Vadiraja suraraja tanadare

ವಾದಿರಾಜ ಸುರರಾಜ ತಾನಾದರೆ
ಮೇದಿನಿಯೊಳಗಿಹನ್ಯಾಕೆ ? ||pa||

ಮೇದಿನಿ ಸುರರಿಗೆ ಮೋದ ಕೊಡೋದಕೆ
ಸ್ವಾದಿಯೊಳಗೆ ನಿಂತಿಹನದಕೇ ||a.pa||

ಋಜುಗುಣದೊಡೆಯನು ತ್ರಿಜಗಾಧೀಶನು
ಭುಜಗಾಂಚಿತನಾದ್ಯಾಕೆ ?
ಭಜಿಸುವ ಜನ ಭೂಭುಜ ತಾನೆನಿಸಿ
ಅಜನ ಪದ ತಾ ಸೇರೋದಕೆ ||1||

ಸುರತತಿ ಸನ್ನುತ ಸರಸಿಜಭವ ಪದ –
ಕರಹನು ನರನ್ಯಾಕಾದಾ ?
ಧರೆಸುರರಿಗೆ ತನ್ನ ಕರುಹನು ತಿಳಿಸೀ
ಪರಿಪರಿ ಮಹಿಮೆಯ ತೋರಿಸಿದ ||2||

ವೀತಭಯನು ತಾನೀತೆರ ಜಗದಿ
ಯಾತಕೆ ಯತಿಯಾದ ?
ದಾತ ಗುರುಜಗನ್ನಾಥ ವಿಠಲ ಗುಣ
ಖ್ಯಾತಿಯ ತಾಮಾಡಿದ ||3||

Vadiraja suraraja tanadare
Mediniyolagihanyake ? ||pa||

Medini surarige moda kododake
Svadiyolage nintihanadake ||a.pa||

Rujugunadodeyanu trijagadhisanu
Bujagancitanadyake ?
Bajisuva jana bubuja tanenisi
Ajana pada ta serodake ||1||

Suratati sannuta sarasijabava pada –
Karahanu naranyakada ?
Dharesurarige tanna karuhanu tilisi
Paripari mahimeya torisida ||2||

Vitabayanu tanitera jagadi
Yatake yatiyada ?
Data gurujagannatha vithala guna
Kyatiya tamadida ||3||