Grantha Malika Stotram

Grantha Malika Stotram of Sri Vyasaraja Theertha, with 16 Versus, lists the 37 Works of Sri Acharya Madhwa.
|| ಶ್ರೀಗ್ರಂಥಮಾಲಿಕಾಸ್ತೋತ್ರಮ್ ||

ಕೃಷ್ಣಂ ವಿದ್ಯಾಪತಿಂ ನತ್ವಾ ಪೂರ್ಣಬೋಧಾದಿಸದ್ಗುರೂನ್ |
ಜಯತೀರ್ಥಮುನೀನ್ ನತ್ವಾ ವಕ್ಷ್ಯೇsಹಂ ಗ್ರಂಥಮಾಲಿಕಾಮ್ || ೧ ||

ನಾರಾಯಣೇನ ವ್ಯಾಸೇನ ಪ್ರೇರಿತಸ್ತತ್ತ್ವಸಂವಿದೇ |
ಗ್ರಂಥಾನ್ ಮಧ್ವಶ್ಚಕಾರಾಸೌ ಸಪ್ತತ್ರಿಂಶದಮಂದಧೀಃ || ೨ ||

ಗೀತಾಭಾಷ್ಯಂ ವಿಧಾಯಾದೌ ಪ್ರಥಮಂ ತುಷ್ಟಿದಂ ಹರೇಃ |
ಭಾಷ್ಯ-ಅಣುಭಾಷ್ಯೇ ಚಕ್ರೇsಥ ಹ್ಯನುವ್ಯಾಖ್ಯಾನಮುತ್ತಮಮ್ || ೩ ||

ಪ್ರಮಾಣಲಕ್ಷಣಂ ನಾಮ ಕಥಾಲಕ್ಷಣ-ಸಂಜ್ಞಿಕಮ್ |
ಉಪಾಧಿಖಂಡನಂ ಚಕ್ರೇ ಮಾಯಾವಾದಸ್ಯ ಖಂಡನಮ್ || ೪ ||

ಚಕ್ರೇ ಪ್ರಪಂಚಮಿಥ್ಯಾತ್ವಮಾನಖಂಡನ ಮುಚ್ಚಧೀಃ |
ಚಕಾರ ತತ್ತ್ವಸಂಖ್ಯಾನಂ ಸಾಧನಂ ವಿಷ್ಣುದರ್ಶನೇ || ೫ ||

ಗ್ರಂಥಂ ತತ್ತ್ವವಿವೇಕ-ಆಖ್ಯಂ ತತ್ತ್ವೋದ್ಯೋತಂ ಹರೇಃ ಪ್ರಿಯಮ್ |
ಕರ್ಮನಿರ್ಣಯನಾಮಾನಂ ಗ್ರಂಥಂ ನ್ಯಾಯಾರ್ಥಬೃಂಹಿತಮ್ || ೬ ||

ಸುಖತೀರ್ಥಯತಿಶ್ಚಕ್ರೇ ವಿಷ್ಣುತತ್ತ್ವನಿರ್ಣಯಮ್ |
ಋಗ್ಭಾಷ್ಯಂ ಚ ಚಕಾರಾಸೌ ಸರ್ವವೇದಾರ್ಥನಿರ್ಣಯಮ್ || ೭ ||

ಐತರೇಯಂ ತೈತ್ತಿರೀಯಂ ಬೃಹದಾರಣ್ಯಕ ಮೇವ ಚ |
ಈಶಾವಾಸ್ಯಂ ಕಾಠಕಂ ಚ ಛಾಂದೋಗ್ಯಾ-ಅಥರ್ವಣೇ ತಥಾ || ೮ ||

ಮಾಂಡೂಕ್ಯಂ ನಾಮ ಷಟ್ಪ್ರಶ್ನಂ ತಥಾ ತಲವಕಾರಕಮ್ |
ಚಕ್ರೇ ಭಾಷ್ಯಾಣಿ ದಿವ್ಯಾನಿ ದಶೋಪನಿಷದಾಂ ಗುರುಃ || ೯ ||

ನಿರ್ಣಯಂ ಸರ್ವಶಾಸ್ತ್ರಾಣಾಂ ಗೀತಾತಾತ್ಪರ್ಯ ಸಂಜ್ಞಕಮ್ |
ಸಂನ್ಯಾಯವಿವೃತಿಂ ನಾಮ ನ್ಯಾಯಶಾಸ್ತ್ರನಿಕೃಂತನಮ್ || ೧೦ ||

ನರಸಿಂಹನಖಸ್ತೋತ್ರಂ ಚಕ್ರೇ ಯಮಕಭಾರತಮ್ |
ದ್ವಾದಶಸ್ತೋತ್ರಮಕರೋತ್ ಕೃಷ್ಣಾಮೃತಮಹಾರ್ಣವಮ್ || ೧೧ ||

ತಂತ್ರಸಾರಂ ಚಕಾರಾಸೌ ಸದಾಚಾರಸ್ಮೃತಿಂ ಸುಧೀಃ |
ಶ್ರೀಮದ್ಭಾಗವತಸ್ಯಾಪಿ ತಾತ್ಪರ್ಯಂ ಜ್ಞಾನಸಾಧನಮ್ || ೧೨ ||

ಮಹಾಭಾರತತಾತ್ಪರ್ಯನಿರ್ಣಯಂ ಸಂಶಯಚ್ಛಿದಮ್ |
ಯತಿಪ್ರಣವಕಲ್ಪಂ ಚ ಪ್ರಣವಾರ್ಥಪ್ರಕಾಶಕಮ್ || ೧೩ ||

ಜಯಂತೀನಿರ್ಣಯಂ ಚಕ್ರೇ ದೇವಕೀಗರ್ಭಜನ್ಮನಃ |
ಕೃಷ್ಣಸ್ಯ ಕೃಷ್ಣಭಕ್ತೋsಯಂ ದ್ವೈಪಾಯನಕರಾಬ್ಜಭೂಃ || ೧೪ ||

ತ್ರಿಂಶತ್ಸಹಸ್ರಸಂಖ್ಯಾಕಂ ದ್ವ್ಯಧಿಕಂ ತುಷ್ಟಿದಂ ಹರೇಃ |
ಏತೇಷಾಂ ಪಾಠಮಾತ್ರೇಣ ಮಧ್ವೇಶಃ ಪ್ರೀಯತೇ ಹರಿಃ || ೧೫ ||

ವ್ಯಾಸತೀರ್ಥಯತಿರ್ನಾಮ ಮಧ್ವಗ್ರಂಥಾನುಕೀರ್ತನಮ್ |
ಕೃತವಾನ್ ಜ್ಞಾನಮಾತ್ರೇಣ ಪ್ರೀಯತೇ ಕಮಲಾಪತಿಃ || ೧೬ ||

|| ಇತಿ ಶ್ರೀವ್ಯಾಸರಾಜತೀರ್ಥಕೃತಂ ಶ್ರೀಗ್ರಂಥಮಾಲಿಕಾಸ್ತೋತ್ರಮ್ ||

---

Krushnam vidyapatim natva purnabodhadisadgurun |
jayatirthamunin natva vakshye&ham gramthamalikam || 1 ||

narayanena vyasena preritastattvasamvide |
granthan madhvascakarasau saptatrimsadamandadhih || 2 ||

gitabashyam vidhayadau prathamam tushtidam hareh |
bashya-anubashye cakre&tha hyanuvyakyanamuttamam || 3 ||

pramanalakshanam nama kathalakshanasanj~jikam |
upadhikandanam cakre mayavadasya kandanam || 4 ||

chakre prapancamithyatvamanakandanamuccadhih |
chakara tattvasankyanam sadhanam vishnudarsane || 5 ||

grantham tattvavivekakyam tattvodyotam hareh priyam |
karmanirnayanamanam grantham nyayarthabrumhitam || 6 ||

sukatirthayatiscakre vishnutattvanirnayam |
rugbashyam cha chakarasau sarvavedarthanirnayam || 7 ||

aitareyam taittiriyam bruhadaranyameva ca |
isavasyam kathakam ca chandogyatharvane tatha || 8 ||

mandukyam nama shatprasnam tatha talavakarakam |
chakre bashyani divyani dasopanishadam guruh || 9 ||

nirnayam sarvasastranam gitatatparyasamj~jakam |
samnyayavivrutim nama nyayasastranikrumtanam || 10 ||

narasimhanakastotram chakre yamakabaratam |
dvadasastotramakarot krushnamrutamaharnavam || 11 ||

tantrasaram cakarasau sadacarasmrutim sudhih |
srimadbagavatasyapi tatparyam j~janasadhanam || 12 ||

mahabaratatatparyanirnayam samsayaccidam |
yatipranavakalpam ca pranavarthaprakasakam || 13 ||

jayamtinirnayam chakre devakigarbajanmanah |
krushnasya krushnabakto&yam dvaipayanakarabjabuh || 14 ||

trimsatsahasrasankyakam dvyadhikam tushtidam hareh |
etesham pathamatrena madhvesah priyate harih || 15 ||

vyasatirthayatirnama madhvagranthanukirtanam |
krutavan j~janamatrena priyate kamalapatih || 16 ||

|| iti srivyasarajatirthakrutam srigranthamalikastotram ||