Daniya nodidhano venkatana

ಧಣಿಯ ನೋಡಿದೆನೋ ವೆಂಕಟನ , ಮನ-
ದಣಿಯೆ ನೋಡಿದೆ ಶಿಖಾಮಣಿ ತಿರುಮಲನ ||

ಚರಣದಂದುಗೆ ಗೆಜ್ಜೆಯವನ , ಪೀತಾಂ-
ಬರ ಉಡಿಗೆ ಒಡ್ಯಾಣವಿಟ್ಟವನ
ಮೆರೆಯುವ ಮಾಣಿಕ್ಯದವನ , ಚೆನ್ನ
ಸರ ಹಾರ ಪದಕ ಕೌಸ್ತುಭ ಧರಿಸಿದವನ ||

ಕೊರಳೊಳು ವೈಜಯಂತಿ ಇಹನ , ಕಿರು
ಬೆರಳ ಮುದ್ರಿಕೆ ಭುಜಕೀರ್ತಿಲೊಪ್ಪುವನ
ಅರಳುಕಂಗಳ ನೋಟದವನ , ಸುಳಿ-
ಗುರುಳು ನೊಸಲು ಪಟ್ಟಿ ನಾಮ ಹಚ್ಚಿಹನ ||

ಶಂಖಚಕ್ರವ ಪಿಡಿದವನ , ಕೈ-
ಕಂಕಣ ತೋಳ್ಬಂದಿ ಬಾಪುರಿಯವನ
ಶಂಖನೂದುವ ಸರ್ವೋತ್ತಮನ , ಭೂ –
ವೈಕುಂಠವಿದೆಂದು ಹಸ್ತದಿ ತೋರಿಸುವನ ||

ಕೇಸಕ್ಕಿ ಅನ್ನ ಉಂಬುವನ , ಬಡ್ಡಿ
ಕಾಸು ಬಿಡದ ಹಾಗೆ ಕೂಡಿ ಹಾಕುವನ
ಘೋಷಾನಾದಕ್ಕೆ ಒಲಿದಿಹನ , ಮೈಯೊಳ್
ಸೂಸುವ ಗಂಧ ಕಸ್ತೂರಿ ಲೇಪಿತನ ||

ನೀಟಾದ ವಲ್ಲಿ ಹೊದ್ದಿಹನ , ಹೊರ
ಬೇಟೆಯಾಡಿ ಅಂದದಿಂದ ಬರುವನ
ನೋಟದಿ ಬಂದು ನಿಂತಿಹನ , ಈ
ಸೃಷ್ಟಿಗೊಡೆಯ ಪುರಂದರವಿಟ್ಠಲನ ||

Daniya nodidhano venkatana mana
Daniya nodide shikamani tirumalana ||

Kesakki annava unbuvana baddi
Kasu bidade honna galisuvana
Dose annava marisuvana tanna
Dasara myaladi kunidadutihana ||1||

Gantinalli huduvavana hora
Hontu hogi beteyadvana
Gante nadake naliyuvana bhuvai
Kunthavidendu hastava torutihana ||2||

Bettadolage irutihana mana
Mutti bhajiparige ishtava salisuvana
Kotta varava tappadavana
Srushtigadhipa shriPurandara vittalana ||3||