ಮುಖ್ಯಕಾರಣ ವಿಷ್ಣು ಸರ್ವೇಶ
ಸಖ್ಯ ಸತ್ವರ ಪೋಷ್ಯ ಸರಸಿಜಾದ್ಯಮರೇಶ||ಪ||

ತಿಳಿವೆಂಬುವ ನೀನೆ ತಿಳಿದು ತಿಳಿಸುವ ನೀನೆ
ತಿಳಿವ ವಸ್ತುವು ನೀನೆ ತೀರ್ಥಪದನೆ
ತಿಳಿದುದಕೆ ಫಲ ನೀನೆ ತಿಳಿಯಗೊಡದವ ನೀನೆ
ತಿಳಿವ ಸ್ವತಂತ್ರ ನಿನ್ನದು ತಿಳಿಸೊ ಸರ್ವೇಶ ||೧||

ಧ್ವನಿ ವರ್ಣ ಉಭಯ ಶಬ್ದದ ವಾಚ್ಯನು ನೀನೆ
ಗುಣ ದೇಶ ಕಾಲ ಕರ್ಮದನು ನೀನೆ
ತನು ಕರಣ ವಿಷಯ ಮನ ಜೀವಸ್ವಾಮಿಯು ನೀನೆ
ಅಣುಮಹಜ್ಜಗದಿ ಬಹಿರಂತರದಿ ವ್ಯಾಪ್ತ ||೨||

ವ್ಯಾಸಕಪಿಲ ಹಯಾಸ್ಯ ಧನ್ವಂತ್ರಿ ವೃಷಭ ಮಹಿ-
ದಾಸ ದತ್ತಾತ್ರಯಾದ್ಯಮಿತ ರೂಪ
ಈಸು ರೂಪದಿ ಜ್ಞಾನವಧಿಕಾರಿಗಳಿಗೊರೆದು
ಪೋಷಕನು ಆದೆ ಕೃಪಾಳುವೆ ಶ್ರೀಶ ||೩||

ಚೇತನನು ನಾನು ನೀ ಚೇಷ್ಟೆ ಮಾಡಿಸಲಾಗ-
ಚೇತನನು ಸರಿ ನೀನು ಸುಮ್ಮನಿರಲು
ಯಾತರವ ನಾನಯ್ಯ ನಿನ್ನಧೀನವು ಎಲ್ಲ
ಚೇತನನಹುದೊ ನೀ ಚಲಿಸೆ ಚಲಿಸುವೆನು ||೪||

ತಿಳಿ ಎನ್ನುವುದಕಾಗಿ ತಿಳಿಯತಕ್ಕದ್ದು ನೀನೆ
ತಿಳಿಸೊ ಸೋತ್ತಮರೆಲ್ಲ ತಿಳಿದ ಶೇಷ
ತಿಳಿವಲ್ಲಿ ತಿಳಿಪಲ್ಲಿ ತಿಳುವಳಿಕೆ ನೀನಾಗಿ
ಚಲಿಸದಲೆ ಮನ ನಿಲ್ಲಿಸೊ ಗೋಪಾಲವಿಠಲ ||೫||

Mukyakarana vishnu sarvesa
Sakya satvara poshya sarasijadyamaresa||pa||

Tilivembuva nine tilidu tilisuva nine
Tiliva vastuvu nine tirthapadane
Tilidudake Pala nine tiliyagodadava nine
Tiliva svatantra ninnadu tiliso sarvesa ||1||

Dhvani varna ubaya Sabdada vacyanu nine
Guna desa kala karmadanu nine
Tanu karana vishaya mana jivasvamiyu nine
Anumahajjagadi bahiramtaradi vyapta ||2||

Vyasakapila hayasya dhanvamtri vrushaba mahi-
Dasa dattatrayadyamita rupa
Isu rupadi j~janavadhikarigaligoredu
Poshakanu Ade krupaluve srisa ||3||

Cetananu nanu ni ceshte madisalaga-
Cetananu sari ninu summaniralu
Yatarava nanayya ninnadhinavu ella
Cetananahudo ni calise calisuvenu ||4||

Tili ennuvudakagi tiliyatakkaddu nine
Tiliso sottamarella tilida sesha
Tilivalli tilipalli tiluvalike ninagi
Calisadale mana nilliso gopalavithala ||5||

ನಾನೆ ಭ್ರಮಿಸಿದೆನೊ ವಿಷಯದಿ, ಮಮತೆ ನೀನೆ ಸೃಜಿಸಿದೆಯೊ || ಪ. ||

ಅನಾದಿ ನಿಧಾನ ನೀನೆ ತಿಳಿದು ನೋಡೊ || ಅ.ಪ. ||

ಕೇವಲಾನಂದ ಚಿನ್ಮಯರೂಪ ನೈಜಸ್ವಭಾವ ತ್ಯಜಿಸಿ
ಅನ್ಯ-ಭಾವವಾಶ್ರಯಿಸಲು ಶ್ರೀವರ ನಿನ್ನ ಬಂಧಕಶಕುತಿ
ಆವರಿಸೆನ್ನ ಕಾವಗೊಳಿಸಿ ಈ ವಿಧ ಬನ್ನ ಬಡಿಸುತಿದೆ
ಕೈವಲ್ಯದರಸನೆ ನೀ ವಿಚಾರಿಸಿ ಕಾಯೊ || 1 ||

ಸ್ವತಂತ್ರ ನೀನು ಅಸ್ವತಂತ್ರ ನಾನು
ದೂತನ್ನ ಈ ತೆರಕಾತುರಗೊಳಿಪುದು ಏತರಘನವೊ
ಇದರಿಂದಖ್ಯಾತೇನುಫಲವೊ ಎನ್ನೊಳು ನಿನಗೇತಕೀ ಛಲವೊ
ಭವದಿ ಕೈ-ಸೋತು ಬಿನ್ನೈಸುವೆ ಮಾತುಮನ್ನಿಸಿ ಕಾಯೊ || 2 ||

ಕಕ್ಕಸ ಭವದೊಳು ಠಕ್ಕಿಸಿ ಸಿಗಹಾಕಿ ಸಿಕ್ಕುಬಿಡಿಸದೆ
ನೀ-ನಕ್ಕು ಸುಮ್ಮನಿರಲು ದಿಕ್ಕ್ಯಾರೊ ಎನಗೆ
ದಣಿದು ಮೊರೆ-ಯಿಕ್ಕುವೆ ನಿನಗೆ, ಬಂದು ಬೇಗ
ನೀ ತಕ್ಕೊನೀ ಕೈಗೆ ಎನ್ನವಗುಣ ಲೆಕ್ಕಿಸದಲೆ ಕಾಯ್ಯಬೇಕಯ್ಯ ಕೊನೆಗೆ || 3 ||

ಪ್ರಿಯ ನೀನೆನಗೆಂದು ಅಯ್ಯ, ನಿನ್ನ ನಂಬಲು ಮಯ್ಯ ಮರೆಸಿ
ವಿ-ಷಯದುಯ್ಯಾಲೆಗೊಪ್ಪಿಸಿದೆ ಸಯ್ಯಲೊ ದೊರೆಯೆ ಇಂಥವನೆಂದು
ಅಯ್ಯೊ ಮುನ್ನರಿಯೆ ಕರುಣಿ ಎಂಬೊ ಹಿಯ್ಯಳಿ ಸರಿಯೆ
ಇನ್ನಾದರುಕಯ್ಯ ಪಿಡಿಯಲು ಕೀರ್ತಿ ನಿನಗೆಲೊ ಹರಿಯೆ || 4 ||

ಮೊದಲೆಮ್ಮಾರ್ಯರು ನಿನ್ನ ಪದನಂಬಲವರಘ ಸದೆದು
ಸಮ್ಮುದದಿ ಸಂ-ಪದವ ನೀಡಿದೆಯಂತೆ ಅದನು ಮರೆದೆಯೊ
ಶಕುತಿಯು ಸಾಲದಲೆ ಜ-ರಿದೆಯೊ ಜನರು ಪೇಳಿದ ಮಾತು
ಪುಸಿಯೊ ನಿಜ ತೋರಲು ಬುಧನುತ ಗೋಪಾಲವಿಠಲ ಕೀರುತಿಯೊ || 5 ||
Nane Bramisideno vishayadi, mamate nine srujisideyo || pa. ||

Anadi nidhana nine tilidu nodo || a.pa. ||

Kevalananda cinmayarupa naijasvabava tyajisi
Anya-bavavasrayisalu srivara ninna bandhakasakuti
Avarisenna kavagolisi I vidha banna badisutide
Kaivalyadarasane ni vicarisi kayo || 1 ||

Svatantra ninu asvatantra nanu
Dutanna I terakaturagolipudu etaraganavo
Idarindakyatenupalavo ennolu ninagetaki Calavo
Bavadi kai-sotu binnaisuve matumannisi kayo || 2 ||

Kakkasa bavadolu Thakkisi sigahaki sikkubidisade
Ni-nakku summaniralu dikkyaro enage
Danidu more-yikkuve ninage, bandu bega
Ni takkoni kaige ennavaguna lekkisadale kayyabekayya konege || 3 ||

Priya ninenagendu ayya, ninna nambalu mayya maresi
Vi-shayaduyyalegoppiside sayyalo doreye inthavanendu
Ayyo munnariye karuni embo hiyyali sariye
Innadarukayya pidiyalu kirti ninagelo hariye || 4 ||

Modalemmaryaru ninna padanambalavaraga sadedu
Sammudadi sam-padava nidideyante adanu maredeyo
Sakutiyu saladale ja-rideyo janaru pelida matu
Pusiyo nija toralu budhanuta gopalavithala kirutiyo || 5 ||

ಏಕೆ ಮಮತೆ ಕೊಟ್ಟು ದಣಿಸುವಿ ರಂಗ
ನೀ ಕರುಣದಿ ಎನ್ನ ಪಾಲಿಸೊ ಕೃಷ್ಣ || ಪ. ||

ನಿನ್ನ ಹಂಬಲಿಸದೆ ಅನ್ಯ ವಿಷಯಗಳಿ–
ಗೆನ್ನನೊಪ್ಪಿಸುವುದು ನೀತವೆ
ಮನ್ನಿಸಿ ದಯದಿ ನೀ ಎನ್ನ ಪಾಲಿಸಲು ನಾ
ನಿನ್ನ ನೇಮಕೆ ಪ್ರತಿಕೂಲನೆ || ೧ ||

ತನುವು ತನ್ನದು ಅಲ್ಲ ತನು ಸ೦ಬ೦ಧಿಗಳೆ೦ಬೋ
ತನುವ್ಯಾರೊ ತಾನ್ಯಾರೊ ಅವರಿಗೆ
ಧನ ಮೊದಲಾದ ವಿಷಯಗಳ ಅನುಭವ
ಹಿ೦ದಿನ ದೇಹದ೦ತಲ್ಲವೆ || ೨ ||

ಇ೦ದ್ರಿಯ೦ಗಳು ವಿಷಯದಿ೦ದ ತೆಗೆಯಲು
ಗೋವಿ೦ದ ಎನ್ನ ವಶಕೆ ಬಾರವೊ
ಇ೦ದಿರೆ ಅರಸ ಬ್ರಹ್ಮಾದಿವ೦ದಿತ ನಿನ್ನ
ಬ೦ಧಕಶಕುತಿಗೆ ನಮೋ ನಮೋ || ೩ ||

ಅರಿತು ಅರಿತು ಎನಗರೆಲವವಾದರು
ವಿರಕುತಿವಿಷಯದಿ ಬಾರದು
ಕರುಣಾಸಾಗರ ನಿನ್ನ ಮರೆಹೊಕ್ಕಲ್ಲದೆ
ಮರುಳು ನೀಗುವ ಬಗೆಗಾಣೆನೊ || ೪ ||

ಎ೦ದಿಗೆ ನಿನ್ನ ಚಿತ್ತಕ್ಕೆ ಬರುವುದೊ ಸ್ವಾಮಿ
ಅ೦ದೆ ಉದ್ಧರಿಸಯ್ಯ ಕರುಣಿಯೆ
ಸು೦ದರ ವಿಗ್ರಹ ಗೋಪಾಲವಿಠಲ ಸುಖ
ಸಾ೦ದ್ರ ಭವಮೋಚಕ ನಮೋ ನಮೋ || ೫ ||

Eke mamate kottu danisuvi ranga
Ni karunadi enna paliso krushna || pa. ||

Ninna hambalisade anya vishayagali-
Gennanoppisuvudu nitave
Mannisi dayadi ni enna palisalu na
Ninna nemake pratikulane || 1 ||

Tanuvu tannadu alla tanu sambandhigalembo
Tanuvyaro tanyaro avarige
Dhana modalada vishayagala anubava
Himdina dehada0tallave || 2 ||

Imdriyamgalu vishayadi0da tegeyalu
Govimda enna vasake baravo
Imdire arasa brahmadivandita ninna
Bandhakasakutige namo namo || 3 ||

Aritu aritu enagarelavavadaru
Virakutivishayadi baradu
Karunasagara ninna marehokkallade
Marulu niguva bageganeno || 4 ||

Endige ninna cittakke baruvudo svami
Ande uddharisayya karuniye
Sundara vigraha gopalavithala suka
Sandra bavamocaka namo namo || 5 ||

ಇದೇ ಪಾಲಿಸು ಇದೇ ಪಾಲಿಸು ಇದೇ ಪಾಲಿಸಯ್ಯ|
ಪದುಮ ಸಂಭವ ಪಿತನೆ ಪದೋಪದಿಗೆ ಎಮಗಿಂದು||pa||

ಜೀವ ಅಸ್ವಾತಂತ್ರ್ಯ ದೇವ ನಿಜ ಸ್ವಾತಂತ್ರ್ಯ
ಜೀವ ಜಡರೆಲ್ಲ ದೇವರಾಧೀನವೆಂದು|
ಜೀವೋತ್ತಮರಲಿ ಭಕುತಿ ಜಡದಲ್ಲಿ ವಿರಕುತಿ
ಕಾವ ಕೊಲ್ಲುವುದೆಲ್ಲ ಶ್ರೀಹರಿ ಎಂಬ ಜ್ಞಾನ||1||

ಬಿಂಬ ಚಲಿಸಿದರೆ ಪ್ರತಿಬಿಂಬ ಚಲಿಸುವುದು
ಬಿಂಬ ಪೂರ್ಣನು ಪ್ರತಿಬಿಂಬನು ಅಲ್ಪ|
ಉಂಬುಡುವ ಕ್ರಿಯೆಗಳನು ಬಿಂಬ ಮಾಡಿಸಲು
ಪ್ರತಿಬಿಂಬಾಖ್ಯವುಂಟೆಂಬ ಬಿಂಬಾಕ್ರಿಯವು ಎನಗೆ||2||

ಬಂಧನಾ ನಿವೃತ್ತಿಯು ಎಂದಿಗೋ ಎನಗೆಂದು
ಸಂದೇಹದಿಂದ ನಾ ಕೇಳಲಿಲ್ಲ|
ಸುಂದರಮೂರುತಿ ಗೋಪಾಲವಿಠ್ಠಲ
ಕುಂದಿಲ್ಲದಲೆ ಎನಗೆ ನವವಿಧ ಭಕುತಿಯ||3||

Ide palisu ide palisu ide palisayya|
Paduma sambava pitane padopadige emagindu||

Jiva asvatantrya deva nija svatantrya
Jiva jadarella devaradhinavemdu|
Jivottamarali Bakuti jadadalli virakuti
Kava kolluvudella srihari emba j~jana||1||

Bimba calisidare pratibimba calisuvudu
Bimba purnanu pratibimbanu alpa|
Umbuduva kriyegalanu bimba madisalu
Pratibimbakyavuntemba bimbakriyavu enage||2||

Bandhana nivruttiyu emdigo enagendu
Sandehadimda na kelalilla|
Sundaramuruti gopalaviththala
Kundilladale enage navavidha Bakutiya||3||