Sri Madhwashtakam

ಅಜ್ಞಾನನಾಶಾಯ ಸತಾಂ ಜನಾನಾಂ ಕೃತಾವತಾರಾಯ ವಸುಂಧರಾಯಾಮ್ |
ಮಧ್ವಾಭಿಧಾನಾಯ ಮಹಾಮಹಿಮ್ನೇ ಹತಾಘಸಂಘಾಯ ನಮೋಽನಿಲಾಯ || ೧ ||

ಯೇನ ಸ್ವಸಿದ್ಧಾಂತಸರೋಜಮದ್ಧಾ ವಿಕಸಿತಂ ಗೋಭಿರಲಂ ವಿಶುದ್ಧೈಃ |
ದುಸ್ತರ್ಕನೀಹಾರಕುಲಂ ಚ ಭಿನ್ನಂ ತಸ್ಮೈ ನಮೋ ಮಧ್ವದಿವಾಕರಾಯ || ೨ ||

ಪ್ರಪನ್ನತಾಪಪ್ರಶಮೈಕಹೇತುಂ ದುರ್ವಾದಿವಾದೇಂಧನಧೂಮಕೇತುಮ್ |
ನಿರಂತರಂ ನಿರ್ಮಿತಮೀನಕೇತುಂ ನಮಾಮ್ಯಹಂ ಮಧ್ವಮುನಿಪ್ರತಾಪಮ್ || ೩ ||

 

ಶಾಂತಂ ಮಹಾಂತಂ ನತಪಾದಕಾಂತಂ ಕಾಂತಂ ನಿತಾಂತಂ ಕಲಿತಾಗಮಾಂತಮ್ |
ಸ್ವಾಂತಂ ನಯಂತಂ ತ್ರಿಪುರಾರಿಕಾಂತಂ ಕಾಂತಂ ಶ್ರಿಯೋ ಮಧ್ವಗುರುಂ ನಮಾಮಿ || ೪ ||

ಪುನಾನನಾಮ್ನೇ ಮುರವೈರಿಧಾಮ್ನೇ ಸಂಪೂರ್ಣನಾಮ್ನೇ ಸಮಧೀತಸಾಮ್ನೇ |
ಸಂಕೀರ್ತಿತಾಧೋಕ್ಷಜಪುಣ್ಯನಾಮ್ನೇ ನಮೋಽಸ್ತು ಮಧ್ವಾಯ ವಿಮುಕ್ತಿಸೀಮ್ನೇ || ೫ ||

ಸನ್ಮಾನಸಂಸಜ್ಜನತಾಶರಣ್ಯಂ ಸನ್ಮಾನಸಂ ತೋಷಿತರಾಮಚಂದ್ರಮ್ |
ಸನ್ಮಾನಸನ್ಯಸ್ತಪದಂ ಪ್ರಶಾಂತಂ ನಮಾಮ್ಯಹಂ ಮಧ್ವಮಹಾಮುನೀಶಮ್ || ೬ ||

ಸಂಸ್ತೂಯಮಾನಾಯ ಸತಾಂ ಸಮೂಹೈಶ್ಚಂದ್ರಾಯಮಾನಾಯ ಚಿದಂಬುರಾಶೇಃ |
ದೀಪಾಯಮಾನಾಯ ಹರಿಂ ದಿದೃಕ್ಷೋರಲಂ ನಮೋ ಮಧ್ವಮುನೀಶ್ವರಾಯ || ೭ ||

ಗುಣೈಕಸಿಂಧುಂ ಗುರುಪುಂಗವಂ ತಂ ಸದೈಕಬಂಧುಂ ಸಕಲಾಕಲಾಪಮ್ |
ಮನೋಜಬಂಧುಂ ನತಪಾದಪದ್ಮಂ ನಮಾಮ್ಯಹಂ ಮಧ್ವಮುನಿಂ ವರೇಣ್ಯಮ್ || ೮ ||

ಮಧ್ವಾಷ್ಟಕಂ ಪುಣ್ಯತಮಂ ತ್ರಿಸಂಧ್ಯಂ ಪಠಂತ್ಯಲಂ ಭಕ್ತಿಯುತಾ ಜನಾ ಯೇ |
ತೇಷಾಮಭೀಷ್ಟಂ ಪ್ರತನೋತಿ ವಾಯುಃ ಶ್ರೀಮಧ್ವನಾಮಾ ಗುರುಪುಂಗವೋಽಯಮ್ || ೯ ||

ಸಮಸ್ತಶಾಸ್ತ್ರಾಣಿ ಚ ಸಮ್ಯಗೇವ ಕೃತ್ವಾ ಹರೇಃ ಶಾಶ್ವತಸದ್ಗುಣಾನ್ ಯಃ |
ಪ್ರಕಾಶಯಾಮಾಸ ಸಮಸ್ತಯುಕ್ತಿಭಿಃ ಶ್ರೀಮಧ್ವನಾಮಾ ಚ ಸದಾ ಪ್ರಸೀದತಾಮ್ || ೧೦ ||

ಪರಮಪುರುಷಶ್ರೀಚರಣಸರೋರುಹಮಧುಕರರೂಪಕಮಾನಸಮುದಿತಮ್ |
ಗುರುಕುಲತಿಲಕಶ್ರೀಮದಾನಂದತೀರ್ಥಯೋಗಿವರಂ ಸತತಮಹಂ ವಂದೇ || ೧೧ ||

ಶ್ರೀಮಲ್ಲಿಕುಚವಂಶ್ಯೇನ ಮಧ್ವಾಷ್ಟಕಮುದೀರಿತಮ್ |
ಶ್ರೀಮತ್ತ್ರಿವಿಕ್ರಮಾಖ್ಯೇನ ಗುರ್ವನುಗ್ರಹಕಾರಕಮ್ || ೧೨ ||

|| ಇತಿ ಕವಿಕುಲತಿಲಕಶ್ರೀಮತ್ತ್ರಿವಿಕ್ರಮಪಂಡಿತಾಚಾರ್ಯವಿರಚಿತಂ ಶ್ರೀಮಧ್ವಾಷ್ಟಕಮ್ ||

aj~jAnanASAya satAM janAnAM kRutAvatArAya vasuMdharAyAm |
madhvABidhAnAya mahAmahimnE hatAGasaMGAya namO&nilAya || 1 ||

yEna svasiddhAMtasarOjamaddhA vikasitaM gOBiralaM viSuddhaiH |
dustarkanIhArakulaM ca BinnaM tasmai namO madhvadivAkarAya || 2 ||

prapannatApapraSamaikahEtuM durvAdivAdEMdhanadhUmakEtum |
nirantaraM nirmitamInakEtuM namAmyahaM madhvamunipratApam || 3 ||

SAntaM mahAntaM natapAdakAntaM kAntaM nitAntaM kalitAgamAMtam |
svAntaM nayantaM tripurArikAntaM kAntaM SriyO madhvaguruM namAmi || 4 ||

punAnanAmnE muravairidhAmnE saMpUrNanAmnE samadhItasAmnE |
sankIrtitAdhOkShajapuNyanAmnE namO&stu madhvAya vimuktisImnE || 5 ||

sanmAnasaMsajjanatASaraNyaM sanmAnasaM tOShitarAmacaMdram |
sanmAnasanyastapadaM praSAntaM namAmyahaM madhvamahAmunISam || 6 ||

saMstUyamAnAya satAM samUhaiScaMdrAyamAnAya cidaMburASEH |
dIpAyamAnAya hariM didRukShOralaM namO madhvamunISvarAya || 7 ||

guNaikasindhuM gurupungavaM taM sadaikabandhuM sakalAkalApam |
manOjabaMdhuM natapAdapadmaM namAmyahaM madhvamuniM varENyam || 8 ||

madhvAShTakaM puNyatamaM trisaMdhyaM paThantyalaM BaktiyutA janA yE |
tEShAmaBIShTaM pratanOti vAyuH SrImadhvanAmA gurupuMgavO&yam || 9 ||

samastaSAstrANi ca samyagEva kRutvA harEH SASvatasadguNAn yaH |
prakASayAmAsa samastayuktiBiH SrImadhvanAmA ca sadA prasIdatAm || 10 ||

paramapuruShaSrIcaraNasarOruhamadhukararUpakamAnasamuditam |
gurukulatilakaSrImadAnandatIrthayOgivaraM satatamahaM vaMdE || 11 ||

SrImallikucavaMSyEna madhvAShTakamudIritam |
SrImattrivikramAKyEna gurvanugrahakArakam || 12 ||

|| iti kavikulatilakaSrImattrivikramapaMDitAcAryaviracitaM SrImadhvAShTakam ||