ಬಂದು ನಿಂತಿಹ ನೋಡಿ ಭೂತಳದಿ ವೆಂಕಟ
ಇಂದಿರೆಯ ಒಡಗೂಡಿ ಒಪ್ಪುವ ನಿರಂತರ
ಪೊಂದಿ ಭಜನೆಯ ಮಾಡಿ ಆನಂದಗೂಡಿ

ವಂದಿಸುತ ಮನದೊಳಗೆ ಇವನಡಿ
ದ್ವಂದ್ವ ಭಜಿಸಲು ಬಂದ ಭಯಹರ
ಇಂದುಧರ ಸುರವೃಂದನುತ ಗೋ-
ವಿಂದ ಘನ ದಯಾಸಿಂಧು ಶ್ರೀಹರಿ

ದ್ವಾರದೆಡಬಲದಲ್ಲಿ ಜಯವಿಜಯರಿಬ್ಬರು
ಸೇರಿ ಸೇವಿಪರಲ್ಲಿ ಸನಕಾದಿನುತ ಶೃಂ-
ಗಾರ ನಿಧಿ ಅಂಗದಲ್ಲಿ ಮುತ್ತಿನಲಿ ಶೋಭಿಪ
ಹಾರ ಪೊಂದಿಹುದಲ್ಲಿ ವಿಸ್ತಾರದಲ್ಲಿ
ವಾರವಾರಕೆ ಪೂಜೆಗೊಂಬುವ
ಹಾರ ಮುಕುಟಾಭರಣ ಕುಂಡಲಧಾರ ಭುಜ ಕೇ-
ಯೂರಭೂಷಿತ ಮಾರಪಿತ ಗುಣ ಮೋಹನಾಂಗ
ಚಾರು ಪೀತಾಂಬರ ಕಟಿ ಕರವೀರ ಕ-
ಲ್ಹಾರಾದಿ ಪೂವಿನ ಹಾರ ಕೊರಳೊಳು ಎಸೆವು-
ತಿರೆ ವದನಾರವಿಂದನು ನಗುತ ನಲಿಯುತ

ಎಲ್ಲ ಭುಕುತರಭೀಷ್ಟ ಕೊಡುವುದಕೆ ತಾ ಕೈ-
ವಲ್ಯಸ್ಥಾನವ ಬಿಟ್ಟ ಶೇಷಾದ್ರಿ ಮಂದಿರ
ದಲ್ಲಿ ಲೋಲುಪ ದಿಟ್ಟ ಸೌಭಾಗ್ಯನಿಧಿಗೆದು-
ರಿಲ್ಲ ಭುಜಬಲ ಪುಷ್ಪ ಕಸ್ತೂರಿಯಿಟ್ಟ
ಚೆಲ್ವ ಫಣಿಯಲಿ ಶೋಭಿಸುವ ಸಿರಿ-
ವಲ್ಲಭನ ಗುಣ ಪೊಗಳದಿಹ ಜಗ ಖುಲ್ಲರೆದೆದಲ್ಲಣ ಪರಾಕ್ರಮ
ಮಲ್ಲಮರ್ದನ ಮಾತುಳಾರಿ ಫಲ್ಗುಣನ ಸಖ ಪ್ರಕಟನಾಗಿಹ
ದುರ್ಲಭನು ಅಘದೂರ ಬಹುಮಾಂಗಲ್ಯು ಹೃದಯನು ಸೃಷ್ಟಿಗೆ
ಉಲ್ಲಾಸ ಕೊಡುತಲಿ ಚಂದದಿಂದಲಿ

ಪದಕ ಕೌಸ್ತುಭಧಾರ ಸರಿಗೆಯ ಕಂಧರ
ಸುದರುಶನದರಧಾರ ಸುಂದರ ಮನೋಹರ
ಪದಯುಗದಿ ನೂಪುರ ಇಟ್ಟಿಹನು
ಸನ್ಮುನಿ ಹೃದಯಸ್ಥಿತ ಗಂಭೀರ ಬಹು ದಾನಶೂರ
ವಿಧಿ ಭವಾದ್ಯರ ಪೊರೆವ ದಾತನು
ತುದಿ ಮೊದಲು ಮಧ್ಯಮ ವಿರಹಿತನು ಉದುಭವಾದಿಗಳೀವ ಕರ್ತನು
ತ್ರಿದಶಪೂಜಿತ ತ್ರಿಭುವನೇಶ ಸದುವಿಲಾಸದಿ ಸ್ವಾಮಿತೀರ್ಥದಿ
ಉದಿಸುತಿರೆ ಸಿರಿ ಮಹಿಳೆ ಸಹಿತದಿ ಪದುಮನಾಭ ಪುರಂದರವಿಟ್ಠಲ ಪ್ರತಿ ವರುಷ ಬ್ರಹ್ಮೋತ್ಸವದಿ ಮೆರೆಯುತ

Bandu nindiha nodi bhutaladi venkata indireya oda kudi
oppuva nirantara pondi bhajaneya madi Ananda kudi

Vandisuta manadolage ivanadi dvandava bhajisalu banda bhayahara
indudhara sura vrndanuta govinda ghana daya sindhu shri hari

Dvaradeda baladalli jaya vijayaribbaru seri seviparalli sanakadinuta
shrngaradi angadalli muttinali shobhipa hara pondihudalli vistaradalli
vara varake puje kombuva hara mukutabharana kundala
dara puja keyura bhusita marapita guna mohananga
caru pitambara katiya kara vira kalharadi huvina
hara koralolu esevutire vada naravindanu naguta naliyuta||1||

ella bhakutarabhista koduvudake ta kaivalya sthanava bittu
shesadri mandiradalli lolupaditta saubhagya nidhigidirilla
bhujabala pusta kasturiyitta celva phanryali shobhisuva siri
vallabhana guna pogaladiha jaga khullarededallana parakrama
mallamardana madulari phalguna sakha prakatanagiha durlabanu
aghadura bahu mangalya hrdayanu shrstige ullasa kodutali chandadindali||2||

padaka kaustubhadhara sarigeya kandara su-darushanadharadara
sundara manohara padayugadi nupura ittihanu sanmuni hrdayasthita
gambhira bahu danashura vidhi bhavatyara poreva datanu tudi modalu
madhyama virahitanu udubhavadigaliva kartanu tridasha pujita
tribhuvanesha saduvilasadi svami tirttadi udisutire siramahile sahitadi
padumanabha purandara vittala mudadi prahmotsavadi merayutha||3||

ಎನ್ನ ಮನದ ಡೊಂಕ ತಿದ್ದಿಸೋ, ಶ್ರೀನಿವಾಸ
ಎನ್ನ ಮನದ ಡೊಂಕ ತಿದ್ದಿಸೋ ||ಪ||
ಎನ್ನ ಮನದ ಡೊಂಕ ತಿದ್ದಿಸಿ
ನಿನ್ನ ಸೇವಕನಾದ ಮೇಲೆ
ಇನ್ನು ಸಂಶಯವೇಕೆ ಕೃಷ್ಣ
ನಿನ್ನ ಚರಣದಲ್ಲಿ ಸೇರಿಸೋ ||ಅ.ಪ||

ಉದಯವಾದರೆ ಊಟದ ಚಿಂತೆ
ಅದರ ಮೇಲೆ ಭೋಗದ ಚಿಂತೆ
ಹದಿನಾಲ್ಕು ಲೋಕವಾಳಬೇಕೆಂಬ ಚಿಂತೆ
ಇದು ಪುಣ್ಯ ಇದು ಪಾಪವೆಂದು
ಹೃದಯದಲಿ ಭಯವಿಲ್ಲದೆ
ಮದನೋಹಿತನಾದೆ ನಿನ್ನ
ಪದವ ನಂಬದೆ ದೀನದಯಾಳೋ ||

ನೆರೆಮನೆಯ ಭಾಗ್ಯ ನೋಡಿ
ಸಹಿಸಲಾರದೆ ಅಸೂಯನಾಗಿ
ಹರಿಸ್ಮರಣೆಗೆ ವಿಮುಖನಾದೆ
ನರರ ಸ್ತುತಿಯ ಮಾಡಿದೆ
ಪರರ ಸತಿಗೆ ಪರ ಅನ್ನಕ್ಕೆ
ತಿರುಗಿ ತಿರುಗಿ ಚಪಲನಾದೆ
ಗುರುಹಿರಿಯರ ದೂಷಿಣಿ
ಮರುಳಾದೆ ದೀನಶರಣ್ಯ ||

ಅಗಣಿತ ಸುಖ ಬಂದರೆ ನಾ
ಅಗಣಿತ ದುಃಖಕ್ಹರಿಯೆಂಬುವೆ
ಜಗದೊಳು ಲಾಭವು ಬಂದರೆ ಧನಿಕ ನಾನೆಂಬೆ
ಮಿಗೆ ಹಾನಿಗೆ ಹರಿ ದೂಷಿಸಿ
ನೆಗೆದು ಪತಂಗ ಕಿಚ್ಚಿಲಿ ಬೀಳ್ವ
ಬಗೆಯಾದೆನು ಪುರಂದರ ವಿಠಲ
ಖಗರಾಜ ಸುವಾಹನ ||

Enna manada Donka tiddaso shrinivasa enna manada Donka tiddiso

Enna manada Donka tiddisi ninna sevakanada mele innu
Samshayaveke krsna ninna charanadalli seriso

Udayavadare Udada cinte adara mele bhogada cinte hadinalgu
Lokangalanala bekemba cinte
Idu punya idu papavendu hrdayadali bhayavillade madanohitanade
Ninna padava nambade dinadayalo||1||

Neremaneya bhagya nodi sahisalarade asuyanagi hari smaranage
Vimukhanade narara stutiya madide
Parara satige para annakke tirugi tirugi chaphalanade
Guru hariyara dusini marulade dinasharanya||2||

Aganita sukha bandare na aganita dukkhakhariyembuve
Jagadolu labhavu bandare dhanika nanembe
Mige hanige hari dusisi negedu patanga kiccili bilva
Bageyadenu purandara vittala khagaraja suvahana||3||

ಗೋವಿಂದ ನಮೋ ಗೋವಿಂದ ನಮೋ ಗೋವಿಂದ ನಾರಾಯಣ

Govinda namo govinda namo govinda narayana
Govardhana giriyanettida govinda namma raksisai

Manja bharadu madadi baralu kanju kannadi bharadu
sancitarttada dravya bharadu munce madida dharmave||1||

arttavyarige putraryarige mitra bandhavaryarige
kartu yamanavareledu oivaga artta putraru kaivare||2||

tandu bandare tanna purusana hasidu balalidirembalu
ondu divasavu taradiddare handi nayente kelevalu||3||

prana vallabhe tanna purusana kanade nillalaralu
prana hogalu muttalanjvalu jane karedaru baralu||4||

untu kalake nentaristaru bantaragi kaivaru
kantakemanoru bandu elevaga nentaristaru bararu||5||

odeveyarasige odalu agnige madadi mattobba cheluvage
badedeledu yamanavaru oivaga edavi biddidu nalige||6||

dittatanadi puttanalida vrstinandana caranava
mutti bhajisiro siri purandara vittaleshana padava||7||

ವೈದ್ಯ ಬಂದ ನೋಡಿ – ವೆಂಕಟನೆಂಬ |ವೈದ್ಯ ಬಂದ ನೋಡಿ ||

ವೈದ್ಯ ಬಂದನು ವೇದವೇದ್ಯ ನೋಡೀಗಲೇಶ್ರೀದೇವಿರಮಣನು ಶ್ರೀನಿವಾಸನೆಂಬ ||

ಎಷ್ಟು ದಿನದ ರೋಗಗಳೆಂಬುದ ಬಲ್ಲ |ಗಟ್ಟಿಯಾಗಿ ಧಾತುರಸಗಳನು ಬಲ್ಲ ||
ಕಷ್ಟ ಬಡಿಸದಲೆನ್ನ ಭವರೋಗ ಬಿಡಿಸುವ |ಶಿಷ್ಟವಾದ ದೇಹ ಕೊಟ್ಟು ಕಾಯುವನಿವ ||

ಹೊನ್ನು – ಹಣಂಗಳ ಅನ್ನವ ಅನುಸರಿಸಿ |ತನ್ನ ದಾಸನೆಂಬ ನಿಜವ ನೋಡಿ ||
ಚೆನ್ನಾಗಿ ಜಿಹ್ವೆಗೆ ಸ್ವಾದವಾಗಿರುವಂಥ |ತನ್ನ ನಾಮಾಮೃತ ದಿವ್ಯ ಔಷಧವೀವ ||

ಈತ ದಿಟ್ಟಿಸಿ ನೋಡೆ ಎಳ್ಳಷ್ಟು ರೋಗವಿಲ್ಲ |ಈ ತನುವಿಗೆಂದೆಂದು ರೋಗಬರಲರಿಯದು ||
ಈತ ಅನಂತರೂಪದಿ ಜೀವರಿಗೆ ಮುನ್ನ |ಪ್ರೀತಿಯಿಂದಲಿ ಭವರೋಗ ಬಿಡಿಸುವ ||

ಧರ್ಮವೈದ್ಯನಿವ ಜಗಕ್ಕೆಲ್ಲ ಒಬ್ಬನೆ |ಮರ್ಮಬಲ್ಲ ರೋಗಜೀವಂಗಳ ||
ನಿರ್ಮಲವಾಗಿಹ ತನ್ನ ನಾಮಸ್ಮರಣೆ |ಒಮ್ಮೆ ಮಾಡಲು ಭವರೋಗ ಬಿಡಿಸುವ ||

ಅನ್ಯ ವೈದ್ಯನೇಕೆ ಅನ್ಯ ಔಷಧವೇಕೆ ? |ಅನ್ನ ಮಂತ್ರ – ತಂತ್ರ – ಜಪವೇತಕೆ ? ||
ಚೆನ್ನ ಪುರಂದರವಿಠಲನ್ನ ನೆನೆದರೆ |ಮನ್ನಿಸಿ ಸಲಹುವ ವೈದ್ಯ ಶಿರೋಮಣಿ ||

Vaidya banda nodi venkatanemba vaidya banda nodi|
Vaidya bandanu veda vedya nodigale shridevi ramananu shrinivasanemba||

Estu dinada rogagalanembuda balla gattiyagi dhatu rasagalanu balla
Kasta badisalenna bhava roga bidisuva shistavada deha kottu kayuvaniva||1||

Honnu hanangala annava anusarisi tanna dasanemba nijava nodi
Chennagi jihvage svadavagiruvantha tanna namamrta divya ausadaviva||2||

Ita dittisi node ellastu rogavilla I tanuvigendendu roga baralariyadu
Ita ananta rupadi jivarige munna pritiyindali bhava roga bidisuva||3||

Dharma vaidyaniva jagakella obbane marma balla roga jivangala
Nirmalavagiha tanna nama smarane omme madalu bhava roga bidisuva||4||

Anya vaidyaneke anya ausadhaveke anya mantra tantra japaveke
Chenna purandara vittalanna nenedare mannisi salahuva vaidya shiromani||5||

ನೀನೆ ದಯಾಳೊ ನಿರ್ಮಲಚಿತ್ತ ಗೋವಿಂದ
ನಿಗಮಗೋಚರ ಮುಕುಂದ

ಜ್ಞಾನಿಗಳರಸ ನೀನಲ್ಲದೆ ಜಗಕಿನ್ನು
ಮಾನದಿಂದಲಿ ಕಾವ ಧೊರೆಗಳ ನಾ ಕಾಣೆ

ದಾನವಾಂತಕ ದೀನಜನಮಂದಾರನೆ
ಧ್ಯಾನಿಪರ ಮನಸಂಚಾರನೆ
ಮೌನವಾದೆನು ನಿನ್ನ ಧ್ಯಾನಾನಂದದಿ ಈಗ
ಸಾನುರಾಗದಿ ಕಾಯೊ ಸನಕಾದಿವಂದ್ಯನೆ

ಬಗೆ ಬಗೆಯಲಿ ನಿನ್ನ ತುತಿಪೆನೊ ನಗಧರ
ಖಗಪತಿವಾಹನನೆ
ಮಗುವಿನ ಮಾತೆಂದು ನಗುತ ಕೇಳುತ ಬಂದೆ
ಬೇಗದಿಂದಲಿ ಕಾಯೊ ಸಾಗರಶಯನನೆ

ಮಂದರಧರ ಅರವಿಂದಲೋಚನ ನಿನ್ನ
ಕಂದನೆಂದೆಣಿಸೊ ಎನ್ನ
ಸಂದೇಹವೇಕಿನ್ನು ಸ್ವಾಮಿ ಮುಕುಂದನೆ
ಬಂದೆನ್ನ ಕಾಯೊ ಶ್ರೀಪುರಂದರವಿಠಲ

Neene dayaalu nirmala chitta govinda |
Nigama gochara mukunda || pa ||

J~jaanigalarasa neenallade jagakinnu |
Maanadindali kaayva doregala naa kaane || a.pa.||

Daanavaantaka deena jana mandaarane |
Dhyaanipara mana sanchaarane ||
Mounanaadenu ninna dhyaanaanandadi eega |
Saanuraagadi kaayo sanakaadi vandyane || 1 ||

Bage bageyali ninna stutipeno nagadhara |
Kagapati vaahanane |
Maguvina maatendu naguta keli neenu |
Begadindali kaayo saagara shayanane || 2 ||

Mandaradhara aravindalocana ninna |
Kandanendeniso enna |
Sandehavekinnu swaami mukundane |
Bandenna kaayo shree purundaviththala || 3 ||

ಗೋವಿಂದಾ ನಿನ್ನ ನಾಮವೆ ಚಂದ ||

ಅಣುರೇಣು ತೃಣ ಕಾಷ್ಟ ಪರಿಪೂರ್ಣ ಗೋವಿಂದ ನಿರ್ಮಲಾತ್ಮಕನಾಗಿ ಇರುವುದೆ ಆನಂದ||

ಸೃಷ್ಟಿ ಸ್ಥಿತಿ ಲಯ ಕಾರಣ ಗೋವಿಂದ ಈ ಪರಿ ಮಹಿಮೆಯ ತಿಳಿಯುವುದೆ ಆನಂದ||

ಪರಮ ಪುರುಷ ಶ್ರೀ ಪುರಂದರ ವಿಟ್ಠಲನ ಹಿಂಗದ ದಾಸರ ಸಲಹುವುದೆ ಆನಂದ ||

Govindaa ninna naamave chandaa || pa ||

Anurenu truna kaashtha paripoorna govinda |
Nirmalaatmakanaagi iruvude aananda || 1 ||

Srushti sthiti laya kaarana govinda |
Ee pari mahimeya tiliyuvude ananda || 2 ||

Mangala mahima shree purandaraviththalana|
Hingade daasana salahuvude aananda||3||

ತಿರುಪತಿ ವೆಂಕಟರಮಣ ನಿನಗೇತಕೆ ಬಾರದು ಕರುಣ

ನಂಬಿದೆ ನಿನ್ನಯ ಚರಣ ಪರಿಪಾಲಿಸಬೇಕೊ ಕರುಣ

ಅಳಗಿರಿಯಿಂದಲಿ ಬಂದಾ ಸ್ವಾಮಿ ಅಂಜನಗಿರಿಯಲಿ ನಿಂದ
ಕೊಳಲೂದೊ ಧ್ವನಿ ಚಂದಾ ನಮ್ಮ ಕುಂಡಲರಾಯ ಮುಕುಂದ

ಬೇಟೆಯಾಡುತ ಬಂದಾ ಸ್ವಾಮಿ ಬೆಟ್ಟದ ಮೇಲೆ ನಿಂದಾ
ನೀಟುಗಾರ ಗೋವಿಂದಾ ಅಲ್ಲಿ ಜೇನು ಸಕ್ಕರೆಯನು ತಿಂದಾ

ಮೂಡಲಗಿರಿಯಲಿ ನಿಂತ ಮುದ್ದು ವೆಂಕಟಪತಿ ಬಲವಂತ
ಈಡಿಲ್ಲ ನಿನಗೆ ಶ್ರೀಕಾಂತಾ ಈರೇಳು ಲೋಕಕನಂತ

ಆಡಿದರೆ ಸ್ಥಿರವಪ್ಪ ಅಬದ್ಧಗಳಾಡಲು ಒಪ್ಪ
ಬೇಡಿದ ವರಗಳನಿಪ್ಪ ನಮ್ಮ ಮೂಡಲಗಿರಿ ತಿಮ್ಮಪ್ಪ

ಅಪ್ಪವ ಅತಿರಸ ಮೆದ್ದ ಸ್ವಾಮಿ ಅಸುರರ ಕಾಲಲಿ ಒದ್ದ
ಸತಿಯರ ಕೂಡಾಡುತಲಿದ್ದ ಸ್ವಾಮಿ ಸಕಲ ದುರ್ಜನರನು ಗೆದ್ದ

ಬಗೆಬಗೆ ಭಕ್ಷ್ಯ ಪರಮಾನ್ನ ನಾನಾ ಬಗೆಯ ಸಕಲ ಶಾಲ್ಯಾನ್ನ
ಬಗೆಬಗೆ ಸೊಬಗು ಮೋಹನ್ನ ನಮ್ಮ ನಗೆಮುಖದ ಪ್ರಸನ್ನ

ಕಾಶೀ ರಾಮೇಶ್ವರದಿಂದ ಅಲ್ಲಿ ಕಾಣಿಕೆ ಬರುವುದೆ ಚಂದ
ದಾಸರ ಕೂಡೆ ಗೋವಿಂದ ಅಲ್ಲಿ ದಾರಿ ನಡೆವುದೇ ಚೆಂದ

ಎಲ್ಲ ದೇವರ ಗಂಡ ಅವ ಚಿಲ್ಲರೆ ದೈವದ ಮಿಂಡ
ಬಲ್ಲಿದರಿಗೆ ಉದ್ದಂಡ ಶಿವನ ಬಿಲ್ಲ ಮುರಿದ ಪ್ರಚಂಡ

ಕಾಸು ತಪ್ಪಿದರೆ ಪಟ್ಟಿ ಬಡ್ಡಿ ಕಾಸು ಬಿಡದ ಗಂಟು ಕಟ್ಟಿ
ದಾಸನೆಂದರೆ ಬಿಡ ಗಟ್ಟಿ ನಮ್ಮ ಕೇಸಕ್ಕಿ ತಿಮ್ಮಪ್ಪಸೆಟ್ಟಿ

ದಾಸರ ಕಂಡರೆ ಪ್ರಾಣ ತಾ ಧರೆಯೊಳಗಧಿಕ ಪ್ರವೀಣ
ದ್ವೇಷಿಯ ಗಂಟಲ ಗಾಣ ನಮ್ಮ ದೇವಗೆ ನಿತ್ಯಕಲ್ಯಾಣ

ಮೋಸ ಹೋಗುವನಲ್ಲಯ್ಯ ಒಂದು ಕಾಸಿಗೆ ಒಡ್ಡುವ ಕೈಯ
ಏಸು ಮಹಿಮಗಾರನಯ್ಯ ನಮ್ಮ ವಾಸುದೇವ ತಿಮ್ಮಯ್ಯ

ಚಿತ್ತವಧಾನ ಪರಾಕು ನಿನ್ನ ಚಿತ್ತದ ದಯವೊಂದೆ ಸಾಕು
ಸತ್ವವಾಹಿನಿ ನಿನ್ನ ವಾಕು ನೀನು ಸಕಲ ಜನರಿಗೆ ಬೇಕು

ಅಲ್ಲಲ್ಲಿ ಪರಿಷೆಯ ಗುಂಪು ಮತ್ತಲ್ಲಲ್ಲಿ ತೋಪಿನ ತಂಪು
ಅಲ್ಲಲ್ಲಿ ಸೊಗಸಿನ ಸೊಂಪು ಮತ್ತಲ್ಲಲ್ಲಿ ಪರಿಮಳದಿಂಪು

ಅಲ್ಲಲ್ಲಿ ಜನಗಳ ಕೂಟ ಮತ್ತಲ್ಲಲ್ಲಿ ಬ್ರಾಹ್ಮಣರೂಟ
ಅಲ್ಲಲ್ಲಿ ಪಿಡಿದ ಕೋಲಾಟ ಮತ್ತಲ್ಲಿಂದ ಊರಿಗೆ ಓಟ

ಪಾಪ ವಿನಾಶಿನಿ ಸ್ನಾನ ಹರಿ ಪಾದೋದಕವೇ ಪಾನ
ಕೋಪತಾಪಗಳ ನಿಧಾನ ನಮ್ಮ ಪುರಂದರವಿಠಲನ ಧ್ಯಾನ

Tirupati Venkataramana Ninagyatake Baradu Karuna
Nambide Ninnaya Carana Paripalisa Beko Karuna
1: Alagiriyindalli Banda Svami Anjanagiriyali Ninda
Kolaludo Dvani Chanda Namma Kundalaraya Mukunda
2: Beteyaduta Banda Svami Bettada Mele Ninda
Nitugara Govinda Alli Jenu Sakkareyanu Tinda
3: Mudala Giriyali Ninda Muddu Venkatapati Balavanta
Idilla Ninage Shrikanta Irelu Lokakananta
4: Adidare Sthiravappa Abhaddagaladalu Oppa
Bedida Varagalanippa Namma Mudalagiri Timmappa
5: Appava Atirasa Medda Svami Asurara Kalali Odda
Satiyayara Kudadutalidda Svami Sakala Durjanaranu Gedda
6: Bage Bage Bhaksa Paramanna Nana Bageya Sakala Shalyanna
Bage Bage Sobagu Mohanna Namma Nagumukhada Suprasanna
7: Kashi Rameshvaradinda Alli Kanike Baruvude Canda
Dasara Kude Govinda Alli Dari Nadevude Canda
8: Ella Devara Ganda Ava Cillare Daivada Minda
Ballidavarige Uddanda Shiva Billa Murida Pracanda
9: Kasu Tappidare Patti Baddi Kasu Bidade Gantu Katti
Dasanendare Bida Gatti Namma Kesakki Timmappasetti
10: Dasara Kandare Prana Ta Dhareyolagadhika Pravina
Dvesiya Gantala Gana Namma Devage Nitya Kalyana
11: Mosa Hoguvanallayya Ondu Kasige Odduva Kayya
Esu Mahimegaranayya Namma Vasudeva Timmayya
12: Cittavadhana Paraku Ninna Cittada Daya Onde Saku
Satyavahini Ninna Vaku Ninu Sakala Janarige Beku
13: Allalli Pariseya Gumpu Mattallalli Topina Tampu
Allalli Sogasina Sompu Mattallalli Parimaladimpu
14: Allalli Janagala Kuta Mattallalli Brahmanaruta
Allalli Pidida Kolata Mattallallinda Urige Ota
15: Papa Vinashini Snana Hari Padodakave Pana
Kopa Tapagala Nidhana Namma Purandara Vittalana Dhyana

ವೆಂಕಟರಮಣನೆ ಬಾರೋ ಶೇಷಾಚಲವಾಸನೆ ಬಾರೋ              ||ಪ||

ಪಂಕಜನಾಭ ಪರಮ ಪವಿತ್ರ ಶಂಕರ ಮಿತ್ರನೇ ಬಾರೋ              ||ಅ.ಪ||

ಮುದ್ದು ಮುಖದ ಮಗುವೆ ನಿನಗೆ ಮುತ್ತು ಕೊಡುವೆನು ಬಾರೋ
ನಿರ್ದಯವೇಕೋ ನಿನ್ನೊಳಗೆ ನಾನು ಪೊಂದಿದ್ದೇನು ಬಾರೋ         ||೧||

ಮಂದರ ಗಿರಿಯನೆತ್ತಿದ ಆನಂದ ಮೂರ್ತಿಯೇ ಬಾರೋ
ನಂದನ ಕಂದ ಗೋವಿಂದ ಮುಕುಂದ ಇಂದಿರೆಯರಸನೆ ಬಾರೋ    ||೨||

ಕಾಮನಯ್ಯ ಕರುಣಾಳು ಶ್ಯಾಮಲ ವರ್ಣನೆ ಬಾರೋ
ಕೋಮಾಳಾಂಗ ಶ್ರೀಪುರಂದರ ವಿಠಲನೆ ಸ್ವಾಮಿರಾಯನೆ ಬಾರೋ  ||೩||

Venkataramanane baaro |
Sheshaacalavaasane baaro || pa ||

Pankajanaabha parama pavitra |
Shankara mitrane baaro || a.pa ||

Muddu mukada maguve
Ninage muddu koduvenu baaro |
Nirdayaveko ninnolage naanu |
Pondiddeno baa–ro || 1 ||

Mandaragiriyanu ettidaananda moorutiye baaro |
Mandaragiriyanu ettidaananda moorutiye nee baaro |
Nandana kanda govnda mukunda indire arasane baa–ro || 2 ||

Kaamanayyaa karunaalo |
Shyaamala varnane baaro |
Komalaanga shri purundaravithalane |
Swaamiraayane baaro || 3 ||

ಶ್ರೀನಿವಾಸ ನೀನೆ ಪಾಲಿಸೊ ಶ್ರಿತಜನಪಾಲ
ಗಾನಲೋಲ ಶ್ರೀ ಮುಕುಂದನೆ

ಧ್ಯಾನಮಾಳ್ಪ ಸಜ್ಜನರ ಮಾನದಿಂದ ಪರಿಪಾಲಿಸುವ
ವೇಣುಗೋಪಾಲ ಗೋವಿಂದ ವೇದವೇದ್ಯ ನಿತ್ಯಾನಂದ

ಎಷ್ಟು ದಿನ ಕಷ್ಟಪಡುವುದೋ ಯಶೋದೆ ಕಂದ
ದೃಷ್ಟಿಯಿಂದ ನೋಡಲಾಗದೆ
ಮುಟ್ಟಿ ನಿನ್ನ ಭಸಿಸಲಾರೆ, ಕೆಟ್ಟ ನರಜನ್ಮದವ
ದುಷ್ಟ ಕಾರ್ಯ ಮಾಡಿದಾಗ್ಯೂ ಇಷ್ಟನಾಗಿ ಕೈಯ ಪಿಡಿಯೋ

ಎಂದಿಗೆ ನಿನ್ನ ಪಾದಾಬ್ಜವ ಪೊಂದುವ ಸುಖ
ಎಂದಿಗೆ ಲಭ್ಯವೊ ಮಾಧವ
ಅಂಧಕಾರಣ್ಯದಲಿ ನಿಂದು ತತ್ತರಿಸುತಿಹೆನೊ
ಅಂದದಿಂ ಭವಾಬ್ದಿಯೊಳು ನಿಂದು ನೊಂದೆನೊ ಗೋವಿಂದ

ಅನುದಿನ ಅನೇಕ ರೋಗಗಳ ಅನುಭವಿಸಿದೆನು
ಘನ ಮಹಿಮನೆ ಕೇಳಯ್ಯ
ತನುವಿನಲಿ ಬಲವಿಲ್ಲ ನೆನೆದ ಮಾತ್ರದಿ ಸಲಹೊ ಯೆನ್ನ
ಹನುಮದೀಶ ಪುರಂದರವಿಟ್ಠಲನೆ ಕೈಯ ಪಿಡಿದು

Srinivasa neene paaliso Shrtajana pala ganalola Shri Mukundane||

Dhyana malpa sajjanara manadim paripalipa
Venugopala govinda vedavedya nityananda shrinivasa||1||

Endige ninna padabjava honduva sukha endige labhayavo madhava
andhakaranyadalli nindu tattalisutiheno andhadi bhavadalli nindu nondeno mukunda shrinivasa||2||

Eshtu dina kashta paduvudo yashode kanda drishtiyinda nodalareya
Mutti ninna bhajisalare ketta narajanmadalli dusta karya madidagyu ishtanagi kayya pididu shrinivasa||3||

Anudina aneka rogagala anubhavisude naanu ghana mahimane kelalareya tanuvinalli balavilla
neneda matra salahuva hanumadhisha Purandara Vittala ni enna salaho shrinivasa||4||

ವೆಂಕಟಾಚಲ ನಿಲಯಂ ವೈಕುಂಠ ಪುರ ವಾಸಂ        ||ಪ||

ಪಂಕಜ ನೇತ್ರಂ ಪರಮ ಪವಿತ್ರಂ
ಶಂಖ ಚಕ್ರಧರ ಚಿನ್ಮಯ ರೂಪಂ                           ||ಅ.ಪ||

ಅಂಬುಜೋದ್ಭವ ವಿನುತಂ ಅಗಣಿತ ಗುಣ ನಾಮಾಂ
ತುಂಬುರು ನಾರದ ಗಾನವಿಲೋಲಂ                      ||೧||

ಮಕರಕುಂಡಲಧರ ಮದನಗೋಪಾಲಂ
ಭಕ್ತಪೋಷಕ ಶ್ರೀಪುರಂದರವಿಠಲಂ                       ||೩||

Venkataachala nilayam |vaikumtha puravaasam || pa ||

Pankajanetram | parama pavitram |
Shankha chakra dhara cinmaya roopam || 1 ||

Ambujodbhava vinutam | aganita dhaamam |
Tumburu naarada | gaana vinodam || 2 ||

Makara kundala dhaamam | madana gopaalam |
Bhakta poshaka shree | purandaraviththalam ||3 ||