Nodide Gurugala nodide(Raghuttama theertharu)

ನೋಡಿದೆ ಗುರುಗಳ ನೋಡಿದೆ ||Pa||

ನೋಡಿದೆನು ಗುರುಗಳ ಪಾದಾಬ್ಜವ
ಪಾಡಿದೆನು ಸನ್ಮಹಿಮೆಗಳ ನಾ
ಬೇಡಿದೆನು ಮನದಣಿಯೆ ವರಗಳ
ಈಡು ಇಲ್ಲದೆ ಕೊಡುವ ಪ್ರಭುಗಳ ||a.pa||

ಪಂಚಕೃಷ್ಣಾರಣ್ಯಕ್ಷೇತ್ರ ಪಿನಾಕಿಯ ತೀರದಲ್ಲಿ ನಿಂತು
ಮಿಂಚುತಿಹ ಕಾಷಾಯದಂಡ ಕಮಂಡಲವ ಧರಿಸುತ್ತ ಧರೆಯೊಳು
ಪಂಚಬಾಣದ ಪಿತನ ಗುಣಗಳ ಅಂಚೆಯದಿ ಪೊಗಳುತ್ತ ಹರುಷದಿ
ಸಂಚಿತಾಗಾಮಿಗಳ ಕಳೆದು ಪ್ರಪಂಚದಲಿ ಮೆರೆವಂಥ ಗುರುಗಳ ||1||

ಅಲವಬೋಧರ ಭಾಷ್ಯಟೀಕಾ ಭಾವವನು ಸುಜನರಿಗೆ ಬೋಧಿಸಿ
ಕಲುಷಮತಗಿರಿ ಸಮುದ(ದಾ)ಯಂಗಳ ಕುಲಿಶದಂದಲಿ ಖಂಡಿಸುತಲಿ
ಮೂಲರಾಮ ದಿಗ್ವಿಜಯರಾಮರ ಪಾದಕಮಲಕೆ ಭೃಂಗನೆನಿಸುತ
ಶೀಲಭಕ್ತಿ ವಿರಕ್ತಿಮತಿಗಳ ಪಾಲಿಸುತ ಯತಿಮೌಳಿ ರತುನರ ||2||

ಕಾಮಧೇನು ಸುಕಲ್ಪತರು ಚಿಂತಾಮಣಿಯವೋಲ್ ಕಾಮಿತಾರ್ಥವ
ಪ್ರೇಮದಲಿ ಬೀರುತ್ತ ಅಧ್ಯಾತ್ಮದಿ ತಾಪತ್ರಯ ಕಳೆಯುವ
ಸ್ವಾಮಿ ಶ್ರೀಹರಿ ಶ್ರೀದವಿಠಲನ ದಾಸಾಗ್ರಣಿಯೆನಿಸಿ ಮರೆವರ
ನೇಮದಿಂದಲಿ ಶ್ರೀ ರಘೂತ್ತಮ ಮೌನಿವರ್ಯರ ಕರುಣ ಬಯಸುತ||3||

Nodide gurugala nodide ||pa||

Nodidenu gurugala padabjava
Padidenu sanmahimegala na
Bedidenu manadaniye varagala
Idu illade koduva prabugala|| a.pa.||

Panchakrushnaranyakshetra pinakiya tiradalli nintu
Mincutiha kashayadanda kamandalava dharisutta dhareyolu
Pancabanada pitana gunagala anceyadi pogalutta harushadi
Sanchitagamigala kaledu prapancadali merevantha gurugala ||1||

Alavabodhara bashyatika bavavanu sujanarige bodhisi
Kalushamatagiri samuda(da)yangala kulisadandali kandisutali
Mularama digvijayaramara padakamalake brunganenisuta
Silabakti viraktimatigala palisuta yatimauli ratunara ||2||

Kamadhenu sukalpataru chintamaniyavol kamitarthava
Premadali birutta adhyatmadi tapatraya kaleyuva
Svami srihari sridavithalana dasagraniyenisi marevara
Nemadindali sri raguttama maunivaryara karuna bayasuta 3