ಹೆತ್ತ ತಾಯಿ ತಂದೆಗಳ ಚಿತ್ತವ ನೋಯಿಸಿ
ನಿತ್ಯ ದಾನವ ಮಾಡಿ ಫಲವೇನು?
ಸತ್ಯ ಸದಾಚಾರ ಇಲ್ಲದವನು ಜಪ
ಹತ್ತು ಸಾವಿರ ಮಾಡಿ ಫಲವೇನು?||೧||

ತನ್ನ ಸತಿ ಸುತರು ಬಂಧುಗಳ ನೋಯಿಸಿ
ಚಿನ್ನ ದಾನವ ಮಾಡಿದರೆ ಫಲವೇನು?
ಬಿನ್ನಣದಿಂದಲಿ ದೇಶ ದೇಶವ ತಿರುಗಿ
ಅನ್ನ ದಾನವ ಮಾಡಿ ಫಲವೇನು?||೨||

ಗೌಪ್ಯ ಗುಣ ಗುಟ್ಟು ಇಲ್ಲದ ಹೆಣ್ಣಿಗೆ
ರೂಪ ಯೌವನವಿದ್ದು ಫಲವೇನು?
ತಾಪತ್ರಯದ ಸಂಸಾರ ಕೆಡಿಸುವಂಥ
ಪಾಪಿ ಮನು ಇದ್ದು ಫಲವೇನು? ||೩||

ತಾಂಡವ ಧನದಿಂದ ತಂದೆ ಮಾತು ಕೇಳದ
ತುಂಡು ಮಗನು ಇದ್ದು ಫಲವೇನು?
ಭಂಡುಮಾಡಿ ಅತ್ತಿ ಮಾವನ ಬೈವ
ಮಂಡ ಸೊಸೆಯಿದ್ದು ಫಲವೇನು? ||೪||

ಸ್ನಾನಕ್ಕೆ ಪಾನಕ್ಕೆ ಆಗುವ ತಿಳಿನೀರು
ಕಾನನದೊಳಗಿದ್ದು ಫಲವೇನು?
ಆನಂದ ಮೂರುತಿ ಪುರಂದರ ವಿಠಲನ
ನೆನೆಯದ ತನುವಿದ್ದು ಫಲವೇನು? ||೫||
Hetta tayi tandegala cittava noyisi
Nitya danava madi palavenu?
Satya sadacara illadavanu japa
Hattu savira madi palavenu?||1||

Tanna sati sutaru bandhugala noyisi
Cinna danava madidare palavenu?
Binnanadindali desa desava tirugi
Anna danava madi palavenu?||2||

Gaupya guna guttu illada hennige
Rupa yauvanaviddu palavenu?
Tapatrayada samsara kedisuvantha
Papi manu iddu palavenu? ||3||

Tandava dhanadinda tande matu kelada
Tundu maganu iddu palavenu?
Bandumadi atti mavana baiva
Manda soseyiddu palavenu? ||4||

Snanakke panakke Aguva tiliniru
Kananadolagiddu palavenu?
Ananda muruti purandara vithalana
Neneyada tanuviddu palavenu? ||5||

ಹೆಂಡತಿ, ಪ್ರಾಣ ಹಿಂಡುತಿ ||ಪ||
ದೊಡ್ಡ ಕೊಂಡ ಕೋತಿಯಂತೆ ಕುಣಿಕುಣಿಸುತ್ತಿ ||ಅ||

ಹೊತ್ತಾರೆ ಏಳುತ್ತಿ ಹೊರಗೆ ತಿರುಗಾಡುತ್ತಿ
ಹೊತ್ತು ಹೋಯಿತು ಭತ್ಯ ತಾರೆನ್ನುತ್ತಿ
ಉತ್ತಮ ಗುರುಹಿರಿಯರ ಮಾತು ಮೀರುತ್ತಿ
ಮೃತ್ಯು ದೇವತೆಯಂತೆ ಮನೆಯೊಳಗಿರುತ್ತಿ ||

ಇಲ್ಲದ್ದು ಬೇಡುತ್ತಿ ಸುಳ್ಳು ಮಾತಾಡುತ್ತಿ
ಒಳ್ಳೆ ಊಟವನುಂಡು ಕುಳಿತಿರ್ಪೆನೆಂತಿ
ಎಳ್ಳಿನಷ್ಟು ಕೆಲಸ ಮಾಡಲಾರೆನೆಂತಿ
ಎಲ್ಲೆಲ್ಲಿ ತಲೆಯೆತ್ತದ್ಹಾಂಗೆ ಮಾಡುತ್ತಿ ||

ಹಿರಿತನಕ್ಹೋಗುತ್ತಿ ಗರುವಿಕೆ ಮಾಡುತ್ತಿ
ನೆರೆಹೊರೆಯರ ಕೂಡ ಬಡಿದಾಡುತ್ತಿ
ದೊರೆ ಸಿರಿಪುರಂದರವಿಠಲನ ಸ್ಮರಿಸದೆ
ದುರಿತಕ್ಕೆ ಗುರಿಯಾಗಿ ನೀ ನಿಲ್ಲುತ್ತಿ ||

Hendati, prana hinduti ||pa||
Dodda konda kotiyante kunikunisutti ||a||

Hottare elutti horage tirugadutti
Hottu hoyitu Batya tarennutti
Uttama guruhiriyara matu mirutti
Mrutyu devateyante maneyolagirutti ||

Illaddu bedutti sullu matadutti
Olle utavanundu kulitirpenenti
Ellinashtu kelasa madalarenenti
Ellelli taleyettad~hange madutti ||

Hiritanak~hogutti garuvike madutti
Nerehoreyara kuda badidadutti
Dore siripurandaravithalana smarisade
Duritakke guriyagi ni nillutti ||

ಲಕ್ಷ್ಮೀಕಾಂತ ಬಾರೋ ಶುಭಲಕ್ಷಣವಂತ ಬಾರೋ
ಪಕ್ಷಿವಾಹನವೇರಿದನೆ ಪಾವನಮೂರ್ತಿ ಬಾರೋ ||ಪ ||

ಆದಿಮೂಲ ವಿಗ್ರಹವಿನೋದಿ ನೀನೆ ಬಾರೋ
ಸಾಧುಸಜ್ಜನ ಸತ್ಯಯೋಗಿ ದಾನಿ ನೀನೆ ಬಾರೋ ||

ಗಾಡಿಗಾರ ಕೃಷ್ಣ ನಿನ್ನ ಬೇಡಿಕೊಂಬೆ ಬಾರೋ
ರೂಢ ಮಾತನಾಡಿ ಸರ್ವ ರೂಢಿಗೊಡೆಯ ಬಾರೋ ||

ನಿನ್ನ ಪಾದಂಗಳ ನಾನು ಬಣ್ಣಿಸಿ ಕರೆವೆ ಬಾರೋ
ಪನ್ನಗಶಯನ ಪುರಂದರವಿಠಲ ಬಾರೋ ||
Lakshmikanta baro subalakshanavanta baro
Pakshivahanaveridane pavanamurti baro ||pa ||

Adimula vigrahavinodi nine baro
Sadhusajjana satyayogi dani nine baro ||

Gadigara krushna ninna bedikombe baro
Rudha matanadi sarva rudhigodeya baro ||

Ninna padangala nanu bannisi kareve baro
Pannagasayana purandaravithala baro ||

ಯಮ ತನ್ನ ಪುರದಿ ಸಾರಿದನು, ನಮ್ಮ
ಕಮಲನಾಭನ ದಾಸರನು ಮುಟ್ಟದಿರೆಂದು ||ಪ||

ಭುಜದಲೊಪ್ಪುವ ಶಂಖ ಚಕ್ರ ಮುದ್ರಾಂಕಿತ
ನಿಜ ದ್ವಾದಶ ನಾಮ ಧರಿಸಿಪ್ಪರ
ತ್ರಿಜಗ ವಂದಿತ ತುಳಸಿಯ ಮಾಲೆ ಧರಿಸಿದ
ಸುಜನರುಗಳ ಕೆಣಕದೆ ಬನ್ನಿರೊ ಎಂದು ||

ಬೇವ್ಮಡಿಯನುಟ್ಟು ಬೆನ್ನು ಸಿಡಿಯನೇರಿ
ಚಿಮ್ಮುತ ಓಲಿ ಬೊಬ್ಬೆಗಳಿಡುತ
ಕರ್ಮಕ್ಕೆ ಗುರಿಯಾಗಿ ಪ್ರಾಣಿಹಿಂಸೆಯ ಮಾಳ್ಪ
ಬ್ರಹ್ಮತ್ಯಕಾರರ ಎಳೆದು ತನ್ನಿರೋ ಎಂದು ||

ತಾಳದಂಡಿಗೆ ನೃತ್ಯಗೀತ ಸಮ್ಮೇಳದಿ
ಊಳಿಗವನು ಮಾಳ್ಪ ಹರಿದಾಸರ
ಕೇಳುತ್ತಲೇ ಕರವೆತ್ತಿ ಮುಗಿದು ಯಮ-
ನಾಳುಗಳೆಂದು ಹೇಳದೆ ಬನ್ನಿರೊ ಎಂದು ||

ಗುರು ನಿಂದಕರ ಹಿರಿಯರ ದೂಷಿಸುವರ
ಪರಧನಗಳನಪಹರಿಸುವರ
ಅರವಾಣಿಕಾರರ ಉರುಳಿಸಿ ಬಾಯೊಳು
ಅರಗನು ಕಾಯಿಸಿ ಸುರಿದು ಕೊಲ್ಲಿರೊ ಎಂದು ||

ಮಾತಾಪಿತರ ದುರ್ಮತಿಯಿಂದ ಬೈಯುವ
ಪಾತಕರ ಪರದ್ರೋಹಿಗಳ
ನೀತಿಯನರಿಯದ ನರರ ತುತಿಸುವರ
ಘಾತಿಸಿ ಎಳೆ ತಂದು ಕಡಿದು ಕೊಲ್ಲಿರೊ ಎಂದು ||

ಅನ್ಯದೈವ ಅನ್ಯಮಂತ್ರ ತಂತ್ರವ ಬಿಟ್ಟು
ಪನ್ನಗಶಯನನೆ ಗತಿಯೆನ್ನುತ
ಉನ್ನತ ಪುರಂದರವಿಠಲನ ಭಜಿಪ ಪ್ರ-
ಸನ್ನರುಗಳ ಕೆಣಕದೆ ಬನ್ನಿರೊ ಎಂದು ||

Yama tanna puradi saridanu, namma
Kamalanabana dasaranu muttadirendu ||pa||

Bujadaloppuva sanka cakra mudrankita
Nija dvadasa nama dharisippara
Trijaga vandita tulasiya male dharisida
Sujanarugala kenakade banniro endu ||

Bevmadiyanuttu bennu sidiyaneri
Cimmuta Oli bobbegaliduta
Karmakke guriyagi pranihimseya malpa
Brahmatyakarara eledu tanniro emdu ||

Taladandige nrutyagita sammeladi
Uligavanu malpa haridasara
Keluttale karavetti mugidu yama-
Nalugalendu helade banniro endu ||

Guru nindakara hiriyara dushisuvara
Paradhanagalanapaharisuvara
Aravanikarara urulisi bayolu
Araganu kayisi suridu kolliro endu ||

Matapitara durmatiyinda baiyuva
Patakara paradrohigala
Nitiyanariyada narara tutisuvara
Gatisi ele tandu kadidu kolliro endu ||

Anyadaiva anyamantra tantrava bittu
Pannagasayanane gatiyennuta
Unnata purandaravithalana Bajipa pra-
Sannarugala kenakade banniro endu ||

ಯಮನ ಶಾಸನ ಕೇಳೊ ಜೀವ ಇದು
ಸಂಶಯವಿಲ್ಲೆಂದು ಎಣಿಸು ಸ್ವಭಾವ ||ಪ||

ಪರ ಸತಿಯರ ನೋಡಿದವಗೆ ಪತ್ತು
ಕೊರಡು ಕೆಂಪಗೆ ಕಾಸಿ ಕುಕ್ಕಿ ಕಣ್ಣೊಳಗೆ
ಎರಡು ಗುಡ್ಡನು ಪೀಕೋರವಗೆ ಸೀಸವ
ಕರಗಿಸಿ ಪೊಯ್ಯುವರೊ ಅವನ ಕಿವಿಯೊಳಗೆ ||

ಅನ್ಯಸ್ತ್ರೀಪುರುಷರ ಸಂಗ
ತನ್ನವರ ಕುಲ ಅಳಿಸಿಟ್ಟು ಹಾಕುವರಂಗ
ನರಕಕ್ಕೆ ಗುರಿ ಮಾಡಿ ತುಂಗ
ಕೆಂಡ ಉರಿವ ಉಕ್ಕಿನ ಕಂಭ ಕಟ್ಟಿಪ್ಪ ಭಂಗ ||

ಪರಸತಿ ಮೆರೆವೋದು ಕಂಡು ಗಾಣ
ಒರಳೊಳಗಾಡಿಸಿ ಒಣಗಿಸಿ ಬೆಂಡು
ಉರಿ ತೈಲದೊಳಗೆ ಹಾಕಿ ಗುಂಡು, ಕರಿದ
ತೆರನಾಗಿ ಹಂದಿಯ ತಿನಿಸುವ ಖಂಡು ||

ಅನ್ಯ ಸ್ತ್ರೀ ವಿಚಾರ ಮೋಹವಿಟ್ಟಿಹ
ಘನ್ನಘಾತಕಗೆ ಗಳರಂತೆನೀಹ
ಬೆನ್ನ ಚರ್ಮವ ಕಿತ್ತಿ ದೇಹ
ಕುಟ್ಟಿ ಘೋರಿಸಿ ಬಾಧಿಸಿ ಕಾಡಲಿಕ್ಕೆ ಬಹ ||

ಗಂಡನಿಂದಲಿ ಕೆಲಸ ಮಾಡಿ
ಕೊಂಡ ಹೆಂಡಿರಿಗೆ ಖಡುಹಿಡಿದವರ ಕಾಡಿ
ಮಂಡೆ ಕೂದಲು ಇನ್ನು ಕಿತ್ತೀಡಾಡಿ
ಖಂಡ ಖಂಡವ ಕಿತ್ತಿ ದಂಡಿಪ್ಪ ನೋಡಿ ||

ಅತಿಕಾಂಕ್ಷಸ್ತ್ರೀಯರಲ್ಲಿಂದ ಜನ್ಮದ
ಸದ್ಗತಿ ಕೇಳದೋ ಅತಿ ಕ್ರೂರದಿಂದ
ರಣಹದ್ದು ಗುಂಪು ಜತೆಯಿಂದ
ಪೀಡಿಪೀಡಿಸುವನು ಮುದದಿ ಮುಕುಂದ ||

ಇನ್ನು ಪಾಪಗಳ ನೀ ಮಾಡಬೇಡ
ಅನ್ಯರ ಗೊಡವೆಗೆ ನೀ ಹೋಗಬೇಡ
ಸಜ್ಜನರ ಸಂಗ ಬಿಡಬೇಡ
ಚೆನ್ನ ಪುರಂದರವಿಠಲನ್ನ ಭಜಿಸದಿರಬೇಡ ||

Yamana sasana kelo jiva idu
Samsayavillendu enisu svabava ||pa||

Para satiyara nodidavage pattu
Koradu kempage kasi kukki kannolage
Eradu guddanu pikoravage sisava
Karagisi poyyuvaro avana kiviyolage ||

Anyastripurushara sanga
Tannavara kula alisittu hakuvaranga
Narakakke guri madi tunga
Kenda uriva ukkina kamba kattippa Banga ||

Parasati merevodu kandu gana
Oralolagadisi onagisi bendu
Uri tailadolage haki gundu, karida
Teranagi handiya tinisuva kandu ||

Anya stri vicara mohavittiha
Gannagatakage galaranteniha
Benna carmava kitti deha
Kutti gorisi badhisi kadalikke baha ||

Gandanindali kelasa madi
Konda hendirige kaduhididavara kadi
Mande kudalu innu kittidadi
Kanda kandava kitti dandippa nodi ||

Atikamkshastriyarallinda janmada
Sadgati kelado ati kruradinda
Ranahaddu gumpu jateyinda
Pidipidisuvanu mudadi mukunda ||

Innu papagala ni madabeda
Anyara godavege ni hogabeda
Sajjanara sanga bidabeda
Cenna purandaravithalanna bajisadirabeda ||

ಫಲಹಾರವನೆ ಮಾಡೋ ಪರಮಪುರುಷನೆ
ಲಲನೆ ಲಕ್ಷ್ಮೀ ಸಹ ಸಕಲಸುರರೊಡೆಯ ||

ಕಬ್ಬು ಕದಳಿಫಲ ಕೊಬ್ಬರಿ ಖರ್ಜೂರ
ಕೊಬ್ಬಿದ ದ್ರಾಕ್ಷಿ ಹಲಸು ತೆಂಗು
ಶುಭ್ರ ಸಕ್ಕರೆ ಲಿಂಬೆ ಮಾವು ಕಿತ್ತಳೆಗಳು
ಇಬ್ಬದಿಯಲಿ ಇಟ್ಟ ಶೇಷಫಲಂಗಳು ||

ನೆನೆಗಡಲೆ ಬೇಳೆ ಲಡಿಗೆ ಮೂಗದಾಳು*
ಪಾನಕ ಶುಂಠಿ ಬೆಲ್ಲ ಯಾಲಕ್ಕಿಯು
ಗೊನೆಬಾಳೆಹಣ್ಣು ಘೃತವು ನೊರೆಹಾಲು
ಕನಕಪಾತ್ರೆಯೊಳಿಟ್ಟು ಸಕಲಪದಾರ್ಥವ ||

ಧ್ಯಾನಪೂರ್ವಕದಿಂದ ಮಾನಸಪೂಜೆಯ
ಪನ್ನೀರನೆ ಭಕುತವತ್ಸಲನೆ
ಜಾನಕಿರಮಣಗೆ ಷೋಡಶೋಪಚಾರ
ದಾನವಾಂತಕ ಸಿರಿ ಪುರಂದರವಿಠಲ ||

Palaharavane mado paramapurushane
Lalane lakshmi saha sakalasurarodeya ||

Kabbu kadalipala kobbari karjura
Kobbida drakshi halasu tengu
Subra sakkare limbe mavu kittalegalu
Ibbadiyali itta seshapalangalu ||

Nenegadale bele ladige mugadalu*
Panaka sunthi bella yalakkiyu
Gonebalehannu grutavu norehalu
Kanakapatreyolittu sakalapadarthava ||

Dhyanapurvakadinda manasapujeya
Pannirane Bakutavatsalane
Janakiramanage shodasopacara
Danavantaka siri purandaravithala ||

ಪೂರ್ವಜನ್ಮದಲಿ ನಾ ಮಾಡಿದ ಅಘದಿಂದ
ಊರ್ವಿಯೊಳು ಜನಿಸಿದೆನೊ ಕೃಷ್ಣ
ಕಾರುಣ್ಯನಿಧಿಯೆನ್ನ ಕಾಯಬೇಕಯ್ಯ ಹರಿ
ವಾರಿಜನಾಭ ಶ್ರೀಕೃಷ್ಣ || ಪ||

ಹುಟ್ಟಿದಂದಿಂದಿಗೂ ಸುಖವೆಂಬುದನು ಅರಿಯೆ
ಕಷ್ಟವಾಗಿರುತಿಹುದು ಕೃಷ್ಣ
ದಟ್ಟದಾರಿದ್ರ್ಯವನು ಪರಿಹರಿಸದಿರೆ ದೂರು
ತಟ್ಟುವುದು ನಿನಗಯ್ಯ ಕೃಷ್ಣ ||

ಕಾಸಿನಾ ಆಸೆಯನು ಮಾಡಿ ಬಹು ದಿನದಿಂದಾ-
ಯಾಸದೊಳಗಿರುತಿಹೆನೊ ಕೃಷ್ಣ
ಆಸೆಯನು ಬಿಡಿಸಿ ಮಿಗೆ ದೋಷವನು ಪರಿಹರಿಸೊ
ಸಾಸಿರನಾಮ ಶ್ರೀಕೃಷ್ಣ ||

ಮುಟ್ಟಲಂಜುವರು ಬಂಧುಗಳು ಕಂಡರೆ ಎನ್ನ
ಅಟ್ಟಿ ಕೊಲುತಿಹರಯ್ಯ ಕೃಷ್ಣ
ತೊಟ್ಟಿಲ ಶಿಶು ಬಾಯ ಬಿಡುವ ತೆರನಂತೆ ಕಂ-
ಗೆಟ್ಟು ಶೋಕಿಸುವೆನೊ ಕೃಷ್ಣ ||

ಈ ಪರಿಯಿಂದ ನಾನಾಪತ್ತು ಪೇಳಿದರ-
ನಾಥನ್ನ ಕಾಯದಿದೇಕೊ ಕೃಷ್ಣ
ಶಾಪಿಸುವೆನೆಂದರೆ ಸಾವು ಹುಟ್ಟು ನಿನಗಿಲ್ಲ
ಏಸು ದೊರೆತನವಯ್ಯ ಕೃಷ್ಣ ||

ತಂದೆತಾಯಿಯು ಇಲ್ಲ ಬಂಧುಬಳಗವು ಇಲ್ಲ
ಇಂದೇನು ತೆರಹೇಳೆ ಕೃಷ್ಣ
ಮಂದರಧರ ಶ್ರೀಪುರಂದರವಿಠಲ ನೀ
ಬಂದು ನೆಲೆಯಾಗಯ್ಯ ಕೃಷ್ಣ ||
Purvajanmadali na madida agadinda
Urviyolu janisideno krushna
Karunyanidhiyenna kayabekayya hari
Varijanaba srikrushna || pa||

Huttidandimdigu sukavembudanu ariye
Kashtavagirutihudu krushna
Dattadaridryavanu pariharisadire duru
Tattuvudu ninagayya krushna ||

Kasina Aseyanu madi bahu dinadinda-
Yasadolagirutiheno krushna
Aseyanu bidisi mige doshavanu parihariso
Sasiranama srikrushna ||

Muttalanjuvaru bandhugalu kandare enna
Atti kolutiharayya krushna
Tottila sisu baya biduva teranante kan-
Gettu sokisuveno krushna ||

I pariyinda nanapattu pelidara-
Nathanna kayadideko krushna
Sapisuvenendare savu huttu ninagilla
Esu doretanavayya krushna ||

Tandetayiyu illa bandhubalagavu illa
Indenu terahele krushna
Mandaradhara sripurandaravithala ni
Bandu neleyagayya krushna ||

ನಾ ಮಾಡಿದ ಕರ್ಮ ಬಲವಂತವಾದರೆ
ನೀ ಮಾಡುವುದೇನೊ ದೇವ ||ಪ||
ಸಾಮಾನ್ಯವಲ್ಲವಿದು ಬ್ರಹ್ಮ ಬರೆದ ಬರಹ
ನೇಮದಿಂದಲಿ ಎನ್ನ ಫಣೆಯಲ್ಲಿ ಬರೆದುದಕೆ ||ಅ.ಪ||

ಅತಿಥಿಗಳಿಗೆ ಅನ್ನ ಕೊಟ್ಟವನಲ್ಲ, ಪರ-
ಸತಿಯರ ಸಂಗಗಳ ಬಿಟ್ಟವನಲ್ಲ
ಮತಿಹೀನ ನಾನಾಗಿ ಮರುಳಾಗಿದ್ದೆನೊ ದೇವ
ಗತಿಯಾವುದಿನ್ನು ಗರುಡ ಗಮನ ಕೃಷ್ಣ ||

ಅನ್ನಪಾನಂಗಳಿಗೆ ಅಗ್ರಗಣ್ಯನಾಗಿ
ಸ್ನಾನ ಜಪ ಸಂಧ್ಯಾನ ತಪವ ನೀಗಿ
ದಾನವಾಂತಕ ನಿನ್ನ ಧ್ಯಾನವ ಮಾಡದೆ
ಶ್ವಾನದಂತೆ ಮನೆ ಮನೆ ತಿರುಗತಲಿದ್ದೆ ||

ಇನ್ನಾದರು ನಿನ್ನ ದಾಸರ ಸಂಗವಿತ್ತು
ಮನ್ನಿಸಿ ಸಲಹಯ್ಯ ಮನ್ಮಥ ಜನಕ
ಅನ್ಯರೊಬ್ಬರ ಕಾಣೆ ಆದರಿಸುವರಿಲ್ಲ
ಪನ್ನಗ ಶಯನ ಶ್ರೀ ಪುರಂದರ ವಿಠಲ ||
Na madida karma balavantavadare
Ni maduvudeno deva ||pa||

Samanyavallavidu brahma bareda baraha
Nemadindali enna paneyalli baredudake ||a.pa||

Atithigalige anna kottavanalla, para-
Satiyara sangagala bittavanalla
Matihina nanagi marulagiddeno deva
Gatiyavudinnu garuda gamana krushna ||

Annapanangalige agraganyanagi
Snana japa sandhyana tapava nigi
Danavantaka ninna dhyanava madade
Svanadamte mane mane tirugatalidde ||

Innadaru ninna dasara sangavittu
Mannisi salahayya manmatha janaka
Anyarobbara kane Adarisuvarilla
Pannaga Sayana sri purandara vithala ||

ನಲಿದಾಡೆ ಎನ್ನ ನಾಲಿಗೆ ಮೇಲೆ, ಸರಸ್ವತಿ ದೇವಿ
ಕುಣಿದಾಡೆ ಎನ್ನ ನಾಲಿಗೆ ಮೇಲೆ ||ಪ||
ಸಲಿಲಜೋದ್ಭವನ ವದನನಿಲಯಳೆ
ಇಳೆಯೊಳಪ್ರತಿಮ ಗುಣಗಣಾಂಬುಧಿ ತಾಯೆ ||ಅ.ಪ||

ಘಲು ಘಲು ಘಲು ಗೆಜ್ಜೆಯ ನಾದ
ಭಳಿಭಳಿರೆ ನಿಮ್ಮ ಹೊಳೆವ ಬೆರಳುಂಗುರ ಕಿಣಿ ಕಿಣಿ ನಾದ
ಎಳೆಯ ಮಾವಿನ ತಳಿರ ಪೋಲುವ ದಿವ್ಯ ಪಾದ
ಚೆಲ್ವ ಪೆಂಡೆಯ ಭೇದ
ನಲಿವ ಯುಗಳ ಜಂಘೆ
ಜಲಗುಳೆಯಂತೆ ಜಾನು
ಥಳಥಳಿಸುವ ತೊಡೆ ಒಲಿವ ಸುಗುಣಿಯೆ ||

ದಿನಕರಕೋಟಿತೇಜದಿ ಹೊಳೆವ
ಅನುಪಮವಾದ ಕನಕ ವಸನದಿಂದ ಎಸೆವ
ಘನವಾದ ಜಘನ ಗಗನದಂದದಿ ಸುಂದರ ಕಟಿಯಲಿ ಮೆರೆವ
ಮಣಿಧಾಮ ವಿಭವ
ತನು ಜಠರವು ಜಾಹ್ನವಿ ಸುಳಿನಾಭಿಯು ಘನ
ಸ್ತನಯುಗಳ ಚಂದನಲೇಪಿತಳೆ ||

ದುಂಡು ಮುತ್ತಿನ ಕೊರಳ ಹಾರ
ಮಿಣೀ ಮಿಣಿಸುವ ಉ-
ದ್ದಂಡ ಮನೋಹರ ಹೊನ್ನಿನ ಸರ
ಕರಿರಾಜ ಪೋತನ
ಸೊಂಡಿಲಿನಂತೆ ಭುಜದ ಭಾರ
ನಡೆವ ಒಯ್ಯಾರ
ಮಂಡಿತ ವಾದ
ಕಂಕಣ ತೋಳಬಳೆಗಳು
ದುಂಡು ಹವಳ ಕೈ ಕಟ್ಟುಳ್ಳವಳೆ ||

ನಸುನಗುಮುಖವು ನಾಸಾಭರಣ
ಎಸೆವ ಕಪೋಲ
ಹೊಸ ಕುಂಡಲ ಚಳತೊಂಬುಳ್ಳ ಶ್ರವಣ
ಬಿಸಜದಳದಂತೆ
ಲಸಿತ ಕರ್ಣಾಂತವಾದ ನಯನ
ತಿಲಕದ ಹಸನ
ಶಶಿಸೂರ್ಯರ ಆಭರಣ ಸುಶೋಭಿತೆ
ಕುಸುಮ ಮುಡಿದ ಮೂರ್ಧಜವುಳ್ಳವಳೆ

ಶೃಂಗಾರವಾದ ಜಡೆ ಭಂಗಾರ
ಹೊಂಗ್ಯಾದಿಗೆ ಮುಡಿದ
ಭಂಗಾರದ ಹೆರಳಿನ ರಾಕಟಿ ವರ-
ಭೃಂಗದ ಸ್ವರ ಹಿಂಗದೆ ಭಕ್ತರ ಸಲಹುವ ಭಾರ
ಕಂಗಳ ಮನೋಹರ ರಂಗ ಪುರಂದರವಿಠಲ ರಾಯನ
ಮಂಗಳ ಮೂರ್ತಿಯ ತೋರೆ ಶುಭಾಂಗಿ ||
Nalidade enna nalige mele, sarasvati devi
Kunidade enna nalige mele ||pa||
Salilajodbavana vadananilayale
Ileyolapratima gunaganambudhi taye ||a.pa||

Galu Galu Galu gejjeya nada
Balibalire nimma holeva beralungura kini kini nada
Eleya mavina talira poluva divya pada
Celva pendeya beda
Naliva yugala jange
Jalaguleyante janu
Thalathalisuva tode oliva suguniye ||

Dinakarakotitejadi holeva
Anupamavada kanaka vasanadinda eseva
Ganavada jagana gaganadandadi sundara katiyali mereva
Manidhama vibava
Tanu jatharavu jahnavi sulinabiyu Gana
Stanayugala candanalepitale ||

Dumdu muttina korala hara
Mini minisuva u-
Ddamda manohara honnina sara
Kariraja potana
Somdilinante Bujada bara
Nadeva oyyara
Mandita vada
Kankana tolabalegalu
Dundu havala kai kattullavale ||

Nasunagumukavu nasabarana
Eseva kapola
Hosa kundala calatombulla sravana
Bisajadaladante
Lasita karnamtavada nayana
Tilakada hasana
Sasisuryara abarana susobite
Kusuma mudida murdhajavullavale

Srungaravada jade bangara
Hongyadige mudida
Bangarada heralina rakati vara-
Brungada svara hingade Baktara salahuva bara
Kangala manohara ranga purandaravithala rayana
Mangala murtiya tore subangi ||

ನಂಬದಿರು ಈ ದೇಹ ನಿತ್ಯವಲ್ಲ
ಅಂಬುಜಾಕ್ಷನ ಭಜಿಸಿ ಸುಖಿಯಾಗು ಮನವೆ

ಎಲುವು ರಕ್ತ ಮಾಂಸಗಳ ಮೇಲೆ ಚರ್ಮದ ಹೊದಿಕೆ
ಒಳಗೆ ಮಲಮೂತ್ರಾದಿ ಕ್ರಿಮಿಗಳಿರವು
ಹಲವು ವ್ಯಾಧಿಯ ಬೀಡು ಪಂಚಭೂತದನಾಡು
ಬಲುಹು ದೇಹವ ನೆಚ್ಚಿ ಕೆಡಬೇಡ ಮನುಜ

ಸತಿ ಸುತರು ಹಿತರೆಂದು ಮತಿ ಮರೆದು ಮಮತೆಯಲಿ
ಅತಿಕಾಂಕ್ಷೆಯಿಂದ ದುರ್ವಿಷಯ ಬಲಿದು
ಸತತ ಲಕ್ಷ್ಮೀಪತಿಯ ಶರಣೆನದೆ ಇಹಪರದ
ಗತಿಶೂನ್ಯನಾಗಿ ನೀ ಕೆಡಬೇಡ ಮನುಜ

ಪರರ ನಿಂದಿಸದೆ ಪರವಧುಗಳನು ಬಯಸದೆ
ಗುರುವಿಪ್ರ ಸೇವೆಯನು ಮಾಡು ಬಿಡದೆ
ಹರಿ ಸ್ತುತಿಯ ನೀ ಕೇಳು ಹರಿ ಕೀರ್ತನೆಯ ಮಾಡು
ಸಿರಿಪುರಂದರವಿಠಲನೊಲಿದು ಪಾಲಿಸುವ
Nambadiru I deha nityavalla
Ambujakshana Bajisi sukiyagu manave

Eluvu rakta mamsagala mele carmada hodike
Olage malamutradi krimigaliravu
Halavu vyadhiya bidu pancabutadanadu
Baluhu dehava necci kedabeda manuja

Sati sutaru hitarendu mati maredu mamateyali
Atikamksheyinda durvishaya balidu
Satata lakshmipatiya saranenade ihaparada
Gatisunyanagi ni kedabeda manuja

Parara nindisade paravadhugalanu bayasade
Guruvipra seveyanu madu bidade
Hari stutiya ni kelu hari kirtaneya madu
Siripurandaravithalanolidu palisuva