mangaLa guru rAGavEndrage jaya

ಮಂಗಳ ಗುರು ರಾಘವೇಂದ್ರಗೆ ಜಯ ||ಪ||

ಮಂಗಳ ಸುಜನಾಂಬುಧಿಚಂದ್ರಗೆ ||ಅ.ಪ||

ಶ್ರೀಸುಧೀಂದ್ರಕುಮಾರಗೆ ಮಂಗಳ
ಭೂಸುರನುತ ಮಹಿಮಗೆ ಮಂಗಳ
ದೇಶಿಕ ಕುಲವನಜಾರ್ಕಗೆ ಮಂಗಳ
ಭಾಸುರ ಕೀರ್ತಿಯ ಪಡೆದವಗೆ ||೧||

ವೃಂದಾವನಭುವಿಯೊಳಗೆ ಸುರದ್ರುಮ-
ದಂದದಿ ರಾಜಿಸುವಗೆ ಮಂಗಳ
ಅಂಧ ಪಂಗು ಮೂಕ ಬಧಿರರ ಈಪ್ಸಿತ
ಸಂದೋಹ ಸಲಿಸುವ ಮುನಿವರಗೆ ||೨||

ಭೂತಪ್ರೇತಬೇತಾಳ ಭಯವಿಪಿನ
ವೀತಿಹೋತ್ರನೆನಿಪಗೆ ಮಂಗಳ
ವಾತಜನುತ ಜಗನ್ನಾಥವಿಠಲನ
ದೂತರ ಸಲಹುವ ದಾತನಿಗೆ||೩||

mangaLa guru rAGavEndrage jaya ||pa||

mangaLa sujanAnbudhicandrage ||a.pa||
SrIsudhIndrakumArage mangaLa
BUsuranuta mahimage mangala
dESika kulavanajArkage mangala
BAsura kIrtiya paDedavage ||1||

vRundAvanaBuviyoLage suradruma-
dandadi rAjisuvage mangala
andha pangu mUka badhirara Ipsita
sandOha salisuva munivarage ||2||

BUtaprEtabEtALa Bayavipina
vItihOtranenipage mangala
vAtajanuta jagannAthaviThalana
dUtara salahuva dAtanige||3||