ಸಹಿಸಲಾರೆನೆ ಗೋಪಿ ನಿನ್ನ ಮಗನ ಲೂಟಿ,
ಏನೆಂದು ಪೇಳಮ್ಮ ||ಪ ||
ವಾಸುದೇವನು ಬಂದು ಮೋಸದಿಂದಲಿ ಎನ್ನ
ವಾಸವ ಸೆಳಕೊಂಡು ಓಡಿ ಪೋದನಮ್ಮ ||ಅ ||

ದೇವರ ಪೆಟ್ಟಿಗೆ ತೆಗೆದು ಸಾಲಿಗ್ರಾಮ
ಸಾವಿರ ನುಂಗುವನೆ
ಭಾವಜನಯ್ಯ ಇದೇನೆಂದರೆ ನಿಮ್ಮ
ಕಾವ ದೇವರು ನಾ ಕೇಳಿಕೋ ಎಂಬನೆ ||

ಅಗ್ರೋದಕ ತಂದು ಜಗಲಿ ಮೇಲಿಟ್ಟರೆ
ವೆಗ್ಗಳದಲಿ ಕುಡಿವ
ಮಂಗಳಮಹಿಮನ ಮೀಸಲೆಂದರೆ ನಿಮ್ಮ
ಮಂಗಳಮಹಿಮನ ಅಪ್ಪ ನಾನೆಂಬನೆ ||

ಅಟ್ಟಡುಗೆಯನೆಲ್ಲ ಉಚ್ಚಿಷ್ಟ ಮಾಡಿ
ಅಷ್ಟು ತಾ ಬಳಿದುಂಬನೆ
ಕೃಷ್ಣದೇವರ ನೈವೇದ್ಯವೆಂದರೆ ನಿಮ್ಮ
ಇಷ್ಟ ದೇವರು ತೃಪ್ತನಾದನೆಂತೆಂಬನೆ ||

ಋತುವಾದ ಬಾಲೆಯರು ಪತಿಯೊಡೆಗೆ ಪೋಪಾಗ
ಪಥದೊಳಗಡಗಿರುವ
ಮತಿಗೆಟ್ಟ ಹೆಣ್ಣೆ ಸುಂಕವ ಕೊಡು ಎನುತಲಿ
ರತಿಯಿಂದ ಮಾನವ ಸೂರೆಗೊಂಬುವನೆ ||

ಅಚ್ಚ ಪಾಲ್ಮೊಸರು ನವನೀತವು ಮಜ್ಜಿಗೆ
ರಚ್ಚೆ ಮಾಡಿ ಕುಡಿವ
ಸ್ವಚ್ಛ ಶ್ರೀಪುರಂದರವಿಟ್ಠಲರಾಯನ
ಇಚ್ಛೆಯಿಂದಲಿ ನಿನ್ನ ಮನೆಗೆ ಕರೆದು ಕೊಳ್ಳೆ ||

Sahisalarene gopi ninna magana luti,Enendu pelamma ||pa ||

Vasudevanu bandu mosadindali enna
Vasava selakondu odi podanamma ||a ||

Devara pettige tegedu saligrama
Savira nunguvane
Bavajanayya idenendare nimma
Kava devaru na keliko embane ||1||

Agrodaka tandu jagali melittare
Veggaladali kudiva
Mangalamahimana misalendare nimma
Mangalamahimana appa nanembane ||2||

Attadugeyanella uccishta madi
Ashtu ta balidumbane
Krushnadevara naivedyavendare nimma
Ishta devaru truptanadanentembane ||3||

Rutuvada baleyaru patiyodege popaga
Pathadolagadagiruva
Matigetta henne sunkava kodu enutali
Ratiyinda manava suregombuvane ||4||

Acca palmosaru navanitavu majjige
Racce madi kudiva
Svacca sripurandaravitthalarayana
Icceyindali ninna manege karedu kolle ||5||

ಕಂದನೇಕೆ ಮಲಗನೆ , ಕೇಳೆಲೆ ಸಖಿ ||ಪ||
ಕಾಯಜಜನಕಗೇನಾಯಿತು ಇವಗೆ
ಯಾವಳ ದೃಷ್ಟಿ ತಾಗಿತೆ ||ಅ||

ಕಂದನೇಕೆ ಕಣ್ಣ ಮುಚ್ಚನೆ
ಇಂದು ನೀರದಡದಲ್ಲಿರುವನೆ , ಏ-
ನೆಂದರು ಮುಖವೆತ್ತಿ ನೋಡನೆ , ಗೋ-
ವಿಂದ ಬಾ ಎಂದರೆ ಬಾಯ ತೆರೆವನೆ ||

ತನಯನಾಗಿ ಧರೆ ಅಳೆದನೆ , ತನ್ನ
ಜನನಿಯ ಕಂಡರೆ ಸೇರನೆ
ಮುನಿಗಳಂತೆ ಮೌನ ಪಿಡಿದನೆ
ಘನ ಗೋವು ಕಾಯ್ವಾಗ ಗಾಳಿ ಸೋಕಿತೇನೆ ||

ಸುಮ್ಮನೇತಕೆ ವ್ರತ ಕೆಡಿಸಿದನೆ
ಹಮ್ಮಿನಿಂದಲಿ ಖಡ್ಗ ಪಿಡಿದನೆ
ಜನ್ಮಜನ್ಮಗಳಲ್ಲಿ ಬಿಡದಲಿರುವ ನೀ ಬಾರೊ
ಬೊಮ್ಮ ಶ್ರೀ ಪುರಂದರವಿಠಲ ||

Kandaneke malagane , kelele saki ||pa||

Kayajajanakagenayitu ivage
Yavala drushti tagite ||a||

Kandaneke kanna muccane
Indu niradadadalliruvane , E-
Nendaru mukavetti nodane , go-
Vinda ba endare baya terevane ||1||

Tanayanagi dhare aledane , tanna
Jananiya kandare serane
Munigalante mauna pididane
Gana govu kayvaga gali sokitene ||2||

Summanetake vrata kedisidane
Hamminindali kadga pididane
Janmajanmagalalli bidadaliruva ni baro
Bomma sri purandaravithala ||3||

ಬವ್ವು ಬಂದಿತಲ್ಲ, ರಂಗಯ್ಯ, ಬವ್ವು ಬಂದಿತಲ್ಲ ||ಪ||
ಬವ್ವು ನಿನ್ನ ಕಾಲು ಕಚ್ಚಿತೋ ಕೃಷ್ಣ ||ಅ||

ಸೆರಗು ಪಿಡಿದು ನೀ ಹೇಳದೆ ಮಲಗೊ
ತಿರುಗಿದರೆ ನೋಡು ಮತ್ತಿಲ್ಲೆ
ಬೂದಿಯ ಹಚ್ಚಿದೆ ಕೂದಲು ಬಿಚ್ಚಿದೆ
ಸ್ವಾದವ ಕಂಡು ಬಂದಿತಿಲ್ಲಿ ||

ಹಿಡಿದ ತ್ರಿಶೂಲ ಪಿಡಿದ ಕಪಾಲ
ಮುಕ್ಕಣ್ಣಲಿ ಕಿಡಿಯುದುರಿಸುತ
ಹಾವು ಕೊರಳಲಿಟ್ಟು ಹುಲಿಯ ಚರ್ಮವ ಹೊದ್ದು
ಸುತ್ತಲಿ ಬರುತಿದೆ ಬವ್ವುತನ ದಂಡು ||

ಕಪ್ಪುಗೊರಳ ಬವ್ವು ಒಪ್ಪುವ ಎತ್ತನೇರಿ
ತಪ್ಪದೆ ಬಂದೀತು ಬಿಡು ಮುನ್ನೆ
ಅಪ್ಪ ಕೃಷ್ಣರಾಯ ಪುರಂದರವಿಠಲನೆ
ಒಪ್ಪಿಸಿ ಕೊಡುವೆನು ಈಗಲೆ ನಿನ್ನ ||

bavvu banditalla, rangayya, bavvu banditalla ||pa||

Bavvu ninna kalu kaccito krushna ||a||

Seragu pididu ni helade malago
Tirugidare nodu mattille
Budiya haccide kudalu biccide
Svadava kandu banditilli ||1||

Hidida trisula pidida kapala
Mukkannali kidiyudurisuta
Havu koralalittu huliya carmava hoddu
Suttali barutide bavvutana dandu ||2||

Kappugorala bavvu oppuva ettaneri
Tappade banditu bidu munne
Appa krushnaraya purandaravithalane
Oppisi koduvenu Igale ninna ||3||

ಊಟಕ್ಕೆ ಬಂದೆವು ನಾವು ನಿಮ್ಮ
ಆಟ ಪಾಟವ ಬಿಟ್ಟು ಅಡುಗೆ ಮಾಡಮ್ಮ     ||ಪ||

ಕತ್ತಲಿಟ್ಟಾವಮ್ಮ ಕಣ್ಣು ಬಾಯಿ
ಬತ್ತಿ ಬರುತಲಿದೆ ಕೈಕಾಲು ಝುಮ್ಮ
ಹೊತ್ತ ಹೋಗಿಸಬೇಡವಮ್ಮ
ಒಂದು ತುತ್ತಾದರು ಇತ್ತು ಸಲಹು ನಮ್ಮಮ್ಮ    ।।೧।।

ಒಡಲೊಳಗೆ ಉಸಿರಿಲ್ಲ ಒಂದು
ಕ್ಷಣವಾದರೆ ಜೀವ ನಿಲ್ಲುವುದಿಲ್ಲ
ಮಡಿದರೆ ದೋಷ ತಟ್ಟುವುದು ಒಂದು
ಹಿಡಿ ಅಕ್ಕಿಯಿಂದಲೆ ಕೀರ್ತಿ ಬಾಹೋದು     ।।೨।।

ಹೊನ್ನರಾಶಿಯ ತಂದು ಸುರಿಯೆ ಕೋಟಿ
ಕನ್ನಿಕೆಯರ ತಂದು ಧಾರೆಯನೆರೆಯೆ
ಅನ್ನದಾನಕ್ಕಿನ್ನು ಸರಿಯೆ ಪ್ರ
ಸನ್ನ ಪುರಂದರ ವಿಠಲ ದೊರೆಯೆ            ।।೩।।

Utakke bandevu navu nimma ata patava bittu aduge madamma ||pa||

Kattalittavamma kannu bayi
Batti barutalide kaikalu Jumma
Hotta hogisabedavamma
Ondu tuttadaru ittu salahu nammamma ||1||

Odalolage usirilla ondu
Kshanavadare jiva nilluvudilla
Madidare dosha tattuvudu ondu
Hidi akkiyindale kirti bahodu ||2||

Honnarasiya tandu suriye koti
Kannikeyara tandu dhareyanereye
Annadanakkinnu sariye pra
Sanna purandara vithala doreye ||3||

ಬಾರೋ ಬ್ರಹ್ಮಾದಿವಂದ್ಯಾ
ಬಾರೋ ವಸುದೇವ ಕಂದ

ಧಿಗಿಧಿಗಿ ನೀ ಕುಣಿದಾಡುತ ಬಾರೋ ದೀನರಕ್ಷಕನೇ
ಜಗದೀಶಾ ಕುಣಿದಾಡುತ ಬಾರೋ ಚೆನ್ನಕೇಶವನೇ

ಗೊಲ್ಲರ ಮನೆಗೆ ಪೋಗಲು ಬೇಡ ಗೋವಿಂದಾ ಕೇಳೋ
ಹಾಲು ಬೆಣ್ಣೆ ಮೊಸರಿಕ್ಕುವೆ ನೀನುಣ್ಣಬಾರೋ

ದೊಡ್ಡ ದೊಡ್ಡ ಮುತ್ತಿನ ಹಾರವ ಹಾಕಿ ನೋಡುವೆ ಬಾರೋ
ದೊಡ್ಡಪುರದ ದ್ವಾರಕಿವಾಸ ಪುರಂದರವಿಟ್ಠಲ

Baro brahmadivandyabaro brahmadivandya
Baro vasudeva kanda||Pa||

Dhigidhigi ni kunidaduta baro dinarakshakane
Jagadisa kunidaduta baro chennakesavane||1||

Gollara manege pogalu beda govinda kelo
Halu benne mosarikkuve ninunnabaro||2||

Dodda dodda muttina harava haki noduve baro
Doddapurada dvarakivasa purandaravitthala||3||

ಏನು ಮಾಡಲೊ ಮಗನೆ ಯಾಕೆ ಬೆಳಗಾಯಿತೊ ಏನು ಮಾಡಲೊ ಕೃಷ್ಣಯ್ಯ

Enu madalo magane yake belagayito^^Enu madalo krushnayya ||pa.||

Enu madali innu maniniyaru enna
Manava kaleyuvaro rangayya ||a.pa.||

Halu mosaru benne kaddanembuvaro
Melina kenegala meddanembuvaro
Balakarellara badidanembaro entha
Kala hengasu ivana hadedalembuvaro ||1||

Kattidda karugala bittanentembaro
Metti sarpana mele kunidanembuvaro
Putta baleyara mohisidanembaro entha
Dushta hengasu ivana hadedalembuvaro ||2||

Gangajanaka ninna jaranentembaro
Srungaramuka ninna baride duruvaro
Mangalamahima sri purandaraviththala
Hingade emmanu salahentembaro ||3||

Jo jo yasodeya kanda mukundane jo jo kamsa kutharijo
Jo munigala hrudayamandira jo jo lakumiya ramana |pa.|

Hokkala huvina tavaregannina ikkidda makarakundalada
Jakkarisuva kadapina suligurulina cikka bayi muddu mogada
Sokkida madakariyamdadi nosalali ikkida kasturi tilaka
Rakkasarededallana muravairiye makkala manika jo jo || 1||

Kanna belagu pasarisi noduta areganna mucci nasunaguta
Sanna beralu bayolu dhavalisuta pannagasayana natakadi
Ninna magana muddu nodenuta gopi tanna patige toridalu
Cinnatanada sobagina kaniye hosa ranna muttina bombe jo jo ||2||

Niditolgala pasarisutali gopiya tode mel malagi baya tereye
Odalolu chaturdasa Buvanaviralu kandu nadunadugi kanna muccidalu
Tadeyade adigalanidutali bandu madadera mukava noduta nindu
Kadu dayasagara purandara vithala bidade rakshisu enna salahabekendu jo jo ||3||

ಹೇಳಿದರೆ ನಮ್ಮ ಮೇಲೆ ಯಾಕಮ್ಮ ಸಿಟ್ಟು, ಇಂಥ
ಗಾಳಿಗಾರ ಮಗನ ಪಡೆದ ಮೇಲೆ ನೀವಿಷ್ಟು ||ಪ||

ಸಣ್ಣ ರುಮಾಲು ಕಟ್ಟಿ ಚುಂಗ ಬಿಟ್ಟು , ಪಣೆಗೆ
ಬಣ್ಣಿಸಿ ಕಸ್ತೂರಿ ತಿಲಕವನಿಟ್ಟು
ಚಿಣ್ಣಿಕೋಲು ಚೆಂಡು ಬುಗುರಿ ಕೈಯಲಿಟ್ಟು, ಪೊಸ
ಬೆಣ್ಣೆಯ ಮೆಲ್ಲು ಹೋಗೆಂದು ಕಳುಹಿಬಿಟ್ಟು ||

ಕರೆದು ಕೈಯಲ್ಲಿ ಚಿಟ್ಟೆಬೆಲ್ಲ ಕೊಟ್ಟು, ಚಿಕ್ಕ
ಹರಳುಕಲ್ಲುಗಳನ್ನೆ ಅರಿಸಿ ಕೊಟ್ಟು
ವಾರಿಗೆಯ ಪುಂಡರನ್ನು ಮಾಡಿಕೊಟ್ಟು, ಗೋಪಿ
ಊರನೆಲ್ಲ ಸುಲಿಯೆಂದು ಕಳುಹಿಕೊಟ್ಟು ||

ಹೋಗೆಂದು ರಂಗನ ಕಳುಹಿಕೊಟ್ಟು, ಗೋಪಿ
ಆಗ ಭೋಗಂಗಳೆಲ್ಲ ತುಂಬಿಕೊಟ್ಟು
ನಿಗಮಗೋಚರನೆಂಬ ಪೆಸರನಿಟ್ಟು, ಗೋಪಿ
ಪುರಂದರವಿಠಲನ್ನ ಬೆಳೆಸಿಬಿಟ್ಟು ||

Helidare namma mele yakamma sittu inthagadigara
Magana padeda mele nivishtu ||pa.||

Sanna rumalu katti cunga bittu panege
Bannisi kasturi tilakavannittu
Cinnikolu chendu bugari kaiyalittu posa
Benneya mellu hogendu kaluhibittu ||1||

Karedu kaiyalli citte bella kottu cikka
Haralu kallugalanne arisikottu
Varigeya pundarannu madikottu gopi
Uranella suliyendu kaluhisikottu ||2||

Hogendu rangana kaluhikottu gopi
Agabogangalella tumbikottu
Nigamagocharanemba pesaranittu gopi
Purandaravithalanna belesibittu ||3||

ಕೇಳಲೊಲ್ಲನೆ ಎನ್ನ ಮಾತನು ರಂಗ   ॥ಪ॥

ಕಾಳಿಯಮರ್ದನ ಕೃಷ್ಣಗೆ
ಪೇಳೆ ಗೋಪ್ಯಮ್ಮ ಬುದ್ಧಿ        ॥ಅ.ಪ॥

ಬಿಟ್ಟ ಕಂಗಳ ಮುಚ್ಚಲೊಲ್ಲನೆ ಬೇಗ
ಬೆಟ್ಟಕ್ಕೆ ಬೆನ್ನೊಡ್ಡಿ ನಿಂತನೆ
ಸಿಟ್ಟಿಸಿ ಕೋರೆ ಹಲ್ಲ ತೋರ್ದನೆ ಅತಿ
ಗಟ್ಟಿ ಉಕ್ಕಿನ ಕಂಭವನೊಡೆದು ಬಂದನೆ ॥೧॥

ಮೂರಡಿ ಭೂಮಿಯ ಬೇಡಿದನೆ ಅರಸರ
ಬೇರ ಕಡಿಯೆ ಕೊಡಲಿ ತಂದನೆ
ನಾರ ಸೀರೆಯನಿಟ್ಟುಕೊಂಡನೆ ಬೇಗ
ಚೋರತನದಿ ಹರವಿ ಹಾಲ ಕುಡಿದನಮ್ಮ  ॥೨॥

ಬತ್ತಲೆ ನಾರಿಯರನಪ್ಪಿದ ಬೇಗ
ಉತ್ತಮ ಅಶ್ವವ ಹತ್ತಿದ
ಹತ್ತವತಾರವ ತಾಳಿದ ನಮ್ಮ
ದಿಟ್ಟ ಮೂರುತಿ ಪುರಂದರ ವಿಠಲ   ॥೩॥

Kelalollane enna matanu ranga ||pa||

Kaliyamardana krushnage
Pele gopyamma buddhi ||a.pa||

Bitta kangala muccalollane bega
Bettakke bennoddi nintane
Sittisi kore halla tordane ati
Gatti ukkina kambavanodedu bandane ||1||

Muradi bumiya bedidane arasara
Bera kadiye kodali tandane
Nara sireyanittukondane bega
Choratanadi haravi hala kudidanamma ||2||

Battale nariyaranappida bega
Uttama asvava hattida
Hattavatarava talida namma
Ditta muruti purandara vithala ||3||