Hastha mahima suladhi

ಧ್ರುವತಾಳ –

ಕಡಗ ಕಂಕಣದಿಂದ ಶೋಭಿತವಾದ ಹಸ್ತಾ
ಪೊಡವಿಪತಿ ರಘುನಾಥಗೆ ಎರಗಿ ಮುಗಿದ ಹಸ್ತಾ
ಒಡನೆ ಕುರಹುಗೊಂಡು ಸೀತೆಗಿತ್ತ ಹಸ್ತಾ
ಗಿಡಗಳು ಮುರಿದು ತರದಂಥದೀ ಹಸ್ತಾ
ಘುಡಿಘುಡಿಸುತ ಅಕ್ಷನ ಸದೆಬಡೆದ ಹಸ್ತಾ
ಜಡರಾವಣ ಎದೆಯಲ್ಲಿ ಗುದ್ದಿದ ಹಸ್ತಾ
ತಡಿಯದೆ ಚೂಡಾಮಣಿಯ ಒಡೆಯಾಗಿತ್ತ ಹಸ್ತಾ
ಕಡು ಪರಾಕ್ರಮದ ಹಸ್ತಾ
ಕಡಲಾ ಬಂಧಿಸಲು ಗಿರಿಗಳ ತಂದ ಹಸ್ತಾ
ಬಿಡದೆ ಪೂಜಿಪರಿಗೆ ಅಭಯಕೊಡುವ ಹಸ್ತಾ
ಸಡಗರದ ದೈವ ಸಿರಿ ವಿಜಯ ವಿಠ್ಠಲರಾಯನ
ಅಡಿಗಳಲ್ಲಿ ಅನುಗಾಲ ಇಟ್ಟ ಹಸ್ತಾ || ೧ ||

ಮಟ್ಟತಾಳ –

ಗದೆಯಿಂದ ಅರಿಗಳ ಸದೆ ಬಡಿದ ಹಸ್ತಾ
ಮುದದಿಂದಲಿ ಅದ್ರಿವೊದಗಿ ತಂದ ಹಸ್ತಾ
ಕದನದೊಳಗೆ ಮಾಗಧನ ಸೀಳಿದ ಹಸ್ತಾ
ಮದನೃಪನನುಜನ ಉರವ ಬಗೆದ ಹಸ್ತಾ
ಸುದತಿಯ ತುರುಬು ತಿದ್ದಿದ ಕರುಣ ಹಸ್ತಾ
ಪದೋಪದಿಗೆ ನಮ್ಮ ವಿಜಯ ವಿಠ್ಠಲನ್ನ
ಸದಮಲ ಭಕ್ತಾ ಎನಗೆ ಪೊಳೆವ ಹಸ್ತಾ || ೨ ||

ತ್ರಿವಿಡಿತಾಳ –

ರಣದೊಳು ಲಕ್ಷ್ಮಣನ ಎತ್ತಿತಂದ ಹಸ್ತಾ
ಕ್ಷಣದೊಳು ದ್ರೋಣನ ರಥ ಬಗೆದ ಹಸ್ತಾ
ಸೆಣೆಸುವರಿಗೆ ಎದೆ ಶೂಲವಾಗಿಹ ಹಸ್ತಾ
ವಿನಯದಿಂದಲಿ ಹರಿವಾಣ ಒಯಿದ ಹಸ್ತಾ
ಮಣಿಗಣದಿಂದ ರಾಮನ ಎಣೆಸುವ ಹಸ್ತಾ
ತೃಣಮಾಡಿ ಬಕನ ಸಂಹರಿಸಿದ ಮಹಾ ಹಸ್ತಾ
ಅನಿಮಿಷರಿಗೆ ತುತ್ತುಮಾಡಿ ನೀಡಿದ ಹಸ್ತಾ
ವನಿತೆಗೆ ಸೌಗಂಧಿ ಕುಸುಮ ತಂದ ಹಸ್ತಾ
ವನದೊಳು ಅಸುರೆಯ ಬಿಗಿದಪ್ಪಿದ ಹಸ್ತಾ
ಘನದಂಡ ಕಾಷ್ಟವ ಧರಿಸಿ ಮೆರೆದ ಹಸ್ತಾ
ಅನಿಮಿತ್ತ ಬಂಧು ಶ್ರೀವಿಜಯವಿಠ್ಠಲರೇಯನ
ಮನದೊಳಿಟ್ಟು ಅರ್ಚನೆ ಮಾಡುವ ಹಸ್ತಾ || ೩ ||

ಅಟ್ಟತಾಳ –

ವಾರಿಜಜಾಂಡವ ಸಾಕುವುದೀ ಹಸ್ತಾ
ಭಾರತೀದೇವಿಯ ಮನಸಿಗೊಪ್ಪುವ ಹಸ್ತಾ
ನೂರಾರು ಖಂಡಗ ಪಾಕ ಗೈಸಿದ ಹಸ್ತಾ
ವಾರಣದಿಂದ ಮಸ್ತಕ ಪಿಡಿದ ಹಸ್ತಾ
ಮಾರಾರಿಗೆ ಉಪದೇಶ ಮಾಡಿದ ಹಸ್ತಾ
ವಾರಣಗಳ ಗಗನಕ್ಕೆ ಇಟ್ಟ ಹಸ್ತಾ
ಚಾರು ಚರಿತ ನಮ್ಮ ವಿಜಯ ವಿಠ್ಠಲರೇಯನ
ಹಾರೈಸಿ ಹರುಷರದಿ ಪೂಜಿಪ ಈ ಹಸ್ತಾ || ೪ ||

ಆದಿತಾಳ –

ವಿಷ ಉದ್ಭವಿಸಲು ಒರಸಿ ಕಳೆದ ಹಸ್ತಾ
ಶಿಶುವಾಗಿ ಹುರಳಿ ಗುಗ್ಗರಿ ಸವಿದ ಹಸ್ತಾ
ಬಿಸಿಜ ಸಖಗೆ ತುಡಿಕಿ ಕ್ರಮಗೆಡಿಸಿದ ಹಸ್ತಾ
ನಿಷಿಕ ತಿಂತ್ರಿಣಿ ಬೀಜದಿ ಸಾಲತಿದ್ದಿದ ಹಸ್ತಾ
ದಶ ಚತುರ್ಲೋಕವ ಒಳಗಡಗಿಸುವ ಹಸ್ತಾ
ಹಸಿದು ತುತಿಸಲು ಅಮೃತವಗರೆದ ಹಸ್ತಾ
ದಶಶಿರನ ಮದಕಾಯ ಶರಗು ಎಳೆದ ಹಸ್ತಾ
ಅಸುರ ವೈರಾವಣನ ಕೊಂದು ಬಿಸುಟ ಹಸ್ತಾ
ವಸುಧೆಯ ಸುರರಿಗೆ ಮುದ್ರೆ ಒತ್ತಿದ ಹಸ್ತಾ
ಶಶಿವರ್ಣದಂತೆ ನಖದಿಂದೊಪ್ಪುವ ಹಸ್ತಾ
ವಸುಧೀಶ ವಿಜಯ ವಿಠ್ಠಲ ರಾಮಕೃಷ್ಣವ್ಯಾಸರ
ಬಿಸಜ ಪಾದವ ಬಿಡದೆ ಭಜಿಪ ಮಂಗಳ ಹಸ್ತಾ || ೫ ||

ಜತೆ –

ಮೂರಾವತಾರದಲ್ಲಿ ಕಾರ್ಯ ಮಾಡಿದ ಹಸ್ತಾ
ಧೀರ ಶ್ರೀವಿಜಯ ವಿಠ್ಠಲಗೆರಗಿದ ಹಸ್ತಾ || ೬ ||

Dhruva tala –

Kadaga kankanadinda sobitavada hasta
Podavipati ragunathage eragi mugida hasta
Odane kurahugondu sitegitta hasta
Gidagalu muridu taradanthadi hasta
Gudigudisuta akshana sadebadeda hasta
Jadaravana edeyalli guddida hasta
Tadiyade chudamaniya odeyagitta hasta
Kadu parakramada hasta
Kadala bamdhisalu girigala tamda hasta
Bidade pujiparige abayakoduva hasta
Sadagarada daiva siri vijaya viththalarayana
Adigalalli anugala itta hasta || 1 ||

Mattatala –

Gadeyinda arigala sade badida hasta
Mudadindali adrivodagi tanda hasta
Kadanadolage magadhana silida hasta
Madanrupananujana urava bageda hasta
Sudatiya turubu tiddida karuna hasta
Padopadige namma vijaya viththalanna
Sadamala bakta enage poleva hasta || 2 ||

Trividitala –

Ranadolu lakshmanana ettitamda hasta
Kshanadolu dronana ratha bageda hasta
Senesuvarige ede sulavagiha hasta
Vinayadindali harivana oyida hasta
Maniganadinda ramana enesuva hasta
Trunamadi bakana samharisida maha hasta
Animisharige tuttumadi nidida hasta
Vanitege saugamdhi kusuma tanda hasta
Vanadolu asureya bigidappida hasta
Ganadamda kashtava dharisi mereda hasta
Animitta bandhu srivijayaviththalareyana
Manadolittu arcane maduva hasta || 3 ||

Atta tala –

Varija jandava sakuvudi hasta
Baratideviya manasigoppuva hasta
Nuraru kandaga paka gaisida hasta
Varanadinda mastaka pidida hasta
Mararige upadesa madida hasta
Varanagala gaganakke itta hasta
Charu charita namma vijaya viththalareyana
Haraisi harusharadi pujipa I hasta || 4 ||

Adi tala –

Visha udbavisalu orasi kaleda hasta
Sisuvagi hurali guggari savida hasta
Bisija sakage tudiki kramagedisida hasta
Nishika tintrini bijadi salatiddida hasta
Dasa chaturlokava olagadagisuva hasta
Hasidu tutisalu amrutavagareda hasta
Dasasirana madakaya Saragu eleda hasta
Asura vairavanana kondu bisuta hasta
Vasudheya surarige mudre ottida hasta
Sasivarnadante nakadimdoppuva hasta
Vasudhisa vijaya viththala ramakrushnavyasara
Bisaja padava bidade Bajipa mangala hasta || 5 ||

Jate –

Muravataradalli karya madida hasta
Dhira srivijaya viththalageragida hasta || 6 ||