Bavisamira guru sri vadiraja

ಭಾವಿಸಮೀರ ಗುರು ಶ್ರೀ ವಾದಿರಾಜ
ನಿಮ್ಮ ಸೇವಿಪ ಜನರಿಗಭೀಷ್ಟವನೀವ ||pa||

ಹನುಮ ಭೀಮ ಮಧ್ವರೊಡಗೂಡಿ ವೃಂದಾವನ-
ದೊಳು ಮೆರಸುವ ಮುಂದಿನ ಸೊಬಗ
ಪಂಥದಿ ವೀರಶೈವರ ಗುರುವನೆ ಗೆದ್ದು
ಹತ್ತಿದೆ ಮುತ್ತಿನ ದಿವ್ಯ ಪೀಠವನು ||1||

ಕುಂಡಿನೇಶನ ತನುಜಾತೆಯ ಪತ್ರವ
ಪುಂಡರೀಕಾಕ್ಷನಿಗರ್ಪಿಸಿದ್ಯಲ್ಲೋ
ಮದುವೆಯ ಸಮಯದಿ ಶಪಥದಿಂದಲಿ ಬಂದು
ವಧುವಿನ ಭಾಗ್ಯವನುಳಿಸಿದೆಯಲ್ಲೋ ||2||

ಅರಿತುಂಡು ವಿಷವ ನೀನರಗಿಸಿಕೊಂಡ್ಯಲ್ಲೊ
ನರಪತಿತನಯನ ಬದುಕಿಸಿದ್ಯಲ್ಲೋ
ಭಜಿಸುತ ರಾಜೇಶ ಹಯಮುಖನಂಘ್ರಿಯ
ತ್ರಿಜಗದೊಳಧಿಕ ಸೋದಾಪುರದೊಳು ನಿಂದ್ಯೋ ||3||

Bavisamira guru sri vadiraja
Nimma sevipa janarigabishtavaniva ||pa||

Hanuma bima madhvarodagudi vrundavana-
Dolu merasuva mundina sobaga
Panthadi virasaivara guruvane geddu
Hattide muttina divya pithavanu ||1||

Kundinesana tanujateya patrava
Pundarikakshanigarpisidyallo
Maduveya samayadi Sapathadindali bandu
Vadhuvina bagyavanulisideyallo ||2||

Aritundu vishava ninaragisikondyallo
Narapatitanayana badukisidyallo
Bajisuta rajesa hayamukanangriya
Trijagadoladhika sodapuradolu nindyo ||3||