Smarane onde salade

ಸ್ಮರಣೆ ಒಂದೇ ಸಾಲದೆ ಗೋವಿಂದನ
ನಾಮ ಒಂದೇ ಸಾಲದೆ                               ||ಪ||

ಪರಮ ಪುರುಷನನ್ನು ನೆರೆ ನಂಬಿದವರಿಗೆ
ದುರಿತ ಬಾಧೆಗಳ ಗುರುತು ತೋರುವುದೆ        ||ಅ.ಪ||

ಕಡು ಮೂರ್ಖನಾದರೇನು ದುಷ್ಕರ್ಮದಿಂ
ತೊಡೆದಾತನಾದರೇನು
ಜಡನಾದರೇನಲ್ಪಜಾತಿಯಾದರೇನು
ಬಿಡದೆ ಪ್ರಹ್ಲಾದನ್ನ ಸಲಹಿದ ಹರಿಯ               ||೧||

ಪಾತಕಿಯಾದರೇನು ಸರ್ವಪ್ರಾಣಿ
ಘಾತಕಿಯಾದರೇನು
ನೀತಿಯ ಬಿಟ್ಟು ದುಷ್ಕರ್ಮಿಯಾದರೇನು
ಪ್ರೀತಿಯಿಂದಜಾಮಿಳನ ಸಲಹಿದ ಹರಿಯ        ||೨||

ಸಕಲ ತೀರ್ಥಯಾತ್ರೆಯ ಮಾಡಿದಂಥ
ನಿಖಿಲ ಪುಣ್ಯದ ಫಲವು
ಭಕುತಿ ಪೂರ್ವಕವಾಗಿ ಬಿಡದನುದಿನದಲ್ಲಿ
ಪ್ರಕಟ ಪುರಂದರವಿಠಲನ ನಾಮದ               ||೩||

Smarane onde salade govindana
Nama onde salade ||pa||

Parama purushanannu nere nambidavarige
Durita badhegala gurutu toruvude ||a.pa||

Kadu murkanadarenu dushkarmadim
Todedatanadarenu
Jada nada renalpajatiyadarenu
Bidade prahladanna salahida hariya ||1||

Patakiyadarenu sarvaprani
Gatakiyadarenu
Nitiya bittu dushkarmiyadarenu
Pritiyindajamilana salahida hariya ||2||

Sakala tirthayatreya madidamtha
Nikila punyada Palavu
Bakuti purvakavagi bidadanudinadalli
Prakata purandaravithalana namada ||3||