ಹರಿದಿನದಲಿ ಉಂಡ ನರರಿಗೆ -ಘೋರ |ನರಕ ತಪ್ಪದು ಎಂದುಶ್ರುತಿಸಾರುತಲಿದೆ||

ಗೋವ ಕೊಂದ ಪಾಪ, ಸಾವಿರ ವಿಪ್ರರ |ಜೀವಹತ್ಯದ ಮಾಡಿದ ಪಾಪವು ||
ಭಾವಜನಯ್ಯನ ದಿನದಲುಂಡವರಿಗೆ |ಕೀವಿನೊಳಗೆ ಹಾಕಿ ಕುದಿಸುವ ಯಮನು ||1||

ಒಂದೊಂದು ಅಗಳಿಗೆ ಕೋಟಿ ಕೋಟಿ ಕ್ರಿಮಿಗಳು |ಅಂದಿನ ಅನ್ನವು ನಾಯ ಮಾಂಸ ||
ಮಂದರಧರನ ದಿನದಲುಂಡವರನು |ಹಂದಿಯ ಸುಡುವಂತೆ ಸುಡುವನು ಯಮನು||2||

ಅನ್ನ -ಉದಕ ತಾಂಬೂಲ – ದರ್ಪಣಗಳು |ಚೆನ್ನವಸ್ತ್ರಗಳೆಲ್ಲ ವರ್ಜಿತವು ||
ತನ್ನ ಸತಿಯ ಸಂಗ ಮಾಡುವ ಮನುಜನ |ಬೆನ್ನಲಿ ಕರುಳ ಉಚ್ಚಿಸುವನು ಯಮನು||3||

ಜಾವದಜಾಗರಕ್ರತು ನಾಲ್ಕು ಸಾವಿರ |ಜಾವ ನಾಲ್ಕರ ಫಲಕೆ ಮಿತಿಯಿಲ್ಲವು ||
ದೇವದೇವನ ದಿನದಿ ನಿದ್ರೆಗೈದರೆ ಹುರಿ – |ಗಾವಿಲಿಯೊಳು ಹಾಕಿ ಹುರಿಯುವ ಯಮನು ||4||

ಇಂತು ಏಕಾದಶಿ ಉಪವಾಸಜಾಗರ |ಸಂತತ ಕ್ಷೀರಾಬ್ಧಿಶಯನನ ಪೂಜೆ ||
ಸಂತೋಷದಿಂದಲಿ ಮಾಡಿದ ಜನರಿಗ – |ನಂತ ಫಲವನೀವ ಪುರಂದರವಿಠಲ ||5||

Haridinadali unda nararige gora naraka tappadendu shruti saarutalide | pa |

govu konda paapa viprara saavira | jivahatyava maadida paapavu |
bhaavajanayyana dinadi undaravanu | kivinolage haaki kudisuva yamanu || 1 ||

ondondu agulige koti koti krimigalu | andina annavu naayi maamsavu | mandaroddhaarana dinadi undavarannu | handiya suduvante sudisuva yamanu || 2 ||

anna paana taambula darpanagalu | chenna vastragalella varjitavu |
tanna satiyara sanga maadida nararige | bennali karula tegeva kandya yamanu || 3 ||

jaavadi jaagara kratu naalku saavira | jaava naalkara phalake mitiyillavu |
deva devana dinadi nidregaivana | kaavaliyolu haaki hurisuva yamanu || 4 ||

intu Ekaadashi upavaasa jaagara | santata kshiraabdhishayanana puje |
santushtiyindali maadida janarige | ananta phalaviva purandaravithala || 5 |

ಹರಿವಾಸರದುಪವಾಸದ ಭಾಗ್ಯವು ಕಂಡ ಕಂಡವರಿಗೆ ದೊರಕುವುದೆ ||ಪ||
ಹಿರಿದು ಜನ್ಮಗಳಿಂದ ಹರಿಯನಾರಾಧಿಪ ಪರಮ ಭಾಗವತಭಕ್ತರಿಗಲ್ಲದೆ ||ಅ||

ಸ್ನಾನ ಸಂಧ್ಯಾನ ಮೊದಲಾದ ಕರ್ಮನ್ಯೂನದ ಪಾಪರಾಶಿ
ಹೇನು ಇರುವೆ ನೊಣ ಮೊದಲಾದ ಪ್ರಾಣಿಯ ಹಿಂಸೆಯ ಪಾಪಂಗಳು
ಹೀನತ್ವದಿಂದ ತುಚ್ಛರ ಕೈಲಿ ಹಿಡಿದ ದುರ್ದಾನದ ಪಾಪಂಗಳು
ಭಾನುಬಿಂಬವ ಕಂಡ ಹಿಮದಂತೆ ತೊಲಗುವ ಆನಂದವ್ರತಕೆ ಸರಿಯೆನ್ನಬಹುದೆ ||

ಪರಸತಿಯರ ನೋಡಿ ಮನವಿಟ್ಟ ಪಾಪವು ಪರದೂಷಣೆ ಪಾಪವು
ಪರಹಿಂಸೆಯ ಮಾಡಿ ಅವರ ವಸ್ತುಗಳನ್ನು ಅಪಹರಿಸಿದ ಪಾಪವು
ಪರಮಾತ್ಮನ ಪೊಗಳುವ ನಾಲಿಗೆಯಲ್ಲಿ ನರರ ಪೊಗಳುವ ಪಾಪವು
ಹರಿಯ ಮರಿಯ ಕಂಡ ಕರಿಯ ಸಂಘಗಳಂತೆ ದುರಿತ ಕೋಟಿಗಳನ್ನು ಪರಿಹರಿಸುವಂಥ ||

ಆಡುವ ಅನೃತ ವಾಕ್ಯಗಳಿಂದ ಸಂಭವವಾಗುವ ಪಾಪಂಗಳು
ಆಡಬಾರದ ದಿನಗಳಲಿ ಸ್ತ್ರೀಗೋಷ್ಠಿಯನಾಡಿದ ಪಾಪಂಗಳು
ಬೇಡಬಾರದಂಥ ವರವ ಕೊಡು ಎಂದು ಬೇಡಿದ ಪಾಪಂಗಳು
ಕಾಡುಗಿಚ್ಚನು ಕಂಡ ಖಗಮೃಗತತಿಯಂತೆ ಓಡಿಸುತಿರುವಂಥ ಉತ್ತಮ ವ್ರತವು ||

ತೋರುವ ದಶಮಿದ್ವಾದಶಿಯೆಂಬ ಸಂಪುಟಾಕಾರದಿಂದೊಪ್ಪುವ ಹರಿದಿನವು
ಮೂರು ದಿನದ ವ್ರತ ನಾಲ್ಕು ಹೊತ್ತಿನ ಆಹಾರವು ವರ್ಜಿತವು
ಊರು ದಾರಿಗಳನ್ನು ನಡೆಯಬಾರದು ತಾಂಬೂಲವು ವರ್ಜಿತವು
ನಾರಾಯಣ ದಾಸರ ಸಂಘದೊಡನೆ ಜಾಗರ ಮಾಡಿ ಶ್ರೀ ಹರಿಯ ಕೊಂಡಾಡುವ ||

ಅತಿಶಯ ದಿನದಲ್ಲಿ ದೇವ ಋಷಿ ತರ್ಪಣ ವರ್ಜಿತವು
ಪ್ರತಿ ವರುಷದಲಿ ಆಚರಿಸುವ ತಾಯ್ತಂದೆ ತಿಥಿಗಳೆಲ್ಲವು ವರ್ಜ್ಯವು
ಸತತವು ಮಾಡುವ ಯಜ್ಞಪುರುಷನಿಗಾಹುತಿಗಳೆಲ್ಲವು ವರ್ಜ್ಯವು
ಇತರವಾದ ಭೋಗದಾಸೆಗಳೆಲ್ಲವ ವರ್ಜಿಸುತಲಿ ವೀರವ್ರತವನಾಚರಿಸುವ ||

ಒತ್ತಿ ಬರುವ ಪಾಪಂಗಳಿಗೆಲ್ಲ ಇಂತಿದು ಪಕ್ಷ ಪ್ರಾಯಶ್ಚಿತ್ತವು
ಉತ್ತಮವಾದ ಹಲವು ವ್ರತಗಳಿಗಿಂತ ಉತ್ತಮವಾಗಿಹುದು
ಚಿತ್ತ ಶುದ್ಧಿಯನಿತ್ತು ಜ್ಞಾನ ವೈರಾಗ್ಯಾದಿ ಮುಕ್ತಿ ಸಾಧನವೀವುದು
ಮುಕ್ತಿಗೆ ಸೋಪಾನ ತರಣಿ ಭವಾಬ್ಧಿಗೆ ಹರಿಯ ಸನ್ನಿಧಿಗೆ ಹೆದ್ದಾರಿಯ ತೋರುವ ||

ಹಲವು ಪುರಾಣಗಳೋದಿ ಶಾಸ್ತ್ರಂಗಳ ತಿಳಿದು ಕೇಳಿದರೇನು
ಹಲವು ಪುಣ್ಯತೀರ್ಥ ನದ ನದಿಗಳೆಲ್ಲಿ ಸ್ನಾನ ಮಾಡಿದರೇನು
ಹಲವು ವ್ರತಂಗಳಾಚರಿಸಿ ದಾನಂಗಳ ತಿಳಿದು ಮಾಡಿದರೇನು
ಹಲವು ದೈವಗಳೊಡೆಯ ಪುರಂದರವಿಠಲನ ಒಲುಮೆಯ ವ್ರತಕೆ ಸರಿಯೆನಬಹುದೆ ||

Harivasaradupavasada bagyavu kandakandavarige dorakuvude || pa ||

Hiridu janmagalinda hariyanaradhipa – parama bagavatabaktarigallade || A ||

Snana sandhyana modalada karma nyunada paparasi
Henu iruve nona modalada pranihimseya papagalu
Hinatvadinda tuccara kaili hidida durdanada papangalu
Banubimbava kanda himadante tolaguva A nandanandanavratake sariyennabahude || 1||

Parasatiyara nodi manavitta papavu paradushaneya papavu
Parahimseya madi avara vastugalannu apaharisida papavu
Paramatmana pogaluva nalageyalli narara pogaluva papavu
Hariya moreya kanda kariya sangagalante duritakotigalannu pariharisuvanta || 2 ||

Aduva anruta vakyagalinda sambavavaguva papangalu
Adabarada dinagalalli strigoshtiyanadida papangalu
Bedabaradantha varava kodu emdu bedida papangalu
Kadukiccannu kamda kagamrugatatiyante odisutiruvanta uttamavratavu || 3 ||

Toruva dasami dvadasiye samputakaradindoppuva haridinavu
Muru dinada vrata nalku hottina aharavu varjitavu
Uru darigalannu nadeyabaradu tambulavu varjitavu
Narayanana dasara samgadodane jagara madi srihariya kondaduva || 4 ||

Atisaya dinadalli deva^^rushipitrutarpanavarjitavu
Prativarushadali Acarisuva taytamde tithigalellavu varjyavu
Satatavu maduva yaj~japurushanigahutigalellavu varjyavu
Itaravada bogadasegalella varjisutali viravratavanacarisuva || 5 ||

Otti baruva papangaligella intima pakshaprayascittavu
Uttamavada halavu vratagaliginta uttamavagihudu
Chittasuddhiyanittu j~janavairagyadi sadhanavivadu
Muktige sopana tarana bavabdige hariya sannidhige heddariya toruva ||6 ||

Halavu puranagalodi sastrangala kelidarenu
Halavu punyatirtha nada nadigalalli snanamadidarenu
Halavu vratagalacharisi danangala tilidu madidarenu
Halavu daivagalodeya purandaravithalana olumeya vratake sari ennabahude ||7||