laali sri hayavadhana

ಲಾಲಿ ಶ್ರೀ ಹಯವದನ ಲಾಲಿ ರಂಗ ವಿಠಲ
ಲಾಲಿ ಗೋಪಿನಾಥ ಲಕ್ಷ್ಮೀ ಸಮೇತ||pa||

ಮುತ್ತು ಮಾಣಿಕ ಬಿಗಿದ ತೊಟ್ಟಿಲೊಳಗೊಲ್ಲ
ಎತ್ತಿದರು ಎನ್ನಯ ಕೈಯೊಳಗೆ ನಿಲ್ಲ|
ಭಕ್ತರಿಗೆ ವರಗಳನು ಕೊಡುವ ಹೊತ್ತಿಲ್ಲ
ಪುತ್ರನ ಎತ್ತಿಕೊ ನಂದಗೋಪಾಲ||1||

ಮನೆಯೊಳಗೆ ಇರನೀತ ಬಹು ರಚ್ಚೆವಂತ
ಮನೆವಾರ್ತೆ ಯಾರು ಮಾಡುವರು ಶ್ರೀಕಾಂತ|
ಗುಣ ಗುಣಗಳೊಳಗಿಪ್ಪ ಬಹು ಗುಣವಂತ
ಗುಣ ಬದ್ಧ ನಾಗದಿಹ ಶ್ರೀ ಲಕ್ಷ್ಮೀಕಾಂತ||2||

ಕ್ಷೀರಾಂಬು ನಿಧಿಯೊಳಗೆ ಸಜ್ಜೆಯೊಳಗಿರುವ
ಶ್ರೀ ರಮಣ ಭಕ್ತರಿಚ್ಚೆಗೆ ನಲಿದು ಬರುವ|
ಕಾರುಣ್ಯ ಹಯವದನ ಕಾಯ್ವ ತುರುಕರುವ
ನೀರೆ ಗೋಪಿಯರೊಳು ಮೆರೆವ ಕಡು ಚೆಲುವ||3||

lAli SrI hayavadana lAli ranga viThala
lAli gOpinAtha lakShmI samEta||pa||

muttu mANika bigida toTTiloLagolla
ettidaru ennaya kaiyoLage nilla|
Baktarige varagaLanu koDuva hottilla
putrana ettiko nandagOpAla||1||

maneyoLage iranIta bahu raccevanta
manevArte yAru mADuvaru SrIkAnta|
guNa guNagaLoLagippa bahu guNavanta
guNa baddha nAgadiha SrI lakShmIkAnta||2||

kShIrAMbu nidhiyoLage sajjeyoLagiruva
SrI ramaNa Baktariccege nalidu baruva|
kAruNya hayavadana kAyva turukaruva
nIre gOpiyaroLu mereva kaDu celuva||3||