |
ಬೆಸನ ಭಕುತಿಯ ಬೇಡದಿದ್ದರೆ ಮಡಿಯಲ್ಲ || ೩ ||

ಅಟ್ಟತಾಳ

ಸಕೇಶಿ ಕೈಯಿಂದ ಉಂಡರೆ ಮಡಿಯಲ್ಲ |
ಸಿಕ್ಕಿದವರ ಬಳಲಿಸಿದರೆ ಮಡಿಯಲ್ಲ |
ವಾಕುಬದ್ಧವಿಲ್ಲದವನಿಗೆ ಮಡಿಯಲ್ಲ |
ಶ್ರೀಕಾಂತನ ಸ್ಮರಣೆ ಮರೆತರೆ ಮಡಿಯಲ್ಲ |
ಏಕಾಂತ ಧ್ಯಾನವು ಇಲ್ಲದೆ ಮಡಿಯಲ್ಲ |
ಪಾಕಶಾಸನ ವಂದ್ಯ ವಿಜಯವಿಟ್ಠಲರೇಯನು |
ಸಾಕುವನೆನ್ನದಿದ್ದರೆ ಅದು ಮಡಿಯಲ್ಲ || ೪ ||

ಆದಿತಾಳ

ಗುರುಗಳಿಗೆ ನಮಿಸದಿದ್ದರೆ ಅದು ಮಡಿಯಲ್ಲ |
ದುರುಳ ಜನರ ಸಂಗವಿದ್ದರೆ ಮಡಿಯಲ್ಲ |
ಕರೆಕರೆ ಸತಿಯಿಂದ ದಾನಾದಿಗೆ ಮಡಿಯಲ್ಲ |
ತರಣಿಯ ದೃಷ್ಟಿಸೇ ಕೇವಲ ಮಡಿಯಲ್ಲ |
ಪರಮಶುದ್ಧ ನಮ್ಮ ವಿಜಯವಿಟ್ಠಲನ |
ಚರಣದಲಿ ರತಿ ಇಲ್ಲದಲೆ ಮಡಿ ಅಲ್ಲ || ೫ ||

ಜತೆ
ಕೋಪದವನ ಸಂಗಡದಲಿರೆ ಮಡಿಯಲ್ಲ |
ಶ್ರೀಪತಿ ವಿಜಯವಿಟ್ಠಲನೊಲಿಯದಿರೆ ಮಡಿಯಲ್ಲ || ೬ ||

Dhruva tala
Madi maduvado manava nadati nudati tilidu
Bidade pratidina mirmaladi madi, nirolage ogedu
Madisi bagebageyinda madaki hakittare madiyalla |
Dhrudhadali tilidunodi madi nirolage illa |
Madi desadolagilla madi vasanadolagilla |
Madi nabadalli illa madi mado upayava |
Vodane tannali untu podavi tirugalu salla |
Adigadige danivudalla adigalittu nodi |
Nadedare madiyalla madiyappanendu udige mudurikondu
Adi^^adig^^haridare madiyaguvudeno |
Kadu muddu mohana vijaya vitthalanna |
Adigeragadavana madiyatakke oppado || 1 ||

Matta tala
Kamakrodhadali tirugalu madi alla |
Kamana balagakke solalu madiyalla |
Tamasa vruttiyali iddare madiyalla |
Hemada bayakeyali charisalu madiyalla |
Yama yamakke hariya maretare madiyalla |
Namava dharisiddare adu madi alla |
Nema nityagala toretare adu madi alla |
Bumi palaka namma vijayavitthalareyana |
Namavanu maredavanu endigu madiyalla || 2 ||

Trividi tala
Hasuva kalali odedare madiyalla |
Hasu makkala nuki bittare madiyalla |
Vasalada nariya toredare madiyalla |
Vasudhi surara kandu baidare madiyalla |
Vishavikki janara kondare madiyalla |
Niseyali undavanu endigu madiyalla |
Asuye battukomdare adu madiyalla |
Asanagatakavagi iddavanu madiyalla |
Dasami dvadasi kanyadanavu madiyalla |
Kusala muruti namma vijayavitthalareyana |
Besana Bakutiya bedadiddare madiyalla || 3 ||

Atta tala
Sakesi kaiyinda undare madiyalla |
Sikkidavara balalisidare madiyalla |
Vakubaddhavilladavanige madiyalla |
Srikantana smarane maretare madiyalla |
Ekamta dhyanavu illade madiyalla |
Pakasasana vandya vijayavitthalareyanu |
Sakuvanennadiddare adu madiyalla || 4 ||

Adi tala
Gurugalige namisadiddare adu madiyalla |
Durula janara sangaviddare madiyalla |
Karekare satiyinda danadige madiyalla |
Taraniya drushtise kevala madiyalla |
Paramasuddha namma vijayavitthalana |
Charanadali rati illadale madi alla || 5 ||

Jate
Kopadavana sangadadalire madiyalla |
Sripati vijayavitthalanoliyadire madiyalla || 6 ||

ಸಾಧನಾ ಸುಳಾದಿ

ಧೃವತಾಳ

ಸಾಧನೆವೆಂಬೋದಿದೆ ಜನ್ಮದಲ್ಲಿಯಲ್ಲದೆ
ನಿಧಾನದಿಂದಲಿ ತಿಳಿಯೆಲೊ ಮನವೆ
ಆದಾನಾದಿಕರ್ತ ನಾರಾಯಣನ ದಿವ್ಯಪಾದನಖದಲ್ಲಿದ್ದ
ಗುಣವೆ ಕೇಳಿ, ಆರಾಧನೆ
ಮಾಳ್ಪ ಉಪಾಯವೆಲ್ಲ
ನಿದಾನ ಮೊದಲಾದ ಕಾಯ ಬಂದಾಗ ಸಂಪಾದನೆ
ಪುಣ್ಯ ಉಂಟೆ ಇನಿತಾದರೂ ಓದನಗೋಸುಗ ವಿಚಿತ್ರ ತತ್ತ್ವಂಗಳು
ಕ್ರೋಧನರರ ಬಳಿಗೆ ಪೋಗಿ ಕೊಂಡಾಡಿ ದುರಾ
ರಾಧನೆಯಿಂದ ತಂದು ಕಾಲವನ್ನು ಕಳೆವೆ ಇದನಾದರು
ಕೇಳು ಸಿದ್ಧವಿಚಾರ ಪೂರ್ಣಬೋಧರ
ಮತವ ಸಾರಿ ಭಕುತಿಯಿಂದ
ಭೂ ಧನ ಹೇಮ ರಜತ ಉಂಟಾಗಿದ್ದರೆ ಭೂಮಿ
ಬುಧರ ನೋದಿ ಸಂತೋಷ ಪಡಿಸು
ನೀ ಧನವಿರಹಿತನಾದರೆ ಇಲ್ಲವೆಂದು
ರೋಧ ಹಚ್ಚಿಕೊಂಡು ಕೆಡಲಿಬೇಡ
ಬಾ ಧನವೆಂದರೆ ಮುಂದೆ ಬೀಳೋದೆ ಅಪರಾಧ
ನಡತಿಯಿಂದ ಭಾಗ್ಯನಾದಿದ್ದ ಸುಯೋಧನ
ಸರ್ವರಾಜ್ಯವಾಳಿದ್ದನ್ನ ನೋಡು
ಆದ ನರಕಕ್ಕೆ ತೆರೆವಿಲ್ಲವೆಂದೆಂದಿಗೂ
ವೇದನಾನಾಪುರಾಣ‌ಇತಿಹಾಸವಚನ ಪ್ರಸಾರನಾಗೆಂದು
ಪೇಳುತಿವಕೊ ಕೇಳೊ
ಭೂದಾನ ಬೇಡಿದ ವಿಜಯವಿಟ್ಠಲ ಮಧುಸೂಧನನಿರುತಿರೆ
ಅನ್ಯ ಹಂಬಲವೆ || ೧ ||

ಮಟ್ಟತಾಳ

ಕಲಿಯುಗದೊಳು ಕರ್ಮಂಗಳು ಬಲುಪರಿಯುಂಟು
ತಿಳಿದು ಮಾಡವನ್ಯಾರು ನೆಲೆಯ ಬಲ್ಲೆನೆಂದು
ಹಲವು ಬಗೆಯಿಂದ ಘಳಿಗೆ ಬಿಡದೆ ಕರ್ಮಾ
ವಳಿಗಳು ಮಾಡಲದರೊಳಗೆ ದುರಿತವಕ್ಕು
ಕಲಿಕಾಲಾವೆಗ್ಗಳಿಯರಿಗೆ ದೂರಜಲನಿಧಿಯೊಳು ಪೊಕ್ಕು
ನೆಲೆಯ ತಂದವರುಂಟೆ ಬಳಲದಿರು ವ್ಯರ್ಥ
ಕಲಿತಾಪಪರಿಹರ ವಿಜಯವಿಟ್ಠಲರೇಯನ
ಒಲಿಸಿ ಭಜಿಪುದಕ್ಕೆ ಸುಲಭಮಾರ್ಗ ಉಂಟು || ೨ ||

ತ್ರಿವಿದಿತಾಳ

ಬಲುಸುಲಭ ಬಲುಸುಲಭವಾಗಿದೆ ನೋಳ್ಪರಿಗೆ
ಛಳಿಗಾಳಿಮಳೆಸಿಡಿಲು ಬಂದರೆ ಬಿಡುವುದಿಲ್ಲ
ಹಳೆಯದಾಯಿತೆಂದು ಉದಾಸೀನಮಾಡಿ
ಕಳೆವುದಲ್ಲ ತಿರುಗಿಕೂಡುವುದಲ್ಲ
ಬೆಲೆಗೆ ತರುವುದಲ್ಲ ಭಯಕೆ ಹುಳುವುದಲ್ಲ
ಬಲವಂತರಿಗೆ ಕೊಟ್ಟು ಮಾರಿಬರುವುದಲ್ಲ
ಕೆಲವು ದಿವಸ ಇದ್ದು ಓಡಿಹೋಗುವುದಲ್ಲ
ಬಳಲಿಕೆಯಾಗಿ ಸಾಕೆಂಬೊದಲ್ಲ
ಫಲವಾದರೂ ವೆಗ್ಗಳವಾಗಿ ಬರುತಿದೆ
ಹಲವು ಜನ್ಮದ ಪಾಪಪರ್ವತಕೆ
ಕುಳಿಶವಾಗಿಪ್ಪದು ನಂಬಿದ ಭಕುತರ
ಕುಲಕೋಟಿ ಉದ್ಧಾರ ಎಲೊ ಮನವೆ
ಸಲೆ ನಂಬು ವಿಜಯವಿಟ್ಠಲರೇಯನ ನಾಮ
ಘಳಿಗೆ ನೆನೆಯೆ ತನ್ನ ಬಳಿಯಲ್ಲೆ ವೈಕುಂಠ || ೩ ||

ಅಟ್ಟತಾಳ

ಶತಕೋಟಿ ಜನ್ಮವು ಸತತ ಮಜ್ಜನಾದಿ
ವ್ರತಗಳು ಮಾಡಲು ಗತಿಗೆ ಸಾಧನವಲ್ಲ
ಹಿತವಾಗಿ ಇಪ್ಪದು ಅಮೃತ ಕುಡಿದಂತೆ ಶೃ
ಪತಿಯ ಮಂಗಳನಾಮ ಮತಿಯಲ್ಲಿ ಸ್ಮರಿಸಿ ಶಾ
ಶ್ವತವೆಸಗಿದ ಪಾಪ ಪತನವಾಗುವುದು ಸಂತತಿಸಹಿತಕೆ ಬೇಗ
ಶತಪತ್ರನೇತ್ರ ಶ್ರೀವಿಜಯವಿಠಲ ಸಾರಥಿಯಾಗುವನು
ತರಿತದಲ್ಲಿ ಬಂದು || ೪ ||

ಆದಿತಾಳ

ಹರಿನಾಮದ ಮಹಿಮೆಯ ಅರಿದವನಾರು ಮನವೆ
ಮರಳೆ ಸಂಸಾರವೆಂಬೊ ತರುವಿನ ಬೇರುಸರ್ವ
ಧರೆ ಗಗನ ಪಾತಾಳ ಸುತ್ತಲು ಭೇದಿಸಿದರೆ
ಮರದೊಮ್ಮೆ ನೆನೆದರೆ ಎಲ್ಲಿದ್ದರೂ ಬಂದು
ಭರದಿಂದ ಕಿತ್ತಿ ಭವನ ತರುವಿನ ಪೆಸರನ್ನು
ಇರಗೊಡದಂತೆ ಮಾಡಿ ಮುಂದೆ ಸಾಕುತಿಪ್ಪದು
ಹರಿನಾಮ ಹರಿನಾಮ ದುರಿತರಾಶಿಗೆ ಭೀಮ
ಹರಿನಾಮ ಒಂದಕ್ಕೆ ಅನಂತಬಗೆಕರ್ಮಸರಿಬಾರವು
ಕಾಣೊ ಇದಕೆ ಸಂಶಯವ್ಯಾಕೆ
ಹರಿನಾಮವೆ ತೊರೆದು ಕರ್ಮ ಮಾಡಲು ದೋಷಕರಗದು
ಕರಗದು ಹಿಮ್ಮೆಟ್ಟಿ ಪೋಗದು
ಹರಿನಾಮದಲಿ ಪ್ರೀತಿ ಇಟ್ಟು ಕರ್ಮವ
ತೊರೆದರೆ ಪಾಪಲೇಶವಿಲ್ಲ ಫಲವಕ್ಕು
ಸುರಗುರುವಿಜಯವಿಟ್ಠಲರೇಯನ ನಾಮ
ಸ್ಮರಿಸಿದ ಮನುಜಂಗೆ ಸ್ಥಿರವೆನ್ನು ಜ್ಞಾನ ಭಕ್ತಿ || ೫ ||

ಜತೆ

ಮನವೆ ಈ ಜನುಮ ತಪ್ಪಿದಮೇಲೆ ಆವ ಸಾಧನವು
ನಿಶ್ಚಯವಿಲ್ಲ ವಿಜಯವಿಟ್ಠಲನ ಕಾಣೋ || ೬ ||

dhruva tala
Sadhanevembodide janmadalliyallade
Nidhanadindali tiliyelo manave
Adanadikarta narayanana divyapadanakadallidda
Gunave keli, aradhane malpa upayavella
Nidana modalada kaya bandaga sampadane
Punya unte initadaru odanagosuga vicitra tattvangalu
Krodhanarara balige pogi kondadi dura
Radhaneyinda tandu kalavannu kaleve idanadaru
Kelu siddhavichara purnabodhara
Matava sari bakutiyinda
Bu dhana hema rajata untagiddare bumi
Budhara nodi santosha padisu
Ni dhanavirahitanadare illavendu
Rodha haccikondu kedalibeda
Ba dhanavendare munde bilode aparadha
Nadatiyinda bagyanadidda suyodhana
Sarvarajyavaliddanna nodu
Ada narakakke terevillavendendigu
Vedananapurana^^itihasavacana prasaranagendu
Pelutivako kelo
Budana bedida vijayavitthala madhusudha
Nanirutire anya hambalave || 1 ||

Matta tala
Kaliyugadolu karmangalu balupariyuntu
Tilidu madavanyaru neleya ballenendu
Halavu bageyinda galige bidade karma
Valigalu madaladarolage duritavakku
Kalikalaveggaliyarige durajalanidhiyolu pokku
Neleya tandavarunte balaladiru vyartha
Kalitapaparihara vijayavitthalareyana
Olisi bajipudakke sulabamarga untu || 2 ||

Trividi tala
Balusulabavagide nolparige
Chaligalimalesidilu bamdare biduvudilla
Haleyadayitendu udasinamadi
Kalevudalla tirugikuduvudalla
Belege taruvudalla bayake huluvudalla
Balavantarige kottu maribaruvudalla
Kelavu divasa iddu odihoguvudalla
Balalikeyagi sakembodalla
Palavadaru veggalavagi barutide
Halavu janmada papaparvatake
Kulisavagippadu nambida bakutara
Kulakoti uddhara elo manave
Sale nambu vijayavitthalareyana nama
Galige neneye tanna baliyalle vaikuntha || 3 ||

-atta tala
Satakoti janmavu satata majjanadi
Vratagalu madalu gatige sadhanavalla
Hitavagi ippadu amruta kudidante sru
Patiya mangalanama matiyalli smarisi sa
Svatavesagida papa patanavaguvudu santatisahitake
Bega satapatranetra srivijayavithala
sarathiyaguvanu taritadalli bandu || 4 ||

Adi tala
Harinamada mahimeya aridavanaru manave
Marale samsaravembo taruvina berusarva
Dhare gagana patala suttalu bedisidare
Maradomme nenedare elliddaru bandu
Baradinda kitti bavana taruvina pesarannu
Iragodadante madi munde sakutippadu
Harinama harinama duritarasige bima
Harinama ondakke anantabagekarmasaribaravu
Kano idake samsayavyake
Harinamave toredu karma madalu doshakaragadu
Karagadu himmetti pogadu
Harinamadali priti ittu karmava
Toredare papalesavilla palavakku
Suraguruvijayavitthalareyana nama
Smarisida manujange sthiravennu j~jana bakti || 5 ||

-jate
Manave i januma tappidamele ava sadhanavu
Nischayavilla vijayavitthalana kano || 6 ||