Category: prasanna venkata dasaru

dasara padagalu · MADHWA · prasanna venkata dasaru · rama

Raama Raama seetharaama raghurama

Srividya Guruprasad2 Comments

ರಾಮ ರಾಮ ಸೀತಾರಾಮ ರಘುರಾಮ ||ಪ||

ರಾಮ ರಾಮ ರಘುನಂದನ ತೋಷನ
ಅಮಿಷ ಪದಾಂಬುಜ ಪಾವನ
ನಾಮ ವಿಮಲ ಕಮಲಾಯತ ಲೋಚನ
ಭೂಮಿಜಾರಮಣ ಸದಾ ಶುಭಮಹಿಮನೆ ||೧||

ದಂಡ ಕುಖರಹರ ವಂದಿತ ಸುಜಟಾ
ಮಂಡಿತ ಮೌಳಿ ಮುನೀಂದ್ರ ಕರಾರ್ಚಿತ
ಚಂಡಕುಲೇಶ ಖಳ ನಿಶಾಚರ
ದಂಡನ ವರಕೋದಂಡ ವಿದಾರಿ ||೨||

ವಾರಿದ ಶಾಮ ದಯಾಂಬುಧಿ ಭಕ್ತ ಸ
ಮೀರಜ ಸೇವ್ಯ ವಿಭೀಷಣ ವರದ ಸು
ಸ್ಮೇರವದನ ಸಾಮ್ರಾಜ್ಯ ಪರಾಯಣ
ಭೂರಿ ಪ್ರಸನ್ವೆಂಕಟ ಕೃಷ್ಣತೇ ನಮೋ ||೩||

rAma rAma sItArAma raGurAma ||pa||

rAma rAma raGunaMdana tOShana
amiSha padAMbuja pAvana
nAma vimala kamalAyata lOcana
BUmijAramaNa sadA SuBamahimane ||1||

danDa kuKarahara vandita sujaTA
manDita mauLi munIndra karArcita
canDakulESa KaLa niSAcara
danDana varakOdanDa vidAri ||2||

vArida SAma dayAMbudhi Bakta sa
mIraja sEvya viBIShaNa varada su
smEravadana sAmrAjya parAyaNa
BUri prasanvenkaTa kRuShNatE namO ||3||

 

dasara padagalu · MADHWA · prasanna venkata dasaru

Karuniyembe karunabdhiyembe

Srividya Guruprasad2 Comments

ಕರುಣಿಯೆಂಬೆ ಕರುಣಾಬ್ಧಿಯೆಂಬೆ ಶರಣು ಶರಣೆಂಬೆ ||ಪ||

ಪರಮ ಭಾಗವತರ ಅರಿಗಳ ತರಿದು ನೀ
ನರಕ ತಪ್ಪಿಸಿ ನಿಜ ಪುರಕೊಯ್ಯುವೆಯೆಂದು ||ಅಪ ||

ತಾಯಿಯೆಂಬೆ ತವರೂರೆಂಬೆ ತ್ರಾಹಿ ತ್ರಾಹಿ ಎಂಬೆ
ಬಾಯೆಂಬೆ ಮಾನವರ ಘಾಯಗಾಣಿಸುತಿರೆ
ನೀಯಜಾಮಿಳಗಾಶ್ರಯನಿತ್ತೆಯೆಂದಿ ||೧||

ತಾತನೆಂಬೆ ಅದ್ಯಾಪ್ತನೆಂಬೆ ನಾಥನಾಥೆಂಬೆ
ಪಾತಕ ಕೌರವರಾಂತಕ ಬಿಡಿಸಿ ಸಂ-
ಪ್ರೀತಿಲಿ ಪಾಂಡವರ ಕಾಯುವೆಯೆಂದು ||೨||

ಏಕನೆಂಬೆ ಅನೇಕನೆಂಬೆ ಸಾಕು ಸಾಕು ಎಂಬೆ
ಶ್ರೀ ಕಾಂತ ಪ್ರಸನ್ವೆಂಕಟೇಕಾಂತ ದಾಸರ
ಬೇಕಾಗಿ ದಡಾ ನೂಕುವೆಯೆಂದು ||೩||

karuNiyeMbe karuNAbdhiyeMbe SaraNu SaraNeMbe ||pa||

parama BAgavatara arigaLa taridu nI
naraka tappisi nija purakoyyuveyeMdu ||apa ||

tAyiyeMbe tavarUreMbe trAhi trAhi eMbe
bAyeMbe mAnavara GAyagANisutire
nIyajAmiLagASrayanitteyeMdi ||1||

tAtaneMbe adyAptaneMbe nAthanAtheMbe
pAtaka kauravarAMtaka biDisi saM-
prItili pAnDavara kAyuveyendu ||2||

EkaneMbe anEkaneMbe sAku sAku eMbe
SrI kAnta prasanvenkaTEkAnta dAsara
bEkAgi daDA nUkuveyendu ||3||

dasara padagalu · MADHWA · prasanna venkata dasaru · siva

hara hara purahara girijamanohara

Srividya Guruprasad1 Comment

ಹರ ಹರ ಪುರಹರ ಗಿರಿಜಾಮನೊಹರ
ಸುರವರ ಕರುಣಾಕರನೆ ನಮೋ ನಮೋ ||ಪ||

ಶರಣರ ಸುರತರು ವರಪಂಪಾಪತಿ
ವಿರೂಪಾಂಬಕ ಪೊರೆ ಶುಭದಿ ||ಅಪ||

ಮದನನ ಮಥನ ಪಂಚವದನ ಕೈಲಾಸದ
ಸದನ ಸದಾಶಿವ ನಮೋ ನಮೋ
ಹದಿನಾಲ್ಕು ಭುವನದ ಬಲ್ಲರಜಿತ
ಕದನ ಕಲುಷಹರ ನಮೋ ನಮೋ ||೧||

ತಾರಕಪತಿಧರ ಭೂರಿಕೃಪಾಂಬಿಧಿ
ತಾರಕಹರ ಪಿತ ಜಯಾ ಜಯಾ
ತಾರಕ ಉಪದೇಶ ಕಾರಕ ಘನಭವ
ತಾರಕ ಮೃಂತ್ಯುಂಜಯಾ ಜಯಾ ||೨||

ಶೇಷಾಭರಣವಿ ಭೂಷಾಭವ ವಿ
ಶೇಷ ಭಕುತಪ್ರಿಯ ವಿಭೋ ವಿಭೋ
ಶೇಷಭೂಭೃತ್ ಪೊಷ ಪ್ರಸನ್ವೆಂಕ
ಟೇಶ ಭಜನಶೀಲ ವಿಭೋ ವಿಭೋ ||೩||
hara hara purahara girijAmanohara
suravara karuNAkarane namO namO ||pa||

SaraNara surataru varapaMpApati
virUpAMbaka pore SuBadi ||apa||

madanana mathana pancavadana kailAsada
sadana sadASiva namO namO
hadinAlku Buvanada ballarajita
kadana kaluShahara namO namO ||1||

tArakapatidhara BUrikRupAMbidhi
tArakahara pita jayA jayA
tAraka upadESa kAraka GanaBava
tAraka mRuntyunjayA jayA ||2||

SEShABaraNavi BUShABava vi
SESha Bakutapriya viBO viBO
SEShaBUBRut poSha prasanvenka
TESa BajanaSIla viBO viBO ||3||

dasara padagalu · MADHWA · prasanna venkata dasaru

Shiva raama Mahamahima

Srividya Guruprasad1 Comment

ಶಿವರಾಮಾ ಮಹಾಮಹಿಮ. ||ಪ||

ಭುವನಗಿರಿ ರಾಮೇಶ್ವರಧಾಮ ||ಅಪ||

ಮಾರಜನಕನ ಮಹಿಮೆ ಸಾರಲು
ತ್ವರದಿ ಶುಕಮುನಿಯಾಗಿ ಬರಲು
ಗುರುವೆನಿಸಿದಿ ಹರಿಮತದವರೊಳು
ಪರಗತಿ ಸಾಧನ ದಾರಿಯ ತೋರಲು ||೧||

ಭುಂಜಿಸಿ ವಷ ನಂಜುಂಡನೆನೆನಿಸಿದಿ
ಕೆಂಜಡೆಯಲಿ ನಂದಿನಿಯ ರಂಜಿಸಿ
ವಂಜೀರರ ಭವಭಂಜಕ ನಮ್ಮ
ಕಂಜನಾಭ ಪದಕಂಜ ತೋರುವ. ||೨||

ಜಪ ತಪ ನೇಮಾಬೇಕಿಲ್ಲ
ನೀಪ್ರಕಟನಾಗುವಿ ನಂಬುವಗೆಲ್ಲ
ಅಪತ್ತಿಗೊದಗುವ ಘಟಿತಾಘಟಿತಬಲ
ಶ್ರೀ ಪ್ರಸನ್ನವೆಂಕಟ ನಿನ್ನೊಳಗಿಹನಲ್ಲ. ||೩||
SivarAmA mahAmahima. ||pa||

Buvanagiri rAmESvaradhAma ||apa||

mArajanakana mahime sAralu
tvaradi SukamuniyAgi baralu
guruvenisidi harimatadavaroLu
paragati sAdhana dAriya tOralu ||1||

Bunjisi vaSha nanjunDanenenisidi
kenjaDeyali nandiniya ranjisi
vanjIrara BavaBanjaka namma
kanjanABa padakanja tOruva. ||2||

japa tapa nEmAbEkilla
nIprakaTanAguvi naMbuvagella
apattigodaguva GaTitAGaTitabala
SrI prasannavenkaTa ninnoLagihanalla. ||3||

dasara padagalu · MADHWA · prasanna venkata dasaru

Tappu nodade

Srividya Guruprasad2 Comments

ತಪ್ಪು ನೋಡದೆ ಬಂದೆಯಾ ಎನ್ನಯ ತಂದೆ
ತಪ್ಪು ನೋಡದೆ ಬಂದೆಯಾ ||ಪ||

ಆ ಪಾದ ಮೌಳಿ ಎನ್ನೋಳು ಅಘ ಬಹಳ
ಶ್ರೀಪತಿ ಕಾಯ್ದೆಯಾ ಉದಧಿ್ದ್ದೆಯಾ ||೧||

ಜಗದಘಹರನೆಂಬೊ ನಿನ್ನಯ ಬಿರುದು|
ತ್ರಿಗುಣಾತೀತನೆ ರಾಮನೆ ಗುಣಧಾಮನೆ ||೨||

ಇಂದೆನ್ನ ಕಲುಷವಾರಿಸೊ ಭವತಾರಿಸೋ|
ಪ್ರಸನ್ನವೆಂಕಟ ರಮಣಾ ಭಯ ಶಮನಾ ||೩||

tappu nODade bandeyA ennaya tande
tappu nODade bandeyA ||pa||

A pAda mauLi ennOLu aGa bahaLa
SrIpati kAydeyA udadhiddeyA ||1||

jagadaGaharaneMbo ninnaya birudu|
triguNAtItane rAmane guNadhAmane ||2||

indenna kaluShavAriso BavatArisO|
prasannavenkaTa ramaNA Baya SamanA ||3||

dasara padagalu · krishna · MADHWA · prasanna venkata dasaru

Kartha Krishnayya

Srividya Guruprasad2 Comments

ಕರ್ತಾ ಕೃಷ್ಣಯ್ಯ ನೀ ಬಾರಯ್ಯ ।
ಎನ್ನಾರ್ತದನಿಗೊಲಿದು ಬಾರಯ್ಯ ॥

ಸುಗುಣದಖಣಿಯೆ ನೀ ಬಾರಯ್ಯ ।
ಎಮ್ಮಘವ ನೋಡಿಸಲು ನೀ ಬಾರಯ್ಯ ।
ಧಗೆಯೇರಿತು ತಾಪ ಬಾರಯ್ಯ ಸದಾ ।
ಮುಗುಳ್ನಗೆ ಮಳೆಗೆರೆಯೆ ಬಾರಯ್ಯ ॥೧॥

ವೈರಿವರ್ಗದಿ ನೊಂದೆ ಬಾರಯ್ಯ ।
ಮತ್ಯಾರೂ ಗೆಳೆಯರಿಲ್ಲ ಬಾರಯ್ಯ ।
ಸೇರಿದೆ ನಿನ್ನಯ ಕರುಣೆಗೆ ಬಾರಯ್ಯ ।
ಒಳ್ಳೆ ದಾರಿಯ ತೋರಲು ಬಾರಯ್ಯ ॥೨॥

ವೈರಾಗ್ಯಭಾಗ್ಯವ ಕೊಡಬಾರಯ್ಯ ।
ನಾನಾರೋಗದ ಭೇಷಜ ಬಾರಯ್ಯ ।
ಜಾರುತದಾಯು ಬೇಗ ಬಾರಯ್ಯ ।
ಉದಾರ ಪ್ರಸನ್ನವೆಂಕಟ ಬಾರಯ್ಯ ॥೩॥

kartA kRuShNayya nI bArayya |
ennArtadanigolidu bArayya ||

suguNadaKaNiye nI bArayya |
emmaGava nODisalu nI bArayya |
dhageyEritu tApa bArayya sadA |
muguLnage maLegereye bArayya ||1||

vairivargadi nonde bArayya |
matyArU geLeyarilla bArayya |
sEride ninnaya karuNege bArayya |
oLLe dAriya tOralu bArayya ||2||

vairAgyaBAgyava koDabArayya |
nAnArOgada BEShaja bArayya |
jArutadAyu bEga bArayya |
udAra prasannavenkaTa bArayya ||3||

dasara padagalu · MADHWA · prasanna venkata dasaru · tulasi

Sri tulasi mahimeyadu

Srividya Guruprasad2 Comments

ಶ್ರೀ ತುಳಸಿ ಮಹಿಮೆಯದು ಪೊಗಳಲಳಿವಿಲ್ಲ ಶ್ರೀ
ನಾಥ ನಾರಾಯಣನ ಅರ್ಚನೆಗೆ ಸರ್ವದಾ
ಪ್ರೀತಿಕರಳಾಗಿ ರಾಜಿಪಳು ಕಲಿಯುಗದಲ್ಲಿ ನೋಂತವರ ಭಾಗ್ಯವೆಂತೊ ||ಪ||

ಶ್ರೀ ಮದಾರ್ಚಿತ ಕ್ಷೀರವಾರಿಧಿಯ ಮಥಿಸುತಿರೆ
ಆ ಮಹಾವಿಷ್ಣುವಿನ ನೇತ್ರದಿಂದಲಿ ಹೊರಟ
ಪ್ರೇಮಜಲದುದ್ಭವಿಸಿ ನಳನಳಿಸಿ ದಿವ್ಯ ಆಮೋದ ಪೂರ್ಣಳಾಗಿ
ಭೂಮಿ ಪಾವನವ ಮಾಡುತಲಿ ಭೂನಿರ್ಜರರ
ಧಾಮ ಧಾಮಗಳಲ್ಲಿ ವೃಂದಾವನದಿ ನೆಲೆಸಿ
ಕಾಮಿತ ಫಲನೀವ ಕಲ್ಯಾಣಿ ಕೃಷ್ಣನಿಗೆ ನೇಮದಿಂ ಪ್ರಿಯಳಾದ. || ೧ ||

ಈ ಮನುಜ ದೇಹದಲಿ ದಾವ ಪ್ರಾಣಿಯು ಪಿತೃ-
ಸ್ತೋಮವನ್ನುದ್ಧರಿಪೆನೆಂದರೆ ಸುಲಭ ಸಾಧ್ಯ
ಕೋಮಲ ದಳವನೊಂದು ತಂದು ಶ್ರೀ ಮಾಧವನ ಚರಣ ತಾಮರಸಕರ್ಪಿಸುವದು
ತಾ ಮುನ್ನ ಮಾಡಿದಘ ಪಂಚಕಗಳೋಡಿದವು
ಸಾಮಾನ್ಯವಲ್ಲ ತುಳಸಿಯ ವನವ ಸೋಂಕಿ ಬಂ
ದಾ ಮರುತದಿಂದ ದೇಶ ಗ್ರಾಮಗಳು ಪಾವನವು ಧೀಮಂತ ಮಾನ್ಯಳಾದ || ೨ ||

ತುಳಸಿ ನೆಳಲಲ್ಲಿ ಅಂಕುರಗಳೆದ್ದಲ್ಲಿ ಪಿತೃ-
ಗಳಿಗೆ ಅನ್ನವಿತ್ತರೆ ಕ್ಷಯಫಲವು ಊರ್ಧ್ವಪುಂಡ್ರ
ತಳದಮೃತ್ತಿಕೆಯಲಿಟ್ಟರೆ ಕೋಟಿ ತೀರ್ಥಗಳ ಮುಳುಗೆದ್ದ ಫಲ ಸಿದ್ಧವು
ನಿಲಯದಲಿ ಪತ್ರ ಮೃತ್ತಿಕೆ ಕಾಷ್ಠವಿರಲಲ್ಲಿ
ಕಲಿ ಮುಟ್ಟಲಂಜಿ ತೊಲಗುವನು ಮಣಿಸರಗಳನು
ಕೊರಳಲ್ಲಿರೆ ಕಲುಷ ಸಂಹರವು ಸಹ ನಿಜ ಸಲೆ ವಿಷ್ಣುಪದವಿಯನೀವ || ೩ ||

ಶತಸಾಸಿರಪರಾಧವಿರಲಿನ್ನು ಮೃತ್ತಿಕೆಲಿ
ಪಿತ ಕಾಯದವನಿಗೆ ಬಹುಜನ ನೋಡೆ ವಿಘ್ನಗಳ
ಸ್ಥಿತಿಯ ಗತಿಯುಡುಗಿ ದುಷ್ಟಗ್ರಹಗಳೆಲ್ಲನುಕೂಲಗತಿಯಾದ ಫಲವೀವವು
ಪ್ರತಿದಿನದಿ ನಿರ್ಮಾಲ್ಯಗಳ ಧರಿಸಿ ಹರಿಪಾದ ತೀ
ರ್ಥವೊಮ್ಮೆ ಸೇವಿಸಿದವರ ಮುಕ್ತಿ ಕರತಳವಕ್ಕು ಪತಿತಪಾವನಿ ಎನಿಸುವಾ || ೪ ||

ದರುಶನದಿ ಸ್ಪರುಶನದಿ ಧ್ಯಾನದಿಂ ಕೀರ್ತನಿಯು
ನಿರುತ ಪ್ರಣಾಮಗಳು ಸ್ತೋತ್ರದಾರೋಪಣಿಂ
ಪರಮಜಲ ಶೇಚನಾರ್ಚನ ನಿಷ್ಠೆಯಿಂದ ನವ ಪರೀಕ್ಷೆಯನು ಮಾಡಲು
ಹರಿಚರಣ ಕಮಲರತಿ ದೊರಕಿ ಯುಗ ಕೋಟಿ ಸಾ-
ಸಿರ ಕಾಲ ತಿರುಗಿ ಬಂದರೆ ಸತತ ಮಾಂಗಲ್ಯ
ಹರಿಯ ಮನೆಯಲ್ಲಿ ನಿಜ ಹರುಷವನ್ನುಂಬುವರು ಮುರಾರಿ ವರದಂತೆ ಪದವ || ೫ ||

ಒಂದೊಂದು ದಳ ಕೋಟಿ ಸ್ವರ್ಣಭಾರಕೆ ಮಿಗಿಲು
ಎಂದು ವಿಶ್ವಾಸದಲಿ ತಂದು ಸಾಸಿರನಾಮ
ದಿಂದ ಗೋವಿಂದಗರ್ಪಿಸಿದರಿಲ್ಲಿಹ ಭವದುಂದುಗವು ಮಾನುಷ್ಯರಿಗೆ
ಸುಂದರ ತುಲಸಿ ಮೂಲವನ್ನು ತೊಡಕಿರ್ದ ಕಳೆ
ಯಂದೆಗೆದು ಶಾಖೋಪಶಾಖದಿಂ ವೃದ್ಧಿಸಾ
ನಂದವಿತ್ತಾರ ನೂರೊಂದು ಕುಲ ಕೋಟೆಗಳ ನರಕವನು ಹೊಂದಲೀಸರು ಪುಣ್ಯವು || ೬ ||

ಶ್ರೀ ವಿಷ್ಣುವಲ್ಲಭೆಯ ಮೂಲದಲಿ ತೀರ್ಥಗಳು
ಬಾವನ್ನಗಂಧಿಯಳ ಮಧ್ಯದಲಿ ಸುರನಿಕರ
ಪಾವನಿಯಳಾ ಹರಿಯ ಕೊನೆಯಲಿ ಶ್ರುತಿ ಸಮೂಹ ಲಾವಣ್ಯ ಗುಣರಾಸಿಯು
ಭಾವಶುದ್ಧಿಯಲಿ ಉದಯದಿ ಸ್ಮರಿಸಿ ನಿರುತದಿ
ನಾವ ಕಾರ್ಯಕೆ ಗೆಲುವು ಇಹಪರದ ಸೌಖ್ಯವಿ
ತ್ತಾವ ಕಾಲಕ್ಕೆ ಹೊರೆವ ಪ್ರಸನ್ನವೆಂಕಟ ದೇವನಂಗ ದೊಳೊಪ್ಪುವಾ || ೭ ||

SrI tuLasi mahimeyadu pogaLalaLivilla SrI
nAtha nArAyaNana arcanege sarvadA
prItikaraLAgi rAjipaLu kaliyugadalli nOntavara BAgyavento ||pa||

SrI madArcita kShIravAridhiya mathisutire
A mahAviShNuvina nEtradindali horaTa
prEmajaladudBavisi naLanaLisi divya AmOda pUrNaLAgi
BUmi pAvanava mADutali BUnirjarara
dhAma dhAmagaLalli vRundAvanadi nelesi
kAmita PalanIva kalyANi kRuShNanige nEmadiM priyaLAda. || 1 ||

I manuja dEhadali dAva prANiyu pitRu-
stOmavannuddharipenendare sulaBa sAdhya
kOmala daLavanoMdu tandu SrI mAdhavana caraNa tAmarasakarpisuvadu
tA munna mADidaGa pancakagaLODidavu
sAmAnyavalla tuLasiya vanava sOnki ban
dA marutadiMda dESa grAmagaLu pAvanavu dhImanta mAnyaLAda || 2 ||

tuLasi neLalalli ankuragaLeddalli pitRu-
gaLige annavittare kShayaPalavu UrdhvapunDra
taLadamRuttikeyaliTTare kOTi tIrthagaLa muLugedda Pala siddhavu
nilayadali patra mRuttike kAShThaviralalli
kali muTTalanji tolaguvanu maNisaragaLanu
koraLallire kaluSha saMharavu saha nija sale viShNupadaviyanIva || 3 ||

SatasAsiraparAdhaviralinnu mRuttikeli
pita kAyadavanige bahujana nODe viGnagaLa
sthitiya gatiyuDugi duShTagrahagaLellanukUlagatiyAda PalavIvavu
pratidinadi nirmAlyagaLa dharisi haripAda tI
rthavomme sEvisidavara mukti karataLavakku patitapAvani enisuvA || 4 ||

daruSanadi sparuSanadi dhyAnadiM kIrtaniyu
niruta praNAmagaLu stOtradArOpaNiM
paramajala SEcanArcana niShTheyinda nava parIkSheyanu mADalu
haricaraNa kamalarati doraki yuga kOTi sA-
sira kAla tirugi bandare satata mAngalya
hariya maneyalli nija haruShavannuMbuvaru murAri varadante padava || 5 ||

ondondu daLa kOTi svarNaBArake migilu
endu viSvAsadali taMdu sAsiranAma
dinda gOvindagarpisidarilliha Bavadundugavu mAnuShyarige
sundara tulasi mUlavannu toDakirda kaLe
yandegedu SAKOpaSAKadiM vRuddhisA
nandavittAra nUroMdu kula kOTegaLa narakavanu hoMdalIsaru puNyavu || 6 ||

SrI viShNuvallaBeya mUladali tIrthagaLu
bAvannagandhiyaLa madhyadali suranikara
pAvaniyaLA hariya koneyali Sruti samUha lAvaNya guNarAsiyu
BAvaSuddhiyali udayadi smarisi nirutadi
nAva kAryake geluvu ihaparada sauKyavi
ttAva kAlakke horeva prasannavenkaTa dEvananga doLoppuvA || 7 ||

dasara padagalu · MADHWA · parampara · prasanna venkata dasaru

Guru padava nambi hari padava

Srividya Guruprasad2 Comments

ಗುರುಪದವ ನಂಬಿ ಹರಿಪದವ ಕಾಂಬೆ
ಮರುತ ಸಂತತಿಗೆ ನಮಿಸುವೆ ನಮಿಸುವೆ ||pa||

ಹರಿಪದಕೆ ಅಚ್ಛಿನ್ನ ಭಕುತಿ ಪರಿಪೂರ್ಣ ಶ್ರೀ
ಹರಿಕಾರ್ಯದಲಿ ಧುರಂಧರನೆನಿಸುವ
ಹರಿಭೃತ್ಯಜನಕೆ ಹಿತಕಾರಿ ಔದಾರಿ ಜಗ
ದ್ಗುರು ಪರಮಹಂಸ ಮಧ್ವತ್ರಿರೂಪಿಯ ||1||

ತತ್ವಸಾಗರ ತಿಮಿಂಗಿಲ ಪದ್ಮನಾಭಮುನಿ
ಕರ್ತ ಮೂಲರಾಮ ಮೆಚ್ಚಿದ ನರಹರಿಯ
ಮತ್ರ್ಯ ಮಾಯಿಜನ ತುಹಿನರವಿಭ
ಮಾಧವಾಭಿಜ್ಞ ಅಕ್ಷೋಭ್ಯತೀರ್ಥೆನಿಪ ಮಲ್ಲರ ||2||

ಸುಖತೀರ್ಥ ಗಂಭೀರ ವಾಕ್ಯವಾರಿಧಿಚಂದ್ರ
ಅಕಳಂಕ ಜಯವರ್ಯ ಯತಿಸಮೂಹ
ಮಕುಟಮಣಿ ವಿದ್ಯಾಧಿರಾಜ ನಿರ್ಮಲಕಾಯ
ಸುಕವೀಂದ್ರ ವಾಕ್ಸಿದ್ಧ ವಾಗೀಶರ ||3||

ಗುರುಭಕುತಿ ನಿಸ್ಸೀಮ ರಾಮಚಂದ್ರಾಖ್ಯಯತಿ
ಗುರು ಆಜ್ಞಾಪಾಲ ವಿದ್ಯಾನಿಧಿಗಳ
ದುರುವಾದಿಗಜಮೃಗಪ ರಘುನಾಥ ತೀರ್ಥ ಶ್ರುತಿ
ಪರಮಾರ್ಥ ಪರಿಚರ್ಯ ರಘುವರ್ಯರ ||4||

ವೈರಾಗ್ಯ ವೈಭವಾನ್ವಿತ ರಘೋತ್ತಮ ಮುನಿಪ
ವೈಷ್ಣವ ತತ್ವಜ್ಞ ವೇದವ್ಯಾಸರ
ಕೈವಲ್ಯಮಾರ್ಗಜ್ಞ ವಿದ್ಯಾಪತಿಯು ಹೊನ್ನ
ಮೈಯ ಮರುತಂಶ ವಿದ್ಯಾಧೀಶರ ||5||

ವೇದಾಮೃತಾಬ್ಧಿಯೊಳು ಮಗ್ನ ವೇದನಿಧಿಗಳ
ಸಾಧುನಿಕರಲಲಾಮ ಸತ್ಯವ್ರತರ
ಬಾದರಾಯಣ ರಾಮಪಾದರತ ಸತ್ಯನಿಧಿ
ಮೇದಿನಿಗೆ ಕಲ್ಪತರು ಸತ್ಯನಾಥರ ||6||

ಶ್ರೀ ಸತ್ಯನಾಥ ರತ್ನಾಕರ ಕರೋದ್ಭವ ಕುಮುದ
ಅಶೇಷಯಾಚಕ ಸುಖದ ಸುಗುಣ
ಶ್ರೀ ಸತ್ಯಾಭಿನವ ಮುನಿ ಭಾಗವತೇಢ್ಯಜ್ಞ
ಶಾಶ್ವತ ಪರೋಕ್ಷ ಗುರುಪದನಿಷ್ಠರ ||7||

ದುಷ್ಟ ಪರವಾದಿ ನರಕುಲಿಶ ಜಿತಕಾಮ ತಪೋ
ನಿಷ್ಠ ವಿದ್ಯೋನ್ನತ ವಿಚಾರಶೀಲ
ಶಿಷ್ಟ ಜನಪಾಲ ಶ್ರುತಿ ಜಲಾಭ್ಧಿ ಕಲ್ಲೋಲ
ಇಷ್ಟಾರ್ಥದಾತ ಸತ್ಯಾಧೀಶರ ||8||

ಕೃಷ್ಣ ಪಾದಾಸಕ್ತ ಗುರುಕೃಪಾಸಂಯುಕ್ತ
ಇಷ್ಟಾರ್ಥದಾತ ಸತ್ಯಾಧಿರಾಜರ
ಸೃಷ್ಠೇಶ ಪ್ರಸನ್ನವೆಂಕಟಪತಿಯ ಅನವರತ
ತುಷ್ಟೀಕರಿಸುವ ವಾಯುಮತ ಮಹಿಮರ ||9||

gurupadava naMbi haripadava kAMbe
maruta santatige namisuve namisuve ||pa||

haripadake acCinna Bakuti paripUrNa SrI
harikAryadali dhurandharanenisuva
hariBRutyajanake hitakAri audAri jaga
dguru paramahaMsa madhvatrirUpiya ||1||

tatvasAgara timingila padmanABamuni
karta mUlarAma meccida narahariya
matrya mAyijana tuhinaraviBa
mAdhavABij~ja akShOByatIrthenipa mallara ||2||

suKatIrtha gaMBIra vAkyavAridhichandra
akaLanka jayavarya yatisamUha
makuTamaNi vidyAdhirAja nirmalakAya
sukavIndra vAksiddha vAgISara ||3||

guruBakuti nissIma rAmachandrAKyayati
guru Aj~jApAla vidyAnidhigaLa
duruvAdigajamRugapa raGunAtha tIrtha Sruti
paramArtha paricarya raGuvaryara ||4||

vairAgya vaiBavAnvita raGhOttama munipa
vaiShNava tatvaj~ja vEdavyAsara
kaivalyamArgaj~ja vidyApatiyu honna
maiya marutaMSa vidyAdhISara ||5||

vEdAmRutAbdhiyoLu magna vEdanidhigaLa
sAdhunikaralalAma satyavratara
bAdarAyaNa rAmapAdarata satyanidhi
mEdinige kalpataru satyanAthara ||6||

SrI satyanAtha ratnAkara karOdBava kumuda
aSEShayAcaka suKada suguNa
SrI satyABinava muni BAgavatEDhyaj~ja
SASvata parOkSha gurupadaniShThara ||7||

duShTa paravAdi narakuliSa jitakAma tapO
niShTha vidyOnnata vicAraSIla
SiShTa janapAla Sruti jalABdhi kallOla
iShTArthadAta satyAdhISara ||8||

kRuShNa pAdAsakta gurukRupAsaMyukta
iShTArthadAta satyAdhirAjara
sRuShThESa prasannavenkaTapatiya anavarata
tuShTIkarisuva vAyumata mahimara ||9||

dasara padagalu · MADHWA · parampara · prasanna venkata dasaru

satata smarisi madhwa santati

Srividya Guruprasad2 Comments

ಸತತ ಸ್ಮರಿಸಿ ಮಧ್ವ ಸಂತತಿ ಗುರುಗಳ
ಗತಿಯುಂಟು ಸಂತತಿ ಸಂಪತ್ತಿಯುಂಟು || ಪ ||

ಶ್ರೀ ಮಧ್ವ ಪದ್ಮನಾಭ ನರಹರಿ ಮಾಧವ
ಆ ಮೌನಿ ಅಕ್ಷೋಭ್ಯ ಜಯರಾಯ
ವಿದ್ಯಾಧಿರಾಜ ಭೂಮಾ ಕವೀಂದ್ರ ವಾಗೀಶರ || ೧ ||

ಮುನಿರಾಮಚಂದ್ರ ವಿದ್ಯಾನಿಧಿ ರಘುನಾಥ
ಮಾರನ ಗೆಲಿದ ರಘುವರ್ಯ ರಘೋತ್ತಮ
ವೇದವ್ಯಾಸ ಘನ ವಿದ್ಯಾಧೀಶ ವೇದನಿಧಿಗಳ || ೨ ||

ಸತ್ಯವ್ರತ ಸತ್ಯನಿಧಿ ಸತ್ಯನಾಥ ಅನುಪಮ
ಸತ್ಯಾಭಿನವ (ಗುರು) ಕರಪದ್ಮಜ
ನಮ್ಮ ಗುರು ಸತ್ಯಪೂರ್ಣ ಪ್ರಸನ್ವೇಂಕಟಾ ಪ್ರಿಯರ || ೩||

satata smarisi madhva santati gurugaLa
gatiyunTu santati saMpattiyunTu || pa ||

SrI madhva padmanABa narahari mAdhava
A mauni akShOBya jayarAya
vidyAdhirAja BUmA kavIndra vAgISara || 1 ||

munirAmachandra vidyAnidhi raGunAtha
mArana gelida raGhuvarya raGhOttama
vEdavyAsa Gana vidyAdhISa vEdanidhigaLa || 2 ||

satyavrata satyanidhi satyanAtha anupama
satyABinava karapadmaja
namma guru satyapUrNa prasanvEnkaTA priyara || 3||

dasara padagalu · MADHWA · prasanna venkata dasaru · raghavendra

raghavendra munirayara

Srividya Guruprasad2 Comments

Ragavendra munirayara smarane |
Jagillade madi nigo bavane || p ||

Hindina muru janumagalallu |
Indiresana valisi meredu balu |
Kundillada punya galisi surataru |
Manda bagyarige hancutaliharu || 1||

Buta preta sakaladi Sakuna Baya |
Gatacakra jatakada pidegalu |
Gatisuvaviyati karune toralu |
Nitya tutise nija mukuti niscitavu || 2 ||

Kalibala hecci nalugida janake |
Sulabada mukuti darili nilisi |
Nalinanaba prasanvenkatanaj~jeli |
Sulalita mahime tori naliva guru || 3||