ನೋಡೆಲೆ ಮನವೆ ಕೊಂಡಾಡು ಗುರುಗಳ ಪಾದ-ಈಡು ಇಲ್ಲವೊ ಪುಣ್ಯಕೆ            || ಪ ||
ನಾಡೊಳಗೆ ಗುರುರಾಘವೇಂದ್ರ ರಾಯರ ಸೇವೆ-ಮಾಡಿದವ ಪರಮ ಧನ್ಯ – ಮಾನ್ಯ        || ಅ ||

ನಿಷ್ಠೆಯಿಂದಲಿ ಸ್ಮರಿಸೆ ಕಷ್ಟಗಳು ದೂರ ಮನೋ-ಭೀಷ್ಟಗಳ ಪೂರೈಪರೋ
ಅಷ್ಟಸೌಭಾಗ್ಯವನೆ ಕೊಟ್ಟು ಸುಜನರಿಗೆ ಶ್ರೀ-ವಿಷ್ಣುದಾಸ್ಯವ ತೋರ್ಪರೋ
ದೃಷ್ಟಿಯಿಂದಲಿ ನೋಡಲನೇಕ ಜನ್ಮದ ಪಾಪ-ಬಿಟ್ಟು ಪೋಪವೊ ಕ್ಷಣದಲಿ
ಎಷ್ಟು ಹೇಳಲಿ ಇವರ ನಿಷ್ಠ ಮಹಾತ್ಮ್ಯೆಯನು-ದುಷ್ಟರಿಗೆ ದೊರೆಯದಿವರ ಸೇವಾ            || ೧ ||

ಹಲವು ಕ್ಷೇತ್ರಗಳೇಕೆ ಹಲವು ತೀರ್ಥಗಳೇಕೆ-ಫಲ ಸುಲಭದಲ್ಲಿರಲು
ಬಲವು ಇದ್ದದ್ದರೊಳು ಪ್ರದಕ್ಷಿಣೆ ಸುಪದಜಲ-ತಲೆಯಲ್ಲಿ ಧರಿಸಿ ನಿತ್ಯ
ಮಲರಹಿತನು ಆಗಿ ದಂಡಪ್ರಣಾಮವ ಮಾಡೆ-ಒಲಿವರು ಕರುಣದಲಿ ಬೇಗ
ಜಲಜನಾಭನು ನಾಲ್ಕುರೂಪದಿಂದಿವರಲ್ಲಿ-ಸಿಲುಕಿ ಪೂಜೆಯಗೊಂಬ ಸತತ – ಮೋಕ್ಷದಾತಾ    || ೨ ||

ಹರಿದಾಸರಿದ್ದ ಸ್ಥಳ ವರಕಾಶಿ ಮೊದಲಾದ-ಕುರುಕ್ಷೇತ್ರಕಿಂತಧಿಕವೋ
ಸುರ ಋಷಿ ಮುನಿಗಳು ಇಲ್ಲಿಹರು ವೈಕುಂಠ-ಸರಿಮಿಗಿಲು ಎಂದೆನಿಪುದೋ
ಪರಮ ಸುಜ್ಞಾನಿಗಳಿಗೀ ಫಲವು ದೊರಕುವುದು-ತರತಮದಿ ಇತರ ಜನಕೆ
ಗುರುಶ್ರೀಶವಿಠ್ಠಲನು ಇವರ ರೂಪನಾಮದಲಿ-ಪರಿಪರಿಯ ವರವಗರೆವಾ – ಪೊರೆವಾ        || ೩ ||

Nodele manave kondadu gurugala pada-idu illavo punyake || pa ||

Nadolage gururaghavendra rayara seve-madidava parama dhanya – manya || a ||

Nishtheyindali smarise kashtagalu dura mano-bishtagala puraiparo
Ashtasaubagyavane kottu sujanarige sri-vishnudasyava torparo
Drushtiyindali nodalaneka janmada papa-bittu popavo kshanadali
Eshtu helali ivara nishtha mahatmyeyanu-dushtarige doreyadivara seva || 1 ||

Halavu kshetragaleke halavu tirthagaleke-Pala sulabadalliralu
Balavu iddaddarolu pradakshine supadajala-taleyalli dharisi nitya
Malarahitanu Agi dandapranamava made-olivaru karunadali bega
Jalajanabanu nalkurupadindivaralli-siluki pujeyagomba satata – mokshadata || 2 ||

Haridasaridda sthala varakasi modalada-kurukshetrakimtadhikavo
Sura rushi munigalu illiharu vaikuntha-sarimigilu endenipudo
Parama suj~janigaligi Palavu dorakuvudu-taratamadi itara janake
Gurusrisaviththalanu ivara rupanamadali-paripariya varavagareva – poreva || 3 ||

ವೃಂದಾವನದಲಿ ರಾಜಿಪ ಯತಿವರನ್ಯಾರೇ ಪೇಳಮ್ಮಯ್ಯ            || ಪ ||
ಇಂದಿರೆಯನರಸನ ಚಂದದಿ ಭಜಿಸುವ
ಕುಂದುರಹಿತ ರಾಘವೇಂದ್ರ ಕಾಣಮ್ಮ            || ಅ ||

ಮಂತ್ರಾಲಯಕೃತಮಂದಿರನೆನಿಸುವನ್ಯಾರೇ ಪೇಳಮ್ಮಯ್ಯ
ತಂತ್ರದೀಪಿಕಾ ಗ್ರಂಥಕರ್ತನ್ಯಾರೇ ಪೇಳಮ್ಮಯ್ಯ
ಕಂತುಪಿತನ ಸತ್ಪಂಥದಿ ಭಜಿಸುವನ್ಯಾರೇ ಪೇಳಮ್ಮಯ್ಯ
ಚಿಂತಿತಫಲದ ದುರಂತಶಕ್ತ ಜಯವಂತ ನೀತ ಅಘಶಾಂತ ಕಾಣಮ್ಮ        || ೧ ||

ಶ್ರೀಸುಧೀಂದ್ರಕರಕಮಲಜನೆನಿಸುವನ್ಯಾರೇ ಪೇಳಮ್ಮಯ್ಯ
ತಾ ಸ್ವಪ್ನದಿ ಮಂತ್ರಾಕ್ಷತೆ ಕೊಡುತಿಹನ್ಯಾರೇ ಪೇಳಮ್ಮಯ್ಯ
ಆಶುಗಮನಮತ ಸ್ಥಾಪಕನೆನಿಸುವನ್ಯಾರೇ ಪೇಳಮ್ಮಯ್ಯ
ಭಾಸುರಜ್ಞಾನ ವಿಶೇಷವಾಗಿ ಹರಿದಾಸ್ಯವ ಪಡೆದ ಯತೀಶ ಕಾಣಮ್ಮ    || ೨ ||

ಧಾರುಣಿಪತಿಸುತೆ ತೀರದಿ ನೆಲೆಸಿಹನ್ಯಾರೇ ಪೇಳಮ್ಮಯ್ಯ
ಸಾರಿದ ಭಜಕರ ಬಾರಿಗೆ ಪೊರೆಯುವನ್ಯಾರೇ ಪೇಳಮ್ಮಯ್ಯ
ಕಾರುಣ್ಯನಿಧಿ ಅಪಾರ ಮಹಿಮನಿವನ್ಯಾರೇ ಪೇಳಮ್ಮಯ್ಯ
ನಾರಾಯಣ ತಂದೆಶ್ರೀಪತಿವಿಠ್ಠಲನ ಆರಾಧಿಪ ರಾಘವೇಂದ್ರ ಕಾಣಮ್ಮ        || ೩ ||

Vrundavanadali rajipa yativaranyare pelammayya || pa ||

Indireyanarasana chandadi Bajisuva
Kundurahita raghavendra kanamma || a ||

Mantralaya krutamandiranenisuvanyare pelammayya
Tantradipika gramthakartanyare pelammayya
Kantupitana satpamthadi bajisuvanyare pelammayya
Chintitapalada durantasakta jayavanta nita agasanta kanamma || 1 ||

Srisudhindra karakamala janenisuvanyare pelammayya
Ta svapnadi mantrakshate kodutihanyare pelammayya
Asugamanamata sthapakanenisuvanyare pelammayya
Basuraj~jana viseshavagi haridasyava padeda yatisa kanamma || 2 ||

Dharunipatisute tiradi nelesihanyare pelammayya
Sarida Bajakara barige poreyuvanyare pelammayya
Karunyanidhi apara mahimanivanyare pelammayya
Narayana tande sripativiththalana aradhipa raghavendra kanamma || 3 ||

ನೆರೆನಂಬಿ ಪಡೆಯಿರೋ – ಸ್ಥಿರವಾದ ಕರುಣವ
ಗುರುರಾಘವೇಂದ್ರರಾಯರ ಚಾರುಚರಣವ            || ಪ ||

ವರದಂಷ್ಟ್ರಜಲಸುತ್ಸರಿತ ತೀರದಿ ನಿಂದು
ಶರಣರ ದುರಿತವ ತರಿದು ಕಾಯ್ವನೆಂದು        || ೧ ||

ಕರವ ಮುಗಿದು ಬಂದ ಪರಮ ಪಾಮರರಾ
ಪೊರೆವ ಕರುಣ ಕೃಪಾಕರಯತಿವರರ                || ೨ ||

ಶ್ರೀಶಕೇಶವವಿಠ್ಠಲೇಶನ ದೂತ
ರಾಸೆ ಪೂರೈಸುವ ಗುಣನಿಧಿ ಸತತ            || ೩ ||

Nerenambi padeyiro – sthiravada karunava
Gururaghavendrarayara carucaranava || pa ||

Varadamshtrajalasutsarita tiradi nindu
Saranara duritava taridu kayvanendu || 1 ||

Karava mugidu banda parama pamarara
Poreva karuna krupakarayativarara || 2 ||

Srisakesavaviththalesana duta
Rase puraisuva gunanidhi satata || 3 ||

ಭೋ ಯತಿ ವರದೇಂದ್ರ – ಶ್ರೀಗುರುರಾಯ ರಾಘವೇಂದ್ರ        || ಪ ||
ಕಾಯೋ ಎನ್ನ ಶುಭಕಾಯ ಭಜಿಸುವೆನು – ಕಾಯೋ ಮಾಯತಮಕೆ ಚಂದ್ರಾ            || ಅ ||

ಕಂಡ ಕಂಡ ಕಡೆಗೆ ತಿರುಗಿ – ಬೆಂಡಾದೆನೋ ಕೊನೆಗೆ
ಕಂಡ ಕಂಡವರ ಕೊಂಡಾಡುತ ನಿಮ್ಮ – ಕಂಡೆ ಕಟ್ಟ ಕಡೆಗೆ                || ೧ ||

ನೇಮವು ಎನಗೆಲ್ಲೀ ಇರುವುದು – ಕಾಮಾಧಮನಲ್ಲಿ
ಭೋ ಮಹಾಮಹಿಮನೆ ಪಾಮರ ನಾ – ನಿಮ್ಮ ನಾಮವೊಂದೆ ಬಲ್ಲೆ            || ೨ ||

ಮಂತ್ರವ ನಾನರಿಯೇ – ಶ್ರೀಮನ್ಮಂತ್ರಾಲಯ ಧೊರೆಯೆ
ಅಂತರಂಗದೊಳು ನಿಂತು ಪ್ರೇರಿಸುವ – ಅನಂತಾದ್ರೀಶ ನಾನರಿಯೆ            || ೩ ||

BO yati varadendra – srigururaya ragavendra || pa ||

Kayo enna subakaya Bajisuvenu – kayo mayatamake chandra || a ||

Kanda kanda kadege tirugi – bendadeno konege
Kanda kandavara kondaduta nimma – kande katta kadege || 1 ||

Nemavu enagelli iruvudu – kamadhamanalli
BO mahamahimane pamara na – nimma namavonde balle || 2 ||

Mantrava nanariye – srimanmantralaya dhoreye
Antarangadolu nintu prerisuva – anantadrisa nanariye || 3 ||

ಬಂದಾನು ರಾಘವೇಂದ್ರ ಇಂದಿಲ್ಲಿಗೆ                  || ಪ ||
ಕಂದನ ಮೊರೆ ಕೇಳಿ ಜನನಿಯು ಬರುವಂತೆ        || ಅ ||

ಗಜವೇರಿ ಬಂದಾ – ಜಗದಿ ತಾ ನಿಂದಾ
ಅಜಪಿತ ರಾಮನ ಪದಾಬ್ಜ ಸ್ಮರಿಸುತಲಿ          || ೧ ||

ಹರಿಯ ಕುಣಿಸುತ ಬಂದ – ನರಹರಿ ಪ್ರಿಯ ಬಂದಾ
ಶರಣಾಗತರನು ಕರವಪಿಡಿವೆನೆಂದು                  || ೨ ||

ಪ್ರಲ್ಹಾದ ವ್ಯಾಸಮುನೀಂದ್ರ – ರಾಘವೇಂದ್ರ
ನಿಲಿಸುತ ಮನವ ಮಧ್ವೇಶವಿಠ್ಠಲನಲ್ಲಿ            || ೩ ||

Bandanu raghavendra indillige || pa ||

Kandana more keli jananiyu baruvante || a ||

Gajaveri banda – jagadi ta ninda
Ajapita ramana padabja smarisutali || 1 ||

Hariya kunisuta banda – narahari priya banda
Saranagataranu karavapidivenendu || 2 ||

Pralhada vyasamunindra – raghavendra
Nilisuta manava madhvesaviththalanalli || 3 ||

ಬಂದ ದುರಿತಗಳ ಕಳೆಯೊ – ತಂದೆ ಗುರುರಾಯ
ಕಂದನ ಭವಣೆಯ ಇಂದು ನೋಡದಿರಯ್ಯ        || ಪ ||

ನಿನ್ನ ಹೃದಯವಾಸಿ ನರಹರಿಯ ನಾಮವನು
ಅನುದಿನವು ಬಿಡದೆ ಭಜಿಸುತಿರಲು
ಇನಕಂಡ ಹಿಮದಂತೆ ತನುಬಾಧೆ ಓಡುವುದು
ಅನುಭವಕೆ ತಂದುಕೊಡುವ ಮುನಿಶಿಖಾಮಣಿಯೆ    || ೧ ||

ನಿನ್ನ ಬಾಧೆಯು ಶ್ರೀ ನರಹರಿಯು ಸಹಿಸದೆಲೆ
ಸನ್ನುತದಿ ಬಂದಂತೆ ಸುಧೀಂದ್ರ ಕರಜ
ಖಿನ್ನನಾಗಿಪ್ಪೆನ್ನ ಚೆನ್ನಾಗಿ ಸಲಹಯ್ಯ
ಅನ್ಯನೆನಿಸದೆಲೆ ಶ್ರೀಮೋದಾರ್ಯಮತಚಂದ್ರ        || ೨ ||

ಪ್ರಲ್ಹಾದನೆಂದೆನಿಸಿ ತಂದೆ ಶಾಪವ ಕಳೆದ
ಒಳ್ಳೆ ಶಾಸ್ತ್ರವ ಪೇಳಿ ಓಡಿಸಿದೆ ಮಾಯಿಗಳ
ಬಲ್ಲಿದ ಮಧ್ವೇಶವಿಠ್ಠಲನ ಕೀರುತಿಯ
ಮೇಲಾಗಿ ಪೊಗಳುವ ಮಂತ್ರಾಲಯವಾಸಿ    || ೩ ||

Banda duritagala kaleyo – tande gururaya
Kandana bavaneya indu nodadirayya || pa ||

Ninna hrudayavasi narahariya namavanu
Anudinavu bidade Bajisutiralu
Inakanda himadante tanubadhe oduvudu
Anubavake tandukoduva munisikamaniye || 1 ||

Ninna badheyu sri narahariyu sahisadele
Sannutadi bandante sudhindra karaja
Kinnanagippenna chennagi salahayya
Anyanenisadele srimodaryamatachandra || 2 ||

Pralhadanendenisi tande sapava kaleda
Olle sastrava peli odiside mayigala
Ballida madhvesaviththalana kirutiya
Melagi pogaluva mantralayavasi || 3 ||

ಗುರು ರಾಘವೇಂದ್ರನೆ ಕರುಣಿ ನೋಡಬಾರದೆ
ಮೊರೆ ಯಾರಿಗಿಡಲೋ ಕರುಣಾಶರಧೇ        || ಪ ||

ಸ್ಮರಿಸಿದವರ ಪೊರೆವೆನೆಂಬ ಬಿರುದು ನಿನ್ನದೆ
ವರ ಶರಣರ ಕಲ್ಪತರುವೆ ಎನ್ನ್ಯಾಕೆ ಮರೆತೆ    || ೧ ||

ಕರವ ಮುಗಿದು ನಮಿಸಿ ನಿಮಗೆ ಬಾಯಿ ತೆರೆದೆ ಇದು
ಸರಿಯೆ ನಿನ್ನ ಮನಸು ಲೇಶವಾದರು ಕರಗದೆ        || ೨ ||

ಸತತ ಎನ್ನವಗುಣಗಳನ್ನು ಮನಕೆ ತಾರದೆ ನೀ ಬಂದು
ಪೊರೆಯೊ ರಘುನಾಥವಿಠ್ಠಲನ ಕೃಪೆಯು ಬಾರದೆ    || ೩ ||

Guru ragavendrane karuni nodabarade
More yarigidalo karunasaradhe || pa ||

Smarisidavara porevenemba birudu ninnade
Vara saranara kalpataruve ennyake marete || 1 ||

Karava mugidu namisi nimage bayi terede idu
Sariye ninna manasu lesavadaru karagade || 2 ||

Satata ennavagunagalannu manake tarade ni bandu
Poreyo ragunathaviththalana krupeyu barade || 3 ||