ನಲಿದಾಡೆ ಎನ್ನ ನಾಲಿಗೆ ಮೇಲೆ, ಸರಸ್ವತಿ ದೇವಿ
ಕುಣಿದಾಡೆ ಎನ್ನ ನಾಲಿಗೆ ಮೇಲೆ ||ಪ||
ಸಲಿಲಜೋದ್ಭವನ ವದನನಿಲಯಳೆ
ಇಳೆಯೊಳಪ್ರತಿಮ ಗುಣಗಣಾಂಬುಧಿ ತಾಯೆ ||ಅ.ಪ||

ಘಲು ಘಲು ಘಲು ಗೆಜ್ಜೆಯ ನಾದ
ಭಳಿಭಳಿರೆ ನಿಮ್ಮ ಹೊಳೆವ ಬೆರಳುಂಗುರ ಕಿಣಿ ಕಿಣಿ ನಾದ
ಎಳೆಯ ಮಾವಿನ ತಳಿರ ಪೋಲುವ ದಿವ್ಯ ಪಾದ
ಚೆಲ್ವ ಪೆಂಡೆಯ ಭೇದ
ನಲಿವ ಯುಗಳ ಜಂಘೆ
ಜಲಗುಳೆಯಂತೆ ಜಾನು
ಥಳಥಳಿಸುವ ತೊಡೆ ಒಲಿವ ಸುಗುಣಿಯೆ ||

ದಿನಕರಕೋಟಿತೇಜದಿ ಹೊಳೆವ
ಅನುಪಮವಾದ ಕನಕ ವಸನದಿಂದ ಎಸೆವ
ಘನವಾದ ಜಘನ ಗಗನದಂದದಿ ಸುಂದರ ಕಟಿಯಲಿ ಮೆರೆವ
ಮಣಿಧಾಮ ವಿಭವ
ತನು ಜಠರವು ಜಾಹ್ನವಿ ಸುಳಿನಾಭಿಯು ಘನ
ಸ್ತನಯುಗಳ ಚಂದನಲೇಪಿತಳೆ ||

ದುಂಡು ಮುತ್ತಿನ ಕೊರಳ ಹಾರ
ಮಿಣೀ ಮಿಣಿಸುವ ಉ-
ದ್ದಂಡ ಮನೋಹರ ಹೊನ್ನಿನ ಸರ
ಕರಿರಾಜ ಪೋತನ
ಸೊಂಡಿಲಿನಂತೆ ಭುಜದ ಭಾರ
ನಡೆವ ಒಯ್ಯಾರ
ಮಂಡಿತ ವಾದ
ಕಂಕಣ ತೋಳಬಳೆಗಳು
ದುಂಡು ಹವಳ ಕೈ ಕಟ್ಟುಳ್ಳವಳೆ ||

ನಸುನಗುಮುಖವು ನಾಸಾಭರಣ
ಎಸೆವ ಕಪೋಲ
ಹೊಸ ಕುಂಡಲ ಚಳತೊಂಬುಳ್ಳ ಶ್ರವಣ
ಬಿಸಜದಳದಂತೆ
ಲಸಿತ ಕರ್ಣಾಂತವಾದ ನಯನ
ತಿಲಕದ ಹಸನ
ಶಶಿಸೂರ್ಯರ ಆಭರಣ ಸುಶೋಭಿತೆ
ಕುಸುಮ ಮುಡಿದ ಮೂರ್ಧಜವುಳ್ಳವಳೆ

ಶೃಂಗಾರವಾದ ಜಡೆ ಭಂಗಾರ
ಹೊಂಗ್ಯಾದಿಗೆ ಮುಡಿದ
ಭಂಗಾರದ ಹೆರಳಿನ ರಾಕಟಿ ವರ-
ಭೃಂಗದ ಸ್ವರ ಹಿಂಗದೆ ಭಕ್ತರ ಸಲಹುವ ಭಾರ
ಕಂಗಳ ಮನೋಹರ ರಂಗ ಪುರಂದರವಿಠಲ ರಾಯನ
ಮಂಗಳ ಮೂರ್ತಿಯ ತೋರೆ ಶುಭಾಂಗಿ ||
Nalidade enna nalige mele, sarasvati devi
Kunidade enna nalige mele ||pa||
Salilajodbavana vadananilayale
Ileyolapratima gunaganambudhi taye ||a.pa||

Galu Galu Galu gejjeya nada
Balibalire nimma holeva beralungura kini kini nada
Eleya mavina talira poluva divya pada
Celva pendeya beda
Naliva yugala jange
Jalaguleyante janu
Thalathalisuva tode oliva suguniye ||

Dinakarakotitejadi holeva
Anupamavada kanaka vasanadinda eseva
Ganavada jagana gaganadandadi sundara katiyali mereva
Manidhama vibava
Tanu jatharavu jahnavi sulinabiyu Gana
Stanayugala candanalepitale ||

Dumdu muttina korala hara
Mini minisuva u-
Ddamda manohara honnina sara
Kariraja potana
Somdilinante Bujada bara
Nadeva oyyara
Mandita vada
Kankana tolabalegalu
Dundu havala kai kattullavale ||

Nasunagumukavu nasabarana
Eseva kapola
Hosa kundala calatombulla sravana
Bisajadaladante
Lasita karnamtavada nayana
Tilakada hasana
Sasisuryara abarana susobite
Kusuma mudida murdhajavullavale

Srungaravada jade bangara
Hongyadige mudida
Bangarada heralina rakati vara-
Brungada svara hingade Baktara salahuva bara
Kangala manohara ranga purandaravithala rayana
Mangala murtiya tore subangi ||

ನಂಬದಿರು ಈ ದೇಹ ನಿತ್ಯವಲ್ಲ
ಅಂಬುಜಾಕ್ಷನ ಭಜಿಸಿ ಸುಖಿಯಾಗು ಮನವೆ

ಎಲುವು ರಕ್ತ ಮಾಂಸಗಳ ಮೇಲೆ ಚರ್ಮದ ಹೊದಿಕೆ
ಒಳಗೆ ಮಲಮೂತ್ರಾದಿ ಕ್ರಿಮಿಗಳಿರವು
ಹಲವು ವ್ಯಾಧಿಯ ಬೀಡು ಪಂಚಭೂತದನಾಡು
ಬಲುಹು ದೇಹವ ನೆಚ್ಚಿ ಕೆಡಬೇಡ ಮನುಜ

ಸತಿ ಸುತರು ಹಿತರೆಂದು ಮತಿ ಮರೆದು ಮಮತೆಯಲಿ
ಅತಿಕಾಂಕ್ಷೆಯಿಂದ ದುರ್ವಿಷಯ ಬಲಿದು
ಸತತ ಲಕ್ಷ್ಮೀಪತಿಯ ಶರಣೆನದೆ ಇಹಪರದ
ಗತಿಶೂನ್ಯನಾಗಿ ನೀ ಕೆಡಬೇಡ ಮನುಜ

ಪರರ ನಿಂದಿಸದೆ ಪರವಧುಗಳನು ಬಯಸದೆ
ಗುರುವಿಪ್ರ ಸೇವೆಯನು ಮಾಡು ಬಿಡದೆ
ಹರಿ ಸ್ತುತಿಯ ನೀ ಕೇಳು ಹರಿ ಕೀರ್ತನೆಯ ಮಾಡು
ಸಿರಿಪುರಂದರವಿಠಲನೊಲಿದು ಪಾಲಿಸುವ
Nambadiru I deha nityavalla
Ambujakshana Bajisi sukiyagu manave

Eluvu rakta mamsagala mele carmada hodike
Olage malamutradi krimigaliravu
Halavu vyadhiya bidu pancabutadanadu
Baluhu dehava necci kedabeda manuja

Sati sutaru hitarendu mati maredu mamateyali
Atikamksheyinda durvishaya balidu
Satata lakshmipatiya saranenade ihaparada
Gatisunyanagi ni kedabeda manuja

Parara nindisade paravadhugalanu bayasade
Guruvipra seveyanu madu bidade
Hari stutiya ni kelu hari kirtaneya madu
Siripurandaravithalanolidu palisuva

ತಪ್ಪುಗಳೆಲ್ಲವ ಪರಿಹರಿಸುವ ನಮ್ಮಪ್ಪನಲ್ಲವೆ ನೀನು ||ಪ||
ಅಷ್ಟಾದರು ಎನ್ನವಗುಣ ಎಣಿಸದೆ ಸತ್ಯ ಸಂಕಲ್ಪ ತಿಮ್ಮಪ್ಪ ನೀನು ||ಅ||

ಬೆಳಗಿನ ಝಾವದಿ ಹರಿಯ ಸ್ಮರಣೆಯ ಮಾಡದಿರುವುದು ತಪ್ಪು
ಮಲಮೂತ್ರ ವಿಸರ್ಜನೆ ಮೃತ್ತಿಕೆಯಲಿ ಮಲವ ತೊಳೆಯದಿರುವುದು ತಪ್ಪು
ತುಳಸಿ ವೃಂದಾವನ ಗೋಸೇವೆಗೆ ಆಲಸ್ಯ ಮಾಡುತಲಿರುವುದು ತಪ್ಪು
ನಳಿನಸಹೋದರನಿಗರ್ಘ್ಯವನೀಯದೆ ಕಲಿವ್ಯಾಸಂಗದಲಿರುವುದು ತಪ್ಪು ||

ದಿನದಿನ ಉದಯ ಸ್ನಾನ ಮಾಡದ ತನು ವಂಚನೆಯಾ ತಪ್ಪು
ಮುನಿಸುರ ಭೂಸುರರಾರಾಧಿಸದೆ ಧನ ವಂಚನೆಯ ತಪ್ಪು
ಕ್ಷಣ ಗುಣ ಜಿಜ್ಞಾಸಿಲ್ಲದೆ ದುರ್ಜನರ ಸಂಸರ್ಗದ ತಪ್ಪು
ವನಜಾಕ್ಷ ನಿನ್ನ ಧ್ಯಾನವ ಮಾಡದೆ ಮನ ವಂಚನೆಯ ತಪ್ಪು ||

ಕಣ್ಣಿಲಿ ಕೃಷ್ಣಾಕೃತಿಯ ನೋಡದೆ ಪರಹೆಣ್ಣಿನ ನೋಡಿದ ತಪ್ಪು
ಅನ್ನವನರ್ಪಿಸದೆ ಅಜ್ಞಾನದಿ ಉಣ್ಣುವ ನಾಲಿಗೆ ತಪ್ಪು
ನಿನ್ನ ಕಥಾಮೃತವಿಲ್ಲದೆ ಹರಟೆಯ ಮನ್ನಿಸುವ ಕಿವಿ ತಪ್ಪು
ಚಿನ್ಮಯಮೂರುತಿ ಚರಣೆಕ್ಕೆರಗದೆ ಉನ್ಮತ್ತೆಯ ತಪ್ಪು ||

ಆನಂದನ ಸಂಕೀರ್ತನೆ ಮಾಡದೆ ಹೀನವಿವಾದದ ತಪ್ಪು
ಶ್ರೀನಾಥಾರ್ಚನೆ ಇರಲೂಳಿಗವ ಮಾಡಿದ ಕೈಯ ತಪ್ಪು
ಶ್ರೀನಿರ್ಮಾಲ್ಯ ವಿರಹಿತ ಸುರಭಿಯ ಘ್ರಾಣದ ನಾಸಿಕ ತಪ್ಪು
ಶ್ರೀ ನಾರಾಯಣನ ವೇಷಗೆಯ್ಯದನ ನಟನೆ ಪಾದದ ತಪ್ಪು ||

ಯಜ್ಞಾತ್ಮಗೆ ಯಜ್ಞವರ್ಪಿಸದೆ ಕಾಮ್ಯ ಯಜ್ಞಮಾಡಿದ ತಪ್ಪು
ಅಜ್ಞಾನ ಜ್ಞಾನದಲಿ ಕ್ಷಣ ಕ್ಷಣ ಅಘಗಳ ಗಳಿಸುವ ತಪ್ಪು
ಆಗತ ಶೌಚದ ಕರ್ಮವ ಜರೆದು ಸಮಗ್ರ ಗುಹ್ಯದ ತಪ್ಪು
ಯಜ್ಞೇಶ ಮಧ್ವಪತಿ ಪುರಂದರವಿಠಲನ ವಿಸ್ಮರಣೆಯ ತಪ್ಪು ||

Tappugalellava pariharisuva nammappanallave ninu ||pa||
Ashtadaru ennavaguna enisade satya sankalpa timmappa ninu ||a||

Belagina javadi hariya smaraneya madadiruvudu tappu
Malamutra visarjane mruttikeyali malava toleyadiruvudu tappu
Tulasi vrumdavana gosevege Alasya madutaliruvudu tappu
Nalinasahodaranigargyavaniyade kalivyasangadaliruvudu tappu ||

Dinadina udaya snana madada tanu vancaneya tappu
Munisura busurararadhisade dhana vancaneya tappu
Kshana guna jij~jasillade durjanara samsargada tappu
Vanajaksha ninna dhyanava madade mana vancaneya tappu ||

Kannili krushnakrutiya nodade parahennina nodida tappu
Annavanarpisade aj~janadi unnuva nalige tappu
Ninna kathamrutavillade harateya mannisuva kivi tappu
Cinmayamuruti caranekkeragade unmatteya tappu ||

Anamdana sankirtane madade hinavivadada tappu
Srinatharcane iraluligava madida kaiya tappu
Srinirmalya virahita surabiya granada nasika tappu
Sri narayanana veshageyyadana natane padada tappu ||

Yaj~jatmage yaj~javarpisade kamya yaj~jamadida tappu
Aj~jana j~janadali kshana kshana agagala galisuva tappu
Agata Saucada karmava jaredu samagra guhyada tappu
Yaj~jesa madhvapati purandaravithalana vismaraneya tappu ||

ಗಿಳಿಯು ಪಂಜರದೊಳಿಲ್ಲಾ|| ಪ||
ಶ್ರೀ ರಾಮ ರಾಮಾ ಬರಿದು ಪಂಜರವಾಯಿತಲ್ಲಾ|| ಅ ಪ||

|ಅಕ್ಕ ನಿನ್ನ ಮಾತು ಕೇಳಿ ಚಿಕ್ಕದೊಂದು ಗಿಳಿಯ ತಂದು ಸಾಕಿದೆ|
ಅಕ್ಕ ನಾನಿಲ್ಲದ ವೇಳೆ ಬೆಕ್ಕು ಕೊಂಡು ಹೋಯಿತಯ್ಯೋ|| ೧||

ಅರ್ತಿಗೊಂದು ಗಿಳಿಯ ಸಾಕಿದ ಮುತ್ತಿನಹಾರವ ಹಾಕಿದೆ|
ಮುತ್ತುಗೊಂಡು ಗಿಳಿಯು ತಾನು ಎತ್ತ ಓಡಿ ಹೋಯಿತಯ್ಯೋ|| ೨||

ಹಸಿರು ಬಣ್ಣದ ಗಿಳಿಯು ಕುಶಲ ಬುದ್ಧಿಯ ಗಿಳಿಯು|
ಅಸುವ ಕುಂದಿ ಗಿಳಿಯು ತಾನು ಹಸನಗೆಡಿಸಿ ಹೋಯಿತಯ್ಯೋ|| ೩||

ಮುಪ್ಪಾಗದ ಬೆಣ್ಣೆಯನು ತಪ್ಪದೇ ನಾ ಹಾಕಿದೆ ಸಾಕಿದೆ|
ಒಪ್ಪದಿಂದ ಗಿಳಿಯು ಈಗ ತೆಪ್ಪನೇ ಹಾರಿ ಹೋಯಿತಯ್ಯೋ|| ೪||

ರಾಮ ರಾಮ ಎಂಬೋ ಗಿಳಿ ಕೋಮಲ ಕಾಯದ ಗಿಳಿ|
ಸಾಮಜ ಪೋಷಕ ತಾನು ಪ್ರೇಮದಿ ಸಾಕಿದ ಗಿಳಿ|| ೫||

ಒಂಬತ್ತು ಬಾಗಿಲ ಮನೆ ತುಂಬುವ ಸಂದಣಿಯಿರಲು|
ಕುಂಭ ಮುರಿದು ಡಿಂಭ ಬಿದ್ದು ಅಂಬರಕೆ ಹಾರಿತಯ್ಯೋ|| ೬||

ಅಂಗೈಯಲಾಡುವ ಗಿಳಿ ಮುಂಗೈಯ ಮೇಲಣ ಗಿಳಿ|
ಗ ಪುರಂದರವಿಠಲನಂತ ರಂಗದಿ ಭಜಿಸುವ ಗಿಳಿ|| ೭||
Giliyu panjaradolilla|| pa||
Sri rama rama baridu panjaravayitalla|| a pa||

|akka ninna matu keli cikkadondu giliya tandu sakide|
Akka nanillada vele bekku kondu hoyitayyo|| 1||

Artigondu giliya sakida muttinaharava hakide|
Muttugondu giliyu tanu etta odi hoyitayyo|| 2||

Hasiru bannada giliyu kusala buddhiya giliyu|
Asuva kundi giliyu tanu hasanagedisi hoyitayyo|| 3||

Muppagada benneyanu tappade na hakide sakide|
Oppadinda giliyu Iga teppane hari hoyitayyo|| 4||

Rama rama embo gili komala kayada gili|
Samaja poshaka tanu premadi sakida gili|| 5||

Ombattu bagila mane tumbuva sandaniyiralu|
Kumba muridu dimba biddu ambarake haritayyo|| 6||

Angaiyaladuva gili mungaiya melana gili|
Ga purandaravithalananta rangadi Bajisuva gili|| 7||

ಕೈಯ ತೋರೋ ಕರುಣಿಗಳರಸಾ-ಕೈಯ ತೋರೊ |ಕೈಯಲಿ ಬೆಣ್ಣೆಯ ಮುದ್ದೆಯ ನೀಡುವೆ-ಕೈಯ||pa||

ಗುಲಿಯೊಳು ಪೊನ್ನುಂಗುರವೊಪ್ಪುವ ಕೈಯ ತೋರೊ |ಶೃಂಗಾರದಿ ಶಂಖಚಕ್ರವ ಧರಿಸಿದ ಕೈಯ ತೋರೊ ಅಂಗೈಯಲಿ ಧ್ವಜಪಧ್ಮವಿರಾಜಿಪ ಕೈಯ ತೋರೊ |ಅಂಗನೆಯರಉತ್ತುಂಗಕುಚದಲಿಟ್ಟ ಕೈಯ ತೋರೊ||1||

ಬಡಬ್ರಾಹ್ಮಣನವಲಕ್ಕಿಯ ಬೇಡಿದ ಕೈಯ ತೋರೊ |ಕೊಡೆ ಮಾಡಿ ಗಿರಿಯೆತ್ತಿ ಗೋಗಳ ಕಾಯ್ದ-ಕೈಯ ತೋರೊ ಕಡುಹಿರಣ್ಯಾಖ್ಯನ ಒಡಲನು ಬಗೆದ-ಕೈಯ ತೋರೊ |ಧೃಡ ಪ್ರಹ್ಲಾದನ ಮಂಡೆಯೊಳಿಟ್ಟ ಕೈಯ ತೋರೊ||2||

ಅಲ್ಲಿ ಪೂತನಿಯ ಅಸುವನೆ ಹೀರಿದ ಕೈಯ ತೋರೊ |ಬಲ್ಲಿದಮಲ್ಲರ ಮರ್ದಿಸಿ ಬಂದ-ಕೈಯ ತೋರೊ
ಮೆಲ್ಲನೆ ಕುಬುಜೆಯ ಡೊಂಕನೆ ತಿದ್ದಿದ ಕೈಯ ತೋರೊ |ಬಿಲ್ಲನು ಎಡಗೈಯಲಿ ಮುರಿದಿಟ್ಟ ಕೈಯ ತೋರೊ||3||

ಬಲಿಯನು ವಂಚಿಸಿ ದಾನವ ಬೇಡಿದ ಕೈಯ ತೋರೊ |ಫಲಪುಷ್ಪ ಪಾರಿಜಾತವ ತಂದ ಕೈಯ ತೋರೊ
ಒಲಿದು ಪಾರ್ಥಗೆ ರಥವನು ನಡೆಸಿದ ಕೈಯ ತೋರೊ |ಮಲ್ಲಿಗೆ ಜಾಜಿಯ ತುರುಬಿಗೆ ಮುಡಿಸಿದ ಕೈಯ ತೋರೊ ||4||

ಆಕಾಶದ ಚಂದ್ರಮನನು ಕರೆದ-ಕೈಯ ತೋರೊ |ನಾಕಪತಿಗೆ ಅಭಯವನಿತ್ತ-ಕೈಯ ತೋರೊ |
ನೇಕ ಬಗೆಯಲಿ ಕೊಳಲನೂದುವ-ಕೈಯ ತೋರೊ |ಶ್ರೀಕಾಂತ ನಮ್ಮ ಪುರಂದರವಿಠಲ-ಕೈಯ ತೋರೊ ||5||

Kaiya toro karunigalarasa-kaiya toro |kaiyali benneya muddeya niduve-kaiya||pa||

Guliyolu ponnunguravoppuva kaiya toro |srungaradi samkacakrava dharisida kaiya toro amgaiyali dhvajapadhmavirajipa kaiya toro |anganeyara^^uttungakucadalitta kaiya toro||1||

Badabrahmananavalakkiya bedida kaiya toro |kode madi giriyetti gogala kayda-kaiya toro kaduhiranyakyana odalanu bageda-kaiya toro |dhruda prahladana mandeyolitta kaiya toro||2||

Alli putaniya asuvane hirida kaiya toro |ballidamallara mardisi banda-kaiya toro
Mellane kubujeya Donkane tiddida kaiya toro |billanu edagaiyali muriditta kaiya toro||3||

Baliyanu vancisi danava bedida kaiya toro |palapushpa parijatava tanda kaiya toro
Olidu parthage rathavanu nadesida kaiya toro |mallige jajiya turubige mudisida kaiya toro ||4||

Akasada candramananu kareda-kaiya toro |nakapatige abayavanitta-kaiya toro |
Neka bageyali kolalanuduva-kaiya toro |srikanta namma purandaravithala-kaiya toro ||5||

ಕೃಷ್ಣಮೂರ್ತಿ ಕಣ್ಣ ಮುಂದೆ ನಿಂತಿದಂತಿದೆ ||ಪ||

ಕಷ್ಟಗಳೆಲ್ಲಾ ಪರಿಹರಿಸಿ ಮನ-
ದಿಷ್ಟಾರ್ಥಗಳನೆಲ್ಲಾ ಕೊಟ್ಟು ರಕ್ಷಿಸುವಂಥ || ಅ||

ಮಸ್ತಕದಲಿ ಮಾಣಿಕ್ಯದ ಕಿರೀಟ
ಕಸ್ತೂರಿ ತಿಲಕದಿಂದೆಸೆವ ಲಲಾಟ
ಶಿಸ್ತಿಲಿ ಕೊಳಲನೂದುವ ಓರೆ ನೋಟ
ಕೌಸ್ತುಭ ಎಡಬಲದಲಿ ಓಲಾಟ || ೧||

ಮಘಮಘಿಸುವ ಸೊಬಗಿನ ಸುಳಿಗುರುಳು
ಚಿಗುರು ತುಳಸಿ ವನಮಾಲೆಯ ಕೊರಳು
ಬಗೆ ಬಗೆ ಹೊನ್ನುಂಗುರವಿಟ್ಟ ಬೆರಳು
ಸೊಬಗಿನ ನಾಭಿಯ ತಾವರೆ ಯರಳು ||೨||

ಉಡುದಾರ ವಡ್ಡ್ಯಾಣ ನಿಖಿಲಾಭರಣ
ಉಡುಗೆ ಪೀತಾಂಬರ ರವಿಶತ ಕಿರಣ
ಕಡಗ ನೂಪುರ ಗೆಜ್ಜೆಗಳನಿಟ್ಟ ಚರಣ
ಒಡೆಯ ಶ್ರೀಪುರಂದರ ವಿಠಲನ ಕರುಣ || ೩||
Krushnamurti kanna munde nintidantide ||pa||

Kashtagalella pariharisi mana-
Dishtarthagalanella kottu rakshisuvantha || a||

Mastakadali manikyada kirita
Kasturi tilakadindeseva lalata
Sistili kolalanuduva Ore nota
Kaustuba edabaladali olata || 1||

Magamagisuva sobagina suligurulu
Ciguru tulasi vanamaleya koralu
Bage bage honnunguravitta beralu
Sobagina nabiya tavare yaralu ||2||

Ududara vaddyana nikilabarana
Uduge pitambara ravisata kirana
Kadaga nupura gejjegalanitta carana
Odeya sripurandara vithalana karuna || 3||

ಎಲ್ಲಿರುವನೋ ರಂಗನೆಂಬ ಸಂಶಯ ಬೇಡ
ಎಲ್ಲಿ ಭಕ್ತರು ಕರೆದರಲ್ಲೆ ಒದಗುವನು ||ಪ||

ತರಳ ಪ್ರಹ್ಲಾದ ಶ್ರೀಹರಿ ವಿಶ್ವಮಯನೆಂದು
ಬರೆದೋದಲವನ ಪಿತ ಕೋಪದಿಂದ
ಸ್ಥಿರವಾದಡಿ ಕಂಭದೊಳು ತೋರು ತೋರೆನಲು
ಭರದಿ ಬರಲದಗೆ ವೈಕುಂಠ ನೆರೆ ಮನೆಯೆ ||

ಪಾಪ ಕರ್ಮವ ಮಾಡಿದಜಮಿಳನ ಯಮಭಟರು
ಕೋಪದಿಂದೆಳೆಯುತಿರೆ ಭೀತಿಯಿಂದ
ತಾ ಪುತ್ರನನು ಕರೆಯ ಕೇಳಿ ರಕ್ಷಿಸೆ ಶ್ವೇತ
ದ್ವೀಪವೀ ಧರೆಗತಿ ಸಮೀಪದಲ್ಲಿಹುದೆ ||

ಕರಿರಾಜನು ನೆಗಳು ನುಂಗುತಿರೆ ಭಯದಿಂದ
ಮೊರೆಯಿಡಲು ಕೇಳಿ ಅತಿ ತ್ವರಿತದಿಂದ
ಕರುಣದಲಿ ಬಂಧನವ ಬಿಡಿಸಲಾಗಜರಾಜ
ನಿರುವ ಸರಸಿಗೆ ಅನಂತಾಸನವು ಮುಮ್ಮನೆಯೆ ||

ಕುರುಪತಿಯು ದ್ರೌಪದಿಯ ಸೀರೆಯನು ಸೆಳೆಯುತಿರೆ
ತರುಣಿ ಹಾ ಕೃಷ್ಣ ಎಂದೊದರೆ ಕೇಳಿ
ಭರದಿಂದ ಅಕ್ಷಯಾಂಬರವಿತ್ತ ಹಸ್ತಿನಾ-
ಪುರಿಗು ದ್ವಾರಾವತಿಗು ಕೂಗಳತೆಯೆ ||

ಅಣು ಮಹತ್ತುಗಳಲ್ಲಿ ಪರಿಪೂರ್ಣೆಂದೆನಿಸಿ
ಗಣನೆಯಿಲ್ಲದ ಮಹಾಮಹಿಮನೆನಿಪ
ಘನಕೃಪಾನಿಧಿ ನಮ್ಮ ಪುರಂದರ ವಿಟ್ಠಲನು
ನೆನೆದವರ ಮನದೆಲ್ಲ ಇಹನೆಂಬ ಬಿರುದಿರಲು ||
Elliruvano ranganemba samsaya beda
Elli Baktaru karedaralle odaguvanu ||pa||

Tarala prahlada srihari visvamayanendu
Baredodalavana pita kopadinda
Sthiravadadi kambadolu toru torenalu
Baradi baraladage vaikuntha nere maneye ||

Papa karmava madidajamilana yamabataru
Kopadimdeleyutire bitiyinda
Ta putrananu kareya keli rakshise sveta
Dvipavi dharegati samipadallihude ||

Karirajanu negalu nungutire Bayadinda
Moreyidalu keli ati tvaritadinda
Karunadali bandhanava bidisalagajaraja
Niruva sarasige anantasanavu mummaneye ||

Kurupatiyu draupadiya sireyanu seleyutire
Taruni ha krushna emdodare keli
Baradimda akshayambaravitta hastina-
Purigu dvaravatigu kugalateye ||

Anu mahattugalalli paripurnendenisi
Gananeyillada mahamahimanenipa
Ganakrupanidhi namma purandara vitthalanu
Nenedavara manadella ihanemba birudiralu ||