ಧ್ರುವತಾಳ
ಇಂದ್ರಾದಿಗಳು ತಮ್ಮ ಸಂದಣಿಯ ಸಮೇತಾ |
ಒಂದಾರು ಪ್ರಾಕಾರ ಒಂದಾರು ಬೀದಿಯೊಳು |
ನಿಂದು ನಿರ್ಮಳರಾಗಿ ಒಂದೊಂದು ಪರಿ ರಂಗ |
ಮಂದರದಲ್ಲಿದ್ದ ಇಂದಿರೇಶನ ಪಾದ |
ದ್ವಂದ್ವವ ಎಣಿಸಿ ಒಂದೊಂದು ಗುಣಗಳ |
ನಂದವ ನೆನವುತ್ತ ಮುಂದುಗಾಣದ ಸುಖ |
ಸಿಂದುವಿನೊಳಿಪ್ಪರು ಕಂಧರವನ್ನು ತೂಗಿ |
ಗಂಧರ್ವತುಂಬುರ ನಾರಂದನು ಮಹಾ[ಮ]ತಿ |
ಯಿಂದ ನುಡಿಸಿ [ತಾರಾಮದಿಂದಲಿ] |
ಕಂದೆರದೂ ಮುಚ್ಚಿ ಕಂದನ ನುಡಿಯಂತೆ |
ಒಂದೊಂದು ಕೀರ್ತಿಸಿ ವಂದನೆ ಮಾಡಲು |
ಬಂದ ಶರೀರ ಸಾಲದೆಂದೆಂಬೊ ಗಾದೆಯಾಗೆ |
ಮಂದರಧರ ಗೋವಿಂದ ವಿಜಯವಿಠಲ |
ಸುಂದರವಿಗ್ರಹ ಒಂದೆ ದೈವವೆ ರಂಗ ||1||
ಮಟ್ಟತಾಳ
ರಂಗ ರಂಗ ರಂಗಾಧಾಮಾರಂಗ ಕಸ್ತೂರಿರಂಗ ಕಾವೇರಿ |
ರಂಗ ವೈಭೋಗರಂಗ ಜಗದಂತರಂಗ ರಂಗರಂಗನಾಥ |
ರಂಗಶಾರಂಗ ದುರಿತ ಸಂಘ ದೂರ ರಂಗ ದನುಜ |
ಭಂಗ ಶೌರಿ ರಂಗರಾಮಾ ವಿಜಯವಿಠಲ |
ರಂಗೇಶ ರಂಗಮಂದಿರ ವಾಸ ||2||
ತ್ರಿವಿಡಿತಾಳ
ಸಪುತ ಪ್ರಾಕರವೆ ಸಪುತಾವಾರಿಧಿ ಎನ್ನಿ |
ಸಪುತ ಬೀದಿಗಳು ಸಪ್ತದ್ವೀಪ ಎನ್ನಿ |
ತಪುತ ಕಾಂಚನಮಯ ಸುಮೇರು ಪರ್ವತ |
ಗುಪುತ ಮಹಿಮಾನಿಪ್ಪ ಸ್ಥಾನವೆನ್ನೀ |
ಸಪುತಾಶ್ಚ ಚಂದ್ರಮಾ ಬಿಡದೆ ತಿರುಗುವರೆನ್ನಿ |
ಸಪುತಾಋಷಿಗಳಲ್ಲಿ ವಾಸಾವೆನ್ನಿ |
ಸಪುತೆರಡು ಲೋಕದಲಿ ಇದು ವೆಗ್ಗಳವೆನ್ನಿ |
ಶಪುತ ಮಾಡುವರೊಡಿಯಾ ವಿಜಯವಿಠಲರೇಯಾ |
ಕುಪಿತರ ಸಂಹಾರಾ ಭಕುತರ ಉದ್ಧಾರಾ ||3||
ಅಟ್ಟತಾಳ
ಆವಾನಾದರು ಬಂದು ಭಾವ ಶುದ್ಧದಲ್ಲಿ |
ರಾವಣಾಂತಕ ನಿದ್ದ ಈ ವೈಕುಂಠನ |
ಸೇವೆಯ ಮಾಡಾಲು ಸಾವಿರ ಬಗೆಯಿಂದ |
ಶ್ರೀ ವಾಸುದೇವನು ತಾವೊದಗಿ ಬಂದು |
ಕೋವಿದರನ ಮಾಡಿ ಪಾವನರೊಳಿಡುವ |
ಕಾವೇರಿ ನಿವಾಸಾ ವಿಜಯವಿಠಲರಂಗ |
ದೇವನ ಕ್ಷೇತ್ರವ ಆವ ಬಣ್ಣಿಪನು ||4||
ಆದಿತಾಳ
ಬಯಸಾದಿರು ಮೇಲು ಲೋಕ ಬಯಸಾದಿರು ನಾಗಲೋಕ |
ಬಯಸದಿರು ಸ್ವರ್ಗ ಸಕಲದಿಕ್ಪಾಲಕರ ಸುಖಗಳ |
ಬಯಸು ಮನುಜಾ ರಂಗಕ್ಷೇತ್ರದಲ್ಲಿ ಒಂದು ದಿವಸಾವಿದ್ದು |
ದಯಪಯೋನಿಧಿಯ ಪಾದ ಭಯಭಕುತಿಯಿಂದ ನೋಡೆ |
ಬಯಲಾಗುವುದು ಪಾಪಾತ್ರಯಕಾಲದಲ್ಲಿ ಒಲಿದು |
ಜಯಾ ಮೂರ್ತಿರಂಗಾ ವಿಜಯವಿಠಲ ಸಿರಿ ರಮಣಾ |
ಈಯಬಲ್ಲ ಈ ಪರಿಗಾಯನ ಮಾಡಲು ವೇಗ ||5||
ಜತೆ
ವಿಧು ಪುಷ್ಕರಣಿಯಾ ನಿವಾಸ ಶೇಷಶಾಯಿ |
ಮಧುವೈರಿ ವಿಜಯವಿಠಲ ರಂಗಧಾಮಾ ||6||

dhruvatALa
iMdrAdigaLu tamma saMdaNiya samEtA |
oMdAru prAkAra oMdAru bIdiyoLu |
niMdu nirmaLarAgi oMdoMdu pari raMga |
maMdaradallidda iMdirESana pAda |
dvaMdvava eNisi oMdoMdu guNagaLa |
naMdava nenavutta muMdugANada suKa |
siMduvinoLipparu kaMdharavannu tUgi |
gaMdharvatuMbura nAraMdanu mahA[ma]ti |
yiMda nuDisi [tArAmadiMdali] |
kaMderadU mucci kaMdana nuDiyaMte |
oMdoMdu kIrtisi vaMdane mADalu |
baMda SarIra sAladeMdeMbo gAdeyAge |
maMdaradhara gOviMda vijayaviThala |
suMdaravigraha oMde daivave raMga ||1||
maTTatALa
raMga raMga raMgAdhAmAraMga kastUriraMga kAvEri |
raMga vaiBOgaraMga jagadaMtaraMga raMgaraMganAtha |
raMgaSAraMga durita saMGa dUra raMga danuja |
BaMga Sauri raMgarAmA vijayaviThala |
raMgESa raMgamaMdira vAsa ||2||
triviDitALa
saputa prAkarave saputAvAridhi enni |
saputa bIdigaLu saptadvIpa enni |
taputa kAMcanamaya sumEru parvata |
guputa mahimAnippa sthAnavennI |
saputASca caMdramA biDade tiruguvarenni |
saputA^^RuShigaLalli vAsAvenni |
saputeraDu lOkadali idu veggaLavenni |
Saputa mADuvaroDiyA vijayaviThalarEyA |
kupitara saMhArA Bakutara uddhArA ||3||
aTTatALa
AvAnAdaru baMdu BAva Suddhadalli |
rAvaNAMtaka nidda I vaikuMThana |
sEveya mADAlu sAvira bageyiMda |
SrI vAsudEvanu tAvodagi baMdu |
kOvidarana mADi pAvanaroLiDuva |
kAvEri nivAsA vijayaviThalaraMga |
dEvana kShEtrava Ava baNNipanu ||4||
AditALa
bayasAdiru mElu lOka bayasAdiru nAgalOka |
bayasadiru svarga sakaladikpAlakara suKagaLa |
bayasu manujA raMgakShEtradalli oMdu divasAviddu |
dayapayOnidhiya pAda BayaBakutiyiMda nODe |
bayalAguvudu pApAtrayakAladalli olidu |
jayA mUrtiraMgA vijayaviThala siri ramaNA |
Iyaballa I parigAyana mADalu vEga ||5||
jate
vidhu puShkaraNiyA nivAsa SEShaSAyi |
madhuvairi vijayaviThala raMgadhAmA ||6||

ಧ್ರುವತಾಳ
ಆದಿಮೂರುತಿ ಪರಶುರಾಮನು ಸರ್ವ |
ಮೇದಿಸುರರಿಗೆ ಧಾರಿ ಎರೆದೂ |
ಮುದದಿಂದಲಿ ಸಿಂಹಾಚಲದಲ್ಲಿ ವಾಸವಾಗಿ |
ಕೈದು ಶಳದು ವಾರಿನಿಧಿಯಿಂದಲೀ |
ಮೇದಿನಿ ಬಿಡಿಸಿದ ಪ್ರತಾಪವನ್ನೆ ತೋರಿ |
ವೇದಪಾಲಕ ಮೆರದ ಸ್ತುತಿಗಳೆಂದ |
ಈ ಧರಿಗೆ ರಾಮಾ ಭೋಜನೆಂಬೊ ಭೂಪನಾ |
ಆದರದಿಂದಲಿ ಇರಪೇಳಲೂ |
ಮೇಧಾವ ರಚಿಸಿ ಭಾರ್ಗವನ ಸತ್ಕರುಣ ಸಂ |
ಪಾದಿಸುವೆನೆಂದು ಧಾರುಣಿಯಾ |
ಶೋಧಿಸೆ ಅದರೊಳು ಒಂದಹಿ ನೇಗಲಿಗೆ |
ಭೇದಾವಾಗಿ ಬರಲು ನಡುಗಿ ನೃಪತೀ |
[ಹೇ] ದಯಾಂಬುಧಿ ಎನ್ನಾಪರಾಧ ಕ್ಷಮಿಸೆಂದು |
ಪಾದಕೆ ನಮಿಸಿ ಬಿನ್ನೈಸಿ |
ಸಾಧು ಜೀವನು ರಾಮಗೆ ಮೊರೆಯಿಡಲೂ ವಿ |
ನೋದದಿಂದಲಿ ಬಂದು ತಿಳುಪಿದನು |
ಸಾಧನಾ ನಿನಗಿದೆ ಪಾಪಾ ಮತ್ತಿಲ್ಲವೆಂದು |
ಮೈದಡವಿ ಉಪದೇಶಿದಾ |
ಕ್ರೋಧದನುಜ ಭಂಗ ವಿಜಯವಿಠಲ ಪ್ರಾ |
ಬೋಧಶರೀರ ಕ್ಷೇತ್ರವರ್ಗಾಸಂಹಾರ ||1||
ಮಟ್ಟತಾಳ
ಅರಸು ರಾಮಭೋಜಾ ದ್ವಾರದ ಸಭೆಯಲ್ಲಿ |
ಪರಶುಧರಗೆ ಬಂದು ಹರಿಮಣಿತೆತ್ತಿಸಿದ |
ಪರಮ ರಜತವಿಷ್ಟರವನ್ನು ನೇಮಿಸಿ |
ಹರುಷದಿಂದಲಿ ಸ್ತೋತರ ಮಾಡುತ್ತಯಾಗ |
ವಿರಚಿಸಿ ನಿತ್ಯ ಭೂಸುರರು ಸುಖಬಡಿಸಿ |
ಮರಳೆ ಸಿಂಹನಾಮಗಿರಿಯಲ್ಲಿ ಜನಿಸಿ |
ಮೆರೆವ ಸೂ-ವರ್ನಾ ಸರಿತೆಯಲ್ಲಿ ಮಿಂದು |
ಪರಿಪರಿ ಬಗೆಯಿಂದ ಇರುತಿರೆ ಇತ್ತಲು |
ಧರೆಯೊಳಗಿದು ಪೆಸರು ರಜತ ಪೀಠಪುರವೆಂದೆನಿಸಿತು |
ಸರಿಯಿಲ್ಲ ಇದಕೆ ಕರಿಸಿತು ಭಾರ್ಗವನ |
ಕರುಣದಿಂದಲಿ ಇಲ್ಲಿ ಸರಸಿಜ ಸಂಭವ |
ಪುರಹರ ಸುರನಿ[ತ]ರಾ ನೆರೆದು ಪೂಜಿಸುವರೂ |
ನಿರುತದಲಿ ಬಿಡದೆ ಕರುಣಾಕರ ಸಿರಿ ವಿಜಯವಿಠಲನ್ನ |
ಚರಣವ ನೆನದಾ ದಾಸರಿಗೆ ಬಲು ಸುಲುಭ ||2||
ತ್ರಿವಿಡಿತಾಳ
ಒಂದು ಕ್ರೋಶ ಉದ್ದ ಅದರಷ್ಟು ಅಗಲಾ ಆ |
ನಂದವಾಗಿಪ್ಪ ಒಪ್ಪುವ ಗದ್ದುಗೇ |
ಕುಂದಾದೆ ತನ್ನಿಂದಾ ತಾನೆ ಇಳಿದು ವ |
ಸುಂಧರದೊಳಗಡಿಗಿತು ಸೋಜಿಗ |
ಪೊಂದಿತು ಲೋಕವು ಇತ್ತರಾಮ ಭೋಜಾ |
ಒಂದು ಕನಕ ಶೇಷಾಸನ ಮಾಡಿಸೀ |
ತಂದು ಇಡಿಸಿ ಧ್ಯಾನಮಾಡಿದ ಭಾರ್ಗವ |
ಬಂದಿದರ ಮಧ್ಯ ನಿಲಬೇಕೆಂದೂ |
ಅಂದಾಮಾತಿಗೆ ಮೆಚ್ಚಿ ಪರಶುರಾಮನು ಲಿಂಗಾ |
ದುದಾದಿ ನೆಲಸಿದ [ಅ]ಹಿ ನಡುವೆ |
ಅಂದಾರಭ್ಯವಾಗಿ ಇದೇ ಅನಂತಸನಾ |
ಎಂದೆನಿಸಿತು ಈತ ಹರಿ ಕಾಣಿರೊ |
ನಂದಿವಾಹನನಂತೆ ತೋರಿದ ಬಲುಹೀನ |
ಮಂದಾಜನಕೆ ತಮವಾಗಲೆಂದೂ |
ಸಂದೇಹಬಡಸಲ್ಲಾ ಸುಜನರು ಈತನೆ |
ಇಂದಿರಾಪತಿಯೆಂದು ವಂದಿಸಿರೋ |
ಮಂದಹಾಸವದನ ವಿಜಯವಿಠಲನಿಪ್ಪ |
ಇಂದು ಕ್ಷೇತ್ರವಿದು ವಿವರಿಸಿ ತಿಳಿವದೂ ||3||
ಅಟ್ಟತಾಳ
ಜಲಜ ಸಂಭವನ ಪುತ್ರ ದಕ್ಷನು ಶಪಿಸಲು |
ಕಳೆಗುಂದಿ ಚಂದ್ರಮತಿ ತಿಳಿದು ಭಾರ್ಗವ ಕ್ಷೇತ್ರ |
ದೊಳಗೆ ಇದೇ ವೆಗ್ಗಳಿಯಾ ಸ್ಥಳವೆಂದೂ |
ಕುಳಿತಾ ಜಾರಣ್ಯ ಮಧ್ಯದಲಿ ತಪಮಾಡಿ |
ಒಲಿಸಿ ತನ್ನನು ಧರಿಸಿದ ದೇವನ ಪಾದ |
ಜಲಜಾವ ಕಂಡು ಶಾಪವನ್ನು ಪೋಗಾಡಿ |
ಕಳೆವೇರಿದನು ದಿನಪ್ರತಿಯಲ್ಲಿ ಪೊಳವುತ್ತ |
ಪುಲಿದೊ[ವ]ಲಾಂಬರ[ನು] ಅನಂತಾಸನ್ನ |
ಬಳಿಯಲ್ಲಿ ನಿಂದನು ಸಮು[ಖ]ವಾಗಿ ನಿ |
ಶ್ಚಲ ವರ[ವೀ]ವುತ ಬಂದ ಭಕ್ತರನ್ನ |
ಸಲಹುತ್ತ ಚಂದ್ರಮೌಳೇಶ್ವರನೆಂದೆಂಬಾ |
ಸತಿ ಪೆಸರಿನಲ್ಲಿ ಮೆರೆವುತಲಿಪ್ಪದು |
ಕಲಿಯುಗದಲಿ ಬಂದಾ ಕೃಷ್ಣ ವಿಜಯವಿ|
ಠಲ ನಾನಾ ಮಂಗಳಾ ನೆನೆಯುತ್ತ ನಲಿವುತ್ತ ||4||
ಆದಿತಾಳ
ಪರಶುರಾಮನು ತನ್ನ ಸಿರಿಯಕೂಡಾ ವಿಮಾನ |
ಗಿರಿಯಲ್ಲಿನಿಂದಾನು [ಸು]ರರಿಂದರ್ಚನೆಕೊಳ್ಳುತ್ತ |
ಅರಸು ತಾನಾಗಿ ನಿರಂತರದಲ್ಲಿ ಒಪ್ಪುತಿಪ್ಪ |
ಪರಮಪುರಷನೀತ ನರನೆಂದು ಪೇಳಸಲ್ಲ |
ಪರಮಶುದ್ಧನಾಗಿ ನರನು ಬಂದು ಈ ಕ್ಷೇ |
ತುರದಲ್ಲಿ ಇದ್ದ ಮಹಿಮೆ ಅರಿದು ಆತುರದಿಂದ |
ಪುರುಷಗದಚಾಪ ಶರಬೊಮ್ಮ ಚಂದ್ರ ಶಂ |
ಕರ ವಶಿಷ್ಠ ಸೂದರುಶನ ಪದುಮಾ |
ಪರಿ ಪರಿ ತೀರ್ಥಂಗಳು ಚರಿಸಿ e್ಞÁನದಲಿ ಮಿಂದರೆ ಬಹುಜನ್ಮದ |
ಹರಿದು ಪಾಪಗಳು ಪರಿಹರಿಪೋಗುವವು |
ಭರತ ಖಂಡದೊಳು ಸರಿಯಿಲ್ಲಾ ಇದಕೆಲ್ಲಿ |
ಸ್ಮರಣೆ ಮಾತ್ರದಲಿ ಸಂಚರಿಸುವ ಮುಕ್ತಿಯಲ್ಲಿ |
ಪರಶುಧರ ಕೃಷ್ಣ ವಿಜಯವಿಠಲರೇಯಾ |
ಪರಿಣಾಮ ಕೊಡುವನು ಪರತತ್ವ ತಿಳಿವುದೂ ||5||
ಜತೆ
ಭಾರ್ಗವ ಕ್ಷೇತ್ರದೊಳಿದೆ ಕೇವಲಧಿಕ |
ದುರ್ಗರಮಣ ವಿಜಯವಿಠಲ ನಮ್ಮನ್ನು ಪೊರೆವ||6||

dhruvatALa
AdimUruti paraSurAmanu sarva |
mEdisurarige dhAri eredU |
mudadiMdali siMhAcaladalli vAsavAgi |
kaidu SaLadu vArinidhiyiMdalI |
mEdini biDisida pratApavanne tOri |
vEdapAlaka merada stutigaLeMda |
I dharige rAmA BOjaneMbo BUpanA |
AdaradiMdali irapELalU |
mEdhAva racisi BArgavana satkaruNa saM |
pAdisuveneMdu dhAruNiyA |
SOdhise adaroLu oMdahi nEgalige |
BEdAvAgi baralu naDugi nRupatI |
[hE] dayAMbudhi ennAparAdha kShamiseMdu |
pAdake namisi binnaisi |
sAdhu jIvanu rAmage moreyiDalU vi |
nOdadiMdali baMdu tiLupidanu |
sAdhanA ninagide pApA mattillaveMdu |
maidaDavi upadESidA |
krOdhadanuja BaMga vijayaviThala prA |
bOdhaSarIra kShEtravargAsaMhAra ||1||
maTTatALa
arasu rAmaBOjA dvArada saBeyalli |
paraSudharage baMdu harimaNitettisida |
parama rajataviShTaravannu nEmisi |
haruShadiMdali stOtara mADuttayAga |
viracisi nitya BUsuraru suKabaDisi |
maraLe siMhanAmagiriyalli janisi |
mereva sU-varnA sariteyalli miMdu |
paripari bageyiMda irutire ittalu |
dhareyoLagidu pesaru rajata pIThapuraveMdenisitu |
sariyilla idake karisitu BArgavana |
karuNadiMdali illi sarasija saMBava |
purahara surani[ta]rA neredu pUjisuvarU |
nirutadali biDade karuNAkara siri vijayaviThalanna |
caraNava nenadA dAsarige balu suluBa ||2||
triviDitALa
oMdu krOSa udda adaraShTu agalA A |
naMdavAgippa oppuva gaddugE |
kuMdAde tanniMdA tAne iLidu va |
suMdharadoLagaDigitu sOjiga |
poMditu lOkavu ittarAma BOjA |
oMdu kanaka SEShAsana mADisI |
taMdu iDisi dhyAnamADida BArgava |
baMdidara madhya nilabEkeMdU |
aMdAmAtige mecci paraSurAmanu liMgA |
dudAdi nelasida [a]hi naDuve |
aMdAraByavAgi idE anaMtasanA |
eMdenisitu Ita hari kANiro |
naMdivAhananaMte tOrida baluhIna |
maMdAjanake tamavAgaleMdU |
saMdEhabaDasallA sujanaru Itane |
iMdirApatiyeMdu vaMdisirO |
maMdahAsavadana vijayaviThalanippa |
iMdu kShEtravidu vivarisi tiLivadU ||3||
aTTatALa
jalaja saMBavana putra dakShanu Sapisalu |
kaLeguMdi caMdramati tiLidu BArgava kShEtra |
doLage idE veggaLiyA sthaLaveMdU |
kuLitA jAraNya madhyadali tapamADi |
olisi tannanu dharisida dEvana pAda |
jalajAva kaMDu SApavannu pOgADi |
kaLevEridanu dinapratiyalli poLavutta |
pulido[va]lAMbara[nu] anaMtAsanna |
baLiyalli niMdanu samu[Ka]vAgi ni |
Scala vara[vI]vuta baMda Baktaranna |
salahutta caMdramauLESvaraneMdeMbA |
sati pesarinalli merevutalippadu |
kaliyugadali baMdA kRuShNa vijayavi|
Thala nAnA maMgaLA neneyutta nalivutta ||4||
AditALa
paraSurAmanu tanna siriyakUDA vimAna |
giriyalliniMdAnu [su]rariMdarcanekoLLutta |
arasu tAnAgi niraMtaradalli opputippa |
paramapuraShanIta naraneMdu pELasalla |
paramaSuddhanAgi naranu baMdu I kShE |
turadalli idda mahime aridu AturadiMda |
puruShagadacApa Sarabomma caMdra SaM |
kara vaSiShTha sUdaruSana padumA |
pari pari tIrthaMgaLu carisi e#0CCD;~jaÁnadali miMdare bahujanmada |
haridu pApagaLu pariharipOguvavu |
Barata KaMDadoLu sariyillA idakelli |
smaraNe mAtradali saMcarisuva muktiyalli |
paraSudhara kRuShNa vijayaviThalarEyA |
pariNAma koDuvanu paratatva tiLivudU ||5||
jate
BArgava kShEtradoLide kEvaladhika |
durgaramaNa vijayaviThala nammannu poreva||6||

ರಾಗ:ಕಾಂಬೋಧಿ
ಧ್ರುವತಾಳ
ಆದಿದೈವವೆ ನಿನ್ನ ಪಾದವೆ ನೆರೆನಂಬಿದೆನು ಬಿಡದಲೆ |
ಆದರಿಸು ಕಾದುವಖಳರು ವಾಮದಲ್ಲಿ ಹುರಿಗೂಡಿ |
ಬಾಧೆ ಬಡಿಸುವ[ರು] ನಾದಾರಿಗೆ ದೂರಲಿ |
ಪೋದವನೇಕ ಜನನವಾದ ಕಾಲದಲ್ಲಿ |
ಈ ದೇಹದ ಸುಖವಾದದ್ದು ಕಾಣೆನೊ |
ವೇದಾರಿಸಿ ಕಾಣದ ಬಲು ಮಹಿಮಾನೆ |
ಯಾದವ ಶಿರೋಮಣಿ ವಿಜಯವಿಠಲ ನಿನ್ನ |
ಮಾಧುರ್ಯ ನಾಮವ ಉಣಿಸಿ ಬೀದಿ ಬಸವನಮಾಡೊ ||1||
ಮಟ್ಟತಾಳ
ಅಪ್ಪನ ಅಪ್ಪಾನೆಗಿರಿಯ ತಿಮ್ಮಪ್ಪನೆ |
ಸರ್ಪನತಲ್ಪನೆ ಸರ್ವರೊಳಿಪ್ಪನೆ |
ಇಪ್ಪಲು ತಪ್ಪಾನೆ ಕರದರೆ ಬಪ್ಪಾನೆ |
ದರ್ಪಣರೂಪನೆ ವಿಜಯವಿಠಲ ನಿನ್ನ ಕಪ್ಪನೆ ಚರಣದಲಿ |
ದೊಪ್ಪನೆ ಹೊರ ಹೊರಳುವೆನೊ ||2||
ತ್ರಿವಿಡಿತಾಳ
ಕಟುಕನ ಕೈಯ ಶಿಲಿಕಿದ ಗೋವೊಂದು ಸಂ |
ಕಟ ಬಡುವಂತೆ ನನ್ನೊಳಗೆ ನಾನೆ ಬೀಳುವೆ ಅ |
ಕಟ ಕಟ ನಿನಗಿನ್ನು ಕರುಣಬಾರದೆ ಸುರ |
ಕಟಕದೊಡಿಯನೆ ನಿರಾಕರಿಸಿ ಎನ್ನನುಯಿ[ದಾ] (ಇಕ್ಕಟ್ಟು) |
ಕಟಕದೊಳಗೆ ಇಟ್ಟುಯೆಳಸುವರೆ ಅ |
ಕಟಾ ಕಟಾ ನಾನಾರಿಗಾಲವರಲಿ ಮರ |
ಕಟ ಕುಣಿವಂತೆ ಮನಸು ಇಂದ್ರಿಯಗಳು ವ |
ಕ್ಕಟವಾಗಿ ಕುಣಿದು ಕಂಗೆಡಿಸುತ್ತಿದೆ ವೆಂ |
ಕಟಾ ಚಲವಾಸಾ ವಿಜಯವಿಠಲನೆ ಚೊ |
ಕ್ಕಟ ಮಾರ್ಗವ ತೋರಿ ವಿಕಟಮನೆಕಳಿಯೊ ||3||
ಅಟ್ಟತಾಳ
ದಾಸರ ಮನೆಯಲ್ಲಿ ವಾಸವಾಗಿದ್ದವ |
ದಾಸರ ಬಳಿಯಲ್ಲಿ ಸೇಕೊಂಡವನಾನೊ |
ದಾಸರ ಮನೆಯಲ್ಲಿ ನೀರುಪೊತ್ತವ ನಾನು |
ದಾಸರ ಮನೆಯೆಂಜಲೆಡೆ ತೆಗೆದವ ನಾನು |
ದಾಸರುಂಡದ್ದು ಉಂಡು ಬೆಳೆದವ ನಾನು |
ದಾಸರ ಮನೆ ಮುಂದೆ ರಾತ್ರಿ ಜಾಗರ ನಾನು |
ದಾಸರ ಪಂಚೆಲಿ ದಿನ ಕಳೆದವ ನಾನು |
ದಾಸರ ನಂಬಿದ ದಾಸನು ನಾನು |
ದೋಷಿ ನಾನಾದಡೆ ದೋಷರಹಿತ ಪುಣ್ಯ |
ರಾಶಿ ಪುರಂದರ ದಾಸರ ಮ್ಯಾಲೆ ದಯಾಶರಧಿಯಿಟ್ಟು |
ನೀ ಸಲಹೆಯೆನ್ನ ಪಾಶವ ಬಿಡಿಸುತ್ತ |
ಲೇಸು ಪಾಲಿಪ ನಮ್ಮ ವಿಜಯವಿಠಲರೇಯ |
ಬೀಸಿ ಬೀಸಾಟದಿರು ಬಿಂಕದ ದೈವ ||4||
ಆದಿತಾಳ
ನಿನ್ನನೆ ಪೊಂದಿದ ನಿನ್ನನೆ ಸೇರಿದೆ |
ನಿನ್ನನೆ ಪಾಡಿದೆ ನಿನ್ನ ಕೊಂಡಾಡಿದೆ |
ನಿನ್ನಂಘ್ರಿಯುಗಳವನ್ನು ನಂಬಿದೆ ಪಾ |
ವನ್ನ ಚರಿತ ರಂಗ ಎನ್ನ ಸಲಹದಿರೆ |
ನಿನ್ನಾರು ಒಪ್ಪುವರು ಪನ್ನಗಾರಿವಾಹನ್ನ ವಿಜಯವಿಠಲ |
ಎನ್ನ ಬಿಡದೆ ಕಾಯೊ ಅನ್ನಾಥರೊಡಿಯಾ ||5||
ಜತೆ
ದುರುಳನೆನದೆ ದುರ್ಜನರಿಗೆ ಒಪ್ಪಿಸದೆ |
ಪರಿಪಾಲಿಸಿ ಸಾಕು ವಿಜಯವಿಠಲರೇಯಾ ||6||

rAga:kAMbOdhi
dhruvatALa
Adidaivave ninna pAdave nerenaMbidenu biDadale |
Adarisu kAduvaKaLaru vAmadalli hurigUDi |
bAdhe baDisuva[ru] nAdArige dUrali |
pOdavanEka jananavAda kAladalli |
I dEhada suKavAdaddu kANeno |
vEdArisi kANada balu mahimAne |
yAdava SirOmaNi vijayaviThala ninna |
mAdhurya nAmava uNisi bIdi basavanamADo ||1||
maTTatALa
appana appAnegiriya timmappane |
sarpanatalpane sarvaroLippane |
ippalu tappAne karadare bappAne |
darpaNarUpane vijayaviThala ninna kappane caraNadali |
doppane hora horaLuveno ||2||
triviDitALa
kaTukana kaiya Silikida gOvoMdu saM |
kaTa baDuvaMte nannoLage nAne bILuve a |
kaTa kaTa ninaginnu karuNabArade sura |
kaTakadoDiyane nirAkarisi ennanuyi[dA] (ikkaTTu) |
kaTakadoLage iTTuyeLasuvare a |
kaTA kaTA nAnArigAlavarali mara |
kaTa kuNivaMte manasu iMdriyagaLu va |
kkaTavAgi kuNidu kaMgeDisuttide veM |
kaTA calavAsA vijayaviThalane co |
kkaTa mArgava tOri vikaTamanekaLiyo ||3||
aTTatALa
dAsara maneyalli vAsavAgiddava |
dAsara baLiyalli sEkoMDavanAno |
dAsara maneyalli nIrupottava nAnu |
dAsara maneyeMjaleDe tegedava nAnu |
dAsaruMDaddu uMDu beLedava nAnu |
dAsara mane muMde rAtri jAgara nAnu |
dAsara paMceli dina kaLedava nAnu |
dAsara naMbida dAsanu nAnu |
dOShi nAnAdaDe dOSharahita puNya |
rASi puraMdara dAsara myAle dayASaradhiyiTTu |
nI salaheyenna pASava biDisutta |
lEsu pAlipa namma vijayaviThalarEya |
bIsi bIsATadiru biMkada daiva ||4||
AditALa
ninnane poMdida ninnane sEride |
ninnane pADide ninna koMDADide |
ninnaMGriyugaLavannu naMbide pA |
vanna carita raMga enna salahadire |
ninnAru oppuvaru pannagArivAhanna vijayaviThala |
enna biDade kAyo annAtharoDiyA ||5||
jate
duruLanenade durjanarige oppisade |
paripAlisi sAku vijayaviThalarEyA ||6||

ಧ್ರುವತಾಳ
ಅರ್ಧಮನ[ವೀ]ಯಾದಿರು ಬಿದ್ದೆ ನಿನ್ನ ಪಾದಕ್ಕೆ |
ಉದ್ಧರಿಪುದು ಸಮುದ್ರ ಶಯ್ಯಾ |
ಹದ್ದು ಹಾವಿಗೆ ಹರಿದೆದ್ದು ಕವಿದಂತೆ |
ಕೃದ್ಧಾಗಳಿಂದಲಿ ಪೊಂದಿಪ್ಪನೊ |
ಒದ್ದು ಕಡಿಗೆ ನೂಕೊ ಸದ್ದಡಗಿಸಿ ಖಳರ |
ಸದ್ದಾಗದಂತೆ ಒಳಗೆ ತಿದ್ದಿಡುವುದು |
ಶುದ್ಧ ಸ್ವಭಾವ ನಮ್ಮ ವಿಜಯವಿಠಲ ಜ |
ನಾರ್ಧನ ರಕ್ಷಣ ಅಬ್ಧಿನಿವಾಸ ||1||
ಮಟ್ಟತಾಳ
ಒಂದು ದಿನದಲಜನು ಚಂದದಿಂದಲಿ ಆ |
ನಂದ ವೈಜಯಂತಿ ಎಂದೆಂಬೊ ಸಭೆಯಲ್ಲಿ |
ವೃಂದಾರಕ ಸಿದ್ಧಗಂಧರ್ವ ಸರ್ವ |
ಸಂದಣಿಯಲ್ಲಿ ನವನಂದನರ ಸಹಿತ |
ಅಂದು ವಾಲಗವಾಗೆ ಮಂದಹಾಸದಲಿನಾ |
ರಂದ ಮುನಿಪ ನಡೆತಂದನು ಎದುರಾಗಿ |
ಇಂದಿರಾಪತಿ ಗೋವಿಂದ ವಿಜಯ ವಿಠ |
ಲಂದಾಗಿರುತಿರಲು ಬಂದನು ಪಾಡುತಲಿ |
ಬಂದು ಜನಾರ್ಧನನ ಮಂದರದಲಿ ನುಡಿಸಿ ||2||
ರೂಪಕತಾಳ
ಬರಲು ನಾರದಮುನಿ ಪರಮೇಷ್ಟಿ ಆತ್ಮಜನ |
ನೆರವಾಗಿ ಬರುತಿಪ್ಪ ಹರಿಮೂರುತಿಯ ನೋಡಿ |
ಸರಸರನೆ ಎದ್ದು ನಿಂದರಲಾಗಿ ನವಪ್ರಜೆ |
ಶ್ವರರು ಹಾಸ್ಯವಮಾಡೆ ಹರಿದು ಶಾಪಿಸಿ ನೀವು |
ನರರಾಗಿ ಪುಟ್ಟಿ ಸಂಚರಿಸು ಎಂದೆನಲಾಗಿ |
ಮ[ರು]ಗಿ ತಮ್ಮೊಳಗೆ ತತ್ತರಿಸೀದವರಾಗ |
ಸುರಪಾಲ ವಿಜಯವಿಠಲ ಜನಾರ್ಧನನೆಂಬೊ |
ಸುರಮುನಿಯಾ ಕೊಂಡಾಡಿ ವರದಾರೀವಾರ್ತಿ||3||
ಝಂಪೆತಾಳ
ಕೇಳಿ ಕೌತುಕವೆಂದು ತಲೆದೂಗಿ ಹರಿಲೀಲೆಗೆ |
ಪೇಳಲಾರಳವೆ ಶೃತಿವಚನದಿಂದ |
ಭೂಲೋಕದಲಿ ಪರಶು ರಾಮಕ್ಷೇತ್ರ ಉಂಟು |
ವಾಲಯಾಲಿಪ್ಪ ಅಶ್ವತ್ಥದವಲ್ಲೀ |
ಮೇಲಾದ ಕಣ್ವಮುನಿ ಆಶ್ರೈಸಿ ಇರುತಿಪ್ಪ |
ಪೇಳುವೆನು ಮನಶುದ್ಧರಾಗಿ ಕೇಳಿ |
ಅಲಸಾ ಗೈಸದತಿ ಪೋಗಿ ನಿಮ್ಮಯ ಶಾಪ |
ಬೀಳೂ ಹಾಕುವದಕುಪಾಯವಂದೂ |
ಶ್ರೀಲೋಲ ವಿಜಯವಿಠಲ ಜನಾರ್ಧನನೆಂದು |
ಬೀಳುಕೊಟ್ಟನು ನವ ಪ್ರಜೇಸರಿಗೆ ||4||
ತ್ರಿವಿಡಿತಾಳ
ನಾಋದ ಕೃಪೆಯಿಂದ ಭೈರವಾಸದಜನೀ |
ವಾರವ ಕೊಡಲಾದರ ಸಂಗಡದಲ್ಲೀ |
ಶರೀರ ಧರಿಸಿ ಬಂದರು ನಾರವಸನ |
ಭೋರಾನೆತಂದಿಲ್ಲಿ ಕೇಡಾದದಂದು ಮೊದಲು |
ಧಾರುಣಿ ಒಳಗೆ ವಲ್ಕಲ ಕ್ಷೇತ್ರವೆಂದಿದು |
ಕಾರಣವಾಯಿತು ಪಂಚಕ್ರೋಶಾ |
ಸಾರಸುಂದರ ವಿಜಯವಿಠಲ ಜನಾರ್ಧನ |
ಮೀರಿದ ದೈವದ ಮಾಯಾವಿನ್ನೆಂತುಂಟೊ ||5||
ಝಂಪೆತಾಳ
ಒಂಭತ್ತುಮಂದಿ ಬ್ರಹ್ಮನ ಮಕ್ಕಳು ಬಂದು |
ಸಂಭ್ರಮದಲ್ಲಿ ಅಶ್ವತ್ಥವನ್ನೂ |
ಅಂಬಕಾದಿಂದಲ್ಲಿ ನೀಕ್ಷಿಸಲು ಸ್ವರ್ಣಮಯ |
ಅಂಬರಕೆ ತುಳುಕುತಿದೆ ಅಲ್ಲಿಗಲ್ಲೀ |
ಕೊಂಬಿಕೊಂಬಿ ಎಲೆಮೂಲಾಗ್ರ ಪರಿಯಂತ |
ತುಂಬಿಹರು ಸುರರಾದಿ ತೆರವಿಲ್ಲದೆ |
ಜಂಬುದ್ವೀಪದೊಳಗೆ ಇದಕೆಣೆ ಇಲ್ಲೆಂದು |
ಇಂಬು ಮಾಡಿದರದರ ಛಾಯದಲ್ಲೀ |
ಕಂಬುಧರ ವಿಜಯವಿಠಲ ಜನಾರ್ಧನ ಪರ |
ನೆಂಬ ಮುನಿಪನು ಬಂದ ಕುಂಭಿಣಿಸುರನಾಗಿ ||6||
ತ್ರಿವಿಡಿತಾಳ
ಪ್ರಜೇಶ್ವರರಿಗೆ ಉಪದೇಶವ ತಿಳುಹಿದ |
ದ್ವಿಜನಾಗಿ ಬಂದ ನಾರದಮುನಿ ಅಂದೂ |
ದ್ವಿಜಗಮನನ ಬಳಿಗೆ ಪೋಗಿ ತುತಿಸಿ ಚಕ್ರ |
ನಿಜವಾಗಿ ಕಳುಹಿ ಚಕ್ರತೀರ್ಥವೆನಿಸಿದ |
ಭಜಿಸುತ್ತ ಮನದೊಳು ಹರಿಯ ಚರಣವನ್ನು |
ಅಜನ ಬಳಿಗೆಯೈದ ಭಾಗವತರಮಣಿ |
ತ್ರಿಜಗ ಮಧ್ಯದಲೊಂದು ಯಾಗ ಮಾಡುವುದಕ್ಕೆ |
ರುಜುವಾದ ನೆಲನೆನಗರುಹೆನಲು |
ಅಜನ ಮಾತನು ಕೇಳಿ ಕರವ ಜೋಡಿಸಿನಿಂದು |
ಸುಜನರಾಗ್ರಣಿ ಪೇಳಿದನಿದರ ಮಹಿಮಿಯಾ |
ಗಜವರದಾ ವಿಜಯವಿಠಲ ಶ್ರೀಜನಾರ್ಧನ |
ಯಜಮಾನನಾಗುವ ಮೇಧದಲ್ಲಿಗೆ ಬಂದೂ ||7||
ಅಟ್ಟತಾಳ
ಹರುಷದಿಂದಲಿ ಬಂದು ಪರಮೇಷ್ಟಿಯಾಗವ |
ಸುರರಸಹಿತವಾಗಿ ಸರಿಯಿಲ್ಲವಧಾನಾ |
ಸರಿಯಾದೆ ಕೊಡುತಿರೆ ನಿರುತಾದಲ್ಲಿ ವೈಶ್ವಾ |
ನರಗೆ ವಖ್ಖಸವಾಗೆ ಪರಿಹಾರಾ ಕಾಣಾದೆ |
ಭರದಿಂದಲಿ ಅಗ್ನಿ ಹರಿಯಾ ಮೊರೆಯೋಗೆ |
ಕರುಣಾದಿಂದಲಿ ಕೇಳಿ ಹರಿಬಂದಾ ಬಾಲಾ ಭೂ |
ಸುರ ವೇಷವನು ತಾಳಿ ಇರಲದೆ ಕ್ಷುದಿ ಪರಿ |
ಹರಿಸೆಂದು ಗ್ರಾಸವಾ (ನೀಡಿಸುಎನೆ) ತರಿಸಿವಾದರಿಸಿ |
ಪರಮಸೋಜಿಗವೆಂದು ಸುರಜೇಷ್ಠ ತಲೆದೂಗಿ |
ಹರಿಮಾಯಾ ವಿಜಯವಿಠಲ ಜನಾರ್ಧನ |
ಕರುಣಿಯಾ ಮನದಲ್ಲಿ ಸ್ಮರಿಸಿ ಮನ್ನಿಸಿದ ||8||
ಆದಿತಾಳ
ಎಲ್ಲೆ ಓದನರಾಸಿ ಎಲ್ಲೆ ನಾನಾಕರಾಸಿ |
ಎಲ್ಲೆ ಘೃತದ ಮಡುವು ಎಲ್ಲೆಲ್ಲಿ ಇದ್ದವೆಲ್ಲಾ |
ಅಲ್ಲಿಗಲ್ಲಿಗೆ ಬಯಲು ನಿಲ್ಲದಡಗಿದವು |
ಎಲ್ಲಿ ಅದ್ಭೂತವೆಂದು ತಲ್ಲಣಿಸಲು ಇತ್ತಲು |
ಬಲ್ಲಿದ ದೈವ ಕರದಲ್ಲಿ ಆ ಪೋಷಣಿಯಾ |
ನಿಲ್ಲದೆ ಪಿಡಿದು ಗ್ರಾಸಾ |
ಇಲ್ಲಾವೆಂದರೆ ನಾನು ಕೊಳ್ಳತಕ್ಕವನೆಂದು |
ಸೊಲ್ಲು ಪೇಳಾಲೆಂದು ಅಜನು |
ಮೆಲ್ಲಾನೆ ತುತಿಸಿ ಸಿರಿವಲ್ಲಭನ ಲೀಲೆ ತಿಳಿದು |
ನಿಲ್ಲಿಸಿದ ಯಾಗವನು ಇಲ್ಲಿನವ ಪ್ರಜೇಸನು |
ಪುಲ್ಲನಾಭವೊಲಿಸಿ ವೇಗದಲಿ ಮನುಜ ದೇಹಬಿಟ್ಟು |
ಸಲ್ಲಿದರು ಪೂರ್ವದಂತೆ ಎಲ್ಲರಿಂದ ಪೂಜೆ |
ಗೊಳ್ಳುತನ ವಳ್ಳಿತಿದು ಭಾಗೀರಥೀ |
ಉಳ್ಳ ತಾಮ್ರಪರ್ಣಿಸಲಿಲಾ |
ಎಲ್ಲಾ ಪ್ರಖ್ಯಾತವಾಗಿಪ್ಪ |
ಅಲ್ಲಿಗಲ್ಲಿಗೆ ಧರೆ ನರರೂ |
ಒಲ್ಲೆ ಎನದೇ ಇಂದು ಕ್ಷಾಯದಲ್ಲಿ ಮಿಂದು ಶುದ್ಧನಾಗೆ |
ಎಲ್ಲ ದೋಷಂಗಳು ಇರದೆ ತಲ್ಲಣಿಸಿ ಪೋಗುವುವು |
ಖುಲ್ಲರರಿ ಜನಾರ್ಧನ ವಿಜಯವಿಠಲರೇಯಾ |
ಎಳ್ಳಿನಿತು ಬಿಡದೆ ಸಾರೆ ಗೆಲ್ಲಿಸುವ ಶೋಕದಿಂದ ||9||
ಜತೆ
ವಲ್ಕಲಾ ಕ್ಷೇತ್ರದಾ ವಾಸ ಜನಾರ್ಧನ |
ಬಲವಂತ ವಿಜಯವಿಠಲ ಪಾವಕಪಾಲಾ ||10||

dhruvatALa
ardhamana[vI]yAdiru bidde ninna pAdakke |
uddharipudu samudra SayyA |
haddu hAvige harideddu kavidaMte |
kRuddhAgaLiMdali poMdippano |
oddu kaDige nUko saddaDagisi KaLara |
saddAgadaMte oLage tiddiDuvudu |
Suddha svaBAva namma vijayaviThala ja |
nArdhana rakShaNa abdhinivAsa ||1||
maTTatALa
oMdu dinadalajanu caMdadiMdali A |
naMda vaijayaMti eMdeMbo saBeyalli |
vRuMdAraka siddhagaMdharva sarva |
saMdaNiyalli navanaMdanara sahita |
aMdu vAlagavAge maMdahAsadalinA |
raMda munipa naDetaMdanu edurAgi |
iMdirApati gOviMda vijaya viTha |
laMdAgirutiralu baMdanu pADutali |
baMdu janArdhanana maMdaradali nuDisi ||2||
rUpakatALa
baralu nAradamuni paramEShTi Atmajana |
neravAgi barutippa harimUrutiya nODi |
sarasarane eddu niMdaralAgi navapraje |
Svararu hAsyavamADe haridu SApisi nIvu |
nararAgi puTTi saMcarisu eMdenalAgi |
ma[ru]gi tammoLage tattarisIdavarAga |
surapAla vijayaviThala janArdhananeMbo |
suramuniyA koMDADi varadArIvArti||3||
JaMpetALa
kELi kautukaveMdu taledUgi harilIlege |
pELalAraLave SRutivacanadiMda |
BUlOkadali paraSu rAmakShEtra uMTu |
vAlayAlippa aSvatthadavallI |
mElAda kaNvamuni ASraisi irutippa |
pELuvenu manaSuddharAgi kELi |
alasA gaisadati pOgi nimmaya SApa |
bILU hAkuvadakupAyavaMdU |
SrIlOla vijayaviThala janArdhananeMdu |
bILukoTTanu nava prajEsarige ||4||
triviDitALa
nA^^Ruda kRupeyiMda BairavAsadajanI |
vArava koDalAdara saMgaDadallI |
SarIra dharisi baMdaru nAravasana |
BOrAnetaMdilli kEDAdadaMdu modalu |
dhAruNi oLage valkala kShEtraveMdidu |
kAraNavAyitu paMcakrOSA |
sArasuMdara vijayaviThala janArdhana |
mIrida daivada mAyAvinneMtuMTo ||5||
JaMpetALa
oMBattumaMdi brahmana makkaLu baMdu |
saMBramadalli aSvatthavannU |
aMbakAdiMdalli nIkShisalu svarNamaya |
aMbarake tuLukutide alligallI |
koMbikoMbi elemUlAgra pariyaMta |
tuMbiharu surarAdi teravillade |
jaMbudvIpadoLage idakeNe illeMdu |
iMbu mADidaradara CAyadallI |
kaMbudhara vijayaviThala janArdhana para |
neMba munipanu baMda kuMBiNisuranAgi ||6||
triviDitALa
prajESvararige upadESava tiLuhida |
dvijanAgi baMda nAradamuni aMdU |
dvijagamanana baLige pOgi tutisi cakra |
nijavAgi kaLuhi cakratIrthavenisida |
Bajisutta manadoLu hariya caraNavannu |
ajana baLigeyaida BAgavataramaNi |
trijaga madhyadaloMdu yAga mADuvudakke |
rujuvAda nelanenagaruhenalu |
ajana mAtanu kELi karava jODisiniMdu |
sujanarAgraNi pELidanidara mahimiyA |
gajavaradA vijayaviThala SrIjanArdhana |
yajamAnanAguva mEdhadallige baMdU ||7||
aTTatALa
haruShadiMdali baMdu paramEShTiyAgava |
surarasahitavAgi sariyillavadhAnA |
sariyAde koDutire nirutAdalli vaiSvA |
narage vaKKasavAge parihArA kANAde |
BaradiMdali agni hariyA moreyOge |
karuNAdiMdali kELi haribaMdA bAlA BU |
sura vEShavanu tALi iralade kShudi pari |
hariseMdu grAsavA (nIDisu^^ene) tarisivAdarisi |
paramasOjigaveMdu surajEShTha taledUgi |
harimAyA vijayaviThala janArdhana |
karuNiyA manadalli smarisi mannisida ||8||
AditALa
elle OdanarAsi elle nAnAkarAsi |
elle GRutada maDuvu ellelli iddavellA |
alligallige bayalu nilladaDagidavu |
elli adBUtaveMdu tallaNisalu ittalu |
ballida daiva karadalli A pOShaNiyA |
nillade piDidu grAsA |
illAveMdare nAnu koLLatakkavaneMdu |
sollu pELAleMdu ajanu |
mellAne tutisi sirivallaBana lIle tiLidu |
nillisida yAgavanu illinava prajEsanu |
pullanABavolisi vEgadali manuja dEhabiTTu |
sallidaru pUrvadaMte ellariMda pUje |
goLLutana vaLLitidu BAgIrathI |
uLLa tAmraparNisalilA |
ellA praKyAtavAgippa |
alligallige dhare nararU |
olle enadE iMdu kShAyadalli miMdu SuddhanAge |
ella dOShaMgaLu irade tallaNisi pOguvuvu |
Kullarari janArdhana vijayaviThalarEyA |
eLLinitu biDade sAre gellisuva SOkadiMda ||9||
jate
valkalA kShEtradA vAsa janArdhana |
balavaMta vijayaviThala pAvakapAlA ||10||

ಧ್ರುವತಾಳ
ಅರುಣಾಚಲೇಶ್ವರಾ ಕರುಣವ ಮಾಡಯ್ಯ |
ಹರಣಾ ನಿನ್ನದು ನಾಗಾಭರಣ ದೇವ |
ತರುಣ ಭಕುತಿಯಲ್ಲಿ ಶರಣು ಪೋಗುವೆ ನಿನಗೆ |
ಮರಣ ಕಾಲಕ್ಕೆ ದೈತ್ಯಾಹರಣ ಹರಿಯಾ |
ಚರಣ ಯುಗಳ ದಿವ್ಯ ಸ್ಮರಣೆ ಒದಗುವಂತೆ |
ಕರಣ ಶುದ್ಧಿಯಲ್ಲಿ ಉದ್ಧರಣ ಮಾಡೋ |
ಧರಣಿ ಧರಾ ನಮ್ಮ ವಿಜಯವಿಠಲ ಶ್ರೀ |
ಚರಣಾ ಮನದಲ್ಲಿಟ್ಟು ಅರುಣ ಕರ್ಪದಾ ||1||
ಮಟ್ಟತಾಳ
ಏಳು ಯೋಜನ ಉದ್ದ ಶೈಲವಿಪ್ಪುದು ಕಾಣೊ |
ಏಳು ಯೋಜನ ಸುತ್ತಾ ಲೋಲ ಪುಣ್ಯಭೂಮಿ |
ಭೂಲೋಕದ ಒಳಗೆ ಕೇಳಿರಿ ಇದಕ್ಕೆಲ್ಲ |
ಮೇಲಾದ ಯಾತ್ರಿ ಪೇಳುವರಾರಯ್ಯಾ |
ಏಳುವಾಸರವಿದ್ದ ಆಳುಗಳ ಪುಣ್ಯ |
ಪೇಳಲಿ ಎನ್ನಳವೆ ಏಳೇಳು ಜನ್ಮಕ್ಕೆ |
ಪಾಲಸಾಗರಶಯ್ಯಾ ವಿಜಯವಿಠಲನ್ನಾ |
ಆಳಾಗಿಲ್ಲಪ್ಪಾ ಶೈಲಜಪತಿ ಶಿವನೂ ||2||
ರೂಪಕತಾಳ
ಗೌರಿ, ಅರುಣ, ಗೌತಮ ಭಕ್ತರೆಲ್ಲಾ |
ಧರಣಿಯೊಳಗೆ ತಿರಿಗಿ ಈ ಗಿರಿಯಲ್ಲಿ ತಪಮಾಡಿ |
ಹರುಷಾದಿಂದಲಿ ತಮಗೆ ಸರಿಬಂಧ ಮನೋಭೀಷ್ಟಾ |
ಭರದಿಂದಲಿ ಪಡೆದು ಶ್ರೀ ಹರಿಯಾ ಕರುಣಾದಲ್ಲಿ |
ಮೆರದು ಮೈ ಮರದು ವಿಸ್ತರವಾಗಿ ಇದ್ದರು |
ಸುರರು ವರ್ಣಿಪಲರಿದು ವರ ಗೌತುಮ ಕ್ಷೇತ್ರಾ |
ಚರಿಸುವದೇಕ ಸೌರಂಭ ಮನದಲಿ |
ಕುರಬಲಾ ಸಂಹಾರಿ ವಿಜಯವಿಠಲರೇಯನ |
ಪರಮಭಕುತನಾದ ನರಗೆ ಸಿದ್ಧಿಪದು ||3||
ಝಂಪೆತಾಳ
ಸುದರುಶನ ಶೈಲ ಮುದದಿಂದ e್ಞÁನದಲಿ |
ಒದಗಿ ಒಂದಾದರು ಪ್ರದಕ್ಷಿಣೆ ಹೃದಯದಲಿ ಆ |
ನಂದ ಉದಧಿಯೊಳಗೆ ಮುಳುಗಿ |
ಪದೊಪದಿಗೆ ನರಹರಿಯ ಧ್ಯಾನಿಸುತ್ತ |
ಚದುರತನದಲೀ ಗಿರಿಯ |
ದಧಿಯಾ ಮರ್ದಿಸಿದ ತೆ[ರ]ದಿ ನಿನ್ನ ಮನಸು |
ಮರ್ದಿಸಿ ಕೊಳುತಾ |
ಹದುಳನಾಗಿ ಸುತ್ತಿ ಬರಲೂ |
ವಂದಡಿಗಶ್ವಮೇಧ [ಮಾಡಿದಾ] ಫಲವಕ್ಕು ಸದಮಲರಿಗೆ |
ಸುದರಶನ ಪಾಣಿ ವಿಜಯವಿಠಲನ |
ಪದಗಳರ್ಚಿಸಿ ಸಂಪದವಿಯಲ್ಲಿ ಸೇರೋ||4||
ತ್ರಿವಿಡಿತಾಳ
ಅರುಣ ಪರ್ವತದಲ್ಲಿ ಹರನು ಶ್ರೀರಾಮನಾ |
ಸ್ಮರಣೆ ಮಾಡುತಲಿಪ್ಪ ಹರುಷದಲ್ಲಿ |
ವರ ಚಿದಾಂಬರದಲ್ಲಿ ಗೋವಿಂದರಾಯನಾ |
ಚರಣ ದೆಶೆಯಲ್ಲಿ ಈಶಾ ಕುಣಿಯುತಿಪ್ಪ |
ನರಸಿಂಹನ ಧ್ಯಾನವಾವಾಗ ಜಂಬುಕೇ |
ಶ್ವರದಲ್ಲಿ ಉಮಾಪತಿ ಮಾಳ್ಪಾನೆಯ್ಯ |
ಭರದಿಂದ ಮಾವಿನ ತರುವಿನಾಶ್ರಯದಲ್ಲಿ |
ಇರುತಿಪ್ಪ ಹರಿಮಹಿಮೆ ಲಾಲಿಸುತ್ತಾ |
ವರಕಾಳ ಹಸ್ತಿ ಎಂಬೋ ಕ್ಷೇತ್ರದಲ್ಲಿ ಶಿವನು |
ಅರುಹುವಾ ಹರಿಚರಿತೆ ವೈಧಾತ್ರಗೇ |
ಧರಣಿ ಮಧ್ಯದಲ್ಲಿ ಈ ಪರಿ ಐದು ಕ್ಷೇತ್ರದಲಿ |
ಹರಿಯ ಸೇವೆಯಾ ಹರನು ಮಾಡುವನೂ |
ಹರಿಯೆ ಗತಿ ಹರಿಯೆ ನಿಜವೆಂದು ತಿಳಿದು ತೀ |
ವರದಿಂದ ಒಡಂಬಡುವುದು ಜನರೂ |
ಪರದೈವ ವಿಜಯವಿಠಲರೇಯಾ ಸೂ |
ವರ್ನಗಿರಿ ವಾಸಾಸರ್ವೇಶಾ ಸಕಲ ಸುರರ ಪೋಷಾ ||5||
ಅಟ್ಟತಾಳ
ಇಂದ್ರಾದಿ ಅಷ್ಟತೀರ್ಥದಲಿ ಪೋಗಿ |
ಮಿಂದು ಮುದದಲಿ ಅಚ್ಯುತನ ಧ್ಯಾನಾ |
ದಿಂದ ಸಾಧನಗೈದು ಶುದ್ಧ ಭಕುತಿಯಲ್ಲಿ |
ಕುಂದದಲೆ ಮಾಡಿ ಹಿಂದಿನ ಕರ್ಮಗಳೊಂದಾದರಿರದಂತೆ |
ವಂದಿಸಿ ಜನರು ವರಗಳನು ಪಡೆವುದು |
ಮಂದರ ಧರ ಶಿರಿ ವಿಜಯವಿಠಲರೇಯಾ |
ಮಂದಮತಿಯ ಬಿಡಿಸಿ ನಂದದಿ ಸಲಹುವಾ||6||
ಆದಿತಾಳ
ಅರುಣಗಿರಿಯ ಯಾತ್ರೆ ಇನ್ನು ಸುರರಿಗೆ ದುರ್ಲಭವೊ |
ಹರಿಯಭಜಿಸಿ ಮುಪ್ಪುರಹರನು ಈ ಗಿರಿಯಾದ
ನರನೊಬ್ಬ ಬಂದು ಅಂತಃಕ[ರ]ಣದಿಂದಲಿ ಯಾತ್ರಿ |
ಭರದಿಂದ ಮುಗಿಸಲು ಹರಿ ಸಂತೃಪ್ತನಾಹನು |
ಸ್ಥಿರವಾಗಿ ಈ ಗಿರಿಗೆ ಹರಿದು ಇಲ್ಲಿಗೆ ಬರಲೂ |
ಪರಂಪರೆಯಾಗಿ ಸುಖಾಂತರದೊಳುಲೊಲಾಡಿ |
ಮಿರುಗುವ ಕಾಯಾದಲ್ಲಿ ತಿರುಗುವಾ ಸರ್ವದಲ್ಲಿ |
ಶರಜನ್ಮನಯ್ಯಾನೊಡಿಯಾ ವಿಜಯವಿಠಲರೇಯಾ |
ಎರವುಮಾಡದೆ ತನ್ನವರ ಸಂಗಡಾಡಿಸುವಾ ||7||
ಜತೆ
ಅರುಣಾಚಲದ ಯಾತ್ರೆ ಮಾಡಿದ ನರರಿಗೆ |
ಅರುಣಾಚಲವಾಸ ವಿಜಯವಿಠಲ ಒಲಿವಾ ||8||

dhruvatALa
aruNAcalESvarA karuNava mADayya |
haraNA ninnadu nAgABaraNa dEva |
taruNa Bakutiyalli SaraNu pOguve ninage |
maraNa kAlakke daityAharaNa hariyA |
caraNa yugaLa divya smaraNe odaguvaMte |
karaNa Suddhiyalli uddharaNa mADO |
dharaNi dharA namma vijayaviThala SrI |
caraNA manadalliTTu aruNa karpadA ||1||
maTTatALa
ELu yOjana udda Sailavippudu kANo |
ELu yOjana suttA lOla puNyaBUmi |
BUlOkada oLage kELiri idakkella |
mElAda yAtri pELuvarArayyA |
ELuvAsaravidda ALugaLa puNya |
pELali ennaLave ELELu janmakke |
pAlasAgaraSayyA vijayaviThalannA |
ALAgillappA Sailajapati SivanU ||2||
rUpakatALa
gauri, aruNa, gautama BaktarellA |
dharaNiyoLage tirigi I giriyalli tapamADi |
haruShAdiMdali tamage saribaMdha manOBIShTA |
BaradiMdali paDedu SrI hariyA karuNAdalli |
meradu mai maradu vistaravAgi iddaru |
suraru varNipalaridu vara gautuma kShEtrA |
carisuvadEka sauraMBa manadali |
kurabalA saMhAri vijayaviThalarEyana |
paramaBakutanAda narage siddhipadu ||3||
JaMpetALa
sudaruSana Saila mudadiMda e#0CCD;~jaÁnadali |
odagi oMdAdaru pradakShiNe hRudayadali A |
naMda udadhiyoLage muLugi |
padopadige narahariya dhyAnisutta |
caduratanadalI giriya |
dadhiyA mardisida te[ra]di ninna manasu |
mardisi koLutA |
haduLanAgi sutti baralU |
vaMdaDigaSvamEdha [mADidA] Palavakku sadamalarige |
sudaraSana pANi vijayaviThalana |
padagaLarcisi saMpadaviyalli sErO||4||
triviDitALa
aruNa parvatadalli haranu SrIrAmanA |
smaraNe mADutalippa haruShadalli |
vara cidAMbaradalli gOviMdarAyanA |
caraNa deSeyalli ISA kuNiyutippa |
narasiMhana dhyAnavAvAga jaMbukE |
Svaradalli umApati mALpAneyya |
BaradiMda mAvina taruvinASrayadalli |
irutippa harimahime lAlisuttA |
varakALa hasti eMbO kShEtradalli Sivanu |
aruhuvA haricarite vaidhAtragE |
dharaNi madhyadalli I pari aidu kShEtradali |
hariya sEveyA haranu mADuvanU |
hariye gati hariye nijaveMdu tiLidu tI |
varadiMda oDaMbaDuvudu janarU |
paradaiva vijayaviThalarEyA sU |
varnagiri vAsAsarvESA sakala surara pOShA ||5||
aTTatALa
iMdrAdi aShTatIrthadali pOgi |
miMdu mudadali acyutana dhyAnA |
diMda sAdhanagaidu Suddha Bakutiyalli |
kuMdadale mADi hiMdina karmagaLoMdAdariradaMte |
vaMdisi janaru varagaLanu paDevudu |
maMdara dhara Siri vijayaviThalarEyA |
maMdamatiya biDisi naMdadi salahuvA||6||
AditALa
aruNagiriya yAtre innu surarige durlaBavo |
hariyaBajisi muppuraharanu I giriyAda
naranobba baMdu aMtaHka[ra]NadiMdali yAtri |
BaradiMda mugisalu hari saMtRuptanAhanu |
sthiravAgi I girige haridu illige baralU |
paraMpareyAgi suKAMtaradoLulolADi |
miruguva kAyAdalli tiruguvA sarvadalli |
SarajanmanayyAnoDiyA vijayaviThalarEyA |
eravumADade tannavara saMgaDADisuvA ||7||
jate
aruNAcalada yAtre mADida nararige |
aruNAcalavAsa vijayaviThala olivA ||8||

ಧ್ರುವತಾಳ
ಅನಿಲತನುಜರಿಂದ ವನನಿಧಿಯಮ್ಯಾಲೆ |
ಮುನಿದು ಅಗಸ್ತ್ಯನು ಆಪೋಷಣವೆಕೊಳ[ಲಾ]ಗಿ |
ವನಚರಾದಿಗಳು ನೀರನು ಕಾಣಾದೆ ಬಳಲೆ |
ಅನಿಮಿಷ ಮಿಗಲಾದ ಗಣದವರು ಚಿಂತಿಸೆ |
ಮುನಿಸುತೆ ನದಿಯಾಗಿ ವಿನಯದಿಂದಲಿ ಬಂದು |
ಮುನಿ ಪುಂಗವಗೆ ವಂದನಿಯಾ ಮಾಡಾಲಾಗಿ |
ಘನವಾಗಿ ಅಳಿದು ಲವಣ ಸಾಗರೆನಿಸಾಲು |
ಅನುಮಾನದಲ್ಲಿ ವರುಣದೇವರು ನಿರುತಿದೆ |
ಮುನಿ ಸುರಪಾಲಕ ವಿಜಯವಿಠಲರೇ |
ಯನ ದಯದಿಂದ ಉದ್ಧರಣೆಯಾದ ವನಧಿ ||1||
ಮಟ್ಟತಾಳ
ಕೋಪದಲ್ಲಿ ಇದ್ದು ಲೋಪಮುದ್ರಾಪತಿ |
ಕೂಪಾರಗೆ ಇತ್ತಾ ಶಾಪವ ಪರಿಹರಿಸಿ, ವಿ |
ಶಾಪವನೆ ಕೊಟ್ಟು ಅಪಾರ ದಯದಿಂದ |
ಆ ಪಾವಕಜರಿಗೆ ತಾಪಸಿಗನು ಮುನಿದು |
ಶಾಪವನೀಯೆ ಕಪಿರೂಪವನು ಧರಿಸಿ |
ಶ್ರೀಪತಿ ವಿಜಯವಿಠಲರೇಯನ ಸೇವೆ |
ಆಪಾರವಾಗಿ ಲೋಪವಾಗದೆ ರಚಿಸೆ |2||
ರೂಪಕತಾಳ
ಒಂದು ದಿನ ವೈಕುಂಠ ಮಂದಿರಕೆ ಸನಕಸ |
ನಂದನರೂ ವೇಗ ಬಂದು ಬಾಗಿಲ ಮುಂದೆ |
ನಿಂದಿರಲಾಗಿ ಬ್ಯಾಡೆಂದು ಜಯ ವಿಜಯರು |
ಅಂದು ಪೇಳಲಾ[ಸ]ನಂದನರೂ ಶಾಪಾ |
ತಂದು ಇತ್ತರು ಕೋಪದಿಂದ ಖಳರಾಗನೆ |
ಒಂದು ಜನ್ಮವ ತೆತ್ತು ಹಿಂದಾದ ತುರುವಾಯ |
ಸಿಂಧು ನಡುವೆ ದಶಕಂಧರನೆಂದೆನಿಸೀ |
ಇಂದ್ರದ್ಯರನೆಲ್ಲಾ ಮುಂದುಗೆಡಿಸಿ ಶೋಕದಿಂದವರ ಬಳಲೀಸಿ |
ಮಂದರಧರ ಸಿರಿ ವಿಜಯವಿಠಲನಿಗೆ |
ಬಂದು ಬಿನ್ನೈಸಿದರಿಂದ್ರಾದಿಗಳಾಗ ||3||
ಝಂಪೆತಾಳ
ಮನುಜವೇಷಧರಿಸಿ ಜನಪತಿ ದಶರಥಗೆ |
ತನುಜನಾಗಿ ಜನಿಸಿ ಮುನಿಯು ಕಾಯ್ದೂ ಶಿವನ |
ಧನುವನು ಮುರಿದು ಜನಕಜಿಯಕೂಡ ಮೆರೆದೂ |
ಅನುಜನೊಡನೆ ಚರಿಸಿ ಅನಿಲಜನ ನೋಡಿ |
ಇನಸುತನ ಕಾಯ್ದು ವನಧಿಯ ಬಂಧಿಸೀ ವಿಭೀ |
ಷಣನ ಮನ್ನಿಸಿದ ರಾವಣನ ಕೊಂದೂ |
ದಿನ ಕುಲೋತ್ತುಮ ರಾಮ ವಿಜಯವಿಠಲ ತನ್ನ |
ವನಿತೆ ಸಹಿತಲಿ ಮೆರೆದ ಅನಿಮಿಷರು ಸುಖಿಸೆ ||4||
ತ್ರಿವಿಡಿತಾಳ
ಹಿಂದೆ ಬೊಮ್ಮನ ಸಿರ ಇಂದು ಶೇಖರನಿಗೆ |
ಬಂದು ಬಿಡದಿರಲು ಬಂದು ವ್ಯಾಕುಲದಿಂದ |
ಇಂದಿರಾಪತಿ ರಾಮಾಚಂದ್ರನ್ನ ಪಾದಾರ |
ವಿಂದ ತುತಿಸಿ ದೇವ ಅಂದು ಒಲಿದು ಇತ್ತ |
ಅಂದ ಭಾಷಿಗೆ ಹರಿಗೋವಿಂದ ಜನಸಿ, ದಶ |
ಕಂಧರಾದಿಯಾ ಕೊಂದು ಸಿಂಧು ತಡೆಯಲ್ಲಿ |
ಅಂಧಕ ರಿಪುವಿನ ಕಂದನಂತೆ ಮನ್ನಿಸಿ |
ದಂದದಲ್ಲಿ ರಾಮಚಂದ್ರ ಈಶನ ಸ್ಥಾಪಿಸಿ |
ಬಂದ ಬೊಮ್ಮ ಹತ್ಯಕ್ಕೆ ಒಂದು ಪಥವ ತೋರಿ |
ಸಿಂಧುವಿನಲಿ ಸೇತೂ ಬಂಧನದಲಿ ಶಿವ |
ನಿಂದರೆ ದೋಷವು ಹಿಂದಾಗುವದೆಂದು |
ಗಂಧ ಮಾದನಾದ್ರಿವಾಸ ವಿಜಯವಿಠಲ |
ಮಂದಗತಿಗಳಿಗೆ ಪರನೆಂದು ಶಿವತೋರಿದಾ ||5||
ಅಟ್ಟತಾಳ
ರಾಮನೆ ಬಂದು ಸಂಚರಿಸಿದ ಕಾರಣ |
ರಾಮೇಶ್ವರವೆಂಬೊ ನಾಮದಿಂದೀ ಕ್ಷೇತ್ರ |
ಭೂಮಿಯೊಳಗೆ ಪ್ರಕಾಶಿತವಾಯಿತು |
ಈ ಮಹೋದಧಿ ಸದಾ ಪವಿತ್ರವೆನಿಸಿತು |
ಆ ಮಹ ಚತುರ ವಿಂಶತಿ ತೀರ್ಥಂಗಳೂ |
ಕಾಮಿತಾರ್ಥವನಿತ್ತು ಸಲಹುತಲಿಪ್ಪವು |
ರಾಮನೆ ವಿಜಯವಿಠಲ ಪರದೈವ, ನಿ |
ಸ್ಸೀಮ ಕೋದಂಡ ದೀಕ್ಷಾಗುರು ಗುಣನಿಧಿ ||6||
ಆದಿತಾಳ
ಕೋತಿಗಳಿಂದಲಿ ರಘುನಾಥ ಗಿರಿಗಳ ತರಿಸಿ |
ಸೇತು ಲಂಕೆಗೆ ಬಿಗಿಸಿ ಖ್ಯಾತನಾದಾ ಜಗದೊಳಗೆ |
ಪೂತೂರೆ ಈತನ ಮಹಿಮೆ |
ಭೂತನಾಥ ಕಾಣಲರಿಯ ದ್ವೈತಮತದವರಿಗೆ |
ಪ್ರೀತಿಯಹುದು ಮಾಯಿಗೇನೊ |
ಸೇತು ಮಾಧವರಾಮಾ ವಿಜಯವಿಠಲರೇಯಾ |
ಸೇತುಯಾತ್ರೆ ಮಾಡಿದವರಾವಾತನಿಂದ ಪಾಲಿಸುವಾ ||7||
ಜತೆ
ಏನು ಸೋಜಿಗವೊ ಸೇತು ಮಹಾತ್ಮೆಯನ್ನು |
ದ್ಯುನಾಥ ಎಣಿಸುವ ವಿಜಯವಿಠಲನಿಂದ ||8||

dhruvatALa
anilatanujariMda vananidhiyamyAle |
munidu agastyanu ApOShaNavekoLa[lA]gi |
vanacarAdigaLu nIranu kANAde baLale |
animiSha migalAda gaNadavaru ciMtise |
munisute nadiyAgi vinayadiMdali baMdu |
muni puMgavage vaMdaniyA mADAlAgi |
GanavAgi aLidu lavaNa sAgarenisAlu |
anumAnadalli varuNadEvaru nirutide |
muni surapAlaka vijayaviThalarE |
yana dayadiMda uddharaNeyAda vanadhi ||1||
maTTatALa
kOpadalli iddu lOpamudrApati |
kUpArage ittA SApava pariharisi, vi |
SApavane koTTu apAra dayadiMda |
A pAvakajarige tApasiganu munidu |
SApavanIye kapirUpavanu dharisi |
SrIpati vijayaviThalarEyana sEve |
ApAravAgi lOpavAgade racise |2||
rUpakatALa
oMdu dina vaikuMTha maMdirake sanakasa |
naMdanarU vEga baMdu bAgila muMde |
niMdiralAgi byADeMdu jaya vijayaru |
aMdu pELalA[sa]naMdanarU SApA |
taMdu ittaru kOpadiMda KaLarAgane |
oMdu janmava tettu hiMdAda turuvAya |
siMdhu naDuve daSakaMdharaneMdenisI |
iMdradyaranellA muMdugeDisi SOkadiMdavara baLalIsi |
maMdaradhara siri vijayaviThalanige |
baMdu binnaisidariMdrAdigaLAga ||3||
JaMpetALa
manujavEShadharisi janapati daSarathage |
tanujanAgi janisi muniyu kAydU Sivana |
dhanuvanu muridu janakajiyakUDa meredU |
anujanoDane carisi anilajana nODi |
inasutana kAydu vanadhiya baMdhisI viBI |
ShaNana mannisida rAvaNana koMdU |
dina kulOttuma rAma vijayaviThala tanna |
vanite sahitali mereda animiSharu suKise ||4||
triviDitALa
hiMde bommana sira iMdu SEKaranige |
baMdu biDadiralu baMdu vyAkuladiMda |
iMdirApati rAmAcaMdranna pAdAra |
viMda tutisi dEva aMdu olidu itta |
aMda BAShige harigOviMda janasi, daSa |
kaMdharAdiyA koMdu siMdhu taDeyalli |
aMdhaka ripuvina kaMdanaMte mannisi |
daMdadalli rAmacaMdra ISana sthApisi |
baMda bomma hatyakke oMdu pathava tOri |
siMdhuvinali sEtU baMdhanadali Siva |
niMdare dOShavu hiMdAguvadeMdu |
gaMdha mAdanAdrivAsa vijayaviThala |
maMdagatigaLige paraneMdu SivatOridA ||5||
aTTatALa
rAmane baMdu saMcarisida kAraNa |
rAmESvaraveMbo nAmadiMdI kShEtra |
BUmiyoLage prakASitavAyitu |
I mahOdadhi sadA pavitravenisitu |
A maha catura viMSati tIrthaMgaLU |
kAmitArthavanittu salahutalippavu |
rAmane vijayaviThala paradaiva, ni |
ssIma kOdaMDa dIkShAguru guNanidhi ||6||
AditALa
kOtigaLiMdali raGunAtha girigaLa tarisi |
sEtu laMkege bigisi KyAtanAdA jagadoLage |
pUtUre Itana mahime |
BUtanAtha kANalariya dvaitamatadavarige |
prItiyahudu mAyigEno |
sEtu mAdhavarAmA vijayaviThalarEyA |
sEtuyAtre mADidavarAvAtaniMda pAlisuvA ||7||
jate
Enu sOjigavo sEtu mahAtmeyannu |
dyunAtha eNisuva vijayaviThalaniMda ||8||

ರಾಗ – ಕೇದಾರಗೌಳ
ಧ್ರುವತಾಳ
ಅನಂತಾನಂತಶಯನಾ ಅಂಬುಜದಳ ನಯನ |
ಉನ್ನಂತ ಗುಣನಿಲಯಾ ಪನ್ನಗ [ಶಾಯಿ] |
ಘನ್ನ ಕಾರುಣ್ಯಮೂರ್ತಿ ಸತತ ಮಂಗಳ ಕೀರ್ತಿ |
ಚನ್ನ ಪ್ರಸನ್ನರನ್ನ ಶಿರಿ ಸಂಪನ್ನ |
ಚಿನ್ನಾಂಬರ ಚಿನ್ನರೂಪ ಚಿನ್ಮಯ ಕಾಯ |
ಭಿನ್ನ ಜೀವರಪರಿಭಿನ್ನ ವ್ಯಾಪ್ತಾ |
ಪನ್ನಗನಾಗಾತಲ್ಪಾ ನಾಗಭಯ ವಿನಾಶ |
[ಚೆ]ನ್ನಾ ಚೋರಾ ಚತುರಾ ಚತುರ್ಮೊಗನ್ನಯ್ಯಾ |
ಅಣೋರಣೀ ಅಜರಾ ಅನಾದಿದೇವ ಪಾ |
ವನ್ನಾ ಜೀವನ್ನಾ ದುಷ್ಟ ಜನ ಮರ್ದನಾ |
ಬಣ್ಣಾ ಬಣ್ಣಾದ ಘನ್ನವರ್ನಾ ಸುಪರ್ನ ವಾ |
ಹನ್ನಾ ಭವಾರಣ್ಯಾ ದಾಹನ್ನ ನಿತ್ಯಾ |
ಜೊನ್ನ ಪ್ರಕಾಶ ದಿಕ್ಕರಿಸುವ ತೇಜಾ ಪ್ರ |
ಸನ್ನಾ ಕೇಶವ ಭಂಜನ್ನಾ ಸುನಿರಂಜನ್ನಾ |
ಎನ್ನಂತರಂಗದೊಳಗಿಪ್ಪ ವಿಜಯವಿಠಲಾ |
ಅನಂತಗಿರಿವಾಸಾ ನರಕೇಸರಿವೇಷಾ||1||
ಮಟ್ಟತಾಳ
ಕಲ್ಪಾಯು ಪಡೆದ ಮುನಿ ಮಾರ್ಕಂಡೇಯಾ |
ಸರ್ಪಗಿರಿಯಲ್ಲಿ ಶ್ರೀನಿವಾಸನ ನೋಡಿ |
ತಪ್ಪದೆ ದೇವನ್ನ ವರವ ಸಂಪಾದಿಸೆ |
ಒಪ್ಪದಿಂದಲಿ ಈ ಗಿರಿಯಾ ಕಡೆ ಭಾಗಾ |
ತಪ್ಪಾಲಲ್ಲೀ ಪೋಗಿ ತಪವನುಮಾಡೆಂದು |
ಅಪ್ಪಣೆ ಕೊಡಲಾಗಿ ಶುದ್ಧನ ಒಡಗೂಡಿ |
ಸುಪ್ರೀತಿಯಿಂದ ಭುವನವ ಸಂಚರಿಸೀ |
ಅಪ್ರತಿಯಾಗಿದ್ದ ಸ್ಥಳವನೆ ನೀಕ್ಷಿಸುತ |
ಮುಪ್ಪುರದೊಳಗಿದಕೆ ಎದರುಗಾ[ಣೆ]ನೆಂದು |
ಅಲ್ಪಮನಸುಮಾಡದೆ ವಾಸವಾದನು ಇಲ್ಲಿ |
ಮುಪ್ಪು ಇಲ್ಲದ ದೇವ ವಿಜಯವಿಠಲನ್ನಾ |
ವರ್ಪಗಳು ಗುಣಿಸಿ ಧ್ಯಾನವ ಐದಿದನೂ ||2||
ತ್ರಿವಿಡಿತಾಳ
ಪದಿನಾಲ್ಕು ಸಾವಿರ ವರುಷ ಭಕುತಿಯಿಂದ |
ಒದಗಿ ತಪವಮಾಡಿ ಆಹಾರ ತೊರದೂ |
ಮುದದಿಂದ ಬಂದು ನೇಮವಮಾಡಿಕೊಂಡಿಪ್ಪ |
ಸದಮಲವಾದ ಅಹೋಬಲರಾಯನ |
ಪದದರುಶನ ಮತ್ತೆ ಭವನಾಶಿ ಮಜ್ಜನ |
ಬುಧನು ಬಿಡದೆ ಬಂದು ಗುಹಾದಿಂದ |
ಉದಯಕಾಲಕೆ ಪೋಗಿ ಬಲಗೊಂಡು ಬರುವಾ ಪ್ರಾಂ |
ತ್ಯದಲಿ ಒಂದಾಯಿತು ಕೇಳಿ ಜನರೂ |
ಅದು ಭೂತಾದಿವಸ್ತ ಪ್ರಾಪ್ತವಾಯಿತು |
ಮೊದಲು ಚಾತುರ್ಮಾಸ್ಯ ಏಕಾದಸೀ |
ಅದರ ತರುವಾಯ ಕಳಮಾತ್ರಸಾಧನ |
ಪದವಿಗೆ ಕೇವಲಾ ಶುಚಿಮಾರ್ಗವೋ |
ಇದು ಉಲ್ಲಂಘಿಸಿದರೆ ಪಾಪ ಅಲ್ಲಿಗೆ ಪೋಗಾದೊ |
ಇದ್ದಾರೆ ಎನ್ನಾ ನೇಮ ಭಂಗ |
ಹದುಳ ತೋರದೇ ಮೌನಿ ಉಭಯಸಂಕಟದಿಂದ |
ಪದುಮನಾಭನ ಚರಣನೆನೆಸಿ ಗುಣಿಸೆ |
ಅದೆ ಅದೆ ಸಮಯದಲಿ ದೇವ ನುಡಿದ ತಾನೆ |
ಉದಯವಾಗದ ಮುನ್ನೆ ಅರುಣನ ಗತಿಗೆ |
ನದಿ ಭವನಾಶಿಯಾ ಕರಕೊಂಡು ಪಾರಿಜಾ |
ತದ ವೃಕ್ಷ ಸಮೇತಾ ಬರುವೆನೆಂದೂ |
ಹೃದಯದೊಳಗೆ ತಿಳಿಸಿ ಪೇಳಿದಂತೆ ಬಂದು |
ಉದಭವನಾದನು ಅಹೋಬಲರಾಯಾ |
ಗದಗದನೆ ನಡುಗುತ್ತಾ ಅಂಜಳಿ ಪುಟದಿಂದ |
ತೊದಲು ವಾಕ್ಯಗಳಿಂದ ಹರಿಯ ಸ್ತುತಿಸಿ |
ತ್ರಿದಶಾದಿ ವಂದ್ಯ ನಾರಸಿಂಹನೆ ಪರಮಾ ಸು |
ಹೃದಯನೆ ಅನಂತನಾಮಕ ದೇವನೆ |
ಮದಡಮತಿಗೆ ಒಲಿದು ಉದ್ಧರಿಸಿದೆ ಎಂದು |
ಹದನವರಿತು ಪುಣ್ಯಗಳಿಸಿಕೊಂಡ |
ಮಧುವೈರಿ ವಿಜಯವಿಠಲ ಇಲ್ಲಿಪೊಳೆಯಲು |
ವಿಧಿ ಶಿವಾದ್ಯರು ಬಂದು ವಾಲಗ ಮಾಡಿದರು ||3||
ಅಟ್ಟತಾಳ
ಅನುಗ್ರಹ ಮಾಡಿದೆ ಅನಿಮಿತ್ತ ಬಂಧುವೆ |
ಎನಗೊಂದು ವರವ ಪಾಲಿಸುವದು ನೀನಿಲ್ಲಿ |
ಅನುಗಾಲಾ ವಾಸವಾಗಿರಬೇಕು ತೊಲಗಾದೆ |
ವನದಿ ಸಂಭವೆ ಬೊಮ್ಮ ಶಂಭುಸುರರು ಮಿಕ್ಕ |
ಮುನಿ ಮನುಗಳು ತೀರ್ಥಾಭಿಮಾನಿಗಳಾ |
ಜನರೆಲ್ಲಾ ಸನ್ನಿಧಿಯಾಗಿ ಇರಬೇಕು |
ಮನುಜನಾವನು ಇಲ್ಲಿಗೆ ಬಂದರವನಿಗೆ |
ಘನ ಪಾಪಾ ಓಡಿಸಿ ಪುಣ್ಯವೆ ತಂದಿತ್ತು |
ಜನುಮಾಜನುಮಾದಲ್ಲಿ e್ಞÁನವೆ ಕೊಟ್ಟು ನಿ |
ನಿನ್ನನೆ ಧೇನಿಸುವಂತೆ ಕೃಪೆಮಾಡು ಎನಲಾಗಿ |
ಮುನಿಗೆ ಒಲಿದು ವರವನು ಇತ್ತನು ಇತ್ತಾ |
ಕನಕಮಯವಾದಾಗಿರಿ ಇದೆ ಇದೆ ಇದೆ |
ವನಧಿ ಬಂಧನ ಕುರು ಜಾಂಗುಲಿ ವಿಶಾಲಾ |
ಮಣಿಕರ್ಣಿಕೆ ಕಾಶಿ ಶ್ರೀರಂಗಕ್ಷೇತ್ರ |
ಮಣಿಯಾಗಿಪ್ಪಾದೆಂದು ಅತಿಶಯವಾದಾ ಮಾ |
ತನು ಕೊಟ್ಟಾ ಪರಮಾತ್ಮ |
ದಿನ ಒಂದು ನೂರೈದು ಏಳೆಂಟು ಒಂಭತ್ತು |
ಇನಿತರ ಮೇಲೆ ವೆಗ್ಗಳವಾಗಿ ಇದ್ದರು |
ಅನಿಮಿಷ ಗಂಗಾತೀರದಲ್ಲಿ ಶತವಸ್ತ್ರ |
ರನುಸರಿಸಿ ಇದ್ದ ಫಲಕೆ ಮಿಗಲಯ್ಯಾ |
ಎಣಿಕೆ ಮಾಡುವರ್ಯಾರು ಈ ಕ್ಷೇತ್ರದ ಯಾತ್ರಿ |
ಜನುಮದೊಳಗೆ ಒಮ್ಮೆ ಸಾರಿದಾನಂತ |
ಜನನಕೆ ಯಾತ್ರಿ ಮಾಡಿದಂಥ ಫಲವಕ್ಕು |
ಕನಸೀಲಿ ಮನಸೀಲಿ ಚಿಂತಿಸೆ |
ಧನವಂತನಾಗುವಾ ಇಹ ಪರದಲ್ಲಿ ಸೌಖ್ಯ |
ಹನುಮಾ ವಂದಿತ ನಮ್ಮ ವಿಜಯವಿಠಲರೇಯಾ |
ಸನತ್ಕುಮಾರ ನಾರದರಿಗೆ ಒಲಿದ ಕಾಣೋ||4||
ಆದಿತಾಳ
ಎಸೆವಾ ತೀರ್ಥಂಗಳುಂಟು ಶೇಷ ಮಾರ್ಕಂಡ ಬ್ರಹ್ಮಾ |
ಬಿಸರುಹನಾಭಾ ಲಕುಮಿ ಹನುಮಾ ರುದ್ರ ರುದ್ರಾಣಿ |
ಋಷಿ ಗೌತುಮಾ ವಿಭಾಂಡಾ ಸ್ಕಾಂದ ಅಂತರಗಂಗೆ |
ಬೆಸಸುವೆ ಭೈರವ ಪಾಪವಿನಾಶನ |
ವಸುಧಿಯೊಳಗಿದ್ದ ಎಲ್ಲಾ ತೀರ್ಥಗಳಕ್ಕು |
(ಬೆಸನೆ) ಲೋಕದ ಜನರು ಬಂದು ವಿಧಾನ ತಿಳಿದು |
ಕುಶಲ ಮತಿಯಿಂದ ಸತ್ಕರ್ಮಾಚರಿಸಲು |
ವಶವಾಗಿಪ್ಪಾರು ಸರ್ವದೇವತೆಗಳು |
ವಿಷಯಗಳಲಿ ಬಿದ್ದು ಕೆಟ್ಟುಪೋಗದೆರ |
ಕ್ಕಸಯೋಗ ಮಾಡದಿರಿ ಗತಿಗೆ ಮಾರ್ಗವಾಗದು |
ಅಸುರ ವಿರೋಧಿ ನಮ್ಮ ವಿಜಯವಿಠಲರೇಯಾ |
ನಸುನಗುತ ಗಂಡಿಕಿ ಶಿತಿಯೊಳಗಿರುತಿಪ್ಪ ||5||
ಜತೆ
ಪರಮಾಯು ಸಿದ್ಧಿಪದು ಮಾರ್ಕಂಡ್ಯಕ್ಷೇತ್ರಾ |
ನರಸಿಂಹಾನಂತಾ ವಿಜಯವಿಠಲ ವಾಸಾ ||6||

rAga – kEdAragauLa
dhruvatALa
anaMtAnaMtaSayanA aMbujadaLa nayana |
unnaMta guNanilayA pannaga [SAyi] |
Ganna kAruNyamUrti satata maMgaLa kIrti |
canna prasannaranna Siri saMpanna |
cinnAMbara cinnarUpa cinmaya kAya |
Binna jIvarapariBinna vyAptA |
pannaganAgAtalpA nAgaBaya vinASa |
[ce]nnA cOrA caturA caturmogannayyA |
aNOraNI ajarA anAdidEva pA |
vannA jIvannA duShTa jana mardanA |
baNNA baNNAda GannavarnA suparna vA |
hannA BavAraNyA dAhanna nityA |
jonna prakASa dikkarisuva tEjA pra |
sannA kESava BaMjannA suniraMjannA |
ennaMtaraMgadoLagippa vijayaviThalA |
anaMtagirivAsA narakEsarivEShA||1||
maTTatALa
kalpAyu paDeda muni mArkaMDEyA |
sarpagiriyalli SrInivAsana nODi |
tappade dEvanna varava saMpAdise |
oppadiMdali I giriyA kaDe BAgA |
tappAlallI pOgi tapavanumADeMdu |
appaNe koDalAgi Suddhana oDagUDi |
suprItiyiMda Buvanava saMcarisI |
apratiyAgidda sthaLavane nIkShisuta |
muppuradoLagidake edarugA[Ne]neMdu |
alpamanasumADade vAsavAdanu illi |
muppu illada dEva vijayaviThalannA |
varpagaLu guNisi dhyAnava aididanU ||2||
triviDitALa
padinAlku sAvira varuSha BakutiyiMda |
odagi tapavamADi AhAra toradU |
mudadiMda baMdu nEmavamADikoMDippa |
sadamalavAda ahObalarAyana |
padadaruSana matte BavanASi majjana |
budhanu biDade baMdu guhAdiMda |
udayakAlake pOgi balagoMDu baruvA prAM |
tyadali oMdAyitu kELi janarU |
adu BUtAdivasta prAptavAyitu |
modalu cAturmAsya EkAdasI |
adara taruvAya kaLamAtrasAdhana |
padavige kEvalA SucimArgavO |
idu ullaMGisidare pApa allige pOgAdo |
iddAre ennA nEma BaMga |
haduLa tOradE mauni uBayasaMkaTadiMda |
padumanABana caraNanenesi guNise |
ade ade samayadali dEva nuDida tAne |
udayavAgada munne aruNana gatige |
nadi BavanASiyA karakoMDu pArijA |
tada vRukSha samEtA baruveneMdU |
hRudayadoLage tiLisi pELidaMte baMdu |
udaBavanAdanu ahObalarAyA |
gadagadane naDuguttA aMjaLi puTadiMda |
todalu vAkyagaLiMda hariya stutisi |
tridaSAdi vaMdya nArasiMhane paramA su |
hRudayane anaMtanAmaka dEvane |
madaDamatige olidu uddhariside eMdu |
hadanavaritu puNyagaLisikoMDa |
madhuvairi vijayaviThala illipoLeyalu |
vidhi SivAdyaru baMdu vAlaga mADidaru ||3||
aTTatALa
anugraha mADide animitta baMdhuve |
enagoMdu varava pAlisuvadu nInilli |
anugAlA vAsavAgirabEku tolagAde |
vanadi saMBave bomma SaMBusuraru mikka |
muni manugaLu tIrthABimAnigaLA |
janarellA sannidhiyAgi irabEku |
manujanAvanu illige baMdaravanige |
Gana pApA ODisi puNyave taMdittu |
janumAjanumAdalli e#0CCD;~jaÁnave koTTu ni |
ninnane dhEnisuvaMte kRupemADu enalAgi |
munige olidu varavanu ittanu ittA |
kanakamayavAdAgiri ide ide ide |
vanadhi baMdhana kuru jAMguli viSAlA |
maNikarNike kASi SrIraMgakShEtra |
maNiyAgippAdeMdu atiSayavAdA mA |
tanu koTTA paramAtma |
dina oMdu nUraidu ELeMTu oMBattu |
initara mEle veggaLavAgi iddaru |
animiSha gaMgAtIradalli Satavastra |
ranusarisi idda Palake migalayyA |
eNike mADuvaryAru I kShEtrada yAtri |
janumadoLage omme sAridAnaMta |
jananake yAtri mADidaMtha Palavakku |
kanasIli manasIli ciMtise |
dhanavaMtanAguvA iha paradalli sauKya |
hanumA vaMdita namma vijayaviThalarEyA |
sanatkumAra nAradarige olida kANO||4||
AditALa
esevA tIrthaMgaLuMTu SESha mArkaMDa brahmA |
bisaruhanABA lakumi hanumA rudra rudrANi |
RuShi gautumA viBAMDA skAMda aMtaragaMge |
besasuve Bairava pApavinASana |
vasudhiyoLagidda ellA tIrthagaLakku |
(besane) lOkada janaru baMdu vidhAna tiLidu |
kuSala matiyiMda satkarmAcarisalu |
vaSavAgippAru sarvadEvategaLu |
viShayagaLali biddu keTTupOgadera |
kkasayOga mADadiri gatige mArgavAgadu |
asura virOdhi namma vijayaviThalarEyA |
nasunaguta gaMDiki SitiyoLagirutippa ||5||
jate
paramAyu siddhipadu mArkaMDyakShEtrA |
narasiMhAnaMtA vijayaviThala vAsA ||6||

ರಾಗ:ಶಹನಾ
ಧ್ರುವತಾಳ
ಅಣುಮೂರುತಿ ಪರಮಾಣು ಮೂರುತಿ ಇದೆ |
ಘನ ಮೂರುತಿ ಮಹಘನವಾದ ಮೂರುತಿ |
ತೃಣ ಕಾಷ್ಠ ಮೊದಲಾದ ಪರಿಪೂರ್ಣ ಮೂರುತಿ |
ಗುಣತ್ರಯಾತ್ಮಕವಾದ ಗುಣವಂತ ಮೂರುತಿ |
ಮನುಜೋತ್ರಮರವಿಡಿದ ವನಜಭವಾದ್ಯರ |
ಮನಕೆ ಪೊಳೆವ ಮೂರುತಿ ಚಿನುಮಯ ಮೂರುತಿ |
ದನುಜಕುಲಕೆ [ತ]ಲ್ಲಣವಾದ ಮೂರುತಿ |
ರಣದೊಳಗರ್ಜುನನ್ನ ತನು ಉಳುಹಿದಾ ಮೂರ್ತಿ |
ಕ್ಷಣವಗಲದೆ ಜೀವನ ಕೂಡಲಪ್ಪದಿದೆ |
ಅನಿರುದ್ಧ ಮೂರುತಿ ಅಚ್ಯುತ ಮೂರುತಿ |
ಜನನಿ ಗೋಪಿಯ ಮುಂದೆ ಮೊಸರು ಕ[ಟೆ]ವಾಗ |
ಕುಣಿದ ಮೂರುತಿ ಅಪ್ರಮೇಯ ಮೂರುತಿ ಇದೆ |
ಪ್ರಣವ ಮೂರುತಿ ಮಧ್ವಮುನಿಗೊಲಿದ ಉಡು |
ಪಿನ ವಾಸ ಶಿರಿಕೃಷ್ಣ |
ಎನ್ನ ಮೂರುತಿ ವಿಜಯವಿಠಲನಿರುತಿಪ್ಪ ||1||
ಮಟ್ಟತಾಳ
ದ್ವಾರವತಿ ಎತ್ತ ಪಡುವಲ ದಿಕ್ಕಿನ |
ವಾರಿನಿಧಿ ಎತ್ತ ಗೋಪಿಚಂದನವೆತ್ತ |
ಮಾರಾಟದ ಹಡಗ ಪೋಗಿ ಬರುವದೆತ್ತ |
ಭಾರತಿ ಪತಿಯಾದ ಮಧ್ವಮುನಿ ಎತ್ತ |
ಈ ರೀತಿ ಸಂಗತಿಯಾ ಆವಲ್ಲಿ ಕಲ್ಪಿಸೀ |
ತೋರಿದಿಯೋ ದೇವ ಆರು ಬ |
ಲ್ಲರು ನಿನ್ನ ಮಹಾವಿಚಿತ್ರವು |
ಸಾರಲಾ[ಪೆನೆ] ನಿತ್ಯ ಉಡುಪಿನ ಶಿರಿಕೃಷ್ಣ |
ಜಾರ ಚೋರ ನಮ್ಮ ವಿಜಯವಿಠಲರೇಯಾ ||2||
ತ್ರಿವಿಡಿತಾಳ
ಅಂದು ದೇವಕಿದೇವಿ ದ್ವಾರಕಾ ಪುರದಲ್ಲಿ |
ಒಂದು ದಿವಸ ನಿನ್ನ ಮಾಯಾ ಮುಸುಗೇ |
ಕಂದ ನೀನಾಗಿ ಗೋಕುಲದಲ್ಲಿ ಗೋಪಿಯಾ |
ಮುಂದೆ ಬಾಲಕನಾಗಿ ತೋರಿದಾಟಾ |
ಒಂದಾದರು ನೋಡಿ ದಣಿಯಲಿಲ್ಲವು ಮನಸು |
ಎಂದೆನೆ ಜನನಿಯಾ ಮಾತುಕೇಳಿ |
ನಂದನನಾಗಿ ತೋರುವೆನೆಂದು ನೆನೆದು ಗೋ |
ವಿಂದನು ಗೋಪಳ್ಳಿಯಲಿ ನಲಿದದ್ದು |
ಒಂದೊಂದು ತೋರುತ್ತ ಬರಲಾದಾರೊಳಗಿದೆ |
ಚಂದವಾದಾರೂ ಪಾ ಮನಕೆ ಪೊಳಿಯೇ |
ನಿಂದಿರ ಪೇಳಿ ಮಗನಾ ಮುದ್ದಾಡಿ ನೋಡಿ |
ತಂದೆ ಈ ರೂಪದಲಿ ಭೂಮಿಯೊಳಗೆ |
ಕುಂದಾದರ್ಚನೆಗೊಂಡು ಕೀರ್ತಿಮೆರೆವದೆಂದು |
ಮಂದಹಾಸದಲ್ಲಿ ಪೇಳಲು ಕೈಕೊಂಡೂ |
ಒಂದು ಕೈಯಲಿ ಕಡಗೋಲು ಪಿಡಿದು ಮ |
ತ್ತೊಂದು ಕೈಲಿ ನೇಣು ಧರಿಸಿ ಬಾಲಾ |
ನಂದಾದಿ ಇರಲಿತ್ತ ಭೈಷ್ಮಿ ವಿಶ್ವಕರ್ಮಾ |
ನಿಂದ ಅದರಂತೆ ರಚಿಸಾ ಪೇಳಿ |
ನಂದಾದಿಂದತಿ ತನ್ನ ಮೂಗುತಿಯನು ಇಟ್ಟು |
ಸುಂದರ ವಿಗ್ರಹ ದೊಡನಾಡುತ |
ಇಂದಿರೆ ಇರ ಇತ್ತ ಕಲಿಯುಗಬರೆ ಗೋಪಿ |
ಚಂದನದೊಳು ನಿನ್ನ ಅಡಗಿಸಲೂ |
ಸಿಂಧುವಿನೊಳಗೊಬ್ಬ ಹಡಗದ ವಶಕೆ |
ತಂದಿರೆ ತವಕದಿಂದಲಿ ಅಲ್ಲಿಂದ |
ನಂದಾತೀರ್ಥರಿಗೊಲಿದ ಉಡುಪಿನ ಶಿರಿಕೃಷ್ಣ |
ಕಂದರ್ಪಪಿತ ನಮ್ಮ ವಿಜಯವಿಠಲರೇಯಾ||3||
ಅಟ್ಟತಾಳ
ಈ ಉಡುಪಿನ ಯಾತ್ರಿ ಶ್ರೀ ವೈಕುಂಠದ ಯಾತ್ರಿ |
ಆವಾವಮನುಜನು ಸೇವಿಸಾಲು ಮರಿ |
ತವನ ದಾವನ, ಪಾವನ ಮಾಡುವ |
ಯಾವತ್ತು ಜನುವದ ನೋವುಕಳದು ತನ್ನ |
ಸೇವಿಯೊಳಿಟ್ಟು ಅಪವರ್ಗಕೊಡುವಾನು |
ದೇವಕಿ ನಂದನ ಕೃಷ್ಣ ಮೂರುತಿ ಕರು |
ಣಾವರಧಿ ನಮ್ಮ ವಿಜಯವಿಠಲರೇಯ |
ಜೀವೋತ್ತಮಾ ಮಧ್ವಮುನಿದೈವವೇ ||4||
ಆದಿತಾಳ
ಇದೆ ಜನುಮ ಸಾರ್ಥಕಾ | ಇದೆ ಸರ್ವಕಾಯಸಿದ್ಧ |
ಇದೆ ಕುಲಕೋಟಿ ಉದ್ಧಾರ | ಇದಕ್ಕಿಂತಧಿಕವಿಲ್ಲ |
ಇದಕೆ ಸಮಾನವಿಲ್ಲ | ಇದೆ ಮುಖ್ಯಯಾತ್ರಿ ಎನ್ನಿ |
ಇದೆ ಇದೆ ಇದೆ ಸಿದ್ಧ | ಯದು ಕುಲೇಶನ ದಿವ್ಯ |
ಪದಗಳ ಒಮ್ಮೆ ನೋಡೆ | ಪದವಿಗೆ ಸೋಪಾನ |
ಮುದದಿಂದ ಸ್ಥಿರವಹದು | ಸದಮಲಾ |
ನಂದ ಮುನಿಗೊಲಿದ ಮುದ್ದು ಕೃಷ್ಣನು |
ಹೃದಯರ ಮನೋವಾಸ | ವಿಜಯವಿಠಲ ಪಡುವಲ |
ಉದಧಿ ತೀರದಲಿಪ್ಪ | ಇದೆ ದ್ವಾರಕಿ ಎಂದು ||5||
ಜತೆ
ಮಧ್ವಸರೋವರ ಸ್ನಾನ | ಮುದ್ದುಕೃಷ್ಣನ ಧ್ಯಾನ |
ಶುದ್ಧನಾಗಿ ಮಾಡೆ ವಿಜಯವಿಠಲಕಾವಾ ||6||

rAga:SahanA
dhruvatALa
aNumUruti paramANu mUruti ide |
Gana mUruti mahaGanavAda mUruti |
tRuNa kAShTha modalAda paripUrNa mUruti |
guNatrayAtmakavAda guNavaMta mUruti |
manujOtramaraviDida vanajaBavAdyara |
manake poLeva mUruti cinumaya mUruti |
danujakulake [ta]llaNavAda mUruti |
raNadoLagarjunanna tanu uLuhidA mUrti |
kShaNavagalade jIvana kUDalappadide |
aniruddha mUruti acyuta mUruti |
janani gOpiya muMde mosaru ka[Te]vAga |
kuNida mUruti apramEya mUruti ide |
praNava mUruti madhvamunigolida uDu |
pina vAsa SirikRuShNa |
enna mUruti vijayaviThalanirutippa ||1||
maTTatALa
dvAravati etta paDuvala dikkina |
vArinidhi etta gOpicaMdanavetta |
mArATada haDaga pOgi baruvadetta |
BArati patiyAda madhvamuni etta |
I rIti saMgatiyA Avalli kalpisI |
tOridiyO dEva Aru ba |
llaru ninna mahAvicitravu |
sAralA[pene] nitya uDupina SirikRuShNa |
jAra cOra namma vijayaviThalarEyA ||2||
triviDitALa
aMdu dEvakidEvi dvArakA puradalli |
oMdu divasa ninna mAyA musugE |
kaMda nInAgi gOkuladalli gOpiyA |
muMde bAlakanAgi tOridATA |
oMdAdaru nODi daNiyalillavu manasu |
eMdene jananiyA mAtukELi |
naMdananAgi tOruveneMdu nenedu gO |
viMdanu gOpaLLiyali nalidaddu |
oMdoMdu tOrutta baralAdAroLagide |
caMdavAdArU pA manake poLiyE |
niMdira pELi maganA muddADi nODi |
taMde I rUpadali BUmiyoLage |
kuMdAdarcanegoMDu kIrtimerevadeMdu |
maMdahAsadalli pELalu kaikoMDU |
oMdu kaiyali kaDagOlu piDidu ma |
ttoMdu kaili nENu dharisi bAlA |
naMdAdi iralitta BaiShmi viSvakarmA |
niMda adaraMte racisA pELi |
naMdAdiMdati tanna mUgutiyanu iTTu |
suMdara vigraha doDanADuta |
iMdire ira itta kaliyugabare gOpi |
caMdanadoLu ninna aDagisalU |
siMdhuvinoLagobba haDagada vaSake |
taMdire tavakadiMdali alliMda |
naMdAtIrtharigolida uDupina SirikRuShNa |
kaMdarpapita namma vijayaviThalarEyA||3||
aTTatALa
I uDupina yAtri SrI vaikuMThada yAtri |
AvAvamanujanu sEvisAlu mari |
tavana dAvana, pAvana mADuva |
yAvattu januvada nOvukaLadu tanna |
sEviyoLiTTu apavargakoDuvAnu |
dEvaki naMdana kRuShNa mUruti karu |
NAvaradhi namma vijayaviThalarEya |
jIvOttamA madhvamunidaivavE ||4||
AditALa
ide januma sArthakA | ide sarvakAyasiddha |
ide kulakOTi uddhAra | idakkiMtadhikavilla |
idake samAnavilla | ide muKyayAtri enni |
ide ide ide siddha | yadu kulESana divya |
padagaLa omme nODe | padavige sOpAna |
mudadiMda sthiravahadu | sadamalA |
naMda munigolida muddu kRuShNanu |
hRudayara manOvAsa | vijayaviThala paDuvala |
udadhi tIradalippa | ide dvAraki eMdu ||5||
jate
madhvasarOvara snAna | muddukRuShNana dhyAna |
SuddhanAgi mADe vijayaviThalakAvA ||6||

ಧ್ರುವತಾಳ
ಅಚ್ಯುತಾನಂತನ ಕಂಡೆ |
ಸಚ್ಚಿದಾನಂದೈಕ ಸರ್ವೋತ್ತಮನ ಕಂಡೆ |
ಅಚ್ಚ ಮಲ್ಲಿಗೆ ವನಮಾಲಾನ ಕಂಡೆ |
ಪಚ್ಚಕಡಗ ವಿಹ್ಯರಾ ಕಂಡೆ |
ನೆಚ್ಚಿದ ಭಕ್ತ ಪೊರೆವದಾತನ ಕಂಡೆ ಅಚ್ಯುತಾನಂತ |
ಅಚ್ಚರಿಯಾ ದೈವಾವೆ ವಿಜಯವಿಠಲರೇಯಾ |
ನಿಚ್ಚಾ ಪಂಡರಪುರಿವಾಸಾ ರಂಗನ ಕಂಡೆ ||1||
ಮಟ್ಟತಾಳ
ವಾಸುದೇವನ ಕಂಡೆ ವಾಮನನಾ ಕಂಡೆ |
ಕ್ಲೇಶನಾಶನ ಕಂಡೆ ಕೇಶವನ ಕಂಡೆ |
ವಾಸವಾನುಜನಾಗಿ ವಾಗೀಶ ಪಿತನ ಕಂಡೆ |
ಶ್ರೀಶ ವಿಜಯವಿಠಲೇಶ ಚಂದ್ರಭಾಗಾ |
ವಾಸ ರಂಗನ ಕಂಡೆ ವರನಾ ಕಂಡೆ ||2||
ತ್ರಿವಿಡಿತಾಳ
ಕುಲಾ[ವಿ] ಶಿರದಲ್ಲಿ ಇಟ್ಟ ಸೊಬಗುಕಂಠ |
ದಲ್ಲಿ ಮೆರೆವ ಎಳೆ ತುಳಸಿಮಾಲೆ ನವ |
ಮಲ್ಲಿಕ ಸುರಗಿ ಜಾಜಿದಂಡೆ, ಉಡಿ |
ಯಲ್ಲಿಗುಲ್ಲಿಯ ಚೀಲಾ ಸಿಗಿಸಿಕೊಂಡಾಗೋವಾ |
ಳೆಲ್ಲಾರು ಒಂದಾಗಿ ತುರುವಿಂಡು ಕಾ[ಯುವ]ತಾ |
ಇಲ್ಲಿಗೆ ಬಂದಾ ಶ್ರೀವಲ್ಲಭಾ ಯುದುಪಾ |
ಚಲ್ಲಾಗಂಗಳ ಚಲುವ ವಿಜಯವಿಠಲ ಸ್ವಾಮಿಯಾ |
ಎಲ್ಲಿಂದ ಬಂದ ಮತ್ತೆಲ್ಲಿಪ್ಪನ ಕಂಡೆ ||3||
ಅಟ್ಟತಾಳ
ಗೋಪಿಯನಂದನ ಗೋಪಿಯರರಸೆ |
ಗೋಪಾಲಾರಾ ಒಡಿಯಾ ಸಾಂದೀಪಿನಿ ಪ್ರೀಯಾ |
ದ್ರೌಪದಿಯಾ ಮಾನವ ಪರಿಪಾಲಕಾ |
ಕೋಪ ಕಾಳಿಂಗನ ತಾಪನಾಶನ ಸಂ |
ತಾಪಹರ ನಮ್ಮ ವಿಜಯವಿಠಲನ್ನ |
ಈ ಪಾಂ[ಡು]ರಂಗಾ ಕ್ಷೇತ್ರದಲ್ಲಿ ಕಂಡೆ ||4||
ಆದಿತಾಳ
ಮನುಜನಾಗಿ ಧನುವನು ಮುರಿದು |
ದನುಜನ ಕಾಲಿಲೆ ಒರೆಸಿದೆ |
ಮನುಜನಾಗಿ ಮಡಿಯನ್ನು ಉಟ್ಟು |
ತನುವಿಗೆ ಗಂಧವ ಪೂಸಿದಾ |
ಮನುಜನಾಗಿ ಹರನ ಸೋಲಿಸಿ |
ತನುಜ ತನುಜನ್ನ ಬಿಡಿಸಿದ |
ಮನುಜನಾಗಿ ಮನುಜ ಧರ್ಮವ |
ಜನರಿಗೆ ಸೋಜಿಗ ತೋರಿದ |
ಮನುಜನಲ್ಲ ಇದು ಮಾಯಾದ ಬೊಂಬೆ |
ಘನ ವಿಜಯವಿಠಲನ್ನ ಕಂಡೆ |
ಮನುಜನಾಗಿ ಸೋಳಾ ಸಾಸಿರ ಗೋಪೇ[ರ] |
ಮನಸಿಗೆ ಒಪ್ಪಿದ ಮನುಜನಾಗಿ ||5||
ಜತೆ
ಆವಾಗ ಬಿಡದಿಲ್ಲಿ ಆಡುವವನ ಕಂಡೆ |
ದೇವೇಶಾ ವಿಜಯವಿಠಲರಾಯನ ಕಂಡೆ ||6||

dhruvatALa
acyutAnaMtana kaMDe |
saccidAnaMdaika sarvOttamana kaMDe |
acca mallige vanamAlAna kaMDe |
paccakaDaga vihyarA kaMDe |
neccida Bakta porevadAtana kaMDe acyutAnaMta |
accariyA daivAve vijayaviThalarEyA |
niccA paMDarapurivAsA raMgana kaMDe ||1||
maTTatALa
vAsudEvana kaMDe vAmananA kaMDe |
klESanASana kaMDe kESavana kaMDe |
vAsavAnujanAgi vAgISa pitana kaMDe |
SrISa vijayaviThalESa caMdraBAgA |
vAsa raMgana kaMDe varanA kaMDe ||2||
triviDitALa
kulA[vi] Siradalli iTTa sobagukaMTha |
dalli mereva eLe tuLasimAle nava |
mallika suragi jAjidaMDe, uDi |
yalligulliya cIlA sigisikoMDAgOvA |
LellAru oMdAgi turuviMDu kA[yuva]tA |
illige baMdA SrIvallaBA yudupA |
callAgaMgaLa caluva vijayaviThala svAmiyA |
elliMda baMda mattellippana kaMDe ||3||
aTTatALa
gOpiyanaMdana gOpiyararase |
gOpAlArA oDiyA sAMdIpini prIyA |
draupadiyA mAnava paripAlakA |
kOpa kALiMgana tApanASana saM |
tApahara namma vijayaviThalanna |
I pAM[Du]raMgA kShEtradalli kaMDe ||4||
AditALa
manujanAgi dhanuvanu muridu |
danujana kAlile oreside |
manujanAgi maDiyannu uTTu |
tanuvige gaMdhava pUsidA |
manujanAgi harana sOlisi |
tanuja tanujanna biDisida |
manujanAgi manuja dharmava |
janarige sOjiga tOrida |
manujanalla idu mAyAda boMbe |
Gana vijayaviThalanna kaMDe |
manujanAgi sOLA sAsira gOpE[ra] |
manasige oppida manujanAgi ||5||
jate
AvAga biDadilli ADuvavana kaMDe |
dEvESA vijayaviThalarAyana kaMDe ||6||