Mooru namagala darisida

ಮೂರು ನಾಮಗಳ ಧರಿಸಿದ  ಕಾರಣವೇನು
ಸಾರಿ ಪೇಳಲೋ ಈಗಲೇ||pa||

ಶ್ರೀ ರಮಾಪತಿ ಶ್ರೀನಿವಾಸ ವೆಂಕಟರಮಣ
ಯಾರು ಇಟ್ಟರೊ ನಿನಗೆ ಮೂರು ನಾಮಗಳ |a.pa|

ಶುದ್ಧ ವೈಷ್ಣವರೆಲ್ಲ ಶುದ್ಧ ಮೂರುತಿ ಎಂದು |
ಶುದ್ಧ ಪಾದಕೆ ಎರಗಿ ಕರವ ಮುಗಿದು |
ಎದ್ದು ನೋಡಲು ನಿನ್ನ ಪಣೆಯೊಳೀಪರಿ ಇರಲು
ಮಧ್ವಮತದ ದೈವವೆಂದು ನಿನ್ನ ಕರೆಯುವರೆ||1||

ಸಾಲದೆ ನಿನ್ನ ಸೌಂದರ್ಯಕ್ಕೆ ಒಂದು ತಿಲಕ |
ಪಾಲಸಾಗರಶಾಯಿ ಚೆಲುವಮೂರ್ತಿ|
ಕಾಲಕಾಲಕೆ ಬರುವ ಭಕುತಜನಗಳ ವೃಂದ |
ದೃಷ್ಟಿತಾಕುವುದೆಂಬ ತೋರುವ ಬಗೆಯೊ||2||

ಮೂರು ಲೋಕಗಳಿಹವು ಮೂರುರೂಪನ ನಾನು|
ಮೂರು ಮಾಳ್ಪೆನು ಜಗವ ಮೂರು ಗುಣದಿ |
ಮೂರು ತಾಪವಗೆದ್ದು ಮಾರ್ಗದಿ ಭಜಿಸೆ|
ಪಾರು ಮಾಡುವೆನೆಂದು ತೋರುವ ಬಗೆಯೊ ||3||

ಮೂರೆರಡು ಎರಡೊಂದು ಇಂದ್ರಿಯ ವರ್ಜಿಸಲು |
ತೋರುವನು ನಿಜರೂಪ ಭಕ್ತನೆಂದು|
ಸಾರುತ್ತಿದ್ದರು ವಾಯು ಅರಿಯದೆ ಭಜಿಸಿದಗೆ |
ಮೂರುನಾಮಗಳೆ ಗತಿ ಎನುವ ಬಗೆಯೋ||4||

ಶ್ರೀಲೋಲ ಕೃಷ್ಣ ಗೋಪಾಲವಿಠಲ ನಿನ್ನ
ಈ ಬಗೆಯ ಲೀಲೆಗಳ ಅರಿವರ್ಯಾರೊ|
ವಾಸಶಯನ ವೆಂಕಟೇಶನೆ ಎನ್ನ ಮನಕೆ|
ಕಾಲಕಾಲಕೆ ನಿನ್ನ ಲೀಲೆಗಳ ತೋರೋ||5||
Muru namagala dharisida karanavenu
Sari pelalo igale||

Sri ramapati srinivasa venkataramana
Yaru ittaro ninage muru namagala |

Suddha vaishnavarella Suddha muruti endu |
Suddha padake eragi karava mugidu |
Eddu nodalu ninna paneyolipari iralu
Madhvamatada daivavendu ninna kareyuvare||

Salade ninna saundaryakke ondu tilaka |
Palasagarasayi celuvamurti|
Kalakalake baruva bakutajanagala vrunda |
Drushtitakuvudemba toruva bageyo||

Muru lokagalihavu mururupana nanu|
Muru malpenu jagava muru gunadi |
Muru tapavageddu margadi Bajise|
Paru maduvenendu toruva bageyo ||

Mureradu eradondu indriya varjisalu |
Toruvanu nijarupa Baktanendu|
Saruttiddaru vayu ariyade Bajisidage |
Murunamagale gati enuva bageyo||

Srilola krushna gopalavithala ninna
I bageya lilegala arivaryaro|
Vasasayana venkatesane enna manake|
Kalakalake ninna lilegala toro||