Tag: hari

dasara padagalu · purandara dasaru

Avanavanu kayda

Srividya Guruprasad3 Comments

ಆವನಾವನು ಕಾಯ್ದ ಅವನಿಯೊಳಗೆ
ದೇವ ದೇವೇಶ ಶ್ರೀ ಹರಿಯಲ್ಲದೆ                    ||ಪ||

ಆವ ತಂದೆಯು ಸಲಹಿದನು ಪ್ರಹ್ಲಾದನ
ಆವ ತಾಯಿ ಕಾಯ್ದೆಳು ಧ್ರುವರಾಯನ
ಆವ ಮಗ ಸಲಹಿದನು ಆ ಉಗ್ರ ಸೇನನ
ಜೀವಂಗೆ ಪೋಷಕನು ಶ್ರೀ ಹರಿಯಲ್ಲದೆ          ||೧||

ಆವ ಬಾಂಧವರು ಸಲಹಿದರು ಆ ಗಜರಾಜನ
ಆವ ಪತಿ ಕಾಯ್ದ ದ್ರೌಪದಿಯ ಮಾನ
ಆವ ಸೋದರ ಸಲಹಿದನು ಆ ವಿಭೀಷಣನ
ಜೀವರಿಗೆ ದಾತೃ ಶ್ರೀ ಹರಿಯಲ್ಲದೇ               ||೨||

ಆವನಾಧಾರ ಅಡವಿಯೊಳಿಪ್ಪ ಮೃಗಗಳಿಗೆ
ಆವ ರಕ್ಷಕನು ಪಶು ಜಾತಿಗಳಿಗೆ
ಆವ ಪೋಷಕನು ಗರ್ಭದಲ್ಲಿಪ್ಪ ಶಿಶುವಿಗೆ
ದೇವ ಸಿರಿ ಪುರಂದರವಿಠಲನಲ್ಲದಲೆ             ||೩||

Avanavanu kayda avaniyolage
Deva devesa sri hariyallade ||pa||

Ava tandeyu salahidanu prahladana
Ava tayi kaydelu dhruvarayana
Ava maga salahidanu A ugra senana
Jivange poshakanu sri hariyallade ||1||

Ava bandhavaru salahidaru A gajarajana
Ava pati kayda draupadiya mana
Ava sodara salahidanu A vibishanana
Jivarige datru sri hariyallade ||2||

Avanadhara adaviyolippa mrugagalige
Ava rakshakanu pasu jatigalige
Ava poshakanu garbadallippa sisuvige
Deva siri purandaravithalanalladale ||3||

dasara padagalu · hari · MADHWA · purandara dasaru

Murutiyane nilliso

Srividya Guruprasad2 Comments

ಮೂರುತಿಯನೆ ನಿಲ್ಲಿಸೋ ಮಾಧವ ನಿನ್ನ          ||ಪ||

ಎಳೆ ತುಳಸಿಯ ವನಮಾಲೆಯು ಕೊರಳೊಳು
ಹೊಳೆವ ಪೀತಾಂಬರದಿಂದಲೊಪ್ಪುವ ನಿನ್ನ        ||೧||

ಮುತ್ತಿನ ಸರ ನವರತ್ನದುಂಗುರವಿಟ್ಟು
ಮತ್ತೆ ಶ್ರೀ ಲಕುಮಿಯ ಉರದೊಳೊಪ್ಪುವ ನಿನ್ನ   ||೨||

ಭಕ್ತರ ಕಲ್ಪತರು ಭಾಗ್ಯದ ಸುರಧೇನು
ಮುಕ್ತಿದಾಯಕ ಸಿರಿ ಪುರಂದರ ವಿಠಲ ನಿನ್ನ        ||೩||

Murutiyane nilliso madhava ninna ||pa||

Ele tulasiya vanamaleyu koralolu
Holeva pitambaradindaloppuva ninna ||1||

Muttina sara navaratnadunguravittu
Matte sri lakumiya uradoloppuva ninna ||2||

Baktara kalpataru bagyada suradhenu
Muktidayaka siri purandara vithala ninna ||3||

dasara padagalu · hari · MADHWA · purandara dasaru

Rama nama payasakke

Srividya Guruprasad2 Comments

ರಾಮ ನಾಮ ಪಾಯಸಕ್ಕೆ ಕೃಷ್ಣ ನಾಮ ಸಕ್ಕರೆ
ವಿಠಲ ನಾಮ ತುಪ್ಪವ ಕಲಸಿ ಬಾಯ ಚಪ್ಪರಿಸಿರೋ              ||ಪ||

ಒಮ್ಮಾನ ಗೋಧಿಯ ತಂದು ವೈರಾಗ್ಯ ಕಲ್ಲಲಿ ಬೀಸಿ
ಸುಮ್ಮಾನೆ ಸಜ್ಜಿಗೆಯ ತೆಗೆದು ಸಣ್ಣ ಶಾವಿಗೆಯ ಹೊಸೆದು       ||೧||

ಹೃದಯವೆಂಬೊ ಮಡಕೆಯಲಿ ಭಾವವೆಂಬೊ ಎಸರನಿಟ್ಟು
ಬುದ್ಧಿಯಿಂದ ಪಾಕ ಮಾಡಿ ಹರಿವಾಣಕೆ ಬಡಿಸಿಕೊಂಡು          ||೨||

ಆನಂದ ಆನಂದವೆಂಬೊ ತೇಗು ಬಂದಿತು ಕಾಣಿರೊ
ಆನಂದ ಮೂರುತಿ ನಮ್ಮ ಪುರಂದರ ವಿಠಲನ ನೆನೆಯಿರೊ    ||೩||

Rama nama payasakke krushna nama sakkare
Vithala nama tuppava kalasi baya capparisiro ||pa||

Ommana godhiya tamdu vairagya kallali bisi
Summane sajjigeya tegedu sanna savigeya hosedu ||1||

Hrudayavembo madakeyali bavavembo esaranittu
Buddhiyinda paka madi harivanake badisikondu ||2||

Ananda anandavembo tegu banditu kaniro
Ananda muruti namma purandara vithalana neneyiro ||3||

dasara padagalu · laali · purandara dasaru

tugire rangana

Srividya Guruprasad3 Comments

ತೂಗಿರೆ ರಂಗನ ತೂಗಿರೆ ಕೃಷ್ಣನ
ತೂಗಿರೆ ಅಚ್ಯುತ ಅನಂತನ                      ||ಪ||

ತೂಗಿರೆ ವರಗಿರಿಯಪ್ಪ ತಿಮ್ಮಪ್ಪನ
ತೂಗಿರೆ ಕಾವೇರಿ ರಂಗಯ್ಯನ                   ||ಅ.ಪ||

ನಾಗಲೋಕದಲ್ಲಿ ನಾರಾಯಣ ಮಲಗ್ಯಾನೆ
ನಾಗಕನ್ನಿಕೆಯರು ತೂಗಿರೇ
ನಾಗವೇಣಿಯರು ನೇಣು ಪಿಡಿದುಕೊಂಡು
ಬೇಗನೆ ತೊಟ್ಟಿಲ ತೂಗಿರೆ                        ||೧||

ಇಂದ್ರ ಲೋಕದಲ್ಲುಪೇಂದ್ರ ಮಲಗ್ಯಾನೆ
ಇಂದು ಮುಖಿಯರೆಲ್ಲ ತೂಗಿರೆ
ಇಂದ್ರ ಕನ್ನಿಕೆಯರು ಬಂದು
ಮುಕುಂದನ ತೊಟ್ಟಿಲ ತೂಗಿರೆ                  ||೨||

ಆಲದೆಲೆಯ ಮೇಲೆ ಶ್ರೀಲೋಲ ಮಲಗ್ಯಾನೆ
ನೀಲ ಕುಂತಳೆಯರು ತೂಗಿರೆ
ವ್ಯಾಳ ಶಯನ ಹರಿ ಮಲಗು ಮಲಗು ಎಂದು
ಬಾಲ ಕೃಷ್ಣಯ್ಯನ ತೂಗಿರೆ                        ||೩||

ಸಾಸಿರ ನಾಮದ ಸರ್ವೋತ್ತಮನೆಂದು
ಸೂಸುತ್ತ ತೊಟ್ಟಿಲ ತೂಗಿರೆ
ಲೇಸಾಗಿ ಮಡುವಿನೊಳು ಶೇಷನ ತುಳಿದಿಟ್ಟ
ದೋಷ ವಿದೂರನ ತೂಗಿರೆ                       ||೪||

ಅರಳೆಲೆ ಮಾಗಾಯಿ ಕೊರಳ ಮುತ್ತಿನಹಾರ
ತರಳನ ತೊಟ್ಟಿಲ ತೂಗಿರೇ
ಸಿರಿದೇವಿ ರಮಣನ ಪುರಂದರ ವಿಠಲನೆ
ಕರುಣದಿ ಮಲಗೆಂದು ತೂಗಿರೆ                    ||೫||

Tugire rangana tugire krushnana
Tugire achyuta anantana ||pa||

Tugire varagiriyappa timmappana
Tugire kaveri ramgayyana ||a.pa||

Nagalokadalli narayana malagyane
Nagakannikeyaru tugire
Nagaveniyaru nenu pididukonmdu
Begane tottila tugire ||1||

Indra lokadallupendra malagyane
Indu mukiyarella tugire
Indra kannikeyaru bandu
Mukumdana tottila tugire ||2||

Aladeleya mele srilola malagyane
Nila kuntaleyaru tugire
Vyala Sayana hari malagu malagu endu
Bala krushnayyana tugire ||3||

Sasira namada sarvottamanendu
Susutta tottila tugire
Lesagi maduvinolu seshana tuliditta
Dosha vidurana tugire ||4||

Aralele magayi korala muttinahara
Taralana tottila tugire
Siridevi ramanana purandara vithalane
Karunadi malagemdu tugire ||5||

dasara padagalu · hari · kanakadasaru · MADHWA

Elu narayana elu lakshmiramana

Srividya Guruprasad2 Comments

ಏಳು ನಾರಾಯಣ ಏಳು ಲಕ್ಷ್ಮೀರಮಣ
ಏಳು ಶ್ರೀಗಿರಿಗೊಡೆಯ ಶ್ರೀವೆಂಕಟೇಶ
ಏಳಯ್ಯ ಬೆಳಗಾಯಿತು ||

ಕಾಸಿದ್ದ ಹಾಲನ್ನು ಕಾವಡಿಯೊಳು ಹೆಪ್ಪಿಟ್ಟು
ಲೇಸಾಗಿ ಕಡೆದು ಹೊಸಬೆಣ್ಣೆ ಕೊಡುವೆ
ಶೇಷಶಯನನೆ ಏಳು ಸಮುದ್ರ ಮಂಥನವ ಮಾಡು
ದೇಶ ಕೆಂಪಾಯಿತು ಏಳಯ್ಯ ಹರಿಯೇ ||

ಅರಳು ಮಲ್ಲಿಗೆ ಜಾಜಿ ಪರಿಮಳದ ಪುಷ್ಪಗಳ
ಸುರರು ತಂದಿದ್ದಾರೆ ಬಲು ಭಕುತಿಯಿಂದ
ಅರವಿಂದನಾಭ ಸಿರಿವಿಧಿಭವಾದಿಗಳೊಡೆಯ
ಹಿರಿದಾಗಿ ಕೋಳಿ ಕೂಗಿತೇಳಯ್ಯ ಹರಿಯೇ ||

ದಾಸರೆಲ್ಲರು ಬಂದು ಧೂಳಿನದರ್ಶನಕೊಂಡು
ಲೇಸಾಗಿ ತಾಳ ದಂಡಿಗೆಯ ಪಿಡಿದು
ಶ್ರೀಶನೆಲೆಯಾದಿ ಕೇಶವ ನಿಮ್ಮ ಪಾದವನು
ಲೇಸಾಗಿ ಸ್ಮರಿಸಿ ಪೊಗಳುವರು ಹರಿಯೇ ||

Elu narayana elu lakshmiramana ||pa||

Elu srigiri odeya srivenkatesa
Elayya belagayitu ||a.pa||

Kasidda halannu kavadiyolu heppittu
Lesagi kadedu hosabenne koduve
Seshasayanane elu samudra mathanava madu
Desa kempayitu elayya hariye ||1||

Aralu mallige jaji parimalada pushpagala
Suraru tandiddare balu Bakutiyinda
Aravindanaba siri vidhibavadigalodeya
Hiridagi koli kugitelayya hariye ||2||

Dasarellaru bandu dhuli darsana gondu
Lesagi tala dandigeya pididu
Srisaneleyadi kesava nimma padavanu
Lesagi smarisi pogaluvaru hariye ||3||

dasara padagalu · hari · MADHWA · Vijaya dasaru

Manave ni drudhavadare

Srividya Guruprasad2 Comments

ಮನವೆ ನೀ ದೃಢವಾದರೆ
ಮನಸಿಜನಯ್ಯನ ಚರಣ ಕಾಂಬೆನೊ ನಾನು||pa||

ಹಂಬಲವನು ಮಾಡದಿದ್ದರೆ ಹರಿ
ಎಂಬ ನಾಮಪೀಯೂಷ ದೊರಕುವುದು||1||

ಚಂಚಲವುಳ್ಳವುನಾಗದಿದ್ದರೆ ದುಷ್ಟ
ಪಂಚೇಂದ್ರಿಯಗಳ ಸ್ಥಿರವಾಗಿ ನಿಲ್ಲಿಸುವೆ ||2||

ಅತ್ತಲಿತ್ತಲಿ ಪೋಗದಿರು ಎ
ನ್ನತ್ತ ವಿಜಯವಿಠ್ಠಲ ಬರಲೀ ||3||

Manave ni drudhavadare manasi-
Janayyana charana kambeno nanu ||pa||

Hambalavannu madadiddare hari
Emba namapiyusha dorakuvudu ||1||

Chanchalavullavanagadiddare dushta
Panchendriyagalannu sthiravagi nillisuve ||2||

Attalittali pogadiru e-
Nnatta vijayavithala barali ||3||

dasara padagalu · hari · MADHWA · Vijaya dasaru

Dayamadu dayamadu enna mele

Srividya Guruprasad2 Comments

ದಯಮಾಡು ದಯಮಾಡು ಎನ್ನ ಮೇಲೆ |
ಅಂತರಂಗದೊಳಿಪ್ಪ ಅಚ್ಚುತಮೂರ್ತಿ ||pa||

ಗಂಧ ಪರಿಮಳ ಕುಸುಮ ಜಾಜಿ ಮಲ್ಲಿಗೆ ಮಾಲೆ |
ಮಂದಾರ ಹಾರ ಕೊರಳೊಳಿಡಲೂ ||
ಚಂದವಿಲ್ಲವೆಂದು ತೆಗೆದು ಬಿಸಾಟಿ ಊರ |
ಹಂದಿಯಂದದಿ ಇಲ್ಲಿ ಇಪ್ಪ ನರಗೆ || 1||

ಹೆತ್ತ ತುಪ್ಪ ಸಣ್ಣಶಾವಿಗೆ ಪರಮಾನ್ನ |
ಹೆತ್ತತಾಯಿ ತಂದು ಉಣ್ಣ ಬಡಿಸಲು ||
ಅತ್ತ ಮೊಗವಗಬೆ ತೊತ್ತು ಉಣಬಡಿಸಿದ |
ಹೊತ್ತು ಓಗರ ತಿಂದು ಇಪ್ಪೆನೆಂಬ ನರಗೆ ||2||

ತುಂಬಿದ ಹೊಳೆಯಲ್ಲಿ ಹರಿಗೋಲಿಟ್ಟುಕೊಂಡು |
ಅಂಬಿಗ ತಡೆಯದೆ ದಾಟಿಸಲು ||
ಅಂಬುವಾಸನೆ ನೋಡಿ ದಾಟಿ ಪೋಗುವೆನೆಂ |
ದೆಂಬ ಮಾನವನಾದೆ ವಿಜಯವಿಠ್ಠಲ ಕರುಣೀ||3||

Dayamadu dayamadu enna mele
Antarangadolippa acyuta murti ||pa||

Gandha parimala kusuma jati mallige male
Mandara hara koralolidalu
Chandavillavendu tegedu bisati Ura
Handiyandadi illi ippa narage ||1||

Hettatuppa sannasavige paramanna
Hettatayi tandu unnabadisalu
Atta mogavagaci tottu unabadisida
Hottu Ogara tindu ippenemba narage ||2||

Tumbida holeyalli harigolittukondu
Ambiga tadeyade datisalu
Ambuvasane nodi dati poguvenen
Demba manavanade vijayaviththala karuni ||3||

dasara padagalu · hari · MADHWA · Vijaya dasaru

Vithala ninna nambide enna kayo

Srividya Guruprasad1 Comment

ವಿಠಲಾ ನಿನ್ನ ನಂಬಿದೆ ಎನ್ನ ಕಾಯೋ |
ಪುಟ್ಟುವದು ಬಿಡಿಸೊ ಎನ್ನವರೊಳಗಿರಿಸೊ ||pa||

ಬಲುಕಾಲ ಮಲ-ಮೂತ್ರ ಡೊಳ್ಳಿನೊಳು ಬಿದ್ದು |
ಹಲುಬಿದೆ ಒಂದಿಷ್ಟು ನೆಲೆಗಾಣದೆ ನಾನು ||
ಹಲವು ಮಾತೇನು ಎನಗೆ ಬಿಡದು |
ಸಲಹಬೇಕಯ್ಯಾ ಸಮುದ್ರ ಶಯ್ಯಾ ||1||

ಕರ ಪಿಡಿದು ಎತ್ತುವ ಬಿರುದು ಪರಾಕ್ರಮ |
ಮರಳಿ ಮಿಗಿಲೊಂದು ದೇವರಿಗೆ ಉಂಟೆ ||
ಮರೆವು ಮಾಡದೆ ಮಹಾದುರಿತವ ಪರಿ_ |
ಹರಿಸು ಸ್ಮರಣೆಯನ್ನು ಇತ್ತು ಕೀರ್ತನೆ ಪೇಳಿಸೋ||2||

ಬಿನ್ನಹ ಲಾಲಿಸು ಚೆನ್ನ ಲಕುಮಿಪತಿ |
ಚೆನ್ನಾಗಿಡು ನಿತ್ಯ ಪ್ರಾಣನಾಥಾ ಅಭಯ ಹಸ್ತಾ ||
ಅನ್ನದಾತಾ ಸಿರಿ ವಿಜಯವಿಠ್ಠಲರೇಯಾ |
ಸನ್ನಿಧಿಯಲ್ಲಿ ಎನ್ನ ಸಂತೋಷಪಡಿಸೊ ||3||

Vithala ninna nambide enna kayo
Puttuvadu bidiso ninnavarolagiriso ||pa||

Bahukala malamutra dollinolu biddu
Halubide ondishtu neleganade nanu
Halavu matenu enage bidadu
Salahabekayya samudrasayya ||1||

Karapididu ettuva birudu parakrama
Marali migilondu devarige umte
Marevu madade mahaduritava pari
Harisu smaraneyannu ittu kirtane peliso ||2||

Binnaha lalisu cenna lakumipati
Chennagidu nitya prananatha abayahasta
Annadata siri vijayaviththalareya
Sannidhiyalli enna samtoshapadiso ||3||

dasara padagalu · hari · Vijaya dasaru

Bandu nillo kanna munde

Srividya Guruprasad4 Comments

ಬಂದು ನಿಲ್ಲೋ ಕಣ್ಣ ಮುಂದೆ            ।।ಪ।।

ಬಂದು ನಿಲ್ಲೋ ನನ್ನ ಪಾದಕ್ಕೆ ವಂದಿಪೆ
ಇಂದಿರೆಯರಸ ಗೋವಿಂದ ಮುಕುಂದ ನೀ       ।।ಅ.ಪ।।

ಅರಳಿದ ಕೆಂದಾವರೆಯ ಧಿಕ್ಕರಿಸುವ
ಚರಣಾರವಿಂದವ ನಿರುತ ತೋರು ನೀನು         ।।೧।।

ನೀಲಾಲಕ ಭ್ರಮರಕುಂತಲಮಂಡಿತ
ಮೇಲಾದ ರಾಕೇಂದು ಮುಖವ ತೋರಿಸುತಲಿ   ।।೨।।

ಪದುಮನೇತ್ರನೆ ನಿನ್ನ ಸದನವೆನುತ ಎನ್ನ
ಹೃದಯದೊಳಗೆ ನಿಂತು ನಾ ಮುದದಿ ಭಜಿಸುವಂತೆ  ।।೩।।

ಕರಿಯ ಮೊರೆಯ ಕೇಳಿ ಕರುಣದಿಂ ಬಂದಂತೆ
ಕರೆದಾಗ ನಿನ್ನ ದಿವ್ಯಚರಣವ ತೋರಿಸುತ         ।।೪।।

ಅಜಭವಾದಿಗಳಿಗೆ ನಿಜಪದವನಿತ್ತಂತೆ
ಭಜಿಪ ಭಕ್ತರಿಗೊಲಿವ ವಿಜಯವಿಠಲರೇಯ         ।।೫।।

Bandu nillo kanna munde ||pa||

Bandu nillo nanna padakke vandipe
Indireyarasa govinda mukunda ni ||a.pa||

Aralida kendavareya dhikkarisuva
Charanaravindava niruta toru ninu ||1||

Nilalaka bramarakuntalamandita
Melada rakendu mukava torisutali ||2||

Padumanetrane ninna sadanavenuta enna
Hrudayadolage nintu na mudadi Bajisuvante ||3||

Kariya moreya keli karunadim bandante
Karedaga ninna divyacharanava torisuta ||4||

Ajabavadigalige nijapadavanittante
Bajipa Baktarigoliva vijayavithalareya ||5||

dasara padagalu · MADHWA · Vijaya dasaru

Koduvavanu ninu kombuvanu nanu

Srividya Guruprasad2 Comments

ಕೊಡುವವನು ನೀನು ಕೊಂಬುವನು ನಾನು
ಬಡಮನದ ಮನುಜನ ಬೇಡಿ ಫಲವೇನು                  ।।ಪ।।

ಹದಿನಾರು ಹಲ್ಲುಗಳ ಬಾಯ್ದೆರೆದು ಬೇಡಿದರೆ
ಇದು ಸಮಯವಲ್ಲೆಂದು ಪೇಳಿ ತಾನು
ಮದನಕೇಳಿಗೆ ನೂರನೊಂದಾಗಿ ನೋಡುವನು
ಮದಡ ಮಾನವನೇನು ಕೊಡಬಲ್ಲ ಹರಿಯೆ              ।।೧।।

ಗತಿಯಿಲ್ಲವೆಂತೆಂದು ನಾನಾ ಪ್ರಕಾರದಲ್ಲಿ
ಮತಿಗೆಟ್ಟು ಪೊಗಳಿದರೆ ತನ್ನ
ಸತಿ-ಸುತರ ಕೇಳಬೇಕೆಂದು ಮೊಗತಿರುಹುವ
ಅತಿದುರುಳ ಮತ್ತೇನು ಕೊಡಬಲ್ಲ ಹರಿಯೆ                ।।೨।।

ಹೀನವೃತ್ತಿಯ ಜನರಿಗಾಸೆಯನು ಬಡುವುದು
ಗಾಣದೆತ್ತು ತಿರುಗಿ ಬಳಲಿದಂತೆ
ಭಾನುಕೋಟಿತೇಜ ವಿಜಯವಿಠಲರೇಯ
ನೀನಲ್ಲದನ್ಯತ್ರ ಕೊಡುಕೊಂಬರುಂಟೇ                     ।।೩।।

Koduvavanu ninu kombuvanu nanu
Badamanada manujana bedi palavenu ||pa||

Hadinaru hallugala bayderedu bedidare
Idu samayavallendu peli tanu
Madanakelige nuranomdagi noduvanu
Madada manavanenu kodaballa hariye ||1||

Gatiyillaventendu nana prakaradalli
Matigettu pogalidare tanna
Sati-sutara kelabekendu mogatiruhuva
Atidurula mattenu kodaballa hariye ||2||

Hinavruttiya janarigaseyanu baduvudu
Ganadettu tirugi balalidante
Banukotiteja vijayavithalareya
Ninalladanyatra kodukombarunte ||3||