Category: purandara dasaru

dasara padagalu · DEVOTIONAL · gokulashtami · krishna · krishna jayanthi · MADHWA · purandara dasaru

Kande na udupiya krishnana

Srividya Guruprasad3 Comments

ಕಂಡೆ ನಾ ಉಡುಪಿಯ ಕೃಷ್ಣರಾಯನ್ನ ,
ಭೂ-ಮಂಡಲದೊಳಗೆ ಉ-
ದ್ದಂಡ ಮೋಹಿಪನ ||ಪ||

ಸಮುದ್ರವ ನಾ ಕಂಡು ಸ್ನಾನಾದಿಗಳ ಮಾಡಿ
ಚಂದ್ರಮೌಳೀಶ್ವರನ ಚರಣಕೆರಗಿ
ಆಮೇಲೆ ನಾಬಂದು ಅನಂತೇಶ್ವರನ್ನ ಕಂಡು
ಹನುಮಂತನ ಪಾಡಿ ಮನದಿ ನಿಲಿಸಿ ||

ಸುತ್ತು ನದಿಯ ಕಂಡೆ ಸೂರ್ಯನ ಪ್ರಭೆ ಕಂಡೆ
ಅಲ್ಲಿದ್ದ ಮಧ್ವಸರೋವರವ ಕಂಡೆ
ಮಧ್ವಮತದ ಅಷ್ಟಮುನಿಗಳ ಕಂಡೆ
ಪ್ರಸಿದ್ಧವಾಗಿರುವ ಶ್ರೀ ಉಡುಪಿಯ ಕೃಷ್ಣನ ಕಂಡೆ ||

ಉಂಗುರ ಉಡಿದಾರ ಉಡಿ ಘಂಟೆ ನಾ ಕಂಡೆ , ನಾನು
ರಂಗು ಮಾಣಿಕ್ಯದ ನವರತ್ನ ಮಾಲೆ ಕಂಡೆ
ದಿಂ ಧಿಮಿ ಧಿಮಿಕೆಂದು ಕುಣಿವ ಕೃಷ್ಣನ ಕಂಡೆ , ನಾನು
ಪುರಂದರವಿಠಲನ್ನ ಪದಕಮಲವ ಕಂಡೆ ||

Kande na udupiya krishnana

Bhumandaladosage uddanda mohipana |

Suttu nadiyu kande, surya prabheyu kande
allidda madhwa sarovarava kande
madhvamatada astamunigala kande
prasiddavagiruva sri udupiya Krishnana kande||1||

samudrava na kandu snanadigala madi
candramaulisvarana caranakeragi
a mele na bandu anantesvarana kandu
hanumantana padi manadi nillisi||2||

ungura ududara udigejje(gala) na kande
rangu manikyada navaratna(da) male kande
dhimi dhimi dhimikendu kuniva Krishnana kande nanu
Purandara Vittalana pada kamala kande||3||

dasara padagalu · DEVOTIONAL · krishna · krishna jayanthi · MADHWA · purandara dasaru

Jo Jo Shri Krsna Paramananda

Srividya Guruprasad3 Comments

ಜೋ ಜೋ ಶ್ರೀಕೃಷ್ಣ ಪರಮಾನಂದ
ಜೋ ಜೋ ಗೋಪಿಯ ಕಂದ ಮುಕುಂದ ಜೋಜೋ       ||ಪ||

ಪಾಲಗಡಲೊಳು ಪವಡಿಸಿದವನೆ
ಆಲದೆಲೆಯ ಮೇಲೆ ಮಲಗಿದ ಶಿಶುವೆ
ಶ್ರೀಲತಾಂಗಿಯರ ಚಿತ್ತದೊಲ್ಲಭನೆ
ಬಾಲ ನಿನ್ನನು ಪಾಡಿ ತೂಗುವೆನಯ್ಯ ಜೋಜೋ            ||೧||

ಹೊಳೆವಂಥ ರನ್ನದ ತೊಟ್ಟಿಲ ಮೇಲೆ
ಥಳಥಳಿಸುವ ಗುಲಗಂಜಿಯ ಮಾಲೆ
ಅಳದೆ ನೀ ಪಿಡಿದಾಡೆನ್ನಯ ಮುದ್ದು ಬಾಲ
ನಳಿನನಾಭನೆ ನಿನ್ನ ಪಾಡಿ ತೂಗುವೆನು ಜೋಜೋ         ||೨||

ಯಾರ ಕಂದ ನೀನಾರ ನಿಧಾನಿ
ಆರ ರತ್ನವೊ ನೀನಾರ ಮಾಣಿಕವೊ
ಸೇರಿತು ಎನಗೊಂದು ಚಿಂತಾಮಣಿ ಎಂದು
ಪೋರ ನಿನ್ನನು ಪಾಡಿ ತೂಗುವೆನಯ್ಯ ಜೋಜೋ           ||೩||

ಗುಣನಿಧಿಯೆ ನಿನ್ನ ಎತ್ತಿಕೊಂಡಿದ್ದರೆ
ಮನೆಯ ಕೆಲಸವಾರು ಮಾಡುವರಯ್ಯ
ಮನಕೆ ಸುಖನಿದ್ರೆಯ ತಂದುಕೋ ಬೇಗ
ಫಣಿಶಯನನೆ ನಿನ್ನ ಪಾಡಿ ತೂಗುವೆನು ಜೋಜೋ         ||೪||

ಅಂಡಜವಾಹನ ಅನಂತಮಹಿಮ
ಪುಂಡರೀಕಾಕ್ಷ ಶ್ರೀ ಪರಮಪಾವನ
ಹಿಂಡು ದೈವದ ಗಂಡ ಉದ್ದಂಡನೆ
ಪಾಂಡುರಂಗ ಶ್ರೀ ಪುರಂದರ ವಿಠಲ ಜೋಜೋ          ||೫||

Jo Jo Shri Krsna Paramananda Jo Jo Gopiya Kanda Mukunda Jo Jo

Palukadalolu Pavadisidavane Ondaladeleya Mele Malagida Shishuve
Shri Lalitangiyara Cittadollabhane Bala Ninnanu Padi Tuguvenayya||1||

Holevantha Rannada Tottila Mele Thala Thalisuva Gurugunjiya Male
Alade Ni Pididadennaya Muddu Bala Nalina Nabhane Ninna Padi Tuguvenu||2||

Yara Kanda Ninara Nidhani Yara Ratnavo Ninara Manikavo
Seridu Enagondu Cintamani Endu Pora Ninnanu Padi Tuguvenayya||3||

Gunanidhiye Ninna Etti Kondiddare Maneya Kelasavyaru Maduvarayya
Maneke Sukha Nidre Tanduko Bega Phani Shayanane Ninna Padi Tuguvenu||4||

Andaja Vahana Ananta Mahima Pundarikaksa Shri Parama Pavananna
Hindu Daivata Ganda Uddandane Panduranga Shri Purandara Vittala ||5||

gokulashtami · krishna · krishna jayanthi · MADHWA · purandara dasaru

hogadhiralo ranga

Srividya Guruprasad2 Comments
ಪೋಗದಿರೆಲೊ ರಂಗ ಬಾಗಿಲಿಂದಾಚೆಗೆ

ಭಾಗವತರು ಕಂಡರೆತ್ತಿಕೊಂಡೊಯ್ವರೊ

ಸುರಮುನಿಗಳು ತಮ್ಮ ಹೃದಯಗಹ್ವರದಲ್ಲಿ
ಪರಮಾತ್ಮನ ಕಾಣದರಸುವರೊ
ದೊರಕದ ವಸ್ತುವು ದೊರಕಿತು ತಮಗೆಂದು
ಹರುಷದಿಂದಲಿ ನಿನ್ನ ಕರೆದೆತ್ತಿಕೊಂಬರೊ
ಅಗಣಿತಗುಣ ನಿನ್ನ ಜಗದ ನಾರಿಯರೆಲ್ಲ
ಹಗೆಯಾಗಿ ನುಡಿವರೊ ಗೋಪಾಲನೆ
ಮಗುಗಳ ಮಾಣಿಕ್ಯ ತಗುಲಿತು ಕರಕೆಂದು
ಬೇಗದಿಂದಲಿ ಬಂದು ಬಿಗಿದಪ್ಪಿಕೊಂಬರೊ
ಧಿಟ್ಟ ನಾರಿಯರೆಲ್ಲ ಇಷ್ಟವ ಸಲಿಸೆಂದು
ಅಟ್ಟಟ್ಟಿ ಬೆನ್ಹಿಂದೆ ತಿರುಗುವರೊ
ಸೃಷ್ಟೀಶ ಪುರಂದರವಿಠಲರಾಯನೆ
ಇಷ್ಟಿಷ್ಟು ಬೆಣ್ಣೆಯ ಕೊಟ್ಟೇನೊ ರಂಗಯ್ಯ

Hogadiralo Ranga Bagilindacege |
Bagavataru Kandu Etti Kondoyvaru ||
Suramunigalu Tamma Hrudaya Kamala Dalli
Paramatmana Kanade Arasuvaru
Dorakada Vastuvu Dorakitu Tamagendu
Harushadindali Ninna Karedetii Kombaru ||1||

Aganitaguna Ninna Jagada Nariyarella
Hageyagi Nudivaro Gopalane
Magugala Manikya Tagulitu Karakendu
Vegadindali Bandu Bigidappikombuvaru ||2||
Ditta Nariyarella Istava Salisendu
Attatti Bennat/Pti Tiruguvaro
Srshtisha Purandara Vittala Rayane
Istishtu Benneya Kotteno Rangayya ||3||

dasara padagalu · DEVOTIONAL · gokulashtami · krishna · krishna jayanthi · MADHWA · purandara dasaru

Gummana karayadire

Srividya Guruprasad3 Comments
ಗುಮ್ಮನ ಕರೆಯದಿರೆ ಅಮ್ಮ ನೀನು
ಸುಮ್ಮನೆ ಇದ್ದೇನು ಅಮ್ಮಿಯ ಬೇಡೆನು
ಮಮ್ಮು ಉಣ್ಣುತೇನೆ ಅಮ್ಮ ಅಳುವುದಿಲ್ಲ
ಹೆಣ್ಣುಗಳಿರುವಲ್ಲಿ ಪೋಗಿ ಅವರ
ಕಣ್ಣು ಮುಚ್ಚುವದಿಲ್ಲವೆ
ಚಿಣ್ಣರ ಬಡಿಯೆನು, ಅಣ್ಣನ ಬೈಯೆನು
ಬೆಣ್ಣೆಯ ಬೇಡೆನು ಮಣ್ಣು ತಿನ್ನುವುದಿಲ್ಲ
ಬಾವಿಗೆ ಪೋಗೆ ಕಾಣೆ ಅಮ್ಮ ನಾನು
ಹಾವಿನೊಳಾಡೆ ಕಾಣೆ
ಆವಿನ ಮೊಲೆಯೂಡೆ ಕರುಗಳ ಬಿಡೆ ನೋಡೆ
ದೇವರಂತೆ ಒಂದು ಠಾವಿಲಿ ಕೂಡುವೆ
ಮಗನ ಮಾತ ಕೇಳಿ ಗೋಪಿದೇವಿ
ಮುಗುಳು ನಗೆ ನಗುತ
ಜಗದೊಡೆಯನ ಶ್ರೀ ಪುರಂದರವಿಠಲನ
ಬಿಗಿದಪ್ಪಿಕೊಂಡಳು ಮೋಹದಿಂದಲಾಗ

Gummana karayadire amma neenu|

Summane Iddenu Ammiya Bedenu
Mammu Unnutene Amma Aluvudilla||

Hennugaliruvallige Avara
Kannu Mucchuvudillave
Cinnara Badiyenu Annana Baiyenu
Benneya Bedenu Mannu Tinnuvudilla||1||

Bavige Poge Kane Amma Nanu
Havinolade Kane
Avina Moleyude Karugala Bide Node
Devaramte Omdu Thavili Kuduve||2||

Magana Matanu Keli Gopidevi
Mugulu Nage Naguta
Jagadodeyana Shri Purandara Vithalana
Bigidappikomdalu Mohadimdalaga||3||

 

dasara padagalu · DEVOTIONAL · gokulashtami · krishna · krishna jayanthi · MADHWA · purandara dasaru

Entha punyava gopi

Srividya Guruprasad2 Comments

ಎಂಥಾ ಪುಣ್ಯವೇ ಗೋಪಿ ಎಂಥಾ ಭಾಗ್ಯವೆ ನಿನ್ನ

ಇಂಥಾ ಮಗನ ಕಾಣೆವೆ
ಚಿಂತಿಸಿದರು ದೊರಕ ಚೆಲುವ ರಾಜಗೋಪಾಲ
ಚಿಂತೆಯಲ್ಲವು ಪೋಪುದೇ ಕೇಳೆ ಯಶೋದೆ
ಸರಸಿಜನಾಭನ ಸುಮ್ಮನೆ ಕಂಡರೆ
ದುರಿತವೆಲ್ಲವು ಪೋಪುದೇ
ಸರಸವಾಡುತ ಬಂದು ಸವಿ ಮಾತನಾಡಿದರೆ
ಹರುಷ ಕೈಗೂಡುವುದೇ ಕೇಳೆ ಯಶೋದೆ
ಊರೊಳಗೆ ಇವ ನೆರೆಹೊರೆಯರಂಜಿಕೆ
ದೂರಿಕೊಂಬುವರಲ್ಲವೆ
ಅರಣ್ಯದಲಿ ನಾವು ಆಡುವ ಆಟಗಳು
ಆರಿಗಾದರು ಉಂಟೇನೆ ಕೇಳೆ ಯಶೋದೆ
ನಿನ್ನ ಮಗನ ಕರೆಯೆ ಎಮ್ಮ ಪ್ರಾಣದ ದೊರೆಯ
ಘನ್ನನು ಪರಬ್ರಹ್ಮನೆ
ಚನ್ನ ಶ್ರೀ ಪುರಂದರವಿಟ್ಠಲರಾಯನ
ನಿನ್ನಾಣೆ ಬಿಡಲಾರೆವೇ ಕೇಳೆ ಯಶೋದೆ

Entha Punyave Gopi Entha Bhagyave Ninna
Intha Magana Kaneve


Achintisidaru Doraka Cheluva Rajagopala
Chinteyellavu Popude Kele Yashode||1||


Ninna Magana Kareye Emma Pranada

Doreya Ghannanu Parabhrhmane||2||


Chenna Shri Purandaravitharayana

Ninnane Bidalareve Kele Yashode||3||

gokulashtami · krishna · krishna jayanthi · MADHWA · purandara dasaru

Devaki kanda mukunda

Srividya Guruprasad2 Comments
ದೇವಕಿ ಕಂದ ಮುಕುಂದ
ನಿಗಮೋದ್ಧಾರ ನವನೀತ ಚೋರ
ಖಗಪತಿ ವಾಹನ ಜಗದೋದ್ಧಾರ
ಶಂಖ ಚಕ್ರಧರ ಶ್ರೀ ಗೋವಿಂದ
ಪಂಕಜಲೋಚನ ಪರಮಾನಂದ
ಮಕರಕುಂಡಲಧರ ಮೋಹನವೇಷ
ರುಕುಮಿಣಿ ವಲ್ಲಭ ಪಾಂಡವ ಪೋಷ
ಕಂಸಮರ್ದನ ಕೌಸ್ತುಭಾಭರಣ
ಹಂಸವಾಹನ ಪೂಜಿತ ಚರಣ
ವರ ವೇಲಾಪುರ ಚೆನ್ನ ಪ್ರಸನ್ನ
ಪುರಂದರವಿಠಲ ಸಕಲ ಗುಣಪೂರ್ಣ

Devaki Kanda Mukunda

Nigamoddhara Navanita Chora
Khagapati Vahana Jagadoddhara ||1||

Shankha Chakradhara Shri Govinda
Pankaja Locana Paramananda||2||

Makara Kundaladhara Mohana Vesa
Rukumini Vallabha Pandava Posa||3||

Kamsa Mardana Kaustubhabharana
Hamsa Vahana Pujita Charana||4||

Vara Velapura Cenna Prasanna
Puranda Vittala Sakala Guna Purna||5||

dasara padagalu · DEVOTIONAL · gokulashtami · krishna · krishna jayanthi · MADHWA · purandara dasaru

Ambe kalikuthali

Srividya Guruprasad3 Comments

ಅಂಬೆಗಾಲಿಕ್ಕುತಲಿ ಬಂದ ಗೋವಿಂದ ||pa||

ಅಂಬುಜನಾಭ ದಯದಿಂದ ಎನ್ನ ಮನೆಗೆ||a.pa||

ಜಲಚರ ಜಲವಾಸ ಧರಣಿಧರ ಮೃಗರೂಪ ನೆಲನಳೆದು ಮೂರಡಿ ಮಾಡಿಬಂದ
ಕುಲನಾಶ ವನವಾಸ ನವನೀತಚೋರನಿವ ಲಲನೆಯರ ವ್ರತಭಂಗ ವಾಹನ ತುರಂಗ || 1||

ಕಣ್ಣ ಬಿಡುವನು ತನ್ನ ಬೆನ್ನ ತಗ್ಗಿಸುವನು ಮಣ್ಣು ಕೆದರಿ ಕೋರೆ ಬಾಯ ತೆರೆದು
ಚಿಣ್ಣ ಭಾರ್ಗವ ಲಕ್ಷ್ಮಣನಣ್ಣ ಬೆಣ್ಣೆಯ ಕಳ್ಳ ಮನೆಯ ಬಿಟ್ಟು ಕುದುರೆಯನೇರಿದ || 2||

ನೀರ ಪೊಕ್ಕನು ಗಿರಿಯ ನೆಗಹಿ ಧರಣಿಯ ತಂದು ನರಮೃಗ ಬಲಿಬಂಧ ಕೊರಳುಗೊಯಿಕ
ಶೂರ ಮುರಿದೊರಳೆಳೆದು ನಿರವಾಣಿ ಹಯಹತ್ತಿ ಪುರಂದರ ವಿಟ್ಠಲ ಮನೆಗೆ ತಾ ಬಂದ ಚರಣ ||  3 ||

Ambe kalikkuthalli bandha

Anbuja nabha dayadinda ennamanege ||

Jalacara jalavasa dharanidhara mrugarupa
Nelanaledu muradi madi banda
Kulanasha vanavasa navanita coraniva
Lalaneyara vrata bhanga vahana turanga ||1||

Kannabiduvanu tanna benna taggisuvanu
Mannu kedari kore baya taredu
Cinna bhargava lakshmanananna benneya kalla
Manava bittu kudureyanerida ||2||

Nira pokkanu giriyanegehi dharaniya tandu
Naramruga balibanda koralugoyika
Sharamuridoraleledu niravani haya hatti
Purandara vitthala manege ta banda ||3||

dasara padagalu · DEVOTIONAL · gokulashtami · MADHWA · purandara dasaru

amma nimma manegalalli

Srividya Guruprasad3 Comments

ಅಮ್ಮ ನಿಮ್ಮ ಮನೆಗಳಲ್ಲಿ ನಮ್ಮ ರಂಗನ ಕಂಡಿರೇನಮ್ಮ ||ಪಲ್ಲವಿ||

ಬ್ರಹ್ಮ ಮೂರುತಿ ನಮ್ಮ ಕೃಷ್ಣನು ನಿಮ್ಮ ಕೇರಿಯೊಳಿಲ್ಲವೆ ||ಅನುಪಲ್ಲವಿ ||

ಕಾಶಿ ಪೀತಾಂಬರ ಕೈಯಲ್ಲಿ ಕೊಳಲು ಪೂಸಿದ ಶ್ರೀ ಗಂಧ ಮೈಯೊಳಗಮ್ಮ
ಲೇಸಾಗಿ ತುಲಸಿಯ ಮಾಲೆಯ ಧರಿಸಿದ ವಾಸುದೇವನು ಬಂದ ಕಾಣಿರೇನೆ ||೧||

ಕರದಲ್ಲಿ ಕಂಕಣ ಬೆರಳಲ್ಲಿ ಉಂಗುರ ಕೊರಳಲ್ಲಿ ಹಾಕಿದ ಹುಲಿಯುಗುರಮ್ಮ
ಅರಳೆಲೆ ಕನಕ ಕುಂಡಲ ಕಾಲಲನುಗೆ ಉರಗ ಶಯನ ಬಂದ ಕಂಡಿರೇನೆ ||೨||

ಕುಂಕುಮ ಕಸ್ತೂರಿ ಕರಿ ನಾಮ ತಿದ್ದಿ ಶಂಖ ಚಕ್ರಗಳ ಧರಿಸಿಹನಮ್ಮ
ಬಿಂಕದಿಂದಲಿ ಕೊಳಲೂದುತ್ತ ಪಾಡುತ್ತ ಪಂಕಜಾಕ್ಷನು ಬಂದ ಕಾಣಿರೇನೆ ||೩||

ಮಾವನ ಮಡುಹಿದ ಶಕಟನ ಕೆಡಹಿದ ಗೋವರ್ಧನ ಗಿರಿ ಎತ್ತಿದನಮ್ಮ
ಆವ ತಾಯಿಗೆ ಈರೇಳು ಜಗ ತೋರಿದ ಕಾವನಯ್ಯ ಬಂದ ಕಾಣಿರೇನೆ ||೪||

ಕಾಲಲಿ ಕಿರು ಗೆಜ್ಜೆ ನೀಲದ ಬಾವುಲಿ ನೀಲ ವರ್ಣನು ನಾಟ್ಯವಾಡುತಲಿ
ಮೇಲಾಗಿ ಬಾಯಲ್ಲಿ ಜಗವನ್ನು ತೋರಿದ ಮೂಲೋಕದೊಡೆಯನ ಕಂಡಿರೇನೆ ||೫||

ಹದಿನಾರು ಸಾವಿರ ಗೋಪಿಯರ ಕೂಡಿ ಚತುರಂಗ ಪಗಡೆಯನಾಡುವನಮ್ಮ
ಮದನ ಮೋಹನ ರೂಪ ಎದೆಯಲ್ಲಿ ಕೌಸ್ತುಭ ಮಧುಸೂದನ ಬಂದ ಕಾಣಿರೇನೆ ||೬||

ತೆತ್ತೀಸ ಕೋಟಿ ದೇವರ್ಗಳ ಒಡಗೂಡಿ ಹತ್ತಾವತಾರವನೆತ್ತಿದನಮ್ಮ
ಸತ್ಯಭಾಮಾ ಪ್ರಿಯ ಪುರಂದರ ವಿಟ್ಠಲ ನಿತ್ಯೋತ್ಸವ ಬಂದ ಕಾಣಿರೇನೆ ||೭||

Amma Nimma Manegalalli Namma Rangana Kandirenamma
Brahma Muruti Namma Krsnanu Nimma Keriyolillave

Kashi Pitambara Kaiyalli Kolalu Pusida Shri Gandha Maiyolagamma
Lesagi Tulasiya Maleya Dharisida Vasudevanu Banda Kanirenamma ||1||

Karadalli Kankana Beralalli Ungura Koralalli Hakida Huliyuguramma
Aralele Kanaka Kundala Kalalalanduge Uraga Shayana Banda Kandirene||2||

Kumkuma Kasturi Hari Nama Tiddi Shankha Cakragala Dharisihanamma
Binkadinda Kolaludutta Padutta Pankajaksanu Banda Kanirene||3||

Mavana Maduhida Shakatana Kedahida Govardhana Giri Ettidanamma
Ava Tayige Irelu Jaga Torida Kavanayya Banda Kanirene||4||

Kalali Kiru Gejje Nilada Bavuli Nila Varnanu Natyavadutali
Melagi Bayalli Jagavannu Torida Mukokadodeyana Kandirene||5||

Hadinaru Savira Gopiyara Kudi Caturanga Pagadiyanaduvanamma
Madana Mohana Rupa Edeyalli Kaustubha Madhusudana Banda Kanirene||6||

Tettisa Koti Devargala Oda Gudi Hattavataravanettittadamma
Satyabhama Priya Purandara Vittala Nityotsava Banda Kanirene||7||

dasara padagalu · DEVOTIONAL · Dvaitha · MADHWA · purandara dasaru

Gajavathana beduve

Srividya Guruprasad2 Comments

ಗಜವದನ ಬೇಡುವೆ ಗೌರೀತನಯ           ।।ಪ॥
ತ್ರಿಜಗವಂದಿತನೆ ಸುಜನರ ಪೊರೆವನೆ       ।।ಅ.ಪ॥

ಪಾಶಾಂಕುರ ಪರಮಪವಿತ್ರ
ಮೂಷಕವಾಹನ ಮುನಿಜನ ಪ್ರೇಮ          ।।೧।।

ಮೋದದಿ ನಿನ್ನಯ ಪಾದವ ತೋರೋ
ಸಾಧುವಂದಿತನೆ ಆದರದಿಂದಲಿ               ।।೨।।

ಸರಸಿಜನಾಭ ಶ್ರೀ ಪುರಂದರವಿಠಲನ
ನಿರುತ ನೆನೆಯುವಂತೆ ಮಾಡೋ             ।।೩।।

Gajavadana beduve | gouritanaya
gajavadana beduve
trijagavanditane sujanara porevane ||

Pashankushadhara paramapavitra
mushikavahana munijanaprema ||1||

Modadi ninnaya padhava toro
sadhuvanditane adaradindali ||2||

Sarasijanabha shri purandaravithalana
niruta neneyuvante daya mado ||3||

dasara padagalu · DEVOTIONAL · ganesh chathurdhi · ganesha · MADHWA · purandara dasaru

Sharanu siddhi vinayaka

Srividya Guruprasad4 Comments

ಶರಣು ಸಿದ್ಧಿ ವಿನಾಯಕ ಶರಣು ವಿದ್ಯಾ ಪ್ರದಾಯಕ
ಶರಣು ಪಾರ್ವತಿ ತನಯ ಮೂರುತಿ ಶರಣು ಮೂಷಕ ವಾಹನ         ||ಪ||

ನಿಟಿಲ ನೇತ್ರನ ದೇವಿ ಸುತನೆ ನಾಗಭೂಷಣ ಪ್ರಿಯನೆ
ತಟಿಲತಾಂಕಿತ ಕೋಮಲಾಂಗನೆ ಕರ್ಣಕುಂಡಲ ಧಾರನೆ                ||೧||

ಬಟ್ಟ ಮುತ್ತಿನ ಪದಕ ಹಾರನೆ ಬಾಹುಹಸ್ತ ಚತುಷ್ಟನೆ
ಇಟ್ಟ ತೊಡುಗೆಯ ಹೇಮ ಕಂಕಣ ಪಾಶ ಅಂಕುಶ ಧರನೆ               ||೨||

ಕುಕ್ಷಿ ಮಹಾ ಲಂಬೋದರನೆ ಇಕ್ಷುಚಾಪನ ಗೆಲಿದನೆ
ಪಕ್ಷಿವಾಹನ ಸಿರಿ ಪುರಂದರ ವಿಠಲನ ನಿಜ ದಾಸನೆ                     ||೩||

sharanu siddhi vinayaka sharanu vidyA pradAyaka
sharaNu parvati tanaya muruti sharaNu musika vahana

nitila netrana varada putrane nagabhusasa priyane
tatila tankita komalangane karna kundala dharane ||1||

batta muttina hara padaka bahu hasta catustane
itta todugeya hema kankaNa pasha ankusha dharane||2||

kuksi maha lambodarane iksu capana gelidane
paksi vahana siri purandara vittalana nija dasane||3||