Idiryaro guruve samaryaro

ಇದಿರ್ಯಾರೊ ಗುರುವೆ ಸಮರ್ಯಾರೊ ||ಪ||

ಮದನಜನಕ ಪ್ರಿಯ ಮಧ್ವರಾಯ ||ಅ||

ಸನ್ನುತಮಹಿಮ ಪ್ರಸನ್ನವದನ ನಿನ-
ಗನ್ಯನಲ್ಲವೋ ನೀ ಎನ್ನ ರಕ್ಷಿಸಬೇಕೋ
ನಿನ್ನ ನೋಡಿದವರು ಧನ್ಯರಾಗುವರು
ನಿನ್ನ ದಯಾಮೂರ್ತಿ ಮನ್ನಿಸಿನೋಡೊ ||

ದುರ್ಜನರ ಗರ್ಜನದಿಂದ ಓಡಿಸಿ
ಸಜ್ಜನರನು ಸಂರಕ್ಷಿಸಿದಾತನೆ
ತ್ರಿಜಗದಲ್ಲಿ ಮಧ್ಯಗೇಹರ ಪತ್ನಿಯ
ಪೂಜ್ಯ ಜಠರದಲಿ ಜನಿಸಿದ ಧೀರ ||

ವೇದಶಾಸ್ತ್ರಗಳಿಂದ ಮಾಯ್ಗಳ ಖಂಡಿಸಿ
ಸಾಧಿಸಿ ಹರಿಯೆ ಸರ್ವೋತ್ತಮನೆಂತೆಂದು
ಮೋದಭರಿತವದ ದಿವ್ಯಶಾಸ್ತ್ರವ ಮಾಡ್ದ
ಮೋದತೀರ್ಥ ಪುರಂದರವಿಠಲದಾಸ ||

Idiryaro guruve samaryaro ||pa||

Madanajanaka priya madhvaraya ||a||

Sannutamahima prasannavadana nina-
Ganyanallavo ni enna rakshisabeko
Ninna nodidavaru dhanyaraguvaru
Ninna dayamurti mannisinodo ||

Durjanara garjanadinda odisi
Sajjanaranu samrakshisidatane
Trijagadalli madhyagehara patniya
Pujya jatharadali janisida dhira ||

Vedasastragalinda maygala kandisi
Sadhisi hariye sarvottamanentendu
Modabaritavada divyasastrava madda
Modatirtha purandaravithaladasa ||