ಕಾಯೆ ಕರುಣಾಂಬುಧಿಯೇ |
ಇಂದಿರಾದೇವಿ ಕಾಯೆ ಕರುಣಾಂಬುಧಿಯೆ ||pa||

ಮಾಯೆ ನಾರಾಯಣನ್ನ ಜಾಯೆ ಸತತ ಸುಜ್ಞಾನ |
ವೀಯೆ ಭಕ್ತರ ಪ್ರೀಯೇಅಪ
ಕನ್ನಾಮಣಿಯೆ ಕಾಮಿನಿ ಮಂಗಳವಾಣಿ |
ಸನ್ನುತೆ ಲೋಕ ಜನನಿ |
ನಿನ್ನ ಚರಣಯುಗ್ಮ |
ವನ್ನೆ ನಂಬಿದೆ ಸುಪ್ರಸನ್ನೆ ಸರ್ವಜೀವರ |
ಭಿನ್ನೆ ಭಾಗ್ಯಸಂಪನ್ನೆ ||
ಮನ್ನಿಸಿ ಮುದದಿಂದ |
ಬಿನ್ನಪ ಲಾಲಿಸು |
ಚನ್ನೆ ಚಕ್ರ ಪಾಂಚಜನ್ಯ ಧರಾದೇವಿ ||1||

ಅತಿದಯವಂತೆ ನೀನೆಂದು ಬೇಗದಿ ಬಂದು |
ನುತಿಸಿದೆ ದೀನನಾಗಿಂದೂ |
ಪತಿತರೊಳಿಡದಲೆ |
ಗತಿಗೆ ಸಮ್ಮೊಗಮಾಡು |
ತ್ಪತ್ತಿ ಸ್ಥಿತಿ ಲಯಕರ್ತೆ ಅತುಳ ಶೋಭನಮೂರ್ತೆ |
ಪತಿಯಲಿ ಜನಿಸಿದೆ|
ಪತಿಗೆ ಸತಿಯಾದೆ |
ಪತಿಯ ಸಂಗಡ ಜ | ನಿತಳಾದ ಚರಿತೆ||2||

ಕುಂಕುವರತ ರಾಜಿತೆ ಧವಳಗೀತೆ |
ಪಂಕಜಸದನೆ ಖ್ಯಾತೆ |
ಲೆಂಕಾ ವತ್ಸಲೆ ಸರ್ವಾಲಂಕಾರ ಮಾಯೆ ರವಿ |
ಸಂಕಾಸೆ ಬಹುಕಾಲ |
ಸಂಕಟವ ವಿನಾಶೆ |
ಮಂಕು ಮತಿಹರ ವಿಜಯವಿಠ್ಠಲನ |
ಸಂಕಲ್ಪಕೆ | ಕ | ಳಂಕವಾಗದಂತೆ||3||
Kaye karunambudhiye |
Imdiradevi kaye karunambudhiye ||pa||

Maye narayananna jaye satata suj~jana |
Viye Baktara priye^^apa
Kannamaniye kamini mangalavani |
Sannute loka janani |
Ninna caranayugma |
Vanne nambide suprasanne sarvajivara |
Binne bagyasampanne ||
Mannisi mudadimda |
Binnapa lalisu |
Canne cakra pancajanya dharadevi ||1||

Atidayavante ninendu begadi bamdu |
Nutiside dinanagindu |
Patitarolidadale |
Gatige sammogamadu |
Tpatti sthiti layakarte atula sobanamurte |
Patiyali janiside|
Patige satiyade |
Patiya sangada ja | nitalada carite||2||

Kumkuvarata rajite dhavalagite |
Pamkajasadane kyate |
Lenka vatsale sarvalamkara maye ravi |
Sankase bahukala |
Sankatava vinase |
Manku matihara vijayaviththalana |
Sankalpake | ka | lankavagadante||3||

ಜಗಪತಿಯ ತೋರಮ್ಮ ಎನಗೆ ಕರುಣವ ಮಾಡಮ್ಮ ||pa||

ಅಘಗಳ ಕಳೆವ ಅಮೋಘದೇವನ
ಭಕುತರ ಕಾವನ ಎನ್ನಯ ಜೀವನ ||a.pa||

ಮೃಗಲಾಂಛನ ವದನೆ ಮೃದು ಸರಸಿಜ ಸದನೆ
ಹಗಲು ಇರುಳು ನಿನ್ನ ಸಂಯೋಗನ್ನ ಅನಂತ ಭೋಗನ್ನ
ಕಿರೀಟಿಯ ಬೀಗನ್ನ||1||

ಭ್ರಮರ ಕುಂತಳೆ ಜಾಣೆ ಸುಮನ ಕೋಕಿಲಗಾನೆ
ಕಮಲ ತುಳಸಿ ಮಣಿಹಾರನ್ನ ಜಗದಾಧಾರನ್ನ
ದಶಾವತಾರನ್ನ ||2||

ಅಜರಾಮರಣ ಸಿಧ್ದಿ ತ್ರಿಜಗದೋಳ್ ಪ್ರಸಿದ್ಧಿ
ವಿಜಯವಿಠ್ಠಲ ಶ್ರೀನಿವಾಸನ ತಿರುವೆಂಗಳೇಶನ
ಜಗವÀ ಪೋಷನ ||3||
Jagapatiya toramma enage karunava madamma ||pa||

Agagala kaleva amogadevana
Bakutara kavana ennaya jivana ||a.pa||

Mrugalancana vadane mrudu sarasija sadane
Hagalu irulu ninna samyoganna ananta boganna
Kiritiya biganna||1||

Bramara kumtale jane sumana kokilagane
Kamala tulasi maniharanna jagadadharanna
Dasavataranna ||2||

Ajaramarana sidhdi trijagadol prasiddhi
Vijayaviththala srinivasana tiruvengalesana
Jagavaà poshana ||3||

ವೇಣಿ ಮಾಧವನ ತೋರಿಸೆ ಜಾಣೆ ತ್ರಿವೇಣಿ
ಕಾಣದೆ ನಿಲ್ಲಲಾರೆನೆ ||pa||

ಕಾಣುತ ಭಕುತರ ಕರುಣದಿ ಸಲಹುವ
ಜಾಣೆ ತ್ರಿವೇಣಿ ಕಲ್ಯಾಣಿ ಸುಸನ್ನುತೆ ||a.pa||

ಬಂದೆನೆ ಬಹಳ ದೂರದಿ ಭವಸಾಗರ ತರಣಿ
ನಿಂದೆನೆ ನಿನ್ನ ತೀರದಿ
ಒಂದು ಘಳಿಗೆ ನೀ ಹರಿಯ ಬಿಟ್ಟಿರಲಾರಿ
ಮಂದಗಮನೆ ಎನ್ನ ಮುಂದಕ್ಕೆ ಕರೆಯೆ ||1||

ಶರಣಾಗತರನು ಪೊರೆವುದು ಇದು ನಿನ್ನ ಬಿರುದು
ಕರುಣವಿಂದೆನ್ನ ಕರೆವುದು
ಸ್ಮರಣೆ ಮಾತ್ರದಿ ಭವ ತಾಪವ ಹರಿಸುವ
ಸ್ಮರನಪಿತನ ಮುರಹರನ ಕರುಣದಿ ||2||

ಸುಜನರಿಗೆಲ್ಲ ದಾತಳೆ ಸುಶೀಲೆ ಕೇಳೆ
ಕುಜನರ ಸಂಗದೂರಳೆ
ನಿಜ ಪದವಿಯನಿತ್ತು ಸಲಹುವ ನಮ್ಮ
ವಿಜಯವಿಠ್ಠಲ ನಿಜಪದ ತೋರಿಸೆ ||3||
Veni madhavana torise jane triveni
Kanade nillalarene ||pa||

Kanuta Bakutara karunadi salahuva
Jane triveni kalyani susannute ||a.pa||

Bandene bahala duradi bavasagara tarani
Nindene ninna tiradi
Ondu galige ni hariya bittiralari
Mandagamane enna mundakke kareye ||1||

Saranagataranu porevudu idu ninna birudu
Karunavindenna karevudu
Smarane matradi Bava tapava harisuva
Smaranapitana muraharana karunadi ||2||

Sujanarigella datale susile kele
Kujanara sangadurale
Nija padaviyanittu salahuva namma
Vijayaviththala nijapada torise ||3||

ಕ್ಷೀರ ವಾರಿಧಿ ಕನ್ನಿಕೆ ಮಾರಜನಕೆ
ಈರೇಳು ಲೋಕನಾಯಿಕೆ |pa||

ವಾರವಾರಕೆ ಆರಾಧಿಪುದಕೆ ಚಾರುಮತಿಯ ಕೊಡು
ದೂರ ನೋಡದಲೆ ಅಪ
ಶ್ರೀಧರಾ ದುರ್ಗಿ ಆಂಭ್ರಣಿ ನಿತ್ಯ ಕಲ್ಯಾಣಿ
ವೇದವತಿಯೆ ರುಕ್ಮಿಣಿ
ವೇದ ವೇದಾಂತದಭಿಮಾನಿ ವಾರಿಜ ಪಾಣಿ
ಆದಿ ಮಧ್ಯಾಂತ ಗುಣಮಣಿ
ಸಾಧು ಜನರ ಹೃನ್ಮಂದಿರ ವಾಸಿನಿ
ಭೇದಗೊಳಿಪ ಕಾಮಕ್ರೋಧಗಳೋಡಿಸಿ
ನೀ ದಯದಿಂದಲೆ ಮುಂದೆ ಗತಿಗೆ ಪಂಚ
ಭೇದಮತಿಯ ಕೊಡು ಮಾಧವ ಪ್ರಿಯಳೆ ||1||

ಶ್ರೀ ಮಾಯಾ ಜಯಾ ಕೃತಿ ಶಾಂತಿದೇವಿ ಜಯಂತೆ
ನಾಮದೊಳಪ್ಪ ಗುಣವಂತೆ
ಕೋಮಲವಾದ ವೈಜಯಂತೆ ಧರಿಸಿದ ಶಾಂತೆ
ಸೋಮಾರ್ಕ ಕೋಟಿ ಮಿಗೆ ಕಾಂತೆ
ತಾಮರಸಾಂಬಕೆ ರಮೆ ಲಕುಮಿ ಸತ್ಯ
ಭಾಮೆ ಭವಾರಣ್ಯ ಧೂಮಕೇತಳೆ
ಯಾಮ ಯಾಮಕೆ ಹರಿ
ನಾಮವ ನುಡಿಸಿ ಉತ್ತಮರೊಡನೆ ಪರಿ
ಣಾಮವನೀಯುತ ||2||

ಅನೇಕಾಭರಣ ಭೂಷಿತೆ ಧರಣಿಜಾತೆ
ಸುಜ್ಞಾನಿ ಗಳ ಮನೋಪ್ರೀತೆ
ಆನಂದಲೀಲೆ ವಿಖ್ಯಾತೆ ಆದಿದೇವತೆ
ಗಾನವಿಲೋಲೆ ಸುರನುತೆ ನೀನೇ ಗತಿ ಎನಗಾರನ
ಕಾಣೆನೆ ದಾನಿ ಇಂದಿರಾದೇವಿ
ನಾನಾ ಪರಿಯಲಿ ಶ್ರೀನಿಧಿ ವಿಜಯವಿಠ್ಠಲನ ಮೂರುತಿ
ಯಧ್ಯಾನದೊಳಿಡುವಂಥ ಸುಜ್ಞಾನ ಭಕುತಿ ಕೊಡು||3||

Kshira varidhi kannike marajanake
Irelu lokanayike |pa||

Varavarake aradhipudake carumatiya kodu
Dura nodadale apa
Sridhara durgi ambrani nitya kalyani
Vedavatiye rukmini
Veda vedantadabimani varija pani
Adi madhyanta gunamani
Sadhu janara hrunmandira vasini
Bedagolipa kamakrodhagalodisi
Ni dayadindale munde gatige panca
Bedamatiya kodu madhava priyale ||1||

Sri maya jaya kruti santidevi jayante
Namadolappa gunavante
Komalavada vaijayante dharisida sante
Somarka koti mige kante
Tamarasambake rame lakumi satya
Bame bavaranya dhumaketale
Yama yamake hari
Namava nudisi uttamarodane pari
Namavaniyuta ||2||

Anekabarana bushite dharanijate
Suj~jani gala manoprite
Anandalile vikyate adidevate
Ganavilole suranute nine gati enagarana
Kanene dani indiradevi
Nana pariyali srinidhi vijayaviththalana muruti
Yadhyanadoliduvantha suj~jana Bakuti kodu||3||