ವೃಂದಾವನ ಪ್ರವೇಶಿಸಿದಂದವ
ಚಂದದಿ ಪೇಳುವೆ ಪಾಲಿಪುದು ||
ಇಂದಿರೆಯರಸನ ಪ್ರೇರಣೆಯಿಂದ ಯತಿ
ವೃಂದ ತಿಲಕ ರಾಘವೇಂದ್ರರಾನಂದದಿ ||
ಒಂದು ದಿನವು ಶ್ರೀ ರಾಯರು ಶಿಷ್ಯರ
ವೃಂದಕೆ ಪಾಠವ ಹೇಳುತಿರೆ
ಅಂದು ವಿಮಾನದಿ ಕೃಷ್ಣದ್ವೈಪಾಯನ ಪ
ರಂಧಾಮಕೈದಲು ನೋಡಿ ಕೈ ಮುಗಿದು ||
ಎಷ್ಟು ದಿನವು ನಾವಿಲ್ಲಿರಬೇಕೆಂದು
ಶಿಷ್ಟ ಗುರುವರರು ಕೇಳಿದೊಡೆ
ಕೃಷ್ಣದ್ವೈಪಾಯನರೆರಡು ಬೆಳಗುಳ
ಗಟ್ಟಿಯಾಗಿ ಬೀಸಿ ತೋರಿಸಿ ಪೊರಟರು ||
ನೆರೆದ ಶಿಷ್ಯರದರರ್ಥವೇನೆನುತ
ಗುರುಗಳನ್ನು ತಾವ್ ಕೇಳಿದೊಡೆ
ಎರೆಡು ವರ್ಷ ತಿಂಗಳು ದಿನವೆರಡೆರಡು
ಇರುವುದು ಧರೆಯೊಳಗೆಂದರು ರಾಯರು ||
ಆದವಾನಿಗೆ ಗುರು ಸಂಚಾರ ಪೋಗಿರೆ
ಆ ದಿವಾನ ವೆಂಕಣ್ಣ ಬಲು
ಆದರಿಸಿದ ಬಳಿ ತಾ ನವಾಬನಿಂದ
ಮೋದದಿ ಕೊಡಿಸಿದ ಮಂಚಾಲೆಯನು ||
ಹಿಂದೆ ಪ್ರಹ್ಲಾದರು ಯಾಗವ ರಚಿಸಿದ
ಸುಂದರ ಕ್ಷೇತ್ರವಿದೆಂಬುದನು
ತಂದು ಮನಕೆ ಗುರುರಾಯರೀ ಕ್ಷೇತ್ರವ
ನಂದು ಪಡೆದು ತಾವಿಲ್ಲಿಯೇ ನಿಂತರು ||
ಉತ್ತಮ ನೀಲವರ್ಣದ ಶಿಲೆಯಪಳಿರಿಸಿ
ಕೆತ್ತಿಸಿ ವೃಂದಾವನತರಿಸಿ
ಕ್ಷೇತ್ರರಕ್ಷಣೆಯಗಷ್ಟ ದಿಕ್ಕುಗಳಲಿ ದೇವ
ಮೂರ್ತಿಗಳನು ಸ್ಥಾಪಿಸಿ ನಿಲಿಸಿದರು ||
ವೃಂದಾವನದಲಿ ಸ್ಥಾಪಿಸಲೇಳ್ನೂರು
ಚಂದದ ಸಾಲಿಗಾಮಗಳ
ತಂದಿಟ್ಟರೆ ಸಿದ್ಧತೆಗಳು ಸಕಲವು
ಕುಂದಿಲ್ಲದಂದೆ ನಡೆದಿರಲಾಗಲೆ ||
ಮುಂದಕೆ ತಮ್ಮ ಸಂಸ್ಥಾನವ ವಹಿಸಿ ಯೋ
ಗೀಂದ್ರರೆಂಬ ಪ್ರಿಯ ಶಿಷ್ಯರಿಗೆ
ಸಂದಿಪ ವಿರಹದಿ ನೊಂದಿದ ಶಿಷ್ಯರ
ವೃಂದವ ಬಲು ಸಂತೈಸಿದರಾಗಲೇ||
ನಲವತ್ತೇಳು ಸಂವತ್ಸರ ನಾಲ್ಕು ತಿಂ
ಗಳು ಇಪ್ಪತ್ತೊಂಭತ್ತು ದಿನಕಾಲ
ನಲವಿನಿಂದ ವೇದಾಂತ ಸಾಮ್ರಾಜ್ಯವ
ಸಲಹಿ ಸುಕೀರ್ತಿಯ ಗಳಿಸಿದ ಬಳಿಕ ||
ಸಾವಿರದೈನೂರು ತೊಂಭತ್ಮೂರನೆ
ಕ್ರತು ಸಂವತ್ಸರದ
ಶ್ರಾವಣ ಕೃಷ್ಣ ದ್ವಿತೀಯದ ಗುರುವಾರ
ವಾಸರ ಮುಹೂರ್ತದಿ ಗುರುವರ ||
ಹಸ್ತದಿ ಜಪಮಾಲೆ ಪಿಡಿದು ಯೋಗೀಂದ್ರರ
ಹಸ್ತಲಾಘವವ ಸ್ವೀಕರಿಸಿ
ಸ್ವಸ್ತಿವಾಚನಗಳ್ ವಿಪ್ರರು ಪೇಳುತಿರೆ
ಅರ್ಥಿಯಲಿ ವೃಂದಾವನವ ಪ್ರವೇಶಿಸಿ ||
ಪದ್ಮಾಸನದಲಿ ಮಂಡಿಸಿ ಎದುರಲಿ
ಮುದ್ದುಪ್ರಾಣೇಶನ ನೋಡುತಲಿ
ಪದ್ಮನಾಭನ ಧ್ಯಾನದೊಳಿರೆ ಜಪಸರ
ಬಿದ್ದು ಬಿಡಲು ಮುಚ್ಚಳಿಕೆಯನಿಡಲು ||
ನೆರೆದಿಹ ವಿಪ್ರರು ಜಯ ಜಯವೆನ್ನುತ
ಪರಿಪರಿ ರಾಯರ ಪೊಗಳಿದರು
ಕರಿಗಿರೀಶನ ಕರುಣ ಪಡೆದ ನಮ್ಮ
ಗುರುಸಾರ್ವಭೌಮನ ಸರಿಯಾರಿಹರು ||
Vrundavana pravesisidandavachandadi peluve palipudu ||pa||
Indireyarasana preraneyinda yati
Vrunda tilaka raghavendraranandadi ||a.pa||
Ondu dinavu sri rayaru sishyara
Vrundake pathava helutire
Andu vimanadi krushnadvaipayana pa
Randhamakaidalu nodi kai mugidu||1||
Eshtu dinavu navillirabekendu
Sishta guruvararu kelidode
Krushnadvaipayanareradu belagula
Gattiyagi bisi torisi porataru ||2||
Nereda sishyaradararthavenenuta
Gurugalannu tav kelidode
Eredu varsha tingalu dinaveraderadu
Iruvudu dhareyolagendaru rayaru ||3||
Adavanige guru sanchara pogire
A divana venkanna balu
Adarisida bali ta navabanimda
Modadi kodisida manchaleyanu ||4||
Hinde prahladaru yagava racisida
Sundara kshetravidembudanu
Tandu manake gururayari kshetrava
Nandu padedu tavilliye nintaru ||5||
Uttama nilavarnada sileyapalirisi
Kettisi vrundavanatarisi
Kshetrarakshaneyagashta dikkugalali deva
Murtigalanu sthapisi nilisidaru ||6||
Vrundavanadali sthapisalelnuru
Chandada saligamagala
Tandittare siddhategalu sakalavu
Kundilladande nadediralagale ||7||
Mundake tamma samsthanava vahisi yo
Gindraremba priya sishyarige
Sandipa virahadi nondida sishyara
Vrundava balu santaisidaragale ||8||
Nalavattelu samvatsara nalku tin
Galu ippattombattu dinakala
Nalavininda vedanta samrajyava
Salahi sukirtiya galisida balika ||9||
Saviradainuru tombatmurane
Kratu samvatsarada
Sravana krushna dvitiyada guruvara
Vasara muhurtadi guruvara ||10||
Hastadi japamale pididu yogindrara
Hastalagavava svikarisi
Svastivacanagal vipraru pelutire
Arthiyali vrundavanava pravesisi ||11||
Padmasanadali mandisi edurali
Muddupranesana nodutali
Padmanabana dhyanadolire japasara
Biddu bidalu muccalikeyanidalu ||12||
Nerediha vipraru jaya jayavennuta
Paripari rayara pogalidaru
Karigirisana karuna padeda namma
Gurusarvabaumana sariyariharu ||13||
Madhwa 