Category: MADHWA

dasara padagalu · hanuma · MADHWA

Hanumantha entha

Srividya Guruprasad1 Comment

ಹನುಮಂತ ಎಂಥ ವೈರಾಗ್ಯ ಹನುಮಂತ
ಎಂಥ ಸೌಭಾಗ್ಯ ಗುಣವಂತ ||ಪ||

ಸಂತತ ರಾಘವನಂಘ್ರಿ ಕಮಲದಲಿ ಅಂತರಂಗ
ಭಕುತಿಯ ಬೇಡಿದೆಯೊ ||ಅ.ಪ||

ಆವರಿಹರು ನಿನ್ಹೊರತು ರಾಘವರ
ಭಾವವರಿತು ಪ್ರತಿ ಕ್ಷಣಗಳಲಿ
ಸೇವೆ ಸಲಿಸಿ ದಯ ಪಡೆಯಲು ಭೋಗವ
ದಾವದನುಭವಿಸೆ ದುರ್ಲಭವು
ಜೀವೋತ್ತಮನದ ಬಯಸದೆ ಏಕೋ
ಭಾವದಿ ಪದಸೇವೆಯ ಕೇಳಿದ ವೀರ ||1||

ಜ್ಞಾನಪರಾಕ್ರಮ ಧ್ಯೆರ್ಯವೀರ್ಯಕಧಿ
ಷ್ಠಾನ ಪವನಸುತ ಜಗತ್ರಾಣ
ನೀನಲ್ಲದೆ ಖಗಮೃಗ ಸುರನರರುಗ
ಳೇನು ಚಲಿಸಬಲ್ಲರೊ ಹನುಮ
ಪ್ರಾಣಭಾವಿ ಚತುರಾನನ ಭುವಿಯೊಳ
ಗೇನು ರುಚಿಯೊ ಕಲ್ಯಾಣಚರಿತ ನಿನಗೆ ||2||

ಕಪಿ ರೂಪದಿ ದಶಕಂಧರನ ಮಹಾ
ಅಪರಾಧಕ್ಕೆ ಶಿಕ್ಷೆಯನಿತ್ತೆ
ನೃಪರೂಪದಿ ದುರ್ಯೋಧನನಸುವನು
ಅಪಹರಿಸಿದೆಯೋ ಬಲ ಭೀಮ
ವಿಪುಲ ಪ್ರಮತಿ ವರವೈಷ್ಣವ ತತ್ವಗ
ಳುಪದೇಶಿಸಿದ ಪ್ರಸನ್ನ ಯತಿವರೇಣ್ಯ||3||

Hanumannta entha vairagya hanumanta^^entha saubagya gunavanta ||pa||

Santata ragavanangri kamaladali antaranga
Bakutiya bedideyo ||a.pa||

Avariharu ninhoratu ragavara
Bavavaritu prati kshanagalali
Seve salisi daya padeyalu bogava
Davadanubavise durlabavu
Jivottamanada bayasade eko
Bavadi padaseveya kelida vira ||1||

J~janaparakrama dhyeryaviryakadhi
Shthana pavanasuta jagatrana
Ninallade kagamruga suranararuga
Lenu chalisaballaro hanuma
Pranabavi caturanana buviyola
Genu ruciyo kalyanacarita ninage ||2||

Kapi rupadi dasakandharana maha
Aparadhakke siksheyanitte
Nruparupadi duryodhananasuvanu
Apaharisideyo bala bima
Vipula pramati varavaishnava tatvaga
Lupadesisida prasanna yativarenya||3||

dasara padagalu · hanuma · hanumabhimamadhwa · MADHWA · purandara dasaru

Hanumantha ne balu

Srividya Guruprasad2 Comments

ಹನುಮಂತ ನೀ ಬಲು ಜಯವಂತನಯ್ಯ |
ಅನುಮಾನವಿಲ್ಲ ಆನಂದತೀರ್ಥರಾಯ

ಪರಾಮಸೇವಕನಾಗಿ ರಾವಣನ ಪುರವ ನಿರ್ಧೂಮವ ಮಾಡಿದೆ ನಿಮಿಷದೊಳಗೆ ||
ಭೂಮಿಯ ಪುತ್ರಿಗೆ ಮುದ್ರೆಯುಂಗುರವಿತ್ತು |ಕ್ಷೇಮ ಕುಶಲವ ಶ್ರೀರಾಮ ಪಾದಕರ್ಪಿಸಿದೆ ||

ಕೃಷ್ಣಾವತಾರದಿ ಭೀಮನಾಗಿ ಬಂದುದುಷ್ಟ ದೈತ್ಯರನೆಲ್ಲ ಸಂಹರಿಸಿದೆ
|ದೃಷ್ಟಿಹೀನ ಧೃತರಾಷ್ಟ್ರನ ವಂಶವನುಕಷ್ಟವಿಲ್ಲದೆ ಕೊಂದು ಶ್ರೀಕೃಷ್ಣಪಾದಕರ್ಪಿಸಿದೆ ||

ಪತಿತ ಸಂಕರ ಹುಟ್ಟಿ ಮತವೆಲ್ಲ ಕೆಡಿಸಲುಮತಿ ಹೀನರಾದ ಸಜ್ಜನರಿಗೆಲ್ಲ
|ಅತಿ ಬೇಗದಲಿ ಮಧ್ವಯತಿರೂಪಧರಿಸಿ ಸದ್ಗತಿಪಾಲಿಸಿದೆಪುರಂದರವಿಠಲನ ದಾಸ||

Hanumanta ni balu jayavantanayya |
Anumanavilla anandatirtharaya || pa||

Paramasevakanagi ravanana purava nirdhumava madide nimishadolage ||
Bumiya putrige mudreyunguravittu |kshema kusalava srirama padakarpiside ||1||

Krushnavataradi bimanagi bandudushta daityaranella samhariside |drushtihina dhrutarashtrana vamsavanukashtavillade kondu srikrushnapadakarpiside ||2||

Patita sankara hutti matavella kedisalumati hinarada sajjanarigella |
|ati begadali madhvayatirupadharisi sadgatipaliside purandaravithalana dasa ||3||

dasara padagalu · hanuma · MADHWA · Vadirajaru

Ene yaro ninage hanumantaraya

Srividya Guruprasad2 Comments

ಎಣೆಯಾರೊ ನಿನಗೆ ಹನುಮಂತರಾಯ ||

ಎಣೆಯಾರೊ ನಿನಗೆ ತ್ರಿಭುವನದೊಳಗೆಲ್ಲಪ್ರಣತಜನಮಂದಾರ ಪವನಸುಕುಮಾರ ||

ಅಡಿಗಡಿಗೆ ರಾಮ ಪದಾಂಬುಜಕೆ ವಂದಿಸುತ
ನಡೆನಡೆದು ಮುದ್ರಿಕೆಯ ಪಡೆದು ಮುದದಿ
ದಡದಡನೆ ಅಂಬುಧಿಯ ದಾಟಿ ಸೀತೆಗೆ ಗುರುತ
ಕೊಡುಕೊಡುತ ಕುಸ್ತ್ತರಿಸಿದಂಥ ಹನುಮಂತ||

ಗರಗರನೆ ಪಲ್ಗಡಿದು ಕಲುಷದೈತ್ಯರನೆಲ್ಲ
ಚರಚರನೆ ಸೀಳಿ ಸಂಭ್ರಮದಿಂದ
ಬಿರಬಿರನೆ ಕಣ್ಬಿಡುತ ಬಿಂಕದಲಿ ಲಂಕೆಯನು
ಸುರಸುರನೆ ಬಾಲದಲಿ ಸುಟ್ಟ ರಣದಿಟ್ಟ ||

ಫಳಫಳನೆ ಆರ್ಭಟದಿಂದ ರಾವಣನ
ನಳನಳನೆ ಬೆಳೆದ ನಂದನವ
ಕಿತ್ತುಖಳಖಳನೆ ನಗುತ ದಶಕಂದರನ ಗುದ್ದಿ
ಬಂದೆಭಳಿಭಳಿರೆ ಹಯವದನ ದಾಸ ನಿಸ್ಸೀಮ ||

Ene yaro ninage hanumantaraya ||pa ||
Ene yaro ninage tribuvanadolagella |
Punata jana mandara pavana sukumara || a. Pa ||

Adigadige ramara padambujake vandisuta |
Nada nadedu mudrikeyagondu mudadi ||
Dhadadhadane ambudhiya dati sitege guru ta |
Koda kodutta kustarisidanta hanumanta || 1 ||

Garagarane halgiridu kalusha daityaranella |
Caracarane sili sambramadindali ||
Biribirine kanbiduta binkadali lankeyanu |
Surasurane baladali sutta rana dhitta || 2 ||

Galagalane arbatisi bapure ravanana
Belebeleda nandanavanava kitti ||
Kalakalane naguta dasakamdharana guddideyo |
Balibalire hayavadanana dasa nirdosha || 3 ||

dasara padagalu · hanuma · MADHWA

Prananathana noduva banni

Srividya Guruprasad1 Comment

Prananathana noduva banni | hari dasarella ||
Bedida muktiya niduva nadolu |

Noduva janara kaduva namma dore
Imdire arasana carana dvamdvava homdi | || 1 ||

Mamdaradhara madhusudana Baktana
Harihara karivarada paratpara || 2 ||

Purushana Baktana paripalanamma
Srida hanuma bima madhvamtargata ||3||

Ramakrushna vedavyasarpitavendu
Srushtiyolage bandu mukta puranindu |
Dushta daityara kondu venkatavithalana dasanendu || 4||

dasara padagalu · MADHWA

Hanumana maneyavaru

Srividya Guruprasad1 Comment

ಹನುಮನ ಮನೆಯವರು ನಾವೆಲ್ಲರು
ಹನುಮನ ಮನೆಯವರು ಪ

ಅನುಮಾನಪಡದೆಲೆ ಸ್ಥಳವ ಕೊಡಿರಿ ಎಮಗೆ ಅ.ಪ
ಊಧ್ರ್ವ ಪುಂಡ್ರವ ನೋಡಿ ಶ್ರದ್ಧೆ ಭಕುತಿ ನೋಡಿ
ಹೃದ್ಗತವಾದೆಮ್ಮ ತತ್ವಗಳನೆ ನೋಡಿ
ಇದ್ದುದನಿಲ್ಲೆಂಬ ಅಬದ್ಧ ನುಡಿವರಲ್ಲಾ
ಮಧ್ವಮುನಿಯು ನಮ್ಮ ತಿದ್ದಿರುವುದ ನೋಡಿ 1

ಸತ್ಯ ಮಿಥ್ಯಗಳಿಗೆ ಅಂತರ ಬಲ್ಲೆವು
ಉತ್ತಮ ನೀಚರೆಂಬುವ ಭೇದ ಬಲ್ಲೆವು
ಸುತ್ತಲು ಕಂಡು ಕಾಣದೆ ಇಹ ಎಲ್ಲಕೂ
ಉತ್ತಮನೊಬ್ಬನೇ ಹರಿಯೆಂದು ಬಲ್ಲೆವು 2

ಹಲವು ಲೋಕಗಳುಂಟೆಂಬುದ ಬಲ್ಲೆವು
ಹಲವು ಯೋನಿಗಳಲ್ಲಿ ಜನ್ಮಗಳೊಲ್ಲೆವು
ಅಲವಭೋಧರು ನಮ್ಮ ಕಳುಹಿದರಿಲ್ಲಿಗೆ
ತಿಳಿಸಿ ಪ್ರಸನ್ನ ಶ್ರೀ ಹರಿಗೆ ವಿಚಾರವ 3

Hanumana maneyavaru navellaru
Hanumana maneyavaru || pa ||

Anumana padedele sthalava kodiri emage ||apa||

Urdhvapundrava nodi sraddhebakuti nodi |
Hrudgatavademma tatvagalane nodi |
Iddudanillemba abaddha nudivaralla |
Madhvamuniyu namma tiddiruvuda nodi ||1||

Satya mithyagalige antara ballevu |
Uttamanicarembuva beda ballevu |
Suttalu kandu kanade iha ellakku |
Uttamanobbane hariyendu ballevu ||2||

Halavu lokagaluntembuda ballevu |
Halavu yonigalalli janmagalollevu |
Alava bodharu namma kaluhidarillige |
Tilisi prasanna sri harige vicharava || 3 ||

dasara padagalu · MADHWA · Vadirajaru

Itane kaniro madhwamuni

Srividya Guruprasad2 Comments

ಈತನೆ ಕಾಣಿರೊ ಮಧ್ವಮುನಿ ||

ಪರಿಪರಿ ಶ್ರುತಿಗಳೆಂಬ ಗುಹೆಗಳಲಿ ಕೇ-ಸರಿಯಂತೆ
ಚರಿಸುತ್ತಹರಿಯೆ ಸರ್ವೋತ್ತಮನೆಂಬ
ಘೋಷಗಳಿಂದದುರುಳ ವಾದಿಗಳೆಂಬ ನರಿಗಳೋಡಿಸಿದಾತ ||

ಸಕಲಾಗಮಗಳೆಂಬ ಶರಧಿಯೊಳಗೆ
ಯುಕುತಿಯಿಂದಲಿ ಮಥಿಸಿಅಕಳಂಕ ಶ್ರೀಹರಿಯೆಂಬ
ರತ್ನವ ಕಂಡುಮಕುಟದೊಳಿಟ್ಟು ಲೋಕದಿ ಮೆರೆಸಿದಾತ ||

ವೇದಸಾರವೆಂಬ ಈಶತತ್ವವಾದಸುಧೆಯ ಕಲ್ಪಿಸಿಕೊಂಡು
ಆದಿಮೂರುತಿ ಶ್ರೀ ಹಯವದನನ ದಿವ್ಯ
ಪಾದ ಸೇವಕನಾದ ಮಧ್ವಮುನಿಯೆಂಬಾತ ||

Itane kaniro madhwamuni || pa ||

Paripari sutigalemba guhegalalli ke sariyante
Charisutta hariye sarvottamanemba
Goshagalinda durulavadigalemba narigalodisidata || 1 ||

Sakalagamagalemba saradhiyolage
Mukutiyali mathisi akalanka srihariyemba
Ratnava kandu mukutadolagittu lokadi meredata || 2 ||

Vedasaranemba isatatta vada sude ya kalpisikondu
Adimuruti srihayavadanana divsa
Padasevakanada madhvamuniyembata || 3 ||

dasara padagalu · MADHWA · sripadarajaru

Marudamsara mata

Srividya Guruprasad2 Comments

ಮರುದಂಶರ ಮತ ಪಿಡಿಯದೆ ಇಹ -ಪರದಲ್ಲಿ ಸುಖವಿಲ್ಲವಂತೆ|| ಪ||

ಅರಿತು ವಿವೇಕದಿ ಮರೆಯದೆ ನಮ್ಮಗುರುರಾಯರ ನಂಬಿ ಬದುಕಿರೋ ||ಅ.ಪ||

ಕ್ಷೀರವ ಕರೆದಿಟ್ಟ ಮಾತ್ರದಿ ಸಂಸ್ಕಾರವಿಲ್ಲದೆ ಘೃತವಾಗದಂತೆ
ಸೂರಿಜನರ ಸಂಗವಿಲ್ಲದೆ ಸಾರವೈರಾಗ್ಯ ಭಾಗ್ಯ ಪುಟ್ಟದಂತೆ ||

ಉಪದೇಶವಿಲ್ಲದ ಮಂತ್ರ ಏಸುಜಪಿಸಲು ಫಲಗಳ ಕೊಡದಂತೆ
ಉಪವಾಸ ವ್ರತಗಳಿಲ್ಲದೆ ಜೀವತಪಸಿಯೆನಿಸಿಕೊಳ್ಳಲರಿಯನಂತೆ ||

ಸಾರಮಧ್ವಶಾಸ್ತ್ರವೋದದೆ ಗುರುತಾರತಮ್ಯ ಸುಜ್ಞಾನ ಪುಟ್ಟದಂತೆ
ಶ್ರೀರಂಗವಿಠಲನ ಭಜಿಸದೆ ಮುಂದೆಪರಮಗತಿ ದೊರಕೊಳ್ಳದಂತೆ ||

Marudamsara mata pidiyade iha | paradalli sukavillavante || pa ||

Aritu vivekadi mareyade namma gururayara nambi badukiro || a pa ||

Kshirava kareditta matradi sam skaravilladegrutavagadante
Surijanara samgavillade sara vairagyabagya puttadante || 1 ||

Upadesavillada mantra Esu japisalu palagala kodadante
Upavasa-vratagalillade jiva tapasiyenisikolla lariyanante || 2 ||

Sara madasastravodade guru taratamya saj~jana puttadante
Srirangaviththalana Bajisade munde paramagati dorakolladante || 3 ||

dasara padagalu · hanuma · MADHWA · purandara dasaru

Svami mukya prana ninna

Srividya Guruprasad2 Comments

ಸ್ವಾಮಿ ಮುಖ್ಯಪ್ರಾಣ, ನಿನ್ನ
ಮರೆವರ ಗಂಟಲ ಗಾಣ
ನೀ ಹಿಡಿದ್ಯೋ ರಾಮನ ಚರಣ , ನೀ
ನ್ಹೌದೌದೊ ಜಗತ್ಪ್ರಾಣ ||

ಸಂಜೀವಿನಿ ಪರ್ವತವ, ನೀ
ನಂಜದೆ ತಂದ್ಯೋ ನೀನು
ಅಂಜನೆಸುತ ಸದಾಕಾವ, ಹೃ-
ತ್ಕಂಜವಾಸ ಸರ್ವಜೀವ ||

ಏಕಾದಶಿಯ ರುದ್ರ , ನೀ
ಒಯ್ದ್ಯೋ ರಾಮರ ಮುದ್ರ
ಸಕಲವಿದ್ಯಾಸಮುದ್ರ , ನೀ
ನ್ಹೌದೌದೋ ಬಲಭದ್ರ ||

ವೈಕುಂಠದಿಂದ ಬಂದು, ನೀ
ಪಂಪಾಕ್ಷೇತ್ರದಿ ನಿಂದು
ಯಂತ್ರೋದ್ಧಾರಕನೆಂದು, ಪು-
ರಂದರವಿಠಲ ಸಲಹೆಂದು ||

Svami mukya prana ninna marevara gantala gana
Hididyo ramana charana ni haudaudo mukyaprana || pa ||

Sanjivana parvatava ni anjade tamdyo dev |
Anjane suta sadakava hrut kanjavasa sarvajiva || 1 ||

Ekadasara rudra ni vaidyoramara mudra |
Sakala vidya samudra ni haudu haudu balabadra || 2 ||

Vaikunthadinda bandu ni panpakshetradi nindu |
Yantroddarakanendu purandara vithala salahendu || 3 ||

dasara padagalu · MADHWA · purandara dasaru

Jaya janaki kantha

Srividya Guruprasad2 Comments

ಜಯ ಜಾನಕೀಕಾಂತ ಜಯ ಸಾಧುಜನ ವಿನುತ

ಜಯತು ಮಹಿಮಾನಂತ ಜಯ ಭಾಗ್ಯವಂತ ಜಯ ಜಯ

ದಶರಥನ ಮಗ ವೀರ ದಶಕಂಠ ಸಂಹಾರ
ಪಶುಪತೀಶ್ವರ ಮಿತ್ರ ಪಾವನ ಚರಿತ್ರ
ಕುಸುಮಬಾಣ ಸುರೂಪ ಕುಶಲಕೀರ್ತಿ ಕಲಾಪ
ಅಸಮ ಸಾಹಸ ಶಿಕ್ಷ ಅಂಬುಜದಳಾಕ್ಷ

ಸಾಮಗಾನಲೋಲ ಸಾಧುಜನ ಪರಿಪಾಲ
ಕಾಮಿತಾರ್ಥಪ್ರದಾತ ಕೀರ್ತಿ ಸಂಜಾತ
ಸೋಮಸೂರ್ಯಪ್ರಕಾಶ ಸಕಲ ಲೋಕಾಧೀಶ
ಶ್ರೀ ಮಹಾರಘುವೀರ ಸಿಂಧುಗಂಭೀರ

ಸಕಲ ಶಾಸ್ತ್ರವಿಚಾರ ಶರಣಜನ ಮಂದಾರ
ವಿಕಸಿತಾಂಬುಜವದನ ವಿಶ್ವಮಯಸದನ
ಸುಕೃತ ಮೋಕ್ಷಾಧೀಶ ಸಾಕೇತಪುರವಾಸ
ಭಕ್ತವತ್ಸಲ ರಾಮ ಪುರಂದರವಿಠಲ

Jaya janakikanta jaya sadhujana vinutajayatu
Mahimavanta jaya bagyavanta jaya jaya ||pa||

Dasarathana maga vira dasakantha samhara
Pasupatisvaramitra pavanacharitra
Kusumaba nasvarupa kusalakirtikalapa
Asamasahasasiksha ambujadalaksha ||1||

Samaganalola sadhujanaparipala
Kamitarthavidata kirtisanjata
Somasuryaprakasa sakala lokadhisa
Srimaharaguvira sindhugambira ||2||

Sakala sastravichara saranajanamandara
Vikasitambujavadana visvamayasadana
Sukrutamokshadhisa saketapuravasa
Baktavatsala rama purandaraviththala ||3||

dasara padagalu · MADHWA · purandara dasaru · rama

Raama raama raama 

Srividya Guruprasad3 Comments

ರಾಮ ರಾಮ ರಾಮ ಎನ್ನಿರೋ ಇಂಥ
ಸ್ವಾಮಿಯ ನಾಮವ ಮರೆಯದಿರೋ           ||ಪ||

ತುಂಬಿದ ಪಟ್ಟಣಕೊಂಭತ್ತು ಭಾಗಿಲು
ಸಂಭ್ರಮದರಸರು ಐದು ಮಂದಿ
ಡಂಭಕತನದಿಂದ ತಿರುಗುವ ಕಾಯವ
ನಂಬಿ ನೆಚ್ಚಿ ನೀವು ಕೆಡಬೇಡಿರೊ               ||೧||

ನೆಲೆ ಇಲ್ಲದ ಕಾಯ ಎಲುವಿನ ಪಂಜರ
ಬಲಿದು ಸುತ್ತಿದ ಚರ್ಮದ ಹೊದಿಕೆ
ಮಲಮೂತ್ರಂಗಳು ಕೀವು ಕ್ರಿಮಿಗಳಿಂದ
ಭರಿತ ದೇಹವ ನೆಚ್ಚಿ ಕೆಡಬೇಡಿರೊ            ||೨||

ಹರಿ ಬ್ರಹ್ಮ ಸುರರಿಂದ ವಂದಿತ ಆಗಿಪ್ಪ
ಹರಿ ಸರ್ವೋತ್ತಮನೆಂದೆನ್ನಿರೊ
ಪುರಂದರವಿಠಲನ ಚರಣವ ಭಜಿಸಿರೊ
ದುರಿತ ಭಯಗಳಿಂದ ದೂರಾಗಿರೊ           ||೩||

Raama raama raama enniro inthasvamiya namava mareyadiro ||pa||

Tumbida pattanakombattu bagilu
Sambramadarasaru aidu mandi
Dambakatanadinda tiruguva kayava
Nambi necci nivu kedabediro ||1||

Nele illada kaya eluvina panjara
Balidu suttida charmada hodike
Malamutrangalu kivu krimigalinda
Barita dehava necchi kedabediro ||2||

Hari brahma surarinda vandita agippa
Hari sarvottamanendenniro
Purandaravithalana charanava bajisiro
Durita bayagalinda duragiro ||3||