ಮನವೆ ನೀ ದೃಢವಾದರೆ
ಮನಸಿಜನಯ್ಯನ ಚರಣ ಕಾಂಬೆನೊ ನಾನು||pa||

ಹಂಬಲವನು ಮಾಡದಿದ್ದರೆ ಹರಿ
ಎಂಬ ನಾಮಪೀಯೂಷ ದೊರಕುವುದು||1||

ಚಂಚಲವುಳ್ಳವುನಾಗದಿದ್ದರೆ ದುಷ್ಟ
ಪಂಚೇಂದ್ರಿಯಗಳ ಸ್ಥಿರವಾಗಿ ನಿಲ್ಲಿಸುವೆ ||2||

ಅತ್ತಲಿತ್ತಲಿ ಪೋಗದಿರು ಎ
ನ್ನತ್ತ ವಿಜಯವಿಠ್ಠಲ ಬರಲೀ ||3||

Manave ni drudhavadare manasi-
Janayyana charana kambeno nanu ||pa||

Hambalavannu madadiddare hari
Emba namapiyusha dorakuvudu ||1||

Chanchalavullavanagadiddare dushta
Panchendriyagalannu sthiravagi nillisuve ||2||

Attalittali pogadiru e-
Nnatta vijayavithala barali ||3||

ದಯಮಾಡು ದಯಮಾಡು ಎನ್ನ ಮೇಲೆ |
ಅಂತರಂಗದೊಳಿಪ್ಪ ಅಚ್ಚುತಮೂರ್ತಿ ||pa||

ಗಂಧ ಪರಿಮಳ ಕುಸುಮ ಜಾಜಿ ಮಲ್ಲಿಗೆ ಮಾಲೆ |
ಮಂದಾರ ಹಾರ ಕೊರಳೊಳಿಡಲೂ ||
ಚಂದವಿಲ್ಲವೆಂದು ತೆಗೆದು ಬಿಸಾಟಿ ಊರ |
ಹಂದಿಯಂದದಿ ಇಲ್ಲಿ ಇಪ್ಪ ನರಗೆ || 1||

ಹೆತ್ತ ತುಪ್ಪ ಸಣ್ಣಶಾವಿಗೆ ಪರಮಾನ್ನ |
ಹೆತ್ತತಾಯಿ ತಂದು ಉಣ್ಣ ಬಡಿಸಲು ||
ಅತ್ತ ಮೊಗವಗಬೆ ತೊತ್ತು ಉಣಬಡಿಸಿದ |
ಹೊತ್ತು ಓಗರ ತಿಂದು ಇಪ್ಪೆನೆಂಬ ನರಗೆ ||2||

ತುಂಬಿದ ಹೊಳೆಯಲ್ಲಿ ಹರಿಗೋಲಿಟ್ಟುಕೊಂಡು |
ಅಂಬಿಗ ತಡೆಯದೆ ದಾಟಿಸಲು ||
ಅಂಬುವಾಸನೆ ನೋಡಿ ದಾಟಿ ಪೋಗುವೆನೆಂ |
ದೆಂಬ ಮಾನವನಾದೆ ವಿಜಯವಿಠ್ಠಲ ಕರುಣೀ||3||

Dayamadu dayamadu enna mele
Antarangadolippa acyuta murti ||pa||

Gandha parimala kusuma jati mallige male
Mandara hara koralolidalu
Chandavillavendu tegedu bisati Ura
Handiyandadi illi ippa narage ||1||

Hettatuppa sannasavige paramanna
Hettatayi tandu unnabadisalu
Atta mogavagaci tottu unabadisida
Hottu Ogara tindu ippenemba narage ||2||

Tumbida holeyalli harigolittukondu
Ambiga tadeyade datisalu
Ambuvasane nodi dati poguvenen
Demba manavanade vijayaviththala karuni ||3||

ವಿಠಲಾ ನಿನ್ನ ನಂಬಿದೆ ಎನ್ನ ಕಾಯೋ |
ಪುಟ್ಟುವದು ಬಿಡಿಸೊ ಎನ್ನವರೊಳಗಿರಿಸೊ ||pa||

ಬಲುಕಾಲ ಮಲ-ಮೂತ್ರ ಡೊಳ್ಳಿನೊಳು ಬಿದ್ದು |
ಹಲುಬಿದೆ ಒಂದಿಷ್ಟು ನೆಲೆಗಾಣದೆ ನಾನು ||
ಹಲವು ಮಾತೇನು ಎನಗೆ ಬಿಡದು |
ಸಲಹಬೇಕಯ್ಯಾ ಸಮುದ್ರ ಶಯ್ಯಾ ||1||

ಕರ ಪಿಡಿದು ಎತ್ತುವ ಬಿರುದು ಪರಾಕ್ರಮ |
ಮರಳಿ ಮಿಗಿಲೊಂದು ದೇವರಿಗೆ ಉಂಟೆ ||
ಮರೆವು ಮಾಡದೆ ಮಹಾದುರಿತವ ಪರಿ_ |
ಹರಿಸು ಸ್ಮರಣೆಯನ್ನು ಇತ್ತು ಕೀರ್ತನೆ ಪೇಳಿಸೋ||2||

ಬಿನ್ನಹ ಲಾಲಿಸು ಚೆನ್ನ ಲಕುಮಿಪತಿ |
ಚೆನ್ನಾಗಿಡು ನಿತ್ಯ ಪ್ರಾಣನಾಥಾ ಅಭಯ ಹಸ್ತಾ ||
ಅನ್ನದಾತಾ ಸಿರಿ ವಿಜಯವಿಠ್ಠಲರೇಯಾ |
ಸನ್ನಿಧಿಯಲ್ಲಿ ಎನ್ನ ಸಂತೋಷಪಡಿಸೊ ||3||

Vithala ninna nambide enna kayo
Puttuvadu bidiso ninnavarolagiriso ||pa||

Bahukala malamutra dollinolu biddu
Halubide ondishtu neleganade nanu
Halavu matenu enage bidadu
Salahabekayya samudrasayya ||1||

Karapididu ettuva birudu parakrama
Marali migilondu devarige umte
Marevu madade mahaduritava pari
Harisu smaraneyannu ittu kirtane peliso ||2||

Binnaha lalisu cenna lakumipati
Chennagidu nitya prananatha abayahasta
Annadata siri vijayaviththalareya
Sannidhiyalli enna samtoshapadiso ||3||

ಎಲೆ ಮನ ಮುರಾರಿಯನೆ ಕೊಂಡಾಡು                    ।।ಪ।।
ಸಾಧನಕಿದು ಉಪಾಯ ನೋಡು                            ।।ಅ.ಪ।।

ಕಾಲನ ದೂತರ ಕಾಲಿಗೆ ಬಿದ್ದರೆ
ನಾಳೆಗೆ ನಿಲುವರೆ ನೋಡು                                   ।।೧।।

ಮಂದಿಯ ಮಾತಿಗೆ ಎಂದೆಂದು ಮರುಗದೆ
ಮುಂದಿನ ಗತಿ ನೀ ನೋಡು                                  ।।೨।।

ರಾಜೀವಮುಖಿಯರ ಸೋಜಿಗ ಮೆಚ್ಚದೆ
ವಿಜಯವಿಠಲನ ಪಾಡು                                        ।।೩।।

Ele mana murariyane kondadu ||pa||
Sadhanakidu upaya nodu ||a.pa||

Kalana dutara kalige biddare
Nalege niluvare nodu ||1||

Mandiya matige endendu marugade
Mundina gati ni nodu ||2||

Rajivamukiyara sojiga mecchade
Vijayavithalana padu ||3||

ಆನಂದ ಆನಂದ ಮತ್ತೆ ಪರಮಾನಂದ                                                 ।।ಪ।।
ಆ ನಂದನ ನಂದನೊಲಿಯೆ ಏನಂದದ್ದೆ ವೇದವೃಂದಾ                              ।।ಅ.ಪ।।

ಆ ಮೊದಲು ಕ್ಷ ಕಾರಾಂತ ಈ ಮಹಾ ವರ್ಣಗಳೆಲ್ಲ
ಸ್ವಾಮಿಯಾದ ವಿಷ್ಣುವಿನ ನಾಮವೆಂದು ತಿಳಿದವರಿಗೆ                                ।।೧।।

ಪೋಪುದು ಬರುತಿಪ್ಪುದು ಕೋಪ ಮತ್ತೆ ಶಾಂತಿ ಮಾಡುವುದು
ರೂಪ ಲಾವಣ್ಯವು ಹರಿವ್ಯಾಪಾರವೆಂದರಿತವರಿಗೆ                                   ।।೨।।

ಜಲ ಕಾಷ್ಠ ಶೈಲ ಗಗನ ನೆಲ ಪಾವಕ ವಾಯು ತರು
ಫಲ ಪುಷ್ಪ ಬಳ್ಳಿಲಿ ಹರಿ ಒಳಗೆ ವ್ಯಾಪ್ತನೆಂದವಗೆ                                     ।।೩।।

ತಾರೋ ಬಾರೋ ಬೀರೊ ಸಾರೊ ಮಾರೊ ತೋರೊ ಹಾರೊ ಹೋರೊ
ಸೇರೋ ತೋರೆಂಬುದೀಶಪ್ರೇರಣೆ ಎಂದವರಿಗೆ                                     ।।೪।।

ಮಧ್ವಶಾಸ್ತ್ರ ಪ್ರವಚನ ಮುದ್ದುಕೃಷ್ಣನ ದರುಶನ
ಸಿದ್ಧ ವಿಜಯವಿಠಲನ್ನ ಪೊಂದಿ ಕೊಂಡಾಡುವವರಿಗೆ                                ।।೫।।

Ananda Ananda matte paramananda ||pa||
A nandana nandanoliye Enandadde vedavrunda ||a.pa||

A modalu ksha karanta I maha varnagalella
Svamiyada vishnuvina namavendu tilidavarige ||1||

Popudu barutippudu kopa matte santhi maduvudu
Rupa lavanyavu harivyaparavendaritavarige ||2||

Jala kashtha Saila gagana nela pavaka vayu taru
Pala pushpa ballili hari olage vyaptanendavage ||3||

Taro baro biro saro maro toro haro horo
Sero torembudisaprerane endavarige ||4||

Madhvasastra pravacana muddukrushnana darusana
Siddha vijayavithalanna pondi kondaduvavarige ||5||

ಪರದೇಶಿ ನೀನು ಸ್ವದೇಶಿ ನಾನು                                    ।।ಪ॥

ಪರಮ ಭಾಗವತರ ಬಾ ಹೋಗಿ ಕೇಳೋಣ                      ।।ಅ.ಪ॥

ಎನಗೆ ಜನಕನು ನೀನು ನಿನಗಾವ ಜನಕನೊ
ಜನನಿ ಇಂದಿರೆದೇವಿ ನಿನಗಾವಳೋ
ವನಜಪೀಠನು ಭ್ರಾತ ನಿನಗಾವ ಭ್ರಾತನೋ
ಇನ ಸೋಮ ಮಾತುಳರು ನಿನಗಾವ ಮಾತುಳರೊ            ।।೧।।

ಸುರನದೀ ಅಗ್ರಜಳು ನಿನಗೆ ಅಗ್ರಜಳಾರು
ಶರನಿಧಿ ಭಾವ ನಿನಗಾರು ಭಾವ
ಸ್ಮರನು ಕಿರಿಸಹಭವನು ನಿನಗೆ ಸಹಭವನಾರೊ
ಸುರರು ಬಂಧುಗಳೆನಗೆ ನಿನಗಾರು ಬಾಂಧವರೊ                ।।೨।।

ವರ ಇಳಾ ಸಾಮಾತೆ ನಿನಗೆ ಸಾಮಾತೆ ಯಾರೊ
ಮರುತ ದೇವರು ಗುರು ನಿನಗಾರು ಗುರುವೊ
ಸಿರಿಯರಸ ವಿಜಯವಿಠ್ಠಲರೇಯನೆ ನಿನ್ನ

Paradesi ninu svadesi nanu ||pa||

Parama bagavatara ba hogi kelona ||a.pa||

Enage janakanu ninu ninagava janakano
Janani indiredevi ninagavalo
Vanajapithanu brata ninagava bratano
Ina soma matularu ninagava matularo ||1||

Suranadi agrajalu ninage agrajalaru
Saranidhi bava ninagaru bava
Smaranu kirisahabavanu ninage sahabavanaro
Suraru bandhugalenage ninagaru bandhavaro ||2||

Vara ila samate ninage samate yaro
Maruta devaru guru ninagaru guruvo
Siriyarasa vijayaviththalareyane ninna
Charana sevaka nanu ninara sevakano ||3||

ಎಂದಿಗಾಹುದೋ ನಿನ್ನ ದರುಶನ          ।।ಪ॥

ಇಂದಿರೇಶ ಮುಕುಂದ ಕೇಶವ              ।।ಅ.ಪ॥

ಗಾನಲೋಲನೆ ದೀನವತ್ಸಲ
ಮಾನದಿಂದಲಿ ನೀನೆ ಪಾಲಿಸೋ          ।।೧।।

ಯಾರಿಗೆ ಮೊರೆ ಇಡುವೆ ಶ್ರೀಹರಿ
ಸಾರಿ ಬಂದು ನೀ ಈಗಲೇ ಪೊರಿ          ।।೨।।

ಗಜವ ಪಾಲಿಸೊ ಗರುವದಿಂದಲಿ
ಭುಜಗಶಯನ ಶ್ರೀ ವಿಜಯವಿಠಲಾ       ।।೩।।

Endigahudo ninna darusana ||pa||

Indiresa mukunda kesava ||a.pa||

Ganalolane dinavatsala
Manadindali nine paliso ||1||

Yarige more iduve srihari
Sari bandu ni igale pori ||2||

Gajava paliso garuvadimndali
Bujagasayana sri vijayavithala ||3||