Category: siva

dasara padagalu · DEVOTIONAL · MADHWA · siva · Vijaya dasaru

Kailaasa vaasa goureesha eesha

Srividya Guruprasad3 Comments

ಕೈಲಾಸವಾಸ ಗೌರೀಶ ಈಶಾ || ಪ ||

ತೈಲಧಾರೆಯಂತೆ ಮನಸು ಕೊಡು ಹರಿಯಲಿ || ಅ.ಪ ||

ಅಹೋರಾತ್ರಿಯಲಿ ನಾನು ಅನುಚರಾಗ್ರಣಿಯಾಗಿ
ಮಹಿಯೊಳಗೆ ಚರಿಸಿದೆನೊ ಮಹದೇವನೇ
ಅಹಿ ಭೂಷಣನೆಯೆನ್ನ ಅವಗುಣಗಳೆಣಿಸದಲೆ
ವಿಹಿತ ಧರ್ಮದಲಿ ವಿಷ್ಣು ಭಕುತಿಯ ಕೊಡು ಶಂಭೋ || ೧ ||

ಮನಸು ಕಾರಣವಲ್ಲ ಪಾಪ ಪುಣ್ಯಕ್ಕೆಲ್ಲ
ಅನಲಾಕ್ಷ ನಿನ್ನ ಪ್ರೇರಣೆಯಿಲ್ಲದೇ
ದನುಜಗಜ ಮದಹಾರಿ ದಂಡಪ್ರಣಾಮವಮಾಳ್ಪೆ
ಮನಸೋ ಈ ಶಿರವ ಸಜ್ಜನರ ಸಿರಿ ಚರಣದಲಿ || ೨ ||

ಭಾಗೀರಥೀಧರನೇ ಭಯವ ಪರಿಹರಿಸಯ್ಯ ಲೇ
ಸಾಗಿ ಒಲಿದು ಸಂತತ ಶರ್ವ ದೇವಾ
ಭಾಗವತ ಜನಪ್ರೀಯ ವಿಜಯ ವಿಟ್ಠಲನಂಘ್ರಿ
ಜಾಗುಮಾಡದೆ ಭಜಿಪ ಭಾಗ್ಯವನೆ ಕೊಡು ಶಂಭೋ || ೩ ||

Kailaasa vaasa goureesha eesha || pa ||
Taila dhaareyante manasu kodu hariyalli shambho || a.pa. ||

Aho raatriyali naanu anucharaagraniyaagi |
Mahiyolage charisideno mahadevane |
Ahibhooshanane ennavagunagalenisadale |
Vihita dharmadi vishnu bhakutiyanu kodu shambho || 1 ||

Manasu kaaranavalla paapa punyakkella |
Analaaksha ninna preraneyillade |
Danuja mada gaja haari damda pranaamava maalpe |
Maniso ee shirava sajjana carana kamaladali shambho || 2 ||

Bhaageerathi dharane bhayava pariharisayyaa |
Lesaagi nee salaho santata sarva devaa |
Bhaagavata jana preeya vijayaviththalanamgri |
Jaagu maadade bhajipa bhaagyavanu kodu shambho || 3 ||

dasara padagalu · DEVOTIONAL · MADHWA · siva

Shivane naa ninna sevakanayyaa

Srividya Guruprasad2 Comments

ಶಿವನೇ ನಾ ನಿನ್ನ ಸೇವಕನಯ್ಯಾ
ಕರುಣದಿ ಪಿಡಿ ಕೈಯ್ಯಾ ಶಿರಿಧರನರಮಯ್ಯ || ಪ ||

ಭವಮೋಚಕ ಭಾಗವತಶಾಸ್ತ್ರವನು
ಅವನೀಶಗೆ ಪೇಳ್ದವ ನೀನಲ್ಲವೆ || ಅ.ಪ ||

ವೈಕಾರಿಕ ತೈಜಸ ತಾಮಸವೆಂಬ ತ್ರೈತತ್ತ್ವಗಳೆಂಬ
ಸಾಕಾರಿ ಶಾರ್ವರಿಧವಧರ ಸಾಂಬ ಸುರಪಾದ್ಯರ ಬಿಂಬ
ವೈಕಲ್ಯಾಸ್ಪದವ ಕಳೆದೊಮ್ಮಿಗೆ
ವೈಕುಂಠಕೆ ಕರೆದೊಯ್ಯೊ ಕರಿಗೊರಳಾ || ೧ ||

ಮೃತ್ಯುಂಜಯ ಮುಪ್ಪುರಹರ ಮಹದೇವ ದೇವರ್ಕಳಕಾವ
ಸ್ತುತ್ಯಾದ್ರಿಜ ದಿತಿಜತತೀವನದಾವಾ ದುರಿತಾಂಬುಧಿನಾವ
ಕೃತ್ತಿವಾಸ ಎನ್ನತ್ಯಪರಾಧಗ
ಳೆತ್ತಿಣಿಸದೆ ಕೃತಕೃತ್ಯನ ಮಾಡೈ || ೨ ||

ಗಂಗಾಧರ ಷಣ್ಮುಖಗಣಪರ ತಾತ ತ್ರೈಲೋಕ್ಯತ್ರಾತ
ಲಿಂಗಾಹ್ವಯ ತಾರಕಹರ ನಿರ್ಭೀತ ಭುವನಾಧಿನಾಥ
ತುಂಗಮಹಿಮ ನಿಸ್ಸಂಗ ಹರಿಯ ದ್ವಿತಿ
ಯಂಗ ಡಮರು ಶೂಲಂಗಳ ಪಿಡಿದಿಹ || ೩ ||

ಪಂಚಾನನ ಪನ್ನಗಭೂಷಣ ಭೀಮ ಭುವನಾಭಿರಾಮ
ಸಂಚಿಂತನಮಾಡುವ ಸಂತತನೇಮ ಶ್ರೀರಾಮನಾಮ
ಪಂಚಶರಾರಿ ವಿರಿಂಚಿಕುವರ ನಿ
ಷ್ಕಿಂಚನರೊಡೆಯನ ಮಂಚಪದಾರ್ಹನೆ || ೪ ||

ಸ್ಫಟಿಕಾಭ ಕಪಾಲಿ ಕಾಮಿತಫಲದಾ ಫಲ್ಗುಣಸಖ ಶ್ರೀದ
ವಿಠಲ ವಿತ್ತಪಮಿತ್ರ ದ್ವಿರದ ಚರ್ಮಾಂಬರನಾದ
ಕುಟಿಲರಹಿತ ಧೂರ್ಜಟಿ ವೃಷಭಧ್ವಜ
ನಿಟಿಲನಯನ ಸಂಕಟವ ನಿವಾರಿಸೊ || ೫ ||

Bhava mochaka bhagavat shaastrava |
Avaneeshage peldava neenallave
Shivane naa ninna sevakanayyaa || pa ||

Durmana bidisayyaa | durmana bidisayyaa |
Shivane naa ninna sevakanayyaa || a. Pa. ||

Vaikaarika taijasa taamasavemba traitattwagalemba |
Saakaari shaarvari dhava dhara saamba |
Surapaadyara bimba surapaadyara bimba ||
Vaikalyaaspadavaa kaledommege |
Vaikunthake karedoyyi karigoralaa || 1 ||

Mrutyunjaya muppura hara mahadeva devarkala kaavaa |
Stutyaadrija ditija tativana daavaa |
Duritaambudhinaavaa duritaambudhinaavaa |
Kruttivaasa ninnatyaparaadhagalettenisade
Krutakrutyana maadai || 2 ||

Spatikaabhikapaale kaamita phaladaa | phalguna sakha shreedaviththalaashraya
Vittapamitra dwiradaa |
Charmaambaranaadaa charmaambaranaadaa |
Kutila rahita doorjati vrushabha dhwaja |
Nitila nayana samkatava nivaarisu || 3 ||

dasara padagalu · DEVOTIONAL · kanakadasaru · MADHWA · siva

Shiva shiva shiva enniro

Srividya Guruprasad2 Comments

ಶಿವ ಶಿವ ಶಿವ ಎನ್ನಿರೊ – ಮೂಜಗದವರೆಲ್ಲಶಿವ ಶಿವ ಶಿವ ಎನ್ನಿರೊ ||pa||

ಆಗಮ ಸಿದ್ಧಾಂತ ಮೂಲದ ಜಪವಿದು ಶಿವಶಿವಶಿವ ಎನ್ನಿರೋ –
ನಿಮ್ಮರೋಗದ ಮೂಲವ ಕೆಡಿಪ ಔಷಧವಿದು ಶಿವಶಿವಶಿವ ಎನ್ನಿರೊ ||a.pa||

ಮನುಜ ಜನ್ಮದಿ ಹುಟ್ಟಿ ಮೈಮರೆದಿರಬೇಡಿ ಶಿವಶಿವಶಿವ ಎನ್ನಿರೋ –
ನಿಮ್ಮತನುಮನ ಪ್ರಾಣವ ವ್ಯರ್ಥವ ಮಾಡದೆ ಶಿವಶಿವಶಿವ ಎನ್ನಿರೊ
ಅಪರಾಧಕೋಟಿ ತ್ಯಜಿಸಬೇಕಾದರೆ ಶಿವಶಿವಶಿವ ಎನ್ನಿರೋ –
ಮುಂದೆಉಪಮಿತರೋರ್ಮಿತರರಿಯದ ಜಪವಿದು ಶಿವಶಿವಶಿವ ಎನ್ನಿರೊ||1||

ಜವನ ಬಾಧೆಯ ನೀವು ಜಯಿಸಬೇಕಾದರೆ ಶಿವಶಿವಶಿವ ಎನ್ನಿರೋ –
ನಿಜಸವಿಮಲ ಮುಕ್ತಿಯ ಪಡೆಯಬೇಕಾದರೆ ಶಿವಶಿವಶಿವ ಎನ್ನಿರೊ
ಭುವನಕೆ ಬಲ್ಲಿದರಾಗಬೇಕಾದರೆ ಶಿವಶಿವಶಿವ ಎನ್ನಿರೋ –
ನೀವುಭವನ ಪದವಿಯನು ಪಡೆಯಬೇಕಾದರೆ ಶಿವಶಿವಶಿವ ಎನ್ನಿರೊ ||2||

ಗುರುಲಿಂಗ ಜಂಗಮವ ಅರಿಯಬೇಕಾದರೆ ಶಿವಶಿವಶಿವ ಎನ್ನಿರೋ –
ಮುಂದೆಪರಮಾತ್ಮನ ನೀವು ತಿಳಿಯಬೇಕಾದರೆ ಶಿವಶಿವಶಿವ ಎನ್ನಿರೊ
ಪೃಥ್ವಿಗೆ ಸದ್ಗುರು ಆಗಬೇಕಾದರೆ ಶಿವಶಿವಶಿವ ಎನ್ನಿರೋ –
ನೀವುತತ್ತ್ವಪತಿ ಆದಿಕೇಶವನ ಕೂಡಬೇಕಾದರೆ ಶಿವಶಿವಶಿವ ಎನ್ನಿರೊ||3||

Shiva shiva shiva enniro | moorjagadavarella shiva shiva shiva enniro || pa ||

Aagama siddhaanta moolada japavidu shivaa shivaa shiva shivaa |
Nimma rogada moolava kedipa oushadhavidu shivaa shivaa shiva shivaa ||a. Pa.||

Manuja janmadi maimaredira bedi shivaa shivaa shiva shivaa |
Tanu mana praanava vyarthava maadade shivaa shivaa shiva shivaa |
Aparaadhada kote tyajisabekaadare shivaa shivaa shiva shivaa | munde |
Upameetarormitarariyada japavidu shivaa shivaa shiva shivaa || 1 ||

Javana bhaadheyanu jayisa bekaadare shivaa shivaa shiva shivaa |
Nija suvimala muktiya padeya bekaadare shivaa shivaa shiva shivaa |
Bhuvanake ballidaraagabekaadare shiva shiva shiva enniro |
Bhuvana padaviya padeyabekaadare shivaa shivaa shiva shivaa || 2 ||

Gurulinga jangamava ariyabekaadare shivaa shivaa shiva shivaa |
Paramaatmana neevu tiliyabekaadare shivaa shivaa shiva shivaa |
Pruthvige sadguru aagabekaadare shivaa shivaa shiva shivaa |
Aadi keshavana koodabekaadare shivaa shivaa shiva shivaa || 3 ||

dasara padagalu · DEVOTIONAL · MADHWA · purandara dasaru · siva

chandrachuda sivashankara

Srividya Guruprasad6 Comments

ಚಂದ್ರಚೂಡ ಶಿವ ಶಂಕರ ಪಾರ್ವತಿ ರಮಣನೆ ನಿನಗೆ ನಮೋ ನಮೋ       ||ಪ||

ಸುಂದರ ಮೃಗದರ ಪಿನಾಕಧರಹರ ಗಂಗಾಧರ ಶಿರ ಗಜ ಚರ್ಮಾಂಬರಧರ  ||ಅ.ಪ||

ನಂದಿ ವಾಹನಾನಂದಿಂದ ಮೂರ್ಜಗದಿ ಮೆರೆವನು ನೀನೆ
ಅಂದು ಅಮೃತ ಘಟದಿಂದುದಿಸಿದ ವಿಷ ತಂದು ಭುಜಿಸಿದವನು ನೀನೆ
ಕಂದರ್ಪನ ಕ್ರೋಧದಿಂದ ಕಣ್ತೆರದು ಕೊಂದ ಉಗ್ರನು ನೀನೆ
ಇಂದಿರೇಶ ಶ್ರೀ ರಾಮನ ಪಾದವ ಚಂದದಿ ಪೋಗಳುವನು ನೀನೆ           ||೧||

ಬಾಲ ಮೃಕಂಡನ ಕಾಲನು ಎಳೆವಾಗ ಪಲಿಸಿದವನು ನೀನೆ
ಕಾಲಕೂಟ ವಿಷವ ಪಾನ ಮಾಡಿದ ನೀಲಕಂಠ ನೀನೆ
ವಾಲಯದಿ ಕಪಾಲವ ಪಿಡಿದು ಭಿಕ್ಷೆ ಬೇಡೋ ದಿಗಂಬರನು ನೀನೆ
ಜಾಲ ಮಾಡುವ ಗೋಪಾಲನೆಂಬ ಪೆಣ್ಣಿಗೆ ಮರುಳಾದವನು ನೀನೆ          ||೨||

ಧರೆಗೆ ದಕ್ಷಿಣ ಕಾವೇರಿ ತೀರ ಕುಂಭಾಪುರ ನಿವಾಸನು ನೀನೆ
ಕರದಲಿ ವೀಣೆಯ ಗಾನವ ಮಾಡುವ ನಮ್ಮ ಉರಗ ಭೂಷಣನು
ಕೊರಳಲಿ ಭಸ್ಮ ರುದ್ರಾಕ್ಷಿ ಧರಿಸಿದ ಪರಮ ವೈಷ್ಣವನು ನೀನೆ
ಗರುಡ ಗಮನ ಶ್ರೀ ಪುರಂದರ ವಿಠಲಗೆ ಪ್ರಾಣ ಪ್ರಿಯನು ನೀನೆ            ||೩||

Chandracuda sivasankara parvati ramanane ninage namo namo ||pa||
Sundara mrugadhara pinaaka dhanukara ganga Sira ||

Gajacharmambaradharaa nandivahananandadinda mujagadi merave nine
Andu amruta ghatadindudisida visha tandu bhujisidava nine
Kandarpana krodhadimda kanteredu konda ugranu nine
Indiresa Sree ramana paadava chandadi pogaluva neene ||1||

Balamrukandajana kaalanu elevaaga paalisidava nine
Kalakutava paanamadida nilakanthanu nine
Valayadi kapala pididu bhikshe bedo digambara nine
Jala madida gopalanenba hennige maruladava nine ||2||

Dharege dakshina kaveritira kumbhapuravasanu nine
Karadali veeneya nudisuva namma uragabhushana neene
Koralolu bhasma rudrakshiya dharisida parama vaishnava nine
Garudagamana siri purandaravithalage pranapriyanu neene ||3||

dasara padagalu · DEVOTIONAL · MADHWA · siva · Vadirajaru

Dhavala gangeya gangadhara

Srividya Guruprasad3 Comments

ಧವಳಗಂಗೆಯ ಗಂಗಾಧರ ಮಹಾಲಿಂಗ ಮಾ
ಧವನ ತೋರಿಸಯ್ಯಾ ಗುರುಕುಲೋತ್ತುಂಗ || ಪ ||

ಅರ್ಚಿಸಿದವರಿಗಭೀಷ್ಟವ ಕೊಡುವ
ಹೆಚ್ಚಿನ ಅಘಗಳ ತರಿದು ಬಿಸುಟುವ
ದುಶ್ಚರಿತಗಳೆಲ್ಲ ದೂರದಲ್ಲಿಡುವ ನ
ಮ್ಮಚ್ಯುತಗಲ್ಲದ ಅಸುರರ ಬಡಿವ || ೧ ||

ಮಾರನ ಗೆದ್ದ ಮನೋಹರ ಮೂರ್ತಿ
ಸಾರ ಸಜ್ಜನರಿಗೆ ಸುರ ಚಕ್ರವರ್ತಿ
ಧಾರಿಣಿಯೊಳಗೆ ತುಂಬಿದೆ ನಿಮ್ಮ ಕೀರ್ತಿ ಮು
ರಾರಿಯ ತೋರಯ್ಯಾ ನಿಮಗೆ ಶರಣಾರ್ತಿ || ೨ ||

ಚೆನ್ನ ಪ್ರಸನ್ನ ಶ್ರೀಹಯವದನನ್ನ
ಅನುದಿನ ನೆನೆವಂತೆ ಮಾಡೋ ನೀ ಎನ್ನ
ಅನ್ಯನಲ್ಲವೋ ನಾನು ಗುರುವೆಂಬ ನಿನ್ನ
ಇನ್ನಾದರು ಹರಿಯ ತೋರೊ ಮುಕ್ಕಣ್ಣ || ೩ ||

Dhavala gangeya gangadhara mahalinga madhavana
Torisayya gurukulottunga ||

Arcisidavarigabhishtava koduva
Hecchina aghagala varisi bisutuva
Duscaritagalella duradalliduva
Nammachyutagallada asurara badiva ||1||

Marana gedda manoharamurti
Saro sajjanarige sura chakravarti
Dharuniyolage tumbide ninna kirti
Murariya torisayya ninage saranarthi||2||

Chenna prasanna sri hayavadananna
Anudina nenevante mado ni enna
Anyanallavo nanu guruvembe ninna
Innadaru toro dhira mukkanna ||3||