ಹರಿಯಧಿಕ ಹರನಧಿಕ ಎಂದು ಹೋರಾಡದಿರಿ
ಹರಿ–ಹರರ ಭಕ್ತರೇ ಸಾಕ್ಷಿ ಲೋಕದೊಳು ||ಪ||

ಹರಿಯೆಂದು ಪ್ರಹ್ಲಾದ ಬಂದ ದುರಿತವ ಗೆಲಿದ
ಹರನೆಂದು ಅವನ ಪಿತ ತಾನೆ ಅಳಿದ
ಹರಿಯೆಂದು ವಿಭೀಷಣನು ಸ್ಥಿರ–ಪಟ್ಟವೈದಿದ
ಹರನೆಂದು ರಾವಣನು ಹತನಾದನಯ್ಯ ||೧||

ಹರಿಯೆಂದು ಭೀಮ ಪರಿಪೂರ್ಣಕಾಮನು ಆದ
ಹರನೆಂದ ಆ ಜರಾಸಂಧ ಹತನಾದ
ಹರಿಯ ಬಾಗಿಲ ಕಾಯ್ದ ಬಲಿ ಭಾಗ್ಯವಂತನಾದ
ಹರನ ಬಾಗಿಲ ಕಾಯ್ದ ಬಾಣನಳಿದ ||೨||

ಹರನ ವರವನು ಪಡೆದ ಭಸ್ಮಾಸುರನು ಅವನ
ಶಿರದಲ್ಲಿ ತನ್ನ ಕರವಿಡಲು ಬರಲು
ಹರಿ ನೀನೆ ಗತಿಯೆಂದು ತ್ರಿಪುರಾರಿ ಮೊರೆಯಿಡಲು
ವರದ ಪುರಂದರ ವಿಠಲ ಕಾಯ್ದ–ದರಿಯ ||೩||

Hariyadhika haranadhika endu horadadiri
Hari-harara baktare sakshi lokadolu ||pa||

Hariyendu prahlada banda duritava gelida
Haranendu avana pita tane alida
Hariyendu vibishananu sthira-pattavaidida
Haranendu ravananu hatanadanayya ||1||

Hariyendu bima paripurnakamanu Ada
Haranenda A jarasandha hatanada
Hariya bagila kayda bali bagyavantanada
Harana bagila kayda bananalida ||2||

Harana varavanu padeda basmasuranu avana
Siradalli tanna karavidalu baralu
Hari nine gatiyendu tripurari moreyidalu
Varada purandara vithala kayda-dariya ||3||

ಹರಿ ಹರರು ಹೇಗೆ ಸಮರು
ಹರಿಹರ ಭಕ್ತರೆ ಇದಕೆ ಸಾಕ್ಷಿ ||ಪ||

ಹರಿಯ ಮಂದಿರ ವೈಕುಂಠಸ್ಥಾನ
ಹರನ ಮಂದಿರ ಶ್ಮಶಾನ
ಹರಿಯ ಪಟ್ಟದ ರಾಣಿ ಸಿರಿದೇವಿ ಎಂಬರು
ಹರನ ಪಟ್ಟದ ರಾಣಿ ಗಿರಿಜೆ ಎಂಬರು ||

ಹರಿಯು ಉಡುವೋದು ಪೀತಾಂಬರ
ಹರನುಡುವೋದು ಚರ್ಮಾಂಬರ
ಹರಿಯು ಪೂಸುವುದು ಶ್ರೀಗಂಧ ಕಸ್ತೂರಿ
ಹರನು ಪೂಸುವುದು ಶ್ಮಶಾನದ ಬೂದಿ ||

ಹರಿಯ ಕೊರಳೊಳು ಕೌಸ್ತುಭರನ್ನ
ಹರನ ಕೊರಳೊಳು ಗರಳದ ಚಿಹ್ನ
ಹರಿಯ ಆಯುಧವು ವರಶಂಖಚಕ್ರ
ಹರನ ಆಯುಧವು ತ್ರಿಶೂಲ ಡಮರು ||

ಹರಿಯ ಪರಿವಾರ ಬ್ರಹ್ಮಾದಿ ಸುರರು
ಹರನ ಪರಿವಾರ ಹೆಣನ ತಿಂಬುವರು
ಹರಿಹರಿ ಎಂಬೋರು ಸಿರಿವಂತರಾಗುವರು
ಹರಹರ ಎಂಬೋರು ಹತರಾಗುವರು ||

ಹರಿಗೆ ವಾಹನನಾದ ಖಗರಾಜನು
ಹರಗೆ ವಾಹನ ಗೋರಾಜನು
ಪುರಂದರವಿಠಲಗೆ ಸರಸಿಜಾಸನ ಪುತ್ರ
ಹರ ಆಗಮೋಕ್ತ ಆದನು ಪೌತ್ರ ||

Hari hararu hege samaru
Harihara Baktare idake sakshi ||pa||

Hariya mandira vaikunthasthana
Harana mandira smasana
Hariya pattada rani siridevi embaru
Harana pattada rani girije embaru ||

Hariyu uduvodu pitambara
Haranuduvodu carmambara
Hariyu pusuvudu srigandha kasturi
Haranu pusuvudu smasanada budi ||

Hariya koralolu kaustubaranna
Harana koralolu garalada cihna
Hariya Ayudhavu varasankacakra
Harana Ayudhavu trisula Damaru ||

Hariya parivara brahmadi suraru
Harana parivara henana timbuvaru
Harihari emboru sirivamtaraguvaru
Harahara emboru hataraguvaru ||

Harige vahananada kagarajanu
Harage vahana gorajanu
Purandaravithalage sarasijasana putra
Hara agamokta Adanu pautra ||

ಗಾಳಿ ಬಂದ ಕೈಯಲ್ಲಿ ತೂರಿಕೊಳ್ಳಿರೊ||ಪ||

ಬಾಯ ಮುಚ್ಚ ಬೇಡಿ ನಾರಾಯಣನ ನೆನೆಯಿರೊ|| ಅ. ಪ||

ನಿತ್ಯವಿಲ್ಲ ನೇಮವಿಲ್ಲ | ಮತ್ತೆ ದಾನ ಧರ್ಮವಿಲ್ಲ|
ವ್ಯರ್ಥವಾಗಿ ಕೆಡದೆ ಪುರು | ಷೋತ್ತಮನ ನೆನೆಯಿರೊ||೧||

ಕದ್ದು ಪುಸಿಯನಾಡಿ ಅವರ | ಬುದ್ಧಿಯಿಂದ ಕೆಡಲು ಬೇಡಿ|
ಬುದ್ಧಿವಂತರಾಗಿ ಅನಿ | ರುದ್ಧನನ್ನು ನೆನೆಯಿರೊ||೨||

ಭಕ್ತಿ ಕೊಡುವ ಮುಕ್ತಿ ಕೊಡುವ | ಮತ್ತೆ ಸಾಯುಜ್ಯವ ಕೊಡುವ|
ಕರ್ತೃ ನಮ್ಮ ಪುರಂದರ | ವಿಠಲನ್ನ ನೆನೆಯಿರೊ||೩||

Gali banda kaiyalli turikolliro||pa||

Baya mucca bedi narayanana neneyiro|| a. Pa||

Nityavilla nemavilla | matte dana dharmavilla|
Vyarthavagi kedade puru | shottamana neneyiro||1||

Kaddu pusiyanadi avara | buddhiyinda kedalu bedi|
Buddhivantaragi ani | ruddhanannu neneyiro||2||

Bakti koduva mukti koduva | matte sayujyava koduva|
Kartru namma purandara | vithalanna neneyiro||3||

ಮಧುಕರ ವೃತ್ತಿ ಎನ್ನದು ಅದು ಬಲು ಚೆನ್ನದು || ಪಲ್ಲವಿ ||

ಪದುಮನಾಭನ ಪಾದಪದುಮ ಮಧುಪವೆಂಬ || ಅನು ಪಲ್ಲವಿ ||

ಕಾಲಿಗೆ ಗೆಜ್ಜೆ ಕಟ್ಟಿ ನೀಲ ವರ್ಣನ ಗುಣ
ಆಲಾಪಿಸುತ್ತ ಬಲು ಓಲಗ ಮಾಡುವಂಥ || ೧ ||

ರಂಗನಾಥನ ಗುಣ ಹಿಂಗದೆ ಪಾಡುತ್ತ
ಶೃಂಗಾರ ನೋಡುತ್ತಾ ಕಂಗಳಾನಂದವೆಂಬ || ೨ ||

ಇಂದಿರಾಪತಿ ಪುರಂದರವಿಠಲನಲ್ಲಿ
ಚೆಂದದ ಭಕ್ತಿಯಿಂದಾನಂದವ ಪಡುವಂಥ || ೩ ||

Madhukara vrutti ennadu adu balu cennadu || pallavi ||

Padumanabana padapaduma madhupavemba || anu pallavi ||

Kalige gejje katti nila varnana guna
Alapisutta balu olaga maduvantha || 1 ||

Ranganathana guna himgade padutta
Srungara nodutta kamgalanamdavemba || 2 ||

Indirapati purandaravithalanalli
Cemdada baktiyindanandava paduvantha || 3 ||

ನಾನೇನು ಮಾಡಿದೆನೋ ವೆಂಕಟರಾಯ
ನೀನೆನ್ನ ಕಾಯಬೇಕೋ || ಪಲ್ಲವಿ ||

ಮಾನಾಪಮಾನವು ನಿನ್ನದು ಎನಗೇನು
ದೀನರಕ್ಷಕ ತಿರುಪತಿಯ ವೆಂಕಟರಾಯ || ಅನು ಪಲ್ಲವಿ ||

ರಕ್ಕಸನಲ್ಲವೇನೋ ಪ್ರಹ್ಲಾದನು
ಚಿಕ್ಕವ ಧ್ರುವನಲ್ಲವೆ
ಉಕ್ಕಿ ಬರುವ ಕರ್ಮ ಮಾಡಿದಜಮಿಳ ನಿಮ್ಮ
ಅಕ್ಕನ ಮಗನೇನೋ ವೆಂಕಟರಾಯ || ೧ ||

ಕರಿರಾಯ ಕರೆಸಿದನೆ ದ್ರೌಪದಾದೇವಿ
ಬರೆದೋಲೆ ಕಳುಹಿದಳೆ
ವರಋಷಿ ಪತ್ನಿ ಕಲ್ಲಾಗಿ ಸ್ತ್ರೀಯಾದದ್ದು
ಧರೆಯೆಲ್ಲ ಅರಿಯದೇನೋ ವೆಂಕಟರಾಯ || ೨ ||

ಒಪ್ಪಿಡಿಯವಲಕ್ಕಿಯ ತಂದವನಿಗೆ
ಒಪ್ಪಿ ಕೊಟ್ಟೆಯೊ ಭಾಗ್ಯವ
ಸರ್ಪಶಯನ ಶ್ರೀ ಪುರಂದರವಿಠಲ
ಅಪ್ರಮೇಯನೆ ಸಲಹೋ ವೆಂಕಟರಾಯ || ೩ ||

Nanenu madideno venkataraya
Ninenna kayabeko || pallavi ||

Manapamanavu ninnadu enagenu
Dinarakshaka tirupatiya venkataraya || anu pallavi ||

Rakkasanallaveno prahladanu
Cikkava dhruvanallave
Ukki baruva karma madidajamila nimma
Akkana maganeno venkataraya || 1 ||

Kariraya karesidane draupadadevi
Baredole kaluhidale
Vara^^rushi patni kallagi striyadaddu
Dhareyella ariyadeno venkataraya || 2 ||

Oppidiyavalakkiya tandavanige
Oppi kotteyo bagyava
Sarpasayana sri purandaravithala
Aprameyane salaho venkataraya || 3 ||

ಸಾಮಾನ್ಯವಲ್ಲ ಶ್ರೀ ಹರಿಯ ಸೇವೆ ಪಾಮರ ಜನರಿಗೆ ಸಾಮಾನ್ಯವಲ್ಲ||pa||

ಸಾಮಜ ವರದನ ಪ್ರೇಮದಿ ನೆನೆವುದು ತಾಮಸ ಬುದ್ಧಿಯ ತಾ ತಗ್ಗಿಸದೆ||a.pa||

ಅಂತರ ಮಲಿನವಳಿಯಬೇಕು ಸಂತತ ಶ್ರವಣದಿ ಶ್ರೀಕಾಂತನ ಚರಿತ ಕೇಳಲು ಬೇಕು
ಸಂತತವಿರಬೇಕು ಸಂತ ಜನರ ಗುಣ ನಿರಂತರದಲಿ ತಾ ಚಿಂತಿಸಬೇಕು

ಜ್ಞಾನ ಕರ್ಮೇಂದ್ರಿಯ ನಿಗ್ರಹಿಸಿ ಜ್ಞಾನವ ಸಂಗ್ರಹಿಸಿ ಹೀನ ವೃದ್ಧಿಗಳೆರಡಕೆ ತಾ ಸಹಿಸಿ
ದೀನತೆಯನು ವಹಿಸಿ ಮಾನಾಪಮಾನ ಸಮಾನವೆಂದರಿತು ನಿಧಾನದಿ ಹರಿ ಗುಣ ಧ್ಯಾನವ ಮಾಳ್ಪುದು

ಸರ್ವಾಂತರ್ಯಾಮಿ ಶ್ರೀ ಹರಿಯೆಂದು ಸರ್ವೇಶ್ವರನೆಂದು ಸ್ವರಮಣನೆಂದು
ಸರ್ವಾನುಗ್ರಹನೆಂದು ಸರ್ವ ಮೂರುತಿ ಪುರಂದರ ವಿಟ್ಠಲನ ಸರ್ವದಾ ಧ್ಯಾನಿಸಿ ಗರ್ವವಳಿಯಬೇಕು

Samanyavalla sri hariya seve pamara janarige samanyavalla||pa||

Samaja varadana premadi nenevudu tamasa buddhiya ta taggisade||a.pa||

Antara malinavaliyabeku santata sravanadi srikantana carita kelalu beku
Santatavirabeku santa janara guna nirantaradali ta cintisabeku

J~jana karmendriya nigrahisi j~janava sangrahisi hina vruddhigaleradake ta sahisi
Dinateyanu vahisi manapamana samanavemdaritu nidhanadi hari guna dhyanava malpudu

Sarvantaryami sri hariyendu sarvesvaranendu svaramananendu
Sarvanugrahanendu sarva muruti purandara vitthalana sarvada dhyanisi garvavaliyabeku