Matanadai mannari krushna

ಮಾತನಾಡೈ ಮನ್ನಾರಿ ಕೃಷ್ಣ ಮಾತನಾಡೈ ||pa||

ದಾತನು ನೀನೆಂದು ಬಯಸಿ ಬಂದೆನು ಮಾತನಾಡೈ||a.pa||

ಊದುವ ಸಿರಿ ಪೊಂಗೊಳಲೊ ಜಗ-|
ದಾಧಾರದ ನಿಜ ಹೊಳೆಯೋ ||
ಪಾದದ ಪೊಂಗೆಜ್ಜೆ ಥಳಿಲೊ ಸರ್ವ |
ವೇದಗಳರಸುವ ಕಲ್ಪಕ ಸೆಳಲೊ ||1||

ಕಸ್ತೂರಿ ತಿಲಕದ ಮದವೊ ಮ-
ಕುಟ ಮಸ್ತಕದಿ ಝಗಝಗವೊ ||
ವಿಸ್ತರದಿ ಪೊತ್ತ ಜಗವೊ ಪರ- |
ವಸ್ತುವು ನಂದ ಯಶೋದೆಯ ಮಗುವೊ ||2||

ನವನೀತವ ಪಿಡಿದ ಕರವೊ ನವ-|
ನವ ಮೋಹನ ಶೃಂಗಾರವೊ ||
ಅವತರಿಸಿದ ಸುರತರುವೊ ಶತ-
ರವಿಯಂದದಿ ಉಂಗುರವಿಟ್ಟ ಭರವೊ ||3||

ಆನಂದ ಸುಜ್ಞಾನದ ಹೃದವೊ ಶುಭ-|
ಮಾನವರಿಗೆ ಬಲು ಮೃದುವೊ ||
ಆನನ ಛವಿಯೊಳು ಮಿದುವೊ ಪಾಪ-|
ಕಾನನ ದಹಿಸುವ ಪಾವಕ ಪದವೊ ||4||

ತ್ರಿಜಗದಧಿಕ ಪಾವನನೊ ಪಂ-|
ಕಜ ನೇತ್ರೆಯ ನಾಯಕನೊ ||
ಅಜಭವಾದಿಗಳ ಜನಕನೊ ನಮ್ಮ |
ವಿಜಯವಿಠ್ಠಲ ಯದುಕುಮಾರಕನೊ ||5||

Matanadai mannari krushna matanadai ||pa||

Datanu ninendu bayasi bandenu matanadai||a.pa||

Uduva siri pongolalo jaga-|
Dadharada nija holeyo ||
Padada pongejje thalilo sarva |
Vedagalarasuva kalpaka selalo ||1||

Kasturi tilakada madavo ma-
Kuta mastakadi jagajagavo ||
Vistaradi potta jagavo para- |
Vastuvu nanda yasodeya maguvo ||2||

Navanitava pidida karavo nava-|
Nava mohana srungaravo ||
Avatarisida surataruvo Sata-
Raviyandadi unguravitta Baravo ||3||

Anamda suj~janada hrudavo suba-|
Manavarige balu mruduvo ||
Anana caviyolu miduvo papa-|
Kanana dahisuva pavaka padavo ||4||

Trijagadadhika pavanano pan-|
Kaja netreya nayakano ||
Ajabavadigala janakano namma |
Vijayaviththala yadukumarakano ||5||