Yogi Vyasarayaremba vichithra

ಯೋಗಿ ವ್ಯಾಸರಾಯರೆಂಬ ವಿಚಿತ್ರ ಮೇಘ
ಬೇಗ ವಿಷ್ಣುಪದವ ತೋರುಸುತ್ತ ಬಂತಿದೆಕೊ ||pa||

ಮಾಯಿಮತವೆಂಬ ತಾರಾಮಂಡಲವ ಮುಸುಕುತ್ತ
ವಾಯುಗತಿಯಂತೆ ಗಮಿಸುತಲಿ
ಹೇಯ ಕಾಮಾದಿಗಳೆಂಬ ರಜವನಡಗಿಸುತ
ನಾಯಕನುಪೇಂದ್ರನಾಜ್ಞೆಯ ಪಡೆದು ||1||

ಅಂಗಜನಯ್ಯನೆ ಪರನೆಂದು ಫುಡಿಫುಡಿಸುತ್ತ
ಕಂಗಳೆಂಬ ಮಿಂಚನೆ ನೆರಹಿ ಲೋಕದಿ
ಹಿಂಗದೆ ಪರಿವ ಅಜ್ಞಾನ ನವೆಂಬ ಕತ್ತಲೆಯ
ಭಂಗಿಸಿ ಸುರಪಥವ ತೋರಿಸುತ್ತ ||2||

ಸಿರಿಯರಸನ ಸಮ್ಯಕ್ ಜ್ಞಾನವೆಂಬ ಪೈರಿಗೆ
ಬೇರುಬಿಡಿಸಿ ಹರಿಕಥೆಯೆಂಬ ಮಳೆಗರೆದು
ನೆರೆ ಶಿಷ್ಯಮನವೆಂಬ ಕೆರೆತುಂಬಿಸಿ ಕರಗಳೆಂಬ
ಭರಕೋಡಿ ಹರಿಸುತ ವಿಜಯೀಂದ್ರನ ಗುರು ||3||

yOgi vyAsarAyareMba vicitra mEGa
bEga viShNupadava tOrusutta bantideko ||pa||

mAyimataveMba tArAmanDalava musukutta
vAyugatiyante gamisutali
hEya kAmAdigaLeMba rajavanaDagisuta
nAyakanupEndranAj~jeya paDedu ||1||

angajanayyane paranendu PuDiPuDisutta
kangaLeMba mincane nerahi lOkadi
hingade pariva aj~jAna naveMba kattaleya
Bangisi surapathava tOrisutta ||2||

siriyarasana samyak j~jAnaveMba pairige
bErubiDisi harikatheyeMba maLegaredu
nere SiShyamanaveMba keretuMbisi karagaLeMba
BarakODi harisuta vijayIndrana guru ||3||