ಅಲ್ಲಿದೆ ನಮ್ಮನೆ, ಇಲ್ಲಿ ಬಂದೆ ಸುಮ್ಮನೆ,
ಅಲ್ಲಿದೆ ನಮ್ಮ ಮನೆ       ||ಪ||

ಕದಬಾಗಿಲಿರಿಸಿಹ ಕಳ್ಳ ಮನೆ ಇದು
ಮುದದಿಂದ ಓಲ್ಯಾಡೊ ಸುಳ್ಳು ಮನೆ
ವೈಕುಂಠವೆಂಬುದೆ ನಮ್ಮ ಸ್ವಂತ ಮನೆ
ಇದ್ದು ಇಲ್ಲದೆ ಹೋಗೋ ಕನಸಿನ ಮನೆ ಇದು  ||೧||

ಮಾಳಿಗೆಮನೆಯೆಂದು ನೆಚ್ಚಿ ಕೆಡಲು ಬೇಡ
ಕೇಳಯ್ಯ ಹರಿಕಥೆ ಶ್ರವಣಂಗಳ
ನಾಳೆ ಯಮದೂತರು ಬಂದೆಳೆದೊಯ್ಯುವಾಗ
ಮಾಳಿಗೆ ಮನೆ ಸಂಗಡ ಬಾರದಯ್ಯ    ||೨||

ಮಡದಿಮಕ್ಕಳು ಎಂಬೋ ಹಂಬಲ ನಿನಗ್ಯಾಕೋ
ಕಡುಗೊಬ್ಬುತನದಲಿ ಕೊಬ್ಬಿನಡೆಯದಿರೋ
ಒಡೆಯ ಶ್ರೀಪುರಂದರವಿಠಲರಾಯನ
ಧೃಡಭಕ್ತಿಯಿಂದಲಿ ಭಜಿಸಿಕೋ ಮನುಜ   ||೩||

Allide nammane, illi bande summane,
Allide namma mane ||pa||

Kadabagilirisiha kalla mane idu
Mudadimda olyado sullu mane
Vaikunthavembude namma svanta mane
Iddu illade hogo kanasina mane idu ||1||

Maligemaneyendu necci kedalu beda
Kelayya harikathe sravanangala
Nale yamadutaru bamdeledoyyuvaga
Malige mane samgada baradayya ||2||

Madadimakkalu embo hambala ninagyako
Kadugobbutanadali kobbinadeyadiro
Odeya sripurandaravithalarayana
Dhrudabaktiyindali bajisiko manuja ||3||

ಡೊಂಕು ಬಾಲದ ನಾಯಕರೆ ನೀವೇನೂಟವ ಮಾಡಿದಿರಿ              ।।ಪ।।

ಕಣಕ ಕುಟ್ಟೋ ಅಲ್ಲಿಗೆ ಹೋಗಿ
ಹಣಿಕಿ ಇಣಿಕಿ ನೋಡುವಿರಿ
ಕಣಕ ಕುಟ್ಟೋ ಒನಕೆಲಿ ಬಡಿದರೆ
ಕುಂಯಿ ಕುಂಯಿ ರಾಗವ ಹಾಡುವಿರಿ                     ।।೧।।

ಹುಗ್ಗಿ ಮಾಡೋ ಅಲ್ಲಿಗೆ ಹೋಗಿ
ತಗ್ಗಿ ಬಗ್ಗಿ ನೋಡುವಿರಿ
ಹುಗ್ಗಿ ಮಾಡೋ ಸೌಟಲಿ ಬಡಿದರೆ
ಕುಂಯಿ ಕುಂಯಿ ರಾಗವ ಮಾಡುವಿರಿ                     ।।೨।।

ಹಿರೇ ಬೀದಿಯಲಿ ಓಡುವಿರಿ
ಕರೇ ಬೂದಿಯಲಿ ಹೊರಳುವಿರಿ
ಪುರಂದರವಿಠ್ಠಲರಾಯನ ಈ ಪರಿ
ಮರೆತು ಸದಾ ನೀವು ಚರಿಸುವಿರಿ                           ।।೩।।

Donku balada nayakare nivenutava madidiri ||pa||

Kanaka kutto allige hogi
Haniki iniki noduviri
Kanaka kutto onakeli badidare
Kumyi kumyi ragava haduviri ||1||

Huggi mado allige hogi
Taggi baggi noduviri
Huggi mado sautali badidare
Kumyi kumyi ragava maduviri ||2||

Hire bidiyali oduviri
Kare budiyali horaluviri
Purandaraviththalarayana I pari
Maretu sada nivu carisuviri ||3||

ಏನು ಮಾಡಿದರೇನು ಭವ ಹಿಂಗದು
ದಾನವಾಂತಕ ನಿನ್ನ ದಯವಾಗದನಕ                      ।।ಪ।।

ಅರುಣೋದಯದಲೆದ್ದು ಅತಿಸ್ನಾನ ಮಾಡಿ
ಬೆರಳನೆಣಿಸಿದೆ ಅದರ ನಿಜವರಿಯದೆ
ಚರಣ ಸಾಷ್ಟಾಂಗವನು ಮಾಡಿ ನಾ ದಣಿದೆನೊ
ಹರಿ ನಿನ್ನ ಕರುಣಾಕಟಾಕ್ಷವಾಗದನಕ                       ।।೧।।

ಶ್ರುತಿಶಾಸ್ತ್ರ ಪುರಾಣಗಳನೋದಿ ಬೆಂಡಾದೆ
ಅತಿಶೀಲಗಳನೆಲ್ಲ ಮಾಡಿ ದಣಿದೆ
ಗತಿಯ ಪಡೆವೆನೆಂದು ಕಾಯ ದಂಡಿದಿಸಿದೆನೊ
ರತಿಪತಿಪಿತ ನಿನ್ನ ದಯವಾಗದನಕ                         ।।೨।।

ಧ್ಯಾನವನು ಮಾಡಿದೆನು ಮೌನವನು ತಾಳಿದೆನು
ನಾನು ಪುರುಷಾರ್ಥಕೆ ಮನವನಿಕ್ಕಿ
ಅನಾಥ ಬಂಧು ಶ್ರೀ ಪುರಂದರವಿಠಲನ
ಧ್ಯಾನಿಸುವರೊಡಗೂಡಿ ನೆಲೆಗಾಣದನಕ                   ।।೩।।

Enu madidarenu Bava hingadu
Danavantaka ninna dayavagadanaka ||pa||

Arunodayadaleddu atisnana madi
Beralaneniside adara nijavariyade
Carana sashtangavanu madi na danideno
Hari ninna karunakatakshavagadanaka ||1||

Srutisastra puranagalanodi bendade
Atisilagalanella madi danide
Gatiya padevenendu kaya dandidisideno
Ratipatipita ninna dayavagadanaka ||2||

Dhyanavanu madidenu maunavanu talidenu
Nanu purusharthake manavanikki
Anatha bandhu sri purandaravithalana
Dhyanisuvarodagudi neleganadanaka ||3||

ಬಿನ್ನಹಕೆ ಬಾಯಿಲ್ಲವಯ್ಯಾ
ಅನಂತ ಅಪರಾಧ ಎನ್ನಲ್ಲಿ ಇರಲಾಗಿ                      ।।ಪ।।
ಅಸುರಾರಿ ನಿನ್ನ ಮರೆತೆನೊ ಕಾಯೊ ಹರಿಯೇ          ।।ಅ.ಪ।।

ಶಿಶುಮೋಹ ಸತಿಮೋಹ ಜನನಿಜನಕರ ಮೋಹ
ರಸಿಕ ಭ್ರಾಂತಿಯ ಮೋಹ ರಜಮನ್ನಣೆ ಮೋಹ
ಪಶುಮೋಹ ಭೂಮೋಹ ಬಂಧುವರ್ಗದ ಮೋಹ
ಹಸುನುಳ್ಳ ಆಭರಣಗಳ ಮೋಹದಿಂದ                     ।।೧।।

ಅನ್ನಮದ ಅರ್ಥಮದ ಅಖಿಳ ವೈಭವದ ಮದ
ಮುನ್ನ ಪ್ರಾಯದ ಮದವು ರೂಪಮದವು
ತನ್ನ ಸತ್ವದ ಮದ ಧಾತ್ರಿ ವಶವಾದ ಮದ
ಇನ್ನು ತನಗೆದುರಿಲ್ಲವೆಂತೆಂಬ ಮದದಿಂದ                 ।।೨।।

ಇಷ್ಟು ದೊರಕಿದರೆ ಮತ್ತಿಷ್ಟು ಬೇಕೆಂಬಾಸೆ
ಅಷ್ಟು ದೊರಕಿದರು ಮತ್ತಷ್ಟರಾಸೆ
ಕಷ್ಟ ಬೇಡೆಂಬಾಸೆ ಕಡುಸುಖವ ಕಾಂಬಾಸೆ
ನಷ್ಟ ಜೀವನದಾಸೆ ಪುರಂದರವಿಠಲ                        ।।೩।।

Binnahake bayillavayya
Ananta aparadha ennalli iralagi ||pa||
Asurari ninna mareteno kayo hariye ||a.pa||

Sisumoha satimoha jananijanakara moha
Rasika brantiya moha rajamannane moha
Pasumoha bumoha bandhuvargada moha
Hasunulla abaranagala mohadimda ||1||

Annamada arthamada akila vaibavada mada
Munna prayada madavu rupamadavu
Tanna satvada mada dhatri vasavada mada
Innu tanagedurillaventemba madadimda ||2||

Ishtu dorakidare mattishtu bekembase
Ashtu dorakidaru mattashtarase
Kashta bedembase kadusukava kambase
Nashta jivanadase purandaravithala ||3||

ಅನುಭವದಡುಗೆಯ ಮಾಡಿ ಅದ
ಕ್ಕನುಭವಿಗಳು ಬಂದು ನೀವೆಲ್ಲ ಕೂಡಿ         ।।ಪ।।

ತನುವೆಂಬ ಭಾಂಡವ ತೊಳೆದು ಕೆಟ್ಟ
ಮನದ ಚಂಚಲವೆಂಬ ಮುಸುರೆಯ ಕಳೆದು
ಘನವಾಗಿ ಮನೆಯನ್ನು ಬಳಿದು ಅಲ್ಲಿ
ಮಿನುಗುವ ತ್ರಿಗುಣವ ಒಲೆಗುಂಡನೆಡೆದು     ।।೧।।

ವಿರಕ್ತಿಯೆಂಬುವ ಮಡಿಯುಟ್ಟು ಪೂರ್ಣ
ಹರಿಭಕ್ತಿಯೆಂಬ ನೀರನ್ನೆಸರಿಟ್ಟು
ಅರಿವೆಂಬ ಬೆಂಕಿಯ ಕೊಟ್ಟು ಮಾಯಾ
ಮರೆವೆಂಬ ಕಾಷ್ಟವ ಮುದದಿಂದ ಸುಟ್ಟು      ।।೨।।

ಶರಣೆಂಬೊ ಸಾಮಗ್ರಿ ಹೂಡಿ ಮೋಕ್ಷ
ಪರಿಕರವಾದಂಥ ಪಾಕವ ಮಾಡಿ
ಗುರು ಶರಣರು ಸವಿದಾಡಿ ನಮ್ಮ ಪುರಂ
ದರವಿಠಲನ ಬಿಡದೆ ಕೊಂಡಾಡಿ                ।।೩।।

Anubavadadugeya madi ada
Kkanubavigalu bandu nivella kudi ||pa||

Tanuvemba bandava toledu ketta
Manada cancalavemba musureya kaledu
Ganavagi maneyannu balidu alli
Minuguva trigunava olegundanededu ||1||

Viraktiyembuva madiyuttu purna
Haribaktiyemba nirannesarittu
Arivemba benkiya kottu maya
Marevemba kashtava mudadimda suttu ||2||

Saranembo samagri hudi moksha
Parikaravadantha pakava madi
Guru saranaru savidadi namma puran
Daravithalana bidade komdadi ||3||