ಶ್ರೀ ಮಾನ್ಪೂರ್ವಂ ಪ್ರಜಾತೋ ದರ್ಶರಥನೃಪತೇ ರಾಮನಾಮಾಥ ನೀತೋ
ವಿಶ್ವಾಮಿತ್ರೇಣ ಮಂತ್ರಾಹೃದನುಜಸಹಿತಸ್ತಾಟಕಾಂ ಘಾತಕೋಸ್ತ್ರಂ|
ಬ್ರಹ್ಮಾದ್ಯಂ ಪ್ರಾಪ್ಯ ಹಂತ್ವಾ ನಿಶಿಚರನಿಕರಂ ಯಜ್ಞಪಾಲೋ ವಿಮೋಚ್ಯಾ-
ಹಲ್ಯಾಂ ಶಾಪಾಶ್ಚ ಭಂಕ್ತ್ವಾ ಶಿವಧನುರುಪಯನ್ ಜಾನಕೀಂ ನಃ ಪ್ರಸೀದೇತ್||೧||
ಆಯನ್ ರಾಮಃ ಸಭಾರ್ಯೋಧ್ವನಿ ನಿಜಸಹಜೈರ್ಭಾರ್ಗವೇಷ್ವಾಸರೋಪಾತ್
ತದ್ಗಂ ಹತ್ವಾ ಸುರಾರಿಂ ಪುರಗ ಉತನುತಸ್ತಾಪಸೈರ್ಭೂಪಪೃಷ್ಟೈ:|
ಕಲ್ಯಾಣಾಂತಧರ್ಮೋಗುಣಲವರಹಿತಃ ಪ್ರಾಣಿನಾಮಂತರಾತ್ಮೇತ್
ಯಾದ್ಯುಕ್ತಶ್ಚಾಭಿಷೇಕೇ ಪುರಜನಮಹಿತೋ ಮಹ್ಯತಾಂ ಮೇ ವಚೋಭಿ:||೨||
ಕೈಕೇಯೀಪ್ರೀತಿಹೇತೋ: ಸಸಹಜನೃಪಜೋ ವಲ್ಕಲೀ ಯಾನರಣ್ಯಂ
ಗಂಗಾತಾರೀ ಗುಹಾರ್ಚ್ಯಃ ಕಚರುಚಿರಜಟೋ ಗೀಷ್ಪತೇ: ಪುತ್ರಮಾನ್ಯಃ
ತೀರ್ತ್ವಾ ಕೃಷ್ಣಾ೦ ಪ್ರಯಾತೋವತು ನಿಜಮಮಲಂ ಚಿತ್ರಕೂಟ೦ ಪ್ರಪನ್ನಂ
ಸ್ವಾಂಬಾಭಿಭ್ರಾತರಂ ತಂ ಶೃತಜನಕಗತಿ: ಸಾಂತ್ವಯನ್ ವ್ಯುಪ್ತತೀರ್ಥಃ||೩||
ದತ್ತ್ವಾಸ್ಮೈ ಪಾದುಕೇ ಸ್ವೇ ಕ್ಷಿತಿಭರಣಕೃತೌ ಪ್ರೇಪ್ಯ ತಂ ಕಾಕನೇತ್ರ೦
ವ್ಯಸ್ಯಾರೋದ್ಯತ್ರಿನಾಮ್ನಾ ವನಮಥ ಸಮಿತೋ ದಂಡಕಂ ತಾಪಸೇಷ್ವಂ|
ಕುರ್ವನ್ ಹತ್ವಾ ವಿರಾಧಂ ಖಲಕುಲದಮನಂ ಯಾಚಿತಸ್ತಾಪಸಾಗ್ರೈಸ್ತೇಷಾಂ
ದತ್ವಾಭಯಂ ಸ್ವಾನಸಿಧನುರಿಷುಧೀನ್ ಯಾನಗಸ್ತ್ಯಾತ್ಸ ಪಾಯಾತ್||೪||
ಆಸೀನಃ ಪಂಚವಟ್ಯಾಮಕುರುತ ವಿಕೃತಾಂ ರಾಕ್ಷಸೀಂ ಯೋ ದ್ವಿಸಪ್ತ-
ಕ್ರವ್ಯಾದಾನಾಮಪ್ಯನೇಕಾನಥ ಖರಮವಧೀದ್ ದೂಷಣಂ ಚ ತ್ರಿಶೀರ್ಷಂ|
ಮಾರೀಚಂ ಮಾರ್ಗರೂಪಂ ದಶವದನಹೃತಾಮಾಕೃತಿಂ ಭೂಮಿಜಾಯಾ
ಅನ್ವಿಷ್ಯನ್ನಾರ್ತಗೃಧ್ರಂ ಸ್ವಗತಿಮಥ ನಯನ್ ಮಾಮವೇತ್ ಘ್ನನ್ ಕಬಂಧಂ||೫||
ಪಂಪಾತೀರಂ ಸ ಗಚ್ಛನ್ನಿಹ ಕೃತವಸತಿ: ಭಕ್ತಿತುಷ್ವಃ ಶಬರ್ಯೈ
ದತ್ವಾ ಮುಕ್ತಿಂ ಪ್ರಕುರ್ವನ್ ಹನುಮತ ಉದಿತಂ ಪ್ರಾಪ್ತಸುಗ್ರೀವಸಖ್ಯಂ|
ಸಪ್ತ ಛಿತ್ವಾಥ ತಾಲಾನ್ ವಿಧಿವರಬಲಿನೋ ವಾಲಿಭಿತ್ ಸೂರ್ಯಸೂನುಂ
ಕುರ್ವಾಣೋ ರಾಜ್ಯಪಾಲಂ ಸಮವತು ನಿವಸನ್ ಮಾಲ್ಯವತ್ಕಂದರೇಸೌ||೬||
ನೀತ್ವಾ ಮಾಸಾನ್ ಕಪೀಶಾನಿಹ ದಶ ಹರಿತಃ ಪ್ರೇಷ್ಯ ಸೀತಾಂ ವಿಚಿಂತ್ಯಾ
ಯಾತಶ್ರೀಮದ್ಧನೂಮದ್ಗಿರಿಮಥ ಸಮನುಶೃತ್ಯ ಗಚ್ಛನ್ ಕಪೀಂದ್ರೈ:|
ಸುಗ್ರೀವಾದ್ಯೈರಸಂಖ್ಯೈರ್ದಶಮುಖಸಹಜಂ ಮಾನಯನ್ನಬ್ಧಿವಾಚಾ
ದೈತ್ಯಘ್ನಃ ಸೇತುಕಾರೀ ರಿಪುಪುರರುದವೇದ್ ವಾನರೈರ್ವೈರಿಘಾತೀ||೭||
ಭಗ್ನಂ ಕೃತ್ವಾ ದಶಾಸ್ಯಾಂ ಗುರುತರವಪುಷಂ ಕುಂಭಕರ್ಣ೦ ನಿಹತ್ಯ
ಪ್ರಧ್ವಸ್ತಾಶೇಷನಾಗಂ ಪದಕಮಲನತಂ ತಾರ್ಕ್ಷ್ಯಮಾನಂದ್ಯ ರಾಮಃ|
ಸರ್ವಾನುಜ್ಜೀವಯಂತಂ ಗಿರಿಧರಮನಘಶ್ಚಾಂಜನೇಯಾತ್ ಕಪೀನ್ ಸ್ವಾನ್
ವಿಜ್ಞಾನಾಸ್ತ್ರೇಣ ರಕ್ಷನ್ ಸಮವತು ದಮಯನ್ ಲಕ್ಷ್ಮಣಾಚ್ಚಕ್ರಶತ್ರಂ||೮||
ಕ್ರವ್ಯಾದಾನ್ ಘ್ನನ್ನಸಂಖ್ಯಾನಪಿ ದಶವದನಂ ಬ್ರಹ್ಮಪೂರ್ವೈ: ಸುರೇಶೈ:
ಪುಷ್ಪೈರಾಕೀರ್ಯಮಾಣೋ ಹುತವಹವಿಮಲಾಮಾಪ್ಯ ಸೀತಾಂ ವಿಧಾಯ|
ರಕ್ಷೋನಾಥಂ ಸ್ವಭಕ್ತಂ ಸ್ವಪುರಮಥ ಗತಃ ಪುಷ್ಪಕಸ್ಥೈ: ಸಮಸ್ತೈ:
ಸಾಮ್ರಾಜ್ಯೇ ಚಾಭಿಷಿಕ್ತೋ ನಿಜಜನಮಖಿಲಂ ಮಾನಯನ್ ಮೇ ಗತಿ: ಸ್ಯಾತ್ ||೯||
ರಕ್ಷನ್ ಕ್ಷೋಣೀಂ ಮಮೃದ್ಧಾಂ ನುತ ಉತ ಮುನಿಭಿರ್ಮಾನಯನ್ ವಾಯುಸೂನಂ
ಪ್ರೇಷ್ಯಾದಿತ್ಯಾತ್ಮಜಾದೀನ್ ವ್ಯತನುತ ಭರತಂ ಯೌವರಾಜ್ಯೇನುಮಾನ್ಯ|
ಕಾರ್ಯೇ ಸೌಮಿತ್ರಿಮಾರ್ತಶ್ವಗದಿತಕೃದರಿಘ್ನೋಥ ಶತ್ರುಘ್ನತೋ ಯೋ
ಹತ್ವಾಸೌ ದುಷ್ವಶೂದ್ರಂ ದ್ವಿಜಸುತಗುಬವೇತ್ ಕುಂಭಜಾನ್ಮಾಲಭಾರೀ||೧೦||
ಯಜ್ಞ೦ ತನ್ವನ್ ತ್ರಿಕೋಟೀನ್ ವ್ಯತುದತ ಭರತಾದ್ಯೋಸುರಾನೀಶವಾಕ್ಯಾದ್
ಯಾಸ್ಯನ್ ಧಾಮಾತ್ರಿಪುತ್ರಂ ಭುಜಿಮಥ ಸ ನಯನ್ನಾತ್ಮಸೂನೂ ಸ್ವರಾಜ್ಯೇ|
ಕೃತ್ವಾ ಶ್ರೀಹ್ರೀಹನೂಮಧ್ಧ್ರುತವಿಮಲಚಲಚ್ಚಾಮರಛತ್ರಶೋಭೀ
ಬ್ರಹ್ಮಾದ್ಯೈ: ಸ್ತೂಯಮಾನೋ ನಿಜಪುರವಿಲಸತ್ಪಾದಪದ್ಮೋವತಾನ್ಮಾಮ್||೧೧||
ಇತಿ ಶ್ರೀರಾಮಚಾರಿತ್ರಮಂಜರೀ ಲೇಶತಃ ಕೃತಾ|
ರಾಘವೇಂದ್ರೇಣ ಯತಿನಾ ಭೂಯಾದ್ ರಾಮಪ್ರಸಾದದಾ||೧೨||
ಇತಿ ಶ್ರೀ ರಾಘವೇಂದ್ರತೀರ್ಥಶ್ರೀ ಚರಣಕೃತಾ ಶ್ರೀ ರಾಮಚಾರಿತ್ರಮಂಜರೀ
ಭಾರತೀರಮಣಮುಖ್ಯಪ್ರಾಣಾಂತರ್ಗತ ಶ್ರೀ ಕೃಷ್ಣಾರ್ಪಣಮಸ್ತು
Sri manpurvam prajato darsarathanrupate ramanamatha nito
Visvamitrena mantrahrudanujasahitastatakam gatakostram|
Brahmadyam prapya hamtva nisicaranikaram yaj~japalo vimocya-
Halyam sapasca banktva Sivadhanurupayan janakim nah prasidet||1||
Ayan ramah sabaryodhvani nijasahajairbargaveshvasaropat
Tadgam hatva surarim puraga utanutastapasairbupaprushtai:|
Kalyanantadharmogunalavarahitah praninamamtaratmet
Yadyuktascabisheke purajanamahito mahyatam me vacobi:||2||
Kaikeyipritiheto: sasahajanrupajo valkali yanaranyam
Gangatari guharcyah kacarucirajato gishpate: putramanyah|
Tirtva krushna0 prayatovatu nijamamalam citrakutam prapannam
Svambabibrataram tam srutajanakagati: samtvayan vyuptatirthah||3||
Dattvasmai paduke sve kshitibaranakrutau prepya tam kakanetram
Vyasyarodyatrinamna vanamatha samito dandakam tapaseshvam|
Kurvan hatva viradham kalakuladamanam yacitastapasagraistesham
Datvabayam svanasidhanurishudhin yanagastyatsa payat||4||
Asinah pancavatyamakuruta vikrutam rakshasim yo dvisapta-
Kravyadanamapyanekanatha karamavadhid dushanam ca trisirsham|
Maricam margarupam dasavadanahrutamakrutim bumijaya
Anvishyannartagrudhram svagatimatha nayan mamavet Gnan kabandham||5||
Pampatiram sa gaccanniha krutavasati: baktitushvah Sabaryai
Datva muktim prakurvan hanumata uditam praptasugrivasakyam|
Sapta citvatha talan vidhivarabalino valibit suryasunum
Kurvano rajyapalam samavatu nivasan malyavatkamdaresau||6||
Nitva masan kapisaniha dasa haritah preshya sitam vichintya
Yatasrimaddhanumadgirimatha samanusrutya gaccan kapindrai:|
Sugrivadyairasankyairdasamukasahajam manayannabdhivaca
Daityagnah setukari ripupurarudaved vanarairvairigati||7||
Bagnam krutva dasasyam gurutaravapusham kumbakarna0 nihatya
Pradhvastaseshanagam padakamalanatam tarkshyamanandya ramah|
Sarvanujjivayantam giridharamanagaschanjaneyat kapin svan
Vij~janastrena rakshan samavatu damayan lakshmanaccakrasatram||8||
Kravyadan gnannasankyanapi dasavadanam brahmapurvai: suresai:
Pushpairakiryamano hutavahavimalamapya sitam vidhaya|
Rakshonatham svabaktam svapuramatha gatah pushpakasthai: samastai:
Samrajye cabishikto nijajanamakilam manayan me gati: syat ||9||
Rakshan kshonim mamruddham nuta uta munibirmanayan vayusunam
Preshyadityatmajadin vyatanuta baratam yauvarajyenumanya|
Karye saumitrimartasvagaditakrudarignotha satrugnato yo
Hatvasau dushvasudram dvijasutagubavet kumbajanmalabari||10||
Yaj~ja0 tanvan trikotin vyatudata baratadyosuranisavakyad
Yasyan dhamatriputram Bujimatha sa nayannatmasunu svarajye|
Krutva srihrihanumadhdhrutavimalacalaccamaracatrasobi
Brahmadyai: stuyamano nijapuravilasatpadapadmovatanmam||11||
Iti sriramacharitramanjari lesatah kruta|
Raghavendrena yatina buyad ramaprasadada||12||
Iti sri raghavendratirthasri charanakruta sri ramacharitramanjari
Baratiramanamukyapranantargata sri krushnarpanamastu
Madhwa 