ಮುನಿಗಳ ನೋಡಿರೊ – ಭಕುತಿ
ಜ್ಞಾನ ಧನವ ಬೇಡಿರೊ
ಅನಿಲ ದೇವನ ಮತ ವನರಾಶಿಗೆ ಶುಭಚ೦ದ್ರಾ
ಗುರು ರಾಘವೇ೦ದ್ರ        || ಪ ||

ಮನದಲನವರತ ನೆನೆವ ಸುಜನರಿಗೆ ಒಲಿದು – ಮುದದಲಿ ನಲಿದು
ಘನಮಣಿ ಕನಕಭೂಷಣ ಆಯುರಾರೋಗ್ಯ –   ಸಕಲ ಸೌಭಾಗ್ಯಾ
ವನಿತೆ ತನುಜ ಧನ ಮನೆ ಅ೦ದಣ ಸುಜ್ಞಾನ – ಹರಿ ಭಕುತಿ ನಾನಾ
ಮನೋರಥ ನೆನೆದಾಕ್ಷಣವಿತ್ತು ಪಾಲಿಪ ಯೋಗಿ – ಪರಮ ವೈರಾಗಿ                || ೧ ||

ಜನಕ ಜಾಮೂತನ ಗುಣಕ್ರಿಯರೂಪಗಳೆಲ್ಲಾ – ಧೇನಿಸಬಲ್ಲ
ಜನಕಾದಿಗಳ೦ದದಿ ನಿಸ್ಸ೦ಗದಿ ಮೌನಿ – ಅಪರೋಕ್ಷ ಜ್ಞಾನಿ
ಜನಕ ಸುತರ ಪೊರೆವ೦ದದಿ ಭಕ್ತರ ಪೊರೆವ – ಜಗದೊಳು ಮೆರೆವ
ಜನನ ರಹಿತ ಜಗಜ್ಜನನಾದಿ ಕಾರಣ ಹರಿಯಾ – ಒಲಿಸಿದ ಪಿರಿಯಾ   ||೨||

ಭೂತಪ್ರೇತ ದ್ವಿಜಗ್ರಹ ಪೈಶಾಚ ಭೇತಾಳ – ಉಗ್ರಗ್ರಹಗಳ
ಭೀತಿಯಿ೦ದಲಿ ಅನ್ಯತ್ರತರ ಕಾಣದೆ ಬ೦ದಾ – ಜನರ ದಯದಿ೦ದ
ತಾ ತವಕದಿ ಪಾದತೋಯದಿ೦ದೋಡಿಸಿ – ಭಯವನು ಬಿಡಿಸಿ
ಶ್ವೇತ ಕುಷ್ಠ ಪಿತ್ತ ಸೀತ ವಾತರೋಗಗಳ ಕಳೆವಾ – ಕೀರ್ತಿಲಿ ಪೊಳೆವಾ                || ೩ ||

ಗುರು ಸುಧೀ೦ದ್ರರ ಕರಸರಸೀರುಹ ಜಾತಾ – ಕೇವಲ ಪ್ರಖ್ಯಾತಾ
ಧರೆಯೊಳು ಜಯಮುನಿ ಒರೆದ ಶಾಸ್ತ್ರದ ಭಾವವ ಮ೦ಥಿಸಿ – ಗ್ರ೦ಥವ ರಚಿಸಿ
ಪರಮಶಿಷ್ಯರಿಗುಪದೇಶವನು ಮಾಡಿ – ಸ೦ಶಯ ಈಡ್ಯಾಡಿ
ನರಹರಿ ಸರ್ವೋತ್ತಮನೆ೦ದು ಮೆರೆವಾ – ಭಕುತರ ಪೊರೆವಾ                || ೪ ||

ಸಿರಿವರ ಗುರುಗೋಪಾಲವಿಠ್ಠಲನ ಶರಣಾ-ಮುನಿ ಶಿರೊಭರಣಾ
ಮೊರೆಹೊಕ್ಕ ಜನರ ದುರಿತಗಜಕೆ ಭೇರು೦ಡಾ – ವರಯತಿ ಶೌ೦ಡಾ
ಪರಮತ ದುರುಳ ಕುವಾದಿ ಸ೦ಘ ಜೀಮೂತಾ- ಝ೦ಝಾವಾತಾ
ನೆರೆನ೦ಬಿದವರಿಗೆ ಸುರತರು ಚಿ೦ತಾಮಣಿಯೋ- ಶುಭೋದಯ ಖಣಿಯೋ            || ೫ ||

Munigala nodiro – Bakuti
J~jana dhanava bediro
Anila devana mata vanarasige subachandra
Guru ragavendra || pa ||

Manadalanavarata neneva sujanarige olidu – mudadali nalidu
Ganamani kanakabushana ayurarogya – sakala saubagya
Vanite tanuja dhana mane andana suj~jana – hari Bakuti nana
Manoratha nenedakshanavittu palipa yogi – parama vairagi || 1 ||

Janaka jamutana gunakriyarupagalella – dhenisaballa
Janakadigalandadi nissangadi mauni – aparoksha j~jani
Janaka sutara porevandadi Baktara poreva – jagadolu mereva
Janana rahita jagajjananadi karana hariya – olisida piriya || 2 ||

Butapreta dvijagraha paisacha betala – ugragrahagala
Bitiyindali anyatratara kanade banda – janara dayadinda
Ta tavakadi padatoyadindodisi – Bayavanu bidisi
Sveta kushtha pitta sita vatarogagala kaleva – kirtili poleva || 3 ||

Guru sudhindrara karasarasiruha jata – kevala prakyata
Dhareyolu jayamuni oreda sastrada bavava manthisi – granthava rachisi
Parama sishyarigupadesavanu madi – sansaya idyadi
Narahari sarvottamanendu mereva – Bakutara poreva || 4 ||

Sirivara gurugopalaviththalana sarana-muni sirobarana
Morehokka janara duritagajake berunda – varayati saunda
Paramata durula kuvadi sanga jimuta- janjavata
Nerenanbidavarige surataru cintamaniyo- subodaya kaniyo || 5 ||

ಶರಣು ಶರಣು ರಾಘವೇ೦ದ್ರ ಗುರುರಾಯಾ
ಶರಣು ಶರಣು ಕವಿಗೇಯ
ಶರಣು ಮಾರುತಮತಶರಧಿ ಅತ್ರಿತನಯ
ಧರಣಿ ವಿಬುಧ ಜನಪ್ರೀಯ            || ಪ ||

ಅನಾದಿಕಾಲದಿ ಎನಗೆ ಶ್ರೀಹರಿ ತಾನು
ನಾನಾ ದೇಹ ದೇಶ ಕಾಲದಲಿ
ತಾನೆ ಇಚ್ಚಿಸಿ ಮಾಡಿದ ಮರಿಯಾದಿಯು
ನಾನರಿತವನಲ್ಲ ಗುರುವೆ
ಎನೇನು ವಿಘ್ನಗಳು೦ಟು ಪರಿಹರಿಸಿ
ನೀನೆ ಪಾಲಿಸಬೇಕು ಕರುಣಿ        || ೧ ||

ಹಸ್ತಿಮಜ್ಜನದ೦ತೆ ಕರ್ಮಾದಿ ಕರ್ಮನಿ
ರಸ್ತವಾದುದು ಅಬಲರಿಗೆ
ಗ್ರಸ್ತವಾಗಿದೆ ಮನ ವಿಶಯದಿ ಮೊದಲಿ೦ದು
ದುಸ್ತರವವನಿಗೆ ಗೆಲಲೊಶವೆ
ವಿಸ್ತಾರಮಹಿಮ ನೀನೊಲಿದು ಕರುಣಿಸಲು
ದುಸ್ತರವೆಲ್ಲ ಸುಲಭವೋ
ಹಸ್ತಿವರದನ೦ಘ್ರಿಯಲಿ ಭಕ್ತಿಯನಿತ್ತು
ಸ್ವಸ್ಥಚಿತ್ತನ ಮಾಡೊ ಕರುಣಿ            || ೨ ||

ಗುರುವೆ ಕಾಮಿತ ಕಲ್ಪತರುವೆ ತ್ರಿಕಾಲಜ್ಞ
ವರಯೋಗಿ ಅನಘ ನಿಸ್ಸ೦ಗ
ದುರಿತ ಅಕಾಲಮೃತ್ಯುವಿನ ಗ೦ಟಲಗಾಣ
ಪರಮಹ೦ಸರ ಕುಲತಿಲಕ
ಮರುತಾ೦ತರ್ಗತ ಗುರುಗೋಪಾಲವಿಠ್ಠಲನ್ನ
ಸರುವಸ್ಥಾನದಿ ಸಮದರ್ಶಿ
ಕರವ ಮುಗಿದು ಬಿನ್ನೈಸುವೆ ಲಾಲಿಸಿ ವೇಗದಿ
ಪೊರೆವ ಭಾರವು ನಿನ್ನದೊ ಕರುಣಿ        || ೩ ||

Saranu saranu raghavendra gururaya
Saranu saranu kavigeya
Saranu marutamatasaradhi atritanaya
Dharani vibudha janapriya || pa ||

Anadikaladhi enage srihari tanu
Nana deha desa kaladali
Tane iccisi madida mariyadiyu
Nanaritavanalla guruve
Enenu vignagaluntu pariharisi
Nine palisabeku karuni || 1 ||

Hastimajjanadante karmadi karmani
Rastavadudu abalarige
Grastavagide mana visayadi modalindu
Dustaravavanige gelalosave
Vistaramahima ninolidu karunisalu
Dustaravella sulabavo
Hastivaradanangriyali Baktiyanittu
Svasthacittana mado karuni || 2 ||

Guruve kamita kalpataruve trikalaj~ja
Varayogi anaga nissanga
Durita akalamrutyuvina gantalagana
Paramahansara kulatilaka
Marutantargata gurugopalaviththalanna
Saruvasthanadi samadarsi
Karava mugidu binnaisuve lalisi vegadi
Poreva baravu ninnado karuni || 3 ||

ತೇರನೇರಿ ಮೆರೆದು ಬರುವ ಭೂಸುರವಂದ್ಯ ಯಾರಕ್ಕ ಕ|
ಗುರು ರಾಘವೇಂದ್ರರೆಂತೆಂಬೋ ಯತಿ ಕುಲ ತಿಲಕ ಕೇಳ್ತಾಂಗಿ ||ಪ||

ಚಂದದಿ ಕುಂದನ ಮುಕುಟವ ಧರಿಸಿದ ಸುಂದರನೀತ ಯಾರಕ್ಕ|
ತಂದೆಯ ಆಘಹರಿದು ನರಹರಿಯ ತೋರಿದ ಪ್ರಹ್ಲಾದರಾಯ ಕೇಳ್ತಾಂಗಿ ||1||

ವಿಪ್ರರು ದಾಸರು ಯತಿತತಿಗಳ ಕೂಡಿ ಬರುತಿಹ ನೀತ ಯಾರಕ್ಕ|
ಕಪ್ಪು ಕೃಷ್ಣನ ಒಪ್ಪಿಸಿ ಕುಣಿಸಿದ ವ್ಯಾಸರಾಯ ಕೇಳ್ತಾಂಗಿ ||2||

ವರಹಜ ನದಿಯ ತೀರದಿ ಇದ್ದು ಭಕುತರ ಪೊರೆವವ ಯಾರಕ್ಕ|
ಹರುಷದಿ ಆನಂದ ವಿಠಲನ ಸಾರಿದ ಪರಿಮಳ ರಾಯ ಕೇಳ್ತಾಂಗಿ ||3||

Teraneri meredu baruva bhusuravandya yarakka|
guru raghavendrarentembo yatikulatilaka keltangi ||pa||

Chandadi kundana mukutava dharisida sundaraneeta yarakka|
tandeya aghaharidu narahariya torida prahladaraya keltangi ||1||

Vipraru dasaru yatitatigala koodi barutiha neeta yarakka|
kappu krishnana oppisi kunisida vyasaraya keltangi ||2||

Varahaja nadiya teeradi iddu bhakutara porevava yarakka|
harushadi ananda vitalana sarida parimalarya keltangi ||3

ಮ೦ತ್ರಾಲಯ ಮ೦ದಿರ ಮಾ೦ಪಾಹಿ                  || ಪ ||

ಮಧ್ವಾಭಿಧಮುನಿಸದ್ವ೦ಶೋದ್ಭವ
ಅದ್ವೈತಾರಣ್ಯ ಸದ್ವೀತಿಹೋತ್ರ                     || ೧ ||

ಸುಧೀ೦ದ್ರಯತಿಕರಪದುಮೋದ್ಭವ
ಸುಧಿಗುರುರಾಘವೇ೦ದ್ರ ಕೋವಿದ ಕುಲವರ್ಯ       || ೨ ||

ದ೦ಡಧರ ಕೋದ೦ಡಪಾಣಿಪದ
ಪು೦ಡರೀಕಧ್ಯಾನ ತ೦ಡಮತೇ ಹೇ                || ೩ ||

ಸುರಧೇನು ಕಲ್ಪತರು ವರಚಿ೦ತಾಮಣಿ
ಶರಣಾಗತಜನ ಪರಿಪಾಲ ತ್ವಮ್                      || ೪ ||

ಅಭಿನವಜನಾರ್ಧನವಿಠ್ಠಲ ಪದಯುಗಳ
ಧ್ಯಾನಿಪ ಮುನಿಕುಲೋತ್ತ೦ಸಾ                     || ೫ ||

Mantralaya mandira mampahi || pa ||

Madhvabidha munisadvamshodbava
Advaitaranya sadvitihotra || 1 ||

Sudhindrayatikara padumodbava
Sudhi gururagavendra kovida kulavarya || 2 ||

Dandadhara kodandapanipada
Pundarikadhyana tanda mate he || 3 ||

Suradhenu kalpataru varachintamani
Saranagatajana paripala tvam || 4 ||

Abinava janardhanaviththala padayugala
Dhyanipa munikulottamsa || 5 ||

ರಾಘವೇ೦ದ್ರ ಗುರು ಪಾವನಕಾಯ
ರಾಘವೇ೦ದ್ರ ಮ೦ತ್ರಾಲಯ ನಿಲಯ            || ಪ ||

ರಾಘವೇ೦ದ್ರ ದುರಿತೌಘ ಪರಿಹಾರ
ರಾಘವೇಶನ ಪಾದವನಜಾರಾಧಕ          || ೧ ||

ಶರಣು ಹೊಕ್ಕೆನು ಇ೦ದುಕಿರಣ ಪೋಲುವ ಚರಣ
ಸ್ಮರಣೆ ಕರುಣಿಸುವುದು ಕರುಣದಿ೦ದ ಗುರು         || ೨ ||

ಸಿರಿವರ ವಿಜಯವಿಠ್ಠಲ ಪರನೆ೦ದು
ಸ್ಥಿರವಾಗಿ ಸ್ಥಾಪಿಸಿ ಮೆರೆವ ನಿರ್ಮಲಕಾಯ  || ೩ ||

Raghavendra guru pavanakaya
Raghavendra mantralaya nilaya

Raghavendra durithauga parihara
Raghaveshana pada vanajaradhaka||1||

Sharanu hokkeno indhu kirana poluva nimma charana
Smarane karunisuvudhu karunadhindha guru||2||

Sirivara vijaya vittala paranendhu
Sthiravagi sthapisi meredha nirmalakaya||3||

ರಾಘವೇಂದ್ರ ತೀರ್ಥನೀತ ರಾಜಿಸುವಾತ                  || ಪ ||
ಪಾಪೌಘಗಳೆಲ್ಲವ ನೋಡಿಸಿ ಪುಣ್ಯಗಳೀವಾತಾ            || ಅ ||

ಬಣ್ಣ ಬಣ್ಣದಿಂದ ಬಹಳ ಬೋಧಿಸುವಾತ – ಬಹಳ
ಸಣ್ಣ ದೊಡ್ಡಭೀಷ್ಟಗಳ ಸಾಧಿಸುವಾತಾ
ಪುಣ್ಯವಂತರಿಂದ ಬಹು ಪೂಜೆಗೊಂಬಾತ – ನಮಗೆ
ಕಣ್ಣ ಹಬ್ಬವಾಗುವಂತೆ ಕಾಣಿಸುವಾತಾ                 || ೧ ||

ಕಾಮಕ್ರೋಧಾದಿಗಳನೆ ಕಾಲಲೊದ್ದಾತ – ಈತ
ವ್ಯೋಮಕೇಶನಂತೆ ನಾಲ್ಕು ವೇದ ಪ್ರಖ್ಯಾತಾ
ಭೂಮಿಯೊಳು ದುರ್ವಾದಿಗಳನೆ ಭೂರಿ ಗೆದ್ದಾತ – ಪ್ರೌಢ
ಶ್ರೀಮಧ್ವಯೋಗೀಂದ್ರತೀರ್ಥ ಶಿಷ್ಯನೆಂಬಾತಾ            || ೨ ||

ಸಿಧ್ಧವಿದ್ಯೆಗಳಲಿ ಬಹು ಪ್ರಸಿಧ್ಧನಾದಾತಾ – ನಮ್ಮ
ಮಧ್ವಶಾಸ್ತ್ರಗಳನೆ ಮಾಡಿಕೊಟ್ಟಾತ
ಮಧ್ವೇಶವಿಠ್ಠಲನ ಧ್ಯಾನದಲಿದ್ದಾತ – ತುಂಗ
ಭದ್ರತೀರದಲ್ಲಿ ತಾನು ವಾಸವಾದಾತ                || ೩ ||

Ragavendra tirthanita rajisuvata || pa ||
Papaugagalellava nodisi punyagalivata || a ||

Banna bannadinda bahala bodhisuvata – bahala
Sanna doddabishtagala sadhisuvata
Punyavamtarinda bahu pujegombata – namage
Kanna habbavaguvante kanisuvata || 1 ||

Kamakrodhadigalane kalaloddata – Ita
Vyomakesanante nalku veda prakyata
Bumiyolu durvadigalane buri geddata – praudha
Srimadhvayogindratirtha sishyanembata || 2 ||

Sidhdhavidyegalali bahu prasidhdhanadata – namma
Madhvasastragalane madikottata
Madhvesaviththalana dhyanadaliddata – tunga
Badratiradalli tanu vasavadata || 3 ||

ರಾಘವೇಂದ್ರ ಗುರುರಾಯರ ಸೇವಿಸಿರೊ ಸೌಖ್ಯದಿ ಜೀವಿಸಿರೊ ||pa||

ವಾಸೋತ್ತುಂಗಾ ತೀರದಲ್ಲೆ ನಿಂತು ವಸುಧೆಯೊಳು ಬಂದು ||a.pa||

ಆ ಸುಧೀಂದ್ರ ಕರ ಸರೋಜ ಸಂಜಾತ ವಸುಧೆಯೊಳು ಪುನೀತಾ
ದಾಶರಥಿಯ ದಾಸತ್ವವ ತಾನೂಹಿಸಿ ದುರ್ಮತಿಗಳ ಜಯಿಸಿ ತ್ಯಜಿಸಿ
ಈ ಸಮೀರಮತ ಸಂಸ್ಥಾಪಕರಾಗಿ ನಿಂದಕರನು ನೀಗಿ ಭೂಸುರರಿಗೆ
ಸಂಸೇವಸಹಾಚರಣೀ ಕಂಗೊಳಿಸುವ ಕರುಣಿ ||1||

ಕುಂದದೆ ವರ ಮಂತ್ರಾಲಯದಲ್ಲಿರುವಾ ಕರೆದಲ್ಲಿಗೆ ಬರುವಾ
ಸಂದರುಶನದಿಂದಲಿ ಮಹತ್ಪಾಪ ಪರಿದೋಡಿಸಲಾಪಾ
ವೃಂದಾವನ ಮೃತ್ತಿಕೆ ಜಲಪಾನ ಮುಕ್ತಿಗೆ ಸೋಪಾನ
ಮಂದ ಭಾಗ್ಯರಿಗೆ ದೊರೆಯದಿವರ ಸೇವಾ ಶರಣರ ಸಂಜೀವಾ ||2||

ಶ್ರೀದವಿಠ್ಠಲನ ಸನ್ನಿಧಾನ ಪಾತ್ರಾ ಸಂಸ್ತುತಿಸಿದ ಮಾತ್ರಾ
ಮೋದಬಡಿಸುವ ತಾನಿಹಪರದಲ್ಲಿ ಈತಗೆ ಸಮರೆಲ್ಲಿ
ಮೇದಿನಿಯೊಳಗಿನ್ನರಸಲು ಕಾಣೆ ಪುಸಿಯಿಲ್ಲೆನ್ನಾಣೆ
ಪಾದಸ್ಮರಣೆ ಮಾಡದವನೆ ಪಾಪಿ ನಾ ಪೇಳ್ವೆನು||3||

Raghavendra guru rayara sevisiro
Saukhyadi jivisiro ||pa||

Tungatiradi raghuramana pujisiro
Narasinghana bhajakaro ||apa||

Shri sudhindra kara saroja sanjata jagadolage punita
Dasharathiya dashatvava ta vahisi durmatigala jayisi
I samira mata samsthapakaragi nindakaranu nigi
Bhusurarige samsevya sadacharani kangolisuva karuni ||1||

Kundada vara mantralayadalliruva karedallige baruva
Brundavanagata mruttike jalapana mukutige sopana
Sandarushanamatradali mahatapa badidodisalapa
Mandabhagyarige doreyadiruva seve sharanara sanjiva ||2||

Shrida vithalana sannidhana patra samstutisalu matra
Moda padisutiha tanihaparadalli itage sariyalli
Mediniyolaginnarasalu na kane pusiyallane
Padasmaraneya madadavane papi na peluve stapi ||3||

ಸತತ ಪಾಲಿಸೊ ಎನ್ನ ಯತಿ  ರಾಘವೇಂದ್ರಾ |

ಪತಿತ ಪಾವನ ಪವನಸುತ ಮತಾಂಬುಧಿ ಚಂದ್ರಾ || ಅ.ಪ. ||

ಕ್ಷೋಣೀಯೊಳಗೆ ಕುಂಭಕೋಣ ಕ್ಷೇತ್ರದಿ ಮೆರೆದೆ |
ವೀಣಾವೆಂಕಟ ಅಭಿದಾನಾದಿಂದಾ |
ಸಾನುರಾಗದಿ ದ್ವಿಜನ ಪ್ರಾಣ ಉಳಿಸಿದ ಮಹಿಮೆ |
ಏನೆಂದು ಬಣ್ಣಿಸಲಿ ಜ್ಞಾನಿಗಳ ಕುಲತಿಲಕಾ | ೧ |

ನಂಬಿದೆನೋ ನಿನ್ನ ಪಾದಾಂಬುಜವ ಮನ್ಮನದಿ |
ಹಂಬಲ ಪೂರೈಸೋ ಬೆಂಬಿಡದಲೆ |
ಕುಂಭಿಣಿ ಸುರ ನಿಕುರುಂಬವಂದಿತ ಜಿತ |
ಶಂಭರಾಂತಕ ಶಾತ ಕುಂಭ ಕಶ್ಯಪ ತನಯಾ | ೨ |

ಮಂದಮತಿಗಳ ಸಂಗದಿಂದ ನಿನ್ನ ಪಾದ |
ಇಂದಿನತನಕ ನಾ ಪೊಂದಲಿಲ್ಲಾ |
ಕುಂದು ಎಣಿಸದೇ  ಕಾಯೋ ಕಂದರ್ಪ ಪಿತ |
ಶ್ಯಾಮ ಸುಂದರ ದಾಸ ಕರ್ಮಂದಿಗಳ ಕುಲವರ್ಯಾ | ೩ |

satata paliso enna yati ragavendra |

patita pavana pavanasuta matambudhi camdra | a.pa. |

kshoniyolage kumbakona kshetradi merede |
vinavenkata abidanadinda |
sanuragadi dvijana prana ulisida mahime |
enemdu bannisali j~janigala kulatilaka | 1 |

nambideno ninna padambujava manmanadi |
hambala puraiso bembidadale |
kumbini sura nikurumbavandita jita |
sambarantaka sata kumba kasyapa tanaya | 2 |

mandamatigala sangadinda ninna pada |
indinatanaka na pondalilla |
kundu enisade kayo kandarpa pitha |
syama sundara dasa karmandigala kulavarya | 3 |