ಹೂವ ತರುವರ ಮನೆಗೆ ಹುಲ್ಲ ತರುವ
ಅವ್ವೆ ಲಕುಮೀರಮಣ ಇವಗಿಲ್ಲ ಗರುವ ||ಪ||

ಒಂದು ದಳ ಶ್ರೀ ತುಳಸಿ ಬಿಂದು ಗಂಗೋದಕವ
ಇಂದಿರಾರಮಣಗರ್ಪಿತವೆನ್ನಲು
ಒಂದೆ ಮನದಲಿ ಸಿಂಧುಶಯನ ಮುಕುಂದಯೆನೆ
ಎಂದೆಂದು ವಾಸಿಪನಾ ಮಂದಿರದೊಳಗೆ ||೧||

ಪರಿಪರಿಯ ಪುಷ್ಪಗಳ ಪರಮಾತ್ಮಗರ್ಪಿಸಿ
ಪರಿಪೂರ್ಣನೆಂದು ಪೂಜೆಯನು ಮಾಡೆ
ಸರಸಿಜಾಕ್ಷನು ತನ್ನ ಸಕಲ ಸ್ವಾತಂತ್ರ್ಯದಲಿ
ಸರಿಭಾಗ ಕೊಡುವ ತನ್ನರಮನೆಯ ಒಳಗೆ ||೨||

ಪಾಂಡವರ ಮನೆಯೊಳಗೆ ಕುದುರೆಗಳ ತಾ ತೊಳೆದು
ಪುಂಡರೀಕಾಕ್ಷ ತಾ ಹುಲ್ಲ ತಂದ
ಅಂಡಜಾಧಿಪ ನಮ್ಮ ಪುರಂದರವಿಠಲನು
ತೊಂಡರಿಗೆ ತೊಂಡನಾಗಿ ಸಂಚರಿಸುತಿಹನು ||೩||

Huva taruvara manege hulla taruva
Avve lakumiramana ivagilla garuva ||pa||

Ondu dala sri tulasi bindu gangodakava
Indira ramana garpitavennalu
Onde manadali sindhusayana mukundayene
Endendu vasipana mamdiradolage ||1||

Paripariya pushpagala paramatmagarpisi
Paripurnanemdu pujeyanu made
Sarasijakshanu tanna sakala svatantryadali
Saribaga koduva tannaramaneya olage ||2||

Pandavara maneyolage kuduregala ta toledu
Pundarikaksha ta hulla tamda
Andajadhipa namma purandaravithalanu
Tondarige tomdanagi sancharisutihanu ||3||

ಮಾನವ ಜನ್ಮ ದೊಡ್ಡದು ಇದ
ಹಾನಿ ಮಾಡಲು ಬೇಡಿ ಹುಚ್ಚಪ್ಪಗಳಿರಾ ||ಪ||

ಕಣ್ಣು ಕೈ ಕಾಲ್ಕಿವಿ ನಾಲಗೆ ಇರಲಿಕ್ಕೆ
ಮಣ್ಣುಮುಕ್ಕಿ ಮರಳಾಗುವರೆ
ಹೊನ್ನು ಹೆಣ್ಣಿಗಾಗಿ ಹರಿನಾಮಾಮೃತವನು
ಉಣ್ಣದೆ ಉಪವಾಸವಿರುವರೇನೋ ||೧||

ಕಾಲನವರು ಬಂದು ಕರಪಿಡೆದೆಳೆದಾಗ
ತಾಳು ತಾಳೆಂದರೆ ಕೇಳುವರೆ?
ವೇಳೆ ಹೋಗದ ಮುನ್ನ ಧರ್ಮವ ಗಳಿಸಿರೊ
ಸುಳ್ಳಿನ ಸಂಸಾರ ಸುಳಿಗೆ ಸಿಲುಕಬೇಡಿ ||೨||

ಏನು ಕಾರಣ ಯದುಪತಿಯನ್ನು ಮರೆತಿರಿ
ಧನ ಧಾನ್ಯ ಸತಿ ಸುತರಿವು ನಿತ್ಯವೆ?
ಇನ್ನಾದರು ಶ್ರೀ ಪುರಂದರವಿಠಲನ
ಚೆನ್ನಾಗಿ ಭಜಿಸಿ ನೀವು ಸುಖಿಯಾಗಿರಯ್ಯ ||೩||

Manava janma doddadu ida
Hani madalu bedi hucchappagalira ||pa||

Kannu kai kalkivi nalage iralikke
Mannumukki maralaguvare
Honnu hennigagi harinamamrutavanu
Unnade upavasaviruvareno ||1||

Kalanavaru bamdu karapidedeledaga
Talu talendare keluvare?
Vele hogada munna dharmava galisiro
Sullina samsara sulige silukabedi ||2||

Enu karana yadupatiyannu maretiri
Dhana dhanya sati sutarivu nityave?
Innadaru sri purandaravithalana
Chennagi Bajisi nivu sukiyagirayya ||3||

ತಾರಕ್ಕ ಬಿಂದಿಗೆ ನಾ ನೀರಿಗೆ ಹೋಗುವೆ ತಾರೇ ಬಿಂದಿಗೆಯ     ||ಪ||

ಬಿಂದಿಗೆ ಒಡೆದರೆ ಒಂದೇ ಕಾಸು ತಾರೇ ಬಿಂದಿಗೆಯ               ||ಅ.ಪ||

ರಾಮನಾಮವೆಂಬ ರಸವುಳ್ಳ ನೀರಿಗೆ ತಾರೇ ಬಿಂದಿಗೆಯ
ಕಾಮಿನಿಯರ ಕೂಡೆ ಏಕಾಂತವಾಡೆನು ತಾರೇ ಬಿಂದಿಗೆಯ      ||೧||

ಗೋವಿಂದ ನೀರಿಗೆ ಗುಣವುಳ್ಳ ನೀರಿಗೆ ತಾರೇ ಬಿಂದಿಗೆಯ
ಆವಾವ ಪರಿಯಲ್ಲಿ ಅಮೃತದ ನೀರಿಗೆ ತಾರೇ ಬಿಂದಿಗೆಯ        ||೨||

ಬಿಂದುಮಾಧವನ ಘಟ್ಟಕ್ಕೆ ಹೋಗುವ ತಾರೇ ಬಿಂದಿಗೆಯ ಪು
ರಂದರ ವಿಠಲಗೆ ಅಭಿಷೇಕ ಮಾಡುವ ತಾರೇ ಬಿಂದಿಗೆಯ        ||೩||

Tarakka bindige na nirige hoguve tare bindigeya ||pa||

Bindige odedare omde kasu tare bindigeya ||a.pa||

Ramanamavemba rasavulla nirige tare bindigeya
Kaminiyara kude ekamtavadenu tare bindigeya ||1||

Govimda nirige gunavulla nirige tare bindigeya
Avava pariyalli amrutada nirige tare bindigeya ||2||

Bindumadhavana gattakke hoguva tare bindigeya pu
Randara vithalage abisheka maduva tare bindigeya ||3||

Saranu benakane kanakarupane kamini sangadurane
Saranu sambana priti putrane saranu janarige mitrane ||pa||

Ekadantane lokakyatane ekavakya pravinane
Ekavimsati patrapujitaneka vigna vinayaka ||1||

Lambakarnane nasikadharane gambiryayuta gunasarane
Kambukandhara imdumaulija chandanacharcitangane ||2||

Chaturbahu charana todalane chatura Ayudha dharane
Matiyavantane malina jalitane atiya madhuraharane ||3||

Vakratundane mahakayane arkakoti pradipane
Chakradhara harabrahmapujita rakta vastradharane ||4||

Mushikasana seshabushana asesha vignavinayaka
Dasa purandaraviththalesana isagunagala pogaluve ||5||

ಬದುಕಿದೆನು ಬದುಕಿದೆನು ಭವವೆನಗೆ ಹಿಂಗಿತು
ಪದುಮನಾಭನ ಪಾದದೊಲುಮೆ ಎನಗಾಯಿತು       ||ಪ||

ಮುಕ್ತರಾದರು ಎನ್ನ ನೂರೊಂದು ಕುಲದವರು
ಮುಕ್ತಿ ಮಾರ್ಗಕೆ ಯೋಗ್ಯ ನಾನಾದೆನು
ಮುಕ್ತಿದಾಯಕನ ಭಕ್ತಿಗೆ ಮನವು ನೆಲೆಸಿತು
ವ್ಯಕ್ತವಾಯಿತು ನಾಲಿಗೆಯೊಳು ಹರಿನಾಮ              ||೧||

ಹರಿಯ ತೀರ್ಥ ಪ್ರಸಾದವಿಂದೆನಗೆ ದೊರಕಿತು
ಹರಿಕಥಾಮೃತವೆನ್ನ ಕಿವಿಗೊದಗಿತೋ
ಹರಿದಾಸರು ಎನ್ನ ಬಂಧು ಬಳಗಾದರು
ಹರಿಮುದ್ರೆ ಎನಗಾಭರಣವಾಯಿತು                      ||೨||

ಹಿಂದೆನ್ನ ಸಂತತಿಗೆ ಸಕಲ ಸಾಧನವಾಯಿತು
ಮುಂದೆನ್ನ ಜನ್ಮವು ಸಫಲವಾಯಿತು
ತಂದೆ ಪುರಂದರ ವಿಠಲನೆಂದೆಂಬ ಪರದೈವ
ಬಂದು ಹೃದಯದಲಿ ನೆಲೆಯಾಗಿ ನಿಂತ                ||೩||

Badukidenu badukidenu Bavavenage hingitu
Padumanabana padadolume enagayitu ||pa||

Muktaradaru enna nurondu kuladavaru
Mukti margake yogya nanadenu
Muktidayakana Baktige manavu nelesitu
Vyaktavayitu naligeyolu harinama ||1||

Hariya tirtha prasadavindenage dorakitu
Harikathamrutavenna kivigodagito
Haridasaru enna bamdhu balagadaru
Harimudre enagabaranavayitu ||2||

Hindenna samtatige sakala sadhanavayitu
Mundenna janmavu sapalavayitu
Tande purandara vithalanemdemba paradaiva
Bandu hrudayadali neleyagi nimta ||3||

ಸ್ಮರಿಸೊ ಸರ್ವದ ಹರಿಯ                     ||ಪ||

ಸುರವರ ದೊರೆಯ ಕರುಣಾನಿಧಿಯ         ||ಅ.ಪ||

ಮುನಿಜನ ವಂದ್ಯನ ಮನಸಿಜನಯ್ಯನ
ಮನದಲಿ ಅನುದಿನ ನೆನೆಯೊ ಹರಿಯ       ||೧||

ವರಗುಣಪೂರ್ಣನ ಸರಸಿಜನೇತ್ರನ
ಪರವಾಸುದೇವನ ಪ್ರಾಣದ ಪ್ರಿಯನ         ||೨||

ವೆಂಕಟರಮಣನ ಸಂಕಟಹರಣನ
ಲಕ್ಷ್ಮೀರಮಣನ ಪುರಂದರವಿಠಲನ           ||೩||

Smariso sarvada hariya ||pa||

Suravara doreya karunanidhiya ||a.pa||

Munijana vandyana manasijanayyana
Manadali anudina neneyo hariya ||1||

Varagunapurnana sarasijanetrana
Paravasudevana pranada priyana ||2||

Venkataramanana sankataharanana
Lakshmiramanana purandaravithalana ||3||