ಇಟ್ಹಾಂಗೆ ಇರುವೆನೊ ಹರಿಯೇ ಎನ್ನ ದೊರೆಯೇ ||ಪ||
ಸೃಷ್ಟಿವಂದಿತ ಪಾದಪದುಮ ಶ್ರೀಹರಿಯೇ ||ಅ.ಪ||

ಸಣ್ಣ ಶಾಲ್ಯೋದನ ಬೆಣ್ಣೆ ಕಾಸಿದ ತುಪ್ಪ
ಚಿನ್ನದ ಹರಿವಾಣದಲಿ ಭೋಜನ
ಘನ್ನಮಹಿಮ ನಿನ್ನ ಕರುಣ ತಪ್ಪಿದ ಮ್ಯಾಲೆ ಕ-
ದನ್ನ ಕಾಣದೆ ಬಾಯ್ಬಿಡಿಸುವಿ ಹರಿಯೇ ||೧||

ಕೆಂಪಿಲಿ ಪೊಳೆವ ಪೀತಾಂಬರ ಉಡಿಸುವಿ
ಸೊಂಪಿನಂಚಿನ ಶಾಲು ಹೊದಿಸುವಿಯೋ
ಕಪಿಲಹರೇ ನಿನ್ನ ಕೃಪೆಯು ತಪ್ಪಿದ ಮ್ಯಾಲೆ
ಕಪರ್ದಕ ಕೌಪೀನವು ದೊರೆಯದೊ ಹರಿಯೇ ||೨||

ಚಂದ್ರಶಾಲೆಲಿ ಚಂದ್ರಕಿರಣದಂತೊಪ್ಪುವ
ಚಂದದ ಮಂಚದೊಳ್ ಮಲಗಿಸುವಿ
ಮಂದರೋದ್ಧರ ನಿನ್ನ ಮಮತೆ ತಪ್ಪಲು ಧರ್ಮ-
ಮಂದಿರದೊಳು ತೋಳ್ತಲಗಿಂಬು ಹರಿಯೇ ||೩||

ನರಯಾನದೊಳು ಕ್ಷಣ ನರವರನೆನಿಸುವಿ
ವರಛತ್ರ ಚಾಮರ ಹಾಕಿಸುವಿ
ಕರುಣಾನಿಧೇ ನಿನ್ನ ಕರುಣ ತಪ್ಪಿದ ಮ್ಯಾಲೆ
ಚರಣರಕ್ಷೆಯು ದೊರೆಯದು ಶ್ರೀಹರಿಯೇ ||೪||

ಗಂಗಾಜನಕ ಪಾಂಡುರಂಗ ನಿನ್ನಯ ಭಕ್ತರ
ಸಂಗವಿರಲಿ ದುಷ್ಟ ಸಂಗ ಬ್ಯಾಡ
ಅಂಗನೆಯರ ಕೂಡಿ ಅನಂಗಬಾಣಕೆ ಸಿಲುಕಿ
ಭಂಗವ ಪಡಲಾರೆ ಶ್ರೀರಂಗವಿಠಲ ಹರಿಯೇ ||೫||

It~haange iruvenu hariye enna doreye || pa ||

Spashtarondita paada paduma shree hariye || pa. A. ||

Sanna shaalyodana benne kaasida tuppa | cinnada harivaanadali bhojana ||
ghanna mahima ninna karune tappida mele | kadannakke baay baay bidisuvi hariye || 1 ||

Kempili holeva peetaambaranudisuvi | sompinancina shaalu hodisuviyo |
kapila hariye ninna karune tappida mele | he pinaaki vandyane koupeena doreyado || 2 ||

Chandra shaale chandra kiranadinmdoppuva | chandada manchadol malagisuvi || m
andaroddhara ninna mamate tappalu | dharmamandiradolu taledimbu maadisuvi || 3 ||

Narayaanadolu kshana narashreshtha nenisuvi | vara Chatra chaamarava haakisuvi ||
karunaanidhe ninna karune tappida mele | charanaabharana paadaraksheyoo dorakado || 4 ||

Gangaa janaka panduranga ninna bhaktara | sangavirali dushtara sanga beda ||
anganeyara koodi ananga baanake siluki | bhanga batteno kaayo rangaviththalareya ||

ಹರೇ ವೆಂಕಟಶೈಲ ವಲ್ಲಭ
ಪೊರೆಯಬೇಕು ಎನ್ನ ||ಪ||

ದುರಿತದೂರ ನೀನಲ್ಲದೆ ಧರೆಯೊಳು
ಪೊರೆವರ ನಾ ಕಾಣೆ ನಿನ್ನಾಣೆ ||ಅ.ಪ||

ಆರು ನಿನ್ನ ಹೊರತೆನ್ನ ಪೊರೆವರು
ನೀರಜಾಕ್ಷ ಹರಿಯೆ ಅ-
ಪಾರಮಹಿಮ ಪುರಾಣಪುರುಷ
ಘೋರ ದುರಿತಗಳ ದೂರ ಮಾಡಿಸೋ ||೧||

ಇಂದಿರೇಶ ಅರವಿಂದನಯನ ಎನ್ನ
ತಂದೆ ತಾಯಿ ನೀನೆ
ಹೊಂದಿದವರ ಅಘವೃಂದ ಕಳೆವ
ಮಂದರಾದ್ರಿಧರನೇ ಶ್ರೀಧರನೆ ||೨||

ಮಂಗಳಾಂಗ ಮಹನೀಯ ಗುಣಾರ್ಣವ
ಗಂಗೋದಿತ ಪಾದ
ಅಂಗಜಪಿತ ಅಹಿರಾಜಶಯ್ಯ ಶ್ರೀ
ರಂಗವಿಠಲ ದೊರೆಯೇ ಶ್ರೀ ಹರಿಯೇ ||೩||

Hare venkata shaila vallabha paaliso nee enna || pa ||

Durita doora neenallade dhareyolu | porevara naa kaane, ninnaane || a. Pa. ||

Indiresha aravinda nayana enna | tande taayi neene |
ponmdidavara&gha vrunda kaleva |
shree mandaraadri dharane shreedharane || 1 ||

Aaru ninna horatennanu kaayvaru neerajaaksha hariye |
ghora duritagala doora maadisuva |
apaara mahima doreye shree hariye || 2 ||

Mangalaanga mahaneeya gunaarnava gangodita paada |
angaja pita ahi raajashayana |
siri rangaviththaladoreye shree hariye || 3 ||

ಎಲ್ಯಾಡಿ ಬಂದ್ಯೋ ನೀ ಹೇಳಯ್ಯ
ನಿಲ್ಲು ನಿಲ್ಲು ಗೋಪಾಲ ಕೃಷ್ಣಯ್ಯ ||ಪ||

ನೊಸಲಲ್ಲಿ ಕಿರುಬೆವರಿಟ್ಟಿದೆ ಅಲ್ಲಿ
ಹೊಸಪರಿ ಸುದ್ದಿಯು ಹುಟ್ಟಿದೆ
ಪುಸಿಯಲ್ಲ ಈ ಮಾತು ನಿನ್ನ
ನಸುನಗೆ ಕೀರ್ತಿ ಹೆಚ್ಚಿದೆ

ಬೆರಳ ಉಂಗುರವೆಲ್ಲಿ ಹೋಗಿದೆ ನಿನ್ನ
ಕೊರಳ ಪದಕವೆಲ್ಲಿ ನೀಗಿದೆ
ಸರಕೆಲ್ಲ ಅವಳಲ್ಲಿ ಸಾಗಿದೆ ಆ
ತರುಣಿ ಮಹಿಮೆ ಹೀಂಗಾಗಿದೆ

ಕಳ್ಳತನವ ಹೀಗೆ ಮಾಡಿದೆ ನಿನ್ನ
ಸುಳ್ಳು ಕಡೆಗೆ ನಾ ನೋಡಿದೆ
ಎಲ್ಲರಿಗೂ ಠಕ್ಕು ಮಾಡಿದೆ
ಚಲುವ ರಂಗವಿಠಲ ನಗೆಗೀಡಾದೆ

Ellyaadi bandyo nee helayyaa | nillu nillu gopaalakrushnayya || pa ||

Nosalalli kirubevarittide alli | hosapariya suddiyu huttide |
pusiyalla ee maatu muttide ninna | nasunage keerti heccide || 1 ||

Berala unguravelli hogide ninna | korala padakavelli neegide |
sarakella avalalli saagide aa | taruni mahime heengaagide || 2 ||

Kallatanava heege maadide ninna | sullu kadege naa nodide |
ellarigoo Thakku maadide | celuva rangaviththala nagegeedaade || 3 ||

ಏನು ಭ್ರಮೆ ಮನುಜರಿಗೆ ಎಷ್ಟು ಮಮತೆ ಪ್ರಕೃತಿಯಲಿ
ಮೀನು ಗಾಳವ ನುಂಗಿ ಮೋಸಹೋದ ತೆರನಂತೆ ||ಧ್ರುವ||

ನನ್ನ ಮನೆ ನನ್ನ ಸತಿ ನನ್ನ ಸುತರೆಂದೆನಿಸಿ
ಹೊನ್ನುಗಳ ಗಳಿಸಿ ಹೆಚ್ಚು ಹೋರ್ಯಾಡಿ
ಸಣ್ಣವರ ಮದುವೆ ಸಂಭ್ರಮದಿ ಮಾಡುವೆನೆಂದು
ಅನ್ನ ಮೊದಲು ಕಾಣದೆ ಅಂತರಪಿಶಾಚಿಯಂತೆ ||೧||

ಬಲುವೋದಿಕೆಯಲ್ಲಿ ಬಲ್ಲವರೆನಿಸಬೇಕೆನುತ
ಹಲವು ಬುದ್ಧಿಯಲಿ ಹಿರ್ರನೆ ಹಿಗ್ಗುತ
ಮಲಿನ ಮನಸಿನಜ್ಞಾನದಲಿ ತಾನರಿಯದೆ
ಬಲೆಯಲ್ಲಿ ಸಿಲುಕಿದ ಪಕ್ಷಿಯಂತೆ ಬಳಲುತಿಹ ||೨||

ಮಿಗಿಲು ಆಸೆಗೆ ಬಿದ್ದು ಬಗೆ ಬಗೆ ಹೂಣಿಕೆಯಲಿ
ಹೊಗದಲ್ಲಿ ಹೊಗುವರು ಹೊಲಬಿಟ್ಟು ತಿಳಿಯರು
ಖಗವಾಹನ ಮುದ್ದು ರಂಗವಿಠಲನ ನಾಮ ಸ್ಮರಿಸಲು
ವಿಗಡ ಸಂಸಾರ ಹಗರಣ ನೀರಗುಳ್ಳೆಯಂತೆ ||೩||

Enu bhrame manujarige eshtu mamate prakrutiyalli |
meenu gaalava nungi mosahoda teranante || pa ||

Nanna mane nanna sati nanna sutarendenisi |
honnugala galisi heccaagi horaadi |
sannavara maduve sambhramadi maaduvenendu |
anna modalu kaanade antar pishaaciyante || 1 ||

Balu Odikeyalli ballavarenisabekenuta |
halavu buddhiyali hirrane higguta |
balina manasinaj~jaanadali taanariyade |
baleyalli silukida pakshiyante balalutiha || 2 ||

Migilu aasege biddu bage bage hoonikeyali |
hogadalli hoguvaru holabittu tiliyaru |
khagavaahana muddu rangaviththalana naama smarisalu |
vigada samsaara hagarana neeragulleyante || 3 ||

ದಯಮಾಡಿ ಸಲಹಯ್ಯ ಭಯನಿವಾರಣನೆ
ಹಯವದನ ನಿನ್ನ ಚರಣ ನಂಬಿದೆನೊ ಜೀಯ ||ಪ||

ಕ್ಷಣ ಕ್ಷಣಕೆ ನಾ ಮಾಡಿದಂಥ ಪಾಪಂಗಳನು
ಎಣಿಸಲಳವಲ್ಲ ಅಷ್ಟಿಷ್ಟು ಎಂದು
ಫಣಿಶಾಯಿ ನೀನೆನ್ನ ಅವಗುಣಗಳೆನಿಸದೆ
ನೆನಹಿನಾತುರ ಕೊಟ್ಟು ದಾಸನೆಂದೆನಿಸಯ್ಯ ||೧||

ಕಂಡ ಕಂಡ ಕಡೆಗೆ ಪೋಪ ಚಂಚಲ ಮನವು
ಪಿಂಡ ತಿಂಬಲ್ಲಿ ಬಹು ನಿಷ್ಠ ತಾನು
ಭಂಡಾಟದವನೆಂದು ಬಯಲಿಗೆ ತಾರದೆ
ಕೊಂಡಾಡುವಂತೆ ಭಕುತಿಯ ಕೊಟ್ಟು ಸಲಹಯ್ಯ ||೨||

ಜಾತಿಧರ್ಮವ ಬಿಟ್ಟು ಅಜಾಮಿಳನು ಇರುತಿರಲು
ಪ್ರೀತಿಯಿಂದಲಿ ಮುಕುತಿ ಕೊಡಲಿಲ್ಲವೆ
ಖ್ಯಾತಿಯನು ಕೇಳಿ ನಾ ಮೊರೆಹೊಕ್ಕೆ ಸಲಹಯ್ಯ
ವಾತಜನ ಪರಿಪಾಲ ಶ್ರೀರಂಗವಿಠಲ ||೩||

Dayamaadi salahayya | bhaya nivaarane | hayavadana ninna charana nambideno jeeyaa || pa ||

Kshana kshanake naa maadidantha paapangalannu | enisalalavalla ashtishtu endu ||
phanishaayi neenenna avagunagalenisade | nenehinaatura kottu daasanendenisayya || 1 ||

Kanda kanda kadege popa chancala manavu | pinda timbuvalli bahunishtha naanu | bhandaatadavanendu bayalige taarade | kondaaduvante bhakutiya kottu salahayya || 2 ||

Jaati dharmava bittu ajamilanu irutiralu | preetiyindali mukuti kodalillave |
khyaatiyanu keli naa morehokke salahayya | vaatajana paripaala shreerangaviththala||3||

Chittajanayyana chintisu manave | hottu kaleyade purushottamana nenemanave || pa ||

Kaalanaa dootaru noolu haggava tandu | kaalu kaigala katti mele kutti ||
kaala paashadi sutti shooladindirivaaga | paalisuvaraaruntu jaalavanu maadadale || 1 ||

Dandadharana bhataru chandakopadi bandu | kendadaa nadi tadige kondoydu ninna ||
khanda khandava kitti kendadoliduvaaga | hendiru makkalu bandu bidisuvareno || 2 ||

Angulige dabbanangala cucci taaveradu | kangalige seesavanu kaasihoytiralu ||
tangi akka bandu bhangabidisuvareno | angavidu sthiravalla rangaviththalanenno||3||

ಭೂಷಣಕೆ ಭೂಷಣ ಇದು ಭೂಷಣ
ಶೇಷಗಿರಿವಾಸ ಶ್ರೀ ವರವೆಂಕಟೇಶ ||ಪ||

ನಾಲಿಗ್ಗೆ ಭೂಷಣ ನಾರಾಯಣ ನಾಮ
ಕಾಲಿಗೆ ಭೂಷಣ ಹರಿಯಾತ್ರೆಯು
ಆಲಯಕೆ ಭೂಷಣ ತುಲಸಿ ವೃಂದಾವನ ವಿ-
ಶಾಲ ಕರ್ಣಕೆ ಭೂಷಣ ವಿಷ್ಣುಕಥೆಯು ||೧||

ದಾನವೇ ಭೂಷಣ ಇರುವ ಹಸ್ತಂಗಳಿಗೆ
ಮಾನವೇ ಭೂಷಣ ಮಾನವರಿಗೆ
ಜ್ಞಾನವೇ ಭೂಷಣ ಮುನಿಯೋಗಿವರರಿಗೆ
ಮಾನಿನಿಗೆ ಭೂಷಣ ಪತಿಭಕ್ತಿಯು ||೨||

ರಂಗನನು ನೋಡುವುದೇ ಕಂಗಳಿಗೆ ಭೂಷಣ
ಮಂಗಳಾಂಗಗೆ ಮಣಿವ ಶಿರ ಭೂಷಣ
ಶೃಂಗಾರ ತುಲಸಿ ಮಣಿ ಕೊರಳಿಗೆ ಭೂಷಣ
ರಂಗವಿಠಲ ನಿಮ್ಮ ನಾಮ ಅತಿ ಭೂಷಣ ||೩||

Bhooshanake  bhooshana idu bhooshana || pa ||

Sheshagirivaasa siri venkatesha || a. Pa. ||

Naaligege bhooshana naaraayana naama | kaalige bhooshana hariyaatreyu ||
aalayake bhooshana tulasi vrundaavana vi- | shaala karnake vishnu kate bhooshana || 1 ||

Daanave bhooshana iruva hastangalige | j~jaanave bhooshana maanavarige |
dhyaanave bhooshana muniyogigaligella | maaninige bhooshana pati bhaktiyu || 2 ||

Ranganna noduvade kamgalige bhooshana | mangalaangage maniva shira bhooshana |
shrungaara tulasi mani koralige bhooshana | ranga viththalana naama ati bhooshana || 3 ||

 

ಬಾರೋ ಮನೆಗೆ ಗೋವಿಂದ -ನಿನ್ನಂಘ್ರಿಕಮಲವ
ತೋರೋ ಎನಗೆ ಮುಕುಂದ ನಲಿದಾಡು ಮನದಲಿ
ಮಾರಪಿತ ಆನಂದನಂದನ್ನ ಕಂದ ||ಪ||

ಚಾರುತರ ಶರೀರ ಕರುಣಾ-
ವಾರಿನಿಧಿ ಭವ ಘೋರನಾಶನ
ವಾರಿಜಾಸನ ವಂದ್ಯ ನಿರಜ
ಸಾರ ಸದ್ಗುಣ ಹೇ ರಮಾಪತೆ ||ಅ.ಪ||

ನೋಡೋ ದಯದಿಂದೆನ್ನ, ಕರಪದುಮ ಶಿರದಲಿ
ನೀಡೋ ಭಕ್ತಪ್ರಸನ್ನ , ನಲಿದಾಡೊ ಮನದಲಿ
ಬೇಡಿಕೊಂಬೆನೊ ನಿನ್ನ , ಆನಂದ ಘನ್ನ
ಮಾಡದಿರು ಅನುಮಾನವ , ಕೊಂ-
ಡಾಡುವೆನು ತವ ಪಾದಮಹಿಮೆಗಳನು
ಜೋಡಿಸುವೆ ಕರಗಳನು ಚರಣಕೆ
ಕೂಡಿಸೊ ತವ ದಾಸಜನರೊಳು ||೧||

ಹೇಸಿ ವಿಷಯಗಳಲ್ಲಿ ತೊಳಲಾಡಿ ನಾ ಬಲು
ಕ್ಲೇಶ ಪಡುವುದು ಬಲ್ಲಿ , ಘನ ಯುವತಿಯರ ಸುಖ
ಲೇಸು ಎಂಬುದನು ಕೊಲ್ಲಿ , ಆಸೆ ಬಿಡಿಸಿಲ್ಲಿ
ಏಸು ಜನುಮದ ದೋಷದಿಂದಲಿ
ಈಸುವೆನು ಇದರೊಳಗೆ , ಇಂದಿಗೆ
ಮೋಸವಾಯಿತು ಆದುದಾಗಲಿ
ಶ್ರೀಶ ನೀ ಕೈಪಿಡಿದು ರಕ್ಷಿಸು ||೨||

ನೀನೆ ಗತಿಯೆನಗಿಂದು ಉದ್ಧರಿಸೊ ಬ್ಯಾಗನೆ
ದೀನ ಜನರಿಗೆ ಬಂಧು – ನಾ ನಿನ್ನ ಸೇವಕ
ಶ್ರೀನಿವಾಸ ಎಂದೆಂದು ಕಾರುಣ್ಯ ಸಿಂಧು
ಪ್ರಾಣಪತಿ ಹೃದಯಾಬ್ಜ ಮಂಟಪ –
ಸ್ಥಾನದೊಳಗಭಿವ್ಯಾಪ್ತ ಚಿನುಮಯ
ಧ್ಯಾನಗೋಚರನಾಗಿ ಕಣ್ಣಿಗೆ
ಕಾಣಿಸುವೆ ಶ್ರೀರಂಗವಿಠಲ ||೩||

Baaro manege govinda | ninnanghri kamalava toro enage mukunda |
nalidaado manadali maarapita aananda | aananda kanda || pa ||

Chaarutara shaareera karunaa vaarinidhi bhava ghora naashana |
vaarijaasana vandya nirjara saara sadguna he ramaapate || a. Pa. ||

Nodo dayadimda enna karapaduma shiradali needu bhakta prasanna |
nalidaadu manadali bedikombuvenu ninna aananda ghanna ||
maadadiru anumaanavanu kom- | daaduvenu tava mahimegalanu |
jodisuve karagalanu caranake | koodi sotava daasa janarolu || 1 ||

Hesi vishayagalalli | tolalaadi naa balu | kleshapaduvadu balli |
dhana yuvatigala sukha leshavembuvadu kolli | aase bidisilli ||
Esu janmada doshadindali eesuvenu idarolage indige | mosavaayitu aadudaagali |
shreesha nee kaipididu rakshisu || 2 ||

Neene gatiyo enagindu | uddhariso devane, deena janarige bandhu |
naa ninna sevaka shreenivaasaa endendu kaarunyasindhu ||
praanapati hrudayaabja mantapa | sthaanadolagabhi vyaapta cinumaya |
dhyaana gocaranaagu kannili | kaanuvenu shreerangaviththala || 3 ||

ಭಕ್ತಿ ಬೇಕು ವಿರಕ್ತಿ ಬೇಕು ಸರ್ವ-
ಶಕ್ತಿ ಬೇಕು ಮುಕ್ತಿಯ ಬಯಸುವಗೆ ||ಪ||

ಸತಿ ಅನುಕೂಲ ಬೇಕು ಸುತನಲಿ ಗುಣಬೇಕು
ಮತಿವಂತನಾಗಬೇಕು ಮತ ಒಂದಾಗಿರಬೇಕು ||೧||

ಜಪದ ಜಾಣುವೆ ಬೇಕು ತಪದ ನೇಮವೆ ಬೇಕು
ಉಪವಾಸ ವ್ರತ ಬೇಕು ಉಪಶಾಂತವಾಗಿರಬೇಕು ||೨||

ಸುಸಂಗ ಹಿಡಿಯಲಿಬೇಕು ದುಸ್ಸಂಗ ಬಿಡಲಿಬೇಕು
ರಂಗವಿಠಲನ್ನ ಬಿಡದೆ ನೆರೆ ನಂಬಿರಬೇಕು ||೩||

Bhakti beku virakti beku | sarva shakti beku || pa ||

Munde muktiya bayasuvage || a.pa. ||

Satiya anukoola beku sutanalli gunavirabeku | mativantanaagabeku |
mata ondaagirabeku ( madhwa matava pondirabeku ) || 1 ||

Japada jaanuve beku tapada nemave beku | upavaasa vruta beku
( upavaasa maadabeku )  upashaanti irabeku || 2 ||

Susanga hidiyalibeku ( satsangava maadabeku ) dussanga bidaleebeku
rangaviththalana ( paada hingade kondaadabeku ) bidade nere nambirabeku || 3 ||

ಆಡಲು ಪೋಗೊಣು ಬಾರೊ ರಂಗ
ಕೂಡಿ ಯಮುನಾ ತೀರದಲ್ಲಿ ||ಪ||

ಚಿಣ್ಣಿಕೋಲು ಚೆಂಡು ಬುಗರಿ
ಸಣ್ಣ ಸಣ್ಣ ಆಟಗಳನು
ಕಣ್ಣಮುಚ್ಚಲಿಕೆ ಕುಂಟಲಿಪಿ
ಬಣ್ಣ ಬಣ್ಣದ ಆಟಗಳನು ||೧||

ಜಾಹ್ನವಿಯ ತೀರವಂತೆ
ಜನಕರಾಜನ ಕುವರಿಯಂತೆ
ಜಾನಕಿಯ ವಿವಾಹವಂತೆ
ಜಾಣ ನೀನು ಬರಬೇಕಂತೆ ||೨||

ಪುಂಡರೀಯ ನಗರವಂತೆ
ಭೀಷ್ಮಕರಾಜನ ಕುವರಿಯಂತೆ
ಶಿಶುಪಾಲನ್ನ ಒಲ್ಲಳಂತೆ
ನಿಮಗೆ ಓಲೆ ಬರೆದಳಂತೆ||೩||

ಕೌರವರು ಪಾಂಡವರು
ಲೆತ್ತವಾಡಿ ಸೋತರಂತೆ
ರಾಜ್ಯವನ್ನು ಬಿಟ್ಟರಂತೆ
ರಂಗವಿಠಲ ಬರಬೇಕಂತೆ ||೪||

Aada pogona baaro rangaa | koodi yamuna teeradalli  || pa ||

Jaahnaviya teeravante | janakaraajana kuvariyante |
jaanakige vivaahavante | jaana neenu barabekante  || 1 ||

Koundineeya nagaravante | bheeshmaka raajana kuvariyante |
shishupaalana ollalante | ninage Ole baredalante || 2 ||

Kouravarol paandavaru | lettavaadi sotarante |
raajyavannu bidabekante | rangaviththala barabekante || 3 ||