Kondadalalave ninnaya keerti

ಕೊಂಡಾಡಲಳವೆ ನಿನ್ನಯ ಕೀರ್ತಿ ಭೂ-
ಮಂಡಲದೊಳಗೆ ಹಯಗ್ರೀವ ಮೂರ್ತಿ|

ವೇದಂಗಳ ಜಲದಿಂದ ತಂದೆ ನೀ
ಪೋದ ಗಿರಿಯ ಬೆನ್ನೊಳಾಂತು ನಿಂದೆ|
ಮೇದಿನಿಯ ಕದ್ದೊಯ್ದನ ಕೊಂದೆ ಸಂ-
ವಾದದಿಂದ ಕಂಬದಿಂದಲಿ ಬಂದೆ||

ಚರಣಾಗ್ರದಲಿ ನದಿಯನು ಪೆತ್ತೆ ತೀಕ್ಷ್ಣ-
ಪರಶು ಹಿಡಿಯ ಬಾಹುಜರ ಕಿತ್ತೆ|
ನೆರೆನಂಬಿದಗೆ ಸ್ಥಿರಪಟ್ಟವನಿತ್ತೆ ದೊಡ್ಡ
ದುರುಳ ಕಾಳಿಂಗನ ಶಿರದಿ ನಿಂತೆ||

ಪತಿವ್ರತೆಯರ ಮಾನ ಭೇದನ
ಚತುರ ತುರಗವೇರಿ ನಲಿವನ|
ಕ್ಷಿತಿಯೊಳುತ್ತಮ ವಾದಿರಾಜನ ಸ್ವಾಮಿ
ಸತತ ರಕ್ಷಿಪ ಶ್ರೀ ಹಯವದನನ||

Kondadalalave ninnaya keerti |
Bumandaladolu hayagriva murti | pa |

Vedagala jaladinda ni tande |
Mandaragiriya bennu atu ninde |
Mediniya kaddoydana konde |
Sanvadadinda kanbadali ni bande | 1 |

Charanagradali nadiyanu pette |
Diksha parasu pididu bahajara kitte |
Nerenanbidavage sthira pattava nitte |
Dodda durula kalingana siradi ninte | 2 |

Pativrateyara manabedana |
Chatura turagavaneri nalidavana |
Kshitiyolu uttama vadirajana |
Svami | satata rakshipa hayavadana | 3 |