dasara padagalu · kanakadasaru · MADHWA

ellaru maduvudu hottegagi

ಎಲ್ಲಾರು ಮಾಡುವುದು ಹೊಟ್ಟೆಗಾಗಿ ಗೇಣುಬಟ್ಟೆಗಾಗಿ   ।।ಪ ।।

ವೇದಶಾಸ್ತ್ರ ಪಂಚಾಂಗವ ಓದಿಕೊಂಡು ಅನ್ಯರಿಗೆ
ಬೋಧನೆಯ ಮಾಡುವುದು ಹೊಟ್ಟೆಗಾಗಿ ಗೇಣುಬಟ್ಟೆಗಾಗಿ         ||1||

ಚಂಡಭಟರಾಗಿ ನಡೆದು ಕತ್ತಿ ಡಾಲು ಕೈಲಿ ಹಿಡಿದು
ಖಂಡ ತುಂಡ ಮಾಡುವುದು ಹೊಟ್ಟೆಗಾಗಿ ಗೇಣುಬಟ್ಟೆಗಾಗಿ         ||2||

ಅಂಗಡಿ ಮುಂಗಟ್ಟನ್ನ ಹೂಡಿ ವ್ಯಂಗ ಮಾತುಗಳನ್ನ ಅಡಿ
ಭಂಗಬಿದ್ದು ಗಳಿಸಿವುದು ಹೊಟ್ಟೆಗಾಗಿ ಗೇಣುಬಟ್ಟೆಗಾಗಿ               ||3||

ಕುಂಟೆ ತುದಿಗೆ ಕೊರಡು ಹಾಕಿ ಹೆಂಟೆ ಮಣ್ಣು ಸಮನು ಮಾಡಿ
ರಂಟೆ ಹೊಡೆದು ಬೆಳೆಸುವುದು ಹೊಟ್ಟೆಗಾಗಿ ಗೇಣುಬಟ್ಟೆಗಾಗಿ      ||4||

ಬೆಲ್ಲದಂತೆ ಮಾತನಾಡಿ ಎಲ್ಲರನ್ನು ಮರುಳುಮಾಡಿ
ಸುಳ್ಳು ಬೊಗಳಿ ತಿಂಬುವುದು ಹೊಟ್ಟೆಗಾಗಿ ಗೇಣುಬಟ್ಟೆಗಾಗಿ       ||5||

ಕೊಟ್ಟ ಹಣವನು ಕುಟ್ಟಿಕೊಂಡು ಕಟ್ಟಿಗೆಯನು ಹೊತ್ತುಕೊಂಡು
ಕಷ್ಟ ಮಾಡಿ ಉಣ್ಣುವುದು  ಹೊಟ್ಟೆಗಾಗಿ ಗೇಣುಬಟ್ಟೆಗಾಗಿ          ||6||

ಸನ್ಯಾಸಿ ಜಂಗಮ ಜೋಗಿ ಜಟ್ಟಿ ಮೊಂಡ ಬೈರಾಗಿ
ನಾನ ವೇಷಗಳೆಲ್ಲ ಹೊಟ್ಟೆಗಾಗಿ ಗೇಣುಬಟ್ಟೆಗಾಗಿ                     ||7||

ಹಳ್ಳದಲಿ ಕುಳಿತುಕೊಂಡು ಕಲ್ಲು ದೊಣ್ಣೆ ಹಿಡಿದುಕೊಂಡು
ಕಳ್ಳತನವ ಮಾಡುವುದು ಹೊಟ್ಟೆಗಾಗಿ ಗೇಣುಬಟ್ಟೆಗಾಗಿ            ||8||

ಅಂದಣ  ಪಲ್ಲಕ್ಕಿ ಏರಿ ಮಂದಿ ಮಾರ್ಬಲ ಕೂಡಿ
ಚಂದದಿಂದ ಮೆರೆಯುವುದು ಹೊಟ್ಟೆಗಾಗಿ ಗೇಣುಬಟ್ಟೆಗಾಗಿ          ||9||

ಉನ್ನತ ಕಾಗಿನೆಲೆಯಾದಿಕೇಶವನಾ ದ್ಯಾನವನ್ನು
ಮನಮುಟ್ಟಿ ಮಾಡುವುದು ಮುಕ್ತಿಗಾಗಿ ಆನಂದಕಾಗಿ                  ||10||

ellAru mADuvudu hoTTegAgi gENubaTTegAgi ||pa||

vEdaSAstra pancAngava OdikonDu anyarige
bOdhaneya mADuvudu hoTTegAgi gENubaTTegAgi ||1||

canDaBaTarAgi naDedu katti DAlu kaili hiDidu
KanDa tunDa mADuvudu hoTTegAgi gENubaTTegAgi ||2||

angaDi mungaTTanna hUDi vyanga mAtugaLanna aDi
Bangabiddu gaLisivudu hoTTegAgi gENubaTTegAgi ||3||

kunTe tudige koraDu hAki henTe maNNu samanu mADi
ranTe hoDedu beLesuvudu hoTTegAgi gENubaTTegAgi ||4||

belladante mAtanADi ellarannu maruLumADi
suLLu bogaLi tiMbuvudu hoTTegAgi gENubaTTegAgi ||5||

koTTa haNavanu kuTTikonDu kaTTigeyanu hottukoMDu
kaShTa mADi uNNuvudu hoTTegAgi gENubaTTegAgi ||6||

sanyAsi jaMgama jOgi jaTTi monDa bairAgi
nAna vEShagaLella hoTTegAgi gENubaTTegAgi ||7||

haLLadali kuLitukoMDu kallu doNNe hiDidukonDu
kaLLatanava mADuvudu hoTTegAgi gENubaTTegAgi ||8||

andaNa pallakki Eri mandi mArbala kUDi
candadinda mereyuvudu hoTTegAgi gENubaTTegAgi ||9||

unnata kAgineleyAdikESavanA dyAnavannu
manamuTTi mADuvudu muktigAgi AnandakAgi ||10||

 

One thought on “ellaru maduvudu hottegagi

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s